رواية ليتني واجهتك الجزء الثاني الفصل الثامن
علي
حييلي انهد من سمعت سدره فقدت ردت اكع وحمودي مسكني كعدني
علي ؛: شلون صار هذا الشي ليش
هيثم؛: ارتاح ان شاء الله ماكو شي
علي؛: اريد اشوف الدكتوره مالها
كمت على حيييلي ورحت على العنايه المركزه جانو امخلين سدره بيها شفت الدكتوره وسالتها
دكتوره:: المريضه صار عندها ولاده مبكره ونزيف قوي والحمد الله ماشلنا رحمها وبسبب النزيف فقدت الوعي
علي؛؛ يعني دكتوره زوجتي اتصير زينه ان شاء الله
دكتوره؛: هسا حالي دا نطيها دم و بس رب العالمين يعرف يمته تكعد منها بعد ساعه يوم شهر مانعرف نحنا كدرنا انوقف النزيف وبدنا انعوضها الدم الي خسرتو
اتشكرت من الدكتوره ومشيت ضليت كاعد وبدون مااحجي
مضروب على راسي ماعرف شنو اسوي
سدره وصلت لهاي الحاله ب سببي اني
من راح تكعد لو شنو من سوت حقها محد يلومها
تعبت واني مريض حمودي وهيثم اصرو ارجع لبيت بعد ماسالت على حال سدره مره ثانيه وكالت الوضع مستقر
رجعت لبيت الوقت متاخر اول من دخلت امي ركضت عليه
ام علي؛ شبيها بنتي اش صار معاها
علي؛؛ ابويا مو هذا الي يريدو سدره جاي اتموت يوم جاي اتموت ب سببي اني كتلتها اني كتلت ابني موتتهم اثينهم
صرت اصيح واكسر بل مطبخ
علي؛ اني كتلتهم اثينهم كتلتهممممم يووووم هذااا الي رادوو ابويا صاااار
ام علي؛؛ يوم علاوي كاافي
علي؛: الله يشيل علاوووي حتى ارتاح الله ليش اخذ لؤي فهمينييييي ليشششش مااخذني اني
مسكني حمودي ويهدي بيا
محمد؛؛ اكعد شبيك اتخبلت كاافي رب العالمين كاتب هيجي
علي؛؛ هذا الي جاي يصير كلو ضلم في ضلم ولك سدره ماتعرف اشكد جانت رايده هذا الطفل واني جبتها ب يدي من تركيا وسويت طريقها وردي وبل اخير يصير هيجي معاها ب سببي
محمد؛؛ كلشي بالصبر ينحل
علي؛؛ ماضل حل ولا مجال لصبر اني كسرتها كسرتها
محمد؛:يااخي بس اهدأ واصبر مو زين عليك هسا الشقيقه اتهيج بس امشي
سحبني واخذني لاستقبال صيح ميس فرشتلي ماخلاني ادخل لغرفه لان يعرفني اضل اتخيل مكان سدره
انطاني علاجي وحجى معايا اشويه وبعدها كتلو صرت زين عوفني وحدي
طلعو وعافوني وضليت افكر الليل كلو وجكاره تسحب جكاره كلبي وصدري طابك عليه والدنيا ضاكت
سمعت ياذن الفجر احس جت بوكتها الصلاه كمت اتوضيت وجيت فرشت السجاده
بديت اصلي من وصلت السجود سجدت بعد ماكدر اكوم بجيت بجي وشكيت همي وامري لرب العالمين هو اعلم بحالي وحال مرتي
شنو جا على لساني من دعاء وشنو الي بكلبي كلتو لرب العالمين وهو اعلم بالقلوب رفعت راسي من السجود مستودع سدره عند ارحم الراحمين كملت صلاتي وسلمت
احس راحه نفسيه احس جبل وانشال على صدري رجعت اتمددت بفراشي وماحسيت على روحي حتى شلون نمت
اشكد من البشر يكون مخنوك وضايكه الدنيا على بس والله التقرب من رب العالمين هو الصح
كعدت الضحى واتصلت بهثيم يجي ياخذني ورحنا لمستشفى كدرت ادخل اشوف سدره وكعدت يمها ومسكت ايدها وبستها وبستها من راسها وهي فاقده الي حد الان
علي؛؛ حبيبي سامحيني يمكن بعد الشي الي صار مستحيل تكدرين تسامحيني بس والله هذا الشي انفرض عليه لو جنت اعرف هذا الشي يصير صدكي لو ضليت طول العمر بحسرتج وماجبتج من تركيا وخليتج تخسرين ابنا
سدره تعبت وطاقتي خلصت احس والله ايديا ورجليه امربطين وماكدر اسوي شي لااكدر اخذج واتخلى عن اهلي ولاكدر اتخلى عنج ضليت متمسك بيج الي حد هاي الدقيقه لان انتي مالج ذنب بل صار هذا كلو
علي عمرو مايتخلى عن سدره لو مهم جان الثمن اتمنى تتفتهمين الوضع الي اني بي وتسامحيني على كسرتي الج
قربت ايدها على شفتي وبستها وكمت حتى اطلع حسيت هاي اخر لحظه بعد تجمعني اني وسدره
رجعت عليها بستها من خدها وركبتها وشميت عطرها بست عيونها وطبعت بوستي على شفتها همست باذنها احبج قزومتي لاتنسين هذا الشي
مشيت وطلعت من يمها وانتهى كلشي بيني وبينها لو حتي صحت وحاولت معاها ترجعلي ماكو فايده لان اني راح اتحملني ذنب ابنا
يمكن الطريق الي جان بيني وبين سدره بي ثغره وحتى هاي الثغره انسدت ضربتين على راس اتوجع زواجي والطفل الي ب بطنها
طلبو مني اخذ الطفل وادفنو بس رفضت الي حد ماتكعد سدره لان راح يضل ب نفسها ماشافتو
شفتو جان كامل صح ناعم بس طفل كامل لان جان نهايه شهر السادس ....
