رواية أحببت من لايبالي الفصل الواحد والخمسون بقلم مجهول
براء : تمددت على السديه ... اجت الدكتوره اخذتلي سونار
الدكتوره : ابتسمت مبروك بيج .... ولد .... هذا شوفي
براء : ابتسمت بفرح تباوع للسونار
مريم : ضحكت الف مبروك حبيبتي
براء : حبيبتي خاله
الدكتوره : تحبين تسمعين دكات كلبه
براء : عينها على الجهاز ... اي حبابه
الدكتوره : سمعي
براء : لمجرد ما سمعت دكات كلبه دمعت عيونها ... ياربي احس دكات كلبه وصلت لكلبي ... ياروحي اروح فدوه لكل دكه يدكها كلبك ... فزيت على صوت الدكتوره
الدكتوره : مسحت بطنها ... نزلي حبيبتي
براء : نزلت التشيرت ونزلت ... كعدنه .. شلون صحة الطفل
الدكتوره : ماشاءالله صحته ممتازه ... بس هم لاتهملين نفسج اكلي خضروات وخليج مستمره على الفيتامينات تفيدج
براء : ابتسمت انشالله ... دفعنه كشفيتها وطلعنه لكينه زين واكف بره ... صعدت خاله مريم بالكدام واني وره
زين : حرك السياره هاا بشرو شكالت الدكتوره
مريم : مابقه شي ووليدك يصير بحضنك انشالله
زين : ابتسم طلع ولد
براء : اي ياالله كون تسمع دكات كلبه تجنن تجنن
زين : ابتسم شيجيبه منتظره بفارغ الصبر
مريم : هانت يمه مابقه شي انشالله جم شهر وابنكم ينور
براء : انشالله
زين : رحت جبت جم حاجه ورجعنه للبيت صفيت السياره ونزلنه دكينه الباب فتحوها ودخلنه لكيناهم كاعدين بالصاله
لؤي : بشرو شطلع
حسن : ولد لو بنيه
مريم : كعدت فاتحه حجابها ولد يمه ولد
لؤي : هااا شكتلكم راح يزود فريقنه نفر
سجاد : مبروك حبيبي ابو الزون
الكل : مبروك
زين : ابتسم الله يبارك بيكم يوم الالكم
قصي : واخزيتااااهه عليك يازين خيبت كل امالي واني عود جنت نافش ريشي بيك واكول راح يسويهم توم تاليها تطلع مرتك حامل بس بولد ... شكد عيب يعني هاري براء من الصبح لليل تالي هو هذا شغلك بس طفل واحد هي هاي رجولتك
زين : جره من شعره ... ببرود ماسمعتك شبيها رجولتي
قصي : ااااخ حديد والله حديد والله مبين من هيئتك زائد انت من ذوي الاحجام الخاصه فتوقعتك تخلف توم ... يعني اذا انت خلفت واحد جاا سجاد شلون بي يمكن حتى مايدبرها بعد جم يوم
سجاد : اكل تبن وانجب منو المايكدر احسن منك
قصي : لك زين عوف شعري
زين : شوف ولك اذا تضل تجفص اطيح حظك نسوان كاعدات الزم الزفت مالتك
سجاد : حييل تستاهل والله فوخت كلبي زين
زين : عاف شعره وكعد
دارين : مبروك زين
زين : شكرا
دارين : لو طالع الطفل بنيه تضوج
زين : شي اكيد لا ... اهم شي عندي تكون صحه الطفل زينه سواء جان ولد او بنيه وكون ما يأثر على صحة امه
خوله : اول مره اشوف واحد يكيف على خلفه البنات جنه قبل الي تخلف بس بنات رجلها يعرس عليها
زين : والله هذا التخلف جان قبل ... اكو ناس تتمنى تشوفلها اظفر طفل تعالي شوفي بالمستشفى الناس تجي تتوسل طالبين يتعالجون بس حتى يجيهم طفل واحنه هنا نتبطر اذا اجتنه بنيه حمدو ربكم وكعدو وسكتو غيركم يعانون
براء : ابتسمت اعشق تفكيره
سجاد : اني بالنسبه الي اريد خلفتي كلها بنات حتى مايجيني واحد صايع مثل قصي
قصي : انجب لك شنو شايفني مثلك ادستر
سجاد : كلب عيونه نيتي صافيه وخطبتها مو مثلك وعدت نص بنات العراق واوروبا تخطبهن وكلشي ماكو
براء : هه خطيه قصي اتمنى الله يرزقه بانسانه تسعده لان هواي تعبته نازك
_______________________
بيت غيث
ناديه : كاعدين نتعشه رحت صحت لروان تجي تتعشه
روان : اجت كعدت بكل هدوء ... تباوع محمد كام من الاكل وصعد فوك
غيث : الحمدلله ... كام دخل للغرفه
روان : تباوع لامها بدموع ... صار اربع اشهر غيث ومحمد ميحاجوها واي مكان تكعد بي يكومون منه محد يحاجيها بالبيت بس امها وهم مو كلش وياها .... تحس نفسها محتقره وغير مرحب بوجودها ... طبعا محد ضربها بس اكتفو انو يمحون وجودها من حياتهم ... حاولت هواي تحاجيهم وتفهمهم الي صار بس محد قبل يستمعلها وهاي صارلها اربع اشهر تعاني من الاحتقار والكرهه الي بنظرات اهل البيت
