رواية فصلية بديلة ( شموخ ) الجزء الثاني الفصل الحادي عشر بقلم ام ملكوت
أينما ذهبتُ وجدتك معي
لا تفارقني لحظةً واحدة
طيفك لا يفارقني
صوتك الرقيق الذي يبعث الأمان
ابتسامتك الجميلة التي تجعل
قلبي يرقص من شدة السعادة
اجدك في كل اغنية استمعها
اجدك في كل كلمة تسطر مذكرتي
اجدك في كل شي
فأخبرني كيف الشفاء منك..🫶🌆
بقلمي :#Om_Malakut
#شموخ ♧ #آل_رهبان ✨️🖤
:- دخلت مكتبي ذبيت درع العتاد والسلاح والبيريه ورحت غسلت وجهي وشعري بالمغسله لان متت حر السرداب عبالك كبر اليدخل بي ينسى هوه بفصل الشتا.. اندك الباب وانه انشف كلت تفضل ودخل سالم وياه الحجيه اشرتلهه تكعد عل كرسي وطلع سالم ..
كعدت ع الكرسي وفتحت ملف الشكوى الثانيه العندي عن سرقه جبيره ومحاوله قتل .. ضليت ادرس تفاصيله واكتب تفاصيله المهمه والمره كاعده بمكانهه بهدوء رفعت راسي بترقب وكتلهه...
_حجيه اذا تعبتي تكدرين ترحين تنامين بغرفه الاستراحه هسه اخلي سالم يجي ياخذج تمام
_ماشي وليدي مشكور
_العفو واجبنه بس اريد اسال سؤال قبلما ترحين
_كول سيدي
_منو القدم الشكوى منكم لان مكتوب ولي امرها ومستحيل ابوهه يقدم شكوى لانهه تطيح براسهم
_انه سيدي بيومهه رحت لجيرانه ابو ماحود وكتله يكتبلي شكوى ويسلمهه الكم
_ليش كتبتي الشكوى ماخفتي ينسجن زوج بنتج واولاده
_وليدي الساكت عن الحق شيطان اخرس وانه سكتت هواي وكلت باجر تزوج وترتاح بس همه ماخلوهه تعيش لذاك الوكت كلت حق ربي ولازم يتجازون ومايروح دمهه هدر
_زين ليش متاكده ان واحد من اهلهه قتلوهه ليش ماشكيتي بالغريب مثلا
_لان همه جانوا يعذبونهه ودائما يضربونهه ويهددونهه لو مامشت عدل يقتلونهه وانه وشيت بيهم لان اعرفهم كلشي ممكن يسوون لو طخت براسهم
_تمام بعدين تبين هيه يله حجيه تكدرين ترحين هسه
رفعت التلفون الارضي ورمشت لسالم دك الباب وفتحه دك تحيه وكتله ياخذهه لغرفه الاستراحه كامت وللحضه حسيت عليهه ابتسمت ورغم
كلامهه كله ودموعهه ما اثرن بيه غير طيف هل ابتسامه الخبيثه طلعوا من الغرفه وصحت لسالم رجع دخل وكال ..
_نعم سيدي
_رجعهه للسجن لا توديهه لصاله الاستراحه
_بس ليش سيدي مو انت كلت اخذهه
_وهسه ماريد تاخذهه مارتاحيتلهه
_حاضر سيدي
طلع وسد الباب رجعت راسي ع الكرسي وغمضت عيوني تذكرت كلامهه عن المغدوره وشلون جانت تحبهه وكل كلامهه وكلشي يدل على انها جانت طيبه وياهه
وتصرفاتهه تبين هذا الشي كذلك بس هل ابتسامه الغريبه يلي تشبه ابتسامه النصر والخبث ماعرف سببهه شنو .. كمت لبست السلاح والبيريه طلعت
وصحت لسالم اجه وراي رحت للنيابه اخذت الاذن بنفسي ..ورحت لمسرح الجريمه نبشت المكان وطلع ضني بمكانه والكاميرا موجوده بيه لبست
كفوف وشلتهه خليتهه بكيس شفاف ورحت للطب العدلي انطيتهه لصديقي دكتور دائما شغلي متصل وياه اساسا كلنه بالمجال هذا اصدقاء ودائما نطلع
سويه لان شغلنه مرتبط وواحد يحتاج مساعده من اللخ .. انطيتهه اله وطلعلي البصمات يلي عليهه ووره فتره بينت ان البصمات تابعه لرجالين ..
اخذتهه منه واخذت تقرير البصمات رجعت للمكتب ربطت الكاميرا بالحاسبه وطلعت الفيديوات يلي عليها .. واشوفهه للضحيه لمن تاكل وتنام وتكعد تدرس
والعجيب مصوريهه حتى وهي تبدل قدمت الفيديو بسرعه وشفت واحد دخل عليهه فتحت عيوني بصدمه ورفعت سماعه التلفون اتصلت على سالم
واجه دك تحيه وكتله. يطلعلي المره الجبيره والابن المخبل من الزنزانه ويوديهم لغرفه التحقيق ثنينهم سويه كال حاضر سيدي وطلع..
