رواية بدون كلام الفصل العاشر بقلم جمانه السعيدي
عطور....انفعلت من كلامه شلت الجفجير جفجير فافون قديم ردت اضربه
لزم ايدي وقرب وجها عليه
يوسف... لا تتهورين فكري زين جنت متوقع منج هاي الحركه انتي النوع الي ماجربته
لا اضيعين هيج فرصه
عطور....حقير ناقص الله ياخذك قابل اني شترجه منك
وواحد ناقص مثل ابوك
على صوت الصياح امي اجت
اخذ الجفجير من ايدي وشمره
كمت اعيط علي اطلع اطلع من بيتنا نكس
وواحد بلا اخلاق حيوان
يوسف....ترجعين عليه وين ترحين
طبعا امي واكفه وتكول شكو شكوووو
اني اغلط علي امي مستمره تكول شكووو
ليش اتعاركتو شصاير
طلع من بيتنا واني عفت كلشي وكعدت بلكاع ابجي
ليش الدنيا هيج وياي
ليش تخليني احتاج واحد نذل مثل هذا
لاذمه ولا اخلاق ولاتربيه
امي.. شكووو
عطور...ابن عمي التحفه يكول نامي وياي
واجيبلكم ملابس ومسواك وعلاج
ترضين وواحد حقير من هذا ناقص سكير
يكول هيج
امي....استغفر الله ياربي استغفر الله
عطور...جنت متوقعه منه هيج شي وواحد مثل هذا
مستحيل يقدم شي بدون مقابل
ناقص ونذل على ابووو
امي....لا تنقهرين زين سويتي وياااا
عطور...اخذو كلشي منا مالنا وحالنا مابقى عدنا غير
الشرف جايين ياخذونه
امي.. الله واكبر عليهم اني كلت كلبه حن علينا من شاف وضعنا هيج
بلكت يطلع احسن من ابوووو
عطور....شلون يطلع احسن من ابو وهو رابي على فلوس حرام
امي.... الله ياخذ حقنا منهم انشاء الله
عطور...بقيت النهار كله ضايجه احس اكو قهره بكلبي ما تطلع منه
شلون بيه فوك قهرة الراتب النوب هذا الحيوان
طلعلي
اجتني رساله من امير
امير....هلو عطور شلونج
عطور...هلووو
امير....الدكتور يكول جيب المريضه اشوف وضعها
وبعدين احدد العمليه
عطور....شكد تكلف
امير....شغل ايده بلاش بس باقي التفاصيل
والمصاريف علينا لا تخافين رب العالنين يدبرها
عطور...والنعم بالله تعالى
امير....اني راح اساعدج بلاكدر علي
اني نص راتبي يروح القسط السياره سيارتي اشتريتها قسط وجاي ادفع قسطها
اشتريتها من ولد صديقي
راح اساعدج بلشي الاي اكدر علي
حتلو اتقرض علمودج لاتخافين مااعوفج
عطور...مشكور ماقصرت ممنونه منك
امير....بخدمتج تدللين
جمانه السعيدي
عيني ما تقبل تنام افكر شلون راح أدبر فلوس ومنيين
هسه الدوله لو مطيتنا الراتب قابل ميزانية العراق تخسر
اويلي عليج عطور
منيين تتلكيها النوب يوسف اجا كمل عليه
حرك كلبي الله لايوفقه
شكد حيالين بيت عمي امشين حياتهم بلحليله والجذب والحرام
مايخافون من الله شنو من بشر
ذوله أحفاد الشيطان
اجت أبالي فكره
ليش اني هم مااتحايل عليهم
شلون اتحايل عليهم
اضحك على يوسف واخلي يتكفل بعملية امي
ويصرف عليها وبعدين انسحب منه
خاف مااكدرله لو يغدرني
مبين ؤعرف الحيل البريطانيه كلها
معقوله وحده مثلي تكدر علي ياربي حلها من عندك
عشت عمري كله عافه نفسي ومحد قرب عليه
وراضيه ولله راضيه وساكته
بس مرض امي يخليني اتهور واسوي كلشي
بس تبقى امي وياي
مااكدر اتخيل حياتي بدونها
اجرب واشوف لو خاف اوكع بيها هذا واحد
ما مخلي شي ما لاعب علي
