رواية ارهنت عمري الفصل العاشر 10 بقلم نورا ناصر

ﺷﺠﺎﻧﻲ ﻭﻣﺎﺣﻀﻨﺘﻚ ﻛﺒﻞ ﻣﺘﺮﻭﺡ؟

ﻋﻔﺘﻨﻲ ﻭﻏﻴﺒﺘﻚ ﺻﺎﺭﺕ ﻃﻮﻳﻠﻪ

ﺷﺠﺎﻧﻲ ﻭﻣﺎﻛﻠﺘﻠﻚ ﺃﻟﻠﻪ ﻭﻳﺎﻙ؟

ﺑﻘﻴﺖ ﺃﻧﺘﻈﺮ ﻟﻴﻠﺔ ﺑﺄﺛﺮ ﻟﻴﻠﻪ

ﺭﺣﺖ ﺑﺲ ﻣﻦ ﺭﺣﺖ ﺧﻠﺼﺖ ﺍﻟﺪﻣﻮﻉ

ﻭﺷﻠﺖ ﺍﻟﺮﻭﺡ ﺑﻴﺪﻙ ﻓﺮﺩ ﺷﻴﻠﻪ

ﻭﻧﺴﻴﺖ ﺍﻷﺑﺘﺴﺎﻣﻪ ﻭﻓﺮﺣﺔ ﺍﻟﻌﻴﺪ .

ﻷﻥ ﺿﺤﻜﺎﺗﻲ ﺑﻐﻴﺎﺑﻚ ﺻﺎﺭﺕ ﻗﻠﻴﻠﻪ

ﺑﻌﺪ ﻫﻢ ﻋﻴﻨﻲ ﺗﻔﺮﺡ ﻳﻮﻡ ﻣﻠﻜﺎﻙ؟

ﻟﻮ ﺟﻤﻌﺘﻨﺎ ﺻﺎﺭﺕ ﻣﺴﺘﺤﻴﻠﻪ !!

ﻫﺎﻱ ﻋﻴﻮﻧﻲ ﻋﻤﺖ ﻣﻦ ﻳﻮﻡ ﺍﻟﻔﺮﺍﻙ .

ﺗﻜﻮﻝ ﻳﻤﺮﻧﻪ ؟ ﻟﻮ ﺃﺣﻨﻪ ﻧﺠﻴﻠﻪ؟

☆☆☆☆☆☆☆☆☆☆☆

ﺑﻌﺪ ﺳﻤﺎﻋﻲ ﺧﺒﺮ ﻭﻓﺎﺓ ﺍﺧﻮﻳﻪ ..

ﺍﻧﺘﺎﺑﺘﻨﻲ ﻗﺸﻌﺮﻳﺮﺓ ، ﺍﻧﺘﺼﺒﺖ ﺟﺮﺍﺀﻫﺎ ﻛﻞ ﺷﻌﺮﺓ ﺗﻐﻄﻲ ﺟﺴﻤﻲ ، ﺍﻧﺤﺪﺭﺕ ﺍﻟﻰ ﻗﻌﺮ ﺍﻟﻴﺄﺱ ﻭﻭﻛﻌﺖ ﻋﻠﻰ ﺭﻛﺒﻲ ﻟﻠﻜﺎﻉ ﺍﺻﺮﺥ ﺑﻼ ﻭﻋﻲ ﻭﻓﺎﺗﻪ ﺧﻠﻔﺖ ﺑﺪﺍﺧﻠﻲ ﺣﻤﻢ ﻣﺘﻼﻃﻤﺔ ﻣﻦ ﺍﻟﻮﺟﻊ ﻭﺍﻟﻨﺘﻴﺠﺔ ﻗﻠﺐ ﻣﻦ ﺭﻣﺎﺩ ..

ﺍﻗﺴﻰ ﺍﻻﻗﺪﺍﺭ ﺩﺍﻫﻤﺘﻨﻲ ﻇﻠﻴﺖ ﺍﺗﺠﺮﻉ ﺍﻻﺣﺴﺎﺱ ﺑﺎﻟﻤﺮﺍﺭﺓ

ﻭﺍﻟﻀﻤﻴﺮ ﺍﻟﻤﻘﻴﺪ ﺑﺎﻟﻮﺟﻊ ، ﻭﺍﻧﺪﺏ ﺍﻟﺤﻆ ﺍﻟﻲ ﺣﺮﻣﻨﻲ ﻣﻦ ﺍﺧﻮﻳﻪ ..

ﺗﻤﻨﻴﺖ ﺍﺭﺟﻊ ﺍﻟﺰﻣﻦ ﻟﻴﻮﺭﺍ ﺑﻠﺤﻈﺔ ، ﻭﻣﺎ ﺍﺭﻓﺾ ﺍﻟﻪ ﻃﻠﺐ

ﺣﺘﻰ ﻟﻮ ﻋﻠﻰ ﺣﺴﺎﺏ ﺣﻴﺮﺗﻲ ﺑﻴﻦ ﺍﺧﻮﻧﻪ ﺑﻨﻈﺮﺓ ﻟﺤﺒﻴﺒﺔ ﻛﺎﻧﺖ ﻫﻴﻪ ﺍﻟﺤﺐ ﺍﻻﻭﻝ ﻭﺍﻟﺤﺐ ﺍﻟﻮﺣﻴﺪ ﻭﺍﻟﻲ ﺑﻌﺪﻫﺎ ﺍﻋﺘﺰﻝ ﻗﻠﺒﻲ ﺍﻟﺤﺐ ، ﻭﺑﻴﻦ ﻃﺎﻋﺘﻲ ﺍﻟﻪ ﻭﺷﻮﻓﺘﻲ ﺍﻟﻪ ﻻﺧﺮ ﻣﺮﺓ ..

ﺍﺗﺬﻛﺮ ﺑﺬﻳﺞ ﺍﻟﻠﻴﻠﺔ ﺑﻘﻴﺖ ﻟﺴﺎﻋﺔ ١١ ﺑﺮﺍ ﻟﺤﺘﻰ ﻻ ﺍﺭﺟﻊ ﻭﺍﺷﻮﻓﻪ ﻫﻮ ﻭﺯﻭﺟﺘﻪ ﺑﺲ ﻣﺎﺩﺭﻳﺖ ﻫﺬﺍ ﺍﻟﻴﻮﻡ ﺭﺍﺡ ﻳﻜﻮﻥ ﺍﺧﺮ ﻳﻮﻡ ﺑﺤﻴﺎﺗﻪ ﻭﺑﻌﺪﻫﺎ ﺭﺍﺡ ﺍﺑﻘﻰ ﺳﻨﻴﻴﻴﻦ ﻃﻮﻳﻠﺔ ﻣﺎ ﺍﺷﻮﻓﻪ ﻭﻟﺤﺪ ﻧﻬﺎﻳﺔ ﻋﻤﺮﻱ ..

ﺍﺳﻌﺪ ﺍﻟﺨﻠﻮﻕ ﺍﻟﻄﻴﺐ ﻣﻮ ﻻﻥ ﻫﻮ ﺍﺧﻮﻳﻪ ﻭﻣﻮ ﻻﻥ ﻫﻮ ﻣﺎﺕ ﺑﺲ ﻫﺬﻱ ﺍﻟﺤﻘﻴﻘﺔ .. ﻳﻤﻜﻦ ﺍﻟﻠﻪ ﻳﺤﺒﻪ ﻭﺍﺧﺘﺎﺭﻩ ﻳﻤﻪ

ﺷﺎﺏ ﻭﻣﺎﺷﺎﻑ ﻣﻦ ﺣﻴﺎﺗﻪ ﺷﻲ ﻭﻻ ﺷﺒﻊ ﺣﺘﻰ ﻣﻦ ﺍﺑﻨﻪ ..

ﺭﺣﺖ ﻭﻳﺎ ﺍﺧﻮﺗﻲ ﻟﻜﺮﻛﻮﻙ ﻟﺤﺘﻰ ﻧﺠﻴﺐ ﺍﻟﺠﻨﺎﺯﺓ ، ﺟﻨﻪ ﻣﻨﻬﺎﺭﻳﻦ ﺑﺸﻜﻞ ﻣﺆﻟﻢ ، ﺗﺮﻛﻨﺎ ﺍﺑﻮﻳﻪ ﺗﻌﺒﺎﻥ ﻭﺍﻣﻲ ﻣﺘﺨﺮﺑﻄﺔ ﻭﺭﺣﻨﺎ ، ﺟﺒﻨﺎ ﺍﻟﺠﺜﺔ ﻭﺭﺟﻌﻨﻪ ﻟﺒﻐﺪﺍﺩ ﺷﻴﻌﻨﺎﻩ ﻣﻦ ﺑﻴﺘﻨﻪ ﻭﺩﻓﻨﺎﻩ ﺑﻤﺜﻮﺍﻩ ﺍﻻﺧﻴﺮ ..

ﺍﻣﺎ ﺷﻬﺪ ﺑﻘﺖ ﻳﻮﻣﻴﻦ ﺑﺎﻟﻐﻴﺒﻮﺑﺔ ﻭﺑﻌﺪﻫﺎ ﺻﺤﺖ ﻭﺍﻫﻠﻬﺎ ﻧﻘﻠﻮﻫﺎ ﻟﻤﺴﺘﺸﻔﻰ ﻓﻲ ﺑﻐﺪﺍﺩ .. ﻭﺿﻤﻮ ﻋﻨﻬﺎ ﺧﺒﺮ ﻭﻓﺎﺓ ﺍﺳﻌﺪ ﻻﻥ ﺣﺎﻟﺘﻬﺎ ﻣﺎﺗﺴﻤﺢ .. ﻛﺎﻟﻮ ﺍﻟﻬﺎ ﻳﻤﺞ ﺑﺎﻟﻤﺴﺘﺸﻔﻰ ﺑﺲ ﺣﺎﻟﺘﻪ ﺗﻌﺒﺎﻧﺔ ﻭﻣﻴﻜﺪﺭ ﻳﺠﻲ ﺍﻟﺞ ..

ﺣﺴﻮﻧﻲ ﺍﺑﻨﻬﻢ ﺍﻟﺼﻐﻴﺮ ﺍﻟﻲ ﻋﻤﺮﻩ ﺳﻨﺘﻴﻦ ﺑﻘﻰ ﻳﻤﻨﺎ ﻳﻢ ﺍﺧﻮﺍﺗﻲ ﻭﺯﻭﺟﺎﺕ ﺍﺧﻮﻳﻪ .. ﻻﻥ ﺍﻣﻲ ﺗﻌﺒﺖ ﻓﺪ ﻧﻮﺏ ﻋﻠﻰ ﺍﺛﺮ ﺻﺪﻣﺘﻬﺎ ﺑﻀﻨﺎﻫﻪ ، ﺑﻘﺖ ﺍﻏﻠﺐ ﺍﻻﻭﻗﺎﺕ ﺑﻴﻦ ﺍﻟﺒﻴﺖ ﻭﺍﻟﻤﺴﺘﺸﻔﻰ ﻭﺍﺻﺎﺑﺘﻬﺎ ﺟﻠﻄﺔ ..

☆☆☆☆

ﻣﻴﺲ .. ﺣﻴﻞ ﺍﻧﻘﻬﺮﺕ ﻋﻠﻰ ﺍﺑﻦ ﻋﻤﻲ ﺍﺳﻌﺪ ﺭﻏﻢ ﻣﺎ ﺍﻋﺮﻓﻪ ﻭﻻ ﺷﺎﻳﻔﺘﻪ ﺑﺲ ﻳﺒﻘﻰ ﺍﺑﻦ ﻋﻤﻲ ﻭﺑﻌﺪﻩ ﺷﺒﺎﺏ ﻭﻋﻨﺪﻩ ﻃﻔﻞ ﻭﺯﻭﺟﻪ ..

ﻓﻜﺮﺕ ﺑﺎﺧﻮ ﺳﻴﻒ ﻭﺗﺴﺎﺋﻠﺖ ﺑﺪﺍﺧﻠﻲ ﻋﻦ ﺣﺎﻟﺘﻪ

ﺯﻳﻦ ﺍﻧﻪ ﻟﻴﺶ ﺍﻓﻜﺮ ﺑﻲ !! ﻭﺷﺠﺎﺑﻪ ﻋﻠﻰ ﺑﺎﻟﻲ !!

ﺍﻧﻪ ﺑﺲ ﺗﻤﻨﻴﺘﻪ ، ﻭﻛﻠﻤﺎ ﺍﺗﺬﻛﺮﻩ ﺍﺣﺲ ﺑﻮﺟﻊ ..

ﺃﻭﻗﺎﺕ ﺍﻷﺣﻼﻡ ﺗﻜﻮﻥ ﻋﻠﻰ ﺷﻜﻞ ﻭﺟﻊ ..

ﻭﺟﻊ ﻟﻮﺍﻗﻊ ﻳﺨﺘﻠﻒ ﻫﻮﺍﻱ

ﻭﺟﻊ ﻷﺭﻭﺍﺡ ﻣﻮ ﻛﺎﺩﺭﺓ ﻏﻴﺮ ﺗﺤﻠﻢ ﻭﻣﺎﺗﺤﻘﻖ ﻛﻞ ﺷﻲ ﻣﻦ ﺍﺣﻼﻣﻬﺎ .. ﻭﺗﺘﻤﻨﻰ ﻛﻠﺸﻲ ﻳﻜﻮﻥ ﺍﺣﺴﻦ ﺑﺲ ﻳﻜﻮﻥ ﺍﺣﺴﻦ ﻭﺗﻤﺸﻲ ﺍﻳﺎﻣﻬﺎ ﻋﻠﻰ ﺧﻴﺮ 

ﺍﻣﻲ ﺍﺟﺘﻬﺎ ﺭﻭﺣﻪ ﻟﻠﺰﻳﺎﺭﺓ ﻭﺍﻧﻪ ﻻﺯﻡ ﺍﺭﺟﻊ ﻟﺒﻴﺖ ﺍﺑﻮﻱ

ﺍﺧﺬﺕ ﻣﻼﺑﺴﻲ ﻭﻛﺘﺒﻲ ﻭﻛﻢ ﻏﺮﺽ ﺍﺣﺘﺎﺟﻬﻦ ﻭﺍﺭﻳﺪ ﺍﺭﻭﺡ

ﻛﺎﻟﺖ ﻫﺎ ﺍﻭﺻﻠﺞ ؟

ﻻ ﻳﻤﻪ ﺗﺘﺄﺧﺮﻳﻦ ﺍﻧﻪ ﺍﺭﻭﺡ ﺭﺍﺡ ﺍﺧﺎﺑﺮ ﻋﻠﻰ ﺣﺎﺗﻢ ﻳﺠﻲ ﻳﺎﺧﺬﻧﻲ .. ﻻﻥ ﺍﺑﻮﻱ ﻭﺣﺎﺯﻡ ﺑﺒﻐﺪﺍﺩ ﺭﺍﺣﻮ ﺍﺭﺑﻌﻴﻦ ﺍﺑﻦ ﻋﻤﻲ ..

ﺧﻮﺵ ﻟﻌﺪ ﻳﻮﻡ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ

ﺑﻮﺳﺘﻬﺎ ﻭﺍﺧﺬﺕ ﺍﻏﺮﺍﺿﻲ ﻭﻃﻠﻌﺖ

ﺧﺎﺑﺮﺕ ﻋﻠﻰ ﺣﺎﺗﻢ ﺟﻬﺎﺯﻩ ﻣﻐﻠﻖ

ﻓﻜﺮﺕ ﺧﺎﻑ ﻧﺎﻳﻢ ﺧﻠﻲ ﺍﺧﺎﺑﺮ ﺯﻳﻨﺔ

ﺧﺎﺑﺮﺗﻬﺎ ﻛﺎﻟﺖ ﺭﺍﺡ ﻭﻳﺎﻫﻢ ﻟﺒﻐﺪﺍﺩ ﺷﺒﻴﺞ ﺍﻧﺖ ﺣﻠﻤﺎﻧﺔ؟

ﺗﻔﺎﺟﺌﺖ ؛ - ﻋﺒﺎﻟﻲ ﺑﺲ ﺣﺎﺯﻡ ﺭﺍﺡ

_ ﻻ ﻳﺎﻟﺜﻮﻟﺔ ﺟﺎ ﻏﻴﺮ ﺣﺎﺗﻢ ﻫﻮ ﺍﻟﺠﺒﻴﺮ ﺧﻮ ﻣﻮ ﺑﺲ ﺣﺎﺯﻡ ﻳﺮﻭﺡ ..