رجعت فتحت الفيديو واشوف الابن المخبل شلون ركب الكاميرا وجربهه على نقاله وطلع بدون ما احد يشوفه وفيديو ثاني بعد فتره لمن
الاخ الصغير دخل يتحرش بيهه وهي جانت تبدل ملابسهه وضربهه لان دفعته عنهه وطلع فيديو ثالث المره الجبيره اجت وكفت فوك راسهه بعدما
دخلت للغرفه تسح بروحهه شكلهه مكتوله .. بقت تحجي وياهه وتهز بايدهه مثل اليعاتب تقريبا عرفت الحبكه وره هذول ال٣ اشخاص .. طلعت فلاشه الكامره من الحاسبه
وربطتهه عل لابتوب شغلت الفيديو واخذته وياي للغرفه .. دخلت وشفتهم ثنينهم واحد بصف الثاني هذاك يرجف ويتلبد وره الحجيه وهيه كاعده
تتمسكن بعيونهه .. ابتسمت باستهزاء واجيت كعدت عل كرسي مقابيلهن عفت اللابتوب عل ميز وخليت رجل على رجل كتفت اديه وكتلهم..
_ايي وهسه انفردنه والعفو منج حجيه زعجتج بس لازم احقق وياكم لانكم اقرب ثنين عليهه
_اي عادي وليدي بس انه حجيتلك كلشي صار وياهه وشوفه عينك هذا الولد مريض ومو بعقله ومو كد التحقيق وهل سوالف يمه
_لا المعذره منج اريد اساله كم سؤال بادب اذا تسمحيلي
_اي ليش لا بس على كيفك وياه تره يخاف
_من عيوني..
درت اللابتوب عليهم وشغلت الفيديو فتحوا عيونهم بصدمه وباوعتلي بسرعه وكالت بخوف وتوتر..
_منيلك هل فيديو هذا جذب مو انه هاي ولا ابني بالفيديو
_ابنج؟؟
_قصدي حفيدي انه اعتبره مثل ابني لان ربيته
_هذا الشفتي بالفيديو نفسه من الكامره يلي كلتي عليهه
_جذب انه لو موجوده بالكاميرا جان ماكتلك عليهه اصلا هذا اخوهه الف علينه هاي التهمه
_لو هو مالف التهمه جان حذف الفيديو مالته يلي يتحرش بي باخته ..
قدمت الفيديو وطلعتلهم شلون يتحر ش بيهه وهيه تدفع بيه باوعوته وتوترت كامت على حيلهه وكالت..
_اي شوفه مو كتلك هو يتحر ش بيهه يعني هو اغت صبهه وقتلهه مو احنه هو يلي قت لهه هو ساس البلى..
اخيرا اعترفت بنفسهه وماتعبتني ابتسمت بنصر وصحت لسالم دخل وكتله يرجعهه بس هيه للزنزانه اجه ياخذهه وهيه جلبت بالولد تريد تاخذه
وياهه لزمت ايدهه وعصرتهه بغضب وهيه الشر ينبع من عيونهه ماجنهه هيه قبل شوي تتمسكن وتبجي .. سحبهه سالم بره وسد الباب.. وكفت وصرت امشي واحوم حوالين الولد وكفت مقابيله
وسندت اديه عل ميز خليت عيني بعينه وهو يتلفت منا ومنا ركزت بتصرفاته احاول اكتشفه شنو هوه كلهه لحضات وندك الباب دخل سالم دك تحيه واجه همس باذني..
_سيدي طلعت نتائج الطب العدلي واتضح ان البنيه متعرضه
للاغت صاب
_تمام جيبلي التقرير كامل
_حاضر سيدي
طلع سالم ورجعت عيني على المسوي نفسه مخبل وشفته شلون يبلع ريجه بصعوبه ابتسمت واجيت همست يم اذنه..
_شنو تعودلك الضحيه
_ما ماتعودلي لا لا هيه اختي
_لا مو اختك
_اختي هيه والل..
_اششش انت ابن الحجيه ولا مريض ولا مسودن كاشفك لا تضم عني حقيقتك..
التفت علي باوعلي واختفت ملامح الجنون من وجهه وتوتر بلع ريجه وكال..
_وشنو شنو يلي يثبت كلامك هذا
_مصورتك الكاميرا يلي مخليهه شفتك شلون تتقرب منهه وتتحرش مابيك شي يدل عل مرض ..
صفن بالحايط يتذكر اذا فعلا متحارش بيهه او لا الضاهر جذبتي جابت فايده ابتسمت ورجعت كعدت كباله فتحت الملف ورسمت دائره بقلم احمر
حوالين صورته صار عندي ٣ مشتبه بيهم هو والاخ الاصغر والحجيه .. بقيت اساله عن هذيج الليله وين جان لمن صارت هل جريمه وشنو سوه وشلون عرفو واجالهم الخبر من التوتر صار يجيب ويسفط
واغلب الحجاه جان بالضبط نفس الحجته العجوز الشمطاء عرفت هل كلام متفق عليه وفبركه .. كملت تحقيق وياه وطلعوه من الغرفه وجابوا اخو
المغدوره الثاني كذلك لمن حققت وياه حجه نفس الكلام بالضبط تعبوني كلش الضاهر مايجون الا بالعين الحمره .. اخذت الملف بيدي وطلعت صحت لسالم واجالي ..
