رواية نورة الفصل الخامس بقلم ام مصطفى
ضل مجلب بركبتي وعمتي تجر بيه ورزاق يجر
فكني بس كمت اكح وكو اجر نفس
وضل يضرب بيه برجلة دفرات ع بطني
-انت تعانديني والله اذبحج
الفلوس ترجع
لو ماكو تموتين ع ايدي
عمتي
-فدووه عوفها اي ترجع انه هسه رايحه
لام سليم وارجعهن
يله وخر مني
وضل يغلط ويسب صايره شاطره هي
ضامه فلوس داوود ع گلبها
واحنه حصره علينا الفلس
تشتري كيعان تريد تطلع
انجوم الظهر اقربلج
طلع وطبگ باب الشارع
واني كعدت ع حيلي من راح جريت نفس وابجي لزمت بطني كامت توجعني حيل من ضرباته
ورگبتي هم
احس بلاعيمي طگت
كمت ابجي وينك داوود
الحگلي تهجم عادل علي ويضربني
اوانت مو هنا
عمتي كامت تبوس بيه
-فدوه اروحلج عمه بسج دكومي اغسل وجهج
-مااكدر اكوم بطني وضهري يوجعني
-عساه لارد اووف ياربي شسويت عدك اني وبلبتني بهيج خلفه
اندارت ع مرت عادل
-وانت الحيه ام المشاكل شكو رحتي حطيتيهاةبحلگة
ماتضمين شي
-شنو عمه كفرت خوما كفرت
حجايه حجيتها يمه كتله اشتروا كاع
وهو طفر
شمدريني، هيج يسوي
-والله لوما وزيتي وذبيتيلج جم حجايه
ميسوي هيج
طلع مدبل منج
اذا غيرانه منها
لمي روحج واشتريلج گاع
-شنو غيرانه منها
هي احلى مني لو احسن مني،
اشو كلكم تصيحون غيرانه منها
والله يا الله
هسه اخابر ع اهلي واخذ جهالي واروح
-دفعت مردي والهوه شرجي
طبت وسدت الباب
اني الوجع اخذني
وابجي
كومتني عمتي كومي يمة كومي
-عمه مابيه اوكف
-اني اكومج اسندي علي
كمت كوه
مااحس اله شي حاار نزل مني قوي
اباوع ع رجلي
اشوف دم ينزل ع رجلي للگاع
وتفيضت
عمتي ضربت ع وجها
-يمةة شصارلج
رزااق ولك رزاق
شوفنه سياره
اني انرعبت من شفت الدم
عمه شنو هذا الطفل وكع يعني
شلون نزل دم واني حامل
كامت تخرمش بخدودها عمتي
يمه شكل لاخوي هسه
شكل لداوود لو رد
بسرعه صعدوني للمستشفى
وللطاورئ النسائيه فوتوني،
فحصتني الدكتوره
كالت عدها سقاط
شنو واكعه
-اي وكعت
لعد يله دخلوها نسويلها كورداج
-عمه شراح يسولي
-لا تخافين ماكو شي،
وهي تبجي،
-عمه بس خابري اهلي خلي، يجون
وبناتي ضلن يتصارخن
فدوه
-انتي مالج شغل بس طبي،
جنت كلش خايفه مااعرف شنو كورداج
دخلوني
وضربتني ابر الدكتوره وكامت تشتغل
واني ابجي، من الوجع
متت اخخخ الف موته
من الوجع والهضيمه والقهر
طلعت
وعمتي ورزاق رجعوني للبيت
دخلتني للغرفه عمتي
وضلت تتوسل وتبجي، فدوه لا دكولين لاهلج
ابوس ايدج لخاطري بس هالمره
لزمت ايدي باستها
لاتوصليها لهج
تبجي وتحجي
واني هم ابجي،
عمتي هواي احبها مابيها اذيه وتحبني
كتلها عمه خلص كلشي مااحجب
راح اكول عثرت ووكعت
بس داوود مااضم عليه
شي
-بعد شغله بعد عمتج اسحبي، الفلوس
وخلي تولي الكاع
-ليش عمه اني اريدها مستقبل لجهالي
-فدوه اروحلج بله مشاكل
اسحبيهن ووديهن لابوج
عود اشتري بسكوت
ضلت تلح عمتي وتتوسل
كتلها هاي هي
بس بكلبي كلش مقهوره ومهضومه
فوك الي، صارلي
انوب الكاع طارت
اعرف لو رجعت الفلوس
ياخذهن ويخلصهن اله
