رواية قاتلة ابي الفصل الثاني عشر بقلم بنت الشيخ ترابية
مـر على سفر أيهم 3 اشهر بالضبط واما حالتي من سوء الى اسوء ..
وحدي بالبيت اسراء ببيتها وماهر طالع
ندك الباب مره مرتين وبقى يندك كمت حتى افتح الباب...
اربع جهال ومره ملثمه وياهم
حالتهم تگسر الروح مو الگلب
: تفضلو؟!
كل الي ببالي يا اما يطلبون فلوس او اكل
او من الارهاب.. اما عن هيج اخر توقعاتي
..
اسراء: دخلت لبيت هنادي ولگيتها كاعدة بالصالة وكدامها اربع جهال ومره وياهم يمكن امهم..
: سلام عليكم.. ونزعت عباتي ردو السلام رحت كعدت بصف هنادي وباوعت للمره شكلها ممبين ملثمه
بس هنادي تهز رجلها وتاكل بأظافرها...
: ماهر ما اجه
هنادي: لا بعده
: حكوم اسوي اكل
هنادي: لا اكعدي هسه
: منو هاي؟
هنادي: اصبري
بقينا كاعدين ننتظر والجهال بيدهم بسكت وكاعدين ياكلون.. ثلاث بنات و ولد واحد
رجلهم متربة وملابسهم وصخة ...
وعباية امهم كلهل تراب وحالتهم كلش كلش سيئة گلبي صار نصين عليهم
رحت للمطبخ خليت صينية وخليت بيها ماي بارد
وكلاصات وخليت فواكهه ورحت خليتها يمهم
والجهال خطيه كأنو فرج عليهم
دقيقه وحده والصينيه فرغت
شكد جواعة لعد سودة عليه
الام كاعده وساكته
بس اسمع صوت الشهكات مالتها
صحت للجهال يمي ولزمت ايدهم
: شنو اسمكم؟
الثلاث بنات ... زينب.. زهراء.. رقية
والولد اسمه جعفر
اصغرهم جعفر عمره 5 سنوات
والبنات اكبرهم عمرها 13 سنه
انتظرنا ساعتين ودخل ماهر
: سلام عليكم..
ردينا السلام.. مامنتبه للي كاعدين: يابويه ظهري نكسر
ءء العفو هنادي!؟
هنادي: تعال اكعد عندي موضوع وياك
كعد بصف هنادي وعيونه ع الي كاعدين ومستغرب
هنادي: راح احجي كلشي من الدكة للسلام عليكم ولا تقاطعوني..
بلشت تحجي هنادي
: تفضلو؟
رفعت راسها عليه وشالت البوشية
جان اخر توقعاتي انو تجي لبيتي: يمه هنادي
بقيت صافنه بوجهها واربع جهال يمها
: الله يخليج خلي ادخل والله احجيلج بس خلي ادخل لايجون الارهاب وعندي بنات..
دخلت جوه كعدت وانا سديت الباب: تفضلي ممكن تحجيلي؟
حنان: كالولي انتي هنا ساكنة واجيتج دخيلة
هنادي: دخيلة!!! وعندي؟ وين زوجج وين بيتج؟
حنان: شوفي تعاركت وي زوجي بسبب الفلوس هو كاعد بلا شغل وانا ماعندي فلوس وميتين جوع يمه
وطردني انا والجهال وبقيت ثلاث ايام افتر بالشوارع واجدي وماكو ومن كالو هنادي هنا بسرعة عفت كلشي وجبت الجهال واجيتج دخيلة يمج يمه وين اروح وانا بركبتي اربع جهال لا فلوس ولا ملابس ولا شي
شوفي حالنا يبجي الحايط..
هنادي: ايااااااام جان ابوي مدللج دلال وماجنتي راضية
حنان: والله متندمة يايمه كلشي صار قضاء وقدر
هنادي: شبسرعة حبلتي وشبسرعة صار هلكبرهم؟
حنان: بس جعفر ابني والبنات مو بناتي بنات زوجي من مرته الاولى متوفية وانا ربيتهن
هنادي: ربيتي بنات زوجج وبنتج شمرتيها.. ربيتي جعفر وابنج ماهر دفرتي.. المهم اللهم لا شماته.. شكد تبقين يمي؟
حنان: بس علما تهدئ الاوضاع واشوف وين اروح ماكدر اطلع بس اطلع الارهاب ياخذون بناتي
هنادي: انتظري ماهر يجي حتى اشوف واخذ موافقته اول
هو رجالي ورجال بيتي...
