رواية فصلية بديلة ( شموخ ) الجزء الثاني الفصل الثاني عشر 12 بقلم ام ملكوت

:-اخذنه اكواب الكهوه وطلعنه نتمشى بره ونسولف عل برمجه وغيرهه فتره مو طويله ورجعنه دخلنه كلمن راح لجهه على مكتبه وبدينه نشتغل.. 

محمد هو زميلي المفضل رغم ماحب صداقه الولد والبنيه بش البينه مو صداقه وانما مجرد زميل عمل ندردش عن الجو والشغل والبرمجيات والاحلام واهدافنه المستقبليه هذا

حدود كلامنه ومايطول ١٠ دقايق او ٥ وصارلي سنتين من دخلت لهذي الشركه وبديت اشتغل بيهه رغم عن ان وصلتلي معارضه مرتضى على شغلي

بالشركه بسبب وعدي اله بان انتظره واشتغل وياه بس تجاهلته وتجاهلت وعدي اله لاني تعبت ويادوبني اكدر امشي يومي بسلام وهو بعيد مو

نوب ابدي اشتغل وياه تقيم القيامه بروحي معناهه .. قررت بعد اخر لقاء لمن سبب عركه وبه ابن عمي سراج ابد ماروح ولا اشوفه من ينزل بالعطلات و حتى من يرجعون يستقرون بالعراق الاسبوع

الجاي ماحضر حفل استقباله ولا اوصل ابد خليني عايشه بعالمي وهو اعوفه لعالمه .. وفعلا مر اسبوع عادي بين الشغل والبيت واجه اليوم يلي تحضروا

بي اهلي واهل عمو شهم حتى يستقبلون بي مرتضى ومحمد برجعتهم .. اهلي تجهزوا وحضروا نفسهم وقبلما يرحون بنص ساعه رفضت الروحه

وتحججت بالشغل حتى مايجبروني لو يحققون وياي فطلعوا مستعجلين بعدما وصوني على نفسي والبيت وكلهم عمامي ونسوانهم وبناتهم راحوا لبيت

عمو شهم لان مسوين عزيمه وذابج فدى لرجعه اولاده بسلامه من الخارج واحتفالا بابنه مرتضى يلي اخذ الشهاده بامتياز .. كمت قفلت البيبان والشبابيك ورجعت لغرفتي تمددت وصفنت

بالحايط حسيت بغصه صارت بكلبي ونزلت دمعتي مهضومه لان كلهه راحت تستقبله وانه الاحبه اكثر من الكل ضاله وحدي بهل بيت الاظلم والبارد مثل

روحي .. مسحت دمعتي وغمضت عيوني مستسلمه للظلام فتره وفزيت مخنوكه واكح اباوع للبيت كله دخان والكهرباء طافيه بس ضوه الله

داخل من الشبابيك.. خليت ايدي على خشمي وصرت اكح مختنكه طلعت اركض اشوف منين هل دخان دخلت للمطبخ ماكو بالصاله ماكو هم التفتت

للغرف و شفت ضوه نار جاي من الغرفه مالت احسان رحتلهه بسرعه واشوف النار شاعله بالكهرباء مخلي الفير عل نقطه ومحتركه ركضت

عل كهرباء الرئيسيه طفيتهه ورجعت اخذت بطانيه بسرعه سحبتهه وبقيت اطفي النار بيهه لحدما طفت والباب انخبص علي كلهه الجيران التمت

مشيت خطوات صغيره لباب الصاله وانه ارجف كلهه لحضات وماحسيت على نفسي الا دخلت بظلام دامس ...

.

.

:- مر الشهر نفس الروتين واجه اليوم يلي راح يرجعون بي اخوتي محمد ومرتضى وينورون بيتنه كعدنه انه وامي من الصبح نظفنه البيت ورتبناه ولو

احنه قبل اسبوع سوينه عمل شعبي عليه وماقصرنه صار يلمع بس عن التراب هاي التنظيفه ..المهم سوينه غرفهم وحده بصف الثانيه

وانه وبنيتي غرفه وامي وابوي غرفه قبط البيت هوه بس ٤ غرف بي الطابق الاول وصاله وديوان ومطبخ و عدنه الطابق الثاني بانين بي غرفتين وصاله لان طلب محمد اخوي هل شي من الاول حتى يستقر بي اذا تزوج بالمسقبل والطابق الاولى يبقى لمرتضى وسلام كلمن اله غرفتين وطبعا كل غرفه بداخلهه حمام اما المطبخ والديوان تبقى مشتركه .. 

