رواية فصلية ولكن الفصل السابع بقلم سوزان ليث
حياة : ظليت واكفه وبكلبي اكول شبي هذا نظراته غريبه اليوم
كعدت عالفراش وظليت العب بالموبايل انتظره يروح ينام اريد انام اني هم
خالد: ظليت كاعد كبالها مسوي نفسي العب بتليفون بس اني كلسع اباع عليها حسيتها نعسانه بس تستحي تنام لان كاعد يمها بعدين استخطيتها لان شفتها كلسع تثاوب عاد رحت لفراشي ونمت
حياة: مر جم اسبوع وخالد معاملته الي مو مثل قبل صار يسولف ويايه ويطلب مني شغلات اسويها اله قبل جان كله يطلب من امل اما خالتي فكامت كل مشوفني كاعده تفاتحني بموضوع خالد لو تحاول تقربني منه بالكوه
كعدت صبح كمت غسلت جان خالد ماكو كلت يجوز كاعد عدلت حجابي وطلعت رحت للمطبخ لكيت بس ساره كتلها صباح الخير
ساره: صباح نور
حياة: شو ماكو احد
ساره : اي شيخ بر كاعد هو والحجيه بالحديقه
حياة: طلعت عليهم بالحديقه صباح الخير
خالد . خالة. صباح النور
خالة: تعالي كعدي اليوم طلعنا بره الهوى يرد الروح
حياة: اي جو حلو
خالة: تريكتي
حياة: لا خاله هسه كعدت
خالة: لعد احنا سبقناج من وكت
حياة: بالعافيه
خالة: الله يعافي بدنج .. اليوم تجي ام كمال وبناتها عالغده
حياة: بكلبي كلت اهووو شون اكرهه .. كتلها هاصدك
خالة: اي خابرتني صبح وكلتلي
حياة: ساره صاحت خالتي تريدها شوف الطبخه كامت بقيت كاعده بس اني وخالد بس ضجت لان ام كمال حتجي وبتها الجبيره ظل بس تتلوك لخالد كل متجي
خالد : شبيج شو ضايجه
حياة: لا مضايجه .. اليوم ماعدك طلعه
خالد : لا العصر اطلع ليش رايده شي
حياة: ها محد حيجي عليك .. ردته بس يطلع او احد يجي عليه حتى ميدخل جوه من تجي عمته وبناتها
خالد: لا محد يجي . بعدين عمتي دريد اشوفها
حياة: لاايراديا حجيت اي اكيد لازم شوف بت عمك
خالد: شنو شكلتي
حياة: لا احاجي نفسي
خالد: ها ليش مخبله تحاجين نفسج
حياة: باوعت عليه كتله اي مخبله
خالد: ههههه الله يشافيج
حياة: ظليت اباع عليه وبكلبي اكول اي انت هم تكيف على بت عمك من ظل تعوج بالسانها
خالد : شبيج تباعين هيج عبالك طلبيني ثار
حياة: ممباوعه عليك اكوم ادخل جوه احسن
خالد: استغربت هاي شبيها اليوم مطنكره ومتتحجى ظليت اضحك عليها شون كامت وهي ضايجه
حياة: دخلت جوه ظليت افتر ساره جانت منظفه البيت وامل بعد مكاعده ظليت افتر بالاخير دخلت لغرفتي شلت فراشي وعدلت جربايه وفتحت شباك بس مدري شبيه اصرف بعصبيه سمعت واحد يكلي
على كيفج ويه البرده حتنشلع التافيت عليه لكيته خالد
. باوعت عليه ورجعت كملت شغلي ..عندي هدوم مغسوله كعدت اعزل الكوي عن الي اصفطهن
خالد: شبيج تتعاركين ويه ذبان وجهج
حياة: مابيه
خالد: اني حروح اسبح عود حضريلي هدوم
حياة: اي عيني اسبح حتجي ست الحسن
خالد: شنو
حياة: داكلك فوت واني احضرلك هدومك واخليهن بالمنزع .. طبعا الحمام بي منزع بس بي باب يله الحمام
خالد : دخلت للحمام بس اني بس اضحك على تصرفاتها وشون ذب الحجايه الي بكلبها وترجع تحجي شكل بس عرفت هي ضايجه لان عمتي وبناتها يجن
كملت سبح وطلعت لكيتها خاله الميز الوتي وتكوي كلت خل اضوجها شويه
رحت للميز تعطرت ومشطت شعري وظليت اباع على نفسي واسوي نفسي اتعدل
حياة: هذا شبي صاله ساعه يعدل بنفسه ظليت اكوي واباع عليه بطارف عيني
خالد: اكلج ابقى بهذا التراك لو اللبس التراك البي احمر شدكولين
خالد: اكلج ابقى بهذا التراك لو اللبس التراك البي احمر شدكولين