_سالم هذولي مايمشون بالعيني والاغاتي نزلهم لجهنم الحمره
_حاضر سيدي..
دك تحيه وطلع رجعت لمكتبي طلعت البوكس الحديد والعصه مالتي والبواري الناعمه الحديد حطيتهن على ميز المكتب واندك الباب كلت تفضل ودخل واحد من الضباط دك تحيه وكال..
_سيدي العميد طالب يشوفك
_شنو صاير ليش طالبني
_ماعرف سيدي الضاهر يريد يطلب منك مهمه سريه كالعاده
_تمام روح وانه جاي وراك
_حاضر سيدي
طلع وسد الباب لبست البيريه عدلت بدلتي وطلعت دكيت الباب ودخلت دكيتله تحيه ..
_تفضل يابني
_خير سيدي دزيت علي
_اي عندي الك مهمه طالبين مساعدتنه لتدريب #المبتدئين💞 بالمحافظات واريدك انت وزميلك الملازم اوس تاخذون فريقكم وترحون
_تمام بيا محافظه سيدي
_ بدوائر النيابه العامه بمحافظتي 💚البصره 🥰وبغداد💚
_وشكد المده
_تقريب السنه وتكدرون كل شهر تنزلون اسبوع لاهلكم
_تمام سيدي
_جهزوا نفسكم واتفقوا على توزيعكم وخلال شهر انتوا مستقرين بالدوائر تمام
_حاضر سيدي امر ثاني
_مايامر عليك ظالم ابني تكدر تروح
_سيدي..
دكيت تحيه وطلعت سديت الباب واجه بوجهي سالم سالته على الاهل الانجاس وكال نزلهم هزيت راسي ورحت لمكتبي جبت شغلاتي الحضرتهن ونزلت للسرداب او خلينه نسميه غرفه التعذيب ..
فتحت الباب وكال سالم ان المحقق استنتج ان المشتبه بيهم فقط الحجيه والاخوين والاب اما الام والاخ الجبير ومرته مالهم شغل بقوهم بالتوقيف
للاحتياط هزيت راسي بايجابيه لان هذا رايي همين .. دخلت للمستودع وشفتهم مربطين كل واحد على عمود والخوف ماكل وجوهم شافوني وانخبصوا ضلوا يتوسلون ويحلفون مامسوين
شي .. رتبت شغلاتي عل ميز مقابيلهم واشرت لسالم يفكلي الاخ الاصغر الصاحي راح فكه وجابه كعده عل كرسي دنكت لمستواه واشرت عل غراض وكتله..
_اختار منو من هذولي تحب نستخدمهن وياك بالتحقيق
_سيدي والله ماسويتلهه شي والله ماقتلتهه
_ليش ضميت الكامرا اذا مو انت مغتصبهه و قاتلهه
_اغتصاب شنو سيدي مستحيل ما ماد ايدي عليهه ولا متقربلهه انه والله سيدي
_جاوب على كد السؤال ليش ضميت الكاميرا
_لان اكتشفت اني طالع بيهه وانه وانه اتحرش بيهه سيدي بس والله مامديت ايدي عليهه جنت بس اخوفهه ماغتصبتهه انه ولا تقربت عليهه سيدي
_زين ليش خليتهه اذا تعرف نفسك راح تبين بيهه
_مو انه خليتهه سيدي والله مو انه
_تعرف منو الخلاهه
_لا ماعرف سيدي
_شلون دريت زين اكو كاميرا بغرفتهه..
ضل يبلعم ويتلفت عل حجيه ضربت عل ميز حيل وعطت بي عايد السؤال فز ونزل راسه مايريد يحجي لزمت البوري وسحبت ايده خليته بين اصابيعه وكتله من بين سنوني..
_تحجي لو اكسر اصابيعك الك
_لا سيدي فدوا لا تكسرهن احجي والله احجي بس لا تعذبني
_الك ٥ ثواني اذا ماجاوبتني عل سؤال تنكسر اول صبعين من ايدك
_بس السؤال سيدي شنو هوه
_شلون عرفت اكو كاميرا بغرفه المغدوره
_سيدي هاي بيبي الحجيه كلتلي
_كمل
_سيدي بيوم جنت طالع ورجعت لكيتهه تكتل باختي وخرتهه عنهه وكتلهه شصاير جان تكلي..
_مالك شغل اريد اربيهه اختك مامربايه
_ليش شسوت احجيلي وانه اكول لابوي عليهه لا تضربيهه انتي
_ضاله تتصلخ وتركص بالغرفه ابصر المن تريد توري مفاتنهه
_شنووو ..