المهم كملنه ترتيب الماعين لبابا لان جاب طباخين وحضر الذبيحه اجوا بيت عمو ساجد وافتقدت جنانه بيناتهم ماجايه كلش ضجت بس ادري بيهه ماتكدر

تجي وهل شي رح يثبت عليهه ان بعدهه تحبه وماناسيته ولو هوه الحب الاول ما ينسي.. المهم حضرنه كلشي وبابا اخذ خالو ساجد وراحوا

بسيارته للمطار يجيبونهم واحنه رحنه حضرنه نفسنه لان بملابس البيت وريحتنه تنظيف دخلنه سبحنه انه وبنيتي القمر السماوي مالتي ونشفنه

وطلعنه خليتهه عل جربايه تلعب بالنقال ورحت طلعتلي لبسه خليجيه طويله ردن وحجاب وطلعت قبوط مقفل شتوي لريانه واجيت لبستهه ونشفت

شعرهه ومشطته تالي بدلت انه ومشطت خليت مكياج خفيف واجت ريانه علي تاشر عل حمره وتتعيقل من هسه تحب المكياج الفصمه شحال لو

كبرت يمه افديهه عياره البنيات افديهه .. دنكت عليهه شلتهه كعدتهه بحضني واخذت حمره شويه بطرف اصبعي ومسحت شفايفهه بيه باوعت لروحهه بالمرايه وكالت..

_اواااو

_يمه اروح فدوا للواو بنيتي تحب الحمر طالعه على بيبيتهه فوصه

_ماما نيني هاذه

حجيت اخر كلمتين ودكيت على صدري وشهكت وهي ضحكت تتخبل من هاي الحركه تموت ضحك من تشوفني اسوي هيج تضل تكركر كلما اعيدهه بس سرعان ماسكتهه ماخليهه تضحك هواي اخاف

عليهه تختنك .. بستهه بخديداتهه وشلتهه خليتهه بالكاع ولزمت اصبعي بايدهه الناعمه طلعنه من الغرفه شافتني خالتي حلى واجت عليهه شالتهه بقت تبوس وتشم بعطرهه ونظافتهه وتكول ..

_يمووي ولكم ترد الروح يا ريحتهه ولج شهل جمال شهل براعه ريانه

_ماما

_يول ماخذتهه من امج هل براعه

_اي 

_يبووو والله لو عدي ولد جان حجزتهه اله بس ااخ شكول عليك سويجد من كطعت خلفتي وكلت كافي 

_هههه جان جبتيلج واحد بدون مايحس 

_يا ولج يشربني حبايه المانع بيده كل يوم يكلي ماريد جهال بعد ويخرب جسمج عدنه ٣ نعمه من الله 

_اي صدك بس هسه كبروا جا ال٣ صغيرتهم صارت بالاعداديه قنعي وجيبيلج بنيه ثالثه ولد ثاني وتونسي بي 

_يا خاله وين اجيب بعد بيا تعب هيه نويره شكبرهه مامفتكه منهه تحضني ياله تنام عبالك جاهل صغيرون

_يااا بعدهه على هاي عادتهه

_اي والله ياخاله هاي اخليهه تنام ياله ارجع لغرفتي حتى عمج يضل يحجي علي يكلي تردين بعد جاهل صغيرون مو بالاول خل تكبر بتج الصغيره واشبع منج 

_هههه اي هم صدك حتى اتخيلهه هسه تضل تبجي لو صدك حبلتي وجبتي طفل رابع

_هههه كلشي توقعي منهه مسودنه هاي مرات هيه واختهه يتفقن علينه تكول لجنان انتي اخذي ابوي وانه اخذ امي وخلي نفرقهم كلمن بجهه

_ههههه لا صدك 

_اي والله لو شايفتهن مخبلاتنه هنه يضحكن علينه واحنه كاتلتنه الغيره انه اغار عليه من جنان وهو يغار علي من نوره 

_هههه واحسان خطيه

_احسان ضال وجهه يذري كناله خل نجيبلك مره تحضنهه وتنام يكلي خاف مخدتي تزعل علي اذا خنتهه

3 تعليق

_هههه خطيه هوه هذا الابن الوسطاني مظلوم

_اي والله يايمه بس مو من عدنه هوه الولد مو نفس البنيه بله البنات مايستحن من عدنه بالعكس يحضنن ابوهن ويحضنني وينامن للصبح بس الولد

غير احسان يستحي حتى يضل نايم لمن نكعد يمه انه وابوه وبس مره وحده بحياته من صار شاب لهسه حاضن ابوه تصدكين

_هاي شنو يمته 

_خليهه سكته يمعوده جا غير لمن سمع بيج تزوجتي كلب البيت كلاب وصياحه وصل لسابع جار اخر شي ابو خاف عليه يصيرله شي لزمه ابوه ضل حاضنه وهوه سوده علي يبجي كطع كلوبنه وابوه تلكينه للصبح يبجي عليه ويلوم روحه لان مانتبه على ابنه وحاجه اخوه عليج 

_ياا سوده علي خطيه والله مايهون علي زعله وانتي تدرين بالوضع ياخاله انه سالفه الزواج كلهه جنت رافضتهه ولو ادري بنفسي راح انجبر اتزوج صدكيني جان خليت احسان اول شخص بالي بس بعد صار يلي صار وانشاءلله ربي يبعثله نصيب افضل وبنيه احلى واحسن مني 

_انشاءلله ولو هوه اليحب شخص مايحلى غيره بعينه بس نكول الله ينطي على كد نيته ويهدي اليحبهه عليه 

_هههه الله يرزقه بالاحسن مني خاااله

_اي خاله وصلت الفكره امين يارب العالمين

_هههه يله خلي نروح يم امي مدري وين غاطه

_امج كاعد تغسل بالستكاين مالت الجاي وتحضر بيهن امشي نروح خاف تحتاجلهه شغله منا منا

_اي يله..

