رواية اعداء عيلة الحاوي الفصل العاشر بقلم سلسبيل احمد
" اتحرك براحه و دخل وهي اتخضت من
وجوده فجأة لكن قبل ما تعمل اي حاجه
ادهم حط ايده على بوقها بسرعه "
- اهدي ! جدو لو عرف اني طلعت لك هيصور قتـ ـيل.. ده غير ان العصبيه مش احسن حاجه لصحته دلوقتي هشيل ايدي و متصوتيش ولا تعلي صوتك تمام؟!
" ملك كانت عيونها بتلمع بالدموع وبعدت عنه وهي بتتنفس بسرعه وبصاله بغضب...! "
ادهم قرب لها و هو بيمد ايده كأنه بيعلن استسلامه قدامها: كل الى عايزه اني اتكلم معاكي!
" بصتله و هي ساكته و بتحاول تستوعب الموقف "
- انا بس عاوزك تسمعيني
= اطلع بره اوضتي حالا! ملكش اي حق تدخل هنا ولا تقرب مني سامع !!!
- ملك!
بعدت عنه بهروب: مش عايزه اتكلم سبني!!!
= مش هقدر.. انا طول الفتره الى فاتت مش قادر اتقبل فكره إنك بعيد عني! و طول فترة كلامنا سوا وانا بحاول احافظ على كل حاجه حلوة بينا.. وفي لحظه شريف هد كل ده بطريقته انه يحكي الموضوع من وجهه نظره !
" ملك كانت رايحه ناحيه الباب لكن ادهم مسكها "
- ملك عشان خاطري
بصتله بضعف: سبني يا ادهم قولتلك!
" سابها لكنه فضل واقف عند الباب وقفلة عشان متخرجش "
- انا معملتش حاجه والله العظيم صدقيني.. انا وقتها كنت معاهم فعلا وقولت لعمي بس اني مرتب كل الورق وانه مش هيقدر يمسك دليل مادي علي بابا و يحيى وهما الى قالو لي اقوله كده دي كانت مجرد كدبه اخترعوها عشان اتكشفوا ! يعني لو عمي خالد كان عرف جدو وقتها كانت لعبتهم اتكشفت لكن هو ملحقش
ملك بصتله بكُره وغضب: بسببكم !! ملحقش يكمل حياته حتى بسببكم !!!!
= مش حقيقي ! هو خرج بعد ما شدينا سوا زيها زي اي خناقه !! الى حصل قضاء وقدر !
- لما هو كده كنتم مخبين ليه !!! معرفتنيش ليه القصة دي وخبيتوها كلكم !!!
= عشان انا من وقتها وانا بعيد عنهم! وبحاول ابعد عن حاجه من الماضي!.. ملك انتي بنفسك قولتي اني اتغيرت وإنك عايزه نبدأ صفحه جديده
ردت بأنهيار: صفحه جديده؟؟؟ والقديم لسه مجهول ! الله واعلم عملتوا في بابا ايه يومها !! والحدثه كانت مجرد حدثه ولا مقصوده !!
" ادهم حاول يهدي وكان مدرك انها متعصبه "
- حقك تفكري كده بس والله العظيم لو كانو عملوا اي حاجه فيه مكنتش هسكت والله ده محصلش محدش قرب ناحيته.. ملك انا مكنتش بكرهُ زيهم! افتكري كل مره كنت باجي عندكم ويلاعبني ! كل مره نتكلم انا وهو في حاجات مشتركه بينا ونتجادل! وكل مره نلعب ماتش كوره و ولما اخليه يكسب كان بيعرف وبيقولي اني جدع.. كان بيحبني! وانا كنت بحبه!
" عيونها دمعت وادهم قرب ناحيتها بهدوء "
- و من الحاجات الى انتي متعرفيهاش كمان... انك فاكره اني اتجوزتك بالاجبار عشان جدو بس انا عمري ما كنت مُجبر.. انا بحبك من واحنا عيال.. لكن دايما طارق وشريف واقفين في طريقي.. ودايما المشاكل الى بين ابويا وعمي واقفة في طريقي.. و انتي علطول كنتي معاهم.. مليون حاجه كانت بتبعدني عنك لحد وفاة عمي وسفرهم..! وقتها حسيت اني مبقتش مقيد من ناحيتك واقدر اقرب منك بس كنتي بتصديني فا بتعمد اتخانق معاكي.. وانكش فيكي يمكن في مره تليني.. لحد ما اتجوزنا عشان فجأه يرجعوا تاني! وافتكر القديم والجديد بسببهم..