ماهر: زين هذا الحجي شوكت صار؟
هنادي: الصبح من طلعت انت
ماهر: يعني عود راح اسامحها لو ارجع احبها لو على عشقي الها حتى مخليتها كدامي وبنص بيتي؟
ماهر: يعني عود راح اسامحها لو ارجع احبها لو على عشقي الها حتى مخليتها كدامي وبنص بيتي؟
هنادي: لخاطري والله حالتهم تكسر الگلب ماهر
بس فترة وتروح مو لخاطرها لا بس لخاطر البنات
ماهر: نظفن غرفتها بس وروح ابوي اذا تقربت مني وحجت وياي ماتلوم الا نفسها
وكام صعد فوك
اسراء: ترى ماهر مبين ممرتاح الها وصراحه حتى انا
هنادي: هسه كومي خلي ننظف غرفتها حتى تكعد بيها
اسراء: وانظف علمودها
هنادي: لخاطري اسراء..
كامت وياي ونظفنا الغرفة وكعدت بيها ورحت انطيتها ملابس تلبس ولبناتها هم رغم ملابسي كبار حيل عليهن بس المهم يبدلن وابنها ملابسه زينه مو كلش وصخه بس غسلتهم ونشفتهم ولبسته منشفه حتى مايبرد ويتمرض
ورحنا نسوي اكل الهم
اجه ماهر وكف صفح وصوفر
باوعتله اسراء غمزلها
هنادي: ماهر لا تصير فاسد
اخذ خياره ياكل بيها وطلع من المطبخ ويصيح
: عذبووونا... مرمرونااا ..
هنادي: اسكت ولك مااااااااااااهر
ماهر: بس الي بحبها تعشق من قلبها...
اسراء: هههههههههههههههه
هنادي: اضحكي شعليج انتي اضحكي
حنان: ها شكو شدسوون
اسراء گلبت خلقتها وراحت تسوي زلاطه بالصالة
وانا بقيت بالمطبخ
: دنسوي غدى ... بقت واكفة يمي وانا كملت الغدى وكعدنا ناكل وماهر كل شوية واخذ ايدي وباسها
ويشمر بسامير على امي
ماهر: اروح فدوه لايدج هنووووووووود
كملنا الاكل وغسلنا مواعين سويت جاي وكعدنا بالصالة ... ڪال ماهر
: هنادي اريد اخطب
حنان: وشنو هنادي انا موجودة واخذ موافقتي منو وبنت شنو ومنو؟
باوعلها صفح ورجع كمل كلامه: هنادي اريد اخطب اسراء
هنادي: بس بعدكم هالله هالله على الزواج
ماهر: بس اريدها هنادي اريد اخطبها
هنادي: يصير خير بعيوني
ماهر: ايهم راح يرجع
شمرت الڪوب بالصينية وكمت يمه: شوكت ومنو كلك
ماهر: خابرته وكال راح ارجع للعراق بس شوكت مادري
هنادي: الحمدلله ياااربي واخيرا
ماهر: شكو شبيج
هنادي: ملكو شي بس احتاجه ويانا مو تريد تخطب ياماهر
ماهر: هم صدك
من الفرحه كمت سويت كيك وكليجة وحلويات
ساعة 8 ليل نشرو على الاخبار انو كدرو يسيطرون على د١عش نوعا ما... الفرحه فرحتين
الفرج الي اجاني والفرح مو طبيعي
فرحتي بـ ايهم
وفرحتي على الارهاب
جان عندنا دي جي بس مو جبير
ماهر طلع مادري وين والجهال بغرفتهم وبس امي واسراء وام اسراء بالصالة
شغلت اغنية ساجدة عبيد بسكوت اون ..
شديت شال على خصري واسراء ويايه
وردح ذبينا كل حيلنا
ام اسراء تصفك وخربانه ضحك علينا وتالي راحت للغرفة تنام وبقت بس امي
واحنا نردح
بالربع ساعة احنا نردح ومانسمع لانو اغنية عالية شوية
دنردح وننزل ليجوه بالرگص ومانشوف الا ماهر يهز ويانا...