وتطلع تريد ماعين من امي اووو بعد عزايم عراقيه وعدكم الحساب .. ضلينه كاعدين ونسولف لحدما مرت نص ساعه ثانيه اندك باب الشارع

واسمعهم صاحوا جيبو الخرفان نذبحهن ..عرفناهم وصلوا كمت طليت من الشباك واشوفهم عيني البارده عليهم شلون صايرين زلم ومحمد تارس

الشيب راسه محلي اكثر بعد اخته وحيلهه لو هيج الواحد يشيب لو بلاه هل شيب رحتله فدوا .. اخذ عمي شعلان الخروف وذبحه يمهم سلموا الكل عليهم واخر واحد سلام تحاضن وياهم ولزموا كتف بكتف

ودخلوا للديوان تقشعر بدني بمنظرهم واحد يكول للثاني انه احلى واشهم منك فديت خواني الهيبه اولاد الشهم .. 

بعدهه بدت الهوسه الحقيقيه مالت الزلم شي تطبخ وشي تغسل ماعين وشي تسلخ بالخرفان وماشاءالله شغلهم سريع وماخذ على ايدهم لو

احنه جان منا للعصر ياله كملنه وهمه بس بساعتين كملوا الطبخ .. دخلت للمطبخ اساعد امي واجه سلام كال..

_شموخه انطيني ريانه خوانج يردونهه

_اي ليش لا هاك بس ديربالك عليهه واذا تبجي بعد تعرف شلون تسكتهه انت بس طلعلهه الحمره ههه

_افاا بنت شيوخ ماتبجي هيه تكعد بوسط الديوان وتامر

_هههه 

سلام بحكم هو نهاركله بالبيت يدرس جنت كل شوي جايبتهه يمه وهو يكيف عليهه حتى صارت تصيحله بابي وهو اوو يتخبل عليهه يشلع خدودهه من البوس من تكله بابي ههه.. 

استوه الاكل وصبوه واحنه محضرين السفره والنسوان كاعده حوالينهه وتدك فج صاروا يجيبولنه واحنه ننكل للصاله لحدما كملنه ماخلينه

شي ناقص رحنه انه وامي وخالتي ونوره وجمانه فرشنالنه سفره بالمطبخ وكعدنه ناكل بعدما حطينه الجاي عل نار اهم شي الجاي يردونه قبلما يغسلون

حتى .. بقه بالي يم ريانه بس كون ماشلعت كلب سلام بس كون وكلهه وماتلفت الدنيا واوو فكره تاخذني وفكره تجيبني اخر شي ماتحملت صحت

لزيودي وكتله يروح يجيبلي ريان اغديهه راح شويه ورجع لازمهه بيد وايدهه الثانيه مليانه حمرات اجت مهلستهم تهلس بعد حيل امهه وانه

منتظرتهه وافكر بيهه اخذتهه منه واشوفهه حلكهه متدمر اكل شويه عرفته سلام موكلهه اخذت الفلوس منهه خليتهن بصدري وغسلتلهه اخذتهه

للغرفه طلعت قوطيتهه ودخلت الفلوس مالتهه بالفتحه صار سنه مخليتهه الهه وعلمتهه اي واحد ينطيهه فلوس تخليهن هنا وهي ماجذب خبر حتى

من ينطونهه الجهال فلوس تاخذ منهن الربع تخلي بيدهه وتضم البقيه بالقوطيه تموت عل ارباع .. ضميت القوطيه وطلعت رجعت كعدت بالمطبخ

كعدتهه يمي وصرت اوكلهه وهي تاكل جوعانه بعدهه خطيه ..ضليت اكل واوكلهه لحدما شبعنه كلت الحمدلله وكمت غسلت حلكهه وحلكي

ورجعت للمطبخ انطيتهه لامي ووكفت اصب الجاي لان القوري جبير وخفت على امي ماتكدر تشيله اخذته منهه وبقيت اصب بالستكاين خلصت

منا وصاحوا وين الجاي منا دخل مرتضى سلمنه عليه ورحت حضنته رغم ماجنه نتوالم بالصغر بس الفركه سوتنه عزاز ولو احنه عزاز بس مانضهر هل

مشاعر للعامه ههه .. تطمنه عليه واخذ صينيه الجاي وراح ورجع عل ثانيه اخذهه وعينه تتلفت ابتسمت على شكله عرفت عيونه تدور على جنانه بس ماكتله ماجايه خليهه حركه بكلبه هيه المعزه ساعه تالي تشتغل الخباثه ههه.. 

كملنه كلشي وتقريبا نص اقاربنه طشو بقوا بس العمام بقينه كاعدين كلنه سويه بالصاله بعدما سلمنه على محمد همين وتطمنه على حاله

ومرتضى مكتئب لان عرف بجنان ما اجت بقه يصفن واليحجي وياه هناك ياله ينتبه عليه ماعرفت شنو سالفته او شصاير وهيج مهتم غير عن العاده وبعدما تجاهلهه كل هل سنين صارت ساعه تقريبا ب٣ وكلهم ابوي..