حياة: باوعت عليه فكرت ذاك التراك يطلع ضاوي بي كتله لا هذا حلو
خالد: ها مادري شو ممقتنع بنفسي
حياة: وشعدك هو انت كاعد بالبيت قابل تريد تطلع
خالد: لا بس حتجي عمتي وبناتها عيب يشوفوني مبهذل
حياة: بكلبي اكله اريد يوم اشوفك متبهذل 24 ساعه متعدل ومتعطر
.. كتله وشبيك صالك ساعه تعدل بنفسك عبالك حيجون ضيوف مهمين هي خلك عمتك وبناتهن
خالد: باوعت عليها واني حاصر ضحكه . كتلها لسانج طولان
حياة: ظليت ساكته واكمل كوي شويه وطلع هو كملت شغلي كلت افوت اسبح فتت سبحت وطلعت مشطت وجففت شعري طلعت كلابيه هي بسيطه مابيها شي بس لان شويه ضيكه ردت اضوجه مثل مضوجني لابستها لونها بنفسجي غامق طلعتني ضاويه خليت حمره وردي فاتحه وكحله وماسكاره وتعطرت ندكت باب فاتت امل
امل: يمه هاي منو . حضرتج حياة
حياة: بتسمت كتلها ولي
امل : ههههه خرب طالعه فدشي
حياة: اقل ماعندي هذا
امل: اي سمعت عمتي ام كمال حتجي هنا وحياتها وياها
حياة: اي بيبيتج غثتني بهذا الخبر
امل: ها وانتي حضرتي نفسج علمود حيجن
حياة: لا شعليه بيهم اني حبيت ابدل
امل: هاااا صدكتج اني
حياة: امل هاي بتها حيه الجبيره تجي تتلزك بخالد وظل بس سولف وياه واني مرته ممسولفه وياه هلكد
امل: مممم كابه الغيره عدج ههههههه
حياة: لا على منو اغار بس اني اضوج من البنيه الخفيفه
امل: ههههههه اي اي .. نزعي حجابج لعد ترى ماكو احد خبلتيني 24 ساعه لابسته خل يشوفون شعرج عيني عبالهم كرعه
حياة: لا يولي خاف عيب .. جرت مني الشال كالت يله هيج احلا بعديم عمامي مو بالبيت والله حتخلين ابويه يكوم يمشي
حياة : طلعت ورحت للهول الصغير لكيت بس خالتي دصلي فتت كعدت يمها كملت ندارت عليه
خالة: اي يمه هيج اريدج دايما
حياة: ظليت مبتسمه ماعرف شحجي وماعرف ليش هيج بدلت وسويت معقوله اغار على خالد
خالة: دروحي للهول جبير خالد هناك ديتفرج تلفزيون روحي يمه خل يشوف هالجمال
حياة: لا خاله استحي
خالة: دمشي ولج اخذيله فواكه وروحي يمه بحجه دكشريله
حياة: باوعت خرب خالتي عدهاافكار كمت رحت للمطبخ خليت فواكه بالماعون واخذت الصينيه رحت للهول بس اني كلش مستحيه بس ردت يشوفني حتى اضوجه مثل مضوجني فتت هو جان ممنتبه عليه كعدت عالتخم الي بصفه كرسي مالته سويت نفسي اكشر بالبرتقاله صعدت راسي لكيته صافن عليه
خالد : فاتت عليه حياة بس سويت نفسي ممنتبه ومركز على تلفزيون بس عطرها بت الاوادم يجذب اكبر واحد لتافيت عليه لكيتها بدون حجاب وخاله مكياج خفيف ولابسه ثوب طالعه لعابه ظليت صافن عليها اول مره اشوفها هيج من يوم الجتي لبيتنا
حياة: من الخجل ماعرف شسوي بس اظاهرت ماكو شي ومسئله عادي نطيته البرتقالة هو اخذها بدون ميحجي شي وظل يباع عليه
خالد: انتبهت على نفسي صافن عليها وهي احسها كامت تتوتر من نظراتي رجعت اباع عالتلفزيون بس كلسع اباوع عليها
حياة: كشرت تفاحه وقسمتها وخليتها بالماعون ونطيتها اله
هو اخذها ويباع عليه اني بكلبي عزه ميته فرح من نظراته حسيت نفسي اكدر اجذبه
كمل اكل اني كمت اودي صينيه مال فواكه وتقصدت افوت من كدامه مو من وراه حتى يشوفني
خالد: ظلت كاعده كملت كامت اخذت الماعون وصينيه وكامت تريد تروح بس بت الوادم لابسه ثوب حصر عليها ومقسم جسمها تقسيم يجذب الواحد ظليت اباوع على جسمها لحد مطلعت
حياة: طلعت من الهول واني ابتسامتي شكبرها شافتني خاله باوعت عليه وضحكت
رحت وديت صينيه بالمطبخ وغسلتهن جتي امل كالت بابا يريدج