اسراء خرطت العافية
وانا ماعرف اطفي الاغنية لو الم شعري لو انزع الشال الي لافته
ماهر: شبيجن يلا هزن وياي چا تعوفني وحدي؟
وهم صدك اغنية وره اغنية لحد ماصارت ساعة 12 ليل طفينا وطشينا لغرفنا
ثاني يوم ...
ماهر طلع وانا جنت محتاجه مسواك
لبست العباية واللثام وطلعت وحدي
واكفة على المخضر وشفته واكف يحجي وي البگال ويدخن ... باوعلي.. دنكت راسي ومشيت...
عووود صدك هووو؟؟؟؟؟
شووووكت اجه؟؟؟؟
مععقوووله هو اجه شوووكت اجه!!!!!؟
امشي بسرعة واريد اتنفس ماكدر
دخلت لمخزن موجود بالشارع والشباك مالته يطل ع الشارع اباوعله اجه يتمشى شمر الجكارة وعينه على الكاع ويمشي
واكفة وكل شويه اغطي وجهي عدل اخاف يعرفني
وكعت المكناسه انداريت ماكو احد بس الشبابيچ مفتوحه رجعت باوعت من الفتحه ما موجود؟!!! وين راح هذا
فتحت الباب وطلعت مشيت شويه وملثمه اكيد مايعرفني جاي امشي ع كيف وماحس الا ايد ع حلكي وايد شالتني ارفس برجلي وماكو لحد ما انلزكت بالحايط وانطبك الباب حيل
فتحت عيوني لكيته محاصرني على الحايط وصافن عليه ..
:- ملثمة وحسبالچ ماعرفج؟ لو اسمج تلثمي هم اعرفه
وسحب القماش من وجهي وكال:- حايره؟
وآلشـوگ بين عيونچ؟
خايفـة!؟
تحبين ويلومونچ؟!
صفنت بعينه وعلى الصوت والبحه وكال:- خايفه يانظر عيني؟! وياج انه لٓبوتـي ..
لا ارادي حضنته حيل ... نسيت انا منو وهو منوو وشنو
كل الي اريده حضنه ماردت شي ثاني بوقتها
ايهم: منو متعبج منوو هاد حيلج لهل الدرجة
هنادي: انت ايهم والله انت ...
ايهم: عيون ايهم وظهرهَ
ابتعدت عنه: شوكت رجعت؟
ايهم: البارحة بالليل
هنادي: تجي يمنا؟
ايهم: زحمه ... اجيكم زيارات بس ابقى ببيتي
هنادي: زين تعال وياي هسه... وتذكرت موضوع ماهر
ومحتاجتك بموضوع هم ايهم
يفتح لفاف ايده ويحجي: موضوعيش؟
هنادي: ماهر يريد يخطب اسراء ويريدك وياه لانو ماعندنا احد
ايهم: صار ... ورث جكاره .. بعيوني
هنادي: يلا نرووح؟
هز راسه وطلع يمشي كدامي اخذ العلاليك مني
ووصلنا للبيت.. دخلنا وهو سلم
حنان: عاش عاااش رب البيت جايبه رجال مانعرف اصله من فصله
باوعلي وأشر عليها: هاي منو؟
هنادي: امي.. انداريت عليها... والله يا يوووم الي جايبته هو المسؤول عني وعن ماهر يعني هو اب هذا البيت من بعد ابويه مجايبته من الشارع ومتزوج وتالي يطردني...
هزت ايدها ودخلت للحمام وانا اخذت العلاليك وشوي ودخل ماهر وسلم عليه وحضنه وباسه من راسه
ايهم: سمعت بيك تريد تخطب ولك فاسد
ماهر: اي والله يخوي ومو غريبه.. اسراء
ايهم: تحبها؟
ماهر: يخوي اسراء شريان متصل بالعين لو انگطع افقد البصر
ايهم: شفتي اخوج الفاسد مايستحي يحجي على بنتي هجي
دكت الباب اسراء جانت ببيتها ودخلت
اسراء: وهذا الخبز هستوني خبزته.. اندارت وشافت ايهم
عززززززززه عزززه عزززه اييييهم... وراحت حضنته
ماهر: ترى مايصير هجي شسالفة
هنادي: هدي هدي
ايهم: يغار الادبسز يغار عليها من ابوها
اسراء: ايهم اولى بيه ماهر.. وهزت حاجبها..