_ ﺍﻱ ﺍﻱ ﺍﻓﺘﻬﻤﺖ ﺭﺟﻌﻲ ﻧﺎﻣﻲ ﻣﺒﻴﻦ ﻋﻠﻰ ﺻﻮﺗﺞ ﻧﻌﺴﺎﻧﺔ ﺳﺪﺗﻪ ﺑﺴﺮﻋﺔ .. ﻇﻠﻴﺖ ﺍﻓﺮ ﺑﻴﺪﻱ

ﻓﻜﺮﺕ ﻫﻮ ﻫﻮﻳﻨﻪ ﺑﻴﺘﻨﻪ ﻫﻨﺎ ﺍﺻﻌﺪ ﻛﻴﺎ ﻣﻦ ﺍﻟﺸﺎﺭﻉ ﺗﻨﺰﻟﻨﻲ ﺑﺮﺍﺱ ﺍﻟﻔﺮﻉ ﻭﺍﻛﻤﻠﻬﺎ ﻣﺸﻲ ﻣﺎﺭﺍﺩﻟﻬﺎ ﺭﻭﺣﻪ ﻟﻠﻘﺎﺿﻲ ..

ﺧﻄﻴﺔ ﺍﻣﻲ ﺍﺧﺬ ﻣﻦ ﻭﻛﺘﻬﺎ ﻭﻫﻴﻪ ﺗﺮﻳﺪ ﺗﻄﻠﻊ ﺑﻌﺪ ﺷﻮﻳﻪ ﺗﺮﻭﺡ ﻟﺒﻴﺖ ﺧﺎﻟﺘﻲ ﺗﺒﺎﺕ ﻭﻣﻨﺎﻙ ﺍﻟﻔﺠﺮ ﻳﻄﻠﻌﻮﻥ ..

ﻃﻠﻌﺖ ﻣﻦ ﺍﻟﺒﻴﺖ ﻭﺳﺪﻳﺖ ﺍﻟﺒﺎﺏ ﻭﺭﺍﻱ

ﻭﻛﻔﺖ ﻉ ﺍﻟﺸﺎﺭﻉ ﻭﺍﻧﻪ ﻣﺴﺘﺤﻴﻪ ﺍﻭﻝ ﻣﺮﺓ ﺍﻃﻠﻊ ﻭﺣﺪﻱ

ﻭﺍﺣﺲ ﺍﻟﻨﺎﺱ ﻛﻠﻬﺎ ﺗﺒﺎﻭﻋﻠﻲ ، ﺷﺠﻌﺖ ﻧﻔﺴﻲ ﻭﺭﻓﻌﺖ ﺍﻳﺪﻱ ﺍﻟﺘﺮﺟﻒ ﻭﺍﺷﺮﺕ ﻟﻜﻴﺔ ﻭﻛﻔﺘﻠﻲ ﺻﻌﺪﺕ ﺑﻴﻬﺎ

ﻧﺰﻟﺖ ﺑﺮﺍﺱ ﻓﺮﻉ ﺑﻴﺖ ﺍﺑﻮﻱ ﻭﻛﺖ ﻋﺼﺮ ﺍﻟﺸﻤﺲ ﺑﻌﺪﻫﺎ

ﺿﻠﻴﺖ ﺍﻣﺸﻲ ﻣﺎ ﺍﺣﺲ ﺍﻟﻪ ﺍﻧﺨﻤﻄﺖ ﺍﻟﺠﻨﻄﺔ ﻣﻦ ﺍﻳﺪﻱ ﺑﻘﻮﻭﻭﺓ ﻭﻋﻨﻒ ..

ﺍﻟﺘﻔﺘﺖ ﻭﺍﻳﺪﻱ ﻋﻠﻰ ﻗﻠﺒﻲ ﻭﻣﻴﺘﺔ ﺧﻮﻑ ﻋﺒﺎﻟﻲ ﺣﺮﺍﻣﻲ

ﺍﺑﺎﻭﻉ ﺍﺷﻮﻓﻪ ﻋﻴﺎﺵ ﻭﺍﻛﻒ ﻳﺒﺎﻭﻋﻠﻲ ﻭﻣﺒﺘﺴﻢ

ﻏﻤﻀﺖ ﻋﻴﻮﻧﻲ ﻭﻃﺒﻜﺖ ﺷﻔﺎﻓﻲ ﻋﻠﻰ ﺑﻌﺾ ﺍﻛﺘﻢ ﻏﻀﺒﻲ

..

ﻛﺎﻝ ﺷﺒﻴﺞ ﺧﻔﺘﻲ ﻋﺒﺎﻟﺞ ﺟﻨﻲ ؟

ﻋﻮﺟﺖ ﺣﻠﻜﻲ ﺗﻤﺘﻤﺖ ﻋﻠﻮﺍﻩ ﻉ ﺍﻟﺠﻨﻲ ؟

ﺭﻓﻊ ﺣﺎﺟﺒﻪ ﺷﻜﻠﺘﻲ ؟؟

ﻣﺎﻛﻮ ﺷﻲ ، ﻣﺪﻳﺖ ﺍﻳﺪﻱ ﺍﺭﻳﺪ ﺍﺧﺬ ﺍﻟﺠﻨﻄﺔ

ﻛﺎﻝ ﺗﻌﺎﻱ ﺍﻭﺻﻠﺞ ﻫﺬﻳﺞ ﺳﻴﺎﺭﺗﻲ ﻳﻢ ﺑﻴﺖ ﻋﻤﻲ ﺳﺎﻟﻢ

ﻋﺎﻓﻨﻲ ﻭﺍﻛﻔﺔ ﻭﺭﺍﺡ ﻳﻤﺸﻲ ﺑﺎﺗﺠﺎﻩ ﺳﻴﺎﺭﺗﻪ ﻭﺑﻴﺪﻩ ﺟﻨﻄﺘﻲ

ﺣﺲ ﺑﻴﻪ ﻣﺎﺭﺣﺖ ﻭﺭﺍﻩ ﻭﻛﻒ ﻭﻇﻞ ﻳﺎﺷﺮﻟﻲ ﺗﻌﺎﺍﻱ ﺗﻌﺎﻱ

ﻫﺰﻳﺖ ﺭﺍﺳﻲ ﺑﺮﻓﺾ ﻭﻣﺸﻴﺖ ﺑﻜﺴﻞ ، ﻓﺘﺢ ﺍﻟﺒﺎﺏ ﻭﺷﻤﺮ ﺍﻟﺠﻨﻄﺔ ﻭﺭﻩ ، ﺍﺭﻳﺪ ﺍﺻﻌﺪ ﺑﺎﻟﻮﺭﻩ ﺳﺪﺍﻩ ﺑﺴﺮﻋﺔ

ﺑﺎﻭﻋﺘﻠﻪ ﻣﺨﻨﺰﺭﺓ

ﻇﻞ ﻳﻔﺮ ﺑﻴﺪﻩ ﻻﻳﻜﻮﻥ ﺗﺮﺩﻳﻦ ﺗﺼﻌﺪﻳﻦ ﺑﺎﻟﻮﺭﻩ ﻣﺮﺗﻲ؟

ﻣﺮﺗﻚ ؟؟؟ ﺣﺠﻴﺖ ﺑﺘﺴﺎﺅﻝ ﻭﺍﻧﺰﻋﺎﺝ

ﻟﺰﻣﻨﻲ ﻣﻦ ﺍﻳﺪﻱ ﻭﺍﻟﺘﺎﻑ ﺑﻴﻪ ﻟﻠﺠﻬﺔ ﺍﻟﺜﺎﻧﻴﻪ ﻣﻦ ﺍﻟﺴﻴﺎﺭﺓ

ﻓﺘﺢ ﺑﺎﺏ ﺍﻟﺼﺪﺭ ﻭﺿﻐﻂ ﻋﻠﻰ ﺍﻳﺪﻱ ﺍﻟﻲ ﻻﺯﻣﻬﺎ ﻭﻭﺟﻬﻨﻲ ﻟﻠﻤﻘﻌﺪ ﻣﺎﻝ ﺍﻟﺴﻴﺎﺭﺓ ، ﺻﻌﺪﺕ ﻭﻳﺎﻩ ﻣﺮﻏﻤﺔ ...

ﺍﻟﺘﺎﻑ ﻭﺍﺟﻪ ﻛﻌﺪ ﻳﻤﻲ ، ﻣﺎ ﺍﻥ ﺗﻘﻔﻠﺖ ﺍﻻﺑﻮﺍﺏ ﺣﺘﻰ ﺍﺟﺘﺎﺣﻨﻲ ﺫﺍﻙ ﺍﻟﺸﻌﻮﺭ ، ﺷﻌﻮﺭ ﺍﻟﺮﻫﺒﺔ ﺍﻟﻔﻀﻴﻊ ﺍﻟﻲ ﻳﻨﺘﺎﺑﻨﻲ ﻣﺎ ﺍﻥ ﺍﻛﻮﻥ ﺑﻘﺮﺑﻪ ، ﺗﺘﻮﻏﻞ ﺑﻴﻪ ﺍﻟﻤﺨﺎﻭﻑ ﺍﺧﺎﻑ ﻳﺄﺫﻳﻨﻲ ﺗﻨﺮﺳﻢ ﻛﺒﺎﻝ ﻋﻴﻨﻲ ﻣﺸﺎﻫﺪ ﺿﺮﺑﻪ ﻟﺴﻤﻴﺤﺔ ﻗﺒﻞ ...

ﻭﺗﻐﺰﻭ ﺍﺳﻤﺎﻋﻲ ﺍﺻﻮﺍﺕ ﺻﻴﺎﺣﻪ ﻭﻏﻠﻄﻪ ﻋﻠﻴﻬﺎ !!!

ﺍﻧﺘﺸﻠﻨﻲ ﻣﻦ ﺷﺮﻭﺩﻱ ﺷﻮ ﻭﺣﺪﺝ ﺟﺎﻳﻪ ﻣﻨﺎﻙ ﻟﻬﻨﺎﻙ ﺍﻣﺞ ﺷﻮﻥ ﺗﺨﻠﻴﺞ ﺗﺠﻴﻦ ﻭﺣﺪﺝ ﻋﺎﻗﻠﺔ ﻣﺨﺒﻠﺔ ﺍﺧﺨﺨﺦ ﻳﺎ ﺍﻣﺞ ﻭﺍﻟﻠﻪ ﻣﺮﺑﻴﺘﻠﻲ ﻋﻠﺔ ..

ﺍﻟﺘﺎﻓﻴﺖ ﻋﻠﻴﻪ ﺑﻌﺼﺒﻴﺔ ﻭﺳﻜﺘﺖ ﺑﺎﻭﻉ ﺑﻌﻴﻮﻧﻲ ﺛﺒﺘﻬﻦ ﻟﺤﻈﺎﺕ ﻟﻤﻌﺖ ﺑﻌﻴﻮﻧﻪ ﺫﻳﺞ ﺍﻟﻨﻈﺮﺍﺕ ﺍﻟﻐﺮﻳﺒﺔ

ﺩﺍﺭ ﻭﺟﻬﻪ ﻣﻨﻲ ﻳﻜﻤﻞ ﺳﻴﺎﻗﺔ ، ﺩﺧﻞ ﻣﻦ ﺍﻟﺠﺎﻣﺔ ﻫﻮﺍ ﺑﻌﺜﺮ ﺷﻌﺮﻩ ﻋﻠﻰ ﺟﺒﻴﻨﻪ ﺭﻓﻊ ﺍﻳﺪﻩ ﻳﺮﺗﺒﻪ ..

ﺩﺭﺕ ﻭﺟﻬﻲ ﻣﻨﻪ

ﻛﺎﻝ ﺿﻮﺟﺞ ﺍﻟﻬﻮﺍ ﺍﺳﺪ ﺍﻟﺠﺎﻣﺔ ؟

ﺟﺎﻭﺑﺖ ﻻ .. ﺑﺲ ﺍﺷﻮ ﺍﻧﺖ ﻫﻨﺎ ﻣﺎﺭﺣﺖ ﻻﺭﺑﻌﻴﻦ ﺍﺑﻦ ﻋﻤﻲ ﺷﻌﺠﺐ ؟

ﺟﺎﻭﺏ ﻗﺒﻞ ﺟﻢ ﻳﻮﻡ ﺭﺟﻌﺖ ﻣﻨﻬﻢ ﻭﻋﻤﻲ ﺭﺍﺡ ﻭﺍﻧﻪ ﺑﻤﻜﺎﻧﻪ ﺍﻛﻌﺪ ﺑﺎﻟﺪﻳﻮﺍﻥ ﺧﻮ ﻣﺎﻳﻀﻞ ﺧﺎﻟﻲ ﻛﻠﻨﺎ ﻧﺮﻭﺡ ﻭﺍﻟﻨﺎﺱ ﺍﻟﺘﺠﻴﻨﻪ ﻣﺎﻳﺼﻴﺮ ﻛﻠﻨﻪ ﻧﺮﻭﺡ ..

ﺳﻜﺘﺖ ﻭﺳﺎﺩ ﺍﻟﺼﻤﺖ ﻟﺤﺪ ﻣﺎ ﻭﺻﻠﻨﺎ ﻟﻠﺒﻴﺖ ﺩﺧﻠﺖ ﻭﻣﺎﺧﻼﻧﻲ ﺍﺧﺬ ﺟﻨﻄﺘﻲ ﺍﻟﻪ ﻫﻮ ﻳﻨﺰﻟﻬﺎ ..

ﺑﻘﻴﺖ ﻭﺍﻛﻔﺔ ﻳﻢ ﺍﻟﺒﺎﺏ ﺍﻧﻄﺎﻫﻪ ﺍﻟﻲ ﻛﺎﻝ ﻫﺎﺝ ﻣﺮﺗﻲ

ﺿﺠﺖ ﻭﺧﺰﺭﺗﻪ ، ﺿﺤﻚ ﺑﻌﺪﻳﻦ ﺗﺘﻌﻮﺩﻳﻦ ﻋﻠﻴﻬﺎ ﻫﺴﻪ ﺍﻧﻪ ﺧﻮ ﻣﺎ ﻣﺠﺬﺏ ﺍﻧﺖ ﺻﺪﻙ ﻣﺮﺗﻲ ﻗﺎﺑﻞ ﺷﻨﻮ ﻟﻌﺪ ؟

ﺩﺭﺕ ﻭﺟﻬﻲ ﻭﺩﺧﻠﺖ ﺳﺪﻳﺖ ﺍﻟﺒﺎﺏ .. ﻭﺑﺮﺍﻛﻴﻦ ﺍﻟﻜﺮﻩ ﺗﺠﺎﻫﻪ ﺍﺷﺘﻌﻠﺖ ﺑﺪﺍﺧﻠﻲ ﺷﻠﻮﻥ ﺭﺍﺡ ﺍﺗﺤﻤﻠﻪ ﻳﺎﺭﺑﻲ ﺍﻟﺰﻣﻦ ﻳﻮﻛﻒ ﻭﻣﺎﺍﺻﻴﺮ ﺍﻟﻪ ..

ﻣﻦ ﺭﺟﻌﺖ ﺍﻣﻲ ﺭﺟﻌﺖ ﻳﻤﻬﺎ ..

ﺧﺎﺑﺮﻧﻲ ﺣﺎﺯﻡ ﻭﺍﻧﻪ ﺍﺑﻴﺖ ﺍﻣﻲ ...

