رواية سواد الاثمد الفصل الثاني عشر بقلم نورس
تمارا
انطتني نظرة أخيرة تباوعلي تريد تفترسني جرت چنتها وطلعن اثنينهن من الغرفة وهن يتوعدلي بنظراتهن
اندارتلي :- وانتِ اللخ جيبي تليفونج وتعاي جوة يمي
اخذت التليفون ونزلت ويَّ عماتي كعدت يمها بالصالة أشرتلي اخابره
- ليش
سجود :- صار ساعتين نخابره ميرد خابري گدامي شوفيه وينه
شلت التليفون اتصلت عليه شوي واجاني صوته فاتحة سبيكر :- مرتي بانو
- وينك عبد
- جايج بالطريق هيج مستعجلة
گوة لزمت روحي لا اچفض أشرتلي حجيت بتردد
- بضاعة عمتي وصلتها لأصحابها لو لا
سكت شوي ورد :- منو يمج بان
سجود :- جبتلي الطالبته عبد لو جاي وايدك فارغة
ترى مالك مرة يمي اذا ما سلمتني
- لا صدك لازمكم بعقدين سجودة اشلعها من عيونكم وانتوا الممنونين
- الأفتهمه ما جايب شي وياك
- لا جبت بس مو حسب طلبج شعدنا فاتحين مطعم
- لتحجي بالألغاز عبد فوت بالمفيد
- دزيتلكم فلاش بيد واحد من چلابج وصلج لو لا
- يا فلاش
ديحجون وفات واحد من زلم سجودة بيده ظرف انطاه لعمو سالم كله :- واحد سلمنياه بالباب كال من عبد
عبد :- هدية من نسيبكم الج ولسالم
انگطع الخط أشرت عمتي لعمو سالم فتحه اخذ الفلاش وصاح جابوله اللابتوب شكله بيه منتظره يحمل
ثواني وانفتح مقطع لهبة وهي تنزع ملابسها دنكت اهز رجلي بتوتر گلبي يدك بقوة واسمع صوته يحجي وياها ويضحك يكلها شتسوي وهي تكله لا عفية سديت أذني ماريد أسمع
سمعت صوت تكسير رفعت راسي عمو بوجهه صعد الدرج للطابق الثاني الشياطين تتطافر گدامه ركضت وراه كفاح وستار لحگوه يتراكضون
همام واكف ايده على وجهه وسجودة باهتة كاعدة عالتخم نفسها يصعد وينزل بقوة تريد تنفجر عيونها راح تنط من مكانهم
جرت تليفوني رجعت خابرته رد :- شلونها الهدية
- لعبت بعداد عمرك عبد
- شنو هاي شو خفت
- ميهمني سوي اللي تسوي بضاعتي توصلني لو تنسى الك مرة يمي
- اوصل ويصير الحجي مگابل
- لتجي لعد اذا هيج وتنسى مرتك وحق القرآن وهي على ذمتك اخلي ابن عمها يدخل بيها اصورلك وادزه الك
- شعرة وحدة من راسها تنجاس أحرگج أنتِ وأهل بيتج جايج يغضب
- لتوصل سلاحي رافعته بوجهك اوصيهم بس يشوفوك يرموك
سدت التليفون بوجهه وشمرته صار طشار اجتني لزمتني من شعري اخذتني سحل من جوة صعدتني الدرج وسط صرخاتي ودتني لغرفة محمد دفعتني وقفلت عليَّ الباب
جانت الغرفة فارغة بس اني بيها خنست لوحدي ودموعي تنزل جسمي كله يرجف اعرف سجودة اللي براسها تسوي ومدام هددت راح تنفذ
وكسرتها هالمرة قوية جانت منتظرة هالتسليم من زمان خاطر تاخذه وتطلع للخليج طولت هالمرة هنا علموده
وتالي عبد غدر بيهم خلاها تتهستر والضحية الوحيدة هنا هي اني وگعت بينهم وبين ثاراتهم ومشاكلهم
حشگت روحي بالزاوية حاضنة نفسي دموعي تنزل وعيني متشكلة عالباب على أي ساعة اتوقع ينفتح ويفوت محمد
يمكن ساعة بالهواي وسمعت صوت صياح جوة تبعها صوت طلقتين لزمتني الرجفة الصوت جاي من جوة البيت صار صريخ نسوان انخمش گلبي
اسمع صوت هنادي تصرخ وتبجي من ورة الباب
هنادي :- كتلها ماتت هبة
احس شعر جسمي كله وگف من السمعته ضليت أرجف
سديت أذني ودنگت حيل ماريد أسمع ولا صوت
مرت دقايق صريخهن اختفى وصار هدوء غريب بالبيت
ما اعرف شكد مر من الوكت واني على كعدتي اندفر الباب بقوة تكسر وفات صار كبالي وراه اثنين شباب أسلحتهم بيدهم
مكدرت أتحرك رجلي احسهم انشلوا نزلت دموعي اجه دنك بمستواي يمرر ايده على وجهي همس :- گلبتها عليهم فاتحة عرس وعيونج الموگعتني
جسمي يرجف اباوعله ودموعي بعيوني ملامحي معتليها الرعبة لزمني من اكتافي وگفني
عقد حاجبه :- شبيج شو ترجفين خما أحد سوالج شي
هزيت راسي لا جر نفس براحة
صار يعدلي بالبرگع وخلاه على راسي عدل صفن شوي بوجهي واردفها بأبتسامة جانبية ضم مسدسه بخصره اخذني من ايدي وطلعنا من الغرفة
امشي واتعثر لابسة كعب والفستان طويل وصلنا للدرج وگف باوعلي اني وفستاني والكعب عالي
گال :- انزعي البرجلج
نزعته دنك شاله ومدلياه اخذته منه ممفتهمة شي من الديسوي ايده حاوطت خصري رفعني من الكاع ونزل الدرج وهو شايلني
منطاني مجال أعترض جان دينزل الدرج
ايدي محاوطة رگبته حيل اخاف لا اوگع
جماعته يمشون ورانا عيني تدور بالبيت وضعه جان غريب فارغ محد موجود استغربت الوضع والأفكار براسي بدت تتجمع تطالب بتفسير للديصير
وصلنا للصالة وكف باوعتله وانتبهت وين يباوع
اثنين من زلم سجودة مربطين لاطشهم واحد بظهر اللاخ وساد حلوگهم
ندسته وحجيت بصوت ناصي :- عبد نزلني
اتجاهلني وصاح بذوله المربطين
عبد الإله :- چلاب سجودة اسمعوا الحجي زين ووصلوا لچلبتكم الجبيرة كلولها مو عبد اليتساوم بحلاله إلي حق أخذه من عيونها لو اعرف اسويها كاتل ومكتول
منا وجاي الطايح رايح صفيت حسابي وياها أي حركة منها ضدي أبدي اصفي بچلابها وأولهم أبنها
بلعت ريگي شكله انگلب وهو يحجي حواجبه طابگهن ملامحه مقتضبة بصرامة يحجي بنبرة حادة
انتبهلي اباوعله تقرب شاورني :- لتخافين چذب ما راح اسوي شي بس شوفوني عود شخصية
ضليت صافنة غمزلي واندار عليهم مرة أخيرة
صاح :- سلموا على چبيرتكم
خله وطلع يمشي وعيني عالبيت وصلنا للسيارة فتحوله الباب كعدني عالكرسي
رد صفن بوجهي شوي واندار لواحد من جماعته
كله :- كلينكس
جابله الباكيت جر بطل مي من السيارة صار يبلل الكلينكس ويمسح جوة عيني عالخفيف
- يا قندرة ابن قندرة مخربط كحلتج طالعة مچلقة
كمل وكف يباوعلي هز راسه :- بس حلوة
صعد بصفي وصعد واحد بكرسي السايق اندار يباوعلنا
أرقم :- زفة زر**
- حرك بلا لغوة زايدة
- دصبر ما رمينالك
- حرك
- شوف عروستك شوي وتنصهر مو جايين نزف مداهمة هاي
- حرك أرقم
- متردون أغاني عاد
خزره اندار بسرعة شغل السيارة وحرك انداريت سيارتين ورانا يمشن هم تابعات اله بيها جماعته
كلهم مطقمين أسود بأسود
طلع باكيته سحب جگاره خلاها بين شفايفه وطلع الجداحة يورثها گال وهو يسحب نفس منها
عبد :- شبيج بانو
- شسويتلهم
- شسويت
- بيت عمو ليش فارغ
- واني شعرفني اجيت لكيتها هندس بس چلابها تعوي بالباب طبكت راس براس ودخلت جبت مرتي واجيت
احد اله شي يمي
- شلون شعرفك وهذول المربطهم
أشرلي بأصبعه :- اششش لتدوخين راسج بهالسوالف معليج
ضليت ساكتة والرجفة لهسه بجسمي صوت صريخ هنادي وبجيها لهسه بأذني واتذكر حجايتها من تگول
" هبة ماتت "
خليت ايدي على گلبي أفرك صدري احس بيه نغزات موتتني من الألم يباوعلي عاقد حاجبه
- شبيج
- موتها عبد عمو كتل هبة
ضحك بصوت عالي وصاح :- حيل
أرقم :- فاجأني والله ما توقعتها من سالم الدثو
ضلوا اثنينهم يضحكون واني اباوعلهم فاتحة عيوني ممستوعبة من يا طينة هذول بدم بارد ديضحكون
باوعتله عيوني مدمعة :- ليش سويت بيها هيج
- مو گتلج لتدخلين
- كتلها عبد من وراي اني انطيتها الموبايل وبعدين انتَ شلون تسوي هيج وتفضحها گدام أهلها
- احمدي ربج ما نشرتها عالعام وخليت عرضهم فرجة لليسوى والميسوى ولو هم أهلج نواقيص متهمهم هالسوالف متشوفيهم شمروج علينا الا لو عندهم شوية غيرة جان طلعوا حق بنتهم من المعتدي عليها مو تعال تزوجها واستر عليها
- وانتَ شنو دتعيرني بجريمة اخوك سواها
- لتفسرين بمزاجج مو هذا القصد
- لعد شنو قصدك بشمروج علينا ترى انتوا ممتفضلين علينا بهالزواج بس تطمطمون عاركم يالعارات وعلى گولتك لو عندي أهل بيهم حظ شوية مجان خلوني جوة ايدك بس الصوج بذاك الراح علگله حبل وشنق روحه بليلة ظلمة وخلانا ملطشة لليسوى والميسوى