اني صراحه فرحت كتلها اي رحت للهول كالتلي بابا راح للغرفه
باوعت عليها
امل: ههههههه وجهج صار اصفر شسويتي
حياة: والله مسويت بس نطيته فواكه
امل: ههههههه الها تاثير لعد روحي يله
حياة: دخلت للغرفه لان لكيته مفتوحه شويه هو جان بالحمام شويه وطلع باوع عليه من فوك لجوه كلي
خالد: هذا اللبس بعد ميلبس والخربطه الي بوجهج هسه تفوتين تغسليها وماكو طلعه من الغرفه بدون حجاب افتهمتي
حياة: ظليت اباع عليه هذا شبي وديحجي بطريقه مستفزه وعافني وطلع ظليت حاصره دموعي بالكوه
خالد: حجيت وياها بطريقه كلش حقيره ماعرف ليش ردت بس اقهرها اذلها ماعرف ليش مع العلم اني مشفت منها اي شي
حياة: ظليت كاعده بالغرفه بس احس نفسي اريد انفجر من البجي بس مبجيت طلعت تليفون خابرت ابويه وظليت احجي وياه وهو حس اني ضايجه وظل يسولف ويريد يغير نفسيتي شويه ودخل خالد مره ثانيه اني جنت مخلصه مكالمه داكله يله مع السلامه بالفوته مالته كلت مع السلامه ونزلت تليفون هو عباله لان دخل سديت تليفون اجه عليه وجهه ميتفسر
خالد: رجعت للغرفه وردت اصلح الي سويته بس دخلت هي سدت التليفون حسيتها متريدني اسمع ويامن تحجي
رحت يمها كتلها ويه منو تحجين
حياة: ويه ابويه
خالد: نطيني تليفونج
حياة: شنو ممصدكني
خالد: داكلج نطيني تليفون
حياة: لا مانطي هذا شي ميخصك
خالد: لزمت ايدها وعصرتها كتلها لشوفيني كاعد بهذا الكرسي يعني ماكددر اكسر راسج
حياة: هد ايدي كامت توجعني
خالد : ويامن جنتي تحجين احجي
حياة: والله ويه ابويه
خالد: جريت تليفون من ايدها رحت عالمكالمات لكيتها صدك داكه على ابوها بس بوكتها كلش فشلت منها هديت ايدها بس هي عيونها كلها دموع عافتني راحت للحمام دخلت ظليت واكف اريدها تطلع داحجي وياها لان بدال مداكحلها عميتها
حياة: دخلت للحمام ظليت ابجي شويه ندكت الباب عبالي هو
سمعت صوت امل دكلي حياة عمتي ام كمال جتي
كتلها اي طلعت هي شافتني عيوني حمر
امل: شبيج دتبجين
حياة: مابيه شي بس .. فجاه لزمت جف ايدي هاي شبيها ايدج حمره
اني ركض نزلت دموعي كدامها وكمت ابجي
امل: لا لتبجين شبيج ابويه سوالج شي احجي شبيج
حياة: ظليت ابجي كتلها صوجي اني البس هيج علموده بس هو كلشي ميستاهل اسويله مسحت دموعي وامل صافنه عليه
امل: ابويه حجه عليج لان لابسه هيج
حياة: ظليت ساكته بس هزيت راسي
امل: ههههه وانتي بجيتي لان حجه لج والله تلكي غار عليج وهيج حجه
حياة: شيغار يمعوده عبالها دابجي لان حجه على هدومي محبيت اكللها على سالفه تليفون
امل : دمشي غسلي وعدلي مكياجج وتعالي نطلع ذيج الحيه ركض لزكت باابويه ودكله والله شيخ مشتاقيلك
حياة: معليه بيها شسوي سوي مالي دخل بي بعد
امل: ولج شبيج انتي اني لو منج والله واطلع اغور بيهم
حياة: ماريد
امل: دكومي يله هسه تجي بيبي يله كومي
حياة: خل ابدل اوكفي
امل: ولج ابقي بيها
حياة: ماريد يروح يحجي كدامهم
امل : جبانه
حياة: دوكفي حلبس اضرب منه هاي رحت طلعت كلابيه لونها بصلي الصدر كلها شغل كرستال وبيها دلعه شويه وفتحات منا ومنا
وخليت شال بس هيج حتى مشديته ونزلته شويه عالدلعه عدلت مكياجي وتعطرت
امل : خرب يومج طلعتي احلا من ذيج امشي يله
حياة: ههههه حتى يعرف منو حياة ..طلعنا رحنا للهول فتت شفتهم كاعدين رحت سلمت عليهم وخالد واني اسلم عليه هو منزل عينه من عليه بس مدرتله بال وحتى مباوعت عليه رحت كعدت على صفحه صير وره خالد يعني بعد ميكدر يباع عليه الا يلوف كرسي مالته
