رواية اعداء عيلة الحاوي الفصل الحادي عشر بقلم سلسبيل احمد
- خلاص.. طالما ده الى هيريحها.. هظبط سفرك في اقرب وقت يا ملك
ادهم ساب الشوكه من ايده: لا مش خلاص !!! مش بمزاجها !!
جمال بصله: ادهم !!
- لا أدهم سكت كتير !!! والمره دي انتي زودتيها اوي !!
شريف: انت فاكر نفسك لسه جوزها ! الموضوع ميخصكش اصلا !!
ادهم بصله بتحدي: انا مطلقتهاش رسمي وهرجعها
" ملك بصتله ودهشه وفي اللحظه دي امينه وقفت قصاده"
امينه: اياك تتجرأ وتفكر تقرب من بنتي مره تانيه والطلاق هيتم وهتبعد عنها نهائي فاهم؟؟
جمال بص لأدهم بمُقاطعه: كفايه ولا كلمه زياده مش عايز اسمع صوت حد منكم
" في اللحظه كان عزت قاعد بهدوء وساكت و بمجرد ما جمال بصله.. لاحظ حاجه غريبة.. كان بيفقد الوعي.. "
" قرب منه بسرعه بقلق وكلهم اتخضوا "
جمال زعق: حضروا العربية بسرعه لازم يروح المستشفى
>>>>>>>>>>>>>>>>>>>>>>>>>>>>>>>>>>>>>
' اللهم صلِ وسلم وبارك على سيدنا محمد '
|| في المستشفى | قسم الطوارئ ||
" مر ساعه كامله.. وكلهم واقفين مستنين الدكتور يطلع يطمنهم.. كله بيلوم نفسه على الى حصل ومضايق.. وكلهم في حاله من السكوت وكأن انفاسهم محبوسه.. و بس اتنفسوا اول لما الدكتور خرج جمال جري ناحيته هو وطارق اول اتنين "
طارق: خير يادكتور طمنا على جدو.. ضغطه كان عالي
ولا حصل ايه؟ هو كويس دلوقتي؟
"الدكتور بص للكل وبعدين وجهه نظره ناحية جمال"
- هو كان عنده اضطراب في نبضات القلب.. وده مع تقدم السن بيكون حْطير.. احنا حاولنا نلحقه ولكن
كمل بأسف شديد: ده قضاء وقدر البقاء لله.
" الخبر نزل عليهم بمنتهي الصعوبة محدش كان مستوعب! الموضوع حصل بسرعه لدرجه انهم مش مصدقين.. كانو مستنينه يروح معاهم.. ازاي يكون
مـ ـات! ازاي في لحظات خسروه! امينه كانت بتعيط هي وهدى ولكن الولاد.. مصدومين! وملك مش عارفه تستوعب الى سمعته! ملامحها كانت متخشبه ومش عارفه تتجاوب مع الخبر! "
>>>>>>>>>>>>>>>>>>>>>>>>>>>>>>>>>>>>>
' سبحان الله وبحمده سبحان الله العظيم '
|| بعد مرور اسبوع | داخل فيلا عزت الحاوي ||
" العزا خلص.. والخبر لف في البلد كلها.. اعداد ضخمه كانت في موجوده في الدفنه و العزا وده بسبب شعبيه اسم العيلة و شعبية عزت في السوق.. كانت فتره كلها ضغط و زحمه على العيلة و مكنش حد فيهم عارف يتقبل الأمر الشباب خدت العزا بمنتهي الهدوء وكأن مفيش حاجه كأنهم مستنين كل حاجه تنتهى وبعدها جدهم هيرجع عادي.. لحد اليوم ده.. "
" يوم لما كلهم اتجمعوا حتي يحيى ومحمد وماجده.. عشان تتفح الوصية الى مع المحامي.. وكل حاجه تبقي امر واقع! "
جمال: اتفضل يا متر تعالى
" كانوا قاعدين كلهم في اوضة المكتب بتاعت عزت على الترابيزة والمحامي طلع من معاه مفتاح و اخد من الخزنه أوراق و رجع على الترابيزة وبدء يتكلم "