أرقم :- احنا عارات مو بلة
عبد الإله :- اششش عينك بطريقك انتَ معليك
ضل ساكت يباوعلي مگال شي درت وجهي منه مختنگة عيوني تحرگني من الدموع المتجمعة بيها
عضيت شفايفي بقهر درت وجهي للجامة دموعي نزلت واني اسمع كلامه اتخيل شعور نورجان لو جانت بمكاني ودتسمعه يحجي هيج جان شصار بيها
الطريق كله يسولفون بالشغل ودي هيج استلم الهيج بيت فلان خابر علان راسي انسطر فوك ما اني دايخة
خليت راسي عالجامة محسيت على نفسي وغفيت
فزيت على صوته فتحت عيوني لگيته بوجهي السيارة واگفة وهو واگف من جهتي فاتح الباب وماد راسه علي
أرقم وراه يباوع ويضحك
عبد :- صح النوم
عدلت كعدتي رگبتي احسها متشنجة حيل تأذيني ضليت لازمتها اندار كال :- أرقم هرول كدامنا افتح الشقة
حجاها وطلعله مفتاح من جيبه شمره عليه
راح قبلنا رجع عليَّ شالني تعلگت برگبته
شهربان :- ترى اكدر امشي
- اششش ماحب اللغوة الزايدة
- نزلني
ما رد ولا عبالك احجي وياه صعدنا للشقة الباب مفتوح دخلني خلاني عالتخم گعد نص ركبه گدامي ومركز بوجهي مضيك عيونه
توترت :- شبيك
- طالعة حلوة ولو الكحلة رجعت سالت
سحب كلينكس من عالطبلة وتقرب يمسح بيها وهو عاقد حاجبه :- شنو من كحل هذا ميروح جوة عيونج صار كله أسود
وخرت ايده عني
گتله :- عوف اني امسحه بس اريد اروح للحمام
بعدنا نحجي طلع مد راسه من المطبخ صاح
أرقم :- عبد شو ما عندكم أكل بالثلاجة
عبد :- وانتَ بس لا مصدك روحك بعرس وجاي تدور براسي عشا
- جعت كلت اشوف شعندكم شنو متردون عشا لو ناذرين ليلة عرسكم صيام
باوع لساعته كمل :- الساعة بـ11 حتى الصايم فطر هسه
اندارلي يسألني
- جوعانة
سكتت محجيت احس لعبانة نفسي وما اشتهي شي
ودايخة حيل
- صدك جذب هو هذا سؤال دباع وجها أصفر
- جيبلها من برة
- ما عندي فلوس
- ها الفگريات بچيت بسرعة
- انطيني واجيبلها
طلع محفضته شمرها عليه فتحها اخذ منها فلوس گله
- راح اجيب الي والها عندك فلوس هواي
گام اله اخذ الفلوس وطفر طلع برة الشقة
ضل يفشر وراه سد الباب ورجعلي يباوعلي
نتر :- وانتِ شكو تباوعين مو ردتي حمام
كمت شايلة فستاني واباوعله عافسة الخلقة واخزر بيه عديت من يمه صاح :- عيونج لا افگسهن
وصلت للحمام وقبل لا أفوت تذكرت مجبت ملابس
رجعتله :- اريد ملابسي وين
جان كاعد عالتخم رجليه مادهن عالطبلة وبيده تليفونه أشرلي بدون ليحجي عالغرفة رحت طلعتلي ملابس من الكنتور
وكفت كبال المراية باوعت لوجهي جوة عيوني صايرات أسود فتحت المجر جريت وايبس مسحت الميكب
نزعت البرگع مديت ايدي لظهري افتح بالفستان مسيطرت ضاباته الي حيل شمرت الملابس من ايدي
حاولت ردت بيه مگدرتله بقيت حايرة بأمري
رجعت للصالة گعدت گباله مبين بوجهي الضوجة
رفع عينه من الموبايل :- شبيج
- مبيه
ما اهتم رجع دنك على موبايله واني ضليت بحيرتي
مترددة بين الأگوم أطلب منه هو يفتحلي الفستان وبين ابقى گاعدة محافظة على كرامتي
عاف التليفون من ايده ورجع ظهره للتخم عينه علي
مرت لحظات انداريتله :- شبيك لتباوع هيج
- من شنو ضايجة بانو
- ومنو گلك ضايجة
- وهذا البوز المادته والحواجب المطبوگة بالله هذا وجه عروس اليوم عرسها
- تعود عليه لعد
- بس تدرين حتى وانتِ مطنگرة حلوة
حجاها وسحب باكيته يورث جگارة سحب منها نفس وزفره وكمل كلامه :- ولو جسمج مال جهال ميساعد
خزرته ودرت وجهي منه بنفور وهو يضحك
اجه أرقم جاب الأكل خلوه عالطبلة وأشرلي
عبد :- گومي اكلي
- ما اشتهي
- مو عالمزاج مدي ايدج يلا
- شنو گوة هي
كام سحبني من جتفي غصب عني كعدني بالكاع خله كبالي لفة كال بحدة :- اكلي
- ماريد
ضغط على ايدي أكثر وحجة بتحذير
- للمرة الأخيرة اكلج اكلي
باوعتله :- عناد بيك مـ...
بعدني ممكملة حجايتي اجاني راشدي لطشني بالكاع
أرقم صاح :- لا
لزمت خدي عيوني تحرگني واباوعله بحقد ضاغطة على سنوني حيل خله كدامي لفة
عبد :- خمس دقايق ادير وجهي عليج الكاج ماكلتها
خليته يكوم راح للتخم أرقم مكابلني ياكل ويتبسم مثل المخبل نظراته متعجبني كمت وويَّ وكفتي گلبت الطبلة والعليها كدامهم وركضت للغرفة قفلت الباب
كعدت عالجرباية وعيني عالباب جسمي بدة يهتز اجتني الرعشة محسيت الا الباب يندفر بقوة وصوت صياحه
عبد الإله :- افتحي بان
ضليت ساكته رجع دفرة مرة اللخ بقوة ويصيح
اسمع صوت أرقم يمه يحجي وياه يحاول يهدأه
- بان والقرآن بس افتح الباب اطبلج اسحل بيج العمارة صيري حبابة وافتحيه من ذاتج يلا يحلوة
ولا تحركت لحظات ونزيت على صوت دفرة عالباب حيل حسيته انكسر من قوة الضربة
فجأة صار هدوء غريب واختفى صوتهم اثنينهم
شوي واجاني صوت أرقم يگله :- شبيك عبد تخبلت العمارة بيها ناس
- وخر لا أفرغه براسك
رجعت لنهاية الجرباية لامة جسمي وحاضنه نفسي حيل ضميت راسي بس عيوني تتحرك لحظات تحبس الأنفاس مسمعت غير صوت طلقة ثارت
عطت وضميت راسي بين رجلي اندفر الباب وفات عليَّ اباوع لشكله انگلب مثل الغول عيونه حمرر دم صايرات
عروگه بارزة شاد على قبضة ايده والثانية لازم مسدس
اجاني لزمني من شعري رفع راسي مقابيل وجهه
گال :- تتعاندين وياي ولج بانو
لزم فكي عصره بيده حسيت عظامي تكسرن خله المسدس بحلكي نزلت دموعي واني اباوعله
لزمتني الرجفة گوة مسيطرة على روحي لا أفقد وجهه بوجهي خازرني حيل ايدي لازمة ايده الشاد بيها شعري أحس بأنفاسه الحارة تلفح وجهي
شكله وحالته بذيج اللحظة حسيته صدك حيضغط ويرميني افطس بمكاني صرت اتشاهد بيني وبين نفسي عيني صارت بعينه أرقم يصيح عليه وهو على وضعه
حسيته حيرمي غمضت عيوني بقوة مترقبة موتي
بحركة سريعة مد ايده دفعني حيل عالجرباية
صاح بيه من الباب
أرقم :- صدك جذب هو هيج حتى اني ز** على روحي من الخوف
اندارله شمر عليه السلاح بسرعة تلاگفه منه وأشرله بيده
- برة
- صغيرة عبد على كيفك وياها ما جانت تقصد
- بره
خله وطفر سد الباب وراه رجع اندار عليَّ عيونه حينطن من مكانهن تراجعت ليورة لزمني من رجلي جرني عليه
كمت ابجي :- وخر حيوان حقير عوفني
نزع الحزام من بنطرونه طبگه على ايده ضربني ضربة اجت بيدي احس شاغت روحي
شهگت من بين دموعي :- الله ياخذك وخر
ضربني الثانية متحملت صرخت بعلو صوتي وبدت شهگاتي تعلى غطيت وجهي بيدي احميه اجه الحزام بمتني كمت اگمز من الوجع
دفنت راسي بالفراش دموعي موكفت خلاني ألعن الساعة العاندته بيها لزم شعري رفعني اله
- وخري ايدج
شلت ايدي صار وجهي بوجهه جابني براشدي اختل توازني رد كومني عدل جابني براشدي لاخ بالخد الثاني
صرت ابجي بصوت مكتوم واني اباوعله جسمي كله يختض أثر الشهگة ضل واكف يباوعلي على نفس نظرته وجهه ما بيه تعابير عافني
راح للميز اخذ باكيته طلع جكارة ورثها واجاني دنك لمستواي جر نفس ونفخ الدخان بوجهي درت مختنگة من الدخان
رفع ايده يمررها على وجهي ويعدل بشعري
عبد :- لتجبريني اعيدها بعد بانو عناد ماريد مفهوم
هزيت راسي ضرب خدي بخفة كال :- عفية بالحبابة كومي هسه للصالة لمي الهوسة السويتيها ماريد سلاية بالكاع يلا كدامي
كمت مشيت من يمه اسحل بفستاني لازمة ايدي مكان الضربة رحت للصالة جان أرقم گاعد عالتخم شافني
گال :- هاا
يباوعلي من فوك ليجوة وضحك :- هاي شمسوي بيج مگلوبة خلقتج بعدكم اول يوم