كعدت ام كمال جانت سولف ويه عمتي وخالد ايات لازكه بس تسولف وياه وسوالف كلش سخيفه اني ظليت كاعده استغرب من تصرفات هاي البنيه ماكو هيج لزكه وطبعا خالد كلش مجامل واي تحجيه ضحك شكد كرهتهم
خالد : طلعت من الغرفه لان سمعت الجرس اندك طلعت وشفت عمتي جايه رحت سلمت عليهم وشويه وفاتت حياة لابسه لابس طالعه بي احلا من ذاك الجانت لابسته ونوب كلشي بيها طالع حلو شدت شالها مشيتها حركتها ردت بس تباع عليه بس مشت كعدت ورايه حسيتها تقصدت تكعد ورايه حتى ماباوع عليها
شويه وجتي امل حياة تعالي اريدج
كمت وتقصدت امشي على كيفي من كدامه هيج اريد اضوجه رحت للمطبخ كعدنا نحضر الغده وجتي بنات ام كمال 2 وكفن يعاونون ويانه بس ايات بقت بالهول اكيد جانت سولف ويه خالد كملنا اكل واجه علي وحسين واجه وياهم حميد اخوهم الي بصف البيت كاعد فاتو سلمو وراحو للهول اني اخذت سفره ورحت للهول افرشها نزلت للكاع افرشها خالد صاح امل بصوت عالي
اجتي امل ركض
امل : ها بابا
خالد : اخذي فرشي سفره بدال حياة
امل: استغرب من ابويه بس عادي اخذتها منها وكتلها بصوت ناصي ابويه حيكوم يهجم عليج
حياة: شبي مو اني كاعده افرش
امل : يله ميخالف يجوز ميريد دنجين وعمامي كاعدين
حياة: رحت للمطبخ ساره صب الاكل واني بديت انقل الماعين للهول لحد مكملنا امل اخذت صينيه مال ابوها وراحت ورجعتها للمطبخ كتلها شو رجعتيها
امل: اي بابا يكول اتعب من اكل عالطبله يريد ياكل عالميز
حياة: دوكفي خل اوخر ذني الغراض منا وخرت الغراض وخليتهن عالسنك هي صفطت الاكل عالميز شويه واجه خالد للمطبخ كلها لامل روحي اكلي
اني ظليت واكفه عالسنك اغسل بالغراض لان هوايه جانن وناطيه ظهري اله
خالد: محتجين تاكلين
حياة: لتافيت عليه كتله ماشتهي ورجعت نداريت اكمل غسل جان سمعت الخاشوكه ركعت حيل بالماعون لتافيت لكيته خازرني
خالد: ذبي الي بيدج وتعالي اكلي
حباة: اوف يربي بس يامر بيه غسلت ايدي ورحت جريت الكرسي وكعدت وطبعا مرفعت عيني عليه ظليت بس اباع عالاكل ظليت اغمس خبز بالمركه واكل واصلا جنت ماشتهي مع العلم ممتريكه بس يمكن لان حاره جانت
خالد: لو ظاله بذاك الثوب احسن
حياة: نعم
خالد: ماعدج غير هذا ثوب تلبسيه
حياة: ليش شبي طويل وايدي مضمومه يعني شلبس بعد
خالد : تنهد ولج شو لسانج طولان .
حياة: ظليت ساكته لان بديت اضوج من تصرفاته
خالد: شو سكتي لازم معجبج كلامي
حياة: باوعت عليه كتله تريدي اغير الثوب.. هسه اروح اغيره وجريت الكرسي وكمت جان يلزم ايدي
خالد: وين
حياة: اروح ابدل غير شي مو معاجبك هذا
خالد: اي معاجبني بس كملي اكلج ورحي غيريه بعدين
حياة: نسدت نفسي ماريد بعد وعفته ورحت للغرفه سديت الباب ورحت للكنتور فتحته طلعت دشداشه عاديه جان يفوت عليه حتى مدك الباب
خالد: كلش عصبت من تصرفها وردت الزمها اكسرها تكسر شنو هاللسان الصاير عدها اني نطيتها مجال هواي رحت للغرفه وراها دفعت الباب شفتها مطلعه هدوم يمكن تريد تبدل ظلت تباع عليه
حياة: دخل عليه وحواجبه عاقدهن ومبين صاير عصبي اني خفت منه بس مبينه هالشي ظليت واكفه اشوفه شيريد
خالد: شوفي ماعندي مره طول لسانها عليه وصار جم مره طولي واعديها بمزاجي بس اقسم بالله اذا طولتي لسانج مره لخ متلومين الا نفسج
حياة: اني ماكدر اذا ماحجي.. كتله اني ممطوله لساني كلتلي معجبني هذا ثوب كمت اغيره شنو الشي سويته غلط