دزيت ع اهلي اجت امي
مصدومه شلون طرحتي
-وكعت يمه وبطني توجعتي
ضلت وطرحت مامقسوم الي
يمه فدوه
روحي لام سليم جيبي الفلوس
-يا افلوس
-مالت الكاع كليلها رجلها مارضى
-يا ليش،
-يمه داوود يكول مو خوش مكان نشوف بغير، مكان
قريب بالحله احسن
اني راح اطيهن لاپوي هو يشوفلي مكان زين
-خوش هسه رايحه
اي ع ماترحين تلكيني محظره روحي
حتى اروح وياج منا لحد ميرجع
داوود
-هلا بيج
طلعت امي
وعمتي طبت
-ها كون كتيلها شي
-لا مكلت
-جاوين راحت
-راحت تجيب الفلوس من ام سليم
-اي فدوه رحتلج يم عقل الجبير
تستمر القصة أدناه
ضلت عمتي يمي بالغرفه كاعده
لحد مااجت امي جايبه الفلوس
اخذتهن منها
وشلت ملابسي وبناتي ورحت لهلي
بس كلش ميته قهر
ابوي سئلني شلون وكعتي بويه
-يابه صعدت اشر ملابس وعثرت ع الدرج ووكعت
-عمت عيني عليج بويه
سلامة من الله بويه
كام يقره علي معوذات
لان اني احجيله وابجي
كلش مقهوره ومستهظمه من عويدل
-بويه بيج شي
-لا يابه بس مقهوره ع الطفل
وخاف داوود ينقهر هم
-يابه رزق ومصار
العوض من الله
-يابه هاي الفلوس خليها عدك
من تشوفلي كاع زينه اشتريها الي
-جاليش يمي خوب يم رجلج
-بويه هو رجلي كل شهر ينزل اسبوع
وين يخليهن قابل ياخذهن للجبهة وياه
عوفهن يمك لحد ماتلكالي كاع قريبه هنا
-ان شاءالله بويه
بقيت يم اهلي
شهر كامل داروني
وخديجه مزوجه كلش قريب ع اهلي
تجي يمه اختي دوم
خطيه صار سنه ونص من تزوجت وماكو طفل
يصير عدها
وهي تموت ع الجهال
تجي بس تبوس ابناتي
وتاخذهن وياها مرات لعيالها
وخوله هم تحبهن
حيل مدارات بناتي
اخوي حسن هم جان عده جهال بس عازل فوك اله القاط الثاني كله
وابوي يريد يزوج حيدر
بس الحرب ماوكفت
والاوضاع تخوف
الشهداء اتجر كل يوم جايبين شهيد بدربونتنه
وبذاك الوكت الجار يحزن وي جاره
ابوي مايرضى نخطب وجيرانه حزنانين
اتاخر داوود بالرجعه
وضل بالنه عليها
شهر ونص وماراجع
رجعت لبيت عمتي
عادل ملتحق
ومرته رايحه لهلها
عاد عمتي اجت اخذتني
انوب رزاق رسب
وهاي سنه ثانيه يرسب
كام ولبس عسكريه وصعد
عمتي شبعت بجي
كامت تنوح وتبجي
هم ع رزاق وهم ع داوود تاخر
-بيت وصفه من الزلم خالي
وضليت انه بحصرة الوالي
ذليله وحال الضيم حالي
تنعى عمتي هيج كامت
واني كابلتها وابجي
اخاف صارله شي
شبعنا قهر وخوف
وين نروح ووين نسئل
وره شهرين طب علينا داوود
اني شفته وكمت اصرخ
دنكت ع اديه ابوس بيهن
داوود هيج ورجعت سالم
فدووه اروحلك ياربي ماقصرت
عمتي كامت تهلهل
وتبوس وتبجي يمةة داوود ابو بيتي
يمة توه نور البيت برجعتك
يمه انه خلافك اضيع وليدي
شبكها وضل يبجي
اول مره اشوفه يبجي
تأثر كلش ع امه لان تبجي
بسرعه اني اخذت الجنطه منه
ونزعته البسطال
وحميتله مي حار
حضرت الحمام اله
ودخلت وياه سبحته وطلعت
جان كلش تعبان
صبيتله اكل كعد ياكل بشراسه
عبالك سنين ماماكل
ياكل ويسولف
يكول انذار
وكوه نزلت اني توسلت بالضابط توسل يله نزلت
وضل يحجي ع الوضع هناك
