رواية بدون كلام الفصل الحادي عشر بقلم جمانه السعيدي
عطور....كلش خايفه خايفه اوكع نفسي بمصيبة
مااكدر اطلع منها
بس ولله قهر امي مريضه وفلوسنا عدهم واروح اتوسل بلناس اساعدني
هما يكدرون يساعدوني بدون ماايأثر عليهم مبلغ العملبه
عدهم للفلوس مالها حد
ليش عايفينا نتذلل للناس
هاي ثاني ليله مجاي اكدر انام خايفه كلش خايفه
يوسف ملعب ويعرف كل الدروب
واني عليك يالله بس مراح اأيس
معقوله رب العالمين يعوفني اضيع
ااكيد راح يساعدني
ماكدرت اروح للدوام
دزلي امير رساله وينج منتظرج بلباب
عطور....تعبانه حيل مراح اكدر اجي للدوام ممكن تطلبني اجازه
امير....شكو بيج شي
عطور...مابيه شي بس تعبانه شويه
امير...الدكتور حدد العمليه الاسبوع الجاي يوم الاربعاء
اول عمليه عملية امج الساعه تسعه ونص الصبح
عطور...الله كريم
امير...اني دبرت ٥٠٠ الف واذا بعد نحتاج اتقرض
من جماعتي
عطور....لا شنو تتقرض لا مااقبل انشاء الله
الكه حل منا اليوم الاربعاء
امير...الله كريم
جمانه السعيدي
عطور...نمت ماكعدت اله ويا اذان الضهر
بلكوه اتحرك راسي يوجعني وعيوني تحركني
حضرت الاكل تغدينا ورجعت نمت مره ثانيه
خلص هذا اليوم ويوسف ما رجعلي خبر يمكن ما اقتنع بكلامي
يلله الخيره فيما اختاره الله
ابجوز اليه بيها صالح ابتعد عني
لازم اشوفلي واحد يقرصني فلوس علمود عملية امي
بلكت واحد يقتنع ينطيني وارجعها اله
من استلم راتبي حتلو ارجعها دفعات
هسه هيه الدوله شتخسر اذا انطتني راتب
قابل البنك المركزي يعزل
اليوم الي بعده داومت لكيت امير منتظرني
بس شافني ابتسم
طلع التليفون وكتب
لو ماعيب جان جبت لافته وكتبت عليها مشتاقلج
عطور.... ابتسمت
امير...كتب اي هيج اضحكي بعدج ضايجه
عطور.....اي
امير...هاج جبتلج ال٥٠٠ وإنشاء الله نكدر ندبر باقي المبلغ
منا للاربعاء
اكو هواي ناس تتبرع بس لا اضوجين
عطور.. الله كريم خلي الفلوس عندك مااخذهن هسه
امير...ليش ذني فلوسي ما متقرضهن
عطور....ميخالف خليهن عندك احسن ويوم العمليه يصير خير
خلص اليوم الثاني ويوسف لا حس ولا خبر
يمكن عرف اني اريد اضحك علي طبعا هلكد شايف نسوان ااكيد عنده خبره
يعرف الي تضحك علي والي تريد تستغله
اليوم الثالث خلص وكلشي ماكوووو
كلت هاي هيه كلشي مقدر من رب العالمين بي خير النا
اليوم الي بعده صادف جمعه
كعدت بسبعه لان اخوي يكعد من الصبح
وامي هليام ماتكدرله اذا مانكعد من الصبح
يبقى يعيط بصوت عالي
كعدت غسلتله وغيرت ملابسه وحضرت الريوك
كعدت امي تتريك
بديت انضف بلببت واغسل بلملابس
الساعه عشره اندكت الباب
فتحتها لكيت يوسف جايب مسواك تارس السياره ترس
بس شافني ضحك
يوسف....هلو عطوره
عطور.....عطوره
يوسف....الي يريد يدلعج شيكول
عطور.. اذكرت امير شلون يكووول اتوووو
عطور...لا ادلعني كول اسمي وخلص