ياترى راح اكدر علي يصظك بيه ويسوي عملية امي
لو اكعد واسكت مهما يكون اني بنيه وماعندي تجارب هواي اجرب لو خاف من تاليتها
ماكدرت انام الصبح طلعت الشمس واني افكر
شلون بيه كمت سبحت وحضرت نفسي للدوام
واني متردده اجازف واحجي ويا يوسف لو يكشفني
ماعندي غير حل خل احاول علمود امي
طلعت للدوام سيارة يوسف بلباب ااكيد مطمور
بليل سكران وبلنهار نايم
خل افكر اكثر منا للضهر واشوف
وصلت للدوام اول ما دخلت لكيت امير كنتظرني برا
رفع ايده يسلم عليه
هزيت راسي
اشرلي على وجها اضحكي بعدين نزل حواجبه
واشر بايده ليش ضايجه
عطور...كلت بكلبي مايدري بلمصايب الي نازله عليه ترف
طلع التليفون وكتب ليش ضايجه ولله تنحل
وامج تسوي عمليه وصير زينه ليش خايفه
عطور...شلون مااخاف هاي امي ماعندي غيرها
امير....حتلو ابيع سيارتي واعالجها لا تخافين
عطور...وانت شنو ذنبك تبيع سيارتك وانت اصلا بعدك ما مسدد اقساطها
امير...الاجل عين الف عين تكرمو
عطور....لا مااقبل تبيع سيارتك انشاء الله راح الكه حل
جمانه السعيدي
وصلني القسم التحليل وراح الشغله
الساعه عشره طلعنا اني ونهى برا اجا وجايب وياي لفات
وببسي
انطاني وانطا نهى وحده بس ما قبلت تاخذ منه
عافتنا ورجعت دخلت
عطور.....انت الإنسان الصح بس الضروف هيه الي غلط
امير...عاف اللفه وطلع تليفونه
كتب كلمه وحده احبج
عطور....شكد ضايجه بس ابتسمت
خلص الدوام وطلعنا للبيت
تغديت وبقيت اراقب بيت عمي اريد يوسف يطلع
احجي ويااا ماعندي غير حل
بعد رب العالمين يعرف وضعي ويعرف اني مو قصدي اضحك علي ولا على اي واحد
بس الضروف جبرتني اضحي علمود إمي
الساعه بلخمسه العصر طلع من ببتهم
اني مبدله ومحضره نفسي للمواجهه
بس طلعت من بيتنا التفت عليه شافني جايه علي
ابتسم بقت عينه عليه لمن وصلت
عطور...شلونك يوسف
يوسف.. هله وميت هله عرفت مراح ترفضين عرضي
عطور...ممكن نحجي بغير مكان ااكيد اهلك راح يشوفنا بلكامره
يوسف...اي تفضلي اصعدي وياي
وين تحبين نروح
عطور...بكيفك ماعندي مشكله
يوسف...اصعدي
عطور...كلبي يدك بسرعه وحسيت نفسي ميته حر
متوتره وخايفه اضيع نفسي اكثر
شغل السياره فتحت الجامه
يوسف....احجي اسمعج
عطور..... البارحه فاجأتني بجرئتك شلون تطلب مني هيج طلب
يوسف....اني انسان صريح وعملي والشغل الي اخليها
بعقلي لازم اخذها
من شفتج بيوم العركه شي بيج حيل جذبني
اني ترا مجرب نسوان أشكال واللوان
كبار وصغار مزوجات ما مزوجات كلهن يموتن على الفلوس
بس يشوفن واحد صاعد سياره وشكله مبين علي العز
يركض ورا
عطور...مو كلهن
يوسف...لا تزعلين الاغلبيه
عطور...بس اني مو اركض ورا الفلوس بس اريد امي تتعالج
يوسف...ماا اختلفنا الفلوس الها مقابل
عطور...بس اني بت عمك
يوسف....واذا بت عمي بنيه حلوه وعجبتيني حيل
يمكن انتي النوع الوحيد الي بعدني ماجربته
عطور...شلون يعني مافهمت
يوسف.....كل النسوان الي بحياتي هنا يركضن وراي
هنا الي يردن رضاي طبعا مقابل الفلوس
لو تشوفين كل وحده تخبل احلى منج واحلى
انتي الوحيده الي اني ركضت وراج
