روايه الحب بالقلب الفصل الحادي عشر
كمال يدمع بعينه بحرقه إليه
ام حسن تقترب عليه و تاخده في حضنها و تطبطب عليه : بس يا حبيبي اهدي
حسن ببكاء مثل الاطفال : ورد يا ماما ، انا عاوزها و الله بحبها خليها ترجعلي
والدته تمسح دموعه : نصيبها كده يا حبيبي
حسن يصرخ بوجع : اااااه
الدكتور يصعب عليه الموقف و يقول لـ الدكتور 2 : خلينا نجرب تاني انا حاسس ان ممكن قلبها يشتغل
الدكتور 2 : دكتور خلاص احنا عملنا اللي علينا هي عمرها انتهاء
الدكتور بجدية : خلينا نجرب اخر مره
الدكتور 2 يهز راسه بتفهم ويذهب ليفعلون صدمات تاني للقلب.... لكن لم يعمل....و مره اخرى... ايضا مزال رافض القلب يستجيب...
ليقول: اخر مره ، ويفعلها.
حسن يرفع وجهه من حضن والدته بدعاء: يارب...يارب...يارب..
وفي نفس الوقت الدكتور يضرب الجهاز في قلبها وجسدها يهتز....والممرضه : القلب اشتغل يا دكتور
الدكتور يتنهد : الحمد لله
كمال /رحاب يبتسمون بسعادة : الحمد لله
وحسن يشعر بأن روح عادت له و يتنفس بصعوبه ويحاول يجمع اعصابه التي فقدها : الحمد لله
الدكتور : اتفضلوا حضرتكم بره ، هي الحمد لله القلب رجع
حسن يذهب ليجلس جانبها : انا مش هطلع
الدكتور بدهشة: نعم مينفعش طبعا
حسن بتصميم : لا ينفع انا مش هتحرك من جنبها غير لما تصحي
الدكتور بقله حيله : طب البس حتي لبس معقم
حسن بضعف: ماشي هات
ويخرج الجميع ويظل حسن بمفرده جانبها ..
وحسن يقترب من ورد يقبل راسها : كده عايزه تسيبيني ده انا اموت من غيرك (بارتياح ) الحمد الله
***
في الخارج :-
خالد بصدمه : ايه قلبها وقف
كمال : اه و الحمد لله رجع تاني، بس اوعي تقول لابوها ، ده ممكن يجريله حاجه
خالد : هو فين صحيح
كمال : راح يصلي و يدعيلها
خالد : و حسن فين
كمال : مش هتصدق قاعد جنبها مش عايز يسيبها ، مش عارف اللي غير حاله فجاه كده ، ده لو شوفت شكله لما قلبها وقف مش هتصدق .. ده كان بيعيط زي العيال الصغيرة
خالد ساخر : لا حنين
كمال باستغراب: بتقول كده ليه ، ما ممكن يكون بدءا يحبها فعلا
خالد باستهزاء: هو لسه هيبداء
كمال : في ايه يابني انت مخبي عليا حاجه
خالد بتوتر : لا مفيش
وكاد أن يتحدث كمال ليسمع صوت صراخ هبه
ليركض إليها خالد بخضه : في ايه مالك
هبه بوجع : اااه مش قادره ااه شكلي بولد
خالد بقلق : تولدي ايه ده انتي لسه في السابع
هبه بالم : مش عارفه الحقني يا خالد اااه
كمال : شيلها يا بني بسرعه و روح شوف دكتور
خالد بتوتر : حاضر
واقترب منها ليحملها ويذهب سريعا
كمال يتنهيد : هي المصائب كده مش بتيجي غير وراه بعض ، ربنا يستر
***
بعد الكشف
الدكتور : لازم تولد حالا
خالد بخوف : ليه مالها
الدكتور : متقلقش بس مينفعش تستني اكتر من كده.. لازم ولاده قيصري دلوقتي
خالد بقلق : طيب هي هتبقي كويسه
الدكتور : ان شاء الله
***
بعد عده ساعات
هبه تفتح عينيها ببطء شديد
خالد بفرحه : هبه الحمد لله ، حمد لله على سلامتك يا حبيبتي
هبه بتعب : هو ايه اللي حصل
خالد بحنيه : والدتي يا ستي و جبتي بنوته زي القمر شبهك
هبه بلهفه : ولدت ، هي فين ، كويسه ، اوعي تكدب عليا يا خالد