بعد يومين جاني اتصال هيثم بشرني سدره كعدت ....!!
سدره
كعدت وياريتني ماكعدت فكيت عيوني لكيت روحي بل عنايه المركزه والاجهزه مربوطه بيا
ضليت التفت واشوف احد بلكي بل غرفه اشفافي يابسين
دحكت على بطني ماكو ابني اتلمست بطني بلكي الي صار جنت احلم بي بلكي بعدو ابني موجود اني ردت هذا الطفل
حسيت راح من عمي يشوفه راح يكسر خاطر عمي ويجمعني بابو اني اتولعت بي وهو بعدو ببطني
حبيتو حييل وبعدني ماشايفتو اشكد جنت اشكيلو همي
وابجي واحجي معا جنت ماسوي شي اذا ماكول يالا ماما انكوم انسوي
وين راح ابني حبيبي خسرتو ب سببو بسبب هذاك الخاين خسرت ابني اريد ابني اريدووو مالازم يموت مالازم يروح مني اني عفت الدنيا كلها ونزلت راس ابويا واخواني وسمعو حجي كومه من الناس في سيبل لااخسرو
وهسا هيجي ب لحظه يروح مني لاااا اريدددد ابننني رررجعووو ببطني خلو يعيش انتوووو ماتعرفون اني شنو سويت الخاطرو اتخليت عن اطفال اثنين ب سببوو ليش اخذتوووو مني ليشششش
اني واصرخ وابجي ركضو الممرضات عليه كلبت الدنيا حتى الكانونه سحبتها من ايدي كمت على حييلي الممرضات مسكوني ادفع بيهم مثل المخبل
الممرضه ؛: اهدي اهدي مو زين عليج هذا الشي
سدره؛؛ اررريد ابني ليششش اخذتو منييي رجعووو رجعووو بنطني واتخلو يعيش هسااا
صرت اضرب على بطني واكولها اترجعو هينا
سدره؛؛ لازززم يرجع افتهمتي عليه هذا الطفل مالازم يموت
جت الدكتوره تركض مسكتني والممرضات دا يضربوني مهدئ كمت اصيح بل زايد
سدره؛: الله يخليج دكتوره لاتضربني مهدئ ماريد ماريد عوفيني
الدكتوره؛: راح ترتاحين وبعدها اتصيرين زينه اهدي حبيبتي سدره
سدره؛؛ اهدأ والله بس ماريد انام ماريد مهدئ بس اريد ابني الله يخليج ماريد يموت عفيه دكتوره
دكتوره؛؛ اذا رجعتي اتصيحين راح اضربج مهدئ وخليج اتنامين الي باجر اهدي واخذي نفس عميق يالا اخذي نفس
صرت اجر نفس واسترخي حتى هدت اعصابي
جت الممرضه ضمدت مكان الكانونه
دكتوره؛: هسا شلون صرتي زينه
هزيتلها براسي تمام رجعت اتمددت بمكاني واني ابجي واشهك واحس كلبي يريد يكف بمكانو كل شهكه اشكها احس روحي تريد تطلع الممرضات طلعو يمكن الدكتوره اشرتلهم
الدكتوره؛؛ شلون صرتي حبيبتي
سدره!؛ تمام شكرا الج دكتوره
طلبت مني تفحصني واتشوف النزيف وكالت كلشي تمام حولتني على غير غرفه جانت مستشفى اهلي لهذا غرفه وحدي
من طلعوني من العنايه المركزه لكيت ماما يمي حضنتي وكامت تبجي واني مابدر مني اي رده فعل
دخلوني لغرفه واول من اتمددت درت ظهري عليهم وجهي بالحايط
سمعتوهم طلعو سمعت ماما تحجي بل الموبايل مع عمر اتكولو اختك صحت
سدت الموبايل جت كعدت يم راسي تلعب ب شعري واني بعدي على صفنتي مصدومه مابين صدمة ابني وصدمة حب حياتي وكسرتو ليه اووف جانت اكبر كسره كسرها بحياتو علي الي عمرو مازعلني بس ياريت لو مزعلني العمر كلو ولامتزوج غيري
ماجنت متوقعه جنت متوقعه يمكن يجي يوم وعمي يجبر علي على الزواج بس مستحيل يواقف اكيد كلت راح يرفض ويكف بوجه ابو لان هو رجل وماكو شي اسم رجال ينغصب على الزواج
صح علي طلكني بس مستحيل جان يطلكني لو ما اني رحت ورفعت دعوه على ...
