رواية صراع الشيوخ الفصل التاسع بقلم ليال القمر
كرم وهو يوصي الزلم عله ارجوان : شوف يا ابن العم امريتي امانة عندك
كرار : صدگ تحچي ابن العم هاذي مثل خيتي
كرم بابتسامة مطمئنة : ديربالك عليهة انت وصحبانك
كرار بابتسامة هادئة : بعيوني اخليهة هي مثل اختنه لا تخاف
كرم : يلة مع السلامه واذا صار بيه شي اريدك تگللهة تسامحني وتردهة لاهلهة
كرار : سمالله عليك شيخنه صدگ تحچي انشالله ترجع النه سالم اتوكل عله الله
راح كرم وطلع من المستشفى وهو ياخذ نفس ويزفره بقوة وركب السيارة واتوجه للگعده
اما ارجوان فضلت صافنة بنقطة بالهواء وفجأة گامت تصيح وتبچي : omg mom help me please l can't stand this anymore
(ياربي ماما ساعديني حبابة بعد ما اتحمل )
كرار سمع صياحها : اوگفوا ودير بالكم تتحركون
راح كرار صاح للممرضين ودخلوا لغرفتهة يهدأوهة وصدگ ورة شوية هدئت و غفت وراحت بغير عالم
♕♕■■■■■■■■■■■■■■■♕♕
بالگعده العشائرية
دخل كرم هو وعمامة وعشيرته بالمختصر كلهم موجودين
شيخ سليمان : السلام عليكم
ابو امير : وعليكم السلام
كلهم گعدوا واحد يباوع للثاني بحقد وكره
شيخ سليمان : تفضل شيخ شهاب شنهي الحل للمشاكل والثارات
شيخ شهاب ( ابو امير ) : والله الحل كلش بسيط
شيخ سليمان : شني الحل لان صراحة يومية واحد كاتل الثاني
شيخ شهاب بخبث : ناخذ بناتكم لولدي
الكل گام باعتراض : شنيييييييييييي شهالحجي
شيخ سليمان : ششششش اهدوا خواني اهدوا
واندار شيخ سليمان للشيخ شهاب : ولويش تاخذ البنات لان ابني ضرب ابنكم
الشيخ شهاب : لان كتلتوا ابني ولان فضحتوا بنت اخوي وكتلناهة بسبب الفضيحة ولان ضربتوا ابن اخوي ورجعتوا الثارات وحدكم
الشيخ سليمان : والله يا شيخ انتو الي بديتوا رحتوا تتحجون عله عرض مرت ابني وتهددونه بيهة هذة لعب لو شني
الشيخ شهاب : بس ماله داعي يضربة وإذا ماتنطونة بناتكم لولدي راح تصير بالدم ونفصلكم 100 مليون علة ابني وفضيحة بنتنه
الشيخ سليمان بحدة : چا احنه ما نطالب بحقنه كتلتوا ابوي وابن اخوي
الشيخ شهاب : انه مالي شغل انه اريد بدال دم ابني مجتبى وسهام بنات لولدي ولابناء اخوي
الشيخ سليمان بحقد : چا احنه هم نريد بنات لولدي
الشيخ شهاب بحدة : حته تكتلوهن مثل سهام وهاي الفصلية الجديدة بنت عشيرة ال.....