- الاوراق دي النسخه الأصلية من الوصية.. عزت بيه كان عاوزها تفضل في مكتبه وكان سايب معايا نسخه وقالي ان الوصية دي شخص واحد الى هيبقي عارف مكانها ادهم حفيده صح يا استاذ ادهم؟
" في اللحظه ادهم دموعه نزلت بدون سابق إندْار! وبدء يفتكر يومها! "
فلاش باك #
" تاني يوم الصبح من رجوع ملك الفيلا
داخل مكتب عزت "
- صباح الخير ياجدو
= صباح النور واقف ليه اقعد
" ادهم قعد وبصله "
- انا عارف حضرتك عاوزني في ايه
عزت ابتسم بهدوء: قول ياسي ادهم
= انا كمان هخرج من الشركه زي بابا و يحيى مش كده
- تخرج ليه
= جدو انا عارف.. حضرتك خلاص فقدت ثقتك فيا وانا مش هقاوح في الغلط.. انا هحاول من اول وجديد اني اثبت لحضرتك وليكوا كلكوا اني فعلا اتغيرت وهفضل مستني فرصة تانيه.. وهفضل تحت امرك في اي حاجه
" عزت قام من مكتبه و راح قعد
قصاد ادهم وقرب منه "
- اذا كنت مضايق شوية في الأول فا ده كان عشان الى اكتشفته و كنت متحفظ في موضوع ملك عشان التعب الى حصلها لما عرفت كل حاجه.. فا قولتلك اني عاوزك تبعد عن الموضوع الخلاصة يحبيبي.. اني مفقدتش ثقتي فيك.. ولكن موضوع محمد ويحيى كان عامل ارتباك فى كل حاجه وكنت عايز الأمور تهدى وبعدين اتصرف.. وبالفعل خرجتهم من الشركه لأن ده كان الحل الوحيد وقتها
ادهم بصله: انا مش فاهم.. يعني حضرتك هتعمل ايه دلوقتي!؟
- هتعرف كل حاجه في وقتها انا جايبك عشان اقولك انك مش هتفضل في مكانك في الشركه فعلا.. لأنك هتتنقل مكان تاني قسم الإدارة مع جمال
بصله بصدمه: انا!؟
عزت: تفتكر مين احق منك بالمكان ده يا ادهم
" عيونه لمعت بالدموع وسكت "
- انا عاوزك تعرف حاجه مهمه كمان انا وصيتي في درج المكتب ده.. لأن بعد لما اقابل وجه كريم فيه حاجات هتتغير.. ومهم تكون عارف علشان لو اي حد حاول ينكر وصيتي فاهم يا ادهم.
ادهم بصله وعيونه مدمعه: ياجدو بعد الشر عليك متقلش كده! انت لو سبتنا كل حاجه هتبوظ انا مش هعرف اتصرف من غيرك.. مش هعرف اقف قصاد بابا انا طول عمري كنت تحت رحمته لحد ما حضرتك وقفت له وبقيت شريك في تربيتي معاه! من الوقت ده بعد وفاة عمي خالد وانا بعيد عنه و انا مش عايز اي حاجه غير اني افضل جمبك!
- أدهم.. انت مش لوحدك انا سايب ورايا رجالة.. انا عايزك تكون اقوي من كده وتشجع ولاد عمك معاك محدش غيركم ينفع يمسك كل حاجه ويراعيها الفلوس والشركات والمصنع كل ده بتاعكم.. انا عاوزك تقرب منهم وتنسوا اي خلافات.. عاوزك تصلح كل حاجه.. و ملك.. انا عارف انك بتحبها.. عاوزك تصبر وتحاول لحد ما هي تعرف ده وتثق فيك.. زي ما انا واثق فيك وعارف إن محدش غيرك هيصلح كل حاجه.. تعرف كمان؟ محدش غيرك يقدر يحابى على يحيى ويبعده عن ابوك.. انا عارف ان كل ده يبان صعب لكن واثق فيك يا ادهم بيدج الفيس بوك بتاعتي سلسبيل احمد
باك #
ادهم بص للمحامي وحاول يتحكم في اعصابة: مظبوط.. جدو قالي ان وصيتة هنا.
