رواية العهد الفصل الثاني عشر
فيصل .. بياخد العزاء في الدوار وفجأه وشه اتغير
.. عزيز وتوفيق وكل بيت الشناوي وراه و داخلين الدوار كريم اول ما شافهم مقدرش يمسك نفسه وتحرك ناحيتهم
فيصل .. كريم
كريم .. وقف وهو اعصابه كلها مشدوده والغضب مسيطر عليه
فيصل .. ارجع مكانك
كريم .. رجع مكانه
.. دخل عزيز والي معاه وعزو فيصل بيه وقعده شويه ومشيو ..
كريم .. الحلب دول هما السبب في موت عمي يا بوي ازي نسيبهم يدخله العزاء ويطلعه علي رجلهم
فيصل .. عشان الفرق الوحيد الي بينا وبينهم الاصل يا ولدي والاصل يعني احترام العادات والتقاليد طول مش بتخالف الدين
كريم .. عارف يا بوي بس الحلب دول لازم نعاملهم بمعاملتهم
فيصل .. زي ما فكره لحد ما قدره ياخده العمديه احنا كمان هنرجع العمديه بنفس الطريقه
حكيم .. كلام ابوك صح يا كريم الصبر مفتاح الفرج
احمد .. انتو متمسكين اووي بالعمديه ابويا ومات وانتو الي بتفكره فيه العمديه
حكيم .. انا مش طايق اشوف وشك غور من قدامي دلوفت
احمد .. هي وصلت كمان انكم مش عايزيني اخد عزاء ابوي
فيصل .. ابوك الي حطيت راسه في الطين غور من وشي بدل ما اقتلك دلوفت قدام كل اهل البلد غور قبر يلم الوحش
احمد .. بيمشي من الدوار وهو متعصب
اسلام .. احمد انا ما لحقتش عمي عزيز عشان اجي معاه قولت اجي اعزي انت رايح فين
احمد .. غاير في ستين داهيه
اسلام .. اهدا بس وتعالي معايا
احمد .. يلا انا مش طايق المكان هنا ولا طايق ارجع القصر
فرح .. مين انتي عشان يبقالك ناس اوعي تنسي اصلك وتنسي انتي دخلتي القصر ده ازاي
دهب .. لا مش هنسي اصلي انا من بيت الشناوي وعمي عزيز بيه الي الكبير والصغير بيعمل له الف حساب انتو الي فاكرين نفسكم نازلين من السماء فوقي يا فرح ايام الباشوات اتلغت و الالقاب كمان احنا سنة ٢٠٠٠ دلوقتى وانتو لسا عايشين في الماضي
فرح .. تضربها بالقلم وتقرب منها اكتر ده اللي انتي فاكره يا دهب و عتريس بتاعك ده هيعيش كلب ويموت كلب زيك بالظبط بتبيعو نفسكم و شرفكم بالفلوس زي ما انتي عملتي بعتي شرفك والتمثليه الي عملتيها بس عشان تدخلي القصر لكن هتفضلي حتي وانتي جوه القصر اقل من الخدامه
دهب .. حطه ايدها علي خدها مش انا الي اي حد يقدر يضربني قلم وما ردوش وبكل قوتها بترفع ايدها عشان تضرب فرح
فرح .. بتمسك ايدها فاكره انك بالسهوله دي هتقدري ترفعي ايدك علي فرح الجارحي وبتضغط علي ايد دهب
دهب .. اه ايدي سيبي ايدي
فرح .. اليد الي تترفع علي فرح الجارحي لازم تتكسر وبتضغط اكتر وبحركه وحده بتكسر ايد دهب
دهب .. بتوقع اااااااه وبتصرخ جامد
