رواية نورة الفصل السابع بقلم ام مصطفى
شفت كصايب بتي جوه التاير
يمةةةة بنيتي صرخت
دنكت عليها مدمايه
ولكم تتعاركون وبنتي جوه السياره
طلعووو بتي
يمةةةةة بنيتي
شلون اطلعها مااعرف
الزم كصايبها واخاف اجرها تتوجع
ماما وروود حاجيني
تسمعيني
بيج شي يوجعج شي
طلعوووو بنتيييييييييييي
المصيبه لمن يريد يطلع بنتي لازم يدوسها مره ثانيه بالتايرات
صايره بالنص
اذا رجع يدوسها
واذا تقدم يدوسها
صعد راد يشغل
اشوف وصل التاير يمها ولكك شسوي
راح ترجع تودسها
يمةةةةةةة بنتي
احسها اتكطعت
طلعت شالوها وركضوا بيها للمستشفى
حتى ماخلوني الزمها
صعدت وياهم
بنتي بس خلي اشوفها
اخوي حسن
-كولي يالله كولي يا الله احلام
-خويه بس اطينياها
-عوفيها بحضني
-خويه بس احاجيها اشوفها تحجي
بس خلي اشوف شبيها
-هسه نوصل المستشفى وتشوفيها عوفيها هسه بحضني
وجع حسن ميتفسر،
حسيت بنتي ماتت
وصلت للمستشفى
وركض ع الطواري
خلوها ع السديه
اجه الدكتور يفحصها
هز راسه
-لا اله الاالله ميته متوقف قلبها
-لا فدوه دكتور لا دكول هيج
يمةةة بنتي
ركضت حضنتها يمةة ورود حاجيني
حطيتها بحضني وكعدت بالكاع
وكصايبها تطايح منا ومنا
وج يمةة لا اشلعين كلبي
حاجيني ورده
اصرخ بعلو صوتي
اكعدي يمةة يعزيزة ابوج اكعدي يمةةة
شكله لابوج لو رد
ماتت عزيزتك 1
رفعت راسي للسمة ربي امتحانك صعب
ربي اطيني الصبر، ربي
لا تكسر كلبي ابنتي
-خويه كولي ياالله
جر ورده مني وهو يصرخ
وج خالو عمت عيني عليج
حيدر يبوس برجليها
جانوا اهلي واخواني ححبون بناتي هواي بالخص ورود حلوه وبيضه وعدها خدود وشعرها سرح اشكر..
اجت امي وابوي
شافونه نتصارخ
عرفوا ماتت
انوب اجو بيت عمتي وعادل جان نازل
وصلوا
كالهم ابوي ماتت
عمتي شكت ثوبها
وضلت تلطم يمةةو ماتت البت
اوووف يا موتت الطفل الصغير يكسر ويقهر ناره متنطفي
اخخخ يوردة يايمةةة لهسه نارج بكلبي تسعر
نوره:- يمه كافي اسفه ذكرتج بالماضي
-ليش اني ناسيتها تاكل وتشرب وياي
اه وجم اه تتحمل خايب يكلبي
-فدوه يمه كافي خليها ع باجر كمليلي
موزين عليج وانتي مريضه
كافي بجي
-خليني اكملج خايبه نوره
-فوك قهري وحركة كلبي ع بنتي
الملامه
عمج عادل
-ضل يغلط علي بالمستشفى
-ولججج احلام دايحه بالسواك وتيهة بناتج
انت مالج ردادد
ماتت البت بسبب اهمالج
كام يعد ويسفط علي
اني مو بحاله بنتي صدك اكول راحت وبعد ما اشوفها
تخبلت كلش
اخذوها مني وراحوا
حتى ماخلوني اروح وياها
من كد الدگ واللطم طرحت مرت الخ
وتعذبت بالمستشفى
خلصت ايام العزه انزف
وره اسبوع رجع داوود
اني بقيت يم اهلي
مارحت لعيالي
وخالتج خديجه اخذتج عدها
دكول تعلقت بنوره عوفيها يمي.
واني هم هملتج ومو بحالج
لحد ما ماكالوا داوود جايي
ومتخبل
ركضت لبست عباتي ورحت
من راس الدربونه واسمع صريخة
عو وعمتي
هي تنعى وهو يصرخ
طبيت اصرخ
داوود راحت ورود
-ولج وين بنتي مو امنتج ع بناتي
تستمر القصة أدناه
داوود مو بيدي راحت بنيتنا راحت
كعدت بالكاع واصرخ
راحت من اديه
كلش اتاثر وكطع الاكل والشرب
الولد يحاولون يصبروه
بس هو انصدم احسها صدمة عمره
اخذ جنطته ورجع
كال الغرفه المابيها ورود تخنكني
كطع اجازته والتحق
يكلي بلكت اموت وارتاح
مااكدر بلاها
اني هناك واعد ساعه ساعه ع اجازتي
حتى اشوفها اذكر حجاياتها وضحكاتها 3
الاجازه ماريدها
راح داوود
انوب زاد قهري قهر كسرني هواي حزنه ع بنته
ردته يصبرني
تالي هو يرادله من يصبره...
