رواية قاتلة ابي الفصل الثالث عشر بقلم بنت الشيخ ترابية
سوالفچن حلوه بس لازم اڪوم اتوضى راح يأذن
ام اسراء: يايمه صخام بگصتج اسراء راحت عليه الصلاة
مدت ايدها اسراء ورفعت عينها على امها
: چا انا شكو؟ انا شعليه هو الصخام مصخمني
ايهم: لا تگولين هيج مو زين
اسراء: ليش ماكول ايهم ليش تفتح عليه جروح
ليش مثلا ماعندي صخام لو كلشي طبيعي بحياتي
كم مره ومره تعرضت للاعتداء ومكدرولي
كم مره ومره انخطفت.. ترى ايهم انا النار جاي تاكلني من جوه اكل وتهرشني هرش بس ساكته ومغلسه واضحك واسولف بس من اصفن واذكر انهار حيل انهار صعبه عليه كلش
ايهم: لا تگولين هيج مو زين
اسراء: ليش ماكول ايهم ليش تفتح عليه جروح
ليش مثلا ماعندي صخام لو كلشي طبيعي بحياتي
كم مره ومره تعرضت للاعتداء ومكدرولي
كم مره ومره انخطفت.. ترى ايهم انا النار جاي تاكلني من جوه اكل وتهرشني هرش بس ساكته ومغلسه واضحك واسولف بس من اصفن واذكر انهار حيل انهار صعبه عليه كلش
ايهم: ورغم هذا كله ماتعرفين شنو الي جاي لهذا يا عيني انتي ع الحظ والقسمة والنصيب لتشتمون وتكولون صخام وتكولون حظي كذا وكذا.. انتي بعدج شفتي البداية بس والنهاية بعيده عليج حيل ابويه انتي... باعيلي.. ماحب البنية الضعيفة خوووش؟
اسراء: انا القوة بنفسها
ايهم: اعرفج انا...
هنادي: كومو صلو يلا
ايهم: انا اترخص.. اصلي ببيتي وانام لان تعبان
هنادي: طيب ابقى ع العشى بس
ايهم: شبعااان حيل بس تعباان كلش
هنادي: يعني مراح تبقى؟
ايهم: مراح ابقى يلا وصليني للباب...
طلعت وراه
: متأكد؟
ايهم: هسه روحي عتيتها گلبي ليش تشلعي؟
هنادي: ابقى يمي حباب
ايهم: بس اخطب اسراء لماهر اخطبج
هنادي: يلا صلي ونام وانتبه لنفسك
ايهم: عيوني ..
طلع وردت اسد الباب وصاح: ملااااك
مديت راسي ورفعت حاجبي: ملاك شنو؟
ايهم: نسيت حرف الياء من شفت عيونج
هنادي: ايهم لا تصير خفيف يلا روح ملاك
ايهم: خوش خلي نشوف منو يخطبج
هنادي: نشوووف وسديت الباب...