_يله بويه كوموا لغرفكم سبحوا ورتاحولكم ساعتين اكيد تعبانين من الطريق والهوسه 

مرتضى : اي والله يابويه تعب ماكدرنه ننام بالطياره 

_الله يساعدكم يله جا كوموا ناموا بويه 

_انشاءلله يله من رخصتكم..

رادوا يكومون ورن نقال عمي ساجد كال خير انشاءالله ورد عليهم ماحس الا كمز من مكانه وهو يكول..

_ابو فلاح تحجي صدك لك بتي بقيتهه بالبيت دخيلك خويه لحكهه اكسر الباب لا تحترك بتي دخيلك ادخل طلعهه من البيت وانه جاي بالطريق سترك يارب سترك ..

سد النقال وكام وهو مهبوط ومثل الدايخ يدور على حذاءه حشى السامع ويصيح بنتي راحت وبنتي راحت لزمنه كلوبنه نريد نفهم شسالفه ماكو صارت خبصه لحدما عاط بي ابوي ياله اخذ نفس وكال..

_بيتنه كاعد يحترك وجنانه بي بنتي راح تروح من ايدي خويه بنتي جوه البيت وهو يحترك دخيلك لحكلي على بنتي لا تموت اخذني الهه حيلي انهد ماكدر بعد اسوق واوصل ولكم اخذوني الهه بتييي اموت لو صارلهه شيي خويييه..

دكينه على صدرنه من الصدمه وخالتي حلى صارت تلطم على وجهه وتصيح اخذوني وياكم بنيتي اريد اشوفهه صار البيت هوسه كلمن يحجي بصفحه

ومرتضى اول مره اشوفه هيج بقيت صافنه عليه وانه اشوفه يفتر يدور على سويج السياره وهوه بيده وراح يركض وره عمي بدون مايلبس برجله

مثل المخبل واحسان طلع اول واحد على عمى عيونه لا سياره ولا شي راح يركض عل شارع العام ياخذ سياره ويروحلهه .. اخذ عمو ساجد خالتي

وراح بسيارته هوه وابوي يسوقهه ومحمد ومرتضى رجعوا علينه اخذهم محسن وسلام بسياره مرتضى  وطار بيهم وهو مترب الدنيا وراه ويسوق بجنون لزمت كلبي خايفه على جنان وعليهم منين طلعتلنه هل سالفه يارب احفضهه وردهه لحضن

اهلهه سالمه يارب اجعل النار بردا وسلاما عليها كما جعلتها بردا وسلاما على نبيك وحفضته شرها.. صفنت وللحضه فكرت ان هيه حركت روحهه بس

سرعان مانفضت الافكار من راسي وكلت رغم جنان عاطفيه وحساسه ونفسيتهه تعبانه بس مستحيل تتجرأ تنتحر وتغضب رب العالمين

مستحيل اكيد طاكه الكهرباء لو ناسيه شي عل طباخ ومحترك البيت.. بقينه منتظرين على نار تقريب النص ساعه واتصلت على بابا وكال بعدهم

بالطريق بقت امي تبجي عليهه وتكول جا شضل بيهه وهيه صار ساعه بالحرك .. انهد حيلي من كلامهه ودعيت ربي تكون بخير والناس مطلعينهه وفعلا وره نص ساعه ثانيه اتصلت على سلام وكال..

_ها خويه الحمدلله مابيهه شي بس مختنكه وهسه بالطوارئ همزين الناس مطلعينهه ملحكين عليهه والحرك بالبيت مو جبير جانت مطفيته

_ايي الحمدلله الف الحمدلله والشكر الك يارب خويه طمني عليهه لا تكطع خبرهه عني فدوا 

_انشاءلله خويه انشاءلله طمني امي اكيد كاعده تبجي هسه

_اي والله ماسكتت من طلعتوا لهسه 

_اي اعرفهه حنينه بعد روحي

_سالمه روحك حبيبي يله روح انت يمهم وطمني عليهه 

_انشاءلله خويه يله باي

_باي عمري..

سديت الاتصال وكلتلهم بالحجاه سلام وكلهه جرت نفس مطمنه عليهه فتره مو طويله ورجعت اتصلت عليه ورد..

_ها سلام شلون صارت ماكعدت

_لا بعدهه رئتهه متضرره بالدخان لان بقت هواي بالبيت وصاير عدهه تسمم 

_ياا خطيه سوده بوجهي جنانه زين وتالي 

_بعد الدكاتره كاعد يسوون اللازم ومنتظرينهه تكعد 

_بس كون مو شي خطير

_لا لا تخافون مو خطير هيه منا لليل تكعد انشاءلله 

_تمام انشاءلله الله يكومهه بالسلامه يارب ابقى وياي على تواصل تمام سلام

_ربي يسلمج انشاءلله ماكطع بس تكعد اخابرج يله رايح انه هسه خويه محتاجه شي

نهيت المكالمه وكتلهم عن حالتهه وبقت كلهه تدعيلهه مرت العصريه وبيت عمو شعلان ترخصوا ورجعوا لبيتهم لان دنيا ليل وطريق طويل منا