_ ﺍﻟﻮﻭ ﻫﺎ ﻣﻴﻮﺱ ﺑﻠﻐﻲ ﻭﺭﺩﺓ ﺧﻞ ﺗﺠﻲ ﺍﻟﻌﺼﺮ ﻳﻤﻜﻢ ﺍﺭﻳﺪ ﺍﺷﻮﻓﻬﺎ ﻣﺸﺘﺎﻗﻠﻬﺎ ﺻﺎﺭ ﺷﻜﺪ ﻣﺎ ﺷﺎﻳﻔﻬﺎ ..

_ ﺣﺎﺯﻡ ﺭﺣﻤﻪ ﻟﻮﺍﻟﺪﻳﻚ ﺍﺗﺮﻙ ﺍﻟﺒﻨﻴﺔ ﺑﺤﺎﻟﻬﺎ ﺍﺑﻮﻫﺎ ﺣﺎﺭﻣﻬﺎ ﻣﻦ ﺍﻟﺠﻴﺔ ﻟﺒﻴﺖ ﺍﻣﻲ ﻭﻫﺎﻱ ﺍﺫﺍ ﺳﻤﻌﺖ ﺑﺎﺳﻤﻚ ﺗﻨﺮﻋﺺ ﻭﺗﺠﻲ ﻭﻻ ﻳﻤﻬﺎ ﻭﺍﺑﻮﻫﺎ ﺍﺫﺍ ﻋﺮﻑ ﻳﻄﻴﺢ ﺑﻴﻬﺎ ﻭﻳﻜﺘﻠﻬﺎ ..

_ ﻛﻠﺸﻲ ﻭﻻ ﺗﻨﻜﺘﻞ ﻭﺭﺩﺓ ، ﻟﻌﺪ ﺍﻧﻪ ﺍﺟﻲ ﻳﻢ ﺍﻣﻲ ﺍﻟﻠﻴﻠﺔ ﻭﺍﺧﺬﻛﻢ ﻭﻧﺮﻭﺡ ﻟﺒﻴﺖ ﺧﺎﻟﻲ ﻧﻔﺘﺢ ﻭﻳﺎﻩ ﺍﻟﻤﻮﺿﻮﻉ ..

_ ﻳﺎ ﻣﻮﺿﻮﻉ ؟

_ ﺍﺧﻄﺐ ﻭﺭﺩﺓ .

_ ﺍﻱ ﺑﺲ ﺯﺣﻤﺔ ﻣﻦ ﺍﺑﻮﻱ ﺗﻮﺓ ﻣﻴﺖ ﺍﺑﻦ ﻋﻤﻲ

_ ﺍﻱ ﻗﺎﺑﻞ ﺭﺍﺡ ﺍﺳﻮﻱ ﺣﻔﻠﺔ ﻭﻫﻮﺳﺔ ، ﻫﻮ ﺑﺲ ﺭﺍﺡ ﺍﺣﺠﺰﻫﻪ ﺍﻟﻲ ..

_ ﻫﺎ ﻓﻬﻤﺖ ﻋﻠﻴﻚ ﺧﻮﺵ ﻟﻌﺪ ﻫﺴﻪ ﺍﺭﻭﺡ ﻟﻠﻤﺪﺭﺳﺔ ﺗﺄﺧﺮﺕ ﺩﻭﺍﻣﻲ ﻋﺼﺮﻱ ..

_ ﺭﺍﺡ ﺗﺒﻘﻴﻦ ﺑﻬﺎﻱ ﺍﻟﻤﺪﺭﺳﺔ ﺍﻧﺘﻲ ؟ ﻣﻮ ﻣﺪﺭﺳﺘﻜﻢ ﺧﻠﺼﺖ ﻭﺭﺟﻌﻮﻫﻢ ﻟﺬﻳﺞ ﺍﻟﻤﺪﺭﺳﺔ .. ؟

_ ﻫﺎ ﺍﻱ ﻃﻠﺒﺖ ﻧﻘﻞ ﻟﻬﺎﻱ ﺍﻟﻤﺪﺭﺳﺔ ﻭﺣﺘﻰ ﻻﺑﻮﻱ ﻛﺘﻠﻪ ﻛﺎﻝ ﻣﻴﺨﺎﻟﻒ ﺍﺑﻘﻲ ، ﺍﻧﻪ ﺍﺭﻳﺪ ﺍﺑﻘﻰ ﻳﻢ ﺍﻣﻲ ﺧﻄﻴﺔ ﻻﻥ ﺧﺎﻟﻲ ﻣﺎﻳﺨﻠﻲ ﺑﻴﺒﻴﺘﻲ ﺗﺠﻲ ﻳﻤﻬﺎ ..

_ ﻭﻭﺭﺩﺓ ﻭﻳﻦ ﺟﺎﻱ ﺗﺪﺍﻭﻡ ؟

_ ﻫﻢ ﻭﻳﺎﻱ ﻧﻔﺲ ﺍﻟﻤﺪﺭﺳﺔ ..

_ ﺗﻤﺎﻡ ﺗﺮﺩﻳﻦ ﺍﺟﻲ ﺍﻭﺻﻠﺞ ؟

_ ﻻ ﻣﻮ ﻋﺪﻧﻪ ﺧﻂ

_ ﻛﻮﻟﻲ ﺍﻱ ﺣﺘﻰ ﺍﺷﻮﻑ ﻭﺭﺩﺓ ﺷﺒﻴﺞ ﻣﺎﺗﺴﻮﻳﻦ ﺩﺭﻭﺏ ﻻﺧﻮﺝ ﻭﻻ ﺗﺮﺗﺒﻴﻠﻪ ﻣﻮﺍﻋﻴﺪ !

ﻇﻠﻴﺖ ﺍﺿﺤﻚ ﻭﺧﺘﻤﺘﻬﺎ ﻭﻳﺎ .. ﺑﺪﻟﺖ ﻣﻼﺑﺴﻲ ﻭﺭﺣﺖ ﻟﻠﻤﺪﺭﺳﺔ ﺻﻌﺪﺕ ﺑﺎﻟﺨﻂ ﻣﺎﺷﻔﺖ ﻭﺭﺩﺓ ﺳﺄﻟﺖ ﺳﺠﻰ ﻋﻨﻬﺎ ﻛﺎﻟﺖ ﻋﺪﻫﺎ ﺩﺭﺱ ﺍﺿﺎﻓﻲ ﻭﻃﻠﻌﺖ ﻗﺒﻠﻨﺎ ..

ﺭﺣﺖ ﻟﻠﻤﺪﺭﺳﺔ ﺧﻠﻴﺖ ﺟﻨﻄﺘﻲ ﺑﺎﻟﺮﺣﻠﺔ ﻣﺎﻟﺘﻲ

ﻭﻃﻠﻌﺖ ﻣﻦ ﺍﻟﺼﻒ ﻭﺗﻮﺟﻬﺖ ﻟﺼﻒ ﻭﺭﺩﺓ ..

ﺩﺧﻠﺖ ﺷﻔﺘﻬﺎ ﻛﺎﻋﺪﺓ ﺑﺎﻟﺮﺣﻠﺔ ، ﺑﻴﺪﻫﺎ ﻟﻔﺔ ﺟﺎﻱ ﺗﺎﻛﻞ ﻣﻨﻬﺎ

ﻭﻛﺪﺍﻣﻬﺎ ﻛﺘﺎﺏ ﻣﻔﺘﻮﺡ ﺗﻘﺮﺍ ﻭﺗﺎﻛﻞ ﻭﺑﺼﻒ ﺍﻟﻜﺘﺎﺏ ﻧﺴﺎﺗﻞ

ﻭﻋﺼﻴﺮ ﻭﺑﻴﺒﺴﻲ ﻭﺟﺒﺲ ..

ﺭﺣﺖ ﻛﻌﺪﺕ ﻳﻤﻬﺎ ﻭﻻ ﺍﻧﺘﺒﻬﺖ ﺍﻟﻲ !

ﺿﻠﻴﺖ ﺍﺣﺠﻲ ﻳﻤﻬﻪ ﻭﺭﺩﺓ ﻭﺭﺩﺓ ﻭﺭﺩﺓ ﺑﺒﻨﺒﺮﺓ ﺳﺮﻳﻌﺔ ..

ﻫﻴﻪ ﻣﺎﻣﻌﺘﻤﺔ ﺗﻘﺮﺍ ﻭﺗﺎﻛﻞ ...

ﺍﺳﺘﻤﺮﻳﺖ ﺍﺿﻮﺟﻬﺎ ﻭﺍﻛﺮﺭ ﺑﺎﺳﻤﻬﺎ ﺑﻨﺒﺮﺓ ﺳﺮﻳﻌﺔ

ﻣﺪﺕ ﺍﻳﺪﻫﺎ ﺍﻟﻲ ﻭﺩﻓﻌﺘﻨﻲ ﺍﺟﻴﺖ ﺍﻃﻴﺢ ﻣﻦ ﺣﺎﻓﺔ ﺍﻟﺮﺣﻠﺔ ..

ﺑﺎﻭﻋﺘﻠﻲ ﻣﺰﻋﻮﺟﺔ .. ﺷﺘﺮﺩﻳﻦ ﻣﻦ ﺻﺨﻤﺔ ؟

_ ﺣﺎﺯﻡ ..

ﻛﺎﻟﺖ ؛ - ﺍﺧﺨﺦ ، ﺑﺤﺮﻗﺔ ﻣﺘﺼﻨﻌﺔ !

_ ﺷﺒﻴﺞ ﻭﺳﻢ ؟

ﻛﺎﻟﺖ ﻫﻢ ﺍﻛﻞ ﻭﻫﻢ ﻓﻴﺰﻳﺎﺀ ﻭﻫﻢ ﺣﺎﺯﻡ ﺍﻛﺜﺮ ٣ ﺍﺷﻴﺎﺀ ﺍﺣﺒﻬﻢ ﺑﺎﻟﻜﻮﻥ ﻭﻫﺬﺍ ﺍﻻﺧﻴﺮ ﺻﻮﺏ ﮔﻠﺒﻲ ﻭﺯﺭﻓﻪ ﺗﺰﺭﻑ ...

ﻇﻠﻴﺖ ﺍﻓﺮ ﺑﻴﺪﻱ ﺑﺎﻭﻋﺖ ﺑﺎﻟﻜﺘﺎﺏ ﺷﻔﺘﻪ ﺍﻟﻔﻴﺰﻳﺎﺀ ﺩﺭﺕ ﻭﺟﻬﻲ ﺗﻨﻔﺴﺖ ﺑﺮﺍﺣﺔ ؛ - ﻫﻤﺰﻳﻦ ﺍﻟﻠﻪ ﺭﺣﻢ ﺑﻴﻪ ﻭﺩﺧﻠﺖ ﺍﺩﺑﻲ ﺷﻜﺪ ﺍﻛﺮﻩ ﺍﻟﻔﻴﺰﻳﺎﺀ ﻣﺎ ﺍﻃﻴﻘﻬﺎ ﻳﺎﺭﺑﻲ ..

ﺩﻓﻌﺘﻨﻲ ﺣﻴﻞ ﻫﻢ ﺯﻳﻦ ﻣﺎ ﻃﺤﺖ ﻉ ﺍﻟﻜﺎﻉ ﻛﻮﺓ ﺗﻤﺎﺳﻜﺖ ﻭﻟﺰﻣﺖ ﺑﻄﺮﻑ ﺍﻟﺮﺣﻠﺔ

ﺣﺠﺖ ﻫﻴﻪ ﺑﻐﻀﺐ ﻭﺧﺰﺭﺓ ؛ - ﺍﺣﺘﺮﻣﻲ ﻧﻔﺴﺞ ﻭﻻ ﺗﺤﺠﻴﻦ ﻋﻠﻴﻬﺎ

_ ﺍﺩﺭﻱ ﻗﺎﺑﻞ ﺳﺒﻴﺖ ﺍﻟﻌﻨﺐ ؟

_ ﺳﺒﻴﺘﻲ ﺍﻟﻌﺸﻖ ﻣﻮ ﺑﺲ ﺍﻟﻌﻨﺐ

_ ﻟﻮ ﺍﺳﺐ ﺣﺎﺯﻡ ﺷﺴﻮﻳﻦ ؟

_ ﺍﺩﻭﺱ ﻋﻠﻴﺞ ﻭﺍﻟﻠﻪ

_ ﺗﻤﺮﺩﻳﻨﻲ ﻳﻌﻨﻲ ﺍﺧﺦ ﺍﻟﻠﻪ ﻣﻦ ﺣﺠﻴﺞ ﺗﻮﺟﻌﺖ ﺑﻠﻠﻪ ﺍﺧﻮﻱ ﻭﺍﺭﻳﺪ ﺍﺳﺒﻪ ﺷﻠﻮﻥ ؟

_ ﺍﻛﻠﺞ ﺍﻛﻞ ﺍﺣﻄﺞ ﺑﺎﻟﺨﺒﺰﺓ ﺍﺳﻮﻳﺞ ﻟﻔﺔ ﻭﺍﻛﻠﺞ ..

_ ﺩﺧﻴﻠﺞ ﻳﺎﻟﺰﻭﻣﺒﻲ ، ﺍﻟﻤﻬﻢ ﺗﺮﺓ ﺣﺎﺯﻡ ﻣﻴﺖ ﻋﻠﻴﺞ ﻭﻳﺮﻳﺪ ﻳﺸﻮﻓﺞ ﻭﺍﻟﻴﻮﻡ ﺭﺍﺡ ﻧﺠﻴﻜﻢ ﻳﺮﻳﺪ ﻳﺤﺠﻲ ﻭﻳﺎ ﺧﺎﻟﻲ ﻋﻠﻤﻮﺩ ﻳﺤﺠﺰﺝ ﺍﻟﻪ ..

ﺍﻧﻔﺮﺟﺖ ﺷﻔﺎﻳﻔﻬﺎ ﻭﻇﻬﺮﺕ ﺍﺑﺘﺴﺎﻣﺘﻬﺎ ﺍﻟﻌﺮﻳﻀﺔ ﺍﻟﻤﺸﺮﻗﺔ ﻭﺍﻧﺮﺳﻤﺖ ﻏﻤﺎﺯﺗﻬﺎ ﺍﻟﻴﺘﻴﻤﺔ ﻋﻠﻰ ﺧﺪﻫﺎ ، ﺻﻔﻜﺖ ﺑﻜﻞ ﻗﻮﻭﺗﻬﺎ ﺑﺤﻴﺚ ﻛﻞ ﺍﻟﺒﻨﺎﺕ ﺍﻟﻲ ﺑﺎﻟﺼﻒ ﻇﻠﻦ ﻳﺒﺎﻭﻋﻦ ﻋﻠﻴﻬﺎ

ﻫﻴﻪ ﺑﻌﺪ ﻣﺎ ﺧﻠﺼﺖ ﺗﺼﻔﻴﻚ ﺍﻧﺘﺒﻬﺖ ﺍﻟﻬﻦ

ﺍﺷﺮﺕ ﺑﻴﺪﻫﺎ ﺑﺘﺴﺎﺅﻝ ﻛﺎﻟﺘﻠﻬﻦ ﺷﺒﻴﺠﻦ ﺭﺍﺡ ﺍﻧﺨﻄﺐ ﻭﻓﺮﺣﺎﻧﺔ ﺷﺒﻴﺠﻦ ؟

ﻇﻠﻦ ﻳﺒﺎﺭﻛﻦ ﺍﻟﻬﺎ ﻭﺍﻧﻪ ﺳﻤﻌﺖ ﺻﻮﺕ ﺍﻟﺠﺮﺱ ﻳﻌﻠﻦ ﻋﻦ ﺑﺪﺃ ﺍﻟﺪﺭﺱ ﺍﻻﻭﻝ ، ﺍﻧﺴﺤﺒﺖ ﻣﻦ ﻳﻤﻬﺎ ﻭﺭﺣﺖ ﻟﺼﻔﻲ ...

