رواية نورة الفصل الثاني عشر بقلم ام مصطفى
هذا شبي تخبل
كمت انكت بملابسي انيى وحنين
كالت
نور ليش ماصعدتي وياه مو ابن عمج هو
-مااريد اصعد
-ليش فهميني بينكم شي
-لج مو تقدملي وامي رفضتهم
وهو مجلب شسوي
يعني ذيج المره الله ستر
هالمره لو اشافتني امي لو ابويه شسوي اني
عيب منهم اكيد هسه يفكرون عندي شي وياه
-هاا اي لعد حقج بس والله مبين عليه يحبج وغمزتلي
وانتي تحبيه مو
-لا ماعندي شي وياه
-نور خليج صريحه تحبيه لولا
-والله مااعرف صراحه ممجربه الحب
بس احس بنفسي افرح بداخلي لو شفته
واذا يغيب اضل ادور عليه
بس من يحجي وياي اضوج
ماادري ماادري كلشي ماافتهم مشاعري متلخبطه
-ان شاءالله الايام تبينلج
بس تره مبين خوش ولد
وشكله جدي وثگيل
-اي هو ثگيل الى درجه ومتدين
والى كلمه مسموعه ابيتهم
حتى عصبي حييل
مرات ابيتنه وصوته اسمع يصيح
-يمةة خوفتيني منه
-هههههه مو اكلج متردده
-الله يقدم البيه الخير الج
وصلنا لدربونتا
شفته واكف ومنتجي ع السياره
ويدخن
شافني عدل وگفته
اني سويت نفسي مشفته
فتت لبيتنه
واسمع ضربة باباهم حيل
يعني فات وضرب الباب
لان ماباوعتله
اووف شبي هذا
دخللت امي محضرتلي الغده كالعاده
غيرت ملابسي واجيت انغده
كالت خلصي حتى نروح لبيت خالتج احلام
-شنسوي نروح
-نسير عليهم شويه شبيج كلش تعقدتي وحابسه روحج
-عندي دراسه
-ميخالف ميأثر ع دراستج ساعه ونرجع
-ان شاءالله
اتغديت ولبست صايه اسلاميه سوده من اطلع البسها
امي لبست عباتها يله
ايي خلصت
طلعنا جان اشوفه بوجهي بالباب
امي سلمت عليه
بس اني ولا باوعتله ولا سلمت
حتى امي كالت شجاج مسلمتي
مو عيب
-استحي اسلم
-شنو تستحين عيب يمة السلام لله
فتنا لبيت خالتي احلام
كاعده تخيط
هذا العمر كله وهي تخيط ومكسور ضهرها خطيه
دخلت سلمت عليها شلونج خاله
حضنتني هله بنيتي
رحت سلمت ع امل
هلو اموله شونج
-زينه ولج بذاته ليش، متجين
-والله عندي دراسه شسوي
-لوما بنفس الدربونه شبيج
كولي اجي اشوف اهلي
حتى علي سئل عليج
-اي حقكم والله ماادري ليش اضوج من اطلع
ومن ابقى بالبيت اضوج اكثر واحس بوحده موتتني
اووف شيصير لو اني من البدايه باقيه يم امي احلام
تدرين تشتت هسه اريد اجيكم
بس تعلمت ع امي وابوي
مااكدر اعوفهم خطيه
-اي حقج
تعالي اكلج شنو سالفة اسلام
-شبيه
-اشو سمعت متقدملج
-اي بس امي رفضت تريد اكمل دراسه
-اي زين تسوي
-ايي
بقينا يمهم ساعه وكمنا
كالت خالتي نور ضلي يمنا لليل
-لا خاله عندي دراسه والله
-ع راحتج
طلعت منهم
اباوع بالدربونه ماكو
ضجت
زين ليش اضوج من مااشوفه
واضوج من اشوفه
اووف والله مجاي افهن نفسي شريد
تستمر القصة أدناه
ومررت الايام
عرس نائل اخوه
امي اشترتلي تنوره طويله سوده
وقميص احمر بي نقش، اسود
كلش حلوات علي
هو شافني بالعرس
ضل يطب ويطلع
احنه بس كرايب
وهو يفوت ويرجع
كلها انتبهت عليه
شويه واجاني اخته مها
كالت
-نوره خلود فوك تريد بشغله
-شنو شتريد
ماادري تريدج
-هسه اصعد الها
اموله اختي جانت كاعده
نسولف اني وياها كتلها اموله راح اشوف خلود شتريد وارجعلج
-اي روحي منتظرتج
صعدت الدرج وفتت للغرفه فتحت الباب
لگيت اسلام وخلود
-ها خلود رايده شي
كال
-متعرفين تسلمين لو ماتشوفيني
-ها لا اسفه شلونك اسلام
-الحمد لله زين
اشر لخلود تطلع
طلعت اني التفتت ع خلود
-نور باوعيلي
-هاا
-اني احبج ورايدج بس انتي ليش هيج تعلمليني كأنما مشوفيني
اذا مترديني كولي
ماكو اشكال اسحب نفسي وبعد مشوفيني
محجيت اني شي بس مدنگه
مو احجي وياج
مقدر وضعج انتي تخجلين مني يجوز
بس انتي كليلي رايدتني لولا
اني احترگ عليج
وانتي احسج بارده ومامهتمتلي
لا وحتى متباعين بوجهي
قبل مده سئلتج اذا اتقدملج توافقين
كلتي شكو بيها انت ابن عمي
كلش فرحت بوكتها كلت اكيد تحبني
ودزيت امي
واهلج رفضوني
وكلت عادي انتضر وادز مره لخ
رغم ابوي راد بنت عمي
وشكد حاول يجبرني عليها
بس ماقبلت وعاندته
وازوج نائل واني بقيت منتظرج
انتي ليش هيج تصرفين وياي.