ام سدره؛؛ سدره ماما شلونج حياتي
سدره؛؛ اتزوج
ام سدره؛؛ ياامي الله يوفقج انسي شوفي وين وصلتي بحالج
سدره؛؛ وابني هم انسى
ام سدره؛؛ الله سبحانه وتعال منطيج حسون وماري يسون ماي العين
سدره؛؛ ليش همه وينهم
احجي مع امي بهمس وصافنه
ام سدره؛؛ راح يرجعون ياامي اتاكدي راح يرجعون
سدره؛؛ بس طفلي مابعد يرجع ولا علي راحو اثينهم راحو
....يووم
ام سدره؛؛ ها امي
سدره؛؛كرهتو يوم كرهت حب حياتي هو دمرني يوم جذب عليه وعدني مايتخلى عني اتصدكين قبل ايام جنت احجي معا كتلوو هم راح يجي يوم وتخلي غيري بحضنك؟
يكولي اطمئني هذا الشي مايصير ماما هو طمني وطعني كرهتو ماريدووو بعد بحياتي اريد ويلادي بس وابني معاهم اريدوووهم خلي يرجعون
رجعت اصيح وابجي كلبي راح يكف احس الكلمه تعصى بحلكي صرت اضرب على كلبي احس شنج
ام سدره؛؛ ياامي الخاطر الله كافي
سدره؛؛ مااا... اريدووو ..ماخلي يتزوج غيري مااخلي احبو ماكدررر اعيش من دونووو اموت اموت اخخخخ ياربي
عللللي سدره تضيع من دونك والله تضيع لاتسوي هيجي بيا احببببك ارحمني ياعلي
ام سدره....كاافي ياايمه راح تموتين كااافي بنتي
امي تبجي معايا وتبوس بيدي
سدره.... ماما احبو والله احبوووووو من جنت طفله هو علمني الحب هو علمني شلون احبو خابري وكوليلو خلي يجي ينسيني هذا الحب ويروح
اني لييشششش سمعت كلام هدير ورحت لبيت عمتي وحبيتو ليش عفتوني اعيش ب بيت عمتي ليشششش
امي حضنتي واتهدي بيا بس اتخبلت ساعه اصيح اريد ابني وساعه اصيح اريد علي طلعت امي بره تركض وجت الممرضه والدكتوره معاهم مسكوني وبعدي اصرخ
سدره؛؛ ماااخلي يتزوج مااخلي ينوم غيري بحضنو احركو والله واحرك سلوى وعشيرتها اذا اتقربت من حبيبي
ضربوني مهدئ وبديت اغمض اشويه اشويه
سدره؛؛ اريد علي اريد ابني حبيبي
بعدها ماحسيت على شي ماعرف اشكد مر الوقت واني نايمه كعدت بلليل عمر واسماء وهيثم يمي اتقربو عمر واسماء من شافوني كعدت باسوني وهثيم اتحمدلي بل سلامه بس ماجاوبت اي واحد بيهم فقط جنت اهز براسي
عمر؛ سدوره صهيب واماني جوي شافوج بس شافوج نايمه وسلمو وراحو يسلمون عليج ويريدون يحجون معاج اتصل بيهم
سدره؛؛ ماريد احجي مع احد
عمر؛؛ براحتج حبيبي
ضلو اشويه وبعدها راحو واخذو ماما معاهم واسماء ضلت يمي اشكد جانت تحجي معايا وماحجيت حرف معاها
صار ثاني يوم الصبح والدكتوره فحصتني وكتبتلي على خروج
سدره ؛: دكتوره
دكتوره؛؛اتفضلي حبيبتي
سدره؛؛ اريد اشوف ابني
دكتوره؛؛ نحن طلبنا من ابو ياخذو بس رفض وكال خلي تكعد المريضه واتشوفو وبعدها ادفنو
بكلبي يعني علي جان موجود زين ليش راح ليش ماجا من عرف اني صحيت اخذوني على ابني شفتو واشكد بجيت يمكن راح اتكولون عليه بالغت لان انقهرت جثير على بس يضل ابني وخصوصه هذا الطفل حيييل اتولعت بي وحييل حبيتو وعفت الدنيا كلها في سبيلوو بس سبحانه الله مو من قسمتي يمكن رب العالمين اخذو مني حتى لايحملني فوك طاقتي ويمكن جان راح ياخذو مني مثل ماخذو ويلادي الباقين عسى ان تكرهو شي وهو خير لكم
شلتو بحضني وصرت احجي معا
جان حييل صغير
سدره.. يروح ماما يوميا جنت احجي معاك ويوميا اشكيلك همومي وفراك اخوتك حتى انت رحت مني بعد ماكدر احجي مع بطني وبعد ماكو كل مانزل لسوك اشتري شغله اكول هاي لابني علاوي حتى من يجي البسو هي ليش يا ماما سويت هيجي وعفتني وحدي مو اخذنا وعد على نفسنا نصير سند لبعض
اني حبيتك حيييل يعمري والله حبيتك روح ياحبيبي الله وياك وفوضت امري لربي والحمدلله
سميتك علي هذا اسمك حتى يوم القيامه تشفعلي من ينادون باسمك
سميتك على اسم بابا لان وعدتك بهذا الشي من جنت ببطني والله مايستاهل بس ادعيلي يخفف ربي حركة كلبي