كرم بحدة : شيخنه فضونة شني تريدون تردون فلوس احنة حاضرين بس البنات ما ننطيهم
امير بحدة : اسمع لك انه تحملتك كلش بس لهنا كافي تزوجت بنت عمي الي چنت رايدهة وكتلتوا اخوي وتريدوني اسكت
كرم بعصبية : والله هذا الموجود انه تزوجت سهام لان عمك كتل جدي بسبب عركة عله الاراضي واخذت سهام فصلية حته نحل المشكلة وانتو شنو انطيتونه بنية بيهة عيبة وشاردة وية رجال هو هاذ تربيتكم للبنات هاااا جاوب
امير بنظرة حادة وگف بوجه كرم الواگف : بنت عمي اشرف من بناتكم واحنة كتلنة ابن عمك لان هو الي كتل اخوي
كرم بحدة : واخوك النادر راد يكتلني لان حسباله انه الفضحت بنت عمه وابن عمي شافه وصوبة وهاذ يعتبر دفاع عن نفس بريئة
امير بحدة : بس مو يكتل اخوي
كرم بصوت جاهوري : وهو چان خال السلاح عله راسي شنهو تريده يسوي يضل صافن
شيخ سليمان : يا جماعة صلو عله النبي
الكل : اللهم صل على محمد وال محمد
الشيخ شهاب : اسمعوني الحل الوحيد حته نفض الگعده انو نتناسب احنه ناخذ بناتكم وانتو تاخذون بناتنه، بناتكم ونخليهن بعيونه إذا انتو خليتوهم بعيونكم
الشيخ سليمان بهدوء : انه بس عندي بنات ثنين وحدة محجوزة لابن اخوي والثانية بعدهي
شيخ شهاب : انه اريد بنتك يا ابو كرم
ابو كرم : انه ما انطي بناتي الكم لو ما ادري شيصير وما ننطي بنات اخوي
الشيخ شهاب گام من مكانه : چا خليهة تصير بالدم
وجماعة امير كلهم طلعوا سلاحهم
امير بجمود : لو نكتل بدال الي كتلتوا لو تنطونا فصلية
الشيخ سليمان برعب : شني شداتسوون هو هاذ اتفاقكم تهدون علينه
الشيخ شهاب : هاذ الي عدنه لو البنات والفلوس لو الدم
كرم بعصبية : انتو ما تستحون اليوم اشعلكم شعل
امير ويوجه السلاح عله كرم وبصوت جامد : اذا ما تسكت راسك افجره
كرم باستهزاء : نفس المنظر دينعاد بس انت اخو مو هو
امير ببرود : أي منظر
كرم باستفزاز : اخوك مجتبى بس اكو فرق بينكم هو چان ديضغط عله الزناد والجو چان اكشن مو مثلك باااااارد
امير بعصبية : انچب اخوي لا تجيبه عله طرف لسانك
واذا الكل سمعوا صوت تلفون يدگ وتوجهت انظارهم لكرم
باوع كرم عله السلاح برود وعدم اهتمام اخذ السلاح من امير بطريقة محترفة ووجه السلاح عله امير وجاوب التلفون : الووو
كرار بقلق : كرم مريتك بس دتصيح وتريد تذب روحهة من الشباك
كرم بذعر : شنييييي شداتحچي انه جاي ديربالك عليهة
سد كرم الخط
ابو كرم بقلق : خيرر شصاير كرم
كرم بذعر : بوية ارجوان انجنت راح تذب روحهة من الشباك بوية انه امشي خليني الحگ عليهة
ابو كرم : روووح بوية الحگ علة مريتك
طلع كرم باستعجال للمستشفى والسلاح انطاه لاخو فهد
امير بين نفسة { هاذي تخبلت تريد تنتحر بس انشالله يلحگ عليهة حته اخذهة انه }
امير ببرود : فهددددد انطيني السلاح
فهد انطة السلاح لان حسن والكل وجهوا اسلحتهم علي
الشيخ سليمان بجدية وثقة : انه موافق اناسبكم بس بنتي الثانية محجوزة وما اگدر اكسر كلمتي
الشيخ شهاب : وانه موافق اناسبكم ومو مشكلة ناخذ من بنات اخوانك
عمام كرم : موافقين بس بناتكم لولدنه
الشيخ شهاب يصافح الشيخ سليمان : انشالله بعد ماكو ثارات ونصير اهل
الشيخ سليمان : انشالله شيخ
صراع الشيوخ