اني ولا كلمه حجيت بس مدنگه
اذا الحايط يحجي اني احجي
-شبيج نوره بس كلمه وحده ترديني لولا
مو احجي وياج
شافني هيج محجيت
كام يتأفئف وطلع وطگ الباب حيل
صدگ انقهرت عليه
هسه شبيه من اشوفه تجينه الجمده
واجمد بمكاني
طلعت من الغرفه
وهو برره يم الدرج واكف
اشوفه يدخن ويباوعلي بقهر
وخر سوالي طريق واني نزلت
بس وجهي مبين عليه مسويه شي
شافتني امي نازله وين جنتي
فوگ
باوعت ع الدرج وخزتني شسوين فوك
يم خلود جنت
كالت اشوفج غرفة العريس
ونزلت
حتى اسئلي امل دزت مها علي
امل كالت اي خاله صح
-اكعدي بمكانج ولا تتحركين بعد
-اييي ان شاءالله
نزل هو مدنگ حتى ماباوعلي
كلش انقهرت عليه
كالو يله منو تروح للزفه
امي كالت ترحن
-اي ضوجه خلي نروح
يله امل ترحين
-اي يله امشي
طلعت اني واموله
وامي صعدنه بالكيه
هو شافنه وصافن من بعيد
ضل علينه
رحنا صفگات وهلاهل طول الطريق
السياره بس نسوان والسايق بيها
نزلنه للعروس
شويه بقينه اني بسرعه رحت
اصعد لگيته واكف يم باب الكيه
شافني وجر حصره
وتالي وياج مو شلعتي گلبي
سويت نفسي مااسمع صعد
-اصبر عليج شسوي
رجعنا للبيت
وتعشينا ورجعت لبيتنه
بس احس نفسي فرحانه بيه
ورايدته رغم ماحجيت ولا كلمه وياه
بس فرحانه باهتمامه بيه
فديوم اجت كرايبنا من بعيد
تصير خالة امي
اجت تخطبني لبنها
امي كالت الها تدرس
جان دكول عادي نخليها تكمل ماعدنه شي
-يجي ابوها واردلكم خبر
امي من طلعت كالت خالتي حالتهم زينه وبس هالولد وياها بالبيت
وخوش قسمه
اذا صدك قبلوا تكملين نوافق عليهم
اني هم سكتت مانطيت رأيي
بس اذكرت اسلام خطيه انقهرت عليه
عاد بالليل اجت خلود
كتلها اجوي علي ابن خالة امي
وحجيت الها الصار
جنت متقصده اكول الها حتى توصل الكلام اله
-يا صدگ ولج غير يتخبل اسلام والقران يموت عليج
وكل شويه يكول لامي ارجعي اقنعهيهم
بس امي متقبل تكله تريد تدرس
واعرف خديجه متنطيها النه لان احنه عيال هواي
تريد قسمه زينه لبتها
لجج من يسمع هيج يتخبل
ويكلها نور الي وماصير لغيري
اذا سمع هسه راح تنخطبين غير ينجن
-اني ليش كتلج حتى توصليله وهو يشوف شنو يصرف
-نور انتي تحبيه
-اني لا احبه ولا اكرهه عادي
بس مااريد ازوج غيره
بس امي انطت كلمتها
بعد
-افتهمت
راحت
يمكن وره نص ساعه سمعنا عياط اسلام ويصيح ومدري شيكسر
امي كالت هذا شبي
شكد عصبي
نهار كله يصيح ويعيط
الله يساعد الي تاخذه
شوف حسه واصل لسابع جار