ماهر: باقيه يمي باقيه.. ايي شكلت ايهم؟
اشرلي ايهم وكلت لاسراء اخذي غراضي لغرفتي وهي صعدت
ايهم: بالخير عليكم باجر العصر نخطبها من امها ويصير خير
هنادي: اهلهل؟
ايهم: بعدنا
هنادي: دخلي اهلهل
ايهم: هلهلي
وطگيتهم بهلهوله تسوه أبو التعب الي تعبنا والحالة النفسية والامراض الي صارت النا بسبب الارهاب ...
حنان: شكو ليش تهلهلين
هنادي: ماهر راح يخطب
حنان: هااا ومنو هي؟
هنادي: اسراء ... ورحت للمطبخ طفيت الجدورة وصبيت وصحت لماهر اخذ الصينية ورحنا كلنا التمينا وكعدنا..
ناكل وانا كل شوي ارفع عيني واشوف ايهم يباوعلي
ومن اباوعله يدنك ويكمل اكله
حنان: هنادي انطيني خبزه
اخذت الخبزة وردت انطيها الها وهي شالت طاسة التشريب حارة وگلبتها على ايدي
حنان: يمممممه اسمممم الله ماااادددري صخام الصخمني ولك مااهر كوم
ماهر طفر ولزم ايدي
الوجع ذبحني والالم مو طبيعي
كام ايهم اخذني للحمام بسرعة وغسلها بماي بارد
بس بالبداية وجعتني وراها طبيعي لانو ماتأثر جلدي بس حرارة ... جاب عصارة حروق ايهم وكعد يفتحها بالحمام وانا كاعدة
ماسد الماي عدل بقى ينگط..
وانا عيني من الماي
همست بصوت ناصي: ايهم سد الماي
ماكال شي
لزمت ايدي وخليتها على شفايفي الي ترجف
وعيني من الماي
: ايهم سد الماي ...
ايهم: اصبريلي هنادي
سديت اذني حيل وغمضت عيني وصحت بصوت عالي
: سدددددد المااااااااي سددد المااااااااااي
لزمني وسد حلكي بيده
ايهم: اششش اششش شبيج سكتي خلص سدينا ها اها
نزلت بالكاع كعورت نفسي بالكاع وغمضت عيني
واهمس: سده ايهم سد الماي .. سده ايهم .. سد الماي ايهم..
اسراء: بعد ما اخذ ايهم هنادي للحمام يغسل الها ويخليلها دهن ماهر طلع يجيب امي يمنا وانا اغسل مواعين وسمعت صريخ هنادي تصيح سد الماي
ركضت للحمام
لكيتها كاعده بالكاع لامه رجليها بيدها ومغمضه عينها
وتصيح بصوت ناصي وتكرر:
ايهم سد الماي
ايهم كاعد مقابيلها ونظراته تفسر الي هي بيه
يباوعلها بطريقة وكأنو يقراها
مد ايده وعينه عليها فتح الماي شوي
بسرعة سدت اذنها وصاحت بصوت عالي: سددددددده
سد الماي حيل وهز راسه كام ونشف ايده وراح شالها من الكاع وصعد بيها لفوك
شبيها هنادي؟ ليش تصيح هيج؟
.......
وخرت ايدي عن اذني وانا على الجرباية كاعده وهو واكف كدامي
ايهم: ها هسه تمام؟
هنادي: شكو شبيك
ايهم: تخافين من الماي؟
هزيت راسي بـ اي
: وتخافين من الاصوات العالية... باوعلي ورجع كمل
تخافين من الدم وترتعبين من النار
تخافين من الضحكة العالية وتخافين من المكان المغلق
كل الي ترديه هدوء وراحة ومكان مفتوح
تخافين من صوت الضرب
اذا سمعتي قطرات الماي تنگط ماتتحملين تسمعيها
اذا طفت الكهرباء تحاولين تكعدين بمكان ضيق وصغير من الخوف ... تصفنين هواي وتسمعين همس كلام بأذنج... هذا مو كلام ولا احد يحجي.. هذي الاصوات الي سمعتيها قبل دتتراجع بأذنج ومخيلتج..