دنگت ألملم بالأكل اخليه بالعلاگة صدري مخنوك بطلت بجي بس شهگتي ملازمتني تطلع غصب عني
رحت للمطبخ لگيت مكرافة بالزاوية أخذتها ورجعت للصالة ألم بالگزاز وهذا على گعدته رجع ذبلي حجاية
أرقم :- هيج أحسلج هسه لو سامعة كلامه من الاول وكاعدة ماكله هو المن غير علمودج خايف عليج شافج دايخة ترحين تتخربطين
مرديت عليه وكملت شغلي حسيت عليه كام وكف واجه بأتجاهي كعد بمستواي رفعت راسي بسرعة نترت
شهربان :- شبيك
مد ايده لكتفي يحرك اصبعه كال :- فستانج مشگوگ
دفعت ايده وانتبهت صدك صفحة الكتف مخلوعة خلع كتفي مبين وشوي من ظهري خزرته وكمت وهو على كعدته يباوعلي بأبتسامة جايفة مثل وجهه
كام وياي صار بوجهي
- اذا عبد متعافي على نعمته اني موجود بديل عنه ما عندي مانع اعوضج الليلة
تفلت بخلقته تخبل اجه يريد يلزمني اجانا صوته من وره
عبد :- شو بعدك هنا
اندارله بسرعة :- مولي بس الزم مرتك وانطيها ملابس بيها خير تستر روحها بيهن مو مطلعها عليَّ مخلعة تستعرض كبالي الكدامك ترى مو نبي
فتحت عيوني على وسعهن صحت :- كذاب هو تحرش بيَّ وحاول يتقربلي
- اكلي خرا لج ليش تخليني اطيح حظج
حجاها وهو يرفع ايده يريد يضربني محسيت الا عبد بوجهه لاوي ايده خلاها ورى ظهره
عبد :- شو بلة اضربها
- مو قصدي
- انتَ زلمة مد ايدك عليها
- هي تجاوزت ونرفزتني شنو من تالي اني اباوع على عرضك
- واذا تعرف بيها عرضي وتخصني شلون تمد ايدك عليها گبالي
ضل ساكت عصر ايده حيل صاح :- يابة صوجي اني بس عوف ايدي انكسرت خرب روحك
- اعتذر
- آسف
- الها الأعتذار مو الي
داره عليَّ يباوعلي عيونه بيهن حقد الدنيا حجة ونبرة صوته مخنوگة كوة طلعت منه الكلمة :- آسف بان
باوعلي عبد :- اقتنعتي
ضليت ساكتة گال :- ولا اني
انطاه دفرة من ورة لطش للباب گله
- تزحلك مناه ما ألمح خيالك بس ساعة الاخابرك بيها اني واگلك تعال واصبرلي ما خلصت الي حساب ثاني وياك
ضل ساكت يباوعله صاح بيه :- يلا شو واگف
- تليفوني والسويچ جوة
راح للتخم شمرله تليفونه وگع بالگاع دنك شاله ويباوع لشاشته اتكسرت كله :- سويچ السيارة
- ماكو روح مشي
- شنو السالفة عبد ظلمة ششوف
- دبر روحك بفلاش التليفون
- انكسر حتى ميشتغل بعد
- صدك والله قهرتني يلا مناه لك
عدل ملابسه باوعلي نظرة أخيرة حسيت نظراته بيهن وعيد الي فتح الباب وانگلع
لزم الفستان يباوع للجهة المشگوگة عقد حاجبه
- حتى ستـ** طالع شلون ما انتبهتي
ضليت ساكتة اخذت الگزاز ذبيته ونظفت المكان بسرعة وهو كاعد عالتخم بيده تليفونه بس احس بنظراته تراقبني واني اتحرك
وكفت اختل توازني دخت لزمت التخم اريد اسيطر اوكف حسيت الكاع كامت تفتر بيَّ محسيت عليه الا فوك راسي
- بيج شي
دفعت ايده ومشيت للغرفة اسحل بروحي گعدت بالگاع ظهري عالجرباية خليت بس راسي عالفراش وغمضت
مكان ضربات الحزام يحرگني عبالك جلدي مسلوخ شفتي مورمة كد مأكلت راشديات اليوم تجرحت
بعدني ممستوعبة الديصير العرس ، عبد ، الضرب الأكلته منه أحس روحي بحلم وهسه اگعد منه
لا فرحة عروس بوجهي لا شكلي شكل عروس لا ماما يمي مدا اعرف شسوي احس روحي ممستوعبة الصار هسه أغمض وأفتح الگه روحي يم ماما ونورجان
التعب والوجع جان طاغي على ذني كلهن بطني احسها تتگطع من الألم افرك بيها حيل وانحب بصوت خافت
عبد :- شنو اليوجعج
رفعت راسي لكيته بالباب ايده بجيوب البنطرون ويباوعلي كرهت روحي اكثر واني كدامه بهالوضع
قتل القتيل ومشى بجنازته ولا عبالك توة فطسني بيده
رجعت راسي للفراش دموعي كامت تنزل وجع بطني صار مينحمل شفته راح زدت بجي واهذي بأسم ماما ونورجان احس فقدت
حسيت على ايده وهي تحاوط خصري رفعني من الكاع حاوطت رگبته مشى بيَّ للحمام وكفني مد ايده يفتح بالفستان وكع بالكاع ضليت بالداخليات
الوجع الحسيت بيه بيومها خلاني ما امنعه ولا الي قابلية حتى اعترض جنت بيده مثل اللعبة جردني من ملابسي ودخلني للبانيو
المي جان دافي بيه شوي حرورة عظامي رخت غمضت عيوني ورجعت راسي ليورة هدأ نفسي شوي
حسيت بايده يمررها على وجهي فتحت لكيته كاعد يم البانيو عيونه تتشرب تفاصيلي نظراته تعجز لساني
گام طلع ضليت على وضعي بالنص ساعة جسمي مسترخي جوة المي گوة تحركت گمت فتحت الدوش واخذت شاور سريع غسلت جسمي
انفتح الباب شوي واسمع صوته :- وينج
مشيت صرت ورى الباب مدلي ايده بيها ملابس وألويز اخذتهن منه وجهي احسه يطلع نار شلون لگفها
لبست بسرعة وطلعت أطكطك بسرعة أبرد حتى لو الجو جان دافي والغرفة جان مشتغل بيها تبريد مطفيه بس بعد بيها برودة كمت أرجف من البرد
گعدت عالجرباية حاضنة نفسي ومغمضة عيوني ساندة نص جسمي على تاج الجرباية حسيت عليه دخل للغرفة اجاني صار گبالي
- ليش ما منشفة شعرج
ضليت على وضعي ولا تحركت سحبني هو جاب مشط كعد وخلاني كدامه كام ينشف شعري بالمنشفه وراها بده يمشطه على كيف لأن طويل ومكسر
حركاته بحذر عبالك طفلة بيده للحظة حسيته انسان ثاني معبالك نفسه الوحش الراد يطلع بروحي قبل شوي
صرت ما افهم تصرفاته مرة هيج ومرة هيج مدا يخليني اعرف احكم عليه اذا هو زين لو لا
كمل انطاني الكوب اللي عالميز :- هاج اشربيه حليب دافي يخفف الألم
اخذته منه بدون صوت شربت منه شوي مگدرت اكمله وهو مگابلني عالموبايل شافني عفت الگلاص صاح
- كله بانو
- ماريد
رفع حاجبه :- اني شحجيت
- لعبت نفسي اريد انام
- كمليه ونامي
- نعسانة والله ما اگدر خليني انام
كام من مكانه اخذ الكوب ووكف كدامي :- فضيني يلا
- شنو
- اشربي
اخذته منه غصب عني من شفته بده يصير أعصاب مردت ينعاد عليَّ المسلسل مرة ثانية جسمي مأذيني
شربته گوة عليَّ حسيت بيه مرورة اخذ الكوب گرصني من خدي :- عفية بانو
مددت عالفراش ايدي بين رجلي اجه طلع شرشف خفيف غطاني بيه وقلل الاضوية عاف تيبلام برتقالي خفيف مشتغل يم راسي
بين الغافية والكاعدة توني دا انام حسيت بأنفاسه صارت على رگبتي يشم بيها بعمق بدون ليتقرب زايد
غمضت عيوني ورحت بالنوم مدريت بالدنيا بعد
ثاني يوم فتحت بتثاقل بعد النوم بعيوني راسي يأذيني حيل مگدرت اشيله من المخدة يمكن بالربع ساعة واني على وضعي لحد مقاومت نفسي گوة وجبرت روحي حتى اگوم
اخذت ملابس ودخلت اخذ شاور دافي صحصحت شوي وطلعت لفيت شعري وهو مبلل وطلعت من الغرفة
الشقة فارغة مشفت عبد طالع
رحت للمطبخ لگيت ريوگات عالكاونتر
مجان الي خلگ اسوي شي رغم جوعانة اخذت توست خليت عليه جبن وسويتلي كوب چاي وكعدت اكل
كملت وكمت افتر بالشقة اتفحصها كبيرة حلوة بيها غرفتين وحدة النمت بيها واللخ جانت مقفولة
حمامين واحد بغرفتي وواحد برة الصالة نفهة المطبخ جان تصميمه غربي مفتوح عالصالة وألوانها هادئة
كعدت عالتلفزيون اگلب بالقنوات بملل صار بـ بالي بيت عمو معرفت شنو الصار كمت دا ادور على موبايل
گلبت الشقة مخليت مكان يعتب عليَّ مدورته آخر شي انتبهت يم ميز الجرباية عايفلي موبايل رحت اخذته
نزلت الفيس دخلت صفحتي القديمة ورحت لقائمة الاصدقاء ادور صفحة نسمة لگيتها دست اتصال
جانت متصلة مرتين رن يلا جاوبت
ردت صوتها تعبان :- ألو
- شلونج نسمه عرفتيني
- عرفتج حبيبتي شلون معرفتج شلونج
- زينة اني عوفج مني شصار البارحة بالبيت سمعت صوت طلقتين وصراخكم ضل بالي
- اوف بان شگولج وشحجي بابا تفرعن للحظة حسيته مو هو جان كُلش يحب هبة اكثر وحدة من بيناتنا لأن الصغيرة والمدللة توقعت يضربها يحبسها يحرمها من الاكل والشرب بس توصل بيه يرميها ويقتلها مخطرت على بالي والله