خالد: تقربت منها وهي بدت ترجع عالكنتور كتلها باعي حمدي الله عدنا خطار بره لجان كسرت راسج
حياة: ظليت اباع عليه واني خايفه منه ظليت بس ابلع بريكي وخرت منه اروح للحمام لزم ايدي بس رادت تنكسر بيده بس مكلت شي حتى مصحت من الوجع ظليت اباع عليه لان احسه ديتقصد ياذيني بس اني سويت نفسي ممتاذايه واني بكلبي اصرخ من العصره مال ايده
خالد: ماعرف ليش تصرفاتها تنرفزني وتخليني افقد اعصابي لزمتها من ايدها وعصرتها وردت اذيها حتى بعد مطول لسانها بس هي ظلت تباع عليه ولا جني داعصر بيدها
كتلها بعدني ممكمل كلامي وياج حتى تعوفيني وتروحين من اكمل عود ولي
حياة: ظليت واكفه اباع عليه ليش هيج ديتصرف حيخبلني والله
خالد: هديت ايدها بدفعه كتلها ولي من كدامي هي راحت دخلت للحمام
حياة: دخلت للحمام واني كاتمه البجيه بالكوه بس دخلت للحمام نزلت دموعي وكمت ابجي بدون صوت حتى ليسمعني دابجي ويحس نفسه كدر يقهرني وراها كلت مو هو الي يسوي بيه هيج ظليت انطي اعذار لان هومريض وتعباان وكلت بس يصير زين اني مابقى بعد وياه هو كلي ارجعج لابوج خلص خل يرجعني
غسلت وجهي وبدلت ملابسي وطلعت شفته ماكو لفيت شالي وطلعت للمطبخ لكيت ساره وامل دينقلون بالماعين
امل: هاي ليش بدلتي
حياة: مو كلت اغسل الماعين وخاف تتوصخ
امل: ها شبي وجهج باجيه
حياة: لا مابيه شي .. عفتها ورحت للسنك بديت اغسل اماعين وجتي امل تساعدني اني اجلف وهي تغسل لحد مكملنا وساره صبت جاي وراحت ودته الهم كملنا اماعين ورتبنا المطبخ وعدلنا ورحنا اني وامل كعدنا بالهول جان خالد ماكو
ظليت كاعده اجتي ساره كالت امل ابوج يريدج
امل : رحت على ابوه جان بالغرفه وديدخن كتله ها بابا صحتني
خالد: اي تعالي طلعيلي هدوم داطلع
امل: استغربت ابويه صاله فتره ميطلب شي مني حتى ماي يصيح حياة جيبه طخت بعقلي من شفت حياة وجهه عبالك باجيه عرفت وكتها متعاركين طلعت هدومه وحضرتهن وطلعت
رجعت للهول كعدت يم حياة كتلها متعاركين انتي وابويه
حياة: تنهدت وكتلها كالعاده
امل: شكو صاير اليوم
حياة: سدي الموضوع لان هسه اكوم ابجي بكوه لازمه دموعي
امل: يله كافي بعد ماحجي
حياة: اجه خالد مبدل وكاشخ وكال عمتي اني اترخص عندي كعده لازم اروح عمته كلتله روحي حبيبي بسلامه
طلعو هو وعلي وحميد وظلو بيت ام كمال وره خالد بشويه ايات كالت لامها يله خل روح
شاورتني امل : باعي خلصت مصلحتها
حياة: والله لو ابوج ياخذها تفيده هيج مره
امل: يمه اسم الله الله لايكولهاا غير انجلط
شويه وطلعو ام كمال وبناتها حسين راح يوصلهم واني وامل عدلنا الهول وراها رحت للغرفه كلت خل افرش بعدين كلت دخل امدد عالجربايه هو مموجود هسه
مددت عجربايه محسيت بعد بالعالم غفيت
خالد : رحت ويه الولد جان اكو كعده مال فصل اني بعد الحادث سلمت كلشي لعلي بين ماصير زين بس هالمره جان لازم اروح لان علي ماكادر يحل السالفه والله الكاعدين كلها استقبلتني وممصدكين اني جايهم كعدت احجي وياهم منا كلمه ومنا كلمه لحد مفضيتها بشلعان الكلب وراه كتلهم يله اني اترخص ماقبلو اطلع الا اتعشه بالكوه خلوني اروح كتلهم عندي علاج لازم اخذه ورجعنا قبل منوصل البيت كتله لعلي اوكف يم الاسواق هاي وتعال نزلني
علي : ليش خويي كلي شتريد اني اجيبه الك
خالد: لا خل اني انزل عاجبني جم شغله اخذها لامل صار هواي مماخذلها