دكتوره؛؛ ياماما احمدي ربج واشكري لو صاير رجال مشورب ورب العالمين اخذو شنو جان يصير بيج شوفي العالم شلون دا اتروح العبوه من اطك تكتل خمسين شاب بعمر الورد هذا طير من طيور الجنه سدلج باب من جهنم وفتحلج باب من الجنه
سدره؛؛ انتي ماتعرفين شي دكتوره لو تعرفين ماجان كتيلي هيجي
دكتوره؛؛ ميخالف حبيبتي لو شنو من جان وراج احمدي الله رب العالمين هو الوحيد سندنا بل حياة والحمدالله اني عرفت انتي هذا مو اول بطن
سدره؛؛ عندي اثنين بس حالهم حال اخوهم
الدكتوره ماعرف افتهمت قصدي لو لا لان ضلت ادحك عليه اخذوني على غرفتي واسماء حضرت الاغراض
اجوي اخذوني وطلعت لبيت واني بعدي على حالتي مااحجي مع احد حتى من دخلت لبيت بابا واسو وسماء وطارق ومختار باسوني وسلمو عليه وماجاوبتهم
مختار كام يبجي مثل الطفل دحكت على ومشيت
دخلوني لغرفه سماء وطارق ماخلوني اطلع فوك واني هم ماحبيت احجي مع احد اتمددت واني حاضنه بطني
جنت متعوده دائما احضن بطني وانام خليت ايدي على بطني ماكو حضنتها وكمت ابجي بدون صوت ماريد احد يسمع صوتي ويجي يهدي بيا ايدي على كلبي الي كسرو علي وايد على بطني وابجي من وجعهم اثنينهم ....
جان كل ماواحد يدخل لغرفه اسوي روحي نايمه صار وكت الغده جابت ماما الاكل وكعدت يم راسي اتكعد بيا
ام سدره؛: سدره ماما حياتي كومي اعرف بيج كاعده بس ماتريدين تحجين مع احد كومي ياامي اكلي لكمه
فكيت عيوني دحكت عليها بدون مااحجي
ام سدره؛؛ حياتي سويتلج الاكله الي اتحبيها
دحكت عليها ودرت ظهري على ماما ماما من شافتني هيجي صارت اتصيح
ام سدره؛: كااافي خافوو من الله اني جاي اموت ولاانتي ولااخوج اتحسون بيا ارحموني الله يخليكم اشكد كلبج محترك على ويلادج اني هم بكدج واكثر كلبي محترك عليكم
صارت تبجي وطلعت من الغرفه ومانطيت اي رد فعل اعرف بيها امي وكلبها دا يحترك علينا بس والله مو بيدي
اريد انهزم اريد اروح من هذا العالم كلو اريد اخذ ويلادي واعيش بعيد عنهم كلهم حتى عمتي الي ربتني اريد ابتعد عنها كرهت كلشي بس ماكرهت ويلادي ....
جا عمر دخل على الغرفه وصار يحجي معايا ليش مادا تقبلين تاكلين سدره ليش ماتحجين ماجاوبتو سحب ايدي شكل بيها مغذي وعلكو وطلع
صهيب واماني جوي العصر اشكد حاولو يحجون معايا ماجاوبهم حتى عبالهم اخرسيت كاعدين يمي بل غرفه امي وام صهيب وام اماني وعمر واماني
صهيب كام من مكانو وكعد يم رجليه ماحسيت غير جك رجلي بماعرف شنو كمت اصرخ كبل
سدره؛: اخخخ اش سويتي شنو هذا
صهيب؛؛ هيجي عبالي اخرستي ماتحجين صار ساعه كاعدين
سدره ؛؛ مايعجبني اكرهكم كلكم ماريد اشوف احد
كمت من مكاني وطلعت من الغرفه اماني لحكتني كبل
اماني؛؛ سدره
سدره؛؛ عوفيني بحالي
سمعت امي اتكول
ام سدره؛؛ يابا اعذرونا امانه الله عليكم
ام صهيب؛؛ لاتحجين هيجي ام سدره نحن اهل والي دا اتمر بي سدره مو قليل
صهيب؛؛ عوفيها على راحتها خاله
طلعت لغرفتي دخلت وسديت الباب على نفسي واتمددت بتختي
وضليت على هاي الحاله خمس ايام ماجنت احجي مع احد كم مره بابا طلع عليه يحجي معايا ويبوس بيا ويريديني بس احجي معاهم وانزل اكل معاهم
ماجنت اقبل جانو يصعدولي الاكل فوك اكل اشويه على كد علاجي
مر عشر ايام واني تعبت وضعفت وذبلت لان بس حابسه روحي وابجي واكلي قليل ونايمه جسمي تعب
اندك باب غرفتي وماجاوبت دخلت اسراء
اسراء؛: سدوره حبيبتي صهيب يريد يحجي معاج
ماجاوبتها صاحتلوو دخل وهي راحت سحب المقعد مال ميز توليت وكعد يمي غمضت عيوني حتى يروح
صهيب؛: اعرف بيج كاعده ودا تسمعيني زين بس شوفي ياسدره الدنيا ماتكف على احد ولاراح تكف ب يوم