للعماره عاد اخذهم ابنهم الجبير وراحوا ومرت عمي باقر وجنتهه وبناتهه كذلك اخذهم زوج بتهه وبقت بس جمانه وولدهه يمنه ترجع ويه محسن

من يجي من المستشفى بقت نوره تفتر وخايفه على اختهه صحتلهه واجت يمي نومتهه على رجلي وبقيت امسد على شعرهه واطمنهه عن جنان لحدما

نعست ونامت بقينه كاعدين منتظرين منهم خبر اذن المغرب وكمنه توضينه وصلينه الضهر قضاء لان التهينه وماصلينه وكملنه الفرض دعينالهه

بالسلامه ورجعنه تمددنه بمكانه محد يشتهي يكوم يسويله لكمه كلهه بالهه يم جنان .. منا لل ١ بليل تقريبا بعدما غفينه بمكانه اندك الباب وكلحنه فزينه

راحت امي فتحت الباب ودخل ابوي وعمو ساجد وخالتي لازمه جنان والبقيه وراهم دخلوا ومبين عليهم التعب دخلناهم للصاله ووكفت اباوع لجنان

الماخذهه التعب وعيونهه حمره وكوه واكفه اخذتهه من ايد خالتي حجيت وياهه ماتكدر تحجي مختنكه سوده علي عاد وديتهه لغرفتي غسلت

وجهه ورجعت لبستهه الكمام ونومتهه عل جربايه غطيتهه وطفيت الضوه وطلعت كعدت بالصاله يمهم وسالتهم عن حالهه وحجه بابا..

_جنان راح تبقى يمنه هل فتره لان بيتهم كله ريحه حرك ودخان مايجوزلهه وهي عدهه تسمم والله ستر لو ما الناس موجوده ولحكوا عليهه يكول الدكتور جان ماتت بالدخان لا سمح الله

_ياا اسم الله عليهه بعد عمر خالتهه الحمدلله ربي نجاهه بس جا ماراح التسمم منهه ماسووله شي

_لا بعده شويه انطوهه ابر ومغذيات هناك ضلوا يشيلون واحد يخلون الثاني منا لفتحت عيونهه وبقه نسبه من التسمم برئتهه كتبولهه علاجات وابر

وكال الدكتور تكدر تطلع بس لمكان نضيف وتلتزم بالعلاج كل يوميه مرتين لحدما تصير زينه والكمامه ملازمتهه ديروا بالكم عليهه بعد سماء ماوصيكم عليهه تمام بويه شموخ هيه رفيجتج بعد

_اي انشاءلله بابا لا توصي حريص اخليهه برمش عيني شعدنه غير جنانه احنه

_اي بويه بعد ابوج تره حتى العطر مايجوز تشمه هسه ولا تبقونهه وحدهه اخاف تختنك فجاتا وهذا بخاخ اذا اختنكت بخيلهه بعد تعرفين انتي

_اي بابا اعرفله انطيني العلاج كله انه انطي الهه 

_هاج بويه مكتوب بالورقه عدد المرات والجرعات التاخذهن

_تمام هاذهو ..

تنهد وصار هدوء بالمكان متعب واباوع لمرتضى عيونه هو الثاني حمر ويصفن والجكاره بيده كل شوي مشغل وحده ويذب حسرات لاحضت على ايده ترجف ومضروبه شفته كام للمطبخ ورحت وراه جان يشرب ماي باوعلي وكتله..

_مرتضى شبيهه ايدك ترجف ومزوركه

_لا مابيهه شي لا يضل بالج

_احجيلي شصار هناك 

_ماصار رحنه لكينه ابن جيرانهم كاسر الباب ومطلعهه للمستشفى بطرك التراك 

_ههه وانت ليش معصب 

_مو معصب بس عل اقل جان خلوا شال على راسهه شعرهه وتراكهه ضيك وجماله شالهه بين اديه من الباب للسياره مايصير حرام

_هههه يمعود مضطرين والضرورات تبيح المحضورات ومو وكت غيرتك هسه المهم انهه طلعت سالمه ورجعتلنه من حلك الموت هذن الامور كلهه سهله والناس جانوا مخبوصين يرحون ينتبهون على شعر وتراك البنيه

_الحمدلله على سلامتهه

_لحضه بس هيه لابسه حجاب وعبايه من اجت شلون تكول بتراك مطلعينهه

_ هوه انه من وصلت المستشفى وشفتهه هيج تطمنت عليهه ورحت جبتلهه حجاب وعبايه من السوك ولبستهه وهي نايمه 

_هههه يله جا بعد عليمن معصب 

_ ماتحمل احد يخلي عينه الزفره عليهه ويفصل جسمهه

_ليش

_شنو ليش غير بت عمي وعرضي هيه

_بس لهذا السبب 

_اي جا شنو غيره مثلا

_يعني غيرتك هاي مو لانك تحبهه..

صفن بيه وبلع ريجه بصعوبه شتت عينه عني وشرب الباقي من الماي بالكلاص وطلع بدون مايجاوبني بس وصلت الفكره ماحتاج كلام لسانه يكفي عيونه حجت كلشي وفضحته ااخ يا جنان لو

تدرين باخوي شلون يحبج ومتخبل عليج لو شايفته مساع شلون طلع يركض مايشوف كدامه من خوفه عليج جان ضليتي فاتحه شعرج وتركضين بالشارع مثل المسودنه ههه...