نزلني علي ودخلت للاسواق اجه ابو الاسواق يسلم عليه وممصدك لان صار فتره مداخله المهم اخذت جم شغله لامل ولحياة ورجعنا للبيت طبيت لكيت البيت هدوء امي كاعده تقرا قران دخلت عليه صدقت
خالة: هلا يمه شو تاخرت
خالد: والله يمه بالكوه فضيناها
خالة: جا شمالهم ذوله يوميا مسوين طلابه لواحد
خالد:لا سالفه هالمره مو هينه جايدا بس ربج حلها .. وين البنات ماكو حسهم
خالة: والله يمه امل بغرفتها صعدت وحياة من العصر بالغرفتها ماطلعت جنها نايمه
خالد : يله يمه اروح انزع انه
رحت للغرفه دخلت ظلمه جانت فتحت ضوه اشوف حياة نايمه عالجربايه متعكفه ممتغطايه رحت يمها فتحت الغطه وغطيتها وظليت اباع عليه ياربي شون وجهه بريئ عدها ماعرف شون عصرت ايدها حسيتها تالمت بس محجت شي
ظليت صافن عليها بعدين دك تليفون بسرعه طلعته من جيبي اريد اسده قبل متكعد
حياة:حسيت على صوت موبايل فتحت عيوني عبالي تليفوني واني بين النايمه وبين الكاعده مطيت نفسي وحجيت اوو ماريد اكوم سمعت صوت يحجي
لدكومين ظلي نايمه اني فزيت من نومي وباوعت لكيته خالد ظليت ماعرف شحجي بس حاولت ركض اوخر الغطه واكوم بس هو كلي
خالد: شبيج بويه شفتي عفريت كمزتي
حياة: كمت واني اعدل بنفسي وانزل بدشداشتي وادور على شالي بس ماعرف وينه يمكن جره الغطه صار
خالد: هدي هدي ترى محسويلج شي
حياة: اني مادري شون نمت و... قاطعني
خالد: اي نوم العرافي . ظلت هي واكفه لان متكدر تطلع كرسي ساد الطريق كتلها هاي الج
حياة: ظليت مستحيه منه هسه شيكول عليه نايمه بمكانه وحاولت اطلع بس كرسي منعني مكدرت وتفاجئت بي مد علاكه كلي هاي الج
كتلها شنو هاي كلي مريت للاسواق وجبت جم شغله الج ولامل
كتله لاشكرا ماريد شي
خالد: داكلج اخذي شنو ماريد
حياة: اخذت العلاكه منه واني احاول مابين الابتسامه كتله شكرا
خالد : مره ثانيه تاخذيها من اول كلمه
حياة: باوعت عليه وابتسمت هزيت راسي اي
خالد : بس ترى ميت جوع جنا ماكو عشه
حياة: نتبهت عالساعه بتسعه عزه كل هالوقت نايمه اويلي شون حنام بالليل كتله هسه اروح اسوي هو بعد كرسي وسوالي مجال اني ركض اريد اطلع من الغرف صااح
خالد: وين
حياة: اروح اسوي عشه
خالد: بويه خلي شي على راسج الولد بره كاعدين
حياة: عزه ذكرت اني بدون حجاب رحت للكنتور طلعت حجاب ولبسته وطلعت للمطبخ لكيت ماكو احد طلعت لحم مسلوك بثلاجه كلت اسوي مثل تكه بالفرن وكشرت بتيته اكليه وطلعت كبه هم وزلاطه ووكملت كلشي دخل خالد عليه
خالد: نزعت هدومي رحت غسلت ورحت يم الولد بالهول ظلينا نحجي ونسولف بعدين حسيت بطني طلع اصوات من جوع رحت للمطبخ اشوف العشه صار منه لكيت حياه مدنجه عالفرن كتله هابويه مكمل العشه
حياة: لا كمل بس خمس دقايق بس احضر الميز
خالد : دنطيني تصبيره مو بطني خوت
حياة: طلعت نص صمون خليت بيها تكه وبتيته وخليت زلاطه بيها ورحت كتله اكل هاي بين ميصير الاكل
خالد: جابتلي نص لفه حسستني اني طفل ودتراضيني كتلها يعني كل هالجسم هاي تصبيرته
حياة: هههههه شسوي مو كمل الاكل بس خل اجهز الميز
خالد : ماشي يابه جيبيها منكول لا .. لعد وين بنات ماشوف احد وياج
حياة: والله ماعرف امل يمكن بغرفتها وساره تلكيها درس بجهالها
خالد : جان صحتي على امل تعاونج
حياة : لا ميحتاج كملت يله تعال اكعد خل اروح اصيحهم يجون رحت صحت خالتي وحسين وخالتي صاحت على علي لان جان فوك نزل هو وساره وشويه ونزلت امل
خالد: وين جهالك مينزلون ياكلون
علي: متعشين