فرح .. يلا غوري من قدامي
دهب .. بتزحف قدام فرح وبتطلع بره القصر وبتلاقي البنات و الستات قريبها واقفين قدام القصر وعزيزه منعاهم
عفاف .. دهب الحقي مش عايزين يدخلونا
دهب .. تعالوا نمشي من هنا
عفاف .. مالك وماسكه ايدك ليه انتي بتعيطي
دهب .. بعد ما طلعت من القصر العقربه فرح كسرت ايدي
عفاف .. ازاي العقربه دي قدرت عليكي
دهب .. مش عارفه دي طلعت اقوى كتير من الي كنت فاكراه
عفاف .. فعلآ انا مره شوفتها ايام ما كنا في الثانويه ولد عاكس وحده من البنات وقتها ضربته لحد ما كان هيموت في ايدها وكريم ابن عمها جه كمل عليه البت دي مش سهله
دهب .. عارفه يا عفاف وانا لازم اكسر رجلها عشان ما تدخلش القصر تاني
عفاف .. تعالي نروح المستشفي نطمن علي ايدك الاول
دهب .. يلا
احمد .. انت جيبنا هنا تلاقي عمك عزيز نام
اسلام .. لا صاحي وقاعد وحده كمان تعالي
محروس .. اتفضل يا احمد بيه
احمد .. السلام عليكم
عزيز .. وعليكم السلام ورحمة الله وبركاته الغالي ابو نسب الباقيه بحياتك
احمد .. في حياتك الباقيه
عزيز .. ارتاح يا ولدي محروس لف كام سيجاره عشان احمد ينسا انا عارف انه زعلان
محروس .. امرك يا عزيز بيه
اسلام .. بياخد السيجاره من محروس اتفضل يا صاحبي
احمد .. بيولع السيجاره وبيشرب
عزيز .. انا مش عايزك تزعل من نسيبك توفيق ده غشيم انا لو كنت اعرف كنت رفضت العمديه تطلع من بيت الجارحي
احمد .. انا شايف انها ملهاش لازمه
عزيز .. هو كلامك صح احنا مش عايزينها واكتر من مره مدير الامن يطلب مني اكون عمده بس انا ما تلزمنيش ولا تلزم بيت الشناوي عشان كده عايزك تجهز نفسك وانا هخلي توفيق يتنازل لك عنها بس خايف وقتها عمك فيصل ياخدها منك وهي حقك انت وانا مستحيل اسيب حقك لحد
احمد .. في دي معاك حق كلهم بيكرهوني وانا لازم اكبر عشان اكون قدهم ونتقم منهم واحد واحد
عزيز .. وانا معاك وفي ظهرك انت واخد بنتي وعشان تملك القوه لازم تاخد مخزن السلاح ويبقى تحت ايدك
احمد .. سكت شويه وكانه بداء يفوق اه بس مخزن السلاح ده عليه جيش حراسه ازاي هنقدر نسيطر عليه
عزيز .. لو كان عليه جيش انا معايا جيوش انت ما تقلقش بس قول هو فين وسيب الباقي عليا
..احمد قبل ما يتكلم تليفون عزيز رن وعزيز رد ووشه اتغير وقام بسرعه..
اسلام .. فيه ايه يا عمي
عزيز .. عفاف اختك كلمتني وبتقول فرح الجارحي كسرت ايد دهب
احمد .. بتقول ايه وفين دهب دلوقتى
عزيز .. في المستشفي يلا بينا نروح نطمن عليها
احمد .. يلا بينا
.. و بيطلعوا علي المستشفي واحمد بيغلي وهو بين نار حبه لفرح و كرهها ليه ..