خالد : بس..بس اهدي هي في الحضانه عشان جت قبل معادها بس
هبه بشك : يعني هي كويسه
خالد : والله كويسه متقلقيش
هبه بارتياح : الحمد لله
خالد يقبل راسها : حمد الله على سلامتك يا حبيبتي
***
بعد عده شهور وما زالت ورده لم تستيقظ من الغيبوبه.. كمال : وبعدين بقي يا ابراهيم اهدي مش كده
ابراهيم بدموع : يعني عايزين اعمل ايه والدكتور بيقول مفيش اي استجابه ليها ، ده بقلها شهور كتير كده ، (بحزن) انا حساس اني مش هشوفها تاني خلاص
كمال بعتاب : ليه بس كده وحد الله و ان شاء الله خير
ابراهيم : لا اله الا الله هو حسن لسه قاعد جنبها
كمال بتنهيد : اه
ابراهيم وهو بيمسح دموع : مكنتش اعرف ان حسن بيحب ورد كده
كمال بشرود : ولا انا
***
داخل غرفه المستشفي :-
ورد نائمه أعلى الفراش في عالم اخر ، و نصف جسدها متجبس ، و حسن مازال يجلس بجانبها و متمسك بيدها
حسن بحزن : يلا بقى قومي وحشتني اوي ، قومي انا عرفت قيمتك و الله خلاص متحرمنيش منك (و يقبل يدها )
ليشعر بـ يدها تتحرك بين يديه
حسن بلهفه : ورد انتي سمعني
ورد :_______
حسن برجاء: ابوس ايدك افتحي عينيك
ورد تحرك يدها مره ثانيه : ______
حسن بفرحه: يلا يا حبيبتي حاولي
ورد تفتح عينيها بالعافيه
حسن بسعادة : ورد حبيبتي الحمد لله ، سامعني يا قلبي قولي اتكلمي عايز اسمع صوتك
ورد تنظر اليه وهي تحاول تتذكر ما حدث
حسن يقبل يدها : استني هروح انادى على الدكتور
وبعد مده يعود حسن ومعه الدكتور ليجدها أغمضت عينيها مره ثانيه..
حسن بحزن : والله يا دكتور فتحت عينها
الدكتور : طب استني ، ويكشف عليها
الدكتور : متقلقش ده شئ طبيعي
حسن بلهفه : يعني هتفوق تاني
الدكتور ؛ ان شاء الله
حسن يتنهد بقوه : يارب ، انا اما صدقت انها رجعت
وفي تلك اللحظة ورد تفتح عينيها مره ثانيه
حسن بلهفه : ورد
ورد تنظر له بتعب : آآ
حسن : اتكلمي يا حبيبتي
ورد : آآ حـ
حسن : هااا
ورد بصعوبه : حـ.. سـ.. نـ..
حسن بأبتسامة سعيده : عيون حسن انا اهو
***
ابراهيم يضمها بسعادة : بنتي حبيبتي الحمد لله
كمال : يا ابراهيم براحه علي البنت
ابراهيم بلهفه : وجعتك يا حبيبتي
ورد بضعف : لا انا كويس
ابراهيم بارتياح : الحمد لله
حسن كان يقف من بعيد و يبتسم
الدكتور يطرق الباب ويدخل : صباح الخير
الجميع : صباح النور
الدكتور لـ ورد : عامله ايه دكتور
ورد بتعب : جسمي كله وجعني اوي
الدكتور وهو يقراء ورق الفحص الخاص بها: معلش ده طبيعي معلش استحملي فتره وهتعدي
حسن بقلق: طب ما تديها حاجه تخفف وجعها
الدكتور : هي وخده بس عادي
حسن : طب اعمل اي حاجه ما تخليهاش تحس بالوجع
الدكتور : واضح ان جوزك بيحبك اوي يا مدام ورد
ورد كانت صامته
الدكتور : المهم ما تقلقوش احنا كمان يومين و هنفك الجبس ان شاء الله ، عن اذنكم
ابراهيم يتذكر : و انتي صحيح ايه اللي حصل ، خليكي ترمي نفسك
ورد تنظر إلي حسن مطولا و هو الآخر في انتظار اجابتها بفارغ الصبر..
كمال : احكي يا بنتي متخافيش
ورد تغمض عيونها وهي تتذكر وتحكي ما حدث كيف احاول امجد ان يعتدي عليها.