والحرب والشهداء وو
لحد مامل
سئل ع رزاق
عمتي كالتله هم رسب وصعد وراح
تخبل عليه
-شلون رسب غبي اني مو كتله اقره
هو وين يعرف بالحرب
انوب يصعدوهم كبل للجبهة
شلون هيج صار
-لاتخوفني اكثر عليه يمه
-يمه رزاق فقير وينه وين الجيش
عاف الاكل وكام غسل اديه
ومقهور كلش
ضل يدخن بره
وطب للغرفه حسيته كلش تعبان
مو مال احجيله شي
خطيه بسرعه نام وضل يشخر
كلت حتى مااخلي يطلع يشتغل
هذا الاسبوع
نام لثاني يوم الصبح كعد
حط ورود بحضنه جان روحه من الدنيا هي
يموت عليها ومداريها كلش
ومدللها
كال هسه انتي بياشهر ولج
شو جن ماعدج بطن
دنكت محجيت
-شكو مو احجي وياج
اني هنا انفجرت
وحجيتله كلشي
تخبل هو عويدل هيج يسوي بغيابي
مستحگرني شنو عود هو اكبر مني ع اساس ويتحكم بيه
وين يروح اله اكتله حلال
طلع ضل يصيح ع عمتي
شنو اني طرطور هنا
عادل يضرب مرتي ويغلط عليها
انتي ماتردينه
تره اروح لبوي الكواد
بلكت يرده
ولو ذاك ملتهي بالنسوان يوميه يتزوج ويطلك
بحالنه هو
شوفي وحق الله والعباس
انوب اليمد ايده ع مرتي اكسرها
سمعتوا لولا
وطب للغرفه
حضني وكال
-هالمره لخاطري عديها
بس انوب اكتله حلال
-لا عليمن اني كلت اذا هو يرجع اروح لهلي لحد مترد انت
ضل يفتر بالغرفه شيخلص هالحرب
شيخلص الانتقام هذا
شلون افر شسوي
كتله عليمن تفر شعدنه قابل ياعيني
هو كل بيت تصير بي مشاكل
ضليت اهدي بيه
لان شفته كلش انفعل
بقيت اهدي بيه
اخذ،ورود وطلع
يروح يم اصدقائه لو يم
كرايبنه ولد عم ابوي بيت ابو صباح
الي ماخذين اختي خديجة
جان كلش خوش ولد ولدهم
ومتدينين ودارسين وكلهم عدهم شهادات ويدرسون
فهو من يضوج يروح يمهم
لليل رجع منعسه ورود جابها ورجع
وروود صار عمره ٣سنوات
بس تحب ابوها كلش
من يجي لحد ميروح مجلبه بيه
نومها
وع ايده
واجة تمدد يمي
-ميخالف لخاطري تحملي
اعرفج اصيله بت خالي
-بس العين بصيره والايد كصيره
هالحرب صارلها سنتين ومتخلص
من ساعة السودة ع ايران 🇮🇷 وع صدام
-اششش شجاك الحيطان الها اذان
-مو متنا يمعوده
ايران هذول فرس مايرحمون اليوكع بيدهم هو والميت
وحكومتنا هم مترحمنا
واثنينهم جلاب مايتنازلون
واحنه واگعين بيها
شلون تفض،وشوكت مااعرف
بس هذا اجباري علينه صاير
مدام الحرب كايمة احنه لازم ندافع ع وطنه
رضينه لو مارضينا
صدك بدي اخلص اشرد من الجبهة
بس من اشوف شلون يكتلون العراقيين
تشيلني الحركه
ضل يسولف مقهور بالسياسه
الصدك اني كلشي ماافهم بالسياسه
انوب رد علي
ويبوس يابعد روحي وكلبي
ومن هالحجي
ضل اسبوع والتحق رجع
تنعصر روحي من يروح
كلما يروح يودعني ويوصيني بالبنات
ويروح
لان اليروح للحرب ما يعرف يرد لولا
راح شهر وماكو
رجع عادل ورجع رزاق
خطيه شحاله ومزينين شعره
شبعت قهر عليه
كلش خوش ولد
يشبه اخلاق داوود وفقير خطيه مو مال جيش صدك
من اجه عادل اني رحت لهلي هم
مارجعت اله راح
وهو راح جاب مرته
من اهلها ورجع
انوب هم رجع التحق
وهيج مرت الايام
لحد ماجانه خبر استشهد رزاق