يوسف٠...هاي جبتلكم مسواك واعتبري الاتفاق بينا
بدا من اليوم
يمتى موعد العمليه
عطور...يوم الاربعاء الاسبوع الجاي
يوسف....وشكد اتكلف تقريبا
عطور....مبدئيا لازمنا اربع الى خمس مليون واذا احتاجينا اكثر انت موجود
تريد تجي انت بنفسك تدفع حتى تتاكد
كلشي تمام ماعندي مانع
يوسف....لا ما يحتاج اني اصلا ماأحب المستشفيات
واعرف انتي حريصه ومستحيل اطشرين الفلوس
جمانه السعيدي
عطور....تمام يمتى اجيب الفلوس
يوسف...قبل العمليه بليل
عطور...تمام
يوسف...دخلي المسواك واي شي تحتاجي
اتصلي عليه
عطور.. انطيني رقمك ارمش عليك ماعندي رصيد
يوسف....جيبي تليفونج
دخلت جبت التليفون
امي.. منو على الباب
عطور...دقيقه هسه اجي
اخذت التليفون وسجلت رقم يوسف
دخلت المسواك وهو راح
امي.. منيين هذا المسواك
عطور...يوسف جابه
امي...يااا شلون اخذتي عطور احجي خوما صار بينكم شي
عطور...لا ماصار بينا اي شي بس ربج يهدي الكلوب العاصيه
امي.. لا مااصدك اني اروح ارجعه المسواك عليهم
كلشي اله شرفنا
اني مااريد منهم شي بس لا يقربون عليج
عطور...محد.راح يكدر يقرب عليه طمني
امي... ليش جاب مسواك شنو السبب
عطور...مو كلنا رب العالمين هدا
اكو قصه قديمه يكولون الشيطان سمع وحده تبجي من العوز والفقر هيه وجهالها جوعانيين
وتدعي رب العالمين ليل نهار
الشيطان كال رب العالمين تدعي وكلشي ما ينطيها
اني راح انطيها حتى تعرف اني افضل من ربها الي تعبده
الشيطان دز الها مسواك بيد واحد وكاله انطي الها وكول هذا من الشيطان
الرجال وصل دك الباب على هاي المره
طلعت بس شافت المسواك فرحت لان هيه وجهالها
كاتلهم الجوع
كالتله شكر جزاك الله خيرا
رد عليها بس ما سئلتيني منيين هذا المسواك
ردت علي رب العالمين اذا يريد ينطي احد
مايلزمه شي حتلو يدز الخير بيد الشيطان نفسه
الشيطان تعجب لان طلع مجرد وسيله حتى هاي المره
يجيها رزق
وسيله من رب العالنين حتى يوصل رزق هاي المره
فلا تتعجبين يمه رب العالمين دزلنا الخير بيد الشيطان
وهو متوقع صاحب فضل علينا
بس هو مجرد وسيله سخرها رب العالمين النا
امي...خايفه منه هذا مدام خلاج بعقله
انسي يعوفج بحالج ابد
عطور...ورب العالمين الي اني متوكله علي وين راح
معقوله يعوفني للشيطان يلعب بيه
وهو ثقتي ورجائى
جمانه السعيدي
رتبت المسواك بس ثلاجتنا ماتكفي للمسواك
دزيت رساله اليوسف
عطور...هلو يوسف شلونك
شويه ورد عليه هله بزين كله هاا اشتاقيتيلي
بشرفج كولي اشتاقيتلك ارجع
وهسه اجي اخذج ونروح الاي مكان يعجبج
عندي شقه تخبل ما تتخيلين شكد حلوه
اذا شفتيها ماترجعين بيت اهلج
مخليها بس للونسه شنو رائيج نروح بيها اني وياج
عطور...صفنت بكلامه عنده شقه بس للونسه وبمكان
راقي وعنده بيت ازوج بي وهسه عايفه فارغ
بعد ماانفصل واحنا عايشين بهاي الخرابه