ﺧﻠﺺ ﺍﻟﺪﻭﺍﻡ ﺻﻌﺪﻧﺎ ﺑﺴﻴﺎﺭﺓ ﺍﻟﺨﻂ

ﺍﺟﺖ ﻭﺭﺩﺓ ﻛﻌﺪﺕ ﻳﻤﻲ ﻭﺑﺲ ﺗﻀﺤﻚ

ﻛﺎﻟﺖ ﺍﻱ ﺷﻜﺎﻟﺞ ﺣﺎﺯﻡ ؟

ﻓﺘﺤﺖ ﻋﻴﻮﻧﻲ ﻋﻠﻰ ﺍﻭﺳﻌﻬﺎ ﻭﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻲ ﻓﺸﻼﻧﺔ ﻧﺪﺳﺘﻬﺎ ﺻﻔﺢ ﻭﻟﺞ ﺳﻜﺘﻲ ﻻ ﺗﻔﺸﻠﻴﻨﻪ ﺳﻜﺘﻲ ﺻﻮﺗﺞ ﺷﻌﻠﻮﺓ ﻧﺼﻴﻪ ﻋﻠﻰ ﺍﻻﻗﻞ ..

ﻇﻠﺖ ﺗﺒﺎﻭﻉ ﻣﻨﺎ ﻭﻣﻨﺎ ﻳﻤﻴﻦ ﻭﻳﺴﺎﺭ ﻭﻃﻜﺘﻨﻲ ﻋﻠﻰ ﺟﺘﻔﻲ

ﺍﻱ ﻫﺴﻪ ﻫﻤﻪ ﺷﻔﺘﻬﻤﻮﺍ ﻭﺍﻧﻪ ﺟﺎﻱ ﺍﺳﺄﻝ ﺷﻜﺎﻝ ﺣﺎﺯﻡ؟ ﻭﺍﻧﺘﻮﺍ ﻣﻮ ﻋﺪﻛﻢ ﻓﺎﺗﺤﺔ ﻭﺟﺎﻳﻴﻦ ﺗﺨﻄﺒﻮﻥ ؟ ﺧﺎﻑ ﺗﺠﺬﺑﻴﻦ ﻋﻠﻴﻪ ﻭﻟﺞ ؟

ﻣﺠﺬﺑﺔ ﻣﻦ ﻛﺒﻞ ﻗﺎﺑﻞ ﻭﺍﻧﻪ ﻣﺎ ﺍﺟﺬﺏ ﺑﻬﻴﺞ ﻣﻮﺍﺿﻴﻊ ..

_ ﺍﻳﻴﻪ ﻫﻢ ﺗﺠﺬﺑﻴﻦ ﻗﺎﺑﻞ ﻭﺣﺪ ..

ﺩﺭﺕ ﻭﺟﻬﻲ ﺑﺎﻧﺰﻋﺎﺝ ﻣﻨﻬﺎ ﺍﻳﻴﻴﻪ ﻭﻭﻟﻲ ﻳﺠﻲ ﺍﻟﻠﻴﻞ ﻭﻳﺼﻴﺮ ﺧﻴﺮ ﺗﺸﻮﻓﻴﻨﻪ ﻛﺪﺍﻣﺞ ﻏﻤﻴﺘﻬﺎ ﻭﺩﺭﺕ ﻭﺟﻬﻲ ﻉ ﺍﻟﺠﺎﻣﺔ ..

ﺣﺮﻛﺖ ﺳﻴﺎﺭﺓ ﺍﻟﺨﻂ ﻭﻫﻴﻪ ﺑﺲ ﺗﻜﺮﻙ ﻳﻤﻲ ﺷﻜﺎﻟﺖ ﺍﻟﻜﻴﻤﻴﺎﺀ ﻭﻫﻴﺞ ﺟﺎﻭﺑﺖ ﺑﺎﻟﻔﻴﺰﻳﺎﺀ ﻋﻠﻤﺎ ﻭﺻﻠﺖ ﺭﺍﺳﻲ ﺻﺎﻳﺮ ﻃﺒﻞ ﻣﻦ ﻋﺪﻫﺎ ....

ﻛﺒﻞ ﻻﺗﻨﺰﻝ ﻟﺒﻴﺘﻬﻢ ﻛﺮﺻﺘﻨﻲ ﻭﻧﺰﻟﺖ ، ﻋﺒﺎﻟﻚ ﻛﺮﺻﺖ ﻧﺤﻠﺔ ﺧﻠﺘﻨﻲ ﺍﻓﺮﻓﺮ ﺧﺰﺭﺗﻬﺎ

ﻛﺎﻟﺖ ﻭﺍﻟﻠﻪ ﺍﺫﺍ ﻣﺎﺟﻴﺘﻮﻭ ﺑﺎﻟﻠﻴﻞ ﻭﻃﻠﻌﺘﻲ ﺗﺠﺬﺑﻴﻦ ﺍﻛﻠﺞ ﺍﻛﻞ ..

ﺩﻓﻌﺘﻬﺎ ﺭﻭﺣﻲ ﺭﻭﺣﻲ ﺟﺪﺭ ﺍﻟﻤﺮﻛﺔ ﻭﺍﻟﺘﻤﻦ ﻳﺘﺎﻧﻴﺞ ﺭﻭﺣﻲ ﺍﻧﺘﺤﺮﻱ ﺑﻲ

ﻛﺎﻟﺖ ﺍﻭﻭﻱ ﻉ ﺍﻻﺳﺎﺱ ﺍﻧﺖ ﻣﺪﺭﻱ ﺷﺮﺍﻳﺤﺔ ﺗﺎﻛﻠﻴﻦ ﺯﻻﻃﺔ ﺧﺲ ﻫﺎﺍ ؟

_ ﻭﺷﺒﻴﻬﺎ ﺯﻻﻃﺔ ﺍﻟﺨﺲ

ﺗﺮﻳﺪ ﺗﺠﺎﻭﺑﻨﻲ ﺳﻤﻌﻨﺎ ﺻﻮﺕ ﺍﻟﺴﺎﻳﻖ ﻳﻠﻠﻪ ﺑﻮﻳﻪ ﻧﺰﻟﻦ ﺧﻮ ﻣﺎ ﺍﺑﻘﻰ ﻭﺍﻛﻒ ﻟﻠﻤﻐﺮﺏ ﻫﻨﺎ !!

ﻇﻠﻴﻨﺎ ﻧﺒﺎﻭﻋﻠﻪ ﻭﺗﺎﻟﻲ ﺑﺎﻭﻋﻨﻪ ﺑﻌﻴﻮﻥ ﺑﻌﺾ ﺩﻓﻌﺘﻬﺎ ﻣﻦ ﺟﻨﻄﺘﻬﺎ ﻳﻠﻪ ﻭﻟﻲ ﻭﻧﺰﻟﻲ ﻳﻠﻪ

ﻛﺎﻟﺖ ﻳﺼﻴﺮ ﺧﻴﺮ ﺍﺫﺍ ﻣﺎ ﺍﺟﻴﺘﻮ ..

ﻇﻠﻴﺖ ﺍﻓﺮ ﺑﺄﻳﺪﻱ ﻭﻫﻴﻪ ﻛﻮﺓ ﻧﺰﻟﺖ ﻣﻦ ﺍﻟﻜﻴﺔ ..

ﺭﺣﺖ ﻟﺒﻴﺘﻨﺎ ﺗﻠﻜﺘﻨﻲ ﺍﻣﻲ ﻫﺎ ﻳﻤﻪ ﺍﺧﻠﻴﻠﺞ ﻏﺪﺍ؟

ﺿﺤﻜﺖ ﻫﺎ ﻳﻤﻪ ﺗﺮﺩﻳﻨﻲ ﺍﺻﻴﺮ ﻭﺭﺩﺓ ﺍﻟﺜﺎﻧﻴﺔ ؟ ﻣﻮ ﻛﺒﻞ ﻻ ﺍﺭﻭﺡ ﻟﻠﻤﺪﺭﺳﺔ ﺍﻛﻠﺖ ﻣﻦ ﺍﻛﻠﺞ ﺍﻟﻄﻴﺐ

ﻭﺑﺴﺖ ﺭﺍﺳﻬﺎ ..

ﺿﺤﻜﺖ ﺍﻣﻲ ﻛﺎﻟﺖ ﻫﺴﻪ ﻫﻴﻪ ﻣﺪﺭﻱ ﻋﻠﻴﻤﻦ ﻃﺎﻟﻌﺔ ﺷﻮ ﺧﻮﺍﺗﻬﺎ ﺿﻌﺎﻑ ..

ﺟﺎﻭﺑﺘﻬﺎ ﻳﻤﻪ ﻣﻮ ﻫﻴﻪ ﺗﺎﻛﻞ ﺍﻛﻠﻬﻦ ﻃﺒﻌﺎ ﻣﺎﻳﺴﻤﻨﻦ ..

ﺿﺤﻜﻨﻪ ﺍﺛﻨﻴﻨﻪ ..

ﻛﺎﻟﺖ ﻻﺗﻀﻠﻴﻦ ﺟﻮﻋﺎﻧﺔ ﺍﻛﻠﻲ ﻳﻤﻪ ﺍﺳﻮﻳﻠﺞ ﻟﻔﺔ ﺷﻲ ؟

_ ﻳﻤﻪ ﻻﻋﺒﺔ ﺭﻭﺣﻲ ﻣﻦ ﺍﻟﻠﻔﺎﺕ ﻛﺪ ﻣﺎﺷﻮﻑ ﻭﺭﺩﺓ ﺗﺎﻛﻞ ﺑﻴﻬﻦ ..

_ ﻭﻟﺞ ﻳﻤﻪ ﺷﺘﺮﺩﻳﻦ ﻣﻨﻬﺎ ﺣﺎﺯﻡ ﻭﻗﺎﺑﻞ ..

_ ﺍﺧﺎﻑ ﻋﻠﻰ ﺍﺧﻮﻱ ﺧﺎﻑ ﺗﺘﻌﺎﺭﻙ ﻭﻳﺎﻩ ﻭﺗﻤﺮﺩﻩ

_ ﻻ ﻫﻴﻪ ﻫﻢ ﺗﺤﺒﻪ ﺧﻄﻴﺔ .. ﻫﺴﻪ ﻣﺎﺗﺎﻛﻠﻴﻦ ﺷﻲ ؟

_ ﺗﻌﺒﺎﻧﺔ ﻣﺎ ﻟﻲ ﻧﻔﺲ ﻭﺍﻟﻠﻪ ..

ﺍﺭﻳﺪ ﺍﺻﻌﺪ ﻟﻐﺮﻓﺘﻲ ﻛﺎﻟﺖ ﺍﻣﻲ ﻻﺗﻨﺎﻣﻴﻦ ﻫﺴﻪ ﻣﻐﺮﺏ ﻣﻮﺯﻳﻦ ﻧﻮﻡ ﺍﻟﻤﻐﺮﺏ ﻳﺠﻴﺐ ﺍﻻﻣﺮﺍﺽ ﺍﺳﻢ ﺍﻟﻠﻪ ..

ﺿﺤﻜﺖ ﺍﻟﻬﺎ ﻛﺘﻠﻬﺎ ﺍﺣﺎﻭﻝ ﻭﺻﻌﺪﺕ ، ﺑﺪﻟﺖ ﻫﺪﻭﻣﻲ ﺗﻤﺪﺩﺕ ﻉ ﺍﻟﺠﺮﺑﺎﻳﺔ ﻏﻔﻴﺖ ﺷﻮﻳﻪ ﻭﻛﻌﺪﺕ ﻋﻠﻰ ﺻﻮﺕ ﺍﺫﺍﻥ ﺍﻟﻤﻐﺮﺏ

ﻛﻌﺪﺕ ﺍﺣﺲ ﺭﻭﺣﻲ ﺛﻜﻴﻠﺔ ﻛﺒﺶ ﺳﻤﻌﺖ ﺻﻮﺕ ﺳﻴﺎﺭﺓ ﻭﻛﻔﺖ ﻳﻢ ﺍﻟﺒﺎﺏ ﻋﺮﻓﺘﻪ ﺣﺎﺯﻡ ﺍﺟﻪ ..

ﻧﺰﻟﺖ ﺳﻤﻌﺖ ﺻﻮﺗﻪ ﺟﺎﻱ ﻣﻦ ﺍﻟﻬﻮﻝ ﻳﺤﺠﻲ ﻭﻳﻪ ﺍﻣﻲ

ﺩﺧﻠﺖ ﺷﻔﺘﻪ ﻭﺷﻔﺖ ﻋﻼﻟﻴﻚ ﺑﺎﻟﻜﺎﻉ ..

ﺳﻠﻤﺖ ﻋﻠﻴﻪ ﻭﻛﻌﺪﺕ ﻭﻫﻮ ﻛﺮﻓﺺ ﻛﺪﺍﻡ ﺍﻟﻌﻼﻟﻴﻚ ﺑﺎﻟﻜﺎﻉ

ﻋﺰﻝ ٣ ﻣﻨﻬﻦ ﻋﻠﻰ ﺻﻔﺤﺔ ﻛﺎﻝ ﻫﺎﻱ ﺟﺒﺖ ﺍﻟﻜﻢ ﻋﺸﻰ ﻣﺎﺭﻳﺪ ﺍﺗﻌﺒﻜﻢ ﻭﺗﺴﻮﻭﻥ ..

ﻛﺎﻟﺘﻠﻪ ﺍﻣﻲ ﺷﺴﺎﻟﻔﺔ ﻋﺠﺰ ﺧﻮ ﻣﺎ ﻋﺠﺰ ﻭﺍﺣﻨﺎ ﺷﺮﺍﺡ ﻧﺴﻮﻱ ﻗﺎﺑﻞ ﺭﺍﺡ ﻧﺸﻮﻱ ﺧﺮﻭﻑ ؟

_ ﻣﻴﺨﺎﻟﻒ ﺍﻟﻴﻮﻡ ﻋﺸﺎﻛﻢ ﻋﻠﻴﻪ ..

ﻭﺍﺧﺬ ﻋﻼﻛﺘﻴﻦ ﺧﻼﻫﻦ ﻭﺣﺪﺓ ﺍﺑﻄﻦ ﺍﻟﺜﺎﻧﻴﺔ

ﺭﺗﺒﻬﻦ ﺑﻴﺪﻩ ﻭﻣﺪﻫﻦ ﺍﻟﻲ ﻛﺎﻝ ﻫﺎﺝ ﺍﺧﺬﻱ ﻫﺎﻱ ﺧﻠﻴﻬﺎ ﻳﻤﺞ ﻣﻦ ﻧﺮﻭﺡ ﻟﺒﻴﺖ ﺧﺎﻟﻲ ﺍﻧﻄﻴﻬﺎ ﻟﻮﺭﺩﺓ ..

ﺟﺮﻳﺘﻬﻦ ﻣﻨﻪ ﻭﻓﺘﺤﺘﻬﻦ ﺑﺴﺮﻋﺔ ﺍﻱ ﺧﻮ ﻫﺎﻱ ﺣﺼﺘﻪ ﻣﻀﻤﻮﻣﺔ ﺧﻠﻲ ﺍﺷﻮﻑ ﺷﻨﻮ ﺑﻴﻬﺎ ؟

ﺳﺤﺒﻬﻦ ﻣﻨﻲ ﺑﺎﻟﺸﻘﺔ ﻭﻳﻀﺤﻚ

: ﻻﺗﺼﻴﺮﻳﻦ ﻓﻀﻮﻟﻴﺔ ﻫﺎﻱ ﺣﺼﺔ ﺍﻟﺤﺐ ..

ﺭﺟﻌﺖ ﺟﺮﻳﺘﻬﻦ ﻣﻨﻪ ﻻ ﺷﻮ ﺍﻟﻪ ﺍﺷﻮﻑ ﺷﻨﻮ ﺑﻴﻬﻦ ﻭﺍﻟﻪ ﻣﺎﺍﺧﺬﻫﻦ ﻭﻳﺎﻱ ﻭﻻ ﺍﻧﻄﻴﻬﻦ ﺍﻟﻬﺎ ..