ناديه : لا تباوعيلي هيج من ايدج وتستاهلين الي صار بيج عبالج الله غافل وراح يخلي سالفتكم مضمومه لنهايه العمر بدون مايكشفها
روان : بدموع ماما والله اني متندمه وعمري وحياتي محفكر ااذي احد وحتى براء صايره احبها واكتشفت تصرفاتي وياها جانت صادره من غيره لا اكثر
ناديه : بأسف شنو ذنبها المكروده وكعت بشر اعمالكم شنو ذبنها تزوجت طفله احمد الله طلع رجلها خوش انسان تخيلي لو رجلها موخوش ادمي شجان راح يصير بيها مافكرتو انو ممكن تنذبح او عمامج يقتلوها بحجه جابتلهم العار او يزوجوها لحسين الي مامخلي مره تعتب عليه ليش يايمه شسوتلج اختج الي بكدها هسه جاي تحظر للسادس مو شايله هم طفل وبيت ورجال
روان : بجت والله العضيم اني اسفه جنت غبيه وبس ردت اخلص منها مفكرت بنتائج افعالي وضربيتها عليه بعدين
ناديه : كامت كل الي اكدر اكوله الج توجهي لربج طلبي السماح والمغفره منه بالاول بلكي يفرج عنج بيوم من الايام ... عافتها وراحت
__________________
بيت ادم
ادم : كعد السلام عليكم حجيه شلونج
ام ادم : هله يمه بعد كلبي ... اكوم اسويلك عشه لو متعشي
ادم : باس ايدها لا حجيه خليج كاعده اني اذا اريد اكوم اسوي لروحي
ام ادم : ولك يمه ليش ما تتزوج مو حتى صديقك الدكتور الصعب تزوج وهسه مرته حامل ... شوكت اشوف جهالك يايمه هالتشوفه اني مره جبيره وبعد جم يوم الله ياخذ امانته منو الك من بعدي اخوتك كلمن ملتهي بحياته ونسوان اخوانك بنات حرام وخيرن اخوتك لو اني لو هنه وللاسف ولد بطني والي حبلت بيهم وكبرتهم ودفعت عمري كله وضليت طفله واربي بيهم بعد ماترملت باعوني بالرخيص
ادم : نام بحضنها ... جاا واني وين رحت انسي ذولاك الجلاب بس اني ابنج وعلى فكره اني جدا فرحان لان ولو وعافونه حتى تبقين بس اليه ومحد يشاركني بيج
ام ادم : ابتسمت ماسحه على شعره لا تغير الموضوع وتتهرب اني اريدك تتزوج
ادم : هاهي يمه سوي الي تردي
ام ادم : يعني اخابر خالتك ونروح باجر نشوفلنه بنيه حلال واذا عجبتنه نخطبها الك
ادم : اني ابالي وحده وخايف اكلج عليها وترحين واهلها مايوافقون وساعتها نتفشل
ام ادم : وعليمن نتفشل هي قسمه وافقو كان بها ماوافقو همه حرين بعد بكيفهم
ادم : تنهد صح كلامك حجيه
ام ادم : طلع الدره وكلي منيه
ادم : اخت زين نجمه
ام ادم : ياا والله عاشت ايدك ورده وحييل حبابه بس تعال ولك انت وين شايفها
ادم : والله يمه ماشايفها غير صدفه ومامركز بيها مجرد كتلج تخطبيها لان اهلها خوش ناس واخوها صديقي الروح بالروح لا اكثر
ام ادم : لا وليدي اني مو قصدي شي بس جاي اسألك شايفها وعاجبتك حتى ذكرتها ... على العموم اني انشالله اخابر خالتك ونروحلهم الصبح لان الزلم بالدوام بهذا الوقت حتى اكدر اتفاهم وياها وهم حتى مانسبب ازعاج الهم نروحلنه ساعه ونطلع خوش
ادم : ابتسم بايس ايدها الله يحفظج ويخليج اليه يابعد عمري يا يمه
ام ادم : شعدي غيرك حبيبي
_____________________
براء : كاعده بغرفتها ولازمه صوره الطفل تباوعلها بكل تمعن وعيونها يلمعن
زين : عاف الموبايل مباوعلها مدري شتباوع وتتبسم .... عقج حواجبه شجاي تشوفين
براء : بابتسامه تعال شوف
زين : كام كعد يمها ... شو يباوع بايدها صوره ابنه بالسونار ابتسم بتوسع
براء : تباوعله ابتسم بهدوء ... خلت راسها على صدره تدري من هسه دافكرله بأسم وقبل شويه بحثت عن اسماء بالانترنت ملكيت اسم يعجبني ... مبالك اسم معين
زين : حضنها دخلي يجي للدنيا بالسلامه وعود الله كريم
براء : باوعلته رافع راسه بحيث مبين فكه ورموشه ... يعني انت ممفكر بأسم لابنه
زين : لا كل واحد يجي للدنيا جايب اسمه ويااه
براء : تدري اني فرحانه لان مطلعت بنيه
زين : ليش شبيها البنيه ؟
براء : حجت مستهضمه اخاف اجيب بنيه وتالي تصير مثلي وتعيش نفس الي عشته ... اخاف اجيبها بنيه ويجي واحد يكرها ويسوي وياها نفس ما سوو ويايه اخاف تصير ضعيفه مثلي والكل يستغلها ومحد يصير الها
زين : مسح دموعها الي فرت بسرعه ... بهدوء اولا الي صار وياج اختبار من رب العالمين ... وثانيا لو الي بطنج بنيه جان مستحيل تشوف يوم واحد من الي شفتي تدرين ليش لان الي يفكر يمس بيت زين ولو حتى بكلمه امه ما جابته اني مو غيث يابراء حتى اصدك كلشي وللمعلومه همه سوو هيج وياج لان يعرفون ابوج ماعنده شخصيه مع احترامي اله فكدرو يستغلون هالنقطه ضدح بس اني لا الي يفكر ياذي شي راجعلي هاي امه داعيه عليه بليله ظلمه
براء : يعني مجنت ضجت لو بنيه
زين : طبعا لا ... شكد حلوو لو بنيه مثلج بطه وحلوه وجماله تجي صغيرونه وناعمه وترفه مثل امها شد على حضنها اضمها بالكنتور ومااخلي واحد يشوفها اخليها بس اليه واكعد العبها وابدللها وابوس اديها الصغار ... هذا جان الي ابالي اسوي لو جان الطفل بنيه فتهمتي
براء : باوعت لعيونه زين انت شخص رائع
زين : باس شفتها ... وجودج بحياتي زادني روعه
براء : حضنة خصره بقوه مقترحه عليه بعض الاشياء الي تخص ابنهم والي صار محور كلامهم من يوم الي حملت
____________________
سجاد : طلعت اليوم رايح لبيت اهل محاسن اريد اشوفها واعرف شنو محتاجه بعد .... دكيت الباب طلعولي امها واخوها دخلوني للاستقبال ضلو كاعدين يسولفون شويه واجتي محاسن سلمت وكعدت اباوعلها لابسه نفنوف بسيط بس طالعه تخبل ... شويه وكامو اي همزين
محاسن : تباوعله .... ما مصدكه هالاشكر راح يصير رجلي
سجاد : كام كعد يمها .... باس خدها شلونج حبيبتي
محاسن : ابتسمت الحمدلله انت شلونك زين
سجاد : زين بالبيت
محاسن : باوعتله اني وتالي ويه تحشيشك
سجاد : ههه مشكلتج تتحمليني جاا غير انتي الماي وايف
محاسن : ضحكت ... اي هسه كلي شعدك جاي
سجاد : يعني هاي طرده لو شنو والله انتي ماتستحين وهاي عود اني اجيت اشوفج لان مشتاقلج بس صدك انتي ماتستاهلين كام اني رايح لبيتنه
محاسن : لزمت ايده بسرعه ... شبيك سجاد والله اشاقه وياك شجاك شنو متعرف شقايه انت
سجاد : يعني كلامج هذا مو طرده
محاسن : لا والله اشاقه ... باست خده اسفه اذا ضوجتك حبي
سجاد : ابتسم اني هم اشاقه شبيج كل عقلج اطلع من بيتكم بدون مااكل كليجه ... اخذ وحده هاي انتي مسويتها
محاسن : ضحكت اي اني
سجاد : يباوعلها نزل القطعه .... تدرين ضحكتج كلش حلوه
محاسن : ابتسمت صدك
سجاد : لزم خصله من شعرها اي وحتى شعرج حلو .... ناويه تصبغي بالعرس
محاسن : على الاكثر اي لان حابه اغير يجوز اصبغه لو درجه افتح لو اسوي لون يناسبني
سجاد : ابتسم اني متأكد راح تطلعين كلش حلوه اذا انتي بدون مكياج وهيج حلوه جاا اذا خليتي شطلعين
محاسن : ابتسمت فديتك حبيبي ماتوقعت روحي هيج حلوه بعيوني
سجاد : لزم خدها ... صدكيني محاسن عمري ما حبيت بنيه صحيح بفتره المراهقه تصير شغلات سخيفه نتندم عليها هسه مثلا اني جنت بالاعداديه احب المدرسه مالتي لان تطيني درجات وماترسبني تخيلي
محاسن : ههه شكد مصلحجي انت
سجاد : ضحك ... اعجبج المهم نرجع لموضوعنه ... شوفي محاسن انت جنت حالف مااتزوج نهائيا الا اذا لكيت وحده تشبه امي ... مو بالشكل ! بس بالروح وامي مستحيل اكو منها ثنين بهالدنيا ... امي تحملت غربه ووحده لخاطر ابويه ...جانت ومازالت مكرسه حياتها النه ولا جن احنه زلم هسه
محاسن : شنو الي شفته بيه يشبهه امك ؟
سجاد : لطافتج ... برائتج ... تحبين نجمه هواي ... تحترمين الكل وماتسكتين على الغلط ... تشبهيني من اكعد وياج احس روحي كاعد ويه صديقي من الطفوله والي يعرف عني كلشي ... واهم من هذا كله احبج لان انتي واضحه ولامره حسيت بيج تصنعتي شخصيه مو الج احب هالصفه بيج .... وبصراحه احب اكلج خرررب يومجججج لسه طعم الفطاير بحلكيييي ماتكومين تسويلي بروح ابوج
محاسن : تباوع بعيونه الي مثل البحر من زراقهن ... همست يعني انت صارلك ساعه تحجي كلام رومنسي بمشاعر جياشه خلتني ارفرف من جماله ... صاحت تاليييييي تنهيييي الكلامممممم بالفطااااااير
سجاد : ضربها بت الكلب صوتج هسه يطبون علينه عبالهم جاي اغتصبج
محاسن : فنك اكسر ايدك غير
سجاد : تكسرين ايدمن ولج
محاسن : بتحدي ايدك
سجاد : تقرب عليها ... هي شافته هيج رجعت لوره القنفه ... تقربلها اكثر بحيث نحصرت بزاويه مامنها مخرج .... قرب وجهه لوجها يعني تتحديني مو
محاسن : هاا
سجاد : ذب روحه عليها ... تدرين بيه احب واحد يتحداني حتى اطيح حظه وافوز عليه ... وانتي تحديتيني شنو رائيج اغتصبج هنا
محاسن : انخفظت انفاسها اكعد راحه سجاد لايطب احد
سجاد : خله خشمه بخدها هامس عادي خلي يطبون رجال ومرته شكو بيها
محاسن : بارتباك عيب سجاد وخر عني
سجاد : اذكرج يم العيب لو ناسيه شسوينه بيوم العقد مو صارت عمليه مصارعه طاحنه هنا ... اله شويه جان خلفنه
محاسن : خجلت ... كافيي سجاد عيب عليك
سجاد : لزم خصرها ... بهدوء احنه مزوجيين هسه عاقدين شيخ ومحكمه بقه بس العرس ... فشنو رائيج اخذ تصبيره منا للعرس
محاسن : بكلبها ماجذبت جميله من كالت ولد جهاد يفقدون على هالسوالف
سجاد : باوع لعيونها ... عدكم كيك
محاسن : لاوالله
سجاد : خوش جاا خلي نستبدله بغير شي
محاسن : شن.... بعدها ما مكمله حست بشفايفه غلفت شفايفها ... خنست
سجاد : باسها بكل هدوء ورومنسيه يكرهه العنف بكلشي حتى بالبوسه عكس واحد انتو تعرفو مو ؟
:ضل يبوسها على كيفه لحد ما حس بيها كامت تبادله ... ابتسم ورجع لشفايفها ... ضلو حوالي عشر دقايق يتبادلون القبل لحد ما حسو بالاختناق فابتعدو .... خله كصته على كصتها ... والله خوش كيك
محاسن : بارتباك ان اني كايمه اجيبلك لحم بعجين البارحه سويته وضميتلك جم قطعه
سجاد : اخذ الكلينسه ماسح حلكه من الحمره اي والله عاشت ايدج يله روحي ومو تتاخرين
محاسن : اي اي عافته وطلعت وهي تسمع ضحكته الي دوت بالمكان ... ابتسمت فدوه طلع يعرف يبوس جنت شايله هم
___________________
قصي : كاعد بغرفته ميعرف وين يروح كل واحد من اخوانه ماخذ مرته وجهاله وكاعد بغرفته زين يم مرته وسجاد راح تصير ب12 وهو لسه ساف بره .... ضحك ... ابقه بس انت ياقصي محد الك ومحد بحالك ... اخذ الريمون مكلب بالتلفزيون عسى ولعل اكو شي يستاهل المتابعه ... ضل فتره على هالكعده اوف شهالملل .... هسه اخواني مايشبعون كل واحد خاتل بمرته خرب يومكم على هالطاقه .... شسوي هسه وين اروح مختنك ... اجتي اباله يكوم يشتغل ... كام طلع المعاملات واجه كعد اول مافتح سجل التصميم ... شاف تصاميم ديمه ... ابتسم حلو توقيعها على حسب معرفتي بالنسوان ديمه مؤدبه بس شرسه ملاحظ عليها ماتنطي مجال لأي واحد ... طبعا بعد مانعرفت بالشركه هي ارمله صارت العين عليها .... تذكر الموقف الي صار اليوم
ديمه : كاعدين بالمكتب هي وياه يشتغلون على المشروع الجديد ... استاذ شنو رائيك نضيف هيج شي على خلفيه التصميم
قصي : يباوعلها ... اي ليش لا
ديمه : رفعت راسها لكت عينه عليها ... استاذ قصي انت وياي
قصي : كلش وياج اصلا
ديمه : ممكن تكلي شجنت احجي اني ؟
قصي : لازم نضيف لمعه للتصاميم مثل الموجوده بشفايفج
ديمه : عقجت حواجبها ... عفوا مو ملاحظ نفسك هواي جاي تماده وخاصه باخر فتره
قصي : رجع نفسه على الكرسي ليش شكلت اني
ديمه : كامت مو بمعناها انت مديري اسمحلك تجاوز بالكلام وياي لاتخليني اترك القسم بسببك عافته واجتي تطلع
قصي : جرها عليه بحيث نضربت بي .... اولا اني ماتجاوزت عليج وثانيا اني رجال صريح اذا يعجبني شي اكول هذا حلو وممكن هم اجرب لمسه حتى اتاكد من الظاهر
ديمه : بعصبيه وووخر عنيي والزم حدك لا اكل لاستاذ جهاد والله
قصي : شد على ايدها عوفينه من جهاد هسه ... سؤال رجلج صارله شكد متوفي
ديمه : شي مايخصك
قصي : جاوبي واعوفج والله
ديمه : نملت عيونها دموع بس سيطرت على نفسها ... سنتين ونص يله عوفني
قصي : باوع بعيونها وسنتين وانتي حزينه عليه وصابره بدون زواج شنو من قابليه عندج
ديمه : دفعته اي لان زوجي جان رجال مو مثلك عديم شرف ... عافته وطلعت تركض
قصي : ابتسم ... صراحه عجبتني حبيت اسوي وياها هيج حتى اختبرها ماتوقعتها تطلع خوش بنيه عبالي فريسه سهله الصيد بس طلعت مو غريره وكحه واني احب الوكحات ... تنهد الله لا يوفقج يا نازك كرهتيني بكل النسوان ياهي الي اشوفها كمت احسها مو خوش
______________________
الساعه 2 بعد منتصف الليل
زين : نايم وحس على يحركه دار جسمه لكه براء كاعده كباله ... بنعاس شعدج كاعده لسه
براء : جوعانه
زين : رفع شعره ماتكومين تاكلين منو لازمج الثلاجه متروسه اكل
براء : اريد مربه
زين : رجع نام وتغطه ... غمض عيونه انشالله باجر اجيبلج بس نامي ... ستوه غفه رجعت كعدته
براء : كوم اريد هسه
زين : زفر استغفر الله حبيبتي الساعه ب 2 منين اجيبلج مخصمه بهالليل
براء : معليه اريد هسه كلت
زين : دنامي والله باجر اكعد من الصبح اجيبلج
براء : بصياح كتللللللك اريييييييد هسسسسسسسه
زين : بعصبيه تره اكوم انعل والديييج كتللج باجرر اصخملجج عوفيني انااام ورايه صخام من الصببببح يللللله ناميييي والله اذا سمعت صوتج تنكتلين والله .... رجع نام وغطه راسه باللحاف
براء : كامت تبجي
زين : سمع صوت بجي تنهد شايل الغطه عنه ... لا اله الا الله .... كعد وتالي
براء : بدموع ليش تصيح عليه
زين : تنهد ماسح دموعها اني اسف لاتبجين
براء : لا روح كمل نومتك دوامك اهم مني
زين : كلب عيونه ... وكام كومي لبسي ولحكيني جوه خلي اشوفلج اكو مربه جوه .... لبس تشيرته ونزل
براء : بدلت ونزلت ورى
زين : نزل داخل للمطبخ فتح الثلاجه ... لكه مربه اي همزين ... هاج بس خلصيني
براء : شنو هاي
زين : مربه شنو يعني
براء : هاي تين اني اريد فراوله
زين : استغفر الله ... يعني هم اكرع وهم يتشرط مو ردتي مربه انوب طلعتيلي صفح ترديها بالفراوله
براء : مااريد هاي اطلع جيبلي من الاسواق بالفراوله
زين : بحده يا كلب ابن كلب مفتح بهالليل الناس شابعه نوم هسه وانتي كاعدتلي تردين مربه
براء : بجت انت متحبني ... صاير بس تصيح وتتعاجز مني ومن ابنه ليش هيج دسوي وياي من اكلك انت واحد متهتم بس لنفسك ولشهواتك متصدك
زين : مسح على وجهه .... ينعل ابو هرموناتج ياابو هالكلب ابن الكلب الي ابطنج يشهه تالي الليل
براء : بدموع لتحجي على ابني مااسمحلك ... شنو من ابو انت
زين : تنهد هسه شتردين انتي
براء : خلت ايدها على وجها مبنده من البجي بحيث الي يشوفها يكول ميتلها احد .... اريد مربه
زين : وخر اديها ... بهدوء كافي لاتبجين انعلج ابو المربه خلص يله مسحي دموعج انتي مو تردين مربه
براء : هزت راسها مبرطمه
زين : ماشي بس تتاخر كون تنتظرين
براء : ميخالف
زين : عافها وكام فتح الثلاجه مطلع الفراوله
براء : مسحت دموعها شدتسوي
زين : اسويلج مربه ... اخذ موبايله باحث على طريقه عملها طلعها قره المكونات وبده يحضرها ... يباوع للموبايل ويشتغل ... شال الراس الاخظر مالتها وذبه وقطعها نصين .... خلاها بكدر فوكه ماي وكوب شكر ... كاتب هنا لازم اخلي ليمون ... رحت طلعت ليمون عصرته وخليته على الخليط ... علكت الطباخ وخليت الكدر ... بديت احركه حتى يغلي الماي ويه الشكر .... اباوعلها خاله ايدها على خدها وكاعده خرب يوم ام الخبال اكو واحد ياكل مره الساعه ب 2 ولو هي هاي الوراثه الطايح حظها هسه يطلعلي مثل سجاد
براء : شوكت تستوي
زين : بعدها غير يفور الماي وتنهرس حتى تصير جاهزه لمتناول جنابج الموقر
براء : كامت وكفت يمه مدت ايدها
زين : باوعلها شتردين
براء : موبايلك العب بي لبين ما تكمل
زين : طلعه من جيب البجامه هاج
براء : اخذته فتحت الرمز وكعدت تنزل العاب وتلعب
زين : وره ربع ساعه بده الماي يفور ... كمت اشيل الرغوه حتى تصير تخيثه مثل ماكاتبين ..... ضليت احركها واشيل الرغوه واهرس الفراوله لحد ماا صارت ثخينه نصيت النار وخليتها تصير على راحتها ... رحت يمها شو اشوف الساعه ... ب تلاثه اله ثلث .... اباوعلها تلعب ومتونسه واني راح اوكع على وجهي كد مانعسان بعد خمس ساعات كون اني بالدوام .... وره فتره رحت شفتها استوت طفيت النار وخليتها تبرد حتى اخليها بعلبه
براء : صارت
زين : كعد اي بس خلي تبرد وادخلها للمجمده حتى تاكليها بعدين ... هسه لو مدبره روحج بالتين وباجر اجيبلج من الصبح هم اسرع واطيب منو كال هاي راح تطلع طيبه
براء : لا مااكدر انتظر للصبح على الاقل انتظرلي ساعتين ولا للصبح
زين : خله راسه على الميز ... هو شباقي للصبح ..... وره نص ساعه بردت كمت خليتها بعلبه كزاز وخليتها بالمجمده حتى تبرد بسرعه
بعد مرور ساعه
براء : تلعب بشعره ... لتنام اطيني المربه ونام براحتك
زين : هممم
براء : تباوعله مغمض عيونه وغافي على الميز .... زين نمت ندسته انت نايم حبيبي
زين : فتح عيونه ... لا كاعد مانايم بيش الساعه هسه
براء : حتصير بالاربعه ونص
زين : كام فتح المجمده لكاها بارده بالكامل طلعها واخذ خاشوكه ... تفضلي
براء : فتحتها .... واخذت بالخاشوكه ماكله منها .... اممممم الله تجنن عاشت ايدك حبيبي
زين : ابتسم بخشونه بالعافيه
براء : اخذت بالخاشوكه ... هاك ضوكها
زين : مااحب المربه اكلي انتي وحسبي حسابج اذا تشهين تالي الليل اكطفج من الشباج فتهمتي
براء : تاكل منها متكدر
زين : رفع حاجبه ليش
براء : ببساطه لان تحبني وبنفس الوقت ابنك ببطني فمتكدر تسويلي شي ... اكلت منها وبس
زين : طك ركبته دكملي اكل انتي وابني وخلي نروح انام بعد ماعندي وكت وعود من ارجع باجر انشالله نتفاهم بخصوص سوايتج الطايح حظها وياي
براء : اكلت نصها وسدت شيشة (المرطبان ) المربه .... اااااه هسه ارتاحيت اووف شعور يخبل
زين : عض شفته من حركاتها ... تحسسيني جنت ا..... بحيث هيج مرتاحه
براء : فتحت عيونها ... عزززه شنو هالالفاظ زين مو عيب
زين : ديله عاد كلش استحيتي انتي لاتخلينه نطلع السوالف
براء : ياسوالف ؟
زين : ديله عاد كلش استحيتي انتي لاتخلينه نطلع السوالف
براء : ياسوالف ؟
زين : تذكرين من طلبت منج تسويل.....
براء : سدت حلكه ... كافي لتضل تعيد بالسالفه موضوع وانتهه لتضل تحجي بي كل شويه
زين : وخر ايدها بس والله جنتي ممتازه ولا كأن اول مره رغم جانت فاهيه بس ميخالف احسن من ماكو
براء : بخجل والله بعد مااحاجيك مادام تحجي هيج ..... عافته وصعدت فوك
زين : ضحك كالب شعره ... اموت عليها من تخجل وتزعل تصير حمره بحيث شكلها يصير قابل للاكل .... رحت عزلت المطبخ ورجعت كلمن لمكانه وصعدت فوك فتحت الباب ودخلت للصاله مالكيتها ... فتت للغرفه لكيتها متمدده و باقيه الفانيله الخفيفه لان صايره تختنك من الملابس نزعت التشيرت ونمت بصفها تغطيت ونمت
براء : دارت جسمها عليه حاضنته من وره ... باست ركبته شكرا حبيبي
زين : مد ايده جارها منيمها كباله .... بوس شفايفها مو على اساس بعد ماتحاجيني
براء : اي صحيح دارت جسمها عنه
زين : حضنها بقوه ... خلص لاتزعلين اسف
براء : باوعتله بعد متحجي بهيج مواضيع منحرفه
زين : احاول بس مااوعدج
براء : اوك .. رجعت دارت عليه حضنته وباست شفته خلص صالحتك
زين : رفع الغطه مغطيهم ونامو وشفايفهم متلاصقه بدون حركه
_______________________
ثاني يوم صباحا
قصي : كاعد بالمكتب منتظر ديمه ... اندكت الباب عدلت كعدتي تفضل .... نفتحت الباب دخل يوسف موظف عدنه
يوسف : السلام عليكم
قصي : وعليكم تفضل يوسف محتاج شي
يوسف : كعد استاذ اني من اليوم راح اشتغل وياك بالتصميم لان ديمه حاجت الاستاذ جهاد حتى يحولها على قسم التنفيذ ويه الاستاذ سجاد
قصي : وانتو بكيفكم تصرفون شنو رجل كرسي اني وتنقلون وتحطون بكيفكم القسم قسمي واني احدد الي يبقه والي يروح فتهمتوو .... عافه وكام طالع من المكتب .... راح بوجهه للمكان الي تكعد بي ديمه فتح الباب ودخل مالكه احد بس هي كاعده على جهه وحدها .... تقرب ضارب المكتب انتي بكيفج تصرفين
ديمه : فزت من مكانها لازمه كلبها ... كامت انت شبيك شهالاسلوب
قصي : انتي شلون تصرفين بكيفج وتعوفين الشغل وتنقلين ويه سجاد بدون ماترجعيلي شنو نسيتي اني مديرج
ديمه : برسميه عفوا منك بس اني مايناسبني اشتغل ويه شخص ميحترم ويتماده ويه الموظفين الي عنده
قصي : ليش شسويتلج اني ... عكد حواجبه قصدج على البارحه ... اني اسف تره موقصدي اتجاوز عليج اني هيج طبعي
ديمه : واني ميناسبني طبع حضرتك
قصي : افهم من كلامج انتي ماتردين تشتغلين ويايه بعد
ديمه : اي نعم
قصي : انتي مطروده
ديمه : مو بكيفك تطردني استاذ جهاد هو الي عيني وهو الي يطردني انت هنا مجرد رئيس قسم مو مدير فتهمت
قصي : دفعها على الحايط حاصرها بجسمه .... حضرت جنابج تتحديني خاف عبالج اطيتج مجال واحترمتج تره اذلج والله واخلي سمعتج بالمكتب زفت وساعتها مو بس ابويه يطردج لا كل الي بالشركه يسوولج بيباي
ديمه : انت واحد متستحي وماعندك اخلاق وخررر عني
قصي : يباوع لعيونها ... عيونج ليش هالكد حلوه
ديمه : وخر عني لا اصيح وافضحك بالشركه والله خاف عبالك اني سهله وراح اكلك تفضل ابتعد عني احسن الك
قصي : رفع ايده لازم شفايفها ... تردين الصراحه انتي جدا جميله
ديمه : بجت حرام عليكم ... كافيي يعني اذا اختكم جانت ارمله تقبلون واحد يحاجيها هيج انت ماتخافون من الله كافيي الى متى المره تبقه تعاني بسببكم .... عوفني بحالي لخاطر الله تره تعبت من كل هالمضايقات ... رجاءا عوفني واني والله هسه اروح اقدم استقالتي بس لتلمسني اني واهبه نفسي لزوجي وبس الله يخليك لا تدنالي
قصي : صفن عليها عود ليش هي ماجانت تحبني مثل ماانتي تحبين رجلج الميت ليش هي ماوهبت نفسها الي ليش خانتني وماحبتني مثلج
ديمه : منو هي
قصي : حس على نفسه ابتعد عنها ... اني جدا اعتذر مااعرف شلون سويت هيج اني بحياتي ماتعديت على بنيه بدون رضاتها ... رجاءا عذريني وماكو داعي تقدمين استقالتج اني الغلطان والصوج مني ... انتي مالج علاقه ... وتكدرين تبقين ويه سجاد اهم شي راحتج ... يله من رخصتج واعتذر مره ثانيه ... عافها وطلع بسرعه غبي غبي واثول شلون تصرف بهالطريقه الحقيره هاي اصحه على نفسك قصي ... انت تبت كافي بعد عوف قصي السايب
ديمه : كعدت ماسحه دموعها ... دائما جانت تعاني من تحرش سواء جانت من الكرايب او من الناس الغربه وهسه من موظفين الشركه الي جاي يعرضون عليها عروض حقيره
..........................
الكاتبه : اكو سؤال دائما يداول براسي ليش المرأه دائما مظلومه من قبل المجتمع وخاصه المطلقه والارمله الكل يعتبرها فريسه سهله بحيث بعض دول العالم ( مثل دول افريقيا ، والهند ) يعتبرون الارمله فال شؤم ويحتقروها وينبذون وجودها بأي مكان كان ويعتبروها مرض معدي الكل مبتعد عنه ... ليش هذا التفكير قابل الارمله صارت ارمله بكيفها لو هذا قضاء وقدر والارواح راجعه لله وهو الي يتصرف بيها ويقرر موعد وجودها وذهابها .... الى متى تبقى الناس تفكر هالتفكير المنحط والمريض والي يسبب معاناة وكسر خاطر للشخص المقصود ... اسفه على الاطاله بس كان لازم احجي بخصوص هالموضوع عذروني قاطعه قرائتكم ..... كملو حبايبي
.....................