تعشينا وامل وساره كلولي روحي كعدي انتي سويتي العشه احنا وحده حتغسل اماعين وحده حصب الجاي
كتلهم اوكي رحت للغرفه شفت العلاكه فتحتها لكيته حايب جباسه ونساتل وكرزات وعصاير وجايبلي حليب بطعم الكاكو متت ضحك كلت خرب عباله طفله جايبلي حليب المهم اخذت جبس ونستله والكرزات وطلعت للحديقه الجو جان بي هوى بارد خاصه الحديقه جبيره وراشيها ماي الهوى يجي بارد
شويه وطلعت امل كالت ياخاينه من ورايه دتاكلين
حياة: هههههه انتي تجين عالريحه
امل: منو جابلج ذني شنو هاي الخيانات
حياة: ابوج جابلياها
امل: ايوا ايوا ابويه مممم خل اروح اداهمه لعد ليش مجايبلي
حياة: مخبله جايبلج هو كلي جبتلج الج ولامل
امل: فديت بابا خل اروح اجيب غراضي منه لعد
رحت على ابويه كتله بابا وين غراضي الجبتهن الي
خالد: ياغراض مجايبلج شي
امل: حياة كلتلي
خالد: ها لا جبت بس لحياة عبالي متردين
امل: باوعت عليه الا شويه وابجي
خالد: ههههه بويه علاكتج بغرفه روحي اخذيها حتنزل الدمعه
حسين : لو عايفه شويه جان بجت وضحكنا عليها
امل: بابا صيح بي
خالد: روحي اخذيها للعلاكه عالجربايه
امل : رحت اخذت العلاكه وطلعت على حياة اغور بيها باعي عيني الي هم جايبلي
حياة:هههههه شون حركات
كعدت امل يمي كمنا نسولف وضحك وجانت تحجيلي على سوالف ابوها قبل وشون من واحد يجي محتاج يفزعله وسوالف تموت ضحك ظليت بس اضحك
امل : اكلج اني حصعد فوك اتفرج عالتلفزيون تجين
حياة: مادري مالي واهس اتفرج تلفزيون روحي انتي
امل: اوكي لعد اني فوك
حياة: ظليت كاعده بالحديقه شويه سمعت واحد يكلي
الصفنه مو زينه
باوعت شفته حسين
كتله لا والله مصافنه
اجه جر كرسي وكعد كلي ليش كاعده وحدج ذيج القزمه وين
-صعدت فوك تتفرج تلفزيون
- هااا ... والله جو حلو اليوم مال واحد يتمشى
- اي والله ..اكلك حسين تعرف اني مشايفه خطيبتك لحد هسه
- شعجب امل مشوفتج . ثواني اشوفج صورتها
حياة: طلع تليفون ونطانيا كلي شوفيه باوعتها بنيه حلوه وناعمه هي صير بت عمه
كتله حلوه شعجب مجايه هنا
- مو عدها دوام وامتحانات بس هي مشوقه تريد شوف مرت شيخ
- ابتسمت كتله شوكت تزوجون
- اوووف والله مادري تاجلت وبعد محد حجه بسالفه
- بس احس الخطوبه احلا من زواج يعني تونسوا بيها
- اي صح بس اني وياها من جنا صغار واحد يعرف ثاني يعني كلشي اعرف عنها وهي مثلي
- باوعت عليه وظليت افكر واكو انيالهم مو حسد بس يمكن حسيت نفسي مو مثلها اني حتى فستان عرس ملبست
- شبيج شو رجعتي للصفنه
- لا بس حلو الواحد يزوج الي يحبه
- اي طبعا صح مرات اتعذب من وره هالحب بس كلشي يهون لعيونها
- الله يخليكم لبعض
- مشكوره خيتي
خالد: طلعت ادور حياة مالها حس لكيتها كاعده بالحديقه وسوالف ويه حسين شفتهم واحس دم صعد راسي صحت عليها بصوت خليتهم اثنينهم يفزون اجتي ركض عليه
حياة: نعم صحتني
خالد : اي تعالي ورايه
حياة: شبي هذا رحت ويه للغرفه فتت وسديت باب
خالد: جنتي سوين بره
حياة: ماسوي بس هوى طيب وظليت بره
خالد: جنتوا تحجون انتي وحسين
حياة: سوالف عاديه
خالد: شننه هالسوالف
حياة: ياربي شبي هذا جنا يريد يتعارك شنو عاليوم كله عركات
.. يعني جان يحجيلي على خطيبته
خالد: وانتي شكو حتى يحجيلج
حياة: ظليت اباع عليه . كتله اكو شي تريدني اسوي
خالد: وين رايحه
حياة: حصعد بم امل اتفرج تلفزيون وياها
خالد: بعدني ممخلص كلامي حتى تروحين
حياة: باوعت عليه بمعنى يله كمل
خالد: بعد ماكو كعده بالحديقه بالليل افتهمتي
حياة: ليش عود