سيدي بيومهه من حجت هيج مادري شصار بيه وتخيلت شكلهه عاري ماكدرت اتحمل وحاولت بليل اتحرش بيهه لان ضنيت حجي بيبي صحيح وانهه
تريد احد يشوف مفاتنهه بس سيدي والله ماجانت نيتي اسويلهه شي فقط اشوف جسمهه ولمن مانطتني مجال ضربتهه وطلعت تالي بعدين بيبي صارت تبسمرني وتكول احب المحارم شكيت بيهه
شايفتني او سامعتني وبكل مره ادخل لغرفه اختي واحاول اتحرش بيهه تالي اطلع والخلاني اصدك شكي انهه بكل مره تحجي وتباوعلي بخبث فقررت اخلي اخوي يدخل عليهه وهي عريانه سيدي
_ليش
_حتى الزمه بالجرم المشهود واهددهه بي واخليهه تحجيلي شلون جانت تعرف بكل مره ادخل اتحرش باختي
_كمل
_ثاني يوم تقريبا قبل الحادثه بيومين بقيت اراقب باختي واشوفهه يمته ترجع من المدرسه وتدخل تبدل لحدما بيوم باوعت من الباب وشفتهه تريد
تبدل ملابسهه رحت لاخوي وكتله انهه تصيحله وهو راح بسرعه سيدي ماعرفت شنو صار بيناتنهم وماهمني لان هوه مخبل وعقله صغير ماعنده
سوالف تحرش وغيرهه فمن سمعت صرخه اختي بسرعه هوه طلع ورحت لزمته اجت الحجيه وكتلهه ان تحرش باختي
_ليش هوه اختاريته بالذات
_لان بيبي تحبه من الصغر ومدللته وتخاف عليه من كلشي ودائما جانت تكتلنه انه وخواني لو غلطنه عليه او طكيناه
_كمل
_فلما حجيتلهه كالت انت جذاب كتلهه محد يصدكج وانه لزمته بيدي جان تكول عندي دليل يثبت براءته وراح يبين جذبك ويبين ان انت
التحرشت بيهه مو هوه كتلهه شنو هوه الدليل جان تبتسم وتروح للغرفه تطلع الكاميرا من مكانهه نصدمت وقتهه وتفاجات لدرجه ان سحبتهه منهه
وطلعت من البيت اركض احتاريت وين اوديهه لليل رجعت طلعت الكارت مالتهه كسرته ودفنتهه وره البيت حتى مايكون الهه وجود
_بنفس مكان ذبح المغدوره
_اي نعم سيدي
_وتالي
_لمن رجعت بقت تلح علي وتصر ان انطيهه الكاميرا وكتلهه عندي مضمومه سالتني اذا شفت بيهه اخوي يتحارش باختي وجذبت عليهه كتلهه لا رغم اني فعلا شفته يتحارش بيهه ومو اول مره
_وانت ليش جنت تتحرش بيهه
_سيدي كتلك هيه مره وحده جانت غلطه وغلبتني الشهوه ودخلت اشوف جسمهه ولمن صدتني ماعدتهه بعد
_توك تكول تحرشت بيهه اكثر من مره
_اي سيدي المرات البقيه جانت بالجذب مجرد بس احجي واتقرب عليهه وصدكني سيدي سويت هيج حتى اكطع الشك باليقين واشوف الحجيه منين كاعد تعرف بيه اتحرش بيهه اما اختي فابد مامديت ايدي عليهه
_الادله الجنائيه هيه تقرر اذا متقرب عليهه لو لا راح يفحصون الجثه ويشوفون تحليل الحيوان المنوي اذا الك او لغيرك
_ماخايف سيدي لان اعرف نفسي كلش زين مو انه المعتدي عليهه وانه احجيلك الصراحه سيدي مع ان انه شخص شهواني ولو اختي انطتني مجال وتقبلتني بهذاك اليوم جان تجاوزت الحدود وياهه
واخذتهه بس من شفتهه مامتقبلتني وماعدهه سوالف مو زينه مثلما ادعت بيبي بعد تركتهه واصلا جنت استحي منهه من تتواجد بنفس المكان الكاعد بي لان غلطت وتحرشت بيهه وفهمتهه غلط
_هيج تسولك نفسك تتقرب لاختك وتزني بيهه وين الدين وين الحرام وين الاخلاق من شنو انت مصنوع
_سيدي مافكرت ان هل شي حرام لان بوقتهه فكرت انهه اختي وانه اخذهه احسن من الغريب ومدام هيه بايعه نفسهه ليش ماشتريهه انه بدال ماتطلع لبره وننفضح هيج فكرت لمن تحرشت بيهه اول مره بس تالي رجع عقلي لراسي
_ يعني هسه انت تبت
_اي سيدي تبت
_والشاميه وين
_ها سيدي
_هه سااالم
_نعم سيدي
_رجعه هوه وابووه للحجز
_حاضر سيدي ..
اجه سالم اخذه للسجن ونزلي الشرطي الثاني الحجيه كعدهه عل كرسي ووكف على كتر وطبعا كله هذا واحنه منقبين .. كعدت كبالهه وكتلهه..