المحامي: عظيم.. يبقي نبدأ فتح الوصية
" بدء يقول المقدمه و بعدين دخل في
محتوي الوصية نفسه "
- عزت بيه نقل حق إدارة الشركات والمصانع كلها لإبنه جمال وحفيده أدهم كما أكد على إشراك حفيده طارق و حفيده شريف في كل اعمال الشركات وبعد ما يتم التأكد من قابلياتهم وكفاءتهم أكد على اعادة تعينهم لمناصب اكبر في الادارة يعني على سبيل المثال لو طارق اثبت كفاءته هيبقي مسؤول عن شركه كامله وكذلك شريف..
" في اللحظه دي طارق وشريف دمعوا بحزن "
- و اوصى لحفيده يحيى اذا قام بتحمل المسؤليه واثبت حسن نيته انه يرجع تاني يشتغل في الشركه تحت الإشراف..
" يحيى دموعه نزلت ومشاعره كانت متضاربة وهو بيبص لمحمد بشيء من اللوم "
- و بالنسبة لابنه محمد أكد على وصول نسب من الارباح حسب حقه الشرعي والقانوني من الشركات و المصانع ولكن بدون إدارة ايا منهما..
" طبعا كان شيء متوقع بعد الى محمد عمله.. عشان كده متفاجئش وسكت سكوت مريب "
" بصلهم بعد لما خلص قراءة بعض الاوارق "
" رفع عينه و بص لـ ملك "
- بالنسبه لحفيدتة ملك.. فا هو الحقيقه كان مشغول جدا بإنه يعمل حاجه تكوني راضيه بيها.. و ذكر فكرة مشروع كامل جوه مصر او بره.. حسب ما تحبي له علاقة بمجال شغلك في الطب البيـ ـطري وخصص ليكي مبلغ عشان تبدأي وقال ان اي مبلغ تحتاجيه زياده تقدري تسحبيه تحت إشراف استاذ جمال.. وقال ان ده عمره ما هيمنع تواجدك في الشركه مع العيله اذا حبيتي برضو..
" في الوقت ده كانت ملك منهاره تماما و هدي وامينه بيحاولوا يهدوها "
- كده ابقي انتهيت من توزيع الميراث وكل الحاجات الرسمية.. دلوقتي في اربع اوراق هو وصي إبنه جمال يقرأهم ليكم انا هكون منتظر بره لو احتجتكم لأي شيء.
" بقلمي سلسبيل احمد المحامي خرج وجمال مسك الورق بهدوء وهو بيمسح على دماغه بقلة حيلة.. "
- احفادى واحبابي.. ادهم و طارق وملك وشريف ويحيى.. عمري ما هقدر اوصف مدى حبي ليكم و فخري الدايم بيكم لأني عارف ان رغم كل حاجه انكم بتحاولوا تكونوا أحسن.. وانا سعيد اني عندي احفاد زيكم يمكن مقدرش اجمعكم في حياتي و اشوفكم قريبين وانا عايش.. بس انا واثق ومتأكد ان هيجي وقت هتبقوا فيه قريبين وتشوفوا بعض بجد بدون ما حد فيكم يبقي زعلان او غضبان من التاني.. الغلط وارد لأننا بشر المهم نعرف ازاي نسامح عشان نقدر نعيش.
وانا عمري ما شلت من حد فيكم.. و راضي عنكم.. وعاوزكم ترضوا عن نفسكم والى حواليكم.. عاوزكم تقفوا سوا متسمحوش لغريب يدخل بينكم ولا حد يوقعكم في بعض.. مش هوجه اي كلمه لواحد بس منكم لأن كلامي ليكم كلكوا العيلة مهمه جدا يا ولاد محدش يحاول يتجنبها او يخسرها.. العيلة قوة ليكم
هتوحشوني اوي يا حبايبي بقلمي سلسبيل احمد SlsbellAhmed
" و في اللحظه دي كانت الشباب كلها بتعيط.. حتي جمال دموعه نزلت."
" و محمد انسحب بهدوء و خرج هو ويحيى و ماجده الجنينه "
- بابا.. انا مش همشي
محمد بصله: يعني ايه
= هفضل هنا شوية
محمد بعدم اهتمام: انت حر
" مشي وسابة و يحيى فضل قاعد في الجنينه "
" و ملك سابتهم في المكتب و طلعت اوضتها و جمال مشي مع المحامي يخلصوا باقي الإجراءات "
هدى: هنعمل ايه يا امينة؟
امينه: بقالهم اسبوع على الحال ده..