دخلت وصليت ونزلت لگيت اسراء مسويه العشى
: نويديره
اسراء: ههههههههه چا شعبالج انا من جوه ليجوه
: يايمه منج بلوه مو بت
وكعدنا ناكل وغصيت باللكمة وشربت ماي
ماهر: صحة صحة ادكلج على ظهرج؟
اشرت بـ لا
ماهر: لا والحمزه ادك
وكام يدك ع ظهري وانا لا گحه ولا شي طبيعي بس هو تخبل
ماهر: هاا ادك؟
هنادي: ولك كااافي
ماهر: ندك بعد
ويدك على ظهري
دكه مو قوية وانما طبطبه بس
ام اسراء: يمه ماهر من تخلص ودينا لبيتنا يبعد امك
ماهر: بعيني يمه
خلصنا الاكل وماهر طلع يوصلهم
وبقيت وحدي وي امي والجهال نايمين
حنان: صعدي لغرفتج
هنادي: عفوًا؟
حنان: لا بس صعدي ارتاحي تعبتي اليوم
هنادي: صاعده.. الباب لتفتحيها ماهر يجي وهو عنده مفتاح
حنان: صارر
صعدت فوك بعدني على الدرج وسمعتها تحجي بالتلفون بصوت ناصي بس مسموع لانو هدوء
طبكت باب غرفتي ورجعت اسمها شتحجي
حنان: ايي ايي الفلوس هسه كلهن بالخزنه مال ابوها
فلوس؟ شتسوي بيهن؟
حنان: هسه باوع انا شسوي يعني هسه هي صعدت تنام والمفتاح يمها انا شلون افتحها؟
عززه تريد مفتتاااح الخززنه؟؟؟؟
حنان: زين زين خلي ساعه ساعتين واصعدلها علما تنام
لا ياربي!!!! عبالي تغيرت تالي تريدني انام حتى تاخذ فلوس؟
تمام يصير خير
فتحت الباب ع كيف ودخلت وقفلتها
شلت المفتاح مال باب المخزن وجنت كاتبة الرمز بورقة حتى ما انساه شلتهم وخليتهم وره الساعة مالتي
المعلكه بالغرفة دحست الورقة وبنصها المفاتح وراها
وقفلت باب غرفتي وبقيت كاعده
هدوووووء سادة اذني حيل وادندن وي الساعة
تيــــك .. تـــــوك .. تيـــك .. تـــــوك
ادندن وياها واباوعلها بطرف عيني
گصتي عرقت وجسمي كله يرجف
احس جسمي تنگع ماي
قويت نفسي شوي وگمت ركض للحمام
غسلت وجهي صحصحت بس عيني على الماي
شدعوه هذا الهدوء
ماحببببب هذاااااا الهدووووووووء
واكز على سنوني واصيح وبقيت ضاغطة على ايدي
باظافري واصيح: ممماااااريد هذاااااا الهدووووووء
مااااااريييييد هذااااا الهدوووووء
اندكت باب غرفتي مره مرتين بالي مو يمها
اضغط واضغط على ايدي
وعيني على الماي واصيح
لحد ما ندك باب الحمام حيل صحيت
وباوعت ايدي تنگط دم من اظافري غسلتها ولفيتها بالخاولي وفتحت الباب
ماهر: ولج وييييينج اددددك بالباببب ربع ساااعة وين؟؟؟ لحد ما كسرتها وادكدك بباب الحماممم زين مادفرته شكوووووو
باوعتله وصفنت عليه شويه وهو يباوعلي بأستغراب فتحت عيني حيل ودفعته وهمست بصوت ناصي
: روووح روووح اقفل البااااااب رووووح
راح قفل الباب ورجعلي: بس فهمينيييييي
سحبته: تعال اكعد هنا
جر المنشفة من ايدي وشافها: هاي شنو؟
: وكعت هسه معليك تعال
حنان تريد تاخذ فلوس الخزنه ماهر سمعتها تحجي بالتلفون ع اساس تدخل لغرفتي وتاخذهم بس انا قفلت باب غرفتي وخليت المفتاح والورقة الي كاتبية بيها الرمز شوووف وره الساعة هناك
خفيتها وره الساعة علمود ماتندل مكانها واعتقد ماراح تتوقع مكانها
ماهر: شبيها ايدج؟
: ماهر صدك تحجي صارلي ساعه احجي شبيك؟؟؟
ماهر: اييييييددددج شبيهااااااااااا
بسرعة اندكت باب غرفتي
حنان: هاااااا خيرررر شكووو شصااار افتحو الباب يمممه