_ايييه يا حجيه شلونج طمنيني عن احوالج
_بخير لو تطلعونه منا لان تعبنه كلش يا وليدي
_افااا ماصدك انتي الحجيه ام الخير ام الدكايك تتعبين لا جا راحت النسوان الزينه .. بس ميخالف احجيلي الصدك و غردي ياعصفوره حتى تطلعين
_ماعدي شي احجي سيدي كلشي صار حجيته الك واحنه بالبيت
_تمام خلينه نبدي من كلام البيت لعد احجيلي الكاميرا منو جان مخليهه بغرفه المغدوره وليش من دريتي ماذبيتيهه او كشفتيهه
_مالي شغل انه سيدي هوه اخوهه وراد يراقبهه على شنو امنعه لو اكشف الكاميرا
_هاا يعني مو اخوهه المخبل خلاهه
_لا سيدي منين جبت هل حجي اذا على كلام اخوهه يولي جذاب هذا لا تصدك بي مستحيل ابني يسوي هيج انه ربيته واعرف شبي ومابي
_زين انتي شفتي وهو موجود بالكاميرا لمن تحارش بيهه ليش ماحاولتي تكسرينهه
_اا سيدي لا مو تحارش وانما ابني مايعرف شي وجان يريد يلعب وياهه مايعرف شنو تحرش اصلا هوه
_يلعب وياهه يعني هسه لو الزمج معناهه كاعد العب وياج مو
_شهل حجي انت ماتستحي بكد امك انه
_ تخسين ماتستاهلين تصيرين تراب جوه رجليهه وخليني عاقل وياج لا تخبليني واكسرلج اصابيعج العشره هسه
_كتلك ابني ماله شغل سيدي
_ابنج
_اقصد حفيدي انه لان ربيته هل اعتبره ابني سيدي
_سااالم
_نعم سيدي
_جيبه..
مديت ايدي وعيني عل حجيه وشفتهه بقت تبلعم لمن انطاني فايل تحليل الDNA مالتهه هيه والمخبل .. لزمته وكتلهه بصيغه تهديد..
_شوفي هذا تحليل القرابه بيناتكم واذا طلعلي ان هل مخبل ابنج صدكيني اخذ عين من عينه
_لا سيدي فدوا عوفه بحاله ماسوه شي هوه ماقتلهه ماعتدى عليهه ولا تقرب اصلا هيه اي هيه جانت دائما تباوع من الشباج وتركص وهي عريانه اكيد جان عدهه واحد تغري بي لحدما لزمهه واعتدى عليهه احنه مالنه شغل بالصار وياهه
_بس انه ماجبت سيره الاعتداء عليهه ..
صفنت وبهتت ملامحهه من الحجيته ادركت انهه تورطت واعترفت بنفسهه انهه تعرف بالاعتداء قبلما تموت الضحيه .. ركعت الفايل عل ميز وكمت
على حيلي توجهت للمخبل فكيت قيوده ولزمته من شعره سحلته خليت راسه عل ميز الكبالهه وطلعت سجينه قربتهه يم عينه هي شافته وفزت من مكانهه بقت تتوسل بيه اعوفه..
_تكعدين تحجيلي كلشي لو اسوي اعور الدجال الج
_لا سيدي فدوا عوفه راح احجيلك راح احجي بس عوفه لا تاذي السجينه
_غرددي يلااا
_سيدي ابني فقير واولاد الحرام غروه هوه ماجان عنده شي وبريئ والسالفه بدت لمن لزمته بيوم من الايام الصبح على صوت طكطكه
بالمكان وباوعت بارجاء الغرفه ماشفت احد غريب بس انه وابني نايمين وهو جان مغطي راسه اجيت فجاتا وخرت الغطه حتى لا يختنك واشوفه لازم
نقال ماعرف منين جابه وبي مقطع لبنيه مانتبهت عليهه وعبالي فيديو مو زين وانصدمت ان ابني يباوع لهيج شغلات هوه من شافني ضم النقال وتوتر وكالي..
_امي شتردين ليش وخرتي الغطه مني عوفيني اريد انام
_يمه سعد منين هل نقال جبته منو انطاكياه
_ها امي هذا صاحبي انطانياه هديه
_ليش ماكتلي بي بله اشوفه
_ لا مخلص شحن بعدين تشوفينه..
من شفته هيج متوتر ومانطاني اشوف النقال عرفت عنده شي بي وانه من النوع اخاف عليه من كلشي ودائما مراقبته
_هوه مخبل لو هذا فلم من عدكم
_لا سيدي بس بي شخط
_يعني يفتهم كلشي مثل الانسان الطبيعي
_لا سيدي
_هه كملي
_بعدهه ضليت اراقبه وخاصه بليل لمن اشوفه يغطي راسه ويشغل النقال ولمن بيوم شفته نايم اجيت خليت بصمه اصبعه عل نقال وانفتح واشوف مقطع مباشر لغرفه ضلمه بقيت اراقب
واكلب بالنقال للصبح جان فارغ تماما وبي فقط كلوب خفيف وهو مشتغل طلع الفجر ووضحت الصوره وطلع فيديو لغرفه رباب وشفتهه لمن كامت تريد تبدل
دك المنبه وطفيته و النقال رجعته بسرعه لمكانه وسويت نفسي نايمه حسيت عليه كعد اخذ النقال وبقه يباوع وملامح التوتر بانت عليه عرفته بوقتهه جان يراقب بيهه وهي تبدل ملابسهه ..