تمرضت وليل نهار اون وابجي ع بنتي
شهرين داوود ماينزل
بس يدز رسايل بد الجنود الي ينزلون
يكول اني بخير بس
مااريد انزل
واني ادزله جكاير ومصرف وملابس
بيد المرسال الي يدزه النه
الشهر الثالث نزل
جنت حيل مشتاقتله
حضنته داوود
-شبيدي ع امر الله
هذا المكتوب علي لا تصير انت والدنيا علي
والله محتاجتج يمي
شلون يطيك كلبك تعوفني واني بامس الحاجه الك
اني جاي اموت والله هم بنتي ماتت بين ادي
وهم الطفل طاح وهم انت
شصير، وصبر تعبت والله
-حقج احلام انه صرت اناني وماحسيت بيج فكرت بنفسي وبس
باسني من كصتي
العوض ع الله
قل لن يصيبنا إلا ماكتب الله لنا
الف الحمد الله والشكر ع كل حال
هم بقى اسبوع وراح
وهيج مرت الايام ينزل اسبوع
ويروح شهر
بس حيل انكسر ونفسيته تعبانه
هم رزاق وهم ورود
ومرت الايام
صفاء حماتي انخطبت لبيت عمها بالناصريه
سووه الخطبه بينهم
وخطيه حتى الاسود منزعته
طول فترة الخطبه ولا حفت
لحد مااخذوها هناك
حفت وذبت والاسود
راحت وحدها خطيه
بس مرت عادل راحت وياها
لا اني رحت ولا عمتي
جنه حزانين
وعمتي مارضت عرس يصير ابيتها
كالت الهم اخذوها هناك
فكو حزنها و سوولها عرس
من ازوجت صفاء
بدت المشاكل
مرت عادل تنحست وكامت تسوي مشاكل
شنو انتي ترحين لهلج والشغل كله علي
ويوميه عركه
عمتي هم كلبت علي
-اكلج كعدتج عد اهلج مالها داعي
تره حقها شنو ترحين وشغل البيت تذبي عليها
هي هم رجلها يروح شهر ويرجع
هم تروح لهلها لوتريد
ضاله محتاره بالجهال والبيت وحدها
مصارت هاي نهار كله يم اهلج
بعد ترحين كل اسبوع عصريه وتردين
-ان شاءالله عمه
اني من اروح جنت اشرد من المشاكل وهم بناتي يردن مصرف
واهلي شايلين كلشي مني هم يصرفون عليهن
وانتي عد خديجه لزكت بيج
عوفيها يمي
كمت مااروح لهلي هواي
وانتي اسبوع يمي واسبوع يم خديجه وبديتي تتنحسين مني تريدين
خديجه اكثر متريديني
بس داوود يحجي شنو عايفه نوره يم خديجه
هو شعدنه شو ورود وماتت وضلت بس امل عدج
والله هي مجلبه بيها وتعودت ع خالتها
من فاتحة ورود جلبت
ميخالف جيبيها تتعود خليها
ان شاءالله
راح داوود وحبلت
وداود هالمره طار فرح عبالك اول مره احبل
يروح ويوصيني
ديري بالج ع الطفل الي ابطنج
اني متأكد بيج ولد
والله راح يعوضني
بدت بطني تكبر ودخلت بشهري
داوود راح
كال اني رايح لو جبتي ولد سميه علي
واذا جبتي بنت سميها الي يعجبج
بس راح داوود وره اسبوع جبت ولد سميته علي فرحت هواي بي
بس علي انولد بي ربو من الولاده
وضليت افتر بي بالمستشفيات
تاخر داوود برجعته
بسنة ٨٨ سمعنا خبر انو الايرانين
احتلوا منطقة الشلامجة واسروا
كل العراقيين البيها وكتلوا البقيه
كمنا ندگ ونلطم
لان داوود هناك يداوم
وره كم يوم جابولنه جثة كالوا هذا داوود لكينه جنسبته وكلادته بجيب الجثه
وللحكاية بقيه
طبعا حيل اتاثرت بهذا البارت والقران گوه كتبته
يمعودات دزلي قصة مفرحه مو شيبت من قصصجن
مااكول بس الله يساعدكم يالعراقيين ع هالضيم