الله عليك يازمن تصعد النذل الخسيس وطيح حظ
الشريف الطيب
يوسف...هاا شو سكتي ااكيد عجبتج الفكره
عطور...لا بس عندي طلب
يوسف...كولي اني بخدمتج
عطور...ثلاجتنا عاطله ونشد بابها بخيط
اريد ثلاجه لو مجمده زغيره اذا ما تصير عليك زحمه
يوسف...بس هاي ادللي
احنا عدنا محل اجهزه كهربائبه اجيبلج مجمده لو ثلاجه
عطور...بكيفك حتى لا تكول جاي تستغلني كلشي يجي منك نعمله
يوسف....سهله بس اذكري شي واحد كلش مهم بلنسبه اليه
اذا غدرتي بيه يا عطور اخليج تتندمين على اليوم الي اجيتي بي للدنيا
عطور....مااكدر اغدر بيك اني شصير كدامك
لليل وكفت سياره بابنا ونزلت ثلاجه حجم وسط
ومجمده زغيره ازغر حجم
دخلوهن جوه وامي بقت فاتحه حلكاها
طلعو امي كالت شنو هذا
عطور....يوسف جابهن
امي. ...... عطور.. احجي الصدك شكو بينج وبين يوسف
عطور..كلشي ماكووو
امي..من يمتى وهو يجيبلتا هيج اشياء
عطور...مو كلنا اذا رب العالمين يريد ينطي البشر
مايصعب علي شي
يسخر الشيطان يخدمه
وهذا الشيطان جاي يخدمنا باامر رب العالمين
يمه فدوه لا تخافين
اني مستحيل اسوي شي غلط
ومن يتوكل على الله فهو حسبه
نعم المولى ونعم النصير
جمانه السعيدي
يمكن اكول سؤال مهم ليش يوسف يصرف هلكد على عطور
هاي الفلوس يصرفها على غيرها احلى منها وبنات سهلات
اصلا هنا يركضن ورا
هو برائيه عطور تختلف
عطور صعبه مو سهله مثل باقي البنات وان رضت
بلعرض الي قدمه
هيج نوع مو سهل بينما هو متعود على كلشي سهل
وثاني شي وأهم شي
يريد يكسر كبريائها وغرورها يريد يذلها
يريد يحس هيه ما تختلف حالها خال باقي البنات
حتى مره ثانيه ماترفع عينها بعينه
ولا تكدر اجيب اهله بلطاري
لان طلعت وحده رخيصه حالها حال باقي البنات
الي بلا اخلاق
بعد بس تحجي بموضوع الورث يهددها
بلشي الي سووا وياها ويكسر عينها كدام اهله واهلها
عطور......خليت المجمده والثلاجة ورتبت الاكل بيهن
منا اليوم العمليه اامير ابد ماعافني كل شويه يروح للدكتور
واتفق ويا ابو التخدير
وجابلنا علاج كلها اجنبي على حسابه
اما يوسف...كان بجهه ثانيه
استغل رقمي عنده وبدا يلعب لعبته يدز صور 🔞
وحجي حقير مثل شكله
بس اني ابد ماارد علي مااريده يشك بيه
الحد مايوصل يوم العمليه
طلبت منه مسواك جابلنا مسواك دجاج ولحم
وسمج وبقوليات وفواكه
يوم الثلاثاء بليل اجانا
امي فتحتله الباب هلمره امي وجها ثكيل علي لان عرفت هو يتحرش بيه
حتى ماقبلت يدخل بيتنا
طلعت اني كتله تفضل ادخل
دخل كعد جبتله جاي
طلع الفلوس
يوسف...هاي اربع ملايين واذا احتاجيتي اكثر
اتصلي عليه
عطور...شكرا جزيلا
امي ما حجت لان الشي الي جاي يصير
مايصدكه عقل بلمره
شلون يوسف يتكفل بفلوس العمليه وعلمود شنو
يقدم هيج مبلغ
عطور...يمه لا تتعجبين ربج اذا راد شي
يغير كلشي علموده
والنعم بالله تعالى
