رواية بدون كلام الفصل الثاني عشر بقلم جمانه السعيدي
عطور...اخذت الفلوس من يوسف
امي حيل ضايجه لان تعرف مكرهم و حقارتهم
وماتريدني ادخل بهيج تحدي وياهم
جانت حاسه مستحيل يوسف يقدم هيج اشياء وهيج مبلغ بدون ما ياخذ بمكانهن شي اغلى منهن
دخلت غرفتي اجت وراي امي
امي....يمه عطور...محد.يموت قبل ؤومه اني بطلت
مااسوي عمليه
صرت زينه على العلاج ماااكح من انام بليل
حتى الورم برجليه خف
عوفي العمليه مااريد رجعي فلوس يوسف
يوسف مايقدم شي اله ياخذ شي أعلى منه
عطور...يمه ترا هاي فلوسنا مو ما جايب شي من عنده
بعدين رب العالمين هو الحافظ
مايصير شي موزين
اني متوكله على رب العالمين مراح يعوفني وحدي
امي...خايفه عليج حبيبتي
عطور...فكري بس بنفسج قللي توتر حتى لا يعلى الضغط
اذا صعد ضغطج مراح ادخلين عمليات
امي...اتمنى اموت ولا اشوفج هيج تتفقين ويا الشيطان
علمودي
حضنتها لا تخافين حبيبتي
اني مستعده كلشي اسوي بس ماافقدج
بلكوه قنعته تنام حتى تكعد مرتاحه
دزلي امير رساله
امير... هلو حبيبتي شلونج طمنيني
هااا جهزتي نفسج امج جاهزه
عطور....هلو امير اي جاهزه حتى الفلوس دبرتهن
يمكن حتى فلوسك ماا احتاجهن
امير...شلون دبرتيهن
عطور....رب العالمين دبرهن اليه
امير....تمام نامي وارتاحي باجر الساعه تسعه ابابكم
حتى اجيبج انتي وامج
عطور...تمام
امير...تصبحين على خير
عطور ....وانت من أهل الخير
واني اكتب ويا امير اجاني اتصال من نهى
خلصت ورمشت عليها
تريد تطمن على امي وتاكد على موعد العمليه حتى تكون موجوده وياي
عطور ما نمت نومه حقيقيه كل شويه افز
خايفه على امي وخايفه من يوسف
شكد جاي اكابر بس بلحقيقه اني كلش خايفه
يوسف واحد غدار ومستحيل يعوفني بحالي
يمكن اليل كله نمت ساعه وحده
جمانه السعيدي
كعدت بلسته الصبح صليت وخليت القوري على النار
كعد اخوي بس سمع صوتي
دخلته الحمام غسل وبدلت ملابسه
سلكت بيض تريك اني جايبه حب منوم قوي
اريده يرجع ينام لان مااكدر اخذه وياي للمستشفى
ولا اكدر اعوفه نهار كامل بلبيت وحده
وماعندي احد اخلي يمه لان يتحرك وماشاء الله اطول مني محد يحمله غيرنا
كعدت امي دخلتها للحمام سبحت وطلعت
طبعا ممنوع تاكل ولا تشرب مي لان عدها عمليه
للساعه تسعه اله ربع مصطفى مانايم
لان هو اصلا ياخذ علاجاته مهدئه المنوم يحتاج وقت يله يشتغل علي و ينام
امي....يمه خاف مااطلع من العمليه عينج على اخوج
عطور...يمه فدوه لاتكولين هيج اني روحي خلصانه
بلى كلشي
انتي راح اطلعين وتعيشين واعوضج عن سنيين الضيم والحرمان بس استلم راتب اله ادللج دلال
لبس وواكل ونأجر بيت غير هذا البيت
نعوض كل سنيين التعب والضيم
امي... كلشي مااريد بس رب العالمين يحفظكم ويستركم
من الناس المتعافيه
بعد مااوصيج على مصطفى