شفايفي رعشت :- ماتت
- لا يمة اسم الله تلاحكنالها على آخر لحظة الدكتور كال لو متأخرين شوي جان كتلها النزيف وماتت
جريت نفس :- شوكت صار هيج اني شفته من صعد بسطها شوكت لحك يرميها
- كله من عمتي كوة نزله عمو ستار من هبة اجه كعد بالصالة مدنك ايده على راسه الدنيا ضايگة بعينه اجته عمتي تحجي فوك راسه كلتله عيب عليك تبقى شوارب بوجهك ووحدة من بناتك بايعة روحها لبيت شاكر
انهار بان والله گام يبجي گلها لعد شسوي بكل برود تگله الزم مسدسك وخلص عليها اغسل عارك بدال ما گاعد تون مثل الحرمة شحنته عليها وهو عبالك مصدك
ما لحگنا عليه شوكت طفر شوكت صعد محسينا الا راميها بصدرها والثانية صارت بالسگف لوما متلاويين وياه عمو ستار وهمام جان اجت بيها كتلتها خلاص
- أبوج اذا هيج نچر ملزم سلاحه كتل سجودة خلصنا منها ومن شرها فد مرة
- بلوة عمتي والله عبالك سم ذبت كلماتها منا هو انگلب حاله منا
- بناتها وين
- يم عمهن بالكويت
- هبة شلونها هسه
- زينة سوولها عملية والدكتور كال تحتاج تبات بالمستشفى هاليومين خليناها مستشفى خاص وامي وياها ونتناوب عليهن اني وعمة أمجاد
- ابوج مراحلها
- لا مطايق يسمع أسمها حتى يگول تطلع متجي للبيت مالها گعدة يمي لو يزوجوها لو يخلوها يم بيت خالي وعمتي سجودة مأيدته بهالكلام
- سجودة البربوقة عايفة بناتها دايحات بالدول وجاية يمنا تسولف بالشرف
ضحكت بصوت عالي :- خرب يومج ضحكتيني بعز قهري بس والله صدك تستاهل مجذبتي شمعنى بناتها مخلصاتها سفر وطربگة ويمنا تنگلب مهدي الصميدعي
- الشرف عندها يصعد من ينجاب طاري ماما لو نورجان
- شگد مشتاقتلها وين صارت هم تعرفين أخبارها
تنهدت :- بأرض الله الواسعة
- تعاي سولفيلي انتِ شلونج شصار مصار وياج
- شنو يعني شصار قابل مشفتوا جماعة سجودة البارحة مربطين
- شفنا وعمتي تخبلت لزمتهم دگ اهاين وفشار تكلهم ما بيكم واحد خيّر يغافله ويخلي طلقة براسه يخلصنا منه متحلفتله والقرآن خاصة من درت بيه اخذج
- نارهم تاكل حطبهم منها اله
ضليت ساكتة شوي مترددة احجي :- اگولج نسمة اريد اسألج شي
- گولي حبيبتي
- حبوب المانع شوكت تنوخذ يعني قبل العلاقة لو بعدها
- مانع حمل قصدج
- بلي
- ماعرف والله وانتِ هسه تسألين غير من هنا تجينا الي لعمتي نعلمج
- ديلا عأساس ماكو هيج فدتيني هواي بعدين اني مو غشيمة ترى اعرف هالسوالف ماما منبهتني من زمان ومنطيتني فكرة عالموضوع
- يعني تقربلج
- لأ عندي عذر
ضحكت بصوت عالي ضجت :- اهووو نسمة تگدرين تساعديني لو لا
- لحظة اسألج عمة أمجاد
- بس لتگوليلها الي
- تمام
ضليت منتظرتها لحد مرجعت حجت :- وينج بان
- وياج أسمعج
- عمتي تگول المانع ينوخذ طول الشهر بس بأيام الدورة ينترك حتى لتتخربط عليج
- زين كلهم هيج لو اكو نوعيات
- ما ادري والله مسألتها بس تگول اكو نوعيات يجي بيهن وهميات هذن ينوخذن حتى بأيام الدورة الشهرية عادي مراح يأثرن عالحيض
- شلون يعني مدا أفتهم
- انتِ عندج منين جايبتهم
- ماما انطتنياهم
- صوريلي الشريط واني اسألج دكتورة هنا عليه وأعلمج على استخدامه
- اي لحظة
گمت للكنتور مخليته بين غراضي صورته الها وتشكرتها
گالت :- بان الصغير تدلل شوكت متحتاجين شي بس خابري بالخدمة
- خلف الله على عمتي أمجاد
- هههههه فوگاها
- هسه مو گلنا شكرًا
- عليج الله افتحي كام شوفي منو اجه يمي يريد يحجي وياج
فتحت الكاميرا صار بوجهي همام واكف يمها بحضنه بزونة اعرفها ضحكت :- هاي بعدها يمك
همام :- هذا الرفيق الجديد عيونه تذكرني بيج
- تجدح مو بلة
- مثل عيونج
- شو انتوا ضاربين الدنيا چلاق انتَ امك متهسترة تريد تسويها مجزرة وتتحلف بالعالم وانتِ اختج البارحة طلعت من حلك الموت وگاعدين تضحكون
نسمة :- وأزيدج هم محمد راد ينتحر وحبسناه بغرفة
- اخ أحداث ساخنة هاي وين جنتي دحجي من الاول
فرحي گلبي
- لا بان حرام عليج والله متهستر وراج حاله حال المخبل يريد يكسر الباب ويجيلج
- اي هي هم عايزة بلة الزموه لا يجيني ولا اجيه گلوله تزوجت واخذها وسافر بيها بس لتخلونه يتقربلي والله تصيرلي مصايب والعندي شلون يحب سجودة وعمو سالم يريدها من الله على الله
همام :- صدك مبروك صباحية عرسج عروستنا ولو شكلج ميبشر بخير
تذكرت الورم البوجهي :- لتتجاوز رجاءً هذا زوجي مرادني اتعب بالميكب كل يوم كال خلي ازروقلج وجهج منا لأسبوع كدام حتى متعبين بعد
- اخ شكد يحبج
- شعبالك لعد امك تختارلنا احسن العرسان
- ترى كفت من امج ونورجان من زمان حايرة شلون تدبر الطلبية مال جماعة متواعدة وياهم تالي رجلج غدرها
- صار رجلي دتحسسوني اني اخذته بإرادتي
- المهم هسه الصار صار بعد عينج على نفسج وعبد لتتمشكلين وياه بان هذا طبعه صعب بعدج متعرفينه الا تعاشريه بيج وما بيج تتجنبين العناد وياه والملاسن
- وين جانت نصيحتك هاي البارحة
- شسويتيلج من سالفة وگب عليج هيج
- اني أنثى فقيرة رقيقة هواي دتظلموني ترى
- لمصلحتج احجي والله معزتج مثل معزة خواتي
- ايع عاب حالهن لخواتك
ضحك سلموا عليَّ وسديت الاتصال وياهم رغم نفسيتي التعبانة بس گدروا شوي يغيرون من مزاجي
جنت مخنوگة شوي كمت لبست وطلعت من الشقة نزلت جوة افتر بالشوارع قريب من العمارة المكان حلو شارع عام محلات وسيارات الناس تروج
يمكن ساعة ونص واني افتر بنفس المكان اروح وارجع
لحد متعبت وكعدت عالرصيف عيني عالسيارات
بدت أفكاري السوداوية تراودني
أشرد واروح لماما
لا اذا شردت يلزمني واني مرته اول تالي
زين اذب روحي گبال سيارة واموت
استغفر الله لا بالدنيا متهنية وتالي بالآخرة للنار
توني دا اكوم شخطت كدامي سيارة سودة عرفتها سيارته نزل بهمة كوة يحاول يتمالك أعصابه فتحلي باب السيارة وكال بهدوء :- اصعدي
صعدت بدون صوت واباوعله صاير أعصاب صعد رگع الباب حيل حسيته تكسر وداسلها يمشي سريع
لحظات وصرنا كبال العمارة نزلت اجاني بسرعة جرني من كتفي قفل السيارة ومشى بيَّ صعدني فوك
- شبيك عبد ايدي مو دا احجي وياك ايدي تأذيني
مسمع مني وصلنا للشقة فتح الباب وشمرني بنص الصالة انداريتله متفاجأة رد فعله اتصل تليفونه
رد وعينه عليَّ
عبد :- توكل لكيتها معليك انگلع
سد التليفون وشمره عالتخم تخصرلي عاقد حاجبه مضيك عيونه ويباوعلي :- وين جنتي
- افتر
- تفترين بهالظهرية
- اختنگت وين اروح لعد
اجه عليَّ لزمني وجهه مقابيل وجهي :- طلعة مناه بدون أذني بعد ماكو مفهوم لو اعيد
- وليش عيني
نتر :- بلا ليش بان
- مدا افهم ليش ما اطلع شنو خايف لا أشرد لتخاف ما اسويها مو طبعي ترى جان شفتني ابتعدت عن العمارة
- الاگوله يصير هالمرة امشيها الج لأن بعدج جديدة متعرفين طبعي مرة الثانية الزمج أشگج نصين
- زين بس ايدي اريدها
حجيتها انتبه لايده الضاغط بيها على متني نترني حيل وراح للمطبخ وكفت افرك بالمكان
باوعت للمطبخ همست :- گبر همجي
اخذت الريموت وكعدت عالتلفزيون ممنتبها لوجوده لحد مشفته واكف بيده گلاص مي يشرب ويباوعلي حاولت اتجاهله عيوني غصب عني تخليني ارجع اباوعله على نفس الوگفة
شمرت الريموت من ايدي وكمت صار كبالي يمنعني اروح :- شوية اريد افوت
- فوتي منو لازمج
وخرت منه دا امشي رجع صار كبالي جريت نفس
- يعني وبعدين
تقرب اكثر ملحكت ابتعد ايده حاوطت خصري قربتني عليه اكثر دنك عليَّ باسني من شفتي خليت ايدي على صدره امنعه لزم ايدي يمنعني