_ ﺍﺷﺘﻌﻠﻮﺍ ﺑﺪﺕ ﺍﻟﻐﻴﺮﺓ ﻣﻦ ﻫﺴﻪ ﺗﻌﺎﻱ ﺗﻌﺎﻱ ﺯﻋﻄﻮﻃﺔ ﺷﻮﻓﻲ ﻭﻓﻜﻴﻨﻲ ..

ﻓﺘﺢ ﺍﻟﻌﻼﻛﺔ ﻭﻇﻞ ﻳﺸﻮﻓﻨﻲ ﻣﺪﻳﺖ ﺭﺍﺳﻲ ﺍﻃﻞ ﺑﺎﻟﻌﻼﻛﺔ

ﺑﻴﻬﺎ ﻋﻠﺒﺘﻴﻦ ﻭﺣﺪﺓ ﺷﻜﻠﻬﺎ ﻣﺎﻟﺔ ﺟﻜﻠﻴﺖ ﻭﺍﻟﺜﺎﻧﻴﺔ ﺑﺎﻛﻴﺖ ﻭﺭﻗﻲ ..

ﻣﺪﻳﺖ ﺍﻳﺪﻱ ﺑﺎﻟﻌﻼﻛﺔ ﻟﺰﻣﻬﺎ ﻗﻮﻱ ﻭﻃﻠﻌﻬﺎ

ﻟﻬﻨﺎ ﻭﻛﺎﻓﻲ ﻻﺗﺼﻴﺮﻳﻦ ﻏﺜﻴﺜﺔ ﻛﻠﺶ

_ ﻻ ﺍﻟﻪ ﺍﺷﻮﻑ ﺷﻨﻮ ﺑﻴﻬﺎ

_ ﻭﻟﺞ ﻭﺣﺪﺓ ﺟﻜﻠﻴﺖ ﻭﺣﺪﺓ ﺑﻴﻬﺎ ﺑﻘﻼﻭﺓ ..

_ ﺍﺭﻳﺪ ﺑﻘﻼﻭﺓ ﺟﻮﻋﺎﻧﺔ ﺗﻐﺪﻳﺖ ﻣﻦ ﺳﺎﻋﺔ ١١ ﻭﻧﺺ ﺍﻟﻈﻬﺮ ﻭﺍﻧﻪ ﻋﻠﻰ ﻟﺤﻢ ﺑﻄﻨﻲ ..

_ ﺭﻭﺣﻲ ﻟﻬﻨﺎﻙ ﻫﻢ ﺟﺒﺘﻠﻜﻢ ﻣﺎﻧﺴﻴﺘﻜﻢ .

_ ﻻ ﺍﻧﻪ ﺍﺭﻳﺪ ﻣﻦ ﻫﺎﻱ ....

ﺿﺮﺑﻨﻲ ﻋﻠﻰ ﺭﺍﺳﻲ ﺑﺨﻔﺔ ﻭﻳﻀﺤﻚ ﻻﺗﻠﺤﻴﻦ ﻭﻟﺞ ﻫﺎﻱ ﻟﻮﺭﺩﺓ ﻣﺎﻳﻨﺠﺎﺱ ﻣﻨﻬﺎ ﻭﻻ ﺷﻮﻳﻪ ..

ﺑﺮﻃﻤﺖ ﺍﻱ ﺍﻱ ﺍﻡ ﺑﻄﻦ ﻣﺪﻟﻠﺔ ..

ﻛﺎﻝ ﻓﺪﻳﺘﻬﺎ ﺍﺧﺨﺨﺦ ، ﻭﺑﻌﺪﻳﻦ ﺍﻧﺖ ﻣﻦ ﻳﻤﺘﻪ ﺗﺤﺒﻴﻦ ﺍﻻﻛﻞ ﺷﻮ ﺗﻌﻴﺒﻴﻦ ﻋﻠﻰ ﻭﺭﺩﺓ ﻫﺴﻪ ﺗﺘﻌﺎﺭﻛﻴﻦ ﻋﻠﻰ ﺍﻛﻠﻬﺎ ...

ﺍﻣﻲ ﻛﺎﻋﺪﺓ ﻭﺗﻀﺤﻚ ﻋﻠﻴﻨﺎ

ﺩﻧﻜﺖ ﺍﺧﺬﻳﺖ ﺍﻟﻌﻼﻟﻴﻚ ﺍﻟﻲ ﺑﺎﻟﻜﺎﻉ ﻭﺟﺎﻭﺑﺘﻪ ﻏﻴﺮ ﻋﻠﻤﻮﺩﻙ ﺍﺭﻳﺪﻫﺎ ﺗﻀﻌﻒ ﺣﺘﻰ ﺗﺼﻴﺮ ﺣﻠﻮﺓ

_ ﺍﻧﻪ ﺍﺭﻳﺪﻫﺎ ﻫﻴﺞ ﺍﻧﺖ ﻻﺗﺸﻐﻠﻴﻦ ﺑﺎﻟﺞ ..

ﺍﻣﻲ ﻛﺎﻟﺖ ﺍﻟﻘﺎﺿﻲ ﺭﺍﺿﻲ ﺍﻧﺘﻲ ﺷﻌﻠﻴﺞ ؟

_ ﺍﻱ ﺻﺪﻙ ﺍﺫﺍ ﺗﺰﻭﺟﺘﻬﺎ ﺧﻠﻴﻬﺎ ﺗﻜﻤﻞ ﺩﺭﺍﺳﺘﻬﺎ ﺧﻄﻴﺔ ﺧﺎﻟﻲ ﻛﺎﻳﻠﻠﻬﺎ ﺗﺤﻠﻤﻴﻦ ﺗﻄﺒﻴﻦ ﻛﻠﻴﺔ ..

_ ﺍﻱ ﺍﻱ ﻃﺒﻌﺎ ﻛﻠﺸﻲ ﺗﺮﻳﺪﻩ ﻳﺠﺮﺍﻟﻬﺎ ﻫﻴﻪ ﺑﺲ ﺧﻠﻲ ﺗﺼﻴﺮ ﺍﻟﻲ ..

ﻣﺸﻴﺖ ﺻﻮﺏ ﺍﻟﻤﻄﺒﺦ ﺑﺎﻟﻌﻼﻟﻴﻚ ﻭﻛﺘﻠﻪ ﺍﻥ ﺷﺎﺀﺍﻟﻠﻪ ﻭﻇﻠﻮﺍ ﻳﺤﺠﻮﻥ ﻫﻮ ﻭﺍﻣﻲ ﻭﺍﻧﻪ ﺧﻠﻴﺖ ﺍﻻﻛﻞ ﻉ ﺍﻟﻄﺎﻭﻟﺔ

ﻭﻇﻠﻴﺖ ﺍﻃﻠﻌﻪ ﻣﻦ ﺍﻟﻌﻼﻟﻴﻚ ﺟﺎﻳﺐ ﻣﺸﺎﻭﻱ ﻭﺑﻘﻼﻭﺓ

ﺭﺣﺖ ﺍﻟﻬﻢ ﺑﺎﻟﻬﻮﻝ ﻳﻠﻠﻪ ﺻﻠﻮﻭﺍ ﺣﺘﻰ ﻧﺘﻌﺸﻪ ..

_ ﺍﻱ ﻭﺍﻟﻠﻪ ﺣﺘﻰ ﻧﺘﻌﺸﻪ ﻭﻧﻄﻠﻊ ﻟﺒﻴﺖ ﺧﺎﻟﻲ ﺑﺴﺮﻋﺔ

_ ﺍﻱ ﻣﺴﺘﻌﺠﻞ ﻋﻠﻰ ﺷﻮﻓﺔ ﺳﺖ ﻭﺭﺩﺓ ﻣﻮ ؟

_ ﻫﻴﻪ ﻏﻴﺮ ﺷﻮﻓﺘﻬﺎ ﺗﺮﺩ ﺍﻟﺮﻭﺡ ..

ﻛﺎﻟﺖ ﺍﻣﻲ ﺍﻧﻪ ﻣﺘﻮﺿﻴﻪ ﺑﺲ ﺍﺻﻠﻲ ..

ﻭﺣﺎﺯﻡ ﺷﻜﻞ ﺭﺩﺍﻧﺎﺗﻪ ﻭﺭﺍﺡ ﻳﺘﻮﺿﻰ ﺑﺎﻟﻤﻐﺴﻠﺔ

ﺷﻜﻠﻪ ﻓﺮﺣﺎﻥ ﺩﻋﻴﺖ ﺍﻟﻠﻪ ﻛﻮﻥ ﺗﺼﻴﺮ ﺍﻟﻪ ﻻﻥ ﺻﺪﻙ ﻳﺤﺒﻬﺎ ﻭﻫﻴﻪ ﻫﻢ ﺗﺤﺒﻪ ..

ﻭﺍﻧﻪ ﻫﻢ ﺗﺎﻧﻴﺘﻪ ﻳﺘﻮﺿﻰ ﺧﻠﺺ ﻭﺗﻮﺿﻴﺖ ﻭﺭﺍﻩ ﻭﺻﻠﻴﻨﺎ

ﺑﺎﻟﻬﻮﻝ ﻫﻮ ﻳﺘﻘﺪﻣﻨﺎ ﻭﺍﺣﻨﺎ ﻭﺭﺍﻩ ..

ﺧﻠﺼﻨﺎ ﻭﺗﻌﺸﻴﻨﺎ ﻟﻤﻴﺖ ﺍﻟﺴﻔﺮﺓ ﻭﻏﺴﻠﺖ ﺍﺍﻟﻤﻮﺍﻋﻴﻦ ﻭﺣﺎﺯﻡ ﻛﻠﺴﺎﻉ ﻭﺻﺎﺡ ﻭﻟﺞ ﻳﻠﻪ ﻣﻴﺴﻤﻪ ﺭﺍﺡ ﻧﺘﺄﺧﺮ

ﺟﺎﻭﺑﺘﻪ ﻣﻦ ﺍﻟﻤﻄﺒﺦ ﺻﺒﺮ ﺷﻮﻳﻪ ﺻﺒﺮ ﻣﺎﻃﺎﻳﺮﺓ ﻭﺭﺩﺓ ﺍﻟﻬﻮﺍﻳﺶ ﻣﺎﺗﻄﻴﺮ ..

ﺍﺟﺖ ﺍﻣﻲ ﻛﺮﺻﺘﻨﻲ ﻭﻟﺞ ﻳﻤﻪ ﻛﺎﻓﻲ ﻻﺗﺤﺠﻴﻦ ﻋﻠﻴﻬﺎ ﻛﺪﺍﻣﻪ ﻻﻋﺒﺎﻟﺞ ﻣﺎﻳﻀﻮﺝ ﺑﺲ ﻣﺎﻳﺤﺐ ﻳﺰﻋﻠﺞ ﻭﻻﻧﻮﺏ ﺗﺼﻴﺮﻳﻦ ﻣﺜﻠﻬﺎ ..

ﻫﻮ ﺟﻨﻪ ﺳﻤﻌﻨﻪ ﻭﺍﺟﻪ ﻛﺎﻝ ﻳﻤﻪ ﺧﻞ ﺗﺤﺠﻲ ﻣﻨﺎ ﻟﺒﺎﺟﺮ

ﺍﻧﻪ ﻣﺎﺷﻮﻑ ﻭﺭﺩﺓ ﺑﻌﻴﻮﻧﻲ ﺍﺷﻮﻓﻬﺎ ﺑﻜﻠﺒﻲ ..

ﺑﺎﻭﻋﺖ ﻻﻣﻲ ﻫﺎ ﻳﻤﻪ ﺷﻔﺘﻲ ﺍﺛﻨﻴﻨﻬﻢ ﻣﺎﻳﺤﺴﻮﻥ ﻓﺮ ﺍﻟﺠﺪﺭ ﻭﻟﻜﻰ ﻗﺒﻘﻪ ..

ﻛﺎﻟﺖ ﺍﻣﻲ ﺍﻟﻠﻪ ﻳﺠﻤﻌﻬﻢ ﺑﺎﻟﺤﻼﻝ ﻭﺍﻟﻠﻪ ﻳﺴﻌﺪﻫﻢ ..

ﻫﻮ ﺭﻓﻊ ﺍﻳﺪﻩ ﻟﻠﺴﻤﺎ ﻭﻛﺎﻝ ﺍﻣﻴﻴﻴﻴﻦ ، ﻣﻦ ﻛﻞ ﻗﻠﺒﻪ ..

ﺍﻣﻲ ﺧﻠﺖ ﺍﻳﺪﻫﺎ ﻋﻠﻰ ﻛﺘﻔﻪ ﺗﺮﺑﺖ ﻋﻠﻴﻪ ﺑﺎﻃﻤﺄﻧﺎﻥ ..

ﻭﺍﻧﻪ ﺍﺭﻳﺪ ﺍﻃﻠﻊ ﻣﻦ ﺍﻟﻤﻄﺒﺦ ..

ﻫﻮ ﻛﺎﻝ ﻳﻮﻡ ﺍﻻﻟﺞ ﻭﻭﺍﺣﺪ ﻳﺸﻮﻓﺞ ﺑﻜﻠﺒﻪ ...

ﻛﺘﻠﻪ ﺍﻛﻮ ﻣﻦ ﻳﺸﻮﻓﻨﻲ ﺑﺴﻨﻮﻧﻪ ﻳﺮﻳﺪ ﻳﻜﻄﻌﻨﻲ

ﺍﻧﺪﺍﺭﺕ ﻋﻠﻴﻪ ﺍﻣﻲ ﻛﺎﻟﺖ ﻫﺬﺍ ﻣﻨﻮ ؟

ﻋﻴﺎﺵ ﻋﻴﺎﺵ ﻣﻨﻮ ﻏﻴﺮﻩ

ﻧﺠﻮﻡ ﺍﻟﺴﻤﺎ ﺍﻛﺮﺑﻠﻪ ﻣﻨﺞ ﻣﺎﻳﺎﺧﺬﺝ ﻃﻮﻭﻝ ﻣﺎ ﺍﻧﻪ ﻋﺎﻳﺸﺔ

ﻳﻠﻮﺡ ﺍﻟﺴﻤﺎ ﻭﻻ ﻳﻠﻮﺣﺞ ..

ﺟﺎﻭﺑﺘﻬﺎ ﻣﻦ ﻣﻜﺎﻧﻲ ﻳﻢ ﺍﻟﺒﺎﺏ ﻳﻤﻪ ﺍﻧﻪ ﻭﻋﺪﺕ ﺍﺑﻮﻱ ﻭﻣﺎﻛﺪﺭ ﺍﺧﻠﻒ ﻭﻋﺪﻱ ﻳﺰﻋﻞ ﻋﻠﻴﻪ ....

ﻟﻌﺪ ﺗﺮﺩﻳﻨﻨﻲ ﺍﻧﻪ ﺍﺯﻋﻞ ﻋﻠﻴﺞ ﻭﻟﺞ ﻣﻴﺴﻢ؟ ﺍﺣﺠﻲ ﺣﺎﺯﻡ ﺍﺣﺠﻲ ﺍﺭﻳﺪﻙ ﺗﻮﻋﺪﻧﻲ ﻣﺎﺗﺨﻠﻲ ﻋﻴﺎﺵ ﻳﺎﺧﺬﻫﻪ ..

ﺣﺎﺯﻡ ؛ - ﻫﻴﻪ ﺑﺲ ﺧﻞ ﺗﺤﺠﻲ ﻭﺗﻜﻮﻝ ﻣﺎﺭﻳﺪﻩ ﻭﺍﻧﻪ ﻣﺎ ﺍﺗﺨﻠﻰ ﻋﻨﻬﺎ ﻭﻣﺤﺪ ﻳﻜﺪﺭ ﻳﺠﺒﺮﻫﺎ ..

ﻣﻴﺴﻢ ؛ - ﻫﺴﻪ ﻋﻮﻓﻮﻧﻲ ﺍﻧﻪ ﻭﺧﻠﻮﻧﻪ ﺳﺎﻟﻔﺘﻲ ﻣﻄﻮﻟﺔ ﻣﺒﻴﻦ ﺍﺭﻭﺡ ﺍﺑﺪﻝ ﻻ ﻧﺘﻌﻄﻞ ..