لو جان وكفت جانت وكفت على رسول صلى الله عليه وآله وصحبه من مات هو احق بل دنيا تكف على
كومي ياسدره ولاتخلين ويلادج يعيشون تحت رحمة مرت ابوهم لاتستسلمين واتصيرين ضعيفه اخذيهم من عيونهم وعيشي حياتج سدره
ست سنوات درسج وتعبج وسهرج لاتخلي يروح ب بلاش وظيفتج تنتظرج وحلم عمرج ينتظر هيجي رب العالمين كتب شنو اتسوين يالا يطلع ب يدج شي ماراح تكدرين لو من شنو اتسوين
هاي قسمتج بل حياة وهذا قدرج نكدر نعترض نكدر انغير شي لا والله مانكدر
قسمة لؤي وجنات واحد بالتراب والثاني بل مصح وقسمة علي وسدره واحد يتزوج والثاني الله اعلم شنو ينتظرج
والله اعلم اني واماني شنو ينتظرنا هاي الحياة كومي ياعيون اخوج انتي
خطيه امج دحكي عليها شلون صايره من القهر
ترى وكعت مختار هدتها هد هي وابوج الله يكون بعونهم جت هاي المصيبه مو قليله عليها لو على ابوج ابنوو قتل ابن اختو
صهيب هو ويحجي معايا فتحت عيوني وغصيت بل كلمه بالكوه كدرت اكول
سدره؛؛ اختك جاي اتموت ياصهيب
وانفجرت بلبجي وابجي واشهك
صهيب؛؛ ابجي ميخالف طلعلي الي بكلبج سدره الطفل الي بطنج مات اعرفي هذا الشي وصدكي وعلي اتزوج وصارت عندو غير حياة
كمت اشهك وصهيب يردد هذا الكلام حتى اصدك ولااضل اكول هذا كابوس وحلم
اتعدلت وكمت افرك ب كلبي وانهاريت اكثر
صهيب؛؛ انتي لازم اتصدكين وغصب عنج ترضين بامر الواقع علي تزوج البارحه جان عرسو
يايمه احس كلبي كام يتكطع من سمعت البارحه جان عرسو صهيب جان كاعد يمي بدون وعي مسكت ايدو وكمت اتوسل بي
سدره؛؛ لاتجذب عليه الله يخليك صهيب حباب لاتجذب
صهيب؛: اي صحيح البارحه جان عرسو والله
سدره؛؛ جذاب تحجي هيجي حتى انسى
صهيب؛: روح لؤي البارحه جان عرسو اني جيت اكولج حتى اتعشين حياتج وكاافي تتعذبين الطفل الي بطنج خسرتي بعد شنو تخسرين سددره صيري قويه وكومي على حيييلج واخذج ويلادج بحضنج كااافي
احس اتخبلت بهذيج اللحظه متت كمت اضرب على وجهي واخرمش بي وانتف بشعري واصرخ وابجي وصهيب يمسكني وادفع بي بجيت بجي بحيااتي كلها ماكن بجيت هيجي
ماما ومختار طلعو يركضون على صوتي
صهيب؛؛ كاافي راح تخبلين اهدي
مختار؛: سدره شبيها ليش هيجي اش صاير صهيب
صهيب؛: عرفت بعلي اتزوج
ام سدره؛؛ الله يخليج كاافي ياامي كاافي خلي يولي انسي
مختار؛: سدره اختي
بس مختار حجى يمي التيبلم شلتها وضربتها على مختار
كمت اصرخ على ورحت اضرب بي
سدره؛؛ كووو.. د اطلع من كدااااامي كلو بسببك علي عافني بسببك خسرت ابني بسببك الله يكتلك ويشيلك انت جان ما بلحك تحترك ايدك بل حك تندفن يم لؤي نذل اطلع
صهيب؛؛ سدره اشجالج اتخبلتي
سدره؛؛ عوفني عوفني صهيب كلو بسببو هذا الكوو.. د النذل كل اللمه والهوسه والضحك مايتونس الي من يضرب طلقات يتونس وهجم بيتي وبيت جنات ويتم ويلادي واني عايشه
مختار واكفه مصدوم من رد فعلي ماحجى ولاكلمه صرت ادفع بي واضربو
صهيب سحبو طلعو بره جت ماما مسكتني دفعت ايدها واني اصرخ وابجي
سدره؛؛ عوفني ماريدكم ماريدكم اريد علي عللللللي
وكعت بل كاع اخخخ ياكلبي كاعد يتكطع
خطيه ماما تبجي على بجي اتقدمت عليه وسحبت راسي على صدرها
ام سدره؛؛سدوره حياتي ارضي بقسمتج ونصيبج
سدره؛؛ ماااما ماكاعده اتحمل علي راح مني وابني هم راح جت سلوى الحيه اخذت علي مني ب يوم وليله واني الي جان كبريائي لسمه ومحد يسترجي ياخذ رجلي مني هيجي اخذتو ب يوم وليله زين هو شلون كدر ينومها بحضنو شلون فهميني شلون كدر يلمسها ماتذكرني ها ماما معقوله كدر ينساني
ام سدره!؛ علي هم مغلوب على امرو ياحياتي انتي استعيني برب العالمين وراح ياخذ حقج
ضليت ابجي بحضن ماما واشهك بكثر مابجيت غفيت بحضنها حسيت عليها اتكومني حتى اتمدد بتختي