أنفض بجسمي مسيطرت عليه ومالي قوة أقاومه وخر مني يجر نفس عينه بعيني خله جبهته على جبتهي
همس :- آخ بانو يعيونج
- وخر عني
عض شفته :- البحة البصوتج تشگ
مال راسه يمرر أرنبة انفه على خدي ياخذ نفس وشفايفه تطبع بوسات خفيفه على وجهي دفعته حيل عني خزرني تخبل لزم فكي حيل
حجه من بين سنونه :- والقرآن اذا عدتي هالحركة واني يمج متلومين الا نفسج واتوقع صارن هواي بعد ما أهدد كله تنفيذ
اباوع لعيونه شلون خازرني نترت :- وخر
گال :- صلفة بانو صلفة واني أحب الصلفات أگعد أروض بيها على كيفي لحد متعقل ولله لوما معذورة جان شفت شغلي وياج بس بسيطة حاسبلها اني الج
حجاها ودفعني راح مشى گعد عالتخم ضل كلامه براسي ما انكر خوفي منه بذيج اللحظة رجع شعور أول ليلة يراودني وبطني بدت تمغصني من التوتر
مر اسبوع واحنا على نفس الحال تهديده بعده يدك براسي بس استغربت وضعه حتى بعد مكملت من العذر الشرعي محاول يتقربلي ولا ينام يمي كلمن بغرفة
يطلع اغلب وقته برة الشقة مرات يجون هو وأرقم يضلون كاعدين بالصالة مدري شيشتغلون ومرات وياهم بعد شباب اضل محبوسة بالغرفة
وانتبهت لشغلة بيَّ ورى العشا مباشرة اكوم انعس وانام من وكت ما اكعد الا ثاني يوم الظهر استغربت حالتي
تليفون عندي محذرني ميخليني اخابر احد بس رقمه موجود من يطلع انزل الفيس من وراه ادخل لصفحتي اخابر نسمة لو ماما اسألها على نورجان
《 نورجان 》
فتحت عيوني على صوته وهو يصيح عليَّ حتى اگعد
انشمرت بوجهي مخدة گمت متضايقة بعز نومتي
نورجان :- اهوو وتالي يعني شُبير
شبير :- وصگعة لهالصوت يولي شنو هذا نومج كارثة ومحمد ماكو هيج تكول ميت وخالو حدري
- نعسانة حباب بس شوي
حجيتها واني أتثاوب رجعت خليت راسي عالمخدة صار فوك راسي جرني من شعري كومني غصب عني
لزمت ايده گتله :- والله گمت بس شعري اريده عوفني
- تاترجعين للفراش مو انا حافظ هالاسطوانة مال كل يوم
- لا والله شبيك دا اطلع ملابس اريد افوت اسبح
عافني وكفت لازمة شعري ومطنگرة بوجهه انتبهتله مبدل واكف يتعطر وعينه عليَّ بأنعكاس المراية
- يولي ادري انا حلو معتكدرين تقاومين جمالي
- اهو بدينا من الصبح
ضحك ولبس ساعته مشيت للكنتور طلعت ملابس وفتت للحمام كملت طلعت لابسة دشداشة قصيرة شوي جوة الركبة نشفت شعري وگعدت گبال المراية امشطه
انداريتله عينه بالتليفون :- شُبير
باوعلي :- يبعد الراء اسمعج يول
- منو حيجينا اليوم عمو تيم عازم بس البنات للثواب
- عمومتي وعيالهم وخالي فدار وأهل بيتو بيناتنا يعني
- عزة العشيرة كلها وتگولي بيناتنا
- عجل بعدج ما شفتي ولد عمومتنا الباقين جدي الله يرحمو ماخذلو أربعة عندو بالـ20 فحل بحيث كل يومية عنكتشف ابن عم جديد
- عزة
- وداعة هذا اللابستو وحگ هاي النفاضة بعد
- مشفتهم هواي كلهم عرفتهم من درة شوفتني الصور
- ذول المقربين الباقي كلها متعادين وياهم
- عزة ليش
- ابوي الله يرحمو جان مسوي بيتنا مطعم للأقارب وامي وخواتي خدامات الهم ومن ابوية مات محد خابرنا ولا عرفنا غير خالي فدار هو الصار على روسنا
- لعد عمامكم وين
- مطشرين ناس بتكريت ناس بالفلوجة وقسم هين داير مدايرنا بالمنطقة محد سائل بس وكت المصالح يجوون
- لعد ليش عمو عازمهم اذا هم هيج
- تيم ماخذ طبعو لأبوي بس فرقو عنو گبحي وياهم يعطيها بالوجه اليجي يا حياه الما يجي عيسوي فضل لحد ما كفوا منا من حالهم تاما تطلع حجاية باجر عگبة شگلك مگاطعينا
- عمو تيم حباب ميستاهل هالتعامل منهم
- حباب بس من توصل حدها عندو عتشوفين الحباب شيصير
كملت تمشيط شعري رفعته ذيل حصان مديت ايدي للحمرة صاح :- هاا مو كلنا ثواب اليوم
رجعتها واني مبوزة واباوعله شفته رجع التهى بموبايله اخذتها بسرعة خليت شوي عالخفيف لشفايفي ورجعتها تعطرت باوعت لنفسي مرة أخيرة وكمت
نورجان :- يلا كملت
باوعلي من فوك ليجوة معاجبه :- بله هسع اليدحكج بهذا شكلج عيصدك اليوم عندنا ثواب للموتى
- لويش حلوة والله
- هي هين المصيبة حلوة تلفتين النظر انتِ وشعرج هذا أدري شعر لو صبغة لوزينة
- كلا للتنمر كلا للعنصرية
- انا اگول لو تغطينو بس اليوم لأن دورة سنة وعزيمة والبيت هوسة
- مو هياني لابسة دشداشة سودة حزينة بعد شتريد
- اويلي دحك الحزن مبين من لون الحمرة
عضيت شفتي واتبسم بوجهه وهو رافعلي حاجبه صرت يمه بست خده :- صير حباب لتطنگر بوجهي
- اسلگينا بوسة غميجة وانا اصير حباب
- لا عزة والحمرة تخرب
- انا ارجع اخليلج گربي لشوف
- ما وخر شُبير
دا ابتعد عنه جرني حيل قيدني بيده دنك اخذ شفايفي وسط اعتراضي جفلنا اثنينا على صوت الباب يندفر
راح فتحه فاتت بنت اخته صغيرة فتحت ايدها وركضتله :- خالو
اخذها لحضنه وهو يضحك يرفعها للهوى وصوت ضحكاتها تتعالى وياها مالية الغرفة وكف يبوس بخدودها واني مبتسمة على منظرهم
باوعلي :- دحگي يالصفرة عش متحنين عليَّ ونسوي وحدة مثلها
دنگت اباوع لأظافري
گال :- غلسي يولي غلسي اشعلي أصلو لشبير
أشرتله بيدها علي :- خالو هاي منو
- هاي عروسة بس شلون عروس مزينة راسو لخالج
- انا هم عندي علوسة
- لا انا عروستي غير توصاه أحجام خاصة
- نتبادل مالتي عنونة هيج
حجتها وهي تطبك اصبعها السبابة والأبهام گزگز على حركتها اخذ ايدها عضها على كيف وهي تضحك
باوعلي :- بس دحگي الخلقة عتصبحين بهيج خدود من الصبح تايصير عندج واهس تكملينو لليوم غير سوالفهن تنباس ومحمد
اخذني من ايدي والثانية شايل بيها مريم الصغيرة ونزلنا سوة لگينا بيتهم يروج خواته كلهن هنا ونسوان عمومته ومرة الخال سلم عليهن العيون جانت عليَّ
يباوعن معاجبهن نغزني بيده بخاصرتي دنگت عليهن بوستهن وابتسامة مرسومة على وجهي ردن من ورة خشمهن خاصة مرة خالهم فدار أبد ما استلطفتني
هو طلع برة ضليت لوحدي اباوع للوجوه احس محد بيهن متقبله وجودي اذا اتقرب منهن وهن يسولفن يسكتن يباوعلي من جوة لجوة ويتبسبسن بينهن
رحت خنست يم عمة شيخة بالمطبخ وگفت يمها
- عمة اساعدج
شيخة :- لا يمة اكعدي انتِ بلاية ريوك هسع تايخلص الغدة اصبلج تاكلين البنات ما گاصرات
- والله معندي شي ضايجة احوص وياكم شوي
انطتني شغل وياهم عالخفيف وبديت اعاونهم ألهي روحي ولدهم يجون ويرحون من باب المطبخ اجه شبير شافني لطش ومخله احد بعد يفوت وراه
وين ما اگوم يجي يمي عود يعلمني وكل شوي كافخني اثنين من خواته واكفات يضحكن على منظرنا وعمة شيخة كل شوي مرزلته تريده يطلع وهو لازك
كعدت عالطاولة انظف بالخضرة وهو مكابلني يسولف ويَّ اخته شلته بيدي وصحت
نورجان :- الله شوف شُبير حلزبون
عقد حاجبه :- شنو
مديته اله يشوفه ضيك عيونه وعض شفته :- هو مو جان اسمو حلزون شنو غيروه لو هذا اجتهاد شخصي من عندج
- هو حلزبون لعد شنو
- بالله گولي كتكوت
- تكتوك
- اتنرفز
- اتنفرز
- گولي دولارات
- دورارات
- لا اله الا الله حالتج حرجة ول خالي
اخته فطست ضحك گلتله :- يعينو لگلبك خوية شبير
- عجل حظي شعملو
حجاها وعينه عليَّ ضجت بالزايد وبوزت بوجهه فات عمو تيم شافه گاعد صاح بيه بسرعة طفر
تيم :- انتَ هين وانا صار ساعة ادور عليك شعتسوي
شيخة :- دحك يمة يمنتك وانتَ تعرف
باوع لجهتي شافني :- ها عروسنا هين
شبير :- اجت تا تعاونهم خاطر تكولون شبير وحرمتو ما بيهم نفع
- هو منو الكال هاي وحدة زتيتها من راسك بعدين شعتسوي هين بالمطبخ هن حريم بينهن انتَ شنفعك