_ليش مامنعتي او شمرتي الكاميرا
_حاولت امنعه سيدي وكلما احجي ويا يكلي ماعدي فيديو شمرتهه الكاميرا وفعلا اثبتلي هل شي لمن صار مايلزم النقال هواي وخاصه بليل
يشمره عل ميز وينام بس بقى شك بكلبي وصرت اراقبه بالنهار وصار يطلع لابن الجيران هواي فوديت على ابن الجيران واخذت من لسانه حجي
وعرفت ان جان يجذب علي والكاميرا بعدهه وصار يباوعلهه هوه وابن الجيران.. و لمن لزمه اخوهه داخل لغرفتهه يتحارش بيهه ماصدكت
وقتهه ولا راح اصدك ان ابني تحرش برباب او حاول يتقربلهه لان ظنيت ان مشاهدته للفيديوات مجرد نزوره عنده وبس يباوع فخليته ولمن حجه
اخوهه كتله ان انته المتحرش بيهه مو ابني ضل مصر ان لزمه وشافه يتحرش بيهه لهذا السبب هددته بالكاميرا ومن كتله ماجنت اضن راح ياخذهه مني بالقوه..
_زين شلون جنتي تدرين بي يتحرش باخته بكل مره
_سيدي صرت كل ليله افتح النقال واشوف المقاطع مالتهم وارجعه وثاني يوم اوالبعده لمن اامره على شي ومايسوي اضل اشمرله حجي وابينله اني كاشفته وغصب عليه يسوي الاريده
_كملي
_ بعد لمن طلعت الكاميرا اخذهه وشرد من البيت وانه ضليت محتاره واتفقت ويه ابني ان مانحجي لاحد واذا حجه اخوهه وكال فنذب التهمه عليه وننكر وقتهه صار هدوء من الطرفين لمن عرفت انه كاسر الكاميرا منا لمر تقريب اليومين من صار الحادث
_من صار لو من سببتوه
_سيدي مو احنه والل....
_استغفرلله شلون تريد هسه اكسر فجهه بهل عصه واعلمهه شلون تحلف جذب
_سيدي مو احنه قت لناهه
_وشلون دريتي بيهه مغتص بيهه
_بعد دريت سيدي لان كل بنيه تنق تل بليل يكون اكيد مغتص بيهه
_ايبااخ وليش مادري بهاي الضاهره انه
_سيدي اكثر من مره تصير بالمنطقه هيج حاله ويلكونهن مغت صبينهن وقاتلينهن
_اعفيني من هل فلسفه كمليلي شصار بيوم الحادث
_سيدي ماعرف جنت نايمه
_الضاهر انتي الا ننطيج عينه ياله تغردين مثل البلبل مو
_لا سيدي عوفه الله عليك لا يتاذه
_لا ما ااذيه لا تخافين جكه ابره هيه وتصير عينه بره على كيفي وياه
_لا سيدي لا راح احجي راح احجيلك بس عوفه
_ لا ليش خل انطيج العين حرامات صار ساعه منتظرج تجذبين
_راح احجي والله سيدي راح احجي بس عوفففه
_يلااا احجي واعوفه هاي فرصه اخيره
_حاضر راح احجي هاي سيدي بيوم الحادث بليل كعدت رحت للحمام ومالكيت ابني موجود خفت عليه وطلعت ادور عليه بالبيت بس مالكيته سيدي بقيت
ادور لحدما تعبت اخر شي رجعت للغرفه ادوره بالحمام وجان اشوفه نايم بمكانه رحت كعدته اساله وين جان وشفت هدومه كلهه دم ويرجف
سالته شنو بي ماجاوبني فقط حضني وضل يبجي وياشر عل بره من الشباج .. عفته وكمت باوعت واشوف رباب سابحه بدمهه لطمت على وجهي وسالته شبيهه جان يكلي ان طلع وشافهه بيهه دم
مدري منو طاكهه طلعت شفتهه مض روبه على راسهه بس بعد بيهه روح اجيت اسحبهه للبيت حتى اتصل بالاسعاف بس وكفت وعفتهه دخلت للبيت وكبل للمطبخ
_ليش عفتيهه
_شكيت ان يكون ابن الجيران هوه معتدي عليهه بمساعده سعد وخفت تنذب التهمه براسه
_بالاول كليلي ليش محد يعرف ان سعد ابنج
_لانه ابن حر ام سيدي بوقت حملي بي تحججت رايحه للعمره ولمن ولدته وماكدرت اعوفه خليته باب بيت ابني ومن لكاه اصريت عليه يجيبه نربي احنه وهو ماكال لا لانه ولد اخذه وسجله باسمه بس تالي طلع بي شخط لمن كبر وماكدرت اعوفه بالعكس تعلقت بي اكثر رغم ابني الجبير كلي نشمره بالميتم
_تمام وتالي شصار بالضحيه
_سيدي هذا شسمه اخذت سجينه ورحت نهيت انفاسهه حتى اذا فعلا صديق ابني المغ تصبهه مايروح للسجن ويذبهه براس ابني ولمن دخلت لزمته
حجيت وياه اتاكد منه وكلي ان هوه مايدري شصار بيهه وان مو هوه الطكاهه وحلفلي اكثر من مره وابني مايجذب سيدي بس صدكني ندمت لان
قت لتهه من شفت ابني بريئ ومو هوه يلي ساعد صديقه بان يعتدى عليهه وتمنيت لو اخذتهه للمستشفى ولا مخليتهه ميته وراح دمهه هدر
_ساااالم
_نعم سيدي
_ذبوهه انفرادي
_حاضر سيدي ..