والوضع بيسوء..
هدى: جمال قالي نعمل اكل ونخليهم ينزلوا يفضلوا سوا ويتجمعوا ويفضلوا مع بعض
امينه: ياريت.. ده ملك من وقت الى حصل وهي مش بتاكل أنا بتحايل عليها محايله هتـ ـموت نفسها من الى بتعمله
هدى: تعالي نجرب
" وفعلا فضلوا في الدور الى تحت يعملوا اكل "
" وادهم طلع الجناح الى فوق عشان ياخد من اوضته وقتها سمع صوت عياط ملك الى كان واضح جدا من اوضتها.. ولما خرج لقى شريف وطارق في الطرقه وكان رايحين لها الاتنين وقفوا "
ادهم: ادخلوا انتم واطمنوا عليها
طارق بصله: كلنا مفروض نبقي جمبها
شريف اتنهد: كلنا لازم نفضل مع بعض
" طارق خبط على الباب ودخلوا و ملك كانت قاعده متكوره في نفسها وسانده راسها بإيديها الاتنين وبتعيط"
طارق: اهدى يا ملك بلاش عياط بالشكل ده
" فضل يطبطب عليها و مسح على شعرها عشان تهدي "
بصتله بعياط: انا عايزه جدو.. انا ملحقتش اعيش معاه!! طول الوقت كنت فهماه غلط انا ملحقتش اقوله بحبه قد ايه ! كان من حقه يعرف اني حبيته وحبيت وجودي معاه..
ادهم قعد جمبها وبصلها بهدوء: كان عارف والله.. كان علطول بيقولي قد ايه بيحبك وعارف ان قلبك ابيض
ابتسم وبصلها: كان بيوصيني عليكي كتير.. وبيقولي دي مش زي اي حد في العيلة واياك تزعلها..
" مالت على كتفه بحزن شديد ودموعها نازله بشحتفه و ادهم رفع ايده وطبطب عليها.. "
" و في اخر اليوم حاولت امينه وهدى يجمعوا الكل و جمال لقى يحيى في الجنينه.. و اصر انه يدخل ويبقي معاهم.. ومحدش علق على وجوده وقتها.. وكانت دي بداية انهم يحاولوا يتقبلوا وفاة عزت. "
>>>>>>>>>>>>>>>>>>>>>>>>>>>>>>>>>>>>>
' لا إله إلا انت سبحانك اني كنت من الظالمين '
|| بعد مرور شهر | في مكتب ملك ||
" كانت قاعده بتراجع اوراق و اتفاجئت بدخول محمد مكتبها بدون اذن و السكرتيرة كانت بتحاول تتكلم بهدوء "
- يافندم مينفعش كده سيادتك
ملك بصتلها: خلاص اطلعي انتى
" ملك اتنفست بتوتر وهو تقدم وقعد قدامها "
- منوره الشركه.. تعرفي ان ده كان مكتبي
ولا محدش قالك
ملك بجمود وثبات: و حضرتك عارف ان بابا كان في المكتب ده قبلك
محمد بتمثيل: الله يرحمك يخويا.. لو كان موجود دلوقتي.. مكنش وافق على المهزله الى بتحصل
ملك بسخريه: حضرتك مسألتش نفسك مين سبب المهزله الى بتحصل
محمد بدهشه من جرأتها: تقصدي مين يابت انتِ اتكلمي عِدل!!
ملك بحده: كنت سبب في اذى ولادك نفسهم مفروض يحصل ايه تاني عشان تتعلم
" كانت بتتكلم بشجاعه عكس الى جواها.. في اللحظه دي يحيى دخل مكتبها و محمد كان متنرفز منها جدا و بيزعق ملك بصت ليحيى بعيونها و يحيى راح قدام محمد "
- فيه ايه يا بابا!
محمد بزعيق: تعالي شوف العيلة دي بتكلم ابوك ازاي !!! نسيت نفسها !!! كله من التحْلف الى جدك عمله
" فتحت عيوني بدهشه من كلامه و مسكت موبايلي بسرعه بعت رسالة لأدهم يجي "
يحيى: بابا لو سمحت بلاش مشاكل !!!