- تاعاونهم
- ها هيج الحجي عجل نورجان بابا بوجهج جوة اكعدي يم البنات وانتَ اگف كدامي اغسل المواعين صفيلهم السنك
- هسع انا ومرتي نغسلهم
حجاها كف ردان الدشداشة وباوعلي :- يلا يالفحلة
- لوحدك شبير
- يمكن تاسمع صوت خالي يندهلي اروح اشوفو شيريد
- دنهجب ابن السايب وكدامي يلا برة واريد من الله ادحكك هين مرة الاخرى تاورك ور
- اخوي وعلى راسي
باجاني عبالي يريد يفوت غافلني وباسني بخدي گدامهم عناد بعمو تيم وطلع بسرعة وعافني ميتة بدمي
- مو صاحي هالولد ومحمد
وصى عمة شيخة لحد تطلع من البنات لان جماعته اجوا ترسوا الحديقة اجت مرة الخال وگفت تسولف يم عمة شيخة عيونها عليَّ تتفحصني من فوك ليجوة
ملتهية اشتغل اسمعها وهي تگلها
فرحة :- عجل بحظج وبختج هاي الغريبة صارت احسن من بنت عمنا تا تاخذوها لشبير زينة شبابنا
شيخة :- شبلاج خية هي قسمة بعد نصيب غادة بعدو ما اجاها
- نصيبها جان جدام عينها عتدحك مناطرتو مناطر على ما ترحون تطلبوها من ابوها وتصير من نصيبو حرام عليكم تعلگوها هيج وتخلوها
- عش حرام احنا لا حاجين ولا مأملين احد هي جلمة واختو الجبيرة زتتها جدام عمها وهو ضحك وياها كال الها عطيتكم الا محد بعد فتح حلكو وحجه بهالسالفة
- بس البت ضلت الحجاية براسها وصار سنين عتدحك الاصغر منها مشت قسمتهن وهي مناطرة حالها حال المعلگة لا لسما ولا لكاع
تنهدت عمتي :- قسمة يأم مؤتمن قسمة وصارت
- عابها من قسمة دحكيها مشلتحه ولدنا فايتة طالعة ولا تكول اخلي حرمة لرجلي واخوتو ولا حرمة للميت بقت تفتر جدامنا هي وشعرها الاصفر شنو وين جاعدين
- ما محجبة البنت عجل نجبرها اهي ما رايدتو والشغلة راجعتلها هي وزوجها دامو قابل محد الو حگ يفتح حلكو ويحجي
- وانتِ عش ساكتة عليها ما صار جم يوم هين ودندلت رجليها على اجتافو شنو من تالي زلمنا تسوگ الغريبة عليهم
- عيب هالحجي ام مؤتمن لا تخليني اسمعج حجاية ما تسرج شنو تسوگ عليه هي غير ما يطلعلها صوت البنت فقيرة لا تظلمين بختها عاشريها وشوفي طينتها تگولين بزر فعل ولسان
- وعش معطيها اهلها اذا بزر اهو زواج لو لعبة باجر عگبة تخلفلو ويصير عندها جاهل تربيه لو تربي روحها
عتفشلكم هاي وگولي خيتي ما گالت
سكتت عمة شيخة حسيتها حيل ضاجت اني دايرة ظهري عليهن وعيني بالكدامي وكفت يمي عمة شيخة اخذت مني الگلاصات وعينها عليَّ
شيخة :- عش عيونج مغورگة يعمة هذا حجي عابر ياما سمعتو كبلج وبلعتو وصارت سوالف لتكدرين خاطرج من كلامها
جانت واكفة اخت شبير سمعتنا واجت تسأل
حجتلها عمة وصتها تاخذني لزمت ايدي وطلعت وياها گعدنا بوحدة من الغرف الجوة كبيرة مسويها گعدة للنسوان حاطين تخم داير مدايرها البنات كلمن ماخذة ركن وگاعدات يسولفن
احنا هم گعدنا على جهة وگابلتني
صابرين :- لا تكدرين خاطرج من كلام مرة خالي اهي دوم هيج كلامها يسم انتِ مو اول وحدة گبلج سمعناه
- عمة شيخة هم گالتلي نفس الحجاية
- عمت عيني عمة شيخة اكثر وحدة متأذية منها ما عندها حظ وياها لا گبل ولا هسع
- شسوتلها
- اول ما ترملت عمتي وردت هين لبيتنا كامت تحوص وطلعت سالفة من راسها لبالها الخال فدار تايريد ياخذها ومن يومها وهي شادة وياها يمة الغيرة يالغيرة تموت
- حقها تغار صراحة عمة شيخة أحلى منها ونفسيتها طيبة والصراحة اكولج ومتكولين
- كولي خية بيناتنا اخيتج انا طلعي البگلبج
- عمو فدار حلو شلون قبل ياخذها كُلش ملايگة عليه
ضحكت :- عجل اهو يكلج يعطي جوز للما عندو سنون
- والله صدك حقه يتزوج عليها هو يخبل عبالك اخو لولده وهي مبينة اكبر منه
تحسرت :- عمت عيني خوية ابو علي حظو مثل حظ خالي ما حظالو بمرة زينة هم نفس سالفتو
- مرة سولفتلي در گالت هي جانت اكبر منه وهو توه 16 سنة من اخذها
- اي جبرو الله يرحمو ويرحم موتاج ابوي جان شاد وياه حيل رغم هو ما عمل عمايل اخوتي هسع حدو جان التدخين لو عالزيان لو عالدراسة سوالو عقدة
من يومها تيم صار شيگلو ابوي يگلو تم وساعة الحجالو بزواجو من بنت عمي شرد لخالي يستنجد بيه بس حتى الخال ما گدر يمنعو ابوي جان معطي چلمة لعمي
والحجي صار جدام زلم كبار وعدنا عيب يكسر بجلمتو ويصغرو جدامهم ما جان بيدو غير عيوافق عالزواج وصارت قسمتهم هو وبنت عمي بدون نفس
- شلون گدروا يتوافقون وهم صغار خاصة عمو مدا اگدر اتقبل عمره 16 ومتزوج يعني يجي بعمر علي هسه
- اي خية دحكي حظو بعمر ابنو علي هسع جان ابو شال مسؤولية اكبر من عمرو لحكو ورة كم سنة هم خلفتلو در جهالو هم الخلوا زواجهم يستمر الا لو تضل على اسمهان لا جان طلگها من زمان وزتها على ابوها
- ليش
- وكحة جانت وكحة ما تنكدر البيت الي تفوتلو اسمهان ما يصبح الا وصايبتو مصيبة بأهل بيتو
- عزة هيج مؤذية
- بنات عمي ناصر ما ينكدرن مو بس هن مالة الله حتى احنا ملسنات نادر مشتوفيلج وحدة من عندنا فقيرة
- الله صريحة خرب شگد حلو
ضحكت :- عجل اجذب عليج انا ما اجذب بس ما عنعمل مشاكل مثل أسمهان وخواتها هذن من دون بنات عمومتي كلهم المشاكل تمشي بدمهن هن وامهن دحكي هاي مرة خالي فدار فرحة
- شبيها
- تصير خالتهن اخت امهن
- ياا
- اي خالتهن دارت على خالي فدار ومن شافت تيم كامت تحوم عليه هي وبنت اختها لحد ما زوجتهم
- شلون ماتت
شفتها تلبكت وتباوع داير مداير المكان كالت :- تمرضت
وراحت لدار حقها
- الله يرحمها بس خطية در تگول ملحگت عليها
- استغفر الله تاحجي النوب وينحسب ذنب عليَّ يمكن هالبنت الله يحبها وخلاها بيد عمتي شيخة تاتربيها على ايدها وايد تيم الا لو امها موجودة
شالت ثوبها من الصدر :- تف تف تف يمه عوذة اسمهان ثانية
- لا فقيرة در احسها مثل النسمة مالها صوت
- عجل غير تربية ابو علي انكسر ظهرو عليهم صارلهم أب وأم وما رضى ياخذ بعد حرمتو لخاطرهم
- ليش صغير وجهاله كبروا وهو مجان مرتاح وياها شنو المانع
- چز گلبو خية من النسوان دحك عرامة أسمهان صاح التوبة خلي شرايدين منو قابل دامو فوك روسنا لامنا
بـ بيتو اهو مرتاح وجهالو مرتاحين خلي لا يتزوج وتجي المرة تگلبو علينا
- بس عمو تيم ما احسه من هالنوع
ضحكت :- يا تندهيلو عمج ترى حتى ما فرق هواي بينو وبين اخوتي الباقين واحد ورى اللاخ
- شبير اصغركم
- من الولد اي هو الصغير وراه اثنين بنات بس داروا عليه يندهولو الگعدة لان آخر الولد وجان مدلل ابوي
- دا اگول شبيه شايف روحه لعد بس على عمو تيم جانوا حادين سنونهم
- حظو غير
ضلينا نسولف هواي انتبهت حتى البنات اجن كعدن يمنا وبديت اتعرف عليهن اخذ وانطي وياهن بالكلام نتعرف
وئام :- اگلج انتِ شگد عمرج
- داخلة عالـ17
عوجت حلكها :- يعني فرقت السنتين ركضلج الج وعافنا بنات عمومتو
عقدت حاجبي :- شنو
- مو وياج انتِ عليمن هيج طالعة ملونة
- على ماما حبيبتي كُلش حلوة عيونها شهل مثل عيوني بس شگارها خفيف يادوب يبين
- ها وما عندج اخوة خوات ما دحكت احد اجاج بالحنة
ابتسمت :- عندي بس اخت وحدة تشبهلي
ابتهال :- خوش والله هم جيبيها وراج تا تلحك تحوم على الباقين
انداريت الها لكيتها كاعدة على مسافة هي وسعاد مرة سلام ضليت صافنة
سعاد :- هو شضل ولدنا كلها تزوجت بس ابو علي وقافل عالزواج
- عش مو ابنو موجود حگ زواج
نورجان :- لتخافين مو ذوقها
- ياا وگلابج وعاب حالج وحالها وين اهي محصلتو بعد خالتو اندار فدوة لطولو هيبة ابوه كلها ادحكها بيه
- منيله جنه تكتوك وشهربان متحب التكاتيك