اتمددت بتختي وسمعت صهيب يكولها
صهيب؛: ها خاله شلون صارت
ام سدره؛؛الله يكون بعونها الي صارلها مو قليل
صهيب؛: اني اتعمدت اكولها حتى لاتضل عايشه باامل خاله مستحيل ينجمعون سوى بعد
ام سدره؛؛ ابوها وصانا مانحجي كدامها على زواج علي بس اولها واخرها لازم تعرف وعلى كولتك ترضى بامر الواقع
جنت اسمعهم يحجون وماتحملت رجعت ابجي واشهك
صهيب؛:سدره يااختي كولي يالله كاافي تبجين
سدره؛؛ الله يخليكم ماتحمل اريد علي جيبولي علي اريدووو بس اريد اكوله ليش هيجي كسرني بس خلوني اضمه لاخر مره الله يااااخذك ياعلي
صهيب؛: ابجي وطلعي الي بكلبج بس لاتلحين على روحج مو زين
سدره؛: عوفوني وحدي
ام سدره؛؛ سدره زينه انتي
سدره؛؛ زينه بس عوفوني وحدي
طلعو وعافوني وحدي غطيت راسي وضليت ابجي احس كلبي يريد يكف بكثر مابجيت مر وقت طويل واني على هاي الحاله ابجي جوى الغطة
حسيت واحد رفع الغطة
عمر؛؛ اتموتين جاوبني تكتلين روحج بعدو
سدره ؛: جاي اموت عمر هييي ك .لبي هييي
عمر؛؛ كومي ياكلبي
غركانه بل بجي والدموع سحبني من ايدي وكومني عمر اخذني على المغاسل غسل وجهي احجي كلمه واشهك ماكدر اكملها غسل وجهي وسحبني بحضنو
سدره؛: راح عمررر راح
عمر؛؛ ياروح عمر ياكلب عمر شنو اسويلج كوليلي اروح اخلي طلقه براس عمج
سدره'' '' ... ليش.. سوى... هيجي... مو يدري... اشكد.. احبو... مو يدري... سدره تموت من دونو...والله مات.. ابني.. وماحترك.. كلبي بكثر... ماهسا... دا يحترك...
عمر... الله يخليج حركتي كلبي كاافي والله اروح كلهم اكتلهم وابرد كلبج ياحبيبي ارضي بقسمتج ونصيبج واكو الله ماينساج
اخذني لغرفه وهو حاضني ويبوس براسي
سدره؛؛ اريد انام
عمر؛: موزين صارلج اشكد ماتطلعين من الغرفه امشي اطلعج اشويه
سدره؛؛ الله يخليك عوفني على راحتي
عمر؛؛ ماشي
اتمددت وغطاني عمر وحجى معايا اشويه وطلع ...
علي
بعد ماخابرني هيثم وكالي سدره صحت جنت اتمنى اروح اشوفها بس ماجان عندي عين اروح عليها صعبه جانت عليه
بهاي الفتره ابويا اصر اخذ سلوى ب ساع بل بدايه رفضت وطلعت حجة بحجة عبدالله ولؤي ماصارلهم سنه بس
ابو علي؛؛ ماحاجه اتسوي بل قاعه وطنه ورنه تاخذها من بيتها وتاخذلها كم صوره وفضت
علي ؛: بس يابا خلي تطلع السنه
ابو علي؛: عللي اعرف شنو الي يدور ب بالك كتلك فضها ودز فلوس او انت اتروح معاها تشتري ملابس وروح اشتري غرفه نوم وكمل اغراضك
هزيت براسي وطلعت انطيت فلوس لامي تنطيها لسلوى وفلوس لمحمد هو ينجاز لان ماجان عندي خلك لكلشي
جان اتصالي مع نور وهيثم وجنت اعرف اخبار سدره جانو يكولون زينه واحسن وضعها اتحسن
اتحددنا زواجنا اني وسلوى رادت اتسوي حنه رفضت ماقبلت
سلوى؛؛ ليش ماتقبل عفيه
علي؛؛انتي شنو ماعندج غيره اخوج مانعرف شي
عنو
واخويا ماصار سنه جوى التراب
شوفي سلوى اتروحين لصالون وتلبسين بدله لان هذا حقج وكدام الناس راح اتصيرين مرتي اغاني ممنوع اتشتغلين
وممنوع اهل امج يجون تجي خاله وحده فقط غير هذا الحجي ماعندي افتهمتي
وسديت الموبايل جانت دائما تتصل بيا واني ماجاوبها واذا اجاوب على كد السوؤال
دزتلي رساله
حبيبي اسفه خمه زعلت مني هاي هي الي اتريدو يصير
عفتها ماجاوبتها البناات كملو كل الشغل وبعد باجر العرس
جت سلوى ثاني يوم رتبت اغراضها غرفه سدره ماخليت احد يتقدم يمها غرفه سلوى صارت فوك
ليله العرس لاوالله اسمي ليلة العزه
باليل ضاكت الدنيا عليه واحس صدري طبك حتى النفس صار يصعب حتى يطلع وينزل
نومت ماري وحسوني وطلعت لسطح الوقت متاخر جان اخذت الباكيت والجداحه وكعدت ضليت ادخن واصفن وادحك لمكانا من جنه انام واتذكر