كمال /ابراهيم ينظرون لـ حسن بغضب
ابراهيم بغضب : وصاحبك ماله و مال بنتي يا حسن
حسن مصدوم من اللي سمعه واخفض وجهه في الارض
كمال : ما ترد
حسن بخجل لاول مره : وانا هعرف منين ده حيوان بس لما اشوفه والله لوريه
ابراهيم بحده : يعني انت السبب فى اللي حصل لي بنتي
حسن بندم : انا اسف يا عمي ما كنتش اعرف
كمال بحده : الواد لازم يتجاب ، ويتسلم لي البوليس فاهم ،و تقول كل حاجه تعرفها عنه
حسن : حاضر
ابراهيم الى ورد : معلش يا حبيبتي ، المهم انك بخير و الكلب ده ملمسكيش
ورد بجمود : الحمد الله
كمال يقوم : يلا يا ابراهيم نروح نصلي الظهر
ابراهيم : ماشي ، و يقبل رأسها ويخرجون
حسن اقترب ليجلس بجوارها على الكرسى الذى يوجد بجانبها : احم احم محتاجه حاجه
ورد تهز رأسها بلا
حسن : طب في حاجه بتوجعك
ورد تهز رأسها بلا مره ثانيه.
حسن بضيق يحاول يخفيه: ماشي
ورد من غير ما تنظر إليه : لو زهقت ممكن تروح
حسن باستغراب : امشي و اسيبك لوحدك لا طبعا
ورد بجفاء: متقلقش هقولهم انا اللي قولت كده
حسن بعدم فهم : هتقولي لمين
ورد : هقول لي بابا و عمي ، احسن ما تقعد غصب عنك
حسن بضيق : ومين قالك اني قاعد غصب عني ، انا قاعد برضايا
ورد بلا مبالاه : انت حر
حسن بضيق من طريقتها في الرد ويصمت
ورد لتضع يدها على بطنها : هو نزل صح
حسن باستغراب : هو مين
ورد بحزن : ابني
حسن بالم : اه
ورد دموعها تنزل على وجنتيها و حسن يتطلع إليها بحزن
***
وفي اليوم التالي جاء معاد ازاله الجبس
ورد : اااه
حسن يمسك يدها : معلش يا ورد امسكي فيا
لكن ورد تبعد يدها من يده بحده
الدكتور : خلاص اخر حاجه اهو ؛ حولي بقي تحركي رجلك كده
ورد تحرك رجل بصعوبه : اهو
الدكتور : كويس جدا الرجل التانيه
ورد تحاول لكن لا تعرف.
الدكتور : معلش مره كمان
ورد تحاول بتعب : انا مش حاسه بيها اصلا
الدكتور بشك : متاكده
ورد : ايوه
حسن ينظر الي الدكتور : هو في ايه .. في حاجه
الدكتور : لا خير ان شاء الله ، هنعمل اشاعات ونشوف
حسن : طيب
الدكتور : هستاذنك بره لو سمحت
حسن بقلق : طيب هاجي
ورد بصوت عالي : استني هنا هو في ايه
الدكتور : مفيش حاجه
ورد بحده : امال وخده بره ليه ، لو في حاجه قول هنا ، وبعدين انا دكتوره وفاهمه
حسن : ورد حبيبتي استني بـ..
ورد : هشششش ، ( وتنظر الي الدكتور)
رد عليا رجلي مالها
الدكتور : احم يعني بصراحه انا شاكك ....
ورد بنفاذ صبر : مالها
الدكتور : مـ.. ممكن متعرفيش تمشي غير علي رجل واحد بس
ورد بصدمه : قصدك اني اتشليت
الدكتور : مش بالظبط
ورد بزعيق : امال ايه
الدكتور : حضرتك ممكن تمشي بعكاز ، وبعدين مش احسن من انك تتشلي
ورد بالم : ااه لا في فرق صحيح
الدكتور بسرعه : وفي علاج ممكن انك تمشي ان شاء الله
ورد بدموع : ممكن
ليرحل الدكتور ،و حسن يقترب منها بحزن : هو مجرد وقت يا ورد و هيعدي
ورد بانهيار : اسكت انت بالذات
حسن يقترب ويضمها بقوه : لا مش هبعد
ورد تضرب على صدر : بقولك ابعد عني
حسن يحكم عليها في حضنه ويقول : مقدرش
ورد بالم : لا تقدر زي ما حاجات كتير قدرت عليها
حسن ينظر بحزن و ندم .. ورد بانكسار : اكيد فرحان ، اهو مش بس متجوز واحده شكلها وحش لا و وبتعرج كمان ، "وتنهار ببكاء جامد
حسن بحزن : بس يا ورد بالله عليكى مش قادر اسمع
ورد ابتعدت من حضنه وتنظر اليه : بس انا مش هسكت
حسن بقلق : قصدك ايه
ورد بجديه : طلقني