ﺣﺠﻴﺖ ﻫﻴﺞ ﻭﻃﻠﻌﺖ ﺭﺃﺳﺎ ﻛﻠﺶ ﻳﻀﻮﺟﻨﻲ ﻫﺬﺍ ﺍﻟﻤﻮﺿﻮﻉ ..

ﺭﺣﺖ ﺑﺪﻟﺖ ﻭﻟﺒﺴﺖ ﻋﺒﺎﻳﺘﻲ ﻭﻧﺰﻟﺖ ﺟﻮﺍ ﺷﻔﺘﻬﻢ ﻳﻨﺘﻈﺮﻭﻧﻲ ، ﻗﻔﻠﻨﺎ ﺍﻟﺒﻴﺒﺎﻥ ﺍﻟﺪﺍﺧﻠﻴﻪ ﻭﻃﻠﻌﻨﺎ ﻗﻔﻠﻨﺎ ﺑﺎﺏ ﺍﻟﺸﺎﺭﻉ ﻭﺗﻮﺟﻬﻨﺎ ﻟﺒﻴﺖ ﺧﺎﻟﻲ ، ﻫﻮ ﻗﺮﻳﺐ ﻛﻠﺶ ﻋﻠﻴﻨﺎ ﻣﺴﺎﻓﺔ ١٠ ﺩﻗﺎﻳﻖ ﻣﺸﻲ ..

ﻭﺻﻠﻨﺎﻟﻬﻢ ﺩﻛﻴﻨﻪ ﺍﻟﺒﺎﺏ ﻃﻠﻌﻠﻨﺎ ﺍﺑﻦ ﺧﺎﻟﻲ ﻓﻮﺗﻨﺎ ﺟﻮﺍ

ﻭﺩﺧﻞ ﻛﺪﺍﻣﻨﻪ ﻓﺘﺢ ﺍﻟﻨﺎ ﺑﺎﺏ ﺍﻻﺳﺘﻘﺒﺎﻝ ﻣﺎﻟﺘﻬﻢ

ﺩﺧﻠﻨﺎ ﻣﺤﺪ ﺟﺎﻥ ﻛﺎﻋﺪ ﺑﻲ ، ﻭﺭﺍ ﺷﻮﻳﻪ ﻛﺎﻝ ﺗﻌﺎﻟﻮﺍ ﺍﺑﻮﻱ ﺑﺎﻟﻬﻮﻝ ..

ﻛﻤﻨﺎ ﻭﻃﺒﻴﻨﺎ ﺑﺎﻟﻬﻮﻝ ﺧﺎﻟﻲ ﺟﺎﻥ ﻛﺎﻋﺪ ﻭﻻ ﻛﺎﻡ ﻻﺑﺲ ﺩﺷﺪﺍﺷﺔ ﻭﻣﺪﺩ ﺭﺟﻞ ﻭﺣﺪﺓ ﻭﺍﻟﺜﺎﻧﻴﺔ ﻣﺜﻨﻴﻬﻪ ﻭﻣﻨﺘﺠﻲ ﻉ ﺍﻟﺘﻜﻴﺔ ﻣﺎﻟﺔ ﺍﻟﻜﻌﺪﺓ ﺍﻻﺭﺿﻴﺔ ..

ﻧﺎﻓﺦ ﺭﻭﺣﻪ ﻛﻠﺶ ، ﺣﺎﺯﻡ ﺩﻧﻚ ﻋﻠﻴﻪ ﻭﺑﺎﺳﻪ ﻭﻫﻮ ﻣﻦ ﻭﺭﺍ ﺧﺸﻤﻪ ﺭﺩ ﻋﻠﻴﻪ ﻫﻼ ﺑﻴﻚ ﺧﺎﻟﻲ ﻫﻼ ..

ﺍﻧﻪ ﻭﺍﻣﻲ ﻣﻦ ﺷﻔﻨﺎﻩ ﻫﻴﺞ ﻛﻠﻨﻪ ﺍﻟﺴﻼﻡ ﻋﻠﻴﻜﻢ ﻭﻛﻌﺪﻧﺎ

....

ﺍﺟﺖ ﻣﺮﺗﻪ ﻭﺑﻨﺎﺗﻪ ﻭﺭﺩﺓ ﻭﺳﺠﻰ ﻭﺳﻤﻴﺤﺔ ﻭﻭﻳﺎﻫﻪ ﻣﻬﻨﺪ ﺳﻠﻤﻮﺍ ﻋﻠﻴﻨﺎ ﻭﺭﺩﺓ ﺍﻭﻝ ﻣﺎﺩﺧﻠﺖ ﻋﻴﻨﻬﺎ ﻋﻠﻰ ﺣﺎﺯﻡ ﺗﺒﺎﻭﻋﻠﻪ ﺑﺤﺐ ﻭﺷﻐﻒ ﻭﻫﻮ ﻛﻮﻭﺓ ﻻﺯﻡ ﺭﻭﺣﻪ ﻣﺎﻳﺒﺎﻭﻉ ﻋﻠﻴﻬﺎ ﻻﻥ ﺍﺑﻮﻫﺎ ﻭﺍﺧﻮﺍﻧﻬﺎ ﻛﻠﻬﻢ ﻛﺎﻋﺪﻳﻦ ...

ﻣﻬﻨﺪ ﺍﺟﻪ ﻛﻌﺪ ﺑﺤﻀﻨﻲ ﺭﺃﺳﺎ ، ﺍﻣﻲ ﻇﻠﺖ ﺗﺒﺎﻭﻋﻠﻲ

ﺑﺲ ﻫﻮ ﻃﻔﻞ ﻣﺎﻳﻔﻬﻢ ﺣﻀﻨﺘﻪ ﻭﺑﺴﺘﻪ ﺣﻴﻴﻞ ﻣﻦ ﺧﺪﻩ ..

ﺍﻣﻲ ﺳﺎﻟﺘﻬﻢ ﻋﻠﻰ ﺑﻴﺒﻴﺘﻲ ﻛﺎﻟﻮ ﺍﺑﻴﺖ ﺧﺎﻟﻲ ﻓﺎﺋﻖ ..

ﺑﻌﺪﻫﺎ ﺭﺣﺖ ﺍﻧﻪ ﻭﻭﺭﺩﺓ ﻟﻐﺮﻓﺘﻬﺎ ﻭﺍﻧﻄﻴﺘﻬﺎ ﺍﻟﺤﻠﻮﻳﺎﺕ ﺍﻟﻲ ﺟﺎﺑﻬﻦ ﺍﻟﻬﺎ ﺣﺎﺯﻡ ، ﺧﻠﺘﻬﻦ ﻋﻠﻰ ﻗﻠﺒﻬﺎ ﻭﻛﺎﻟﺖ ﺍﻭﻭﻓﻴﻴﻴﺶ ﻳﺎﺭﻳﺤﺔ ﺍﻟﺤﺐ ..

ﻛﺘﻠﻬﺎ ﺍﻻﻛﻞ ﻟﻮ ﺣﺎﺯﻡ

ﺩﻓﻌﺘﻨﻲ ﺑﻴﺪﻫﺎ ﺍﺧﺘﻞ ﺗﻮﺍﺯﻧﻲ ﻛﻠﻪ ، ﻟﺰﻣﺖ ﺯﻧﺪﻱ ﺍﻟﻲ ﺩﻓﻌﺘﻨﻲ ﻣﻨﻪ ﻣﺘﻮﺟﻌﻪ

ﻫﻴﻪ ﻛﺎﻟﺖ ﺍﺛﻨﻴﻨﻬﻢ ...

ﻭﺍﻧﻪ ﺣﺠﻴﺖ ﻣﺘﺄﻟﻤﺔ ﺍﺧﺨﺦ ﻣﻦ ﻫﻴﺞ ﺍﺭﻳﺪﺝ ﺗﻀﻌﻔﻴﻦ ﺣﺘﻰ ﺍﻟﻠﻪ ﻳﻔﻜﻨﻲ ﻣﻦ ﺩﻓﻌﺎﺗﺞ ..

ﻛﺘﻠﻬﺎ ﻳﻠﻠﻪ ﺍﻣﺸﻲ ﻧﻜﻌﺪ ﻳﻤﻬﻢ ﺭﺍﺡ ﻳﺨﻄﺒﻮﻧﺞ

ﻃﻠﻌﺖ ﺗﺮﻛﺾ ﻛﺒﻠﻲ ﻭﺑﻴﺪﻫﻪ ﺍﻟﻌﻼﻛﺔ

ﺟﺮﻳﺘﻬﺎ ﻣﻦ ﻫﺪﻭﻣﻬﺎ ﻣﻦ ﻭﺭﺍ ﻛﻮﺓ ﺭﺟﻌﺖ

ﻭﻟﺞ ﺍﻟﻌﻼﻛﺔ ﺧﻠﻴﻬﺎ ﻫﻨﺎ ﺷﻴﻜﻮﻟﻮﻥ ﻫﺴﻪ

ﺿﺮﺑﺘﻨﻲ ﻋﻠﻰ ﺭﺍﺳﻲ ﻛﺎﻟﺖ ﻧﺴﻴﺖ

ﻟﺰﻣﺖ ﺭﺍﺳﻲ ﺍﺧﺨﺦ ﺍﻟﻠﻪ ﺭﺍﺳﻲ ﺍﻟﻠﻪ ﻳﻌﻴﻨﻚ ﻳﺎﺧﻮﻳﻪ ..

ﻃﻠﻌﻨﺎ ﻛﻌﺪﺕ ﻳﻢ ﺍﻣﻲ ﻭﺣﺎﺯﻡ ، ﺧﺎﻟﻲ ﺳﺎﻛﺖ ﻭﺑﺲ ﻳﺪﺧﻦ

ﻭﺍﻣﻲ ﻭﻣﺮﺓ ﺧﺎﻟﻲ ﻳﺴﻮﻟﻔﻮﻥ

ﻭﺣﺎﺯﻡ ﻳﺴﻮﻟﻒ ﻭﻳﺎ ﺍﻭﻻﺩ ﺧﺎﻟﻲ ..

ﺿﻠﻮ ﺍﻣﻲ ﻭﺣﺎﺯﻡ ﻳﺘﻬﺎﻣﺴﻮﻥ ﻫﻮ ﻳﻜﻠﻠﻬﺎ ﻳﻤﻪ ﺍﺣﺠﻲ ﺍﻧﺘﻲ

ﺍﻧﻪ ﻣﺴﺘﺤﻲ ، ﻫﻴﻪ ﺗﻜﻠﻪ ﻣﺎﺗﺸﻮﻓﻪ ﺷﻠﻮﻥ ﻣﻄﻨﻜﺮ ﺍﻧﺖ ﺍﺣﺠﻲ ﺧﺎﻑ ﻳﻔﺸﻠﻨﻲ ..

ﺧﺎﻟﻲ ﺳﻤﻌﻬﻢ ﺍﺧﺬﻟﻪ ﻧﻔﺲ ﻣﻦ ﺍﻟﺠﻜﺎﺭﺓ ﻭﺣﺠﻪ ﺑﻨﺒﺮﺓ ﻣﺘﻌﺠﺮﻓﺔ ﻭﺑﺘﺴﺎﺅﻝ ؛ - ﺍﻱ ﺣﺎﺯﻡ ﺍﻟﻴﻮﻡ ﺫﺍﻛﺮﻧﺎ ﻭﺟﺎﻱ ﺧﻴﺮ ﺍﻥ ﺷﺎﺀﺍﻟﻠﻪ ؟

ﺣﺎﺯﻡ ﻛﺢ ﻭﺟﺎﻭﺑﻪ ؛ - ﻭﺍﻟﻠﻪ ﺧﺎﻟﻲ ﺍﻧﻪ ﺟﻴﺘﻚ ﺍﺭﻳﺪ ﺍﺧﻄﺐ ﻣﻨﻚ ﺑﺘﻚ ﺍﻟﻤﺤﺮﻭﺳﺔ ﻭﺭﺩﺓ ..

ﺳﺎﺩ ﺍﻟﺼﻤﺖ ﻟﺤﻈﺎﺕ ﻇﻞ ﺧﺎﻟﻲ ﻳﺒﺎﻭﻉ ﻋﻠﻴﻪ ﻭﻋﻠﻰ ﻭﺭﺩﺓ

ﻛﺎﻟﻠﻬﺎ ﻭﺭﻳﺪﺓ ﻛﻮﻣﻲ ﻛﻌﺪﻱ ﻳﻢ ﺍﻣﺞ

ﻻﻥ ﻫﻴﻪ ﺟﺎﻧﺖ ﻛﺎﻋﺪﺓ ﻳﻢ ﺍﺧﻮﺍﺗﻬﺎ ﻣﻘﺎﺑﻴﻞ ﺣﺎﺯﻡ ﻭﻛﻠﺴﺎﻉ ﻳﺒﻮﻛﻮﻥ ﺍﻟﻨﻈﺮﺍﺕ ﻭﻳﺒﺎﻭﻋﻮﻥ ﺑﻌﻴﻮﻥ ﺑﻌﺾ ..

ﻛﺎﻣﺖ ﻭﺭﺩﺓ ﺗﻤﺸﻲ ﻣﺜﻞ ﺍﻟﺪﺑﺎﺑﺔ ﻭﺭﺍﺣﺖ ﻛﻌﺪﺕ ﻳﻢ ﺍﻣﻬﺎ ﺑﺲ ﺍﻟﻀﺤﻜﺔ ﻣﺎﻓﺎﺭﻛﺖ ﻣﺤﻴﺎﻫﻪ ، ﺣﺎﺯﻡ ﺩﻧﻚ ﺧﺠﻼﻥ ﻳﺤﻚ ﺑﺸﻌﺮﻩ ﻭﻳﺤﺮﻙ ﺍﻳﺪﻩ ﻋﻠﻰ ﻟﺤﻴﺘﻪ ...

ﺧﺎﻟﻲ ﺑﺒﺮﻭﺩ ﻛﺎﻝ ؛ - ﺍﻱ ﺷﻮ ﺟﺎﻱ ﻭﺣﺪﻙ ﺍﺑﻮﻙ ﻭﻳﻦ ﺷﻨﻮ ﻣﻮ ﺑﻌﻴﻨﻪ ﺍﺣﻨﻪ ؟

_ ﻻ ﺧﺎﻟﻲ ﻉ ﺍﻟﺮﺍﺱ ﺍﻧﺘﻪ ﻭﺍﻟﻠﻪ ﺑﺲ ﺟﺎﻱ ﺍﺧﺬ ﺭﺍﻳﻚ ﺑﺎﻟﺒﺪﺍﻳﺔ ﺍﺫﺍ ﻣﻮﺍﻓﻖ ﻣﻦ ﺑﺎﺟﺮ ﺍﺟﻴﺐ ﺍﺑﻮﻱ ﻭﻫﻮ ﻣﺎﻛﺎﻝ ﺷﻲ ﻫﻢ ﻛﺘﻠﻪ ﺍﻧﻪ ﻭﻛﺎﻝ ﺍﻭﻝ ﺷﻲ ﺷﻮﻑ ﺧﺎﻟﻚ ..

ﺧﺎﻟﻲ ﻳﺤﻚ ﺑﻠﺤﻴﺘﻪ ﻭﻣﺴﻮﻱ ﺭﻭﺣﻪ ﺻﺎﻓﻦ

ﻛﺎﻝ ﻫﺎﺍﺍﺍ .. ﻃﻮﻳﻠﺔ ﻛﻠﺶ ﻭﺭﺟﻊ ﺟﺴﻤﻪ ﺣﻂ ﻛﻄﻒ ﺍﻟﺠﻜﺎﺭﺓ ﺑﺎﻟﻨﻔﺎﺿﺔ ﺍﻟﻲ ﻛﺪﺍﻣﻪ ﻭﻋﺪﻝ ﻛﻌﺪﺗﻪ ﻭﻳﺒﺎﻭﻉ ﻻﻣﻲ ﺑﻨﻈﺮﺍﺕ ﺣﻘﺪ ، ﺍﻣﻲ ﺧﻄﻴﺔ ﺩﻧﻜﺖ ﻣﻘﻬﻮﺭﺓ ....