خالد: احجي وتنفذين الي اكوله بدون نقاش
حياة: ماكو هيج شي يعني شسويت حتى دكلي متكعدين بعد بالحديقه
خالد: معرفت شجاوبها وماعرف ليش هيج داصرف بس من احس احد قريب من يمها بودي اخذها واضمها بس ماريد اصدك هالحساس العندي
كتلج كعده بالحديقه بالليل ماكو وانتهى
حياة: عفته وطلعت من الغرفه وظل يصيح وين رايحه بس مجاوبته طلعت وسديت الباب ظليت ماعرف شسوي صعدت لامل لغرفتها
امل : يمه جفلتيني عبالي عمو حسين
حياة: وليش فزيتي
امل: لا مو محد يدك الباب هيج وكت
حياة: ممممم ححاول اصدكج
امل: جابج هنا متروحين تنامين
حياة: اريد انام يمج اليوم
امل: ليش صاير شي
حياة: امل حطك من القهر الي بيه
امل: وج احجي شكو
حياة: يعني بيها شي اذا كعدت بالحديقه بالليل
امل : لا شكو بيها
حياة: لعد شبي ابوج . يكلي بعد كعده بالحديقه ممنوع بالليل
امل: هههههه ابويه كلسع عنده قرار جديد
ظلينا كاعدين نسولف سمعت صوت بابا يصيح عليه ركضت للدرج كتله ها بابا
خالد: طلعت من الغرفه طلعت وراها اشوفها وين دورت عليها ماكو جوه كلت يجوز فوك صحت امل
اكلج حياة يمج
امل : اي يمي اصيحلكياها
خالد : اي صيحيها
امل : حياه ابويه يريدج
حياة: شيريد مني والله اكوم اخلي سجينه بطني وارتاح منه
امل: ههههههه خرب بيج والله ضحكتيني دكومي شوفي شبي خطيه واكف جوه يم درج
حياة: اوووف كايمه .. رحت يم درج نعم
خالد: تعالي نزلي شعدج فوك
حياة: خرب وانت شعليج خرب حظي .. كاعده يم امل اكو شي
خالد: اي يله تاخر الوكت تعالي نامي
حياة: حتى بنومتي يدخل .. لا حنام يم امل اليوم
خالد: شعندج نايمه يم امل ماعندج غرفه
حياة: استغفر الله العظيم .
خالد : يله بويه نزلي نامي جوه
حياة: كتلك حنام يم امل اليوم تصبح على خير عفته ورجعت لغرفه امل
خالد: ردتها بس تنزل حتى اعتذر منها اعرف اليوم كلش ضوجتها بس هي عاندت الا تنام فوك سوتني اعصاب بزايد وعافتني وراحت جان بودي اصعدلها اجرها من شعرها بس لاول مره احس نفسي عاجز وهذا الكرسي مقيدني كلش ضجت من نفسي ومن وضعي هذا
رجعت للغرفه ظليت ادخن لحد محسيت الباكيت خلص وراها غفيت بس احس نار بصدري
حياة: نمت يم امل فرشت بالكاع وهي هم فرشت بصفي مقبلت تنام على جربايتها ظلينا نسولف وحجتلي على احمد يصير ابن عم ابوها وشون هي معجبه بي وهو هم معجب بيها ومرات يدزلها مسجات عالتليفون ومتفقين بس ينقل للعماره يجي يتقدملها لان هو يشتغل بالبصره
ظليت اسمع لحجيها وشون تحبه وهو شون يخاف عليها ومن يجي للعماره يظل يوميا سهران يمهم في سبيل بس يلمحها
ماعرف ليس فرحت الها وحبيت يكمل هذا الحب بزواج
ظليما نسولف لحد مشفنا ساعه ب 3 عزه شبسرعه مر الوكت يله خل نام باجر شيكعدنا
امل: باجر بيبي دكنا طبل يله نكعد
حياة: نامت امل بس اني ظليت احوص ماعرف شبيه وضميري مديخليني انام واكول هو جان يريدني انزل بالكي يريد شي مني شغله اسويها ليش منزلت وظليت اتكلب بالاخير كلت خل انزل اشوفه نام او بعد ه
كمت فتحت الباب البيت هدوء نزلت جوه فتحت الغرفه لكيت ضوه مشتعل هو نايم بس ممتغطي كلش نقهرت عليه
رحت يمه فتحتله الغطه غطيتها شلت تليفون جان خاله بصفه خليته عالميز واشوف النفاضه ما الجكاير مليانه رديت باوعت عليه وبكلبي اكول ليش هيج دسوي بنفسك متت قهر عليه
ظليت اباع عليه شويه كلت خل اطلع ليكعد ويشوفني طفيت الضوه وطلعت صعدت لغرفه امل ظليت اتكلب بالفراش بالربعه يله غفيت