خزرت ماهر
ماهر: ماكو شي سلامتج حجيه
ورجع باوعلي بنظرة لو احجي حرف يذبحني
حنان: ولك يمه احجي
ماهر: سلامتج حجيه ماكو شي روحي نامي
سمعتها نزلت الدرج وطبكت باب غرفتها
كعدني ماهر ع الجرباية وجاب كرسي وكعد كدامي وباوعلي
ماهر: ايي شنو هذا الي بأيدج
هنادي: ماهر شدعوه هذا كله وشهل التحقيق هذا
ماهر: روحي من روحج هنادي
تتأذين اتأذه انا هم
تفرحين افرح انا هم
تكولين هذا الي بأيدج شنو والا اسوي شي يزعجج من صدك
هنادي: يمعود من كمت للحمام تزحلكت ووكعت وتجلخت ايدي
ماهر: تقنعيني؟ ايدج تصب دم وكلها من وكعه؟
هنادي: ايييي
ماهر: ماشي
كام ماهر فتح الباب ونزل انا كمت للحمام غسلت ولفيتها وبدلت ملابسي ودخل ماهر ايده تجري دم
هنادي: هاااااااي شنووووووو
ماهر: تزحلكت بالحمام
هنادي: مااااااااهر
ماهر: انطيني لفاف
ركضت للاسعافات جبت شاش و لفاف
وكعدت انظفها ولفيتها
: شهل الغبااااااااء طفل انتتتتتتت؟؟؟؟؟
ماهر: تزحلكت .. قضاء وقدر
غلست عنه ماجاوبته بعد
اعرفه هيج يسوي لانو انا متأذيه بس انا ماكدر اخلي يأذي نفسه علمودي شنو هاي شهل الحب هذا
كملت لفها بسرعه كام وطلع حتى ماحجه شي
ولا انطاني مجال احجي حرف واحد
سديت باب غرفتي بدون قفل وتمددت ونمت
اسراء : كعدت ساعة 4 الفجر الشارع هدوء خنسه
امي نايمه انا لبست عباتي وطلعت رحت لام سمير اخذ منها طحين حتى اسوي خبز
دكيت الباب
سمير: منو؟
اسراء: انا اسراء خوية
فتح الباب وسلم عليه دخلت جوه
ام سمير بره من اهل الله
بت عرب تروح للريف كل خميس وتجيب طحين وحنطه وشعير وهل السوالف مال مزارع وكالت بس تهدى الاوضاع اخذج للريف واشوفج حالنا شلون وعيشتنا شلون .. ثلاث دگات يسموها هم بس احنا نسمي ثلاث نقاط زرك بالحنچ او تاتو
هم يكولون ثلاث دگات حنچ ... عندها ثلاث دگات حنچ زرگ وتلبس اسود والعباية دوم مشدوده على الخصر والعصابة مالتها وتمشي
ام سمير شخصية حيل قوية
عندها بس سمير وساره
ساره متزوجة وبالعرب عايشة عندها ولد ثنين وبنيه وحده وسمير خاطب بنيه من المنطقة عن قريب يتزوجها وهي ارمله ...
ام سمير: ياهلا بهل الصَبّاح
اسراء: بعد روحي خاله وبوستها.. شلونج اخبارج
ام سمير: الحمدلله عايشة ع الله.. چا وينها امج
اسراء: والله تعبانه امي حيل خاله وعفتها بالبيت واجيت وحدي اخذ طحين واروح
ام سمير: چا مادامچ اجيتي هاج اخذي چم خبيزه حاره هسه خلصتهن واخذي طحين وياهن
اسراء: خوش لعد انطيني... انطتني تقريبًا عشر گرص خبز وطاسة ترستها طحين
ام سمير: تعالي خلي اوصلنج
اسراء: لا خاله ميحتاج شسالفة هذا بيتي مو بعيد
ام سمير: وگتنا موش وگت خير وامان امشي جامشي وياج
اسراء: خوش لعد ... طلعنا هي تمشي كدامي ومخليه طاسه الطحين على راسها وانا لازمه الخبز ونمشي
شافت ولد شعره عالي وكفشة يلعب النفس ولابس محابس وكذا حسيته بنت مو ولد شطوله وشعرضه
ام سمير: الغسل چنه حبوبتي بشبابها
وصلنا للبيت... : تفضلي خاله ويايه
ام سمير: لا ماكدر يبعدي عندي شغل وغريضات بالسوك يم حجي احمد لازم اجيبهن سلميلي على امج وتعالي على يوم وياها..