.

.

:- بعدما اغمى علي بالبيت فقدت السمع والاحساس حسيت نفسي راح اموت واول شخص اجه بالي مرتضى تمنيت لو رايحه ويه اهلي تمنيت لو شفته

قبلما ما الله ياخذ امانته مني تمنيت لو سامعه صوته حيل اشتاقيتله ومحتاجه وجوده يمي بهل لحضه خوف ودخان واختناق سيطر علي ماكدرت اتحمل ورحت للظلام وبين النايمه والكاعده اسمع

صوت الناس قريب مني كلش وشخص شالني بين اديه ويركض بيه ابتسمت وتهيالي مرتضى الاجه نقذني وطلعني من الموت وتمنيته يكون هوه مو

حلم لو شخص غيره بس ياريت الحلم يصير حقيقه بيوم.. فتحت عيوني بعد فتره طويله وشفت نفسي بالمستشفى وامي تبجي يمي وابوي

واكف يمسد على راسي ويحجي ويه الدكتور انتبهوا علي وكامت امي حضنتني وتبجي اجه الدكتور بعدهه وفحص تنفسي ونبضات كلبي وهز

راسه بايجابيه تالي اجت الممرضه اخذت دم مني وراحت فتره وماحس الا مرتضى دخل للغرفه متلهف وعيونه علي ضنيت بعدني بحلم او هذا

حقيقه والشفته مساع حقيقه همين يعني مرتضى هو الشالني هو يلي طلعني من الموت بقيت صافنه وهو صافن علي وكال..

_الحمدلله على سلامتج جنانه شلون صرتي

_احم زينه 

_ اي الحمدلله بعدج مختنكه لو شنو

_بعدني

_يله ميخالف انتي قويه منا لبعد يومين انشاءالله تنظف رئتج ومابيج الا العافيه..

هزيت راسي ب اي وبقه يباوعلي كل شوي وهو يفتر بالغرفه فتره ورجع الدكتور وكال موجه الكلام لبابا..

_بعده التسمم خفيف بس مدامهه كعدت الحمدلله تعدت مرحله الخطر وانشاءلله لمن يخلص المغذي تكدرون تطلعونهه وراح اكتبلهه مغذيات وابر

وكبسول لازم تاخذهن بوقتهن وماتخلونهه بمكان بي ريحه دخان او ريحه قويه حتى العطر حساس بالنسبه الهه هل فتره ومعافايه انشاءلله 

_تسلم دكتور تعبناك ويانه 

_لا تعبكم راحه واجبي..

طلع الدكتور وبابا وراه يجيب العلاج غمضت عيوني بتعب متشرده من نضرات مرتضى الاكلتني .. فتره ورجع بابا جايب وياه الادويه

والمغذيات كعد يمي ودخلوا عمو شهم والبقيه تفاجات لان كلهه جايه للمستشفى علمودي واستحيت منهم ردت اكوم ورجعني عمو شهم عل جربايه وكال..

_لا بعد عمج ارتاحي لا تستحين منه شلون صرتي هسه

_اي طبيعي تختنكين وتضلين تكحين بس انشاءلله فتره وتصيرين زينه لا تخافين مابيج الا العافيه وهم راح اخذج يم شموخ فتره تعيشين وياهه تصير النفسيه فول والا شتكول خويه ساجد

_بكيفك ياخويه تفضل علي جنت افكر وين اوديهه وبيتنه كله دخان وريحه حرك 

_افاا بيتي مفتوح الكم باي وقت وبعدك تفكر انت وعايلتك عندي منا لتكوم جنانه بالسلامه العتبه النه وصدر البيت الكم 

_تسلم ياخويه الله يحفضك النه يارب

_ويحفضك خويه يله امشينه نسويلهه الخروجيه مدام خلص المغذي

_اي يله امشينه..

طلعوا عمو وبابا من الغرفه واجه احسان تطمن علي هوه ومحسن وسراج ابن عمو شعلان اخر واحد وكف قريب مني وسالني يطمن علي ماكدرت

احجي هواي لان مخنوكه وصوتي كوه يطلع كتله زينه وابتعد واشوف مرتضى معصب ويباوع لسراج عبالك يريد ياكله بس ماتحمل يضل ساكت صفك

بيده وطلعهم بره بحجه ان يخلوني ارتاح عاد كلهه طلعت بقت بس امي تمسد على راسي ودموعهه تنزل سكته مديت ايدي مسحت دموعهه وكالت..

_شلون صار بيج هيج يايمه شلون اشتعلت النار

_بالفير مالت احسان

_اي جني ادري والله من كمت اشوفه يفير بي ويعوفه عل كهرباء لزمت كلبي كلت هسه يحركنه بس انه غبيه شمالني ماشفته شمالني ماجيكت غرفته قبلما اطلع نسيته وراح من بالي عبالي صار ادمي ويطلعه من الكهرباء 

_لا امي حشاج بعد صارت

_الحمدلله ماصار بيج شي والله اموت وراج لو لا سمح الله مختنكه وماملحكين عليج الجيران

_الجيران طلعوني

_اي يمه ابن جيرانه الله يستر عليه عابر من السياج كاسر البيبان وداخل مطلعج اجينه لكيناهم مخلينج بالطوارئ 

_هاا 

_اي يمه ..