_ ﻭﺍﻟﻠﻪ ﻳﺎ ﺣﺎﺯﻡ ﺍﺟﻴﺖ ﻣﺘﺄﺧﺮ ، ﻻﻥ ﻛﺒﻞ ﻓﺘﺮﺓ ﺍﻡ ﺣﻴﺪﺭ ﻋﻤﺔ ﻓﻴﺾ ﺍﺧﺖ ﺍﺑﻮ ﺍﻟﻲ ﻣﺮﺑﻴﺘﻪ ، ﺷﺎﻓﺘﻨﻲ ﺑﺎﻟﺴﻮﻙ ﻭﺳﻠﻤﺖ ﻋﻠﻴﻪ ﺳﻼﻡ ﺣﺎﺭ ﻭﻛﻠﺘﻠﻲ ﻓﻴﺾ ﻳﺮﻳﺪ ﻳﺨﻄﺐ ﺑﺘﻚ ﻭﺭﺩﺓ ﻭﺍﻧﻪ ﻋﻼﻗﺘﻲ ﺑﻴﻬﻢ ﺯﻳﻨﺔ ﻋﻤﺎﻡ ﻓﻴﺾ ﻭﻣﺎﺣﺐ ﺍﻓﺸﻠﻬﻢ

ﻇﻞ ﺣﺎﺯﻡ ﻳﺒﺎﻭﻉ ﻟﺨﺎﻟﻲ ﻣﺼﺪﻭﻡ ﻭﻳﺮﺟﻊ ﻧﻈﺮﻩ ﻋﻠﻰ ﺍﻣﻪ ﺑﺘﺴﺎﺅﻝ ﻭﻭﻳﺎﻩ ﺍﻟﻜﺜﻴﺮ ﻣﻦ ﺍﻟﺬﻫﻮﻝ ...

ﺣﺠﺖ ﺍﻣﻲ ؛ - ﺍﻱ ﺑﺲ ﺍﻧﻪ ﻓﻴﺾ ﻣﻦ ﻛﺎﻟﻲ ﻛﺘﻠﻪ ﺣﺎﺯﻡ ﻣﺤﺎﺟﻴﻨﻲ ﻋﻠﻴﻬﺎ ﻗﺒﻠﻚ ﺳﻜﺖ ﻓﻴﺾ ﻭﻣﺎﻋﺎﺩ ﻓﺘﺢ ﺍﻟﻤﻮﺿﻮﻉ ﻭﺑﻌﺪﻳﻦ ﻫﻴﻪ ﺑﻜﻴﻔﻬﺎ ﺍﻟﺒﻨﻴﺔ ﻻﻥ ﻫﻴﻪ ﺍﻟﻲ ﺭﺍﺡ ﺗﺘﺰﻭﺝ ..

ﺍﻧﺘﻔﺾ ﺧﺎﻟﻲ ﻣﻦ ﻣﻜﺎﻧﻪ ﺑﻌﺼﺒﻴﺔ ﻭﻫﻮ ﻛﺎﻋﺪ

ﻛﺎﻝ ﺧﻞ ﺗﺎﻛﻞ ﺗﺒﻦ ﻣﻮ ﺑﻜﻴﻔﻬﺎ ﺑﻜﻴﻔﻲ ﺍﻧﻪ ﻫﻴﻪ ﺷﻨﻮ ﻭﺑﻴﺶ ﺍﻟﻜﻴﻠﻮﻭ ..

ﺳﻜﺘﻨﺎ ﻛﻠﻨﺎ ﻭﺣﺎﺯﻡ ﻋﺼﺐ ﻣﺪﻧﻚ ﻭﺑﺲ ﻳﻌﺼﺮ ﺑﺎﺻﺎﺑﻌﻪ ﻭﻳﻄﻜﻄﻚ ﺑﻴﻬﻦ ..

ﺑﻌﺪ ﻟﺤﻈﺎﺕ ﻣﻦ ﺍﻟﺼﻤﺖ ﻭﺗﺠﻮﻝ ﺍﻟﻨﻈﺮﺍﺕ ﺑﻜﻞ ﺍﻻﺭﺟﺎﺀ

ﺗﻜﻠﻢ ﺧﺎﻟﻲ ﻭﻫﻮ ﻳﺤﻚ ﺑﻠﺤﻴﻪ ﺑﺤﻴﻠﻪ ﻭﻣﻜﺮ ؛ - ﺍﻧﻪ ﺍﻗﺒﻞ ﺑﻴﻚ ﻭﺍﻧﻄﻴﻚ ﻭﺭﺩﺓ ﺑﺲ ﻋﻨﺪﻱ ﺷﺮﻭﻁ ﻗﺒﻠﻬﺎ ﻧﻔﺬﻫﻪ ﻭﺗﺪﻟﻞ ﻭﺍﺫﺍ ﻣﺎ ﻧﻔﺬﺗﻬﺎ ﻣﺎﻋﻨﺪﻱ ﻏﻴﺮ ﺧﻴﺎﺭ ﺍﻧﻄﻴﻬﺎ ﻟﻔﻴﺾ ﻻﻥ ﻋﻼﻗﺘﻲ ﺯﻳﻨﻪ ﺑﻌﻤﺎﻣﻪ ﻭﻫﻢ ﺧﻮﺵ ﻧﺎﺱ ﻭﻃﻴﺒﻴﻦ ..

ﺣﺎﺯﻡ ﻫﻤﺲ ﻭﺍﺣﻨﺎ ﺷﻨﻮ ﻛﻮﺍ ****

ﻛﺎﻟﻪ ﺧﺎﻟﻲ ﺷﻜﻠﺖ ؟

_ ﻣﺎﻛﻮ ﺷﻲ ﺧﺎﻟﻲ ﻛﻮﻝ ﻃﻠﺒﺎﺗﻚ ﺍﻭﺍﻣﺮ ﺍﻥ ﺷﺎﺀﺍﻟﻠﻪ ﺍﺫﺍ ﻣﻜﺪﻭﺭ ﻋﻠﻴﻬﺎ ﻧﻨﻔﺬﻫﺎ ﻟﻴﺶ ﻻ ...

ﺍﻣﻲ ؛ - ﺍﻱ ﺑﺲ ﻫﻴﺞ ﻣﻮ ﺯﻳﻦ ﻳﺎﺧﻮﻳﻪ ﺗﺴﻮﻱ ﻣﺸﺎﻛﻞ ﻭﻓﺮﻗﺔ ﻭﺿﻴﺠﺔ ﺧﻠﻚ ﺑﻴﻦ ﺍﻻﺧﻮﺓ ﺍﻧﻪ ﻣﺎﻋﻮﻟﺖ ﻋﻠﻰ ﺍﻟﻠﻪ ﺍﺟﻤﻌﻬﻢ ..

ﺧﺎﻟﻲ ﺭﻓﻊ ﺍﻳﺪﻳﻪ ﺑﺎﺳﺘﺴﻼﻡ ﻫﺬﺍ ﺍﻟﻌﻨﺪﻱ ..

ﺣﺎﺯﻡ ﺑﺎﻭﻉ ﻻﻣﻲ .. ﻭﻛﺎﻝ ﺧﻞ ﻧﺴﻤﻊ ﺍﻟﺸﺮﻭﻁ ﺑﻠﻠﻪ ..

ﺭﻓﻊ ﺍﻳﺪﻩ ﺧﺎﻟﻲ ﻭﺍﺷﺮ ﺑﺎﺻﺒﻊ ﺍﻟﺸﻬﺎﺩﺓ

ﺍﻭﻝ ﺷﻲ ﺗﺘﺒﺮﻯ ﻣﻦ ﺍﺑﻮﻙ ﻭﻣﻦ ﻋﻴﺎﺵ ﻭﺑﺎﻻﺧﺺ ﻋﻴﺎﺵ ﻫﺬﺍ ﺍﺗﻔﻞ ﻋﻠﻴﻪ ﻭﺍﺗﺒﺮﻯ ﻣﻨﻪ ..

ﺣﺎﺯﻡ ﻓﺘﺢ ﻋﻴﻮﻧﻪ ﻋﻠﻰ ﺍﻭﺳﻌﻬﺎ ﻣﻦ ﺍﻟﺼﺪﻣﺔ ﻟﺤﻈﺎﺕ ﻭﻛﺘﻒ ﺍﻳﺪﻩ ﻭﺍﻳﺪﻩ ﺍﻟﺜﺎﻧﻴﺔ ﺧﻼﻫﻪ ﺟﻮﻩ ﺣﻨﻜﻪ

ﻭﺗﻜﻠﻢ ﺑﻨﺒﺮﺓ ﺍﺳﺘﻬﺰﺍﺀ ﺍﻱ ﺑﻠﻠﻪ ﻛﻤﻞ ..

ﺷﻨﻮ ﻣﺒﻴﻦ ﻣﺎﻋﺎﺟﺒﻚ ﻭﻟﻚ ؟

ﻓﺘﺢ ﺍﻳﺪﻳﻨﻪ ﻭﺗﻜﻠﻢ ﺑﺘﺒﺮﻳﺮ ﻣﺼﻄﻨﻊ ﻭﺍﺳﺘﻬﺰﺍﺀ ﻣﺒﻄﻦ

_ ﻫﺴﻪ ﺍﻧﻪ ﻛﻠﺖ ﺷﻲ ﺟﺎﻱ ﺍﻛﻠﻚ ﻛﻤﻞ ..

ﻛﺎﻡ ﺧﺎﻟﻲ ﺳﺤﺐ ﺟﻜﺎﺭﺓ ﻣﻦ ﺑﺎﻛﻴﺖ ﺍﻟﺠﻜﺎﻳﺮ ﻭﻛﻤﻞ ﻛﻼﻡ

_ ﺍﻱ ﻭﺍﻣﻚ ﺗﻘﺒﻞ ﻧﺒﻴﻊ ﺍﻟﺒﻴﺖ ﻭﻧﺘﻘﺎﺳﻤﻪ ﻛﻠﻨﻪ ﻭﻣﻴﺴﻢ ﻣﺎﺗﺘﺰﻭﺝ ﻋﻴﺎﺵ ﻭﺍﻧﺖ ﺗﺠﻲ ﻫﻨﺎ ﺗﻜﻌﺪ ﺑﻤﻨﻄﻘﺘﻨﺎ ﺷﻮﻓﻠﻚ ﺑﻴﺖ ﻭﺍﻛﻌﺪ ﺑﻲ ﺑﻌﻴﺪ ﻋﻦ ﺑﻴﺖ ﺍﺑﻮﻙ ..

ﻛﺎﻡ ﺣﺎﺯﻡ ﻋﻠﻰ ﺣﻴﻠﻪ ﻣﻌﺼﺐ ؛ - ﺧﺎﻟﻲ ﻫﺎﻱ ﺷﺮﻭﻃﻚ ﻛﻠﻬﺎ ﺑﺎﻃﻠﺔ ﻭﻣﺎﻟﻬﺎ ﺩﺍﻋﻲ ﺷﻨﻮ ﺍﻧﻪ ﻧﻐﻞ ﺣﺘﻰ ﺍﺗﺒﺮﺃ ﻣﻦ ﺍﺑﻮﻱ ﺩﻛﻮﻝ ﻣﺎﺍﻧﻄﻴﻚ ﺍﻟﺒﻨﻴﺔ ﺷﻬﺎﻟﺤﺠﻲ ﺍﻟﺰﺍﻳﺪ ﻫﺬﺍ ..

ﻭﻛﻒ ﺧﺎﻟﻲ ﻋﻠﻰ ﺣﻴﻠﻪ ﻭﺻﻴﺢ ﺑﻮﺟﻬﻪ ﺍﻃﻠﻊ ﺑﺮﻩ ﻣﺎﻋﺪﻧﺎ ﺑﻨﺎﺕ ﻟﻠﺰﻭﺍﺝ ﻭﺑﻌﺪ ﻻﺗﻔﻜﺮ ﺗﺠﻲ ﺗﺨﻄﺒﻬﺎ ﻣﻨﻲ ﺗﺮﺓ ﻣﺎﻳﺤﺼﻠﻚ ﺧﻴﺮ ﺍﻓﺘﻬﻤﺖ ..

ﺣﺎﺯﻡ ﺑﺎﻭﻉ ﻋﻠﻰ ﺍﻣﻲ ﻭﻛﺎﻟﻠﻬﺎ ﻳﻠﻠﻪ ﻳﻤﻪ ﺍﻣﺸﻴﻨﻪ ﻳﻠﻠﻪ ﻣﻴﺴﻢ .. ﻃﻠﻌﻨﺎ ﻣﻦ ﺑﻴﺘﻬﻢ ﺧﺎﻃﺮﻧﻪ ﻣﺘﻜﺪﺭ ﻭﺿﺎﻳﺠﻴﻦ ..

ﻭﺍﺣﻨﻪ ﺟﺎﻱ ﻧﻤﺸﻲ ﻧﻄﻖ ﺣﺎﺯﻡ ﻭﺣﻨﺠﺮﺗﻪ ﺻﺪﺣﺖ ﺑﻨﺒﺮﺓ ﻣﻠﻴﺎﻧﺔ ﺍﻧﻜﺴﺎﺭ ﻭﺧﻴﺒﺔ ؛ - ﻳﻤﻪ ﺍﻧﺖ ﻟﻴﺶ ﻣﺎﻛﻠﺘﻴﻠﻲ ﻓﻴﺾ ﻣﺨﻠﻲ ﻋﻴﻨﻪ ﻋﻠﻰ ﻭﺭﺩﺓ ﻟﻴﺶ ﺿﻤﻴﺘﻲ ﻋﻨﻲ؟

ﺟﺎﻭﺑﺘﻪ ﺍﻣﻲ ﺑﺼﺪﻕ ؛ - ﻭﺍﻟﻠﻪ ﻳﺎ ﺍﻣﻲ ﻫﻴﻪ ﻣﺮﺓ ﻭﺣﺪﺓ ﻛﺎﻝ ﻫﻴﺞ ﻭﺭﺩﻳﺘﻪ ﺍﻧﻪ ﻛﺘﻠﻪ ﺍﺧﻮﻙ ﺭﺍﻳﺪﻫﺎ ﻭﻛﺒﻠﻚ ﻛﺎﻟﻲ ﺧﻄﻴﺔ ﺳﻜﺖ ﻭﺧﻄﻴﺔ ﺑﻌﺪ ﻣﺎﺟﺎﺏ ﺳﻴﺮﺓ ﻟﻠﻤﻮﺿﻮﻉ ..

ﻭﻛﻒ ﺣﺎﺯﻡ ﺑﻨﺺ ﺍﻟﺸﺎﺭﻉ ﺭﻓﻊ ﺍﻳﺪﻩ ﺑﺘﻬﺪﻳﺪ

ﻭﺍﻟﻠﻪ ﻳﻤﻪ ﺍﺫﺍ ﺻﺪﻙ ﺧﺎﻟﻲ ﺍﻧﻄﺎﻫﻪ ﻟﻔﻴﺾ ﺗﺼﻴﺮ ﻛﺎﺗﻞ ﻭﻣﻜﺘﻮﻝ ....

ﺍﻣﻲ ﺧﻠﺖ ﺍﻳﺪﻫﺎ ﻋﻠﻰ ﺣﻠﻜﻬﺎ ﻭﻛﺎﻟﺖ ﺑﻔﺰﻉ ﺻﺨﺎﻡ ﺍﻣﺸﻲ ﺍﻣﺸﻲ ﻟﻠﺒﻴﺖ ﻳﻤﻪ ﻣﻮ ﻫﻨﺎ ﻧﺤﺠﻲ ..

ﺟﺮﺗﻪ ﻣﻦ ﺍﻳﺪﻩ ﻭﺍﻧﻄﻠﻘﺖ ﺑﻲ ﻟﻠﺒﻴﺖ ﻭﺍﻧﻪ ﺍﻣﺸﻲ ﻭﺭﺍﻫﻢ ﻣﻘﻬﻮﺭﺓ .. ﻭﺍﺑﺎﻭﻉ ﻟﺤﺎﺯﻡ ﺧﻄﻮﺍﺗﻪ ﻭﻫﻴﺌﺘﻪ ﻛﻠﻬﺎ ﻳﺄﺱ ﻭﺍﻧﻜﺴﺎﺭ ..