اسراء: بعيني.. سلمت وتشكرت منها وراحت وانا رحت سويت ريوك وكعدت امي وكعدنا ناكل
ام اسراء: اليوم بيت هنادي يجون خطار النا يمه
اسراء: ماشي حبيبتي
ايهم: اليوم نروح نخطبها جهزو نفسكم ساعة 4
هنادي: زين لعد خلي اروح اجهز
ايهم: شبيها ايدج؟
هنادي: وياطلابة ايدي الماتخلص.. وكعت ونجرحت
ايهم: اكيد؟
هنادي: ايوا اكيددد ... رحت ومشيت بثقة رغم اعرف بيع ممصدكني بس شسوي اكللهم انا؟ حتى يكولون مخبله
رحت جهزت ملابسي وملابس ماهر
وسويت الغدى وكعدو هم يتغدون وانا ماكلت
ايهم كال ساعة 3 ونص اجيكم
علما صليت وغسلت مواغين ونظفت صارت ساعة 2
صعدت سبحت وبدلت وايدي تحركني من الماي بس فتحتها وغسلتها صبت دم حيل أذتني
لفيتها ولبست ملابسي القميص اخذته ردن طويله علمود اغطيها ومحد يسألني بعد خليت مكياج خفيف ورشيت عطر وطلعت
رحت لغرفة ماهر جان ديلبس القميص مالته
هنادي: ها حبيبي ... باوعلي وماجاوب
: ماهر ترى والله ماتحمل صدگ اذا بقيت هيج ولا احجي وياك بعد... باوعلي ورجع يسد دكم القميص
: ماشي نازله انا بس وروح ابويه ماحجي وياك بعد
ادري بيه راح يجي ورايه طلعت وهو طلع وراي بسرعة ولزم ايدي وحضني
ماهر:هنادي تدرين روحي من روحج وانتي تأذين نفسج
اجيج اكلج شبيها ايدج تكوليلي تزحلكت؟ وايدج مبينه مو مال وكعه لانو ايدج متأذيه حيل وتصب دم
يعني شتردين اسوي مثلا؟!
وبعدج مصره متحجين..
هنادي: انت ايدك شبيها؟
ماهر: جرحت نفسي
هنادي: وليش؟
ماهر: لان انتي مجروحه
هنادي: اوووي شهل المبالغة والدراما يلا بدل عرييسنااااااااا
دفعته لغرفته وسديت الباب داريد انزل من الدرج وحسيت بنفسي وكعت من الدرج وللكاع
بسرعه كعدت بالكاع وحضنت الحايط واصرخ
مااااااااااااااهرررررررررررر
حسيت باحد يهز بيه بس ماكدر اركز وياه
لحد ما حسيت وصحصحت على راجدي
ماهر: شبييييييج
فتحت عيني كاعده يم غرفه ماهر وحاضنه الحايط
وبعدني مو يم الدرج اصلا من شفت ماهر يمي حضنته بسرعة ... بس انا حسيت بنفسي وكعت من الدرج وتاذيت شلون هجي؟ شلون وكعت وشلون بعدني بمكاني؟
ماهر: شبيج حبيبتي شصاير؟؟؟
هنادي: لا ماكو.. ماكو شي بس دخت.. ايي ايي دوخه قويه صارت
ماهر: كومي شربي ماي كومي
حنان: شبيها
ماهر: داخت
زينب: جيبها يمي تعال خلي اقره عليها واسويلها ماي وليمون تصحصح وانت روح جهز نفسك
ماهر: انا اسوي انا.. خليها يمج
راح ماهر يسويلي ليمون وماي ومايقبل يجهز نفسه
سويت نفسي اطوطح عود دايخه وانا اصلا مو دايخه ولا يم الدوخه
انا حسيت نفسي وكعت من الدرج وتأذيت براسي
شلوووووون ماوكعت شلوووووون بقيت كاعده يم الغرفة ولا واصله للدرج شلووووووون؟؟؟ تخيلات؟؟؟
جابلي الماي والليمون...: روووح بدل يلا راح يجي ايهم ترى
صعد يكمل تبديل وزينب تقره على راسي وحنان واكفة كدامي ومجتفه ايدها وصافنه عليه
والجهال يلعبون بالغرفة مالتهم
زينب: يلا كملي علما افتح الباب اندك يمكن عمو ايهم