عزيز .. دهب بنتي عامله ايه
دهب .. انا اتهانت واتبهدلت يا عمي
عزيز .. حقك عليا انا هجيبلك حقك
احمد .. ما حدش هيجيب حق مراتي غيري
دهب .. انت مش قادر عليهم يا احمد دول مفترين زي ما تكون مش من دمهم
عزيز .. اهدي يا بنتي احمد راجل بس هو مش عايز يقل منهم لكن هو راجل وسيد الرجاله
دهب .. انا مش هرجع القصر ده غير لما تجبلي حقي يا احمد مراتك اضربت و اطردت من القصر قدام ستات البلد كلها
احمد .. انا هوقفهم كلهم عند حدهم وده وعد مني ليكي يا دهب
دهب .. بتبكي انا اسفه يا حبيبي حملتك فوق طاقتك
عزيز .. يلا ارجعي مع جوزك و غمز لها
دهب .. فهمت ان عزيز مش عايزها ترجع القصر لا يا عمي مس هقدر ادخل القصر وشوفها قدامي
عزيز .. خلاص يا احمد يا ولدي سيبها النهارده تريح اعصابها وانا بكره هوصلها لحد باب القصر اسلام وصل احمد وانا هوصل دهب
اسلام .. حاضر يا عمي عزيز بيه
عزيز .. بعد اذنك يا دهب عايز احمد في كلمتين
دهب .. اتفضل يا عمي
عزيز .. اديك شوفت بنفسك بعد موت ابوك عايزين يطردوك من القصر انا عايز اساعدك عشان تكون انت كبير البلد كلها
احمد .. عارف يا عمي عزيز بيه ومن النهارده انا تحت طوعك بكره هجيب خريطة المخزن وجبهالك
عزيز .. في الجبل الشرقي والا الغربي
احمد .. الغربي وفيه سلاح العيله كله من ايام جدي الجارحي الكبير لحد دلوقت
عزيز .. خلاص بكره هستناك تجيب الخريطه وتاخد مراتك دهب بتحبك يا احمد خالي بالك منها
احمد .. عارف يا عزيز بيه وانا هخليها ست القصر والي يوقف قدامي هقتله
عزيز .. يلا يا اسلام وصل صاحبك
اسلام .. يلا يا صاحبي
عزيز .. يلا يا بت انتي وهى كل وحده تروح بيتها يلا يا دهب هوصلك
دهب .. يلا يا عمي
عزيز .. طلع علي الفيلآ
دهب .. انت جايبني ليه هنا مش كنت هتروحني
عزيز .. اروحك ايه يا بت انا مصدقت انك اتجوزتي والليله هنحتفل بموت حماكي العزيز
دهب .. انت شقي اووي يا عمي عزيز بيه
عزيز .. انزلي يا ست العرايس
دهب .. بتنزل من العربيه وبتدخل الفيلآ
عزيز .. محروس مش عايز ازعاج دهب تعبانه وهترتاح هنا
محروس .. امرك يا جناب البيه
عزيز .. بيدخل الفيلآ وبيقفل الباب وبيشيل دهب اخيرآ يا دهب
دهب .. اخيرا يا عمي انت الي كنت بتبعدني عنك
عزيز .. عشان كان قدامنا هدف لازم نوصله اما دلوقتى خلاص الواد الي هياخد كل املاك بيت الجارحي هيكون ابني انا مش ابن احمد فاهمني
دهب .. فهماك وهو ده الي نفسي فيه من زمان وبتحضنه
عزيز .. بينزلها علي السرير
احمد .. يدخل القصر والكل بيكونوا قاعدين ويدخل علي فرح انتي ازاي تطردي دهب وتكسري دراعها
فرح .. والمره الجايه هكسر رقبتها ومن دلوفت انا لا بنت عمك ولا اعرفك
كريم .. بيقرب منه انت شارب ايه
احمد .. غور من قدامي
كريم .. عشان عضم التربه هصبر عليك يلا قدامي
احمد .. لا انا مش رايح حته
كريم .. بياخده بالعافيه ويدخله اوضته وبيقفل عليه وبينزل
فيصل .. انا مش عامل حساب لبيت الشناوي ولا فارقين معايا انا مش خايف غير من احمد ده
كريم .. ما تقلقش يا بوي سبهولي وانا هعرف ارجعه عن الطريق الي ماشي فيه يا اما هخفيه من الوجود
فرح .. الحيه دى داخله وعارفه بتعمل ايه كويس ولازم نخلي بالنا منها
فيصل .. كريم هتفضل مع احمد واعمل كل الي تقدر عليه عشان يرجع لعقله وانتي يا فرح خليكي وراء الحيه دي لحد مانعرف ناويه علي ايه
فرح .. ما تقلقش يا عمي
فيصل .. حكيم هترجع تعيش معانا في القصر و الجناح بتاعك جاهز لحد ما نعدي الازمه دي
حكيم .. حاضر يا فيصل
كريم .. انا هطلع اشوفه نام ولا لا
حكيم .. واحنا هنطلع ننام تصبحو علي خير
فيصل .. وانت من اهله
كريم .. طلع وفتح الباب لقي احمد نايم ربنا يهديك يا ابن عمي
وطلع ودخل اوضته
احمد .. صحي الصبح بدري ودخل اوضة ابوه واخد الخريطه من الخزنه وطلع من الاوضه
فيصل .. طالع من الاوضه شافه احمد