باول لحظه بيها من حبيت سدره وكلبي رجف الها وشلون بديت احبها الي حد مانتهى كلشي بيني وبينها
وصارت الذكريات تاخذني واتذكر من جنه نحب بعضنا وارجع من بغداد وهي تجي عدنا
هدير تكف يم باب السطح تراقب واني وهي نكعد بالظلمه
علي.. شو تاخرتي يالا صعدتي
سدره... عمو قصي جان كاعد وخفت اصعد
سحبتها من خصرها وقربتها عليه
علي... سدره غمضي عيونج
سدره... ليش
علي.. دغمضي واني اكولج ليش
سدره... هاي غمضت
قربت شفتي وبستها وماحسيت غير ضربتني براشدي انصدمت
علي... ههههه ليش
سدره... والله اذا عدتها اموتك ثاني مره هذا الشي مايصير هسا عيب
علي... تعالي لاتضوجين هههه بس تعالي خلي احجي معاج
كامت تبجي وزعلت وماتقبل ترفع راسها
سدره...عوفني
سحبتها ومسكتها من وجهه امسح دموعها همست
علي... ليش تبجين
سدره... لان هذا الشي بس المتزوجين يسونا
علي... هههههه سدره بس لاعبالج الزواج بس بوس
سدره.... ماعرف لاتحجي هيجي والله ابطل مااحبك بعد ماتسوي هيجي
علي... بس الله عليج جاوبيني الزواج بس بوس
دنكت براسها خجلانه
سدره... والله ماعرف اني مره كلت لاسماء شلون يصير الطفل كالت الرجال يبوس مرته من شفتها ويصير طفل
علي... هههههه جذابه دا تضحك عليج اكو شي اكبر من البوس
سدره... والله محد غيرك الجذاب
ضربتني على كتفي وراحت تبجي واني اضحك عليها وصلت يم الباب وهدير سالتها شبيج سدره
سدره... هذا اخوج ادبسز يتحارش بيا
هدير... غير حبيبج شنو يتحارش بيج
سدره....يكولي المتزوجين يسون شي اكبر من البوس والله بعد مااحبو لو يموت
ضحكت مع نفسي واني اسمعها فطيره هاي البنت صف رابع علمي وماتعرف المتزوجين شنو يصير بينهم هههه....
ماتحملت ضربت الجداحه والباكيت بل كاع وصرت اصيح
مثل المخبل ورافع راسي لسما وفاتح ايديا
علي؛: ليييشششششش ليشششش. ياااللله ااااااتخليني اكسرها هاي الكسره ليشششش شنوو ذنبها ليششش هيجي صار انكلبت حياتنا بلحظه يارررربي بعد ماتحمل اتحملت فوك طاقتي يارب
اشكد احساس مقرف من اتحس نفسك كسرت شخص بلحظه وهو جان كل حياتك يمكن عيب ابجي بس لحظتها ماتحملت وكعت ابجي مثل الطفل سحبت الجكاره وادخن بيها هي الوحيده اطلع قهري بيها
ماحسيت غير ايد صارت على كتفي التفتت لكيت اخويا محمد كبل ضميت الجكاره حياء من عندو
حمودي؛؛ اخذ راحتك اشربها بس سمعتك اتصيح وجيت اطمن عليك
علي؛؛ ضايج اشويه
حمودي؛؛ ارضى بل الي كتبو الله لكه ياعلاوي وسدره عندها رب الي ماينساها
علي؛؛ كسرتها حمودي حييل تعبتها
حمودي ؛:كلشي صار ماجان ب يدك كلشي صار قدر مكتوب من رب العالمين يجي يوم وسدره تفتهم وضعك
ومع الزمن جروحكم راح اطيب بس خلي عينك بعين رب العالمين وهو يحلها
علي؛:اخخخ ياريت ماجبتها ولارجعتها لعراق ياريت
حمودي؛؛ لاتكول هيجي علي نحنا مو قليلين غيره انعوف عرضنا مانعرف وين على اقل هسا بالنا مرتاح وهي بين اهلها
حجى معايا اشويه محمد وارتاحيت قبل لا يروح كالي
حمودي؛؛ راح اتمم زواجك من سلوى
علي؛؛ مادري
حمودي؛؛ لاتخاف نحن اخوه وسرنا واحد اكيد ماراح اتمم زواجك منها بس لا تنسى اذا طلبو النيشان
علي؛: ان شاء الله
راح محمد واني هم نزلت جوى وجانت اتعس الليله هذيجه الليله الليل كلو ماكدرت انام بس كضيتها ادخن وافكر اختنكت كلش طلعت لكراج عدنا ديديه (مرجوحه)بل حديقه كعدت بيها وادحك على النجوم وطيفها مايفارك بالي ابد وين مادحك اشوف صورتها كدامي وهي تبجي واتعاتبني
ضليت الي حد ماسمعت اذان الفجر اتعوذت من ابليس وكمت صليت واتمددت بفراشي نمت اشويه وكعدت الصبح على لمسات ايد ناعمه على خدي فكيت عيوني روحي ماريتي
علي؛؛ باباتي خليني انام اشويه
ماري؛؛ ما توم
علي؛؛ توم لو بصل ههههه
تضحك وماتعرف شنو السالفه على ضحكتي