راحت فتحت الباب ودخل وياها
ايهم: سلام عليكم
: وعليكم السلام
ايهم: جاهزين؟
زينب: ايي بس ماهر جاي يبدل وهنادي خرطت العافية
ايهم: شلون؟
زينب: يعني هاي هي مكمله بس داخت و وكعت
خله المفاتيح ومحفظته على الميز واجه يمي كعد بصفي لزك وباوعلي : شبيج؟ ليش دختي؟
هنادي: سلامتك بس لانو مشيت بسرعة وباوعت للدرج
ايهم: هنادي جنتي تخافين من المرتفعات؟
هنادي: لا
ايهم: وهسه؟
هنادي: كلش اخاف منها
هز راسه ونزع الساعه وخلاها يم اذني بسرعه كمت وكفت كدامي وسديت اذني وباوعتله: لا ايهم لا
رجع لبس الساعه وانتجه... : روحي كملي راح نطلع مبقى شي
هنادي : كملت
باوعلي وضيق عينه ..: روحي كملي راح نطلع مابقى شي
هنادي: كملت ايهم شبيك؟
ايهم: روحي كملي راح نطلع مابقى شي
بسرعة صرخت بصوت عالي: كممملتتتتت لا تلحححححح لا تلحححححح
ابتسم وهز راسه: يلا يابه اذا كملتو خلي نطلع
راحت زينب تصيح ماهر وحنان جابت جهالها وكفت
ونزل ماهر وطلعنا وقفلنا الباب
ورحنا لبيت اسراء
وماعرف شنو سبب تكرار كلام ايهم الي واحسه منتظر مني شي ماعرف شنو
ام اسراء: ياكل الهلا تفضلو تفضلو
دخلنا وكعدنا واجت اسراء قدمت الضيافة وكعدت يم امها
ايهم : الله بالخير
:الله بالخير والعافية
ايهم: جيتنا اليوم مو جيه عاديه ولا خطار
ام اسراء: ببتكم هذا يبعد عيني
ايهم: ان شاء الله ... مثل ماتعرفين حجيه بنتج يتيمه ومن زمان انا متكفل بيها وبيج كأنو انا ابوها وتكفلت بماهر وهنادي وكأني ابوهم يعني صرت اب لثلاث شباب ومتكفل بيهم كلهم
ام اسراء: ونعم منك يمه
ايهم: خطبوها مني وانا ڪ كوني ابوها وافقت وجاي اخذ موافقتج وموافقتها هي بالذات
ام اسراء: صدك يمممه ياصلوات محمد منو؟
ايهم: اجيت اطلب ايد بنتج على سنه الله ورسوله لابني ماهر
ام اسراء: صلواااااتك يامحمد چا وين نلگي مثل ماهر
يابعد عيييني عينكم
ايهم: موافقين؟
ام اسراء: موافقين موافقين
ايهم: بويه موافقه اسراء باعيلي؟
اسراء: الي تشوفه سوي
ايهم: چا على البركه عليكم والخميس الجاي الخطبه
وامي وام اسراء هلهلن بصوت عالي وفرحانات بالخبر وانا احوص بس اريد اسد اذني من صوتهم ايهم يباوعلي وانا مبين عليه كعدتي مو تمام بس اريدهم يسكتون نوب وكفن وخلو ماهر واسراء بمكان وطشو جكليت عليهم ويهلهلن ويحجن كفلات والجهال وياهم
وانا تضايقت حييييييييل احس ماكدر اسيطر على نفسي بعد واصرخ بينهم
ايهم اشر لزينب وزينب سحبتني للطارمه
زينب: بس اجيبلج ماي واجيج
ودخلت زينب ماطلعت بعد طلع ايهم واجه يتمشى يمي
كعدني على كرسي بنص الطرمه وهو بقى يفتر دايري
هنادي: اكعد ايهم الله يخليك كافي
ايهم: شبيج بشنو زاعجج
هنادي: وترتني حيييييل زعجتني اكعددددد
بقى يتمشى دايري ويحوم بس على كيف يمشي وهذا الي وترني صوت الحذاء بالكاع وبقى يدندن بصوت كلش ناصي زعجني اكثر بسرعه صرخت وهو وكف
كدامي
كااااااااااافيييييي