ﺭﺟﻌﻨﺎ ﻟﻠﺒﻴﺖ ﻭﺻﻠﻨﺎ ﻳﻢ ﺍﻟﺒﺎﺏ ، ﺍﻧﺪﺍﺭ ﺣﺎﺯﻡ ﻳﺮﻳﺪ ﻳﺮﻭﺡ ﻟﺴﻴﺎﺭﺗﻪ ﺍﻣﻲ ﻣﺎﺧﻠﺘﻪ ﺳﺤﺒﺘﻪ ﻣﻦ ﺍﻳﺪﻩ

ﻛﺎﻟﺘﻠﻪ ﺍﺭﺗﺎﺡ ﺷﻮﻳﻪ ﺍﺷﺮﺏ ﻣﺎﻱ ﻭﺑﻌﺪﻳﻦ ﺭﻭﺡ

_ ﻳﻤﻪ ﻋﻮﻓﻴﻨﻲ ﺍﺭﻭﺡ ﺗﻌﺒﺎﻥ ﺍﺭﻳﺪ ﺍﻧﺎﻡ

_ ﻻ ﻣﺎﺗﺮﻭﺡ ﺍﻧﺖ ﻭﺣﺎﻟﺘﻚ ﻫﻴﺞ ، ﻫﺎﺝ ﻣﻴﺴﻢ ﺍﻟﻤﻔﺎﺗﻴﺢ ﻓﺘﺤﻲ ﺍﻟﺒﺎﺏ ..

ﺍﺧﺬﺕ ﺍﻟﻤﻔﺎﺗﻴﺢ ﻣﻨﻬﺎ ﻭﻓﺘﺤﺖ ﺍﻟﺒﺎﺏ ﺩﺧﻠﻨﺎ ﺟﻮﺓ

ﺍﻣﻲ ﻃﻠﺒﺖ ﻣﻨﻲ ﺍﺟﻴﺐ ﻣﺎﻱ ﻟﺤﺎﺯﻡ ، ﻭﻫﻴﻪ ﻛﻌﺪﺕ ﺗﺤﺠﻲ ﻭﻳﺎ ، ﺭﺣﺖ ﺟﺒﺖ ﺍﻟﻤﺎﻱ ﺍﻟﻪ ﺍﻧﻄﻴﺘﻪ ، ﺩﻙ ﻣﻮﺑﺎﻳﻠﻪ

ﺟﺎﻭﺏ ﻳﺤﺠﻲ ﻣﻬﻤﻮﻡ ﻭﺣﺰﻳﻦ ؛ - ﻫﺎ ﻳﻤﻪ ﺍﻱ ﻫﺴﻪ ﺟﺎﻱ ﻭﺍﺣﺠﻴﻠﺞ ﻛﻞ ﺷﻲ ﻳﻠﻪ ﺍﻟﻠﻪ ﻭﻳﺎﺝ ..

ﺳﺄﻟﺘﻪ ﺍﻣﻲ؛ - ﻫﺎﻱ ﺍﻟﺤﺠﻴﺔ ‏( ﻣﺮﺓ ﺍﻟﺸﻴﺦ ﻋﺰﺍﻡ ‏)

ﺟﺎﻭﺑﻬﺎ ﺍﻱ ﺍﻧﻪ ﻛﺘﻠﻬﺎ ﺍﻟﻴﻮﻡ ﺭﺍﻳﺢ ﺍﺧﻄﺐ ﻭﺭﺩﺓ ، ﻭﻫﺴﻪ ﺟﺎﻱ ﺗﺴﺄﻟﻨﻲ ﺷﺼﺎﺭ ﻣﺎ ﺻﺎﺭ ، ﺍﻟﺤﻤﺪﻟﻠﻪ ﻣﺎ ﺟﺒﺘﻬﺎ ﻭﻳﺎﻱ ﺟﺎﻥ ﻣﻦ ﺻﺪﻙ ﺗﻔﺸﻠﺖ ﻛﺪﺍﻣﻬﺎ ﻭﺟﺎﻥ ﺍﻟﻠﻪ ﻳﻌﻠﻢ ﺧﺎﻟﻲ ﺷﺤﺠﻰ ﺑﻌﺪ ﻛﺪﺍﻣﻬﺎ ..

ﻳﻠﻠﻪ ﺍﻧﻪ ﺍﺗﺮﺧﺺ ﺗﺎﺧﺮ ﺍﻟﻮﻗﺖ

ﺭﺍﺣﺖ ﻳﻤﻪ ﺍﻣﻲ ﺧﻠﺖ ﺍﻳﺪﻫﺎ ﻋﻠﻰ ﺯﻧﺪﻩ ﺑﺨﻮﻑ

ﻳﻤﻪ ﺩﻳﺮ ﺑﺎﻟﻚ ﻣﻦ ﺍﻟﺸﺎﺭﻉ ﻣﻮ ﺗﺴﻮﻕ ﺳﺮﻳﻊ

ﺍﺧﺬ ﺭﺍﺳﻬﺎ ﺑﺎﺳﻪ ﻭﻛﺎﻝ ﺗﺼﺒﺤﻮﻥ ﻋﻠﻰ ﺧﻴﺮ ﻭﻃﻠﻊ ..

ﺑﻘﻴﻨﻪ ﺍﻧﻪ ﻭﺍﻣﻲ ﻣﻠﺘﺰﻣﻴﻦ ﺍﻟﺼﻤﺖ ﻭﻭﺑﺲ ﻧﻔﻜﺮ ﻭﻣﻘﻬﻮﺭﻳﻦ ﻋﻠﻰ ﺣﺎﺯﻡ ﻭﻭﺭﺩﺓ ﻭﻛﺎﺿﻴﻨﻬﺎ ﺣﺴﺮﺍﺕ !

ﻭﺭﺍ ﺷﻮﻳﻪ ﺧﺎﺑﺮﺕ ﻭﺭﺩﺓ ﺗﺒﺠﻲ

ﻭﻟﺞ ﻣﻦ ﻃﻠﻌﺘﻮﺍ ﻟﻬﺴﻪ ﺍﻧﻪ ﻛﻮﺓ ﺣﺎﺑﺴﺔ ﺩﻣﻮﻋﻲ ﻻ ﺍﻧﻔﻀﺢ ﻣﻴﺔ ﺷﻐﻠﺔ ﻭﺻﺎﻧﻲ ﻋﻠﻴﻬﺎ ﺍﺑﻮﻱ ﻭﺑﺲ ﻳﺒﺎﻭﻋﻠﻲ ﻭﻳﺘﻔﺤﺼﻨﻲ ﺷﺎﻙ ﺑﺸﻲ ﺍﺑﻮﻱ ﺑﺲ ﻣﺎﻋﻨﺪﻩ ﺩﻟﻴﻞ

ﻭﺍﻧﻪ ﻧﺎﺭ ﻭﻣﺴﺘﻌﺮﺓ ﺑﺪﺍﺧﻠﻲ ﺳﻮﺩﺓ ﻋﻠﻴﻪ ﺣﺎﺯﻡ ﻟﻬﺴﻪ ﺻﻮﺗﻪ ﺑﺈﺫﻧﻲ ﻳﺼﺪﺡ ﻭﻧﺒﺮﺗﻪ ﺍﻟﻤﺒﺤﻮﺣﺔ ﺑﺎﻟﺤﺰﻥ ﻭﺍﻟﻌﺼﺒﻴﺔ ﻣﺤﺘﻠﺔ ﺍﺳﻤﺎﻋﻲ ﻭﻣﺎﺗﻔﺎﺭﻛﻬﺎ ﻛﻠﻴﻠﻲ ﺷﻠﻮﻧﻬﺎ ﺣﺎﻟﺘﻪ ..

_ ﺷﻠﻮﻧﻬﺎ ﺑﻌﺪ ﻋﺼﺐ ﻭﻇﻞ ﻳﺼﻴﺢ ﺑﺎﻟﺸﺎﺭﻉ ﻭﻛﻮﺓ ﺭﺟﻌﻨﺎﻩ ﻟﻠﺒﻴﺖ ﻭﻫﺴﻪ ﺭﺍﺡ ﻟﺒﻴﺖ ﺍﺑﻮﻱ ..

_ ﻋﻠﻴﺞ ﺍﻟﻠﻪ ﻣﻴﺴﻢ ﺧﺎﺑﺮﻱ ﻫﺴﻪ ﻭﻛﻠﻴﻠﻪ ﺍﻧﻪ ﻟﻠﻤﻮﺕ ﺍﻟﻪ ﻭﻣﺎ ﺍﻗﺒﻞ ﺑﻐﻴﺮﻩ ﺍﺑﻴﻊ ﺍﻟﺪﻧﻴﺎ ﻋﻠﻤﻮﺩﻩ ﺣﺒﺒﻴﺒﺔ ﻛﻠﻴﻠﻪ ﻫﻴﺞ ..

_ ﻭﻟﺞ ﺧﺎﻑ ﻧﺎﻡ ﻫﺴﻪ ..

_ ﻋﻔﻴﺔ ﺣﺎﻭﻟﻲ ﻣﺎﻛﺪﺭ ﺍﺧﺎﺑﺮﻩ ﺗﺪﺭﻳﻦ ﻛﻠﺶ ﺯﻳﻦ ﺍﻧﺖ ﻭﻫﺬﺍ ﺗﻠﻴﻔﻮﻥ ﺍﻣﻲ .. ﻣﺎﺭﻳﺪﻩ ﻳﻨﺎﻡ ﺿﺎﻳﺞ ﻭﻣﻘﻬﻮﺭ ﻻﻳﺼﻴﺮ ﺑﻲ ﺷﻲ ﺣﺎﺟﻲ ﺧﻠﻲ ﻋﻨﺪﻩ ﺍﻣﻞ ﺍﻧﻪ ﺍﻟﻪ ﻭﻣﺎ ﺍﺻﻴﺮ ﻟﻐﻴﺮﻩ ..

_ ﺍﺳﻢ ﺍﻟﻠﻪ ﻋﻠﻴﻪ ﻫﺴﻪ ﺑﺲ ﺍﻧﻄﻲ ﺻﺒﺮ ﺭﺍﺡ ﺍﺧﺎﺑﺮﻩ ..

ﺳﺪﻳﺘﻪ ﻣﻨﻬﺎ ﻭﺧﺎﺑﺮﺕ ﻋﻠﻰ ﺣﺎﺯﻡ .. ﺟﺎﻭﺑﻨﻲ ﺑﺴﺮﻋﺔ ﺑﺼﻮﺗﻪ ﺍﻟﺤﺰﻳﻦ ﻫﺎ ﻣﻴﺴﻢ ..

_ ﺣﺎﺯﻡ ﻫﻮ ﻣﺎﻧﺎﻳﻢ ﻭﻛﻌﺪﺗﻚ؟

_ ﻻ ﻛﺎﻋﺪ ﺟﺎﻱ ﺍﺣﺠﻲ ﻭﻳﻪ ﺍﻣﻲ ﺷﺒﻴﻜﻢ ﺧﻮ ﻣﺎﺑﻴﻜﻢ ﺷﻲ ؟؟

ﺑﻠﻌﺖ ﺭﻳﻚ ﻭﺟﺎﻭﺑﺘﻪ ﻻ ﺑﺲ ﻭﺭﺩﺓ ﺧﺎﺑﺮﺗﻨﻲ ﻫﺴﻪ

ﺟﺎﻭﺑﻨﻲ ﻭﻣﺒﻴﻦ ﻋﻠﻰ ﺻﻮﺗﻪ ﺍﻟﺼﺪﻣﺔ ؛ - ﺷﺒﻴﻬﺎ ﺧﻮ ﻣﺎ ﺍﺫﺍﻫﻪ ﺍﺑﻮﻫﻪ ؟

_ ﻻ ﺑﺲ ﻣﻘﻬﻮﺭﺓ ﻋﻠﻴﻚ ﻛﻠﺶ ﻭﺗﻮﺻﻠﻚ ﺭﺳﺎﻟﺔ ﺗﻜﻠﻚ ﻻﺗﺪﻳﺮ ﺑﺎﻝ ﺍﻧﻪ ﺍﻟﻚ ﻟﻠﻤﻮﺕ ﻭﻣﺎ ﺍﺻﻴﺮ ﻟﻐﻴﺮﻙ ﺍﺑﺪ ..

ﺣﺴﻴﺘﻪ ﺟﺮ ﻧﻔﺲ ﺑﺮﺍﺣﺔ ﻭﺟﺎﻭﺑﺘﻲ ﺑﻌﺪ ﻟﺤﻈﺔ ﺻﻤﺖ

ﻭﺍﻧﻪ ﻫﻢ ﻣﺎﺭﺍﺡ ﺍﺳﺘﺴﻠﻢ ﻳﻤﻜﻦ ﺍﺧﺬ ﺍﺑﻮﻱ ﻭﺍﻣﻲ ﺍﻟﺤﺠﻴﺔ ﻭﺍﺭﻭﺡ ﺍﻟﻬﻢ ﺑﺲ ﺑﻌﺪ ﻣﺎﻳﻬﺪﺃ ﺧﺎﻟﻲ .. ﺳﻠﻤﻴﻨﻲ ﻋﻠﻴﻬﺎ ﻭﻃﻤﻨﻴﻨﻲ ﺑﺎﺟﺮ ﺍﺟﻲ ﻳﻢ ﺍﻟﻤﺪﺭﺳﺔ ﺍﺷﻮﻓﻬﺎ ..

_ ﺍﻥ ﺷﺎﺀﺍﻟﻠﻪ ﺗﺼﺒﺢ ﻋﻠﻰ ﺧﻴﺮ

_ ﻭﺍﻧﺖ ﺑﺨﻴﺮ ﻣﻴﻮﺱ ..

ﺳﺪﻳﺘﻪ ﻣﻨﻪ ﻭﺧﺎﺑﺮﺗﻬﺎ ﺣﺴﻴﺘﻬﺎ ﺍﺭﺗﺎﺣﺖ ﺷﻮﻳﻪ ﺧﺎﺻﺔ ﻣﻦ ﻋﺮﻓﺖ ﺑﺎﺟﺮ ﺭﺍﺡ ﻳﺠﻲ ﻳﺸﻮﻓﻬﺎ ..

ﺟﺒﺖ ﻛﺘﺎﺏ ﺍﻟﺘﺎﺭﻳﺦ ﻭﺍﻗﺮﺍ ﻏﻔﻴﺖ ﺑﺎﻟﻬﻮﻝ ﺑﺲ ﺣﺴﻴﺖ ﻋﻠﻰ ﺍﻣﻲ ﻏﻄﺘﻨﻲ ﻭﺧﻠﺖ ﺟﻮﺍ ﺭﺍﺳﻲ ﻣﺨﺪﺓ ..

ﻓﺰﻳﺖ ﻋﻠﻰ ﺻﻮﺕ ﺭﻣﻲ ﻛﻠﺶ ﻗﻮﻱ ﺍﻗﺘﺤﻢ ﺍﺳﻤﺎﻋﻲ ﻭﺧﻼﻧﻲ ﺍﻛﻌﺪ ﻭﺍﻓﺰ ﻣﻦ ﻧﻮﻡ ﻋﻤﻴﻖ

ﺻﻮﺕ ﺍﻟﺮﻣﻲ ﻛﻠﺶ ﻗﺮﻳﺐ ﺍﺳﻤﻌﻪ ﻭﻋﺒﺎﻟﻚ ﺑﺪﺍﺧﻞ ﺍﻟﺒﻴﺖ

ﻛﻌﺪﺕ ﺍﺻﺮﺭﺥ ﻳﻤﻤﻤﻤﻤﻤﻪ ﻭﻳﻨﺞ ؟؟؟

الفصل الحادي عشر من هنا