عطور...يمه التوتر مو زين عليج
الدكتور يرجعنا مايسوي عمليه فدوه لا تفكرين
لا بمصطفى ولا بيه
فكري بس بنفسج وبس
عطور.... اجا امير بسيارته طبك بلباب
ورن عليه
دخلت مصطفى بلغرفه وقفلتها علي لان مبين مراح ينام
بسهوله
عطور...يله يمه هذا ولد وياي بلمستشفى هو الي
كمل اجراءات العمليه
يمه لا تلحين على بلكلام ترا اخرس
سلمي علي وبس
امي...يااا اخرس ويشتغل بلمستشفى
عطور....يمه هذا مو بشر ملاك طيب وحنيين
وصاحب غيره
امي. ليش تحجين هنه هيج
عطور....مو كتلج خلص كل اجراءات العمليه
طلعنا بس شافني رفع ايده يسلم
فتح باب السياره الامي
امي....يااا ولله حلوووو هله خاله هله بيك
رجع رفع ايده وخلاها على صدره بمعني رد السلام
وامتنان من امي
صعدنا شغل السياره وصلنا دخلنا بلكراج جوه
كبل دخلنا للجناح الي بي العمليات
لكيت نهى منتظرتني سلمت عليه وعلى امي
كعدنا وأمير راح يكمل الأوراق يدخل منا ويطلع منا
منا لمن وصل الدكتور راح علي
رجع علينا كتبلي نص ساعه وندخل
بس الدكتور يحضر نفسه
أخذنا امي اتاكدنا من السكر والضغط
ضغطها شويه صاعد
دخلناها الغرفة العمليات اامير لبس لبس العمليات ودخل وياها واني بقيت برا
اقرا آيات قرآنية واستغفر ربي
ادعي امي تطلع سالمه لان ماعندي غيرها بلدنيا كلها
فقيره وكلبها طيب ومو صاحبت مشاكل
تريد الدنيا بس تمشي شلون مجان
لو وحده غيرها جان حارت شسوت بس عجيبه شكد عدها قناعه
ساعه وربع تقريبا طلع امير ااشرلي اوكي
عطور...نجحت العمليه
امير....اشرلي ااي تمام
شويه وطلعت امي اخذناها جناح خاص
لان عمليات القلب مو مثل باقي العمليات
لازم ماكو اي صوت أو توتر لازم معامله خاصه
بقا امير وياي ماعافني ابد منا لمن امي فتحت عيونها وطمن عليها
نهى راحت لان عدها دوام وكالت ارجع عليج
بس فتحت عيونها امي
راح امير جاب الدكتور مره ثانيه
حتى يشوفها ويطمن عليها
الحمد لله الشكر يستاهل الحمد
امي طلعت سالمه
جمانه السعيدي
بقيت بقلق على مصطفى
عطور...امير تكدر توصلني للبيت اريد اطمن على مصطفى
وارجع
امير... كتبلي اي تدللين
عطور....يمه اروح اطمن على مصطفى وارجع بسرعه
ااشرتلي براسها ااي
اتصلت على نهى تجي تبقى يم امي الحد ماارجع
كالت تمام هسه جايه
صعدت بلسياره شغل امير وطلعنا
عطور...مااعرف شلون اتشكر منك على هذا التعب
امير....كتبلي ماكو اي تعب وياج كل تعب راحه
وصلنا الوقت ضهر خفت واحد من بيت عمي يطلع ويشوف امير وصلني بسيارته
اذا واحد منهم شافني نازله من سياره خاصه
شيخلصني منهم يصيرون كلهم شرفاء براسي
واني الموزينه
كتله اوكف هنا برأس الشارع
ااشرلي بستغراب ليش
عطور...من ارجعي احجيلك كلشي
دخلت بلشارع امشي محد طلع من بيت عمي
دخلت للبيت فتحت الباب لكيت مصطفى رايح بسابع نومه
جبت ماعون تفاح خليته يمه وسويت لفتين جبن
خليت دولكه مي عندي نستلة ثنيين خليتهن يمه
ورجعت قفلت الباب و طلعت
اذا كعد جوعان ياكل
رجعت طلعت بسرعه ورجعت الأمير
صعدت بلسياره
كتبلي ليش ماخليتني ادخل يم بيتكم
عطور....بيت عمي جيرانه ومااريدهم يشوفونك
خاف يحجون عليه
هزلي راسه تمام
كتبلي اذا اطلب ايدج من بيت عمج يقبلون
عطور....اول امي تصير زينه وبعدين نحجي بهذا الموضوع
وصلنا لكيت نهى كاعده يم امي
خلص الدوام وأمير ابد ماعافني
منا للمغرب راح جاب الدكتور اطمن على حالة امي
الدكتور كال تكدرون اطلعون بس اهم شي الراحه والهدوء
وممنوع التوتر
رجعنا امير بسيارته للبيت همزين ولا سياره واكفه باب بيت عمي
كلهم طالعين محد.شافنا منهم
نزلنا دخلنا للبيت وأمير شغل سيارته وطلع
دخلنا للبيت اسمع مصطفى يكسر بلباب ويبجي
عمت عيني ضاج من الحبسه
خليت امي ورحت فتحت الباب
لكيته لاعب لعب الاكل مطشر بلكاع
تكرمون مدمر ملابسه قاضي حاجته على نفسه
طلعته للحمام سبحته وغيرت ملابسه
ورجعت للغرفه طلعت الفراش كله
وغسلت الغرفه
حضرت عشى اتعشينا ورجعت غسلت الفراشات
جمانه السعيدي
اجيت لكيت خمس مكالمات من يوسف
شويه ورجع اتصل
عطور....هلو يوسف
رد عليه بعصبيه ليش ماتردين
عطور...التليفون مو يمي بعدين ويني وين التليفون امي
مسويه عمليه قبل شويه رجعنا للبيت
يوسف..ولو اني اذا اتصل تجاوبيني بسرعه
فهمتي لو لا
عطور. ليش اصيح قابل اشتغل عندك
يوسف....تشتغلين عندي وغصبا ماعليج
عطور...احترم نفسك واحجي وياي عدل فهمت لو لا
يوسف...هااا طلع السانج
عطور....شنو خايفه منك كتلك ما سمعت التليفون
بعدين اني بيا حال ويني وين التليفون
مصطفى بقا وحده بلبيت ولكيته لاعب لعب
روح هسه مالي خلك احجي وياك
يوسف...اي مو خلصت شغلتج
شوفي عطور ولله ادمرج يمكن انتي ما تعرفين يوسف
وحده مثلج ما تضحك عليه
العب بيج طوبه احجي عدل واعرفي ويا منو تحجين
عطور.. كملت كلامك خلصت تهديد
روح الله وياك
قفلت التليفون ولله بطران كاعد يهدد
شتريد تسوي سوي
بليل نمت ويا امي ومصطفى كلنا بنفس الغرفه
شكد تعبانه بسبب القلق والتوتر الي مريت بي
ما فتحت تليفوني ابد
ثاني يوم الصبح فتحت التليفون
امير دازلي رساله يطمن عليه وعلى امي وكاتب اذا تحتاجين شي اكتبيلي
اما يوسف متصل عشر مرات ودازلي رسالة تهديد
كاتب بيها
اذا ما تمشين عدل اخليج تتندمين
اموت امج بحسرتها عليج مو يوسف الي وحده مثلج تضحك علي
عطور...اني اعرف هو يكدر كلشي يسوي
بس اني مؤمنه رب العالمين مراح يعوفني ووحدي
الضهر امير دزلي رساله يطمن على امي
عطور...الحمد لله زينه
امير....اشتاقيتلج المستشفى مو حلو بدونج
عطور....اني هم اشتاقيتلك
بس تصير امي زينه ارجع للدوام انشاء الله
امير...يصير اجي اطمن عليها
عطور...لا تجي مااريد احد يشوفك ويكثر القال والقيل عليه
امير....تمام سلميلي عليها
للعصر اجت نهى هيه وامها تطمن على امي
رجع اتصل يوسف مارديت علي
بليل اجن نسوان الشارع يطمنن على امي
بليل حجينا شويه اني وأمير بعدين اتصل يوسف
هم مارديت علي
اليوم الي بعده العصر اجنا نسوان يشوفن امي
احنا متعودين نطلع مصطفى بلشارع شويه
يكعد بلباب يباوع على الجهال
طبعا هو يخاف لا يقرب على الجهال ولا يبتعد عن بابنا
خليتله فراش كعدته بلشارع
اجنا نسوان بعدهن اجن ثنيين نسوان نسيت مصطفى
جيبي جاي وقدمي ماي واني اسولف على النسوان امي موزين عليها الكلام هواي
قبل الاذان بنص ساعه وصلت نسوان الجوارين للباب
طلعت وراها كلت ادخل مصطفى
هواي صار كاعد بلشارع
طلعت مالكيته
تخبلت اباوع هيج اباوع بلجهه الثانيه ماكووو
دخلت بدلت ملابسي وطلعت ادور علي
هو جبان مايمشي بعيد عن بيتنا يخاف دكيت الباب على الجوارين باب باب
كلهم يكولون شفنا اخير مره كاعد بابكم
طلعو الجوارين يدورون وياي
جيرانه صعد بسيارته وراح يفتر بلشوارع
وولد ثنيين من جيرانه راحو يدورون بجهه ثانيه
يمه فرفحت
وين راح لا يحجي ولا يفهم ولا يعرف يكول هو ابن منو
ااذن اذان المغرب
واني مفرفحه وادور علي
اركض بلشارع منا وارجع منا تخبلت علي
كل شويه ادخل للبيت واطلع مااريد امي تحس مصطفى
ماكووو
موزين عليها التوتر
ياربي شلون بيه ووين راح وشلون راح الكا
الدنيا صارت ليل الجوارين كلمن رجع البيته
كلهم يكولون مالكينا
ياربي شسوي اروح المركز الشرطه حتى يدورون علي
هو كلشي ما يعرف ولا يندل
واكفه بلشارع مفرفحه طبك يوسف بسيارته
يوسف...شكو ليش واكفه بلشارع
عطور.. مو وكتك الله يخليك مصطفى ماكووو
يوسف.. يعني شنو ماكوو
عطور...طلعت بلباب مثل كل يوم طلعت مالكيته
شلون بيه امي بس تعرف تروح بيها
يوسف.. ادخلي جوه اني راح ادور علي
عطور....كلت بكلبي شعجب ما تجي منك هيج حركه
بقيت ادخل للبيت واطلع بلكت يرجع بلكت احد يشوفه يعرفه ويرجعه للبيت
ماكو اقل الربع ساعه رجع يوسف ويا مصطفى
نزله من سيارته
عطور....وين لكيته
يوسف...لكيته شنو قابل اني مثلج لكيته بلشارع الثاني
عطور...حسيت من كلامه يجذب عليه
كلت المصطفى ووين رحت
ااشرلي على يوسف وعلى السياره وااشرلي بعيد
دخلت مصطفى للبيت ورجعت على يوسف
عطور...عيب عليك هاي الحركات تأخذ مصطفى من كدام الباب حتى تخوفني
ضحك ضحكت خباثه
يوسف....اعتبريها كرصت اذن حتى تنتبهين زين ويا منو
تحجين
هاي شغله بسيطه من الشغلات الي اكدر ادمرج بيهن
اللج يومين والكاج متصله ومحضره نفسج
فهمتي لو لا
شغل سيارته وطلع واني بقيت واكفه بمكاني
مااعرف شلون اتصرف
الله يستر من الجاي الضاهر اني دخلت لعبه مو كدها
مااكدر عليها شلون بيه