ملك بصتله ودموعها نازله: تفتكر ايه!
كمل وعيونه مدمعه: افتكر ازاي كنت وحيد وانتوا سوا!
مكنش ليا ذنب فكل الى بيحصل! ومع ذالك عمركم ما انتبهتولي! لما هما رجعوا حياتك وانا فيها ومفروض اننا متجوزين كنتي مش شيفاني! ولا مديالي اهميه.. مكنتش قادر اتحمل ده ولا قادر اتحمل قربك منهم ولكن بحاول!! كل شوية اشوف قدامي الذكريات السوده كلها وانا قاعد فالجنينه وانتم التلاته بتلعبوا قدامي ومحدش بيفكر يجيلي.. وانا علطول مضغوط عشان الكبير ومينفعش اعمل مشاكل! كنت بفتكر كل ده وبفضل مستحمل عشانك! لأني بحبك وشايف اننا اتجوزنا خلاص فا عندي فرصه لحد اللحظه الى حسيت فيها ان عمر ما هيكون ليا مكان عندك ولا عمري هبقي مهم بالنسبالك زيهم!
" ملك كانت بتحاول تفهم يقصد ايه "
' لا إله إلا انت سبحانك اني كنت من الظالمين '
فلاش باك #
- يعني ايه يا ملك مش فاهم..
= يعني طلقني يا ادهم.
- نعم؟ احنا بينا اتفاق!
= قولتلك وهقولك تاني.. عمرنا ما هنتفق ولا هيبقي بينا اتفاق.. وحتي لو حصل عمري ما هتفق مع أهلك.. الى هما في نفس الوقت اهلي..
- انا مليش دعوة بيهم.. انا مش هطلقك
= حتي لو قولتلك اني هجبيها من ناحيتي؟ هقول لجدو ان المشكلة عندي متقلقش يعني مش هخليك تظهر بصورة وحشه
ادهم بصلها بسخريه: هو انتي بجد غبيه للدرجه دي؟ شايفه انها هتفرق معايا؟ لو فارقه معايا مكنتش عملت الى عملته انهارده عشانك!
ملك بجمود: انا مكنتش محتاجه حد يدافع عني
مكنش ليها لازمه كل ده الموضوع كبر.. وكلهم مسكوا في بعض.. و الحقيقه.. اني مش عايزه ولاد عمك يدخلوا اكتر من كده.. هما كانو بعيد عن المشاكل دي وقعدوا بسببي عشان خايفين عليا
بصلها بسخريه وهو بيضحك: قولي كده بقا ! محدش فارق معاكي غيرهم !
" ملك سكتت و ادهم بصلها "
- تمام .. انتِ طالق.
باك #
ادهم بصلها وكمل وعيونه مكتوم فيها الدموع: يوم لما طلقتك.. لما رجع ليا شعور انك مش هتحبي غيرهم ولا عمرك هتخافي على حد ويبقى فارق معاكي غيرهم! وهما نفس القصة! سابو كل حاجه عشانك ونزلوا مصر وقعدوا!! وعلطول جمبك وخايفين عليكي.. مكنتش غيران منك عشان هما حواليكي.. كنت غيران عليكي منهم.. واتأكدت ان عمر ما هيجي يوم وتحبيني فا نفذت رغبتك وطلقتك.. ساعتها كمان قولتي انك مش عايزه تفضلي معايا عشان عارفه ان امي و يحيى وبابا بيكرهوكي.. بس انا كان عندي استعداد اسيب كل حاجه عشانك.. ولسه عندي
" الباب خبط وكانت امينه "
- ملك حببتي افتحي
" ملك بصتله و ادهم مكنش عاوز يسبها لكنه خرج البلاكونه ونزل.. وملك فتحت الباب بعد لما مسحت وشها"
- انا جيت اطمن عليكي قبل ما انام انتي كويسه؟
= اه يا ماما..
- مالك؟ انتي بتعيطي تاني! عاوزة نمشي؟
= لا انا بس مرهقه شوية هنام وبكره نتكلم
- طيب يا ملك.. تصبحي على خير.
" قفلت الباب وخرجت وانا اترميت على السرير وكلام ادهم في دماغي.. وعقلي رافض يصدقه.. كل الى مقتنعه بيه انه ضحك عليا..! "
>>>>>>>>>>>>>>>>>>>>>>>>>>>>>>>>>>>>>
'اللهم صلِ وسلم وبارك على سيدنا محمد'
|| تاني يوم الصبح ||
" صحيت على خبط هادي على باب اوضتي "
" قومت افتح وانا بفرك في عيني "
- جدو؟ اتفضل
= اصحي براحتك.. وتعالي علشان عاوزك.
- حاضر.
" دخلت الحمام بتاع اوضتي اخدت دش و خرجت كانت ماما صحيت و برضو جت تناديني ننزل نفطر انا وهي فا قولتلها ان جدو عاوزني.. نزلت و دخلت له المكتب كان قاعد وسط اوراق كتير على غير المعتاد "
- حضرتك مشغول؟
= لا يا ملك اقعدي
" قعدت وبصيت قدامي فا شبك ايده بعد لما حطها على المكتب وبصلي "
- قوليلي حاسة بإيه دلوقتي
= اني عايزه اسيب كل ده وامشي.. وانسي الى حصل.. مش بس موضوع بابا عايزه انسى كل حاجه انا كل الى كنت بتمناه اكمل في حلمي في الكلية الى بحبها.. مش امي تجبرني على مجال تاني بعد لما اتخرج من مجال بحبه.. و جدي يجبرني اتجوز واحد بكرهو
" و في اللحظه دي.. كانت كل حاجه مكشوفه! ملك معندهاش حاجه تخسرها.. ومبقتش قادره تكدب وتخبي مشاعرها والى جواها.. "
اتنهد وبصلها بندم: يعني انتي مش عايزه تكملي هنا.. ولا تكملي في الشركه
- لا يا جدو مش عايزه
= وانا هنفذ رغبتك ايا كانت عاوزك تفكري.. ولو قادره تسمعي ولاد عمك.. وبعدها خدي قرارك.. لو مش عايزه تفضلي هسفرك بره وتكملي الى بتحلمي بيه
بصتله و عيوني مدمعه: حضرتك بتتكلم جد؟
اتكلم بحزن مكتوم: طالما ده الى هيسعدك يا بنتي
" بقلمي سلسبيل احمد خلصنا كلام و قومت عشان اخرج ولما فتحت الباب لقيت شريف في وشي.. و دي اكتر مقابله مكنتش عاوزاها تحصل فضل باصص لي كتير لحد ما جدو قطع صمتنا بصوته "
- ادخل يا شريف
" شريف فضل باصص لها وهي ماشية.. وهو حاسس بالعجز.. وأنه متكتف! "
>>>>>>>>>>>>>>>>>>>>>>>>>>>>>>>>>>>>
'اللهم صلِ وسلم وبارك على سيدنا محمد '
|| في الجنينه بتاعت الفيلا ||
" بما اني سمعت أدهم.. ومعنديش استعداد اتكلم مع شريف فا اول حد قدامي كان طارق.. خرجت وقعدت جمبه بصمت "
- جدو عامل علينا حظر اننا نكلمك
= على اساس ان طول عمرنا بنسمع الكلام
" احنا الاتنين كنا بنتكلم واحنا باصين قدامنا "
- مش عاوزك تعملي فيها زعلانه.. لأن لو حد مفروض يزعل فا هو انا.. انا بعيد عن كل الحورات من واحنا صغيرين.. وانتي عارفه اني بعتبرك مسؤولة مني وانك اختي.. وعارفه مكانك عندي كمان عامل ازاى.. ورغم كل ده رميتي كل حاجه ورا ضهرك بما فيهم انا ومفكرتيش تلجأي لي يا ملك
" بصتله.. كان عنده حق في كلامه..وانا مكنش عندي كلام اقوله "
- انا آسفة يا طارق.. ممكن متزعلش مني..
بصلها بهدوء وهو بيحاول ينسي غضبه: مش قادر مزعلش منك وفي نفس الوقت عارف ان الى واجهتيه صعب بس مش زي مانتي فاكره.. انا وانتي شوفنا أدهم.. شوفنا اتغير ازاي.. وبعد عنهم
ابتسمت وعيوني بتلمع بحزن: طارق انا مش عايزه اتكلم عنه! خلاص الموضوع انتهى
- ملك!
" غمضت عيني وانا مش عايزه ابص ورايا.. كان صوت شريف! مش قادره اتكلم معاه.. لأنه اكتر واحد صدمني!"
= انا هطلع يا طارق
" لفيت عشان امشي فا مسك ايدي "
- على الاقل خليني اوضح لك
= مفيش توضيح في الدنيا هيخليني انسي الى حصل
- انا عملت كده عشانك!! كنتي عاوزاني اعرفك حاجه زي دي وانتي لوحدك! كنت خايف عليكي !
بصتله بعصبيه: لاء معلش ! متخدنيش عذر !!!! كان عندك ميت وقت وميت طريقه تعرفني بيهم !!
= مكنش هيفيد بحاجه طالما مش معايا دليل على شغلهم وكنتي هتعرفيهم ان سرهم اتكشف دلوقتي انا لما اتكلمت كان معايا دليل و جدو عرف كل حاجه عملها عمي و يحيى ! تقدري تقوليلي كنتي هتعملي ايه
بصتله وعيوني مدمعه: كنت هبقي عارفه ان الى اتجوزته وقف قصاد ابويا قبل ما يموت !
مسح على وشه بقلة حيلة: مكنتش هقدر يا ملك انتِ شوفتي الى حصلك لما عرفتي.. والله العظيم خوفت عليكي.. ايه مصحلتي اني اخبي !! انا اصلا مش بطيقهم
خت نفسي بهدوء وبصتلهم: انا مش قادره اتكلم دلوقتي اكتر من كده ممكن تسبوني اهدى! محتاجه مساحه و وقت ممكن!!
طارق: خدي وقتك يا ملك.. يلا يا شريف تعالي.
" دخلوا.. و ادهم و جدو خرجوا معرفش فين.. و في اخر اليوم جدو جمعنا كلنا.. ومع انها مكانتش فتره كافيه افكر.. لكني فضلت طول الوقت بفكر.. وخدت قراري كنا بنتعشى انا وماما و ادهم و جدو و طارق و شريف و عمي جمال.. ومرات عمى هدى "
ملك: انا عارفه ان حضرتك مش بتحب تتكلم على الاكل بس ممكن اقول حاجه؟
عزت: اتفضلي ياحببتي
" امينه بصتلها ومحدش كان عارف هتقول ايه غير عزت متوقع كل كلامها "
'سبحان الله وبحمده سبحان الله العظيم
- انا فكرت كتير في قراري.. و لقيت اني مش هعرف اعمل غيره.. انا محتاجه فتره لوحدي.. اوقات كتير البعد بيكون حل.. وبيكون افضل كتير من القرب.. و حاليا ده شعوري انا محتاجه كل الى حصل في حياتي ده عشان اقدر اكمل حياة جديدة ابقي مرتاحه فيها
وعشان اقدر اعدى واسامح.. انا مش عايزه اشيل جوايا حاجات تأثر عليا.. وتتعبني انا كل الى عاوزاة اسامح عشان اي حاجه قلبي وحشه تخرج وابقي مرتاحه.. ولا شايلة من حد ولا جوايا غضب وكره لحد.. هبعد فتره معرفش قد ايه.. لكن يمكن يجي يوم وارجع بيدج الفيس بوك بتاعتي سلسبيل احمد
" خلصت كلامها بهدوء ومحدش فيهم اتكلم أدهم كان متابع بهدوء مرعب.. وماسك الشوكه وبيضغط عليها "
عزت بصلها: يعني هتسافري؟
ملك: ايوه.. وحابة اسافر واحنا الأمور بينا هاديه..كلنا
امينه: يعني ايه ياملك سفر ايه؟
عزت: خلاص.. طالما ده الى هيريحها.. هظبط سفرك في اقرب وقت يا ملك
ادهم ساب الشوكه من ايده: لا مش خلاص !!! مش بمزاجها !!
جمال بصله: ادهم !!
- لا أدهم سكت كتير !!! والمره دي انتي زودتيها اوي !!
شريف: انت فاكر نفسك لسه جوزها ! الموضوع ميخصكش اصلا !!