محمد: ياعيني ياعيني خدوك لصفهم ياسي يحيى؟
والله العظيم ما هسكت وهفضل ماشي في القواضي الى رفعتها عليكم والشركات والمصنع هيفضلوا بتوعي مهما حصل
" ادهم دخل المكتب بسرعه وهو قلقان
من مسدج ملك.. والأمن كانو معاه "
محمد: يا اهلا بالبيه الكبير ! ابني الكبير البكري!! جاي وجايب في ايدك الامن هتطرد ابوك من ملكه؟
ادهم: الى حضرتك بتعمله ده ملهوش اي داعي واي خناقات في الشركه مرفوضة والامن الى هيتعامل مش احنا
محمد: عظيم اوي يا ادهم بيه ! برافو !
هيجي يوم وانا الى هطردكم كلكوا.
" خرج وسابهم وملك قعدت مكانها "
" يحيى بصلها "
- انتى كويسه؟
"ملك بصتله بشكر وهزت راسها فا خرج وسابهم"
ادهم راح ناحيتها: تحبي اروحك؟
- لا انا تمام.. انا بس معرفش جتلي جراءة منين ارد ونتخانق.. حسيت الموضوع هيكبر ومكنتش عايزه اعمل مشكله جديده
ادهم: اهدى متقلقيش من اي حاجه انا معاكي
" رفعت عيوني وبصتله.. شوفت في عينه قلق
عشاني.. وحنيه عليا "
" ابتسمت له بسلاسه "
- كان عندك حق لما قولت لي مينفعش تتسابي لوحدك
= بس انا حاليا واثق فيكي.. وعارف انك قد اي حاجه
- بس ده مش حقيقي
= لا حقيقي انتِ بس لسه مش شايفه.. لكن عموما انا مبسوط عشان بعتيلي وهفضل معاكي علطول
- يحيى كمان فضل معايا.. هو ممكن
قاطعني: لا يا ملك.. صعب اوي علاقتنا تبقي طبيعيه في يوم وليله
= بس فات شهر.. بعدين مش انت لما احتجت فرصة تانيه كلنا ادنهالك
بصلها بخبث: افهم من كده انك موافقة اردك دلوقتي؟
= تبقي تمام انت ويحيى.. وبعدين نشوف
ضحك: هعتبره إتفاق.
- اعتبره.
>>>>>>>>>>>>>>>>>>>>>>>>>>>>>>>>>>>>>
" فات شهر تاني على اليوم ده الجديد ان فعلا ادهم وافق يدي يحيى فرصة تانيه ويحيى استغلها و كان متغير معانا كلنا.. كأنه شخص تاني.. اكتشفنا فيه حاجات حلوة كتير.. طارق لقى فتاة احلامه وهو بيعمل صفقه مهمه واكتشف ان البنت دي تبقي تبع شركه منافسة لينا وخايف يواجهه العيله.. شريف مقضيها نكش في الكل كا عادتة وهو ادهم توم وجيري.. بس ماشي حالهم.. انا وماما علاقتنا بقت قريبة اوي.. كلنا كنا عايشين سوا في الفيلا بتاعت جدو.. وكلنا علاقتنا ببعض كانت كويسه و مركزين على شغل الشركات والمصانع.. وعمي جمال اخد إجراءات وقفت عمي محمد عند حده.. وكل القضايا الى رفعها منفعتهوش بحاجه.. واخيرا.. قررت انا كمان ادي فرصة تانيه.. "
- ها يا شريف قالك جي
= ايوه ياستي قالي..
- اوعى تكون كشفتني
= ممكن تسكتي شوية عايز اتكلم قبل ما الفنان يشرف
بصتله بصمت: اتفضل
- ملك.. انتي اكيد مش زعلانه مني صح!
= انت عارف لو زعلانه هيبان في طريقتي.. انت اكتر حد بيعرفني يعتبر مش صح؟
" نهيت كلامي بإبتسامه فا ابتسم لي "
- يعني مفيش اي حاجه دلوقتي مزعلاكي مني صح.. وكل امورنا تمام؟
= ايوه.. انت عارف انتم بالنسبالي ايه.. وانا فيه حاجات كتير عمري ما كنت هعرف اعديها من غيركم.
- ربنا يخليكي لينا يا ملوكة.