اجه تقدم اخذهه سحل وهي تبجي وتتوسل ماتقبل تروح بالكوه طلعهه ماجنهه مره عجوز كل الحيل بيهه نسوان كبل بعد ماعليهن عتب .. لزمت المخبل وكعدته عل كرسي سحبت ايده وخليت بين اصابيعه البوري وكتله..
_يله استاذ بقيت بس انت غرد و احجيلي شصار بهذيج الليله لو اذا تريد اكسر اصابيعك واسويهن سندان للشمع
_سيدي شغرد ماسويت شي انه هيه طلعت لكيتهه ميته مادري منو طاكهه
_ ماتعب روحي فوك ماتعبان هسه اشوو دتعااال...
لزمت اصبعه السبابه ومردته عل بوري وصرخ ويه كسره العظم بقه يفرفح ويدك عل ميز بمعنى استسلم رخيت ايدي وكتله..
_يله غرد
_سيدي انه .. انه بكل يوم اشوفهه تبدل وبهذيج الليله جنت .. جنت اراقبهه وهي عر يانه وتذكرت كلام ابن جيرانه من وريته فيديواتهه وكال..
_هاي انت بس تباوع ضال ها
_اي جا شسوي
_وهيج تكدر تتحمل هيه يمك وبنفس البيت وياك وماتحاول تتقربلهه
_شلون يعني
_تعال اوريك شلون صدكني بس تسويهه وياهه راح تحب هل شي وتصير يوميه تسوي وياهه بس ها من دون ما احد يشوفك ومن تخلص منهه جيبهه الي اسوي وياهه خوش
_خوش بس شنو هوه
_راح اطلعلك مقاطع وانت شوفهن وتخيل تسوي هيج وياهه وانت تشوف اذا حلو هل شي لو لا...
وقتهه طلعلي مقاطع اباحيه سيدي وصار يوريني لحدما سويتهه على نفسي وتخيلت اني وياهه نسوي هيج.. ومن رجعت للبيت بقيت يومين افتر
عليهه واتذكر المقاطع وجسمهه واصير اريدهه لحدما حضيت بيهه وره يومين طالعه ب٢ بليل للمطبخ تاكل لان امهه مانطتهه عشه .. اجيت من
وراهه سديت حلكهه وطلعتهه وره البيت بدون محد يشوفنه رادت تشرد مني وضربتهه بالطابوكه على راسهه ياله هدات واستسلمت دايخه وشبه
فاقده للوعي سويت سوايتي بيهه بس من شفت الدم نزل منهه من خلصت ووخرت خفت وتندمت وعبالي ماتت فعفتهه ودخلت للبيت ونمت بمكاني
بالغرفه ومن اجت امي تستفسر الصار ماكدرت اكلهه الصدك خفت تكتلني او تاخذني الشرطه كتلهه طلعت وشفتهه ميته ومادري منو طكاهه
تالي هيه راحت مدري شسوتلهه ورجعت سالتني اذا سويت بيهه شي او لا ورجعت جذبت عليهه وكتلهه مو انه السويت بيهه هيج ..
_شنو اسمه ابن جيرانكم ووين بيتهم
_اسمه سامي وبيتهم كبال بيتنه بالضبط
_سااالم
_نعم سيدي
_سحلوووه للمحكمه هوه وامه الحجيه واخذ الفريق جيبولي ابن الجيران سامي وياهم
_حاضر سيدي
_هاك هذا تسجيل التحقيق كله انطي بيد المحققه بالخصوص
_تمام سيدي
_طلعت نتيجه الاختبار مالت الاعتداء
_اي سيدي وتبين ان الجثه مغسوله ومختفي الحمض المنوي منهه
_يكدرون يغسلون جثه ميته ويسكتونهه بس صدق الله العظيم لمن انزل بكتابه وقال: [بلِ الانسان على نفسه بصيرا ولو القى معاذيره]
ماخلوهه تنطق بالحقيقه بس لساناتهم خلتهم تغرد بكلشي سووه اسحلهم وانطي خبر للمحققه ان هل كل* مو مخبل وكلشي مابي وهذا كله تمثيل وخل تاخذله تحليل لعقله يفيدهه كدليل بالمحكمه
_حاضر سيدي..
دك تحيه وطلع اخذت شغلاتي غسلت الستخدمتهن وخليتهن بالجيس وطلعت صعدت دخلت لمكتبي ذبيت روحي هلكان عل قنفه كسروا ضهري بالتحقيق مو بشر حيوانات حشى السامع حتى
الحيوان اشرف منهم وكلما تمر علي قضايا جنائيه اكره البشريه اكثر وادرك ان الانسانيه والرحمه كاعد تنقرض من كلوب البشر كلما مر عليهم وقت وان الناس الطيبه تعشكهم التربه والتابوت...
.
.