خاب ظني من عرفت ان ابن جيرانه شالني ونقذني مو مرتضى مو دائما البطل يطلع البطله من الخطر وينقذهه مثل المسلسلات طلع الواقع بختلف تماما وين جان بطلي انه حتى يخلي الجوارين ينقذون

بطلته وين جان لمن جنت ابقى وحيده مخنوكه وانه مشتاقتله ولو شوف حضي كمت اهلوس شو انه الضاهر الدخان واصل لعقلي يا بطل يا بطله كمت ماعرف شحجي .. نفضت الافكار هاي من راسي واجه بابا وعمو كالوا

يله نطلع كومتني امي كوه وكفت والكاع افترت بيه ماكدرت امشي راح بابا جابلي كرسي متحرك كعدت ومرتضى واكف فوك راسي صافن علي

انتبهت على ايده صايره زركه وترجف وترددت اساله او بالاحرى تجاهلت هل شي رغم اشتياقي اله بس ماكدر اباوع لعيونه ولا احجي وياه او اساله عن حاله ماريد نضره منه او كلمه حلوه

ترجعني للصفر احس بعدني مو مستعده اواجهه شلون راح ابقى بنفس البيت وياه هل فتره مادري .. لزم بابا الكرسي ودفعني طلعنه من المستشفى وصعدني للسياره وصعد هو وامي يمي

وعمو شهم يسوق ومرتضى بالصدر يمه حجه عمو شهم ويه البقيه وكلهم يرحون لبيوتهم بعد سلموا على بابا وعمو واخذوا تكسي وراحوا واحسان ومحمد وسلام ومحسن ركبوا بسيارتهم واجوا ورانه

لبيت عمو شهم .. مسافه الطريق كلهه ومرتضى يلتفت كل شوي يباوعلي استغربت تصرفه هذا كدام ابوه واهلي مايكول هسه يفهمونه غلط لمن يدور راسه يباوعلي ويرجع وامي تباوعلي بتساؤل

عبالهه عندي شي وياه كلت خل اغمض عيوني واناملي شويه على ما نوصل احسلي لا يسويلي سالفه .. خليت راسي على كتف بابا وغمضت

عيوني فتحتهن قليل وشفته باوعلي ورجع بعد مادار علي من شافني نمت .. فتره ووصلنه للبيت نزلني بابا وسندت نفسي عليهم هو وامي ودخلنه

للبيت لاكوني كلهم وانه دايخه اليحجي وياي كوه اسمعه والكاع تفتر بيه اخذتني شموخ ودتني للحمام غسلتلي وجهي ونشفته غيرت الكمام

نزعتني الحجاب والعبايه مدري منو جايبهن الي يمكن بابا لو الجيران حسيت توه جريت نفس والدوخه راحت شويه.. تمددت عل جربايه وغطتني

طفت الضوه وطلعت بقيت متمدده وصافنه بمرتضى لزمت كلبي يخفق بجنون لمن افكر ان هو موجود بره وقريب مني بعد كل هل سنين اخيرا

اجتمعت بي بمكان واحد بس عكبيش عكب ماصرت انفر من وجوده ولو هوه منو الينفر وجوده غير عقلي اما كلبي اوو متخبل خاصه من حجه

وياي وتحمدلي بالسلامه لو نضراته الي طول وجوده بالغرفه يلي صابتني بدوخه .. اووف منك ومن عشكك يامرتضى شسويت بحالي ليش ماكاعد

اكدر انساك واتجاوزك ليش هيج روحي متعلقه بيك من صغرهه معقوله ربي خلقني بهاي الدنيا وخلق عشكك وياي كاعد احس كلبي مصنوع بجزء

من كلبك وهيج متصلات ببعضهن .. غمضت عيوني بحيره وكلت لا حول ولا قوه الا بالله ونمت فتره مو طويله وكعدت على صوت الاذان فتحت

عيوني وشفت الساعه ب٤ ونص الفجر وشموخ وريان نايمات يمي عل جربايه كمت توضيت وطلعت فرشت المصلايه ووكفت اصلي بس كوه اسجد يصير ضغط على رئتي واضل اكح كملت

ورجعت المصلايه لمكانهه ورحت يم الشباج اباوع للحديقه الورانيه والجو يخبل وهواه يشرح الصدر غمضت عيوني شويه وفتحتهن واجه كبالي

مرتضى من بعيد يمشي باتجاهي توترت وماعرفت شسوي ماطلع بيدي غير ان اسد الشباج لمن وصل قريب علي بقيت صافنه هاي شسويت

انه سديته بوجهه رجعت فتحته وباوعلي باستغراب ورجعت سديته مسحت وجهي بتوتر وبقيت اخذ نفس وازفره اهدي بروحي شمالني