= ويخليكوا ليا وتبطلوا خناق
ضحك: عربية البية وصلت انا هخرج له
" كنت قاعده في مكان بعيد عن الانظار ومستنياه "
" شريف خرج يقابله "
" ادهم نزل من عربيته وبصتله برفعة حاجب "
- ايه المكان ده حد قالك اني خطيبتك؟
= ابلع ريقك يابا.. مش جايبك احب فيك
- طب الحمدلله يلا نمشي
= ما تهدى ياحبيبي اهدى خليني اتكلم
- ده ناوي يحكيلي قصة حياته انجز احنا بنام بدري وبعدين الكلمتين دول مكنتش عارف تقولهم في الفيلا؟ جايبني مشوار 500 كيلوا
= ياباي عليك وعلى ندبك ده انت راجل اوڤر سبني اتكلم
- ها المايك مع سيادتك
= انا جايبك تقابل حد
- مين؟
= ملك
- ملك ؟ هي ملك هنا؟ وسايبني مع خلقتك دي ليه
= عايز اكلمك في حاجه جد.. لو كنت بتنكش علطول فيا عشان حاسس اني بحاول اخدها منك.. او اني بحبها فا دي مش حقيقة ملك بالنسبالي اختي وعلاقتنا فيها تفاصيل كتير اوي صعب تكون مفهومه وظاهره انا كنت علطول بلاقيها جمبي وبتشجعني وعندها طاقة إيجابية تخلي اي حد يحبها.. ولكن في نفس الوقت هي مش اكتر من اختي وشخص مهم بالنسبالي يهمني امرهُ ومقرر علطول اخلي بالي عليها.. من واحنا صغيرين وانا متعود على ده.. وعارف ومتأكد انك لو كنت مكاني كنت هتعمل اكتر من كده عشانها من غير ما تبقي بتحبها وعندك مشاعر ليها.. وحتي لو عندي مشاعر يعني.. فا مشاعر اخوات.. ومشاعر اني ساعات بحسها بنتي لما تقلب طفلة.. اي حد هيقرب من ملك هيحبها.. لكن انا حقيقي عمري ما تعاملت غير على اساس اننا اخوات متربين سوا ده شيء بابا زرعه فيا انا وطارق ناحيتها وهو علطول بيوصينا عليها.. انا بقولك كل ده عشان نبقي صفينا كل الى بينا.. ومتبقاش شايل مني
ادهم اتنهد تنهيده طويلة وبصله: لو هتكلم جد زيك فا جدع ونضيف يا شريف.. و كنت راجل فكل مواقفك معاها.. دي حاجه عمري ما هنكرها.. رغم كرهي الشديد ليكم في الأول يعني.. الا اني كنت ببقي مطمن وانتوا جمبها مع برضو مكنتش بطيق قربكم منها وببقي مضايق وغيران بس على الأقل عارف انها كويسه.. وبخير ومبسوطه معاكم.. فا ده كان شيء بيريحني شوية.. وحاليا يمكن كنت شايل شوية.. بس دلوقتي خلاص
شريف كان مبسوط: طب ايه هتدخل لها؟
ادهم بهزار: اه ياريت تغور مش عايز اشوف خلقتك تاني
- بس احنا كده مش خالصين.. وليا عندك واحده
= متنساش اني كل مره ببقي اقدر اعجنك وبسيبك بمزاجي
- لا يابا انا الى مديك بدل البونيه اتنين متخلناش نتكلم
= عيل صغير وكنت بعتبرك طفل
- طب يلا يعم من هنا
ادهم ضحك: شريف استنى..احمم متحلمش اني هقول كده تاني بس ملك محظوظه بوجودك وانا كمان.
" ادهم مكنش متوقع ولكن شريف حضنه حضن سريع وسلم عليه ومشي.. "
" وادهم كان مبسوط جدا جدا بالخطوة دي "
" دخل لـ ملك "
بصتله بعبوس: كل ده ؟؟؟ انا قولت بتعجنوا بعض بس مكنتش سامعه دوشه فا مخرجتش
- جيباني المسافة دي كلها ليه يابنت عمي؟
= شوف انت يابن عمي..
- لو هتعترفيلي بحبك آسف شوفتلي شوفة تانيه
= نعم يخويا !!