_________
__في مكان اخر__
" كيف حالك ؟
أوَّاهُ من قلب تائهٍ قد عَدَمَه السرور،
وخُلِدٍ قد اعتصر بسهمِ قولي :أنا بخير !
ساترا حقيقة حالي فأنا لست بخير
قد تهت وتاهت معي ابتسامتي ...
:- وبعد مرور سنوات على اخر مره شفت بيهه مرتضى دخلت بحرب نفسيه ويه كلبي اقوي بنفسي واتجاهل التفكير بي وترجع كلمه حنينه من عنده
تضعفني اكل راسي التفكير بي صرت اكره الحياة واكره نفسي صرت التجئ من تفكيري بي لصلاتي وشغلي الاشياء الوحيده يلي تخفف عني همي وكسره خاطري بس يبقى الليل جبار وبكل مره
اخلي راسي عل مخده يجي بالي ذكرياتنه واحنه صغار وشلون جنه عايشين بحب وسلام تمنيت لو باقين صغار وماكبرنه ابد ولا شفت الشفته منه تعبت وتعودت عل تعب صارت الكآبه والهدوء
جزء مايتجزء من شخصيتي واسلوبي بهتت ضحكاتي وابتساماتي صرت احس وجهي واسلوبي وشخصيتي صارت جامده وبارده عكس الذبول والنار يلي تسعر بداخلي
قررت امشي وين ماياخذني قدري ونصيبي واليصير خلي يصير ماعندي شي اخسره من بعد واهسي بالدنيا .. "ذهبت بطريقي ولا اعلم الى اين يؤدي هذا الطريق" و الدنيا لو هميت بيهه غدرتك ومن تتجاهلهه تدركك...
كملت ريوكي وكمت على صوت هورن سياره بابا اخذت جنطتي واللابتوب سلمت على امي وطلعت ركبت السياره ووصلني احسان للمكتب دخلت
سلمت على زملائي ورحت خليت جنطتي وشغلاتي عل مكتب ودخلت للمطبخ اخذت كهوتي الصباحيه ورجعت كعدت بمكاني رتبت المكتب
وشغلت الحاسبه اجه المدير مثل اي يوم صباحي يوكف ينطينه تعليمات ويروح ونبدي نشتغل انطتني المشرفه ملفات افرز بياناتهن وكعدت
اشتغل فتره.. ضبطت الملف بعدما كملته ورخيت جسمي عل كرسي صفنت افكر بمرتضى وشنو كاعد يسوي هسه بس سرعان مانفضت افكاري منه
وكمت للمطبخ اسويلي كوب كهوه ثاني اندك الباب واجالي صوت حمحمه التفتت وشفته زميلي بالشغل "محمد" ابتسم واجه بصفي على مكينه الكهوه وكال ..
_هل مره مالحكت عليج سويتي كهوتج قبل كهوتي
_نعم هذا ما حالت اليه الامور
_اليوم متعب مدام حجيتي فصحى
_ليش بالايام العاديه شنو احجي
_ اذا يوم حزين تحجين بتنهيده واذا يوم مريح تحجين بحماس واذا يوم مكتئب تحجين فصحى وعبارات واذا يوم عادي تحجين بنعاس
_هههه كل هذا اسوي ومادري
_اي مامنتبهه على روحج بس انه لا
_لو تنتبه عل بيانات بكد ماتنتبه لاطباعي جان صرت المدير
_هههه انتي اسهل من البيانات بالنسبه الي..
باوعتله وبهتت ملامحي حسيت هل حجايه جرحتني بطريقه ماعرف شلون حسيت نفسي صرت اتحسس من اقل الكلام الموجه الي حسيتني فعلا سهله واي واحد يكدر يقره ويعرف البيه من خلال عيوني وتصرفاتي نزلت راسي وحجه هوه بتوتر..
_مو قصدي بغير معنى انج سهله لا وانما احسج بسيطه وعفويه مو مثل البيانات معقده والف زاويه بيهه
_تمام
_اسف لو جرحتج من دون قصدي
_لا عادي مانجرحت شسالفه اصلا صفنت افكر بيهه اكول شنو سهله قصده من اي ناحيه هيج يعني
_رغم انج بسيطه الا انج صعبه بنفس الوقت ومو اي شخص يدخل كلبج ويعرف البي او يكدر يستحله الا اذا جان بقبولج التام
_هممم صحيح
_احم جنان
_نعم
_شنو عندج بعد الدوام
_عندي شويه بيانات يراد افرزهن ليش
_هاا اوك لا هيج عبالي تطلعين اول مايخلص الدوام
_لا راح ابقى فد ساعه ثانيه
_تردين ابقى وياج اساعدج
_لا ماكو داعي هنه مو هواي ساعه وحده اكملهن وتدريني ماعرف احد يشتغل وياي لان اسلوبي يختلف عن اسلوبكم بالشغل
_اي بعد مبرمجه وكذا شجابج علينه احنه المحاسبين
_هههه لا ماكو فرق كلنه العراق
_هههه الجو اليوم حلو رغم ان كئيب شرايج نطلع نتمشى بالحديقه هم تغيرين مزاجج شويه
_اي والله...