هيج تخربطت من شفته كبالي امداني نوب سديته بوجهه هسه يكول شمالهه هاي تخبلت يا نوب مالابسه حجاب خرب حضي اليوم وين اروح وين

انطي وجهي يمكن راح احبس روحي بالغرفه ماطلع كباله بعد .. رديت البرده ورجعت تمددت بمكاني وغمضت اريد انسى هل موقف ماكو كل

شوي اتذكره من وصل يم الشباج وسديته بوجهه تالي فتحته خرب شلون يباوع وعلي هسه يكول هاي مخبله مو صاحيه ااخ يافشلتي منه شلون بيه

وبثولي .. بقيت اتكلب ماجاني نوم بعد لحدما مرت ساعتين ورن المنبه فزت شموخ من مكانهه وطفته حتى لا تكعد ريان باوعتلي وكالت وهي مغمضه عيونهه..

_ها جنان صباح الخير حبيبتي شلون صرتي

_صباح الخيرات الحمدلله احسن بس الخنكه تروح وترجع

_اي انشاءلله مابيج الا العافيه اخذتي علاجج

_لا بعدني 

_اي صدك هو عندي لحضه خل اكوم اصيح لبابا يجي يشكلج المغذي والابر 

_لا عوفي خاف نايم هسه خطيه 

_لا كاعد هو كل يوم يكعد هيج وقت يتريك 

_تمام اذا هيج ..

هزت راسهه بايجابيه وباوعت لريانه مبتسمه غطتهه زين وكامت للحمام غسلت وطلعت صاحت لعمو لبست حجابي واجه دخل هو ومرتضى باوعت

لمرتضى ونزلت راسي بفشله صبحت عليهم واجه عمو اخذ المغذي شكله بالكانوله ومرتضى جاب العمود مالته خلاه بصف الجربايه علكه بي واخذ الابره زرقهه بالمغذي نزل راسه باوعلي وكال بجديه..

_عندج العافيه ام شرده..

رفعت راسي بصدمه شلون حجه هيج وعمو شهم واكف يمنه باوعلنه بتساؤل ونزلت راسي كتله الله يعافيك وراحوا وشموخ وياهم هم طلعت خليت

ايدي على وجهي بفشله ورجعت تمددت يم ريان بقيت العب بشعرهه وافكر بمرتضى مبتسمه استوعبت وتداركت نفسي وكلت شكو كاعد افكر

بي ومبتسمه خير ياطير نفضته من افكاري واخذت نقال شموخ اكلب بي نقالي بقه بالبيت فتره ودخلت شميخه بيدهه صينيه الريوك خطيه خلتهه عل جربايه وكالت..

_يله عمري كعدي اكليلج لكمه

_ها يروحي ليش تعبتي نفسج شبعانه انه من المغذي

_ميخالف اكلي حتى تصير بيج قوه

_وانتي 

_انه هم راح اكل وياج شويه واكوم ابدل لان تاخرت عل دوره 

_تمام حبي..

كعدت ريانه على ريحه الاكل بقت صافنه علينه ماتعرف شسالفه شافت الاكل واشرت عليه وعيونهه على امهه وتكلهه اريد عم تموت عل اكل

على امهه طالعه ام خدود كزكزت على شكلهه هيه وخدودهه وكفشتهه المفلفله المدري عليمن طالعه سحبتهه شموخ لحضنهه وبقت تسوي لكمات

صغيره وتخلي بحلكهه وهي تعلس ماتحملت كياتتهه دنكت عليهه وبستهه بخدودهه افييش ماينشبع منهن .. كملنه اكلنه وكامت شموخ اخذت الصينيه ورجعت اخذت ريان غسلت الهه ورجعت

بدلت ملابسهه ومشطتهه وخلتلهه باودر حتى لا اتحسس من العطر اخذتهه لحضني العب وياهه وهي كامت سبحت وبدلت ملابسهه اخذت دفترهه ونقالهه والسماعات وغيرهم بالجنطه وكالت..

_يله حبي انه راح اروح تبقيهه ريانه يمج لو اخذهه يم امي 

_لا خليهه يمي مشتاقتلهه خل اشبع منهه تالي اوديهه لخالتي

_تمام انه هم راح اوصي امي تجي وره شويه تاخذهه عنج لا تتعبج وتشلع كلبج

_تمام حبيبتي ديري بالج على نفسج 

_انشاءلله انتي همين ديري بالج على نفسج وريانتي واذا تحتاجين شي بعد امي وكلهه يمج وماوصيح لزمي كليبج لا يسرسح 

_هههه لا لازمته لا تخافين علي

_اي طمنتيني

_اكول ليش احسج ماترديني لاخوج

_بالعكس شفايتلي صديقه عمري تصير مرت اخوي وتعيش وياي بس اريدج تاخذينه بكرامه وعزه نفس ماريد احد يفرض سيطرته عليج ولو ادري باخوي ادمي جان سهلتله امر بس اعرفه عنيد ويحب يسيطر قبلما يعشك حتى وساعتهه انتي تنضرين

_هاا هيج رايج

_اي خيه وهسه يله خل اروح لا اترزل بالتعداد

_تمام حبي روحي الله وياج

_ باي حبيبتي

_باي..