تخافين من الحرارة
اذا احد لزمج تصيحين وتفقدين
واذا شفتي احد ملثم ترتعبين وتبتعدين
باوعلي وهمس: صح؟
هزيت راسي بـ اي
: شكد صارلج
هنادي: من سافرت انت
هز راسه وكام
: شكو شبيه وليش هيج حجيت؟
ايهم: انا بظهرج وباقي وياج هنادي
: شنو؟ شنو قصدك تعال.. طلع من الغرفة
شقصده بكلامه؟
رحت سديت البردات مال الشباك لان سمعت صوت صريخ بنات
مانخلص احنا نهائي...
رحت سبحت وبدلت وكعدت على الميز المراية
وخليت مكياج
شغلت اغنية لسعاد عبدالله اهواك
وصلت الاغنية لمقطع كلش احبه وبديت اغني وياها
وياسبع سنين جاري انتَ
وانا احبك بالسكتة
باوعت للمراية وخليت الحمرة وكملت
وخفت لتصبح لغيري
وجريت الكحل
واريد احجي بصراحة وياك ... واريد احجي بصراحة وياك
انداريت على الباب لكيته واكف يباوعلي ومبتسم
تمشيت يمه وكملتها : واتمنى اعيش وياك .. واهواك واتمنى اعيش وياك ...
وحضنته وضحك هو..
ايهم: تكمل خطوبة اسراء وماهر وو..
رفعت عيني.. كمل؟
ايهم: ونملچ
هنادي: شنو؟
ايهم: اخطبج واخذج يمي .. شايفة هاي ايدي
رفع ايده اليسرى
هزيت راسي بـ اي
ايهم: بعـَد الخنصر .. اريدج هنا ترتبطين..
ضحكت وسحبته من ايده : تعال نرگص تعال
ايهم: ولحيلچ حل غزال انا مالي خلك اعدل شاربي
هنادي: يلا تعال عاد
وكف يمي وانا كعدت اختار اغنية
طلعت اغنية يلوموني
سحب التلفون مني وغيرها: مااااا احبه
ايهم: يبا العالم تطورت شلزكتي بالقديم
وطلع اغنية انسى العالم
ايهم: اي هنا الاغاني تعاي
سحبني اله لزم ايدي وبأيده الثانيه حضن خصري
يتأمل بملامحي اثناء الرقص
وصلت الاغنية لمقطع معين
وهو وگف وباس عيوني وحضني حيل
انسى العالم كله انساه من تكون بحضني انسى
فكر بيه من تحبني وبكل قوتك تحضني
الي يــــذوب يذوب لحاله
والي يمـــــوت الله وياه
ايهم: وانتي كحل عينج عت روحي عت
هنادي: ايهم تحبني؟
ايهم: حبيتج حب الشرع الاربع
وحب الكائنات .. وحب الخالق لعبده .. وحب الاب لأبنته .. وحبي اشبه بحب عـلي لفاَطِمةَ
الي كدامج هسه اسد .. وانتي خلقتي قوته
انتبهي لايجي يوم وتكسري
الي يأذي الاسد ياكله بجلده حتى لو كانت لبوته
هنادي: خدودي حمر وخجليييييييييت
ايهم : هههههههههههههههه
هنادي : زين ايهم انا شنو بالنسبة الك
ايهم : اظفرج تكدرين تشلعي؟
هنادي: اكيد لا
ايهم: اعضائج تكدرين تتخلصين منهن؟
هنادي: اكيد لا ايهم شبيك
ايهم: انتي هيج عندي
هنادي: يمعوووووووود خجلللتتتتت كاااافي حقيييير
ايهم: شنو؟
هنادي: تحمست شوي مو؟
ايهم: يلا نزلي وراي خلي نكعد يمهم ماهر قلق عليج
نزل هو وانا لميت شعري ونزلت وراهم
نزلت لكيت ماهر مخلي صينية بحضنه
وام اسراء والجهال واسراء وامي كاعدات يمه
دانزل الدرج ودگ ماهر
ماهر: يمممممممممممه
ايهم: يمه وغمه شبيك جاهل انت؟! هو هجي؟
ماهر: يايمه لو شفتيها ...