علي؛؛ انعل ابوج ولابو غمازتج هههه تعالي هينا
وصرت ادغدغ بيها واضحكها وهي رايحه تضحك موت شلتها
وطلعت بره لكيت البنات منجمعين رحت غسلت وغسلت لماري ورجعت سلمت على البنات
حسوني كاعد يم امي يتريك كامت ميس سوتلي الريوك وكعدت اريك ب ماري واني اكل معاها
عبير؛؛ منو راح يروح مع علي يجبون سلوى
ام علي؛؛ اني ماصل روحو انتو
ميس؛؛ يوم اني هم ماصل لان سدره مورخيصه عليه
دنكت براسي وجريت حسره
ماري؛؛ بابا عميني (طعمني) بعد
علي؛؛ اي بابا صار
ابو علي؛: سدي حلكج لااخلي حالج يصير من حالها
ميس؛؛ ليش يابا اني شكلت ليش الي كاعد يصير مو كلو ضلم ب ضلم انت تعرف حق اليقين علي مايريد هذا الزواج وانت جبرتو حتى بس ينسى
محمد؛: ميس
ميس؛؛ ليش هيجي ادحك عليه الي كاعد يصير كلو حرام وباجر الله يحاسبكم لان حملتو سدره ذنب اخوها وفرقتو اطفال عن امهم
وفرقتو علي وسدره وهمه واحد يعشق الثاني يابا بس اريد اكولك شي واحد لو زوجت علي عشره مو سلوى ابنك ماراح ينسى مرتو لو الدين تنكلب
ومبارك عليك اخويا اتمنالك السعاده بس هاي اني وهاي انتو من هذا اليوم احسب الي حد مارب العالمين يكتبلك
ماراح اتشوف الراحه لان دخلت لهذا البيت حيه والي يعاشر حيه لو راح يصير مثلها لو تلدغك
كامت ميس تطلع فوك هدير حجت عليها
هدير؛؛ على كيفج يابا سلوى صار مرت اخوي
وقبلها بنت عمي ماقبل تحجين عليها
ميس؛؛ شوفي هدير كافي تجذبين على روحج لان اني دخلت لهذا البيت وانتي وسدره جانو عمركم 15سنه يعني اعرفكم وحافظتكم زين لهذا التمثيل مالج وفرحانه ب سلوى بطلي
هدير؛: وليش حتى مافرح سلوى خوش بنت
ميس؛؛ لاجثير بابا انتي من طول عمرج تكرهينها هسا صرتي اتحبيها راح اتشوفون سلوى شنو راح اتسوي بيكم
محمد؛؛ ميس اطلعي فوك كاافي
ميس؛؛ اي عيني طالعه بس اني سحبت ايدي من كلشي بعد لكم حق اجي الصبح اصبح على امي وابويا واطلع وعود خلي سلوى الوسخه تفيدكم
دارت راسها وطلعت فوك قسم كل كلمه كالتلها صحيح
كمت من الاكل ورحت اسبح ماقبلت احلق ولاقبلت البس قاط
طلعت لبست ملابسي صار وكت الغده اتغدينا ماعزمنا احد بس عماتي اجوي
شربت جاي ورحت نمت اشكد مافكرت بسدره اول غفوتي وحلمت بيها كاعده على ركبها وايدها على كلبها تبجي وتشهك واتاشر على كلبها
سدره ؛!جاي ..اموت حبيبي ..ك كلبي ...دا يتكطع
هستوني بديت اتقرب عليها اريد اهدي بيها وفزيت على صوت امي اتكعد بيا
ام علي؛: كوم امي كوم علاوي روح جيب سلوى الساعه 3:30
علي::انعل ابو سلوى
ام علي؛؛ شبيك ابني
علي؛: هيجي جنت احلم وكعدتيني
ام علي؛: ديلا امي كوم
علي؛؛ اي حجيه صار
اتعوذت من ابليس وكمت يالله وجع بكلبي مسكني موتني شعور وحده كآبه والدنيا ضاكت عليه غسلت ولبست قميص وبنطرون ومشطت شعري ماخذت معايا لا حسوني ولا ماري لان اكيد راح يصل الحجي لسدره
اذن العصر صليت وكمت طلعت لكيت بس هدير امبدله وخواتي كاعدات عبير ورغيد
علي؛؛ منو راح يجي معايا
محمد؛: اني وهدير خواتك مايقبلون وميس هم ماتقبل تجي
ابو علي؛؛ اسمعو زين الوحده الي بيكم ماتكوم اتبدل واتروح مع اخوها هسا راح ازفها يالااا
عبير؛؛ بس يابا
ابو علي!؛ بدون بس يالاااا وانتي هم معاهم ماريه
ام علي!؛ اني ماحضر عرس وابنك صارلو عشر اشهر جوات التراب عوفني على راحتي
ابو علي؛؛ كومي هذا هم ابنج
ام علي؛؛ لاتلح عليه قصي ماروح موجودات خواتك وبناتك يروحون
ابويا سكت اندار على حمودي
ابو علي؛؛ وانت امشي اطلع على مرتك خلي تنزل وتروح معاكم
حمودي؛؛ يابا مرتي تعبانه من البيت والدوام مالها خلك
ابو علي؛؛ اطلللع كدامي يالا وصيحها
طلع حمودي وهو يستغفر وكامو البناات بدلو ....يتبع
