رواية قدر مكتوب الفصل الثاني عشر بقلم ام مصطفى
ضليت جامدة بمكاني
-شبيج منو هذا
-حححسام زميلي
تقدم حسام والأسوار صار بيدة لسة مقافلة
صار كبالي وخلاني بضهر بلحضتها حسيته سند الي وعندي ضهر
-اقدملك نفسي حسام وي رند بنفس الكلية والقاعة زميلها وان شاء الله هالايام ناوي اتقدم الها بعون الله
اجتف سرمد وهز راسة
ماشاء الله ربي يلم شملكم
صاح
رننند امشي
لزمت تشيرت حسام من ضهرة جلبت بيه
-ماكو داعي تتعصب كتلك نيني شنو تره اني مو من ذول الشباب الي ابالك
عاف حسام يحجي اجة لزم ايدي خزرني حيييل
امشي رند جرني حيل ويمشي
واني عيني ع حسام مديتله ايدي ضل واكف احسة راح يموت من القهر ميعرف شيسوي
اخر شي اجة وراي
سرمد يمشي وجارني
وكف يم ميز طعام كاعدة بيه بنيه كولش حلوه
طلع فلوس ذبهن ع الميز حاسبيهم وارجعي
وكفت
-هاي منو
معليج انتي يله ولي
وكف حسام كبالة
بس افهمك
اكلك لحد الان اني لازم اعصابي فوخر منا لا اتصرف تصرف ميعجبك يله وخر واحترم نفسك