وصاحت زينب بنت زوج امي الجبيرة
زينب : طم طح طح
ماهر: سبحان المسوييييييها
زينب: طح طح
ماهر: تكتل يايمه هل المره ... ولجججج يووووووووم
حنان: هااا يمه
سكت ماهر وباوعلها اشرله ايهم ورجع يدك
ماهر : ويممممه كرصتني
زينب: عكربة
ماهر: ويمه گرصتني
زينب: اسراء
باوعلها وكلنا على ضحكة وحدة وهو يخزر بيها ويعض شفه
ايهم:عليمن تعض مستحي يبعد عمك
ماهر: بس عيب
زينب: يلا كمل كمل
ماهر: ومرت من يمنا وحده ..
مكحلة عينها كلها ..
والحجل برجلها ..
يتزمزم على گليبي ..
زينب: اهااا هاا اهااا ها
ماهر: وباوعتلي وغمزت
ويكتل كحلها
وشماله گلبي زحف
على أثر حجلها
زينب: اهااا هاا اهااا هاا
ايهم: كافي ترى راسي
ماهر: صاااااار بعيني.. صفك الصينية بالحايط وكام اخذ السبحة من ام اسراء
يباوع لايهم وايهم كاعد رجل على رجل ومجتف ايده وصافن عليه
ماهر: ادبج ادبج يالرجال.. كمز وهبد يالزلمه
ويفر السبحة ويكمز ويباوع لايهم
ماهر: والزلمة حوك حوك .. دبج وسد الحلوك
ايهم: والزلمة خوش زلمة ينعرف بالكفخة ماهر راسي اسكت
ماهر: وعرس الزين هيل وطش بالولاية
هنادي: كافي ماهر لعبت نفسي
ماهر: وجبنالك برنه ماملعوب بسرگيها
ضربه ايهم بالكوشة وكام لزمه من اذنه
: فاسد انت الجهال كاعدين هااا.. وكفخه.. مو الجهال كاعدين الجهال شكبرك تصير بطول الطنطل شكبرك تصير بعد هاا؟
رفع عينه ماهر وابتسم غمزله وگال: حبها ولك حبها ولا تخاف من امها
ايهم: دنعل عشيرتك اصبرلي
وركض ماهر صعد
ماهر: طرارارا طرارارا وطگنا بهلهوله ... ودخل لغرفته
زينب: جنا متونسين عمو ايهم جان بقيته
ايهم: راسي عمي راسي... كومي هنادي جاي دخيلج
كمتله وسويت جاي واجتني اسراء
اسراء: راح اخلي بصل على راسي واكل ثوم وماسبح
هنادي: ليش؟
اسراء: امج لازكه بيه وين ماروح اشوفها وراي
هنادي: معجبه بيج ههههههههههه...
صبيت الجاي ووزعت عليهم وكعدنا نشرب
سوالف العجايز احلى السوالف كعدت ام اسراء وتحجي
ام اسراء : طبعا صار وياي موقف من جنت گبل بحيلي
اسراء: چا بعدج بحيلج يمه هدي بالرحمن
ام اسراء: لا يمه وين گبل وين جنت الطول والشعر والضعف والصدر والخصر والعيون شكبرهن والحلك نمنمه والخشم سيف وين قبل على هسه
جانو يگولون الجمال عند سـُميه وبس
المنطقة كلها تصيح بجمالي جنت ... اطب صاحو اجت ام عيون طلعت صاحو راحت السمره
جنت مخبله العالم بجمالي
وانـه واناقتي والتنانير كلها فوك الرگبه
والكعب واللبس ماكو ماكو ماشفت بجمالي وحده ثانيه
اسراء : هسه انا شعري بلش يطول شلون شعرج
ام اسراء: تهي بهي.. وهزت ايدها
چا شعرج اذا طول يصير مثل شعري لو يلحك سواده وجماله ..
هنادي: خاله الجوهرة نوع واحد مو ثنين
ام اسراء: بعد حلكي ...
وكعدن يسولف
اسراء: مايكتلني غير المبالغه الي يسونها من يوصفن نفسهن
هنادي: احلى مبالغة اصلا بسرعة تصير عندج ثقة بنفسج بدون تدخل
اسراء: ههههههههههههه اي والله
: ولچن. عليمن تضحكن كعدن عدل خلي اسولف الموقف
وكعدت تسرد النا مواقف من شبابها واحنا ضحكتنا توصل لسابع جار
وكلما تحجي اسراء تكعد خالتي توصف نفسها
واخر شي كال ايهم
: الملكة اليزابيث تروحلج فدوه
