رواية أحببت من لايبالي الفصل الثاني والخمسون بقلم مجهول
براء : انت وين
زين : ليش تسألين
براء : بهدوء جاوبني
زين : اني ستوني طلعت من المستشفى وهسه جاي بالطريق
براء : تباوع لسيارته الي تحركت ماشيه ... هاا يعني هستوه خلص دوامك وكبل راح تجي للبيت
زين : اي ليش محتاجه شي
براء : لا شكرا ... سدت الموبايل ... بكلبها ليش يجذب وشعدنه ويه اسراء ... هزت راسها كلهم نفس الصنف جذابين
نجمه : شبيج براء ليش وجهج اصفر شنو تخربطتي
براء : بهدوء لا مبيه شي يله امشي نشوف البنات خلصن حتى نرجع للبيت .... طلعن البنات من المحل وصعدنه بالسياره راجعين للبيت .... وره فتره وصلنه للبيت دخلنه سلمنه على الكل وصعدنه نبدل .... زين بعده لسه مااجه ... بدلت وصليت ونزلت يم خاله نصب الغده
مريم : نجمه
نجمه : هاا يمه
مريم : شبيها براء ليش ضايجه.... شنو دارين ضوجتها بالطلعه
نجمه : لا يمه بس يجوز لان فترينه هواي تعبت حتى اني سألتها كالت مابيه شي
مريم : هزت راسها .... بروئه يمه اذا تعبانه عوفي الشغل وروحي كعدي
براء : بهدوء لا خاله مبيه شي ابتسمت بتصنع ... هسه بس اكل اصير زينه .... سمعت صوت الجرس اكيد هو اجه ماطلعت اصلا بقيت بالمطبخ اصب والبنات يشيلن ... كملت كولشي تقريبا اخذت دولكه المي وطلعت خليتها على الميز وكعدت
جميله : همستلها ... تره زين اجه
براء : سوت روحها متسمع ... فدوه جميله صبيلي كلاص مي من يمج
جميله : اخذت الكلاص صابتلها
زين : نزل من فوك ... يباوع براء كاعده جاا ليش ماصعدت اجه كعد يمها ... همس شلونج حبيبي
براء : ببرود زينه
زين : تفاجئ لردة فعلها بس سكت لان الكل كاعدين
براء : كعدنه نتغده .... كملنه غده شلنه المواعين البنات وكفن يعزلن واني رحت صبيت جاي وطلعت وزعت للكل اباوع زين ماهو
مريم : يمه زين صعد فوك وانتي هم صعدي ارتاحي بس اخذيله الجاي وياج
براء : صار .... اخذت استكان الجاي مالته وصعدت فوك .... فتحت باب الغرفه ودخلت لكيته كاعد بالصاله
زين : شافها دخلت كام من مكانه اخذ الاستكان خلا على الطبله ولزم ايدها مقربها عليه حضنها بقوه ... ليش ماصعدتي وراي اليوم
براء : دفعته بخفه مبتعده عنه جنت يم البنات ومكدرت اصعد
زين : يحرك ابهامه على اصابعها ... شبي وجهج انتبهتلج حتى اكل مااكلتي اليوم ... اكو شي يأذيج حاسه بشي
براء : مبيه شي متوهم كولشي ماكو
زين : مسح على خدودها ... مبتسم يله تعالي انام اني ميت من التعب واريد ارتاح البارحه علعلتي نومتي ويرادلج عقاب مرتب على هالعمله
براء : روح نام وحدك اني مو نعسانه
زين : براحتج حبيبي دنك يريد يبوس شفايفها
براء : دفعته حيلل وخرر
زين : باستغراب شبيج براء
براء : بعصبيه ديربالك تدنالي فتهمت
زين : شبيج اليوم خير تخبلتي
براء : قصدك عقلت وكمت افتهم مو براء الثوله الي تضحك عليها ببوسه وحجايه حلوه حتى تاخذ الي تريده منها تالي تروح ترضي نفسك المريضه عد غير وحده
زين : عكد حواجبه شجاي تمسلتين انتي شنو اضحك عليج حتى اخذ الاريده ... وبعدين شنو ارضي نفسي المريضه ملاحظه نفسج رحتي زايد وكمتي تتمادين بالحجي
براء : لتسوي نفسك فقير وماعندك شي وانت تكك ماكو فتهمت خاف عبالك حتضل سوالفك مضمومه لا حبيبي الله يسلط عليك شي يكشفك واني شفتك بعيني اليوم ومحد كلي ياخاين يا ماتستحي ابنك بعد جم يوم يجي للدنيا بدال ماتتحظر لجيته كاعد توصل بهاي وتجيب بذيج
زين : ضغط على ايده محاول مايرفعها عليها ويتهور ..... بعصبيه هسسسسسه غييييير افتتتتتتهم ششفتييي احجييي لاتضليييين تمسلتيييين وتشمرررين بالحجي
براء : بدموع اني اليوم شفتك صاعد بالسياره انت وهاي الي اسمها اسراء صاعده يمك بالصدر ووحلكك يريد ينشك من الضحك وتالي وصلتها مدري ويين والله العالم ويييين جنتووو حتى من تكمل شغلتكم تاخذها لبيتها بنفسك لا ومكعدها يمك وجماله من اخابرك تكلي هستوه خلص دوامي ياجذاب ... كلكم الزلم جذابين وماعدكم ذره احترام لنفسكم وعلى مود شهواتكم تصيرون من الكلاب
زين : بحده ... اولا اني خلص دوامي واجيت اطلع لكيت دكتوره اسراء مبنجره سيارتها وماكو واحد براسه خير ساعدها واكيد ماتكدر تاخذ تكسي وحدها بعز الظهر وهي مره فكتلها اني اوصلج بطريقي من باب المساعده لااكثر وصلتها للشارع وانتظرتها تنزل ورحت .... ومن خابرتيني كتلج اني خلصت دوام وفعلا ماجذبت عليج اني جنت ستوني طالع من المستشفى ووصلتها بطريقي .... اما بالنسبه لان شفتيني اضحك لان اطتني كروه مجرد ابتسمت على تصرفها لا اكثر
براء : بدموع وشدراني كلامك صح يجوز دتجذب عليه وجنت وياها من الصبح
زين : صحيح اني جذاب ... اخذ موبايله داك على اسراء .... انتظر فتره فتحته ... الووو
اسراء : الوو هاا دكتور شلونك
زين : تمام ... اكلج دكتوره شفت ساعه بسيارتي واكعه لونها اسود هاي الج
اسراء : لا دكتور اني غراضي عفتهن ف بقن بالسياره والمفتاح اطيته لعلاء لان عنده خفاره اليوم حتى اخواني يرجعون للمستشفى ياخذون المفتاح منه وياخذون السياره للمصلح .... طبعا جدا اشكرك وزحمتك هواي ويايه اليوم لو ماانت جان ضليت بالمستشفى لحد مااخواني يخلصون شغل ويجوني
زين : بهدوء لا ماصار شي ماكو اي زحمه ... يله من رخصتج
اسراء : بابتسامه الله وياك
زين : سد الموبايل .... شفتي اني شكد جذاب
براء : مسحت دموعها ... اذا سيارتها مبنجره شعدكم بالسوك هاا
زين : بعصبيه شعليه اني اذا بيتها قريب على السوك مو مشكلتي هاي اني الي عليه انو اوصلها وولي اجي للبيت وكلامج هذا مامقبول مو بمعناهه اني محترمج ومطيج قدر جبير بحياتي تجاوزين حدودج خاف عبالج اذا احبج اخليج تركبيني واصيرلج مطي ... احترمي نفسج وخليني محترمج
براء : بانفعال واني شمدريني بكل هذا شترديني اسوي من اشوفك ويه وحده قريب على السوك ومن اخابرت تكلي هستوني طلعت شنو اشتم كفه ايدي اني
زين : ببرود شوفي براء اني من قبل لااخذج ماجنت ادور نسوان ولا حتى اطيق وجودهن بحياتي .. ترديني هسه من تزوجت وكونت بيت وعائله ادور نسوان شنو شايفتني هيج نفسيتي قذره ومريضه حتى اركض وره شهواتي وغريزتي وصدكي واعتقدي بالله لو اريد اخونج قسم بالله اجيبها هنا وكدامج اسويها بس اني مكتفي بيج اكتفاء تام وخوفي من ربي مانعني اكثر فتهمتي يامرتي
براء : حجت مستهضمه زين والله من شفتك كبالي ومصعدها يمك مدري شصار بيه حسيت روحي تريد تطلع ... زين مثل ما انت اناني بيه اني انانيه ومتملكه بيك شلون تريدني بهيج موقف اكعد احلل وافسر الموضوع خاصه انت مكتلي جنت دتوصلها ... فالغلط منك من البدايه
زين : يعني هسه انتي مو غلطانه
براء : مكلت مغلطانه بس الغلط الاساسي منك انت جذبت عليه وخليت ثقتي بيك تهتز
زين : بهدوء تدرين جان ابالي الثقه الي بيناتنه عميه لدرجه محد يشك بالثاني كد شعرايه ... بس للاسف طلعت بس اني اثق بيج ثقه كامله بس انتي ثقتج بيه سالب واحد .... على العموم اشكرج على هالثقه العاليه والاحترام ... عافها وراح
براء : لزمت ايده انت ليش دائما تحب تطلع روحك الصح واني الي اطلع الغلطانه الي لازم اجي اتعذر و.....
زين : قاطعها .... ببرود براء عوفيني تره صاير عصبي ومااريد احجي بخصوص اي شي خليج هنا ولا تراويني وجهج .... خليني مسيطر على اعصابي مااريد اطلع عصبيتي عليج وااذيج وخر ايدها ودخل للغرفه ساد الباب عليه
براء : كعدت لازمه راسها وتبجي ... الى متى تبقين ثوله ومتسرعه وجفصين بالحجي ... ياربي ليش هيج ديصير ويايه يعني لازم يطلعلي شي ينكد عليه اذا مو الناس تضرني اني كمت اضر نفسي ... سترجعت الكلام الي كالته عززه بعيني غلطت عليه وتجاوزت همزين منه ماضربني ... صحيح اني غلطت بس هو هم غلط ....بجت بالزايد لان تعاركو لا لا اني مااكدر لازم احاجي اني ضوجته هواي وحتى تجاوزت عليه ومع هذا مسوالي شي هاي لو زين القديم يكسر سنوني بحلكي على هالتجاوز والغلط هذا
______________________
مريم : اكلك جهاد اليوم اجتنه ام ادم
جهاد : اي
مريم : اي وخطبت نجمه لادم
جهاد : لادم
مريم : اي فاني ما اطيتها جواب كتلها اسأل ابوها واخوانها وبعدها نسألها اذا وافقت نردلكم خبر
جهاد : خوش سويتي عاشت ايدج انشالله العصر راح اشوف اخوتها شيكولون لان اختلاطهم بادم اكثر مني وخاصه زين يصير صديقه من زمان فاسألهم واشوف
مريم : يعني انت موافق
جهاد : مبدئيا اي لان ادم خوش ولد صارله سنين يشتغل ويانه رجال امين ومافديوم شفنه عليه شغله تجيب الشبهه بس مع هذا لازم نسأل عليه حتى نطمئن
مريم : انشالله خير
جهاد : ابتسم والله وكبرت صغيرتي وكامت تنخطب
مريم : ابتسمت 21 سنه احسها جانت البارحه ولا جن صارلها سنين
جهاد : هاي بعد السنين تمر ومانحس بيها
مريم :اي والله
____________________
قصي : كاعد بغرفته وباله مسافر لغير عالم ... رفع اصابعه خالهن على شفايفه كزبر جسمه لمجرد تخيله انو اصابعه جانت لازمه شفايفها ... لك شبيك قصي شهالاحساس هذا احس اكو شي بداخلي يدغدغ مااعرف شنوه ... ياربي شجاي يصير بيه اوف هسه جماله عليه هاي السالفه اني ماعولت اشيل ذيج من راسي ضليت اعاني شهور من وراها تالي اخلص منها تطلعي هاي ااااخ
___________________
براء : ضليت كاعده بالصاله وايدي على خدي منتظرته يكعد من النوم حتى احاجي ... اباوع الساعه بالاربعه شوكت يكعد كمت من مكاني رايحه للغرفه فتحت الباب ودخلت اباوع الغرفه ظلمه مشيت لجهته كعدت يم راسه اباوعله نايم ياروحي شلون ضوجتك اليوم وخربت مزاجك والله اني اسفه من كد مااحبك اغار عليك حتى من روحي .... مشت اصابعها متلمسه خشونه لحيته
زين : فتح عيونه لكاها كاعده يم راسه كعد موخر عنها ... وخر الغطه وكام علك الاضويه فتح الكنتور
براء : كامت ورى ... محتاج شي اطلعلك شي
زين : ببرود لا شكرا
براء : اباوعله طلع ملابس طلعه .... وين رايح
زين : عافها منطيها ظهره ... شي مايخصج ... وهسه طلعي اريد ابدل
براء : ببرود مااطلع
زين : خليج اني طالع ... اخذ ملابسه وطلع ... الي سوته حيلل ضوجه منها ماتوقعها بيوم تشك بي هيج لا وتوكف تغلط عليه ... يحمدالله انو كدر يلزم روحه وميضربها والا ماجان راح يسامح نفسه لو خادش اصبع منها حتى لو كانت غلطانه
براء : دمعت عيونها ... ليش ديجاهلني
زين : بدل ورجع للغرفه شافها تبجي باوعلها صفح .... ووكف يمشط شعره لبس ساعته وخله عطره ونزل
براء : اباوعله لابس قميص زيتي وبنطرون اسود طالع وين رايح هذا ... ينعل يومه طالع يخبل .... كمت لبست صايتي وحجابي ونزلت ورا مالكيته .... سالت البنات وينهم
شمس : بالاستقبال
جميله : ياترى شعدهم
براء : كعدت اكيد شي مهم
شمس : الله وله العلم
_____________________
جهاد : كاعد وكباله ولده خمستهم ... اريد احاجيكم بموضوع
الولد : تفضل يابه
جهاد : اليوم اجو خطابه على اختكم واني حبيت اخذ رائيكم بالموضوع باعتباركم اخوانها الكبار
سجاد : جذب يعني نجمه هم مثل البنات يجوها خطابه ويردوها لولدهم تدرون جنت ناسي هي بنيه اصلا
جهاد : الله يطيح حظك اكو واحد يحجي على اخته هيج
قصي : هه اي هذا المطي
سجاد : لاتشبهني بنفسك رجاءا
حسن : هسه دسكتوو خلي نسمع ... كمل يابه منو الي خطبوها يعني عرف لو غربه
جهاد : خطبتها اليوم ام ادم
زين : باستنكار ادم صديقي قصدك
جهاد : اي الموظف الي عدنه
لؤي : وهو شمعرفه بنجمه
حسن : اكيد عن طريق امه لان هي على تواصل دائم بأمي يجوز شافتها وعجبتها مو فد معضله
جهاد : المهم اني عن نفسي موافق بس اريد اشوف شنو رائيكم بالولد بما انو انتو مختلطين بي هواي حتى اذا موافقين اروح افاتح اختكم بالموضوع واذا موافقه نسأل عليه ونردلهم خبر
لؤي : اني مامعترض عليه بس لو تتخرج وتزوج احسن
زين : اني عن نفسي موافق ادم انسان جدا مثقف وواعي وماكو احسن منه حتى نأمن على نجمه عنده وبالنسبه لدراستها تكدر تخلي شرط بالعقد انو تكمل
قصي : منو يشهد للعروسه
زين : ببرود اني ماجاي انحازله لان صديقي لتنسه الي جاي نحجي عليها هسه هي اختي واكيد اني لو ماضامن ادم ماانطي موافقتي نهائيا
حسن : صحيح ادم خوش ولد وخدوم وحتى محبوب مو غثيث
سجاد : والله اني خايف عليه يجوز نوافق ونلكه نجمه بعد جم يوم رابطته بالشجره وسايكه عليه بالصونده
جهاد : ههه شكد سايب لك هاي اختك ادبسزز
سجاد : هههه عمي هذا زواج ومسؤليه مابي اختك واختي ... بس لا جديات الحق ينكال ادم يستاهل وابن اوادم واخلاقه عاليه بالمختصر عريس لكطه
قصي : لكطتيش انت ... خلي نكون واقعيين شلون تردون نطي نجمه لواحد يشتغل عدنه غير هيج مستوى المادي مو شي
زين : تنرفز من كلامه ... ليش هي الاخلاق والرجوله تنقاس بالفلوس شنو انت ماتعرف تحجي وبعدين هو ماجاي يشتغل عدنه ... هو موظف او بالاحرى مسؤل حاله من حالكم والراتب الي جاي ياخذه هو حق اتعابه وشغله ويانه لا اكثر يعني هذا استحقاقه ما مجدي منك هو
قصي : ما سبيته اني بس جاي اكلكم نجمه ماراح تتاقلم ويه حياته ... يعني برائيك راح تكدر تعيش ببيت بسيط وتقتصد بكلشي على حساب والله جناب رجلها معتمد على راتب نهايه الشهر الي ياخذه من اهلها ... تمسلت هذا جاا وين هيبته كدامها
سجاد : وانت عندك الهيبه بالفلوس ... ينعل يوم تفكيرك النكس ... اذا الهايلايف الي تحجي عنه تجيب السعاده جاا شنو دور المحبه والالفه هنا
جهاد : يعني انت معترض عليه لان مستوى المادي متوسط ومو غني
قصي : اي طبعا اني اريد الراحه لاختي وهسه تشوفون اذا ماجان داخل على طمع
زين : كام بعصبيه لك انجبب واكل تبن ياطمع يابطيخ بحال فلوسنه هو لو يعبرها .... تره ادم عنده معارض سيارات من غير الوظيفه ووضعه الحمدلله جدا ممتاز وماعنده احد بس هو وامه فليش يكعد يفخفخ بالفلوس رجال حامدالله وشاكره وكاعد وساكت .... وحتى لو جان فقير ... نطي اختنه لواحد فقير بس يحترمها ويصونها ولا نطيها لواحد غني يهينها ويخونها فتهمت ياغبي براء : كاعدين بالصاله ونسمع الصوت عله بالاستقبال خو زين صوته كام يلعلع من الصياح
جميله : هاي شبيهم عليمن هالصياح
مريم : بكلبها ... خير يا ستار ... كامت خلي اروح اشوفهم
خوله : تسبح كعدن وسكتن لحد يدخل يمهم تره ياكل رزاله ويطلع
نجمه : طلعت من المطبخ ... شكو ليش هالصياح
شمس : علمنه من علمج
دارين : براء انتي الج علاقه بالموضوع
براء : باستغراب اني شعليه
دارين : يعني اكول خاف مسويه شي وكبت العيطه من وراج كالعاده
براء : اذا تحبين من يطلعون اصيح لزين واكوله وهو ساعتها يكلج اذا اني سبب العركه لو لا شتكولين
دارين : هاا لا ماله داعي بس مجرد حبيت اسألج
براء : باوعتلها صفح
___________
جهاد : بما انو هدئتو شويه عوفو الرعونيه مالتكم و خلينه نحجي بوعي ... انتو كلكم موافقين ماعدى قصي مو
الولد : اي
جهاد : خوش ... وسبب رفض قصي مو لشي منطقي بحيث ينوخذ بعين الاعتبار واني بالنسبه الي ويه رائيي الاغلبيه لان ادم خوش رجال وعليه الاعتماد وعلى فكره هاي كعدتنه وهوستنه لاشيئ ... كدام رائيي صاحبه الشأن احنه كل العلينه نسال على الولد ونتأكد من اخلاقه وسمعته وبعدها نأكد موافقتنه لاهل الولد .... وافقت اختكم كان بها ماموافقت هاهي هي قسمه وكلمن ياكل نصيبه ... وهسه يله اطشرو ولد الكلب صرعتو راسي
الولد : ضحكو وطلعو
جميله : مو جانو يصيحون شو هسه يضحكون
نجمه : الحمدلله والشكر صدك عائله مخبله
مريم : تادبي لج ... هاا يمه شبيكم شو تصيحون
زين : ببرود هيج يمه ماكو شي
سجاد : اكلكم شو كاعدين وساكتين ولا جن بعد جم يم عرسي .... وين الحماس ياجماعه صدك جذب
قصي : شنو احنه راح نعرس لو انت حتى نكيف
سجاد : بخبث ليش تريدلك مره ... كول خلي نخطبلك اني عندي وحده ضامها الك
قصي : مره ومنك من انعل والديها
حسن : اي والله
براء : اباوع للولد كلهم يضحكون ويسولفون ماعدى زين كالب وجهه
زين : صارت عينه عليها شافها تباوعله دار وجهه عنها
براء : نملت عيونها دموع ... تكرهه واحد يتجاهلها
لؤي : شبيج خويه
سجاد : الكل كام يباوعلها شبيج براء
براء : بارتباك مابيه شي بس راسي يوجعني
قصي : والله حقج ياخويه والله يساعد كلبج بس على مغثه زين
زين : باوعله صفح ... اني طالع لا تنتظروني على العشه اتأخر
حسن : وين رايح
زين : باوع لبراء ... يم ادم يله من رخصتكم ... عافهم وطلع
____________________
بيت ماجد
نور : اكول يمه شوكت نطلع نشتري ملابس لعرس سجاد
احلام : انشالله باجر اخذج للمول واشتري الي يعجبج مناك مااريد تطلعين اقل من اي وحده بالعرس
نور : شفتيها لمرة سجاد مو حلوه مقارنتاً بي ومبين عليها وكحه ... شفتي شلون جرت الكيكه منه بالعقد
احلام : ولج هذني يتعمدن عود هنه لطيفات ومحبوبات فيسون هيج حتى يبرزن رواحهن
نور : والله مااعرف شنو من ذوق عد ولد عمي نسوانهم ولا حلوات
احلام : لا ليش كلهن حلوات وخريجات ماعدى بت عمتج براء اخذت سيدهم وهي بطول الزبانه
نور : خرب يومها والله متغيره ماعرفتها بالعقد ... والله كاعدلها الحمل اني سامعه الي تحبل تصير شحالها اله هي صايره كطن اطكع من قبل وخدودها راح يطكن كد ما مدنفشات
احلام : تنهد تنهيده طويله ايييييي يايمه الخير يخير والشر يغير .... اذا هي كعدت بالبيت من حبلت وسمعت راح تعوف هالسنه وترجع تكمل السنه الجايه وغير هيج الرجل على مرامها شتريد وشتشتهي .... شفتي هدومها شلون غاليات هاي من غير الصالون والاحذيه والذهب طبعا على هالدلال تصير حلوه وتخبل
نور : اااخ اني هذا الي كاتلني ... شمسويه لزين بحيث هيج مدللها والله لو منه ما اباوع لوجها وجماله طلع بيها ولد هي من غير شي زين يعبدها عباده مو انوب راح تجيبله ولد
احلام : فتحت عيونها منو كلج ولد
نور : غسان البارحه سولفلي يكول الولد جاي يسولفون على زين وعود عبالهم براء بيها توم بس طلع ولد .... شفتي حظها حتى اول طفل الها ولد
احلام : جاا هي حظوظ يا يمه حطيلج حظ مثل حظها
نور : اي والله
_____________________
الساعه 6 مسائاً
نجمه : كاعده بغرفتي وندكت الباب ... هذا منو منهم من الشيطان كل مره يجفتون ... منو
جهاد : فتح الباب تستقبلين ضيوف
نجمه : ابتسمت تنور يعمري
جهاد : ابتسم داخل للغرفه ... ممكن اكعد وياج شويه
نجمه : اكيد حبيبي
جهاد : كعد يمها ... يباوعلها بنظرات كلها حنان ... تدرين شكد فرحت من امج جابتج للدنيا حسيت الدنيا ما لامتني من السعاده ... طبعا اغلب الزلم يحبون خلفتهم تصير ولد واني الله انعم عليه واطاني خمسه بس ماجنت مكتفي احس حياتي جان عايزها شي رونق مابيها بس من اجيتي انتي اكتمل كلشي بحياتي وحسيت نفسي صدك صرت ابو
نجمه : لمعت عيونها اوي يابه شهالحجي الحلو هذا صار هواي مسامعته و من اجينه للعراق ولليوم انت هواي مبتعد عني مو مثل قبل
جهاد : مسح على شعرها ... عذريني بويه بس الشغل واصل لفوك راسها وهالتشوفين اني جاي اتعب واشتغل المن مو الكم مو حتى اامنلكم حياة مرفهه ترتاحون بيها اني مادايم يابويه بعد جم يوم الله ياخذ امانته
نجمه : حضنته اسم الله عليك يابه لاتحجي هيج الك طولت العمر وانشالله تشوف احفاد احفادك
جهاد : ضحك على طاري احفادي شنو رائيج تزوجج حتى تجيبلنه حفيد حلو مثلج
نجمه : باوعتله ... اني ازوج
جهاد : اي حبيبتي اني هسه اجيت احاجيج بالموضوع اليوم اجت ام ادم تعرفيها مو
نجمه : اي اعرفها
جهاد : اي اجتي خطبتج لادم .. طبعا خلي انطيج نبذه مختصره عنه عمره بكد قصي ويشتغل ..... سولفلها مواصفاتنه وحجالها عن حياته ....... وقبل شويه اني سالت اخوانج ووافقو بقه الشور بايدج انتي شتقررين اني وياج ومحد راح يجبرج على شي هاي حياتج وانتي حره بيها سوي الي يناسبج
نجمه : زين ودراستي
جهاد : تكدرين تكمليها عنده وزين يكول تكدرين هم تحطين الدراسه شرط بالعقد بس مااعتقد يحتاج ادم انسان واعي واكيد ماراح يمانع تكملين دراستج ولو هي شبقتلج بس سنه وحده وتتخرجين
نجمه : بخجل يابه اني احتاج وقت اريد افكر بالموضوع براحتي
جهاد : كام كل الوقت الج بويه ... كعدي ويه نفسج وراجعي كلامي لاتستعجلين بقرارج فكري زين هذا زواج مو لعبه ... واني منتظرج وكت ماتحسين نفسج تاكدي من قرارج سواء جان موافقه او رفض تعالي كليلي خوش
نجمه : هزت راسها
جهاد : باس راسها بحنان ... يله اعوفج براحتج
نجمه : ابتسمت ..... بكلبها الله يحفظك الي يااحسن ابو بالكون
_________________
براء : كاعده بالغرفه بين اربع حيطان .... اذن الاذان من زمان وزين لسه ماهو ... معقوله كل هالوكت يم ادم ... افف كمت دخلت للغرفه ابدل احس روحي راح تطلع ... طلعت تراك قصير متكون من قطعتين شورت وبدي يوصل للبطن لونه اسود وابيض ... بدلت ووكفت كدام ميز التواليت اباوع بطني بارزه لكدام ابتسمت يمه اروحلك فدوه اني ... اخذت حمره حمره خليت منها وشويه مسكاره ... اخذت موبايلي وكعدت على الجربايه اكلب طبعا حساباتي وكولشي بالموبايل عباره عن ملابس والعاب للاطفال وشكد احب اشتري واوصي بس حجيه خوله متقبل تكول موزين على الطفل دخلي بالثامن يا الله واني كعدت وسكت لان اخاف تصير صدوك
زين : دخلت للغرفه بعد ما رجعت من بره اباوع للصاله فارغه .... طبيت للغرفه صارت عيني عليها اباوعلها منتجيه على المخده ومدده رجليها على الجربايه ... رجليها طالعات وصدرها طافر كالعاده ... فتحت الكنتور اطلع ملابسي
براء : فزت من مكانها هاي شوكت اجه .... باوعتله ورجعت عيونها للموبايل جانت ناويه تعتذر منه بس من شافته يتجاهلها اخذت موقف منه
زين : اخذ ملابسه بدل واجه اخذ لابتوبه وكعد بعيد عنها يشتغل
براء : داكلب وشفت ملابس اطفال تجنن ... يمه هالاوفر يجنن صحيح مال بنات بس اوي تخيلت هستوني مسبحته والبسه هذا يمه اروحله فدوه ضليت اكلب
ههههه صدقه شوف الاحذيه لزمت بطنها شوكت ادخل بالثامن يحبيبي واطلع اشتريلك ملابس
زين : يباوعلها شلون تضحك وتسولف ويه ابنهم ... ابتسم الحمدلله والشكر
براء : رفعت راسها لكته يباوعلها باستهزاء ... طفت الموبايل وكامت تحت انظاره فتحت الكنتور طلعت حبشكلاتها واجتي كعدت على الجربايه ... طلعت النوتيلا والي متكدر تستغني عنها لاهي ولا عطره ... اخذت بالخاشوكه كميه جبيره واكلتها مره وحده ... امممممم كامت تمطك رجعت اخذت بعد والمشكله كل ما تاكلها تحس نفسها اول مره تضوكها
زين : بلع ريكه مباوعلها شلون تتاوهه مسح على ركبته ... يباوع دمرت شفايفها وتطلع لسانه تمطك .. راح باله لغير سالفه .... استغفر الله
براء : كاعده تاكل ولا يمها ... سدت علبه النوتيلا وطلعت الجبس فتحته واخذت وحده بس قربتها منها كلبت معدتها كامت تركض للحمام
زين : طبك اللابتوب وكام وراها بسرعه ... دخل للحمام لكاها تتقئ ذبت كلشي اكلته ... شبيج
براء : لارد بس تتقئ ... ذبت كلشي بحيث تحس امعائها راح تطلع
زين : هاي ليش صار هيج مو اول مره تاكل هذا الجبس حتى هيج تتقئ .... مسح على ظهرها شبيج براء شكلتي
براء : كوه تحجي ماادري شبيه فجئ كلبت معدتي رجعت تتقئ
زين : ضل يمسح على ظهرها ... ويوخر شعرها عن وجها ... من وكفت تقيئ ... غسل وجها وركبتها .. يباوع لوجها صار اصفر .. لاتخافين ماصار شي يجوز كلبت معدتج لان خربطتي بالاكل
براء : امم
زين : تعالي تمددي وادفي حتى ترتاح معدتج ... حضن خصرها ومشاها للغرفه وخر الغطه غطاها عدل ... وكعد يم راسها
براء : بألم بطني توجعني
زين : يمسح على شعرها بهدوء هسه بس يدفه جسمج ترتاحين ... ضل كاعد يم راسها لحد مانامت كام طفه الاضويه وطلع للصاله يكمل شغله
____________________
الساعه التاسعه ليلا
زين : كلنه كاعدين نتعشه وبراء كاعده يمي مدري شبيها
مريم : هاج يمه براء اكلي هذا المعلاك سويته الج
براء : بهدوء شكرا خاله .... اخذت تكه اكلت منها شويه
نجمه : براء شبيج اليوم ليش وجهج اصفر
براء : مالي خلك
زين : ضلو كاعدين يتعشون .... انتبهت لبراء دفعت الماعون وكامت تركض للمطبخ منسمع بس صوت التقيئ .... كمنه وراها شبيها اليوم
مريم : دخلت للمطبخ شافتها تتقيئ
بخوف ياا شبيها
براء : راح تموت مع انو كلشي ما اكلت بس متعرف شجاها
لؤي : خاف صارت عدها حاله تسمم من الاكل
زين : لا مستحيل اني مااخليها تاكل اي شي من بره اذا مااتاكد من تاريخ صلاحيته
قصي : خاف تاذت من المعلاك
مريم : لا يمه اني اليوم وصيت ابوك يجيبه جديد حتى مو بايت ... لان ادري بي يفيدها
زين : براء شو بس فهميني اكلتي شي
براء : بصعوبه ل لا
زين : غسلتلها وجها وطلعتها للصاله نجمه عفيه روحي جيبي عبايتها خلي اخذها للمستشفى خاف صدك شو شماكله ومتسممه
خوله : تباوعلها ... تعاي حبوبه ماكو داعي للمستشفى
زين : باستنكار صار ساعه تتقيئ شلون ماكو داعي
خوله : كامت على حيلها ... مرتك انصابت بعين هلتشوفها تخربطت لان هي طول فتره الحمل ماشفتها فد يوم ذبت من راسها شمعنه اليوم بالذات ... جيبها لغرفتي وتعال
براء : باوعت لزين
مريم : لاتخافين يمه امي تعرف بهالسوالف امهات كبل كلهن هيج روح يمه اخذ مرتك لا تخاف كلشي ماتسوي بس تقره قران
زين : تعاي ... اخذ ايدها وصعدها فوك دك الباب ودخل لغرفه خوله لكاها لازمه القران
خوله : تعاي حبوبه نامي على رجلي خلي اقرالج قران ... عمه بعينه الي شافج وماصلى على محمد
براء : تقربت متردده نايمه على رجلها
خوله : اطلع بيبي لاتخاف مااسويلها شي
زين : طلع وسد الباب ... معقوله تخربطت لان تعاركنه فنفسيتها تعبت
خوله : فتحت القران وخلت ايدها على راس براء وكامت تقره بصوت خاشع وهادئ .... ضلت فتره ماتقارب نص ساعه تقره بدون توقف
براء : تحس جسمها كله سكن وارتاح
خوله : تباوعلها مغمضه عيونها وكامت تثاوب ... مدت ايده المجعده من اثر العمر صابه كلاص ماي ... لزمته وبدت تقره عليه سورة يس (مجربه)... كملتها وسدت القران مصدقه ... كعدي حبوبه شربي الماي
براء : كامت بخمول اخذت كلاص المي منها شربته
خوله : ممنوع بعد تطلعين لمكان لو تلبسين مشلح بالمناسبات تدرين الي صار بيج اليوم ضربة عين تدرين عين بنادم شكد نكسه مرات تموت المقابيل ديربالج على روحج حبوبه مابقالج شي وتجيبين
براء : هزت راسها
خوله : يله كومي روحي لغرفتج ولا تنامين كعدي صلي واقري قران خلي ترتاح نفسيتج
براء : انشالله ... كامت طلعت من الغرفه ... متوجهه لغرفتها فتحت الباب ودخلت بوجها للحمام توضت وطلعت تصلي وتقره قران
____________________
بعد مرور عشر ايام
قصي : لككك صخام سجاد وييييينك
سجاد : طلع ها هااا
قصي : تعال شوف الصخام الزينه واختار الي تريده حتى ناخذ صخامتك نزينها
سجاد : هسه عليمن مخبوصين شبيكم
زين : يمعود شو دفضها مو عرسك باجر وجماله خميس يعني الدنيا مكلوبه فضها الله يفضك من نار جهنم
سجاد : اريدها حلوه
زين : هسه غير تختار حتى ندزها بأيد قصي ياخذها للتزيين و باجر انت تولي تجيبها
سجاد : شو جيبو اشوف كلب ... كلب هاي حلوه اريدها على سيارتي
زين : باوعله باستنكار ... احمر ينعل ابو ذوقك
سجاد : الله اكبر انت شعليك اني احب الاحمر .... قابل مثلك زينت سيارتك ابيض ونيلي ادري معرس بالمدرسه اني
قصي : ههههه اي والله حتى الالوان الي يختارها تجيب الغثه
زين : ببرود على العموم مو تنسون تاكدون على الرجال يكملها من لباجر
قصي : لا انشالله ... يباوع اجه حسن يركض
حسن : لك نعاااال ( عفوا ) هاي بعدك هناااااا صار ساعه اصيح وصل ماوليت جبيته
سجاد : اكلكم لا تخبصوني تره والحمزه افركش العرس هسه واطيح حظكم ... شنهاي خبصتوني اني العريس ما مخبوص مثلكم حتى مرتي الي المفروض تكون خايفه قبل شويه خابرتني تريد العشه باجر بيتزا وكص اذا احنه مرتاحين انتو شبيكم مخبوصين
زين : اولا انجب وثانيا مو كلشي تكوله مرتك تحجي بي اثكل شويه
سجاد : هسه قابل كتلكم شجنه نسوي عد بيت اهلها حتى هيج نفعلت
قصي : بخبث ليش شجنتو تسوون عد بيت اهلها
سجاد : باوع لزين منحرج ... الله لايوفقك عسى المحرك مالك يوكف وبعد مايشتغل وتضل تتحسر عليه خليتني اجفص كدام انكس واحد بالبيت عافهم وراح يدردم
حسن : ههههه خطيه
زين : ضحك شكد مطي
__________________
براء : صار عشر تيام اني وزين منتحاجه ... على كد السلام ... لاهو تنازل وحاجاني ولا اني الي بادرت وحتى بنومتنه كل واحد ينام بجهه ... هالوضع ابد ماعاجبني اني متعوده على حضنه من صار زواجنه فعلي ولليوم الي تعاركنه بي اني وياا منام اذا ممتحاضنين والمشكله اني مااكدر اغفه اذا مااشم عطره وصلت بيه انتظره لمن ينام واخلي راسي بركبته استنشق عطره واخذ كفايتي منه حتى اكدر انام .... كمت فتحت كنتوري اشوف كولشي جاهز لباجر لان باجر عرس سجاد والي حيكون هو عرس هو زفه .... لبست حجابي ونزلت جوه لكيت نجمه واكفه بالمطبخ ... صحت شدتسوين
نجمه : فزت طاحظج كطعتي خلفتي
براء : ضحكت اسفه بس شفتج صافنه وحبيت اخرعج ... كوليلي ليش صافنه
نجمه : ابتسمت هيج ماكو شي
براء : هاا فتهمت السالفه بيها ادم
نجمه : خزرتها نجبي لج سوالف كبار عيب تحجين بيها
براء : تره اني متزوجه قبلج يعني اني الي لازم اكولج هاي سوالف عيب مال كبار مو انتي
نجمه : لا عيني تنقاس بالعمر مو بالخبره ويله هسه ولي عني جنج بقره
براء : برطمت هاي عليه
نجمه : ضحكت كارصه خدودها ... لاتبجين اشاقه وياج انتي بقره صغيره بعد شتردين
براء : دفعت ايدها ولي ... اله اكل لخاله مريم دتراسلين ادم وانتو بعدكم لسه معاقدين
نجمه : لزمتها ... تعاي عمي والله اني الي بقره وانتي غزالة البيت بس لا تضلين تجفصين وتعمين عليه
براء : ضحكت ... شفتي من اصير حبابه وياج تكوليلي بقره ومن اهددج اصير غزاله لعد شكد مصلحجه انتي
نجمه : مو احنه البشر مانمشي بالاحترام اني اكلج
براء : عابتلج عفتها وطلعت لكيت الكل طالع بالحديقه ... طلعت اني هم افيييش الهوه يجنن ... اباوع الولد جاي يسوون الحديقه ومدري شيزرعون وزين واكف مدري شيسوي بسياج البيت رحت وكفت يم البنات
جميله : هاا بروئه شلونج اليوم
براء : بهدوء لا الحمدلله احسن من قبل
زين : واكف ارجع الكامرات لمكانهن وجان اشوف براء واكفه بره ويه البنات ولابسه صايه تريد تطك عليها ...هاي شلون تطلع هيج والولد موجودين ... خزرتها
براء : ليش ديخزرني شبي
زين : تعال لؤي كمل الباقي اني تعبت واريد ارتاح لان عندي طلعه بعد شويه
لؤي : جيب
زين : تقرب يمهم ... همس بصوت محد يسمعه غيرها بوجهج للغرفه وهسه
براء : لي...
زين : قاطعها اي نقاش مااريد اصعد الكاج وراي لا اسحلج هنا
براء : بكلبها اني ممسويه شي شبي وياي اليوم ... صعدت ورا اباوعله يمشي بسرعه خير شكو ... دخلت للغرفه شفته سد الباب قافلها
زين : بحده هاي شلابسه حضرت جنانج
براء : باوعت لنفسها شلابسه يعني صايه
زين : هاي مو صايه هذا قميص نوم
براء : باستغراب شبيك زين شنو قميص نوم
زين : دار جسمها ... جسمج كله مبين من وره ثوله انتي شلون تنزلين هيج
براء : تره كولشي ممبين لتبالغ زين
زين : ضرب خلفيتها بقوه ... جاا هذا شيسمو الي مبين ... ذيج وينها خلفيتج تهتز وياج ووحده تسلم على الثانيه ... غير تنتبهين جم مره كايلج انتبهي على ملابسج حاجه ضيكه عليج ذبيها اني اجيبلج عشره غيرها لو هو عناد
براء : ااوي شبيك زين يعني اذا ممنتبهه على الصايه اطلع داعاندك تره هذا الكلام عيب شنو يعني اذا اضوجكك اظهر مفاتني بدموع شجاك ويايه زين صار عشر تيام كافيي تره روحي طلعت ميصير هيج
زين : عافها وراح للغرفه بدون مايرد عليها
براء : ركضت ورا جاره ايده .... بطل تتجاهلني وكأني لاشيئ كدامك ... تقبل اتجاهلك واسوي وياك مثل مدتسوي وياي
زين : ببرود شوفي براء اريد انام تره كاعد من الصبح وروحي لعبانه اريد ارتاحلي ساعه واطلع
براء : وين تريد تطلع ملاحظ طلعاتك كثرانه هالفتره
زين : شنو تحاسبيني انتي ... اطلع بالوكت الي يعجبني وارجع بالوكت الي يعجبني مو انتي الي تحكميني فتهمني
براء : بهدوء وين حتروح
زين : خلي ارضي فضولج معزوم على عشه اني والدكاتره الي وياي زين
براء : واسراء حتجي ؟
زين : اي
براء : بهدوء متروح
زين : حاضر صدك جذب تدللين
براء : لتستهزئ بكلامي داكلك متروح يعني متروح
زين : اي مو هو بكيفج
براء : بكلبها كافي بعد لهنا وكافي ... تقدمت واكفه كباله ... رفعت ايدها فاتحه دكم قميصه همست مثل ما انت تمشيني بكيفك واني مااعترض نزلت قميصه لامسه صدره انت هم مجبور تمشي بكيفي
زين : بهدوء قنعي روحج بهالشي
براء : باسته متروح
زين : ببرود لاتحاولين كتلج اروح يعني اروح
براء : دفعته بخفه لوره وتقدمت لكدام ... صدكني حجايتي الي حتمشي اليوم
زين : وخرد..
براء : دفعته على الجربايه صاعده فوكه وبدون سابق انذار باسته .. واخذت اديه مخليتها على خصرها رجعت تبوسه بوتيره لحد ماحست عليه بده يبادلها ضلت مجاريته لزمت اديه رفعتهن لفوك ابتعدت عنه
زين : كعدي براء
براء : مدت ايدها ماخذه شالها وشاده اديه بالجربايه بقوه بحيث ميكدر يفتحهن ابتعدت عنه مباوعتله تلهث مو كتلك محخليك تروح
زين : كل عقلج شاده اديه عبالج مااكدر افتحهن ... جر اديه يريد يفتحهن ميكدر باوع شاده الشال اكثر من شده .... حاول يجر اديه
براء : ركضت طلعت شال ثاني واجتي بسرعه شاده الشال الثاني بشكل اقوه وباكثر من شده وحده بحيث استحاله واحد يكدر يفتحهن
زين : بعصبيه ... تادبي وفتحي الشال لاتخليني اتعامل وياج بغير اسلوب
براء : فتحت الصايله ظاهره جسمها الي ميغطي غير التشيرت الي يوصل للفخذ ... كعدت على بطنه ... مستحيل اخليك تطلع وهاي الي اسمها اسراء طالعه وياكم
زين : بحده فتحي ايدي احسن الج ... اني مو عبد عدج وتشديني فتحي بسرعه يللله
براء : دنكت بايسه شفايفه ماااا
براء : خلت راسها بركبته ... اخذت نفس بقوه متجاهله كل كلامه وتهديداته .... خلت شفايفها على ركبته بايستها بهدوء ... تلمست عضلاته هامسه احبهن
زين : يحاول قدر الامكان ما يتأثر ... كعدي لاتسوين هيج
براء : تعرف الي جاي تسوي بهالوقت لو جان بغير وقت جانت مستحيل تكدر تسوي ... بس ظرف اليوم جبرها تسوي هيج حتى تمنعه يروح ويلتقي ويه اسراء الي صارت محط مشاكل بحياتهم وهم حتى تعاقبه على تجاهله الها .... باست عضلاته السته بوسات متفرقه
زين : عض شفته من ملمس شفايفها
براء : مدت ايدها فاتحه سحابة البنطرون
زين : لا براء لاتسوين هيج ... ديربالج تسوين هيج لا تخليني اطلع من ديني
براء : فتحتها ساحبته لبعيد .... رجعت كعدت على بطنه .. هااا تروح
زين : كلب عيونه ... كعدي براء تره جاي تاذيني
براء : باوعتله ... بشنو دااذيك هاا بغباء ... بعصبيه اذيتك لان تريد تروح تشوف اسراء مو واني منعتك لهسبب تاذيت
زين : صاح بألم والله دنعل ابوج يابو حتى اسراء ... لج شوفي روحج وين كمزتي مو نعلتي ابويه
براء : باوعت جواها عززه اسفه والله ماادري بيك
زين : دمرتي مستقبلنه الله يطيح حظج
براء : بدموع ياذيك صدوك
زين : غمض عيونه .... رجعي لوره شويه اي عفيه هيج
براء : احتقن وجها من فهمت قصده
زين : يجر بايده يحاول يفتحها .... يلهث نزعي
براء : ياا
زين : بسررررعه يباوع سوت الي يريده امرها تتقرب منه .... رفع راسه بايسها
براء : حاوطت وجهه براحة ايدها مبادلته بحب ورقه
زين : ضل مجاريها لحد ما .... جر ايده فاتحها واخيرا ... كلبها بسرعه نايم فوكها
براء : فزت هاي شلون فتحت ايدك
زين : همس لو مو تشدين ايدي لو تكلبشيني اسوي الي اريده يعني .... صار عشر تيام محروم منها ضغط على نفسه بما فيه الكفايه ... كافي بعد
زين وبراء مثل الاقطاب المختلفه شكد ماهمه مختلفين بس دائما متجاذبين ... لو مهما حاولو يبتعدون عن بعض التجاذب الي بداخلهم يجربهم يندمجون سوه من جديد .... تركته يسوي الي يريده بعد فتره فتحت عيونها مباوعه لعيونه باسته وايدها تتحرك على لحيته ... عشر تيام اني بعيده عنك لعد ... لعد شكد قاسي وكلبك حجاره انت
زين : يباوع لعيونها خله خشمه على خشمها ... لو كلبي حجاره ما جان احضنج وانام واكعد الفجر اوخر عنج ... هامس براء اني لوما احبج ماجان اخذت موقف من شكج بيه لو مااحبج جان مااهتميتلج اصلا بس قهرني كلامج تجاهي وانتي تدرين بنفسج بالنسبه الي الهوه الي يصعد وينزل عندي
براء : بس اني حقي اشك خاصه اني شفتك وانت مكتلي من البدايه جنت دتوصلها
زين : باس شفايفها ... خلص حبيبي اني اسف حقج عليه بس كلامج وياي ما جان مقبول نهائيا يصير مره تكل لرجلها انت نفسك مريضه وتركض وره غريزتك
براء : بدموع اني اسفه زين من كد ماجنت منفعله كمت اجفص بالحجي ... زين اني احبك اله اعشقك سوي الي تريده بيه بس لتفكر بوحده غيري
زين : لو تنكلب السما على الارض مستحيل عقلي او كلبي او حواسي يلتفتن لاي كائن بهالدنيا غيرج ... براء حبج بالنسبه الي شي مقدس حاله حال العباده والصلاه انتي حبج شي يجيب السكينه لنفسي شلون ترديني افكر بغيرج
براء : ابتسمت ماسحه دموعها وحاضنته ... اقرب الها حتى يكملون ليلتهم والي جانت مليئه بالمغامرات
بعد مرور ساعه
زين : ابتعد عنها كايم متمدد بصفها ... جرها منيمها على صدره ... تدرين ماشبعت منج بس مجبور اوكف على حساب المحروس الي ابطنج
براء : ابتسمت
زين : اطيني الموبايل من يمج
براء : حتروح
زين : دجيبي ... اخذه داك الوو هاا علاء اعذرني اليوم مااكدر اطلع وياكم صارت عندي شغله مستعجله ... تعذرلي من الباقين يله من رخصتك مع السلامه .... سده وخلا يم راسه ورجع حضنها بقوه
براء : ابتسمت بخدر محرك ايدها على لحيته متلمستها بهدوء وهي بحضنه
___________________
في اليوم التالي .... يوم العرس
نجمه : ولكم وين صارت العروس
مريم : شبيج يمه هسه جايه بالطريق
نجمه : يمعوده بعد ساعه ونص تجي الزفه شلون بيكم اني
نسرين (صديقتها هي ومحاسن ) : اكلج نجمه
نجمه : هاا
نسرين : وين ام خطيبج
نجمه : بعده ماصار خطيبي وهذيج كاعده هناك
نسرين : اكلج
نجمه : هاا هاا
نسرين : منو ذيج الحلوه
نجمه : رفعت راسها وينها
نسرين : ذيج الي لابسه بدله رصاصيه مدري بيجيه والله عجبتني اريد اخطبها لحمايه مؤمل هسه اذا يشوفها يخرب عليها
نجمه : اباوع ... هاي براء ولج ادبسزز هاي مرت اخويه زين
نسرين : كولي والله
نجمه : والله العظيم .... تعاي اعرفج عليها ... تعاي براء اعرفج هاي صديقتي نسرين
براء : ابتسمت هلوو
نسرين : اوي فدوه خدودج يخبلن
براء : ضحكت بخجل شكرا
نسرين : بس تدرين مخربه جسمج بالكرش
نجمه : شكد غبيه لج ثوله هاي حامل
براء : تضحك اليوم كولش فرحانه هي لان تصالحت هي وزين وطبعا انجبرت تروح للصالون حتى نخفي الانفجار الي بجسمها
نور : تباوع لبدلتها اكول براء بيش اخذتي هالبدله
براء : مااعرف والله زين وصالي عليها من زمان
نور : مبينه غاليه بس تستاهل حيلل حلوه
براء : ابتسمت مغطيه رجلها ... بهدوء شكرا
_____________
براء : اجتي محاسن والي جانت طالعه تجنن ... بدت الحفله والي جانت اكثر من رائعه حيلل تونسنه بيها خو محاسن ذبت لحم موتتنه ضحك .... خلصت الحفله واجتي الزفه .... رحنه بدلنه وطلعنه ... شفت زين واكف بره اروح فدوه لهل الطله لابس قاط اسود واكف على جهه يضحك حبيبي
زين : كامو يرمون طلك ... هسه شنو معناها هالحركات .... طلعت ادور على براء لا تروح تخترع موزين عليها
قصي : وين رايح زين
زين : هسه جاي
براء : لازمه ايد نجمه وامشي حتى توصلني لسياره زين لان لالسه كعب واخاف اوكع اباوعله وين راح
نجمه : بس لحظه براء هسه اجي خليج واكفه هنا
براء : ضليت واكفه بمكاني ... افف وينه زين ... صارت هوسه مال نسوان ورايه
النسوان : شويه عيوني وخري
براء : اجيت ادنه عنهن دفعني حيلل ... نعوج الكعب وكعت على بطنها كدام السياره بقوه .... لزمت بطنها صارخه ااااه