براء : اليوم اجتنه ام ادم صديق زين الصبح وهسه كاعده يم خاله مريم وحجيه خوله بالاستقبال واحنه واكفه اسوي جاي وست نجمه ماخذه اجازه على حساب عرس سجاد وهي هالسنه مكضيتها تسخت والله لو يدري بيها خالو جاي ترسب يطيح حظها
جميله : هاا كملتي
براء : اي بس اصب ... تعالي طلعي الضيافه بهاي الباب ما الوحها
دارين : هسه هاي شعدها جايه مو نريد نطلع نتسوك للعرس
نجمه : عيب هي ماجايه لبيتج ولا مصبحه ومسيه عدج هاي ثاني مره تجينه
جميله : اكلجن بس منو هاي الي وياها
شمس : اعتقد اختها
براء : صبيت الجاي وخليت الضيافه بماعون تقديم وانطيتها لنجمه هاج ودي اني استحي اطب
جميله : تحسسيني جايج خطابه ومستحيه تدخلين
براء : لا لج بس اني مااعرفهم فاستحي ادخل ... هاج نجمه فدوه اخذي
نجمه : جيبي .... اخذت الصينينه ودخلت للاستقبال ... السلام عليكم
الكل : وعليكم السلام
مريم : تعاي يمه نجمه سلمي على ام ادم صديق اخوج تذكريتها اجتنه مره باربيل
نجمه : ابتسمت اهلا وسهلا شلونج خاله
ام ادم : الله صل على محمد وآل محمد ... هاي نجمه.. تعاي حبيبتي خلي ابوسج ... باستها شلونج
نجمه : بابتسامه الحمدلله ... عافتهم وطلعت
ام ادم : اكول عيوني ام لؤي نجمه شكد عمرها
مريم : واحد وعشرين
ام ادم : هاا وبيا كليه
مريم : قانون
ام ادم : هاا الله يحفظها ويخليها
مريم : يحفظ احبابج حبيبتي ام ادم
ام ادم : اكلج ام محمد اني خلي ادخل بصلب الموضوع احسن .... اليوم اجينه نخطب نجمه لابني ادم واتمنى منكم ماتردونه
مريم : ابتسمت هذا شرف النه وين نلكه احسن من ادم بس اني الشور مو بأيدي الكلمه الاولى والاخيره الها من بعد رائيي ابوها واخوانها واني من يجون اليوم اكللهم ومايكون خاطرج اله طيب
ام ادم : بعد كلبي ... الله يسلمج
__________________
نجمه : ولجن ام ادم فد حبابه
جميله : يبوو هاي لان كلتلج حلوه صارت حبابه
نجمه : ضاحظ تفكيرج ... اقصد اسلوبها حلوو تحسيها من اهل قبل طيبوبه بشكل ولج حتى تلبس شيله
شمس : هههه بس اريد اعرف شجاب الشيله على طيبه الكلب
براء : اي صدوك
نجمه : هسه انتن لازم تعلقن على كلشي ياحجايه رجعي لمكانج يبوو عليجن
براء : هههه .... ضلينه كاعدين بالمطبخ لحد ما رادت تطلع ام ادم طلعنه سلمنه عليها ... ورجعنه دخلنه
جميله : يله بنات كومن بدلن حتى نطلع للسوك نشتري ملابس وباجر نطلع للصالون
شمس : اي همزين اني كايله للؤي ... يله اني رايحه ابدل
براء : لحظه اني مكايله لزين
جميله : جاا شكتلج اني البارحه شكد فاهيه انتي
براء : دخلي اخابره واشوف شيكول ... صعدت فوك اخذت موبايلي خابرت زين
زين : الوو
براء : الووو هاا حبيبي شلونك
زين : هله حبيبتي محتاجه شي
براء : اكولك عادي اطلب طلب
زين : ابتسم امري
براء : اريد اروح ويه البنات نشتري ملابس لعرس سجاد عادي اروح
زين : باوع لساعه .... منو ياخذكم
براء : واحد من الحرس
زين : ماشي بس لاتتاخرين وديري بالج على روحج وخليج ويه البنات ماشي
براء : ابتسمت ماشي
زين : اكلج روحي فتحي الخزنه الي بدولابي كتبي .......175 واخذي المبلغ الي تردي
براء : لا عندي الي انطيتهن الي مصرفتهن لسه
زين : ميخالف اخذي فلوس فوك الي عندج خاف تحتاجين شي ومايكفنج الي عندج
براء : شكرا حبيبي
زين : ابتسم يدلل الحلو
براء : سديته ورحت اخذت فلوس وبدلت ... نزلت لكيت البنات مكملات طلعنه ويه الحرس خذونه للسوك .... نزلنه وكمنه نفتر بالسوك .... كل وحده اخذت فستان هالمره ماطولنه لان صيف وبالصيف اشكال تنزل .... ضلينه نفتر لفتره طويله اذن الاذان واحنه بعدنه بالسوك ... اشتريت فستان وبعدها طلعنه لغير مكان اخذنه شغلات ثانيه طبعا خلني اشتري غصباً ما عليه دخلن شمس وجميله لمحل مال عرايس اشترن قمصان نوم خو جميله اخذت خمسه خرب يومها ... اني عجبني واحد بسيط لونه وردي اخذته .... كملنه وطلعت ويه نجمه انتظرهن بره ... درت وجهي شفت سياره تشبه سيارة زين ... اباوع لا مو تشبها هي نفسه ... اباوعلها اي هذا زين منو هاي الي كاعده بالصدر .... ضليت خاله عيني على السياره وكفت على الشارع الثاني نزلت من السياره وحده اباوعلها هاي مو اسراء الدكتوره الي وياا اشرتله وراحت ... ايدها كامت ترجف طلعت الموبايل داكه عليه .. ميرد ... رجعت دكيت عليه اكثر من مره ياله .... رد ... الوو زين
زين : هاا حبيبتي
براء : انت وين
زين : ليش تسألين
براء : بهدوء جاوبني
زين : اني بال...........