ومالكيت مدخل عليج غير مرض امج وحالتكم الماديه
عطور....مااريد احجي بهذا الموضوع لان انت تعرف
فلوسكم كلهن بلاساس من ابوي وابوك شغلهن
لمن صار عنده امبراطوريه ضخمه
يوسف...انتم لو ماخذين الفلوس جان طشرتوهن
وراحن ابوي بشطارته وذكائه شغلهن وكبرهن
عطور....مااربد احجي بهذا الموضوع لان الكلام بي ماكو منه فايده احجيلي بلمفيد
يوسف....اني اسمعج انتي سمعتي اني شريد منج
عطور.. متعجبه من جرئتك شلون بأول لقاء بينا تحجي هيج
يوسف...اني انسان عملي ليش اضيع وقتي بلكلام المعسول واجيب واخلي واصرف
وبعدين ترفضين اني ابينلج شريد منج وانتي اختاري
حتى ما امشي بطريق مسدود
عطور...اني موافقه بس عندي شرط
يوسف...اي اسمعج ننزل هنا هذا الكافي عدهم شغلات حلوه ولو انتي وين شايفه هيج مكان حتى بالحلم ما يمر عليج
حدج للخرابه الي عايشين بيها
عطور....احترم نفسك وخليني محترمتك
انت تعرف احنا ليش كاعدين بهاي الخرابه
خل احجي الشي الي اريده ورجعني للبيت
الشرط الوحيد امي امي محتاجه عمليه وعلاج وواكل زين عدها فقر دم وماتكدر تسوي العمليه اله تصعد نسبة الدم بجسمها
جمانه السعيدي
يوسف...والمطلوب مني
عطور...تتكفل بكلشي عمليه وعلاج واكل
ومن تصير امي زينه ساعته اسلمك نفسي
يوسف....واذا غدرتي بيه
عطور....شلون اغدر بيك
يوسف....سلميني نفسج واني راح انفذلج كلشي تردي
عطور...ههه ضحكتني
شلون اسلم نفسي اللك وانت مالك امان
تضحك عليه وبعدين تعوفني
ابوك قبل اخذ تنازل من امي مقابل مسواك
تريدني اسلمك نفسي قبل كلشي مستحيل
انتم ناس معروفين بلغدر عدكم سوابق
اني انسانه كلمتي وحده
يوسف....لا ما اضحكين عليه
عطور...بكيفك تريدني نفذ شروطي وراح اكون تحت امرك
ماتربدني رجعني للبيت اكيد رب العالمين مراح
ينسانا
حتلو اضطر افتر بلشارع واطلب من الجوارين
تتكفل بعملية امي
وساعته يكون وجهكم اسود بيت ابو يوسف نسوانهم اجدي
يوسف.. تعرفين كلش زين اني ما تهمني الناس
عطور...بكيفك انتي مو تكول اريد اجرب شي مختلف
ادفع حتى تجرب
المختلف اله سعره
اهم شي امي تصير زينه من بعدها كلشي تريده يصير
اني ماعندي شي اخاف علي
ماعندي شي اخسره اعز من امي
فكر زين ورجعلي خبر
مد ايده يريد يخليها على جسمي
راسا لزمتها لا ممنوع تقرب عليه
كلشي اله ثمن ادفع بلاول وبعدين اخذ راحتك
ضحك ضحكه كلها خباثه رجع ايده
يوسف...تنزلين لو لا
عطور...لا رجعني للبيت محد يدري بيه من طلعت
يوسف...تمام
عطور...احس نفسي اختنكت حتى ريحة النفس الي يطلع منه ينرفزني
الله ياخذه ويخلصني منه
رجعني للبيت نزلني وطلع بدون ما يحجي اي كلمه
مدري صدكني مدري لا
مدري يدبرلي مصيبه
يارب انت اعلم بحالي واني ماعندي غير هاي الطريقه
حتى اساعد امي
يارب خلي يسمع كلامي بدون ماايأذيني
دخلت امي كالت وين جنتي
عطور...رحت بشغله ورجعت
امي ....وين ما متعوده اطلعين من البيت ولا ترحين مكان بدون ما تكولين وين رايحه
عطور...يمه شغله هنا ورجعت
لا تلحين عليه بعدين تعرفين
امي...اخاف منج بس اطلعين اجيبلنا مشكله
عطور...لا بعد ماكو مشاكل انشاء الله