صابرين وكعت من الضحك وهاي تگلب بعيونها وتهز بيدها معاجبها العجب
_ دحك جلمتين ما تعرف ترهمهن عجل شنو شاف بيها حتى يفضلها على غادة
سعاد :- حگو دحكي اللبس والتنعوص تفر راس اكبر زلمة غادة ما سوت مثلها لان مستورة وكاعدة محد مدحك خيالها ما عجبتو
- يا واهو وين يلكه مثلها طول وجمال وندارة عود مثل هاي الصفرة دحكيها تريد تنگطم حتى ما بيها وذرة تنلزم منها
صابرين :- انتن عش متجوزن عمة شيخة مو وصت ممنوع وحدة تگرب لحرمة شبير عش تخلني اگوم اندها عليجن
- وهسع احنا شحاجين وانتفضتي عليها
- صيرن آداميات إبتهال لتخلينا نتخارب من تالي نورجان لا تگربجن ولا تگربنها أبو علي يتهدد عليها ميرضى أحد يجيبها بالطاري
- الدور حتى أبو علي والله عمي زين
جرتني منهن وگمنا طلعنا ضلن العيون مورثة
گالتلي :- لتصيرين خوثة هن ميتات منج من يشوفنج مقهورة غيضيهن ولتعطيهن مجال يفرحن
- لويش هيج يكرهني والله مسويت الهن شي
- أدري حبيبة أدري هن الما يودنج ما يوالفن الغريبة
- هاي اليم سعاد منو
- اخت أسمهان مرة تيم ديربالج تتقربيلها سوي مثل ما كتلج انطيهن الأذن الطرشة هن وحدهن يحجن ويسكتن
جان اليوم طويل كدرت اختلط ويَّ كم وحدة من البنات
الباقيات ما تقربت منهن مثل مكالت صارت بس بنفسي اشوفها لغادة كد ما حجوا بيها كدامي مجانت جاية
خلصت العزيمة ضلوا لليل وبدوا يطشون واحد ورى اللاخ بس بعده البيت هوسة يرحون ويجوون
الجو صار يخبل اخذت مريم وطلعت برة شايلتها نسولف اني وياها رغم صغر عمرها بس لسان
كعدت بالحديقة الجهال يلعبون كدامي يتراكضون ويصيحون الحماس فل يمهم صارت نفسي ألعب وياهم كمتلهم
نورجان :- عادي تلعبوني وياكم
ضلوا واحد يباوع بوجه الثاني :- تعرفين
- شنو لعبتكم
- شرطي حرامي
- لا نلعب شد عيون
سحبت الشال من رگبتي وصرنا نلعب لحد موكع الدور عليَّ شديت عيوني وهم يتطافرون كدامي جنهم زنابير
موتوني ولا ينلگفون اجه تيشيرت واحد منهم بيدي
صحت :- لگفتك
تلمست ايده عزة هاي عضلات فتحت بسرعة صار بوجهي شبير يباوعلي ومبتسم
شبير :- شتسوين يولي تگمزين ويَّ المزعطة جاهل انتِ
لزمت ايده :- اللعبة تونس والله تعال العب ويانا
- شنو بزر جدامج مو عيب على شواربي
لحظات وشبير بنصنا شاد عيونه ويركض ورانا يريد يلزم واحد طلع عمو فدار وعمو تيم شافونا كاموا يضحكون غلست مكتله
لحد ما فتح شافهم عمو فدار دزله غمة بيده صاح
شبير :- خالي وعلى راسي
كملوا طريقهم واحنا تعبنا انطاني الشال كعدنا على النافورة بحضني مريم احجي وياها
تقربلي شاورني :- ها يالفحلة ما غيرتي رأيج
- اني أنثى شُبير
- وراسي وراس أبوي نثية تشحط شحط وريتي گلبي
تقرب يشتم بشعري ومغمض عيونه
همست :- شُبير الجهال شبيك
- انچبي
- ليطلع احد يشوفنا
- عنهم
- ياا
- وجعا
غادة :- شلونك شبير
فزينا اثنينا دنك يحك براسه واني وجهي يذب ألوان
رد عليها :- هلا غادة
رفعت راسي بسرعة عليها شابة صغيرة لابسه صاية خليجية سودة وشال بيضة مربربة وجها دائري صدك حلوة تباوعلنا واحس الغصة بصوتها من تحجي
- هاي حرمتك
شفته معبرها هزيتلها راسي مبتسمة
ردتلي الابتسامة :- حليوة لايگتلك مبروك وان شاء الله الولد الصالح
گلها :- رحم الله والديج بس رايدين فحلة
- شنو
ضلت تباوع عاقدة الحاجب وهو التهى يلعب
ويَّ مريومة من شافته ممعبرها عافتنا ومشت
نورجان :- شبيك وياها
- دحكي نورجان تبتعدين عنها مية متر ماريد بيوم اسمع كاعدة وياها لو مسولفة سمعتي لو اعيد
- لويش عود
- بدون ليش سوي الكتلج عليه انا ما عليَّ بيج تسوين اللي يعجبج وتحجين ويَّ اللي تردينو بس هاي بالذات ماريدج تختلطين بيها
سكتت گرصني من خدي كال :- هسع نرد لسالفتنا
- شنو
- اريدلي فحلة صغيرة
- اهوو وخر شُبير
- اذا ما سطرتهن خمس ست بنات بسيطة
فتحت عيوني :- عززاا والله ما أخلفلك ولا بنية روح شوفلك غير مرة تجيبلك جهال
- هسع انتِ وينج ما دحكت منج شي بس بالأسم حاسبينج عليَّ مرة
اجاه اتصال گام حتى يرد اجوني الجهال يردوني اكوم وياهم نزلت مريم بالگاع ورحت اشوف شيردون
يمكن دقيقة هواي الغفلت عيني عليها
ما اسمع بس صوت عياط الجهال درت وجهي بسرعة واكفين يم النافورة يصيحون :- مريم
ما ادري شلون وصلت لهناك من الهبطة لكيت البنية بنص المي غاط راسها شلتها وايدي ترجف وجها ازرگ عيونها گوة مفتحتهم
حسيت على شبير وهو يسحبها من ايدي ايده على صدرها الجهال فاتوا يصيحون طلعوا من البيت يتراكضون امها تصرخ وتلطم وكعت بالگاع تخبلت
انخلست وكفت على صفحة بس أراقب بعيوني وعيني عالبنية بيد شبير الرجفة لازمتني لحد ما شهگت كامت تبجي كام يدك على ظهرها
اخذتها امها لحضنها حيل وتبجي وكلها يمها يتحمدولها على سلامتها ويسألون شلون صار هيج
واحد من الجهال أشر عليَّ كلهم :- حرمة عمي شبير جانت گاضبتها
العيون كلها صارت عليَّ حجيت بسرعة بخوف
نورجان :- لا والله عفتها بالكاع ورحت دا اشوف الجهال شيردون ممتقصدة اعوفها
إبتهال :- يالمتخافين من الله يالما بگلبج رحمة عجل
تا تكتلين هالجاهل شسوتلج
- لا والله مو هيج
فرحة :- ولج ما صارلج يومين وگمتي تصولين وتجولين وما على راسج رداد
شيخة :- شلون حجي هذا وهي متقصدتها قابل
- لا تدافعيلها شيخة واليرحم موتاج دحگي هالجاهل شلون تشاهك مفزوعة لو مختنگة وميتة خطيتها برگبتمن
- لا حول ولا قوة الا بالله وانتِ عش تفاولين عالجاهل مو هاي جدامج عين الله عليها ما بيها شي
إبتهال :- غير تلاحگناها بساع الا لو صالة شوي جان ماتت البنية بساعتها
باوعتلي :- بس لو أدري شنو هالحقد الشايلتو جاهل يمج گربج تا تكتليها
كمت ابجي وكلهن يحجن عليَّ صار شبير بوجهي
صاح بيها :- تعاي لج شو انتِ متعرفين تحجين شنو كاتلتها تطلبها ثار كاتلة أهلها انا واگف ادحگها غفلت عينها منها والجهال خلوها على حافة النافورة وانگلبت لورة معليها هي
فرحة :- وهي عش عايفتها بيد الجهال مو كفو شلون أأمن عندها جاهل هاي باجر عگبة
إبتهال :- عجل اهو هذا حظ الساقطات خالة ياخذن خيرة الزلم وهن لا فهم ولا علم بس بالأسم متزوجة
هي احجي هيج شبير گام عليها من بيناتهن لگفها سحلها من شعرها وهن يتعايطن يردنه يعوفها من ايده
لحد مدخلوا الولد من برة لزموه جروه وهو يتهادد عيونه مورثة انصدمت برد فعله وجهه أحمر ويصيح
توقعت كلشي منه بس مو توصل بيه يمد ايده عليها كعدت تنحب بالكاع وتشكي للخال فدار عاد الثاني ما قصر عرف بالسالفة وشحجت كلها
فدار :- حيل بيج ولو ما عملها جان انا گضبتج كملت عليج تا توزنين الجلمة گبل لتزتيها
فرحة :- شبلاك حتى انتَ فارة راسك الغريبة شعاملتلكم وهيج تحامولها دحك شسوة بإبتهال خبل هذا
- وابو زايد نورجان بنتي اليدوسلها على طرف يصير حسابو وياي يجي يگابلني وهالجلمة مردودة عليج يا بنت الأجاويد
دنكت راسها تبجي عود استحت ايد جرتني من وسط الهوسة شفته شبير جرني وراه صعدنا للغرفة مورث
سحب باكيته وگام يسحك بالجگاير بحرگة يريد يهدأ نفسه گعدت يمه لزمت ايده :- اهدأ شبيك
يهز رجله بأعصاب ويسحب نفس قوي خفت عليه جريتها من ايده بسرعة باوعلي عاقد حاجبه
- جيبيها
- ما انطي كافي ارحم روحك
- جيبي نورجان
كالها بحدة وهو خازرني مرديت دنكت طفيتها بالكاع
باوعتله بعناد عينه بعيني :- عش هيج
- عوفها ختولي مو زين
- عجل لتلوميني من اسوي هيج
عقدت حاجبي :- شتسـ..
بعدني ممكملة حجايتي دفعني عالجرباية وهجم على شفايفي ما انطاني مجال اعترض او استوعب لزم ايدي كل ماله يقسى عبالك دينتقم مني
نزلت دموعي حس عليَّ ابتعد يباوع لعيوني يجر نفسه سريع مد ايده لعيوني يمسح دموعي همس :- آسف
رفعت ايدي دفعته من صدره وكمت منه لزم ايدي جرني عليه گعدني بحضنه واني دايرة وجهي
- لتگلبين وجهج نورجان كافي عليَّ النار الواجة بصدري
- وخر
- يبا شمتوقعة يعني صار اسبوع ادحك طولج واتحسر كلما اجيت اتقربلج عطتي ليمتى يعني ترى صبري بدة يخلص
بجيت :- كتلي مراح أجبرج
لمني بيده :- ارحمي بحالي نورجان ادحگلج وگاضب روحي عنج گوة وانتِ حلالي وين صايرة هاي
ضليت ساكتة بحضنه ايده يمررها على ظهري باوعلي
- اليوم هم وحدة بيهن زتتلج حجاية من بنات عمومتي
- اي هي نفسها هاي حجت وسكتتها اختك
- التحاجيج كلمة زايحة منا وغاد من هالبرابيك تجين تكليلي تاشعل أصلها لابو منين ما طلعت
ابتسمت كال :- شبلاج لج
- كول بربوقات احنا مثقفين
عض ايده بقهر سحب باكيت جگايرة وطلع من الغرفة
《 شهربان 《
كاعدة عالجرباية اهز برجلي بأعصاب تالفه منتظرته يطلع لحظات وسمعت صوت باب الشقة وهو ينسد
كمت بسرعة للتليفون طلعت صفحة همام وأباوع للمنشور أكثر من مرة وگلبي احسه حيوگف
ناشر صورة حداد بس مكاتب اسم اتصلت عليه جاوبني صوته مخنوك :- ألو
رديت من بين رعشة شفايفي :- منو همام
- شنو
- الحداد عليمن
- مو من العائلة
- لعد
- واحد من أصدقائي
جريت نفس جان ابالي هبة اتهسترت من شفته
شهربان :- انتَ زين
- لا
- شبيك
- ما ادري ضايج من روحي ومن الدينا
- صاحبك هذا وياكم بشغل امك
تنهد :- اليوم الدور عليه باجر اني
- شبيك همام لتخوفني هيج هو اني بحال اخسر واحد لاخ بعد
- ليش شأعنيلج
- اخ واكثر من اخو هم
سمعته جر حسرة :- بان أصارحج بشي
- اممم صارحني
دا احجي اندفر الباب وفات عبد عيونه بگصته جر التليفون من ايدي يباوع للأسم خلاه على اذنه مسمعت شكال بس شكله لوحده خلاني اعرف ان جنيت على نفسي
شمر التليفون بالحايط صار طشار دنك لزمني من شعري واني اطگطك بيده
عبد :- تتمعشگين من وراي لج بانو
هزيت راسي بـ لا لزمني من شعري رگع راسي بالحايط حسيت الگاع افترت بيَّ لزمت راسي حيل ومغمضة عيوني بوجع مگدرت احجي لساني انشل من كمية الألم
دفعني وطلع من الغرفة وگعت للگاع سمعت صوت تكسير جاي من الصالة عنت روحي مشيت گوة لهناك شفته گالبها گلاب جار البلازمة من مكانها شالع الكيبل واگف يلف بيه على ايده اندار شافني
صار يتقربلي واني اتراجع حجيت :- مو اللي براسك والله
- مو كتلج جري عدل مو كتلج اني واحد مخبل ما اسيطر على تصرفاتي حجيت لو لا
صرت بينه وبين الحايط شهگت ميتة خوف منه نظراته تريد تفترسني عروگه بارزه ضاغط على سنونه بقوة مثل الي لازم روحه گوة
همست :- مسويت شي غلط والله
- ابن سجودة مو بانو
- والله مبيناتنا شي
- محتاجج ولجججج الساقط يگلج محتاجج وتگليلي ماكو شي
تقرب اكثر درت وجهي صارت انفاسه على خدي گال حجاية بأذني فتحت عيوني وهزيت راسي بسرعة بـ لا
گال :- هذا كله يحجيه الج وما بيناتنا شي مو بلة
ضليت بس الشهگة تطلع من صدري معرفت شأرد
- ليش تبجين
- والله ما ادري بيه ولا اعرف بهالحجي
- ليش تخابرينه من وراي
سكتت هز راسه ووخر مني ثواني محسيت الا جابني براشدي خله أذاني تصفّر لزم فكي حيل رفعني
همس يم اذني :- يحبج بانو يحب مرة عبد
غمضت عيوني حيل دموعي تنزل لا إرادي جسمي كله يرجف بحركة سريعة شگ التيشيرت اللابسته عطت ودا اشرد لزمني رفعني من الكاع يمشي بيَّ للغرفة
وسط صرخاتي
شمرني عالجرباية تراجعت ليورة :- ما ادري بيه والله ما ادري عوفني عبد عليك الله
راح سد الباب وقفله اندارلي يمشي باتجاهي
- ما احب الاستغفال بانو
- مسويت شي والله اخابره من الضوجة الـ اني بيها هو وبنت عمي
وكف كبالي همست :- لتسويلي شي عبد الله عليك
لزم ايدي رفعها لف الكيبل بيها وضبه حيل موتني
دفرني برجله على صدري حسيت گلبي وكف
گمت اشهك النفس جر الحزام ضربني بظهري وهو مكشف شاغت روحي فوك الوجع الـ اني بيه ضربني ضربة والثانية زيَّ كل ضربة اعيط من كل گلبي لحد محسيت ظهري انشل من الألم وصوتي انبّح
شمر الحزام على جهة و وكف يباوعلي واني اتلوة من الوجع كعد انتجى عالحايط طلع جكارة اسمع صوت طگة الجداحة وهو يورثها
ضليت بمكاني روحي مفرفحة جسمي كله يون عليَّ من الوجع حسيت بايده تلزم رجلي وتسحبني
صرت جواه اخذ شفايفي بين شفايفه يتعمد يضغط يأذيني صرت أون بوجع دنك يطبع بوساته على رگبتي وينزل لصدري
ما عندي القابيلة احرك ايدي الوجع البجسمي جان طاغي على كلشي بذيج اللحظة فجأة وگف
وجهه مقابيل وجهي عيوني گوة مفتحتهن الرؤية صارت مغوشة عندي اغمض وافتح بصعوبة
عبد :- عيونج تأذيني من أبجيها بانو
ما جان الي القابيلة حتى أرد حركت ايدي متت وجع
تنهد وكام مني ضليت على حالي مجردة من ملابسي مشمورة عالجرباية ايدي مربطة كل شوي اغمض يغمى عليَّ من الوجع وارجع افتح الكه نفسي على وضعي
حسيت عليه يفوت للغرفة بين الصاحية والفاقدة حسيت بنغزة بأيدي ووخر لحد مرحت بنومة طويلة
فتحت عيوني الصبح اول محركت جسمي عطت نزلت دموعي ايدي جانت مفتوحة كمت گوة حملت نفسي فوك طاقتها كمت امشي واسند نفسي بالحايط بالغراض
دخلت للحمام فتحت المي دخلت جوة الدوش احسه زاد الوجع ويلچم بجروحي
سمعت صوت دك عالباب مرديت محسيت الا الباب ينفتح وفات عليَّ مگدرت اعترض جان مسيطر عليَّ
كاسر حرورة المي ودخلني جواه صار يليفلي ايده يمررها على جسمي بحذر سبحني لفني بالمنشفة وطلع شايلني خلاني كبال المراية وراح للكنتور يطلع ملابس
باوعت بطرف عيني اجت عيني على وجهي بإنعكاس المراية شفتي مورمة خدي بيه طبع ايده وجهي مشوه
اجاني ديريد يوخر المنشفة جريت الملابس من ايده بنترة باوعلي ضحك وهز راسه خله وطلع
بدلت ورجعت مددت عالجرباية شوي واجاني بيده گلااص مَي وحبوب من گد ألم راسي حتى مسألت هاي الحبوب لشنو رأسًا بلعتهم گومني شربت شوي مَي ورجعت تمددت غطاني طفة الاضوية وطلع
مگعدت الا بالليل الوجع الي براسي مگاعد يروح گمت من مكاني اسمع اصوات جاية من الصالة اول مطلعت
صار بوجهي أرقم فتح عيونه ودار وجهه صاح
أرقم :- عبد شو هاي كاعدة
اجه شافني عقد حواجبه بضيق أشرله يروح راح وهو يتلفت عليَّ صار گبالي لزمي وجهي بايده درت راسي
تنهد :- شلون صرتي
هزيت راسي ووخرت ايده :- زينة
ابتسم طرف شفته :- دام هيج بوجهج للمطبخ حضريلنا گلاصات ومواعين عندنا سهرة
ضليت ساكتة أباوعله رفع حاجبه :- شبيج
- الظاهر اليوم فاتتك مكدرت تحطلي المنوم بالأكل
حك گصته :- بهاي غلبتيني
دا أمشي لزمني گال :- سوي الگتلج عليه بلا صوت وراها ترجعين للغرفة وتقفلين الباب مفهوم لو أعيد
- افتهمنا بس عوف ايدي
عافني مشيت گدامه مريت من الصالة أرقم ويمه شباب باوعولي عديت منهم رحت للمطبخ مسألت منو ولا چان عندي فضول حتى اعرف
وكفت عالكاونتر احضر الگلاصات لكعدتهم واني أشتغل انتبهت للآثار الي بأيدي لونهم صاير زراگ على بنفسجي
تذكرت ليلة البارحة عضيت شفتي نزلت رداني بسرعة غطيت معصمي
حسيت اكو حركة وراي انداريت لكيته منتچي عالباب نظراته القذرة تتوزع على جسمي
رجعت انداريت متجاهلته گلبي صار يدك سريع ونفسي زاد ايدي كامت ترجف كوة مسيطرة لازمة الگلاص
شفت خياله صار قريب واسمع صوت انفاسه وهي تتقرب مني صارت السچينة بيدي يحجي بصوت ناصي
أرقم :- جريمة جمالج يندفن يم عبد
بحركة سريعة مديت ايدي اخذت السچينة وانداريتله
نبتتها بمتنه صاح متوجع لازم جتفه وكعت السجينة من ايدي اجوا ذولاك يتراكضون وعبد ما هو
مجان بيه شي بس جرح خفيف صار يدور بالشقة طلعله علبة إسعافات أولية وضل گاعد يلف بيه بالشاش
الشباب الواگفين يضحكون عليه اسمعهم يتهامسون بيناتهم يگلوله :- هيج احسنلك
وهو ضايج ويباوعلي خازرني متحلفلي
فات للشقة اجه شافهم كلهم ملتمين بالمطبخ عيونه صارت بگصته صاح بيهم
عبد :- شو هنا
أرقم :- همزين اجيت هاي الزمها اربطها شوفلك چارة وياها
اجت عينه عليَّ :- شبيها
واحد منهم گله :- اجت هدت علينا بالسچينة خلتها بمتن أرقم ربك جرح سطحي
أرقم :- مو كتلك لتنطيها جرعة قوية هاي النتيجة بدت تتخـ..
قبل ليكمل الجملة باوعتله عينه عليَّ
رديت بسرعة :- تحرش بيَّ
- بنت الكلب أربعة احنا واگفين شنو تچذبينا
بجيت :- والله هو اجاني للمطبخ وحاول يتقربلي
- شنو هالجذب يعني احنا أربعتنا نتبلى عليج هاي مو صاحية عبد والله شيلها طلگها ورجعها منين ما جبتها شوف من يا حاوية جاية
أرقم :- تربية سجود بعد شتترجى يعني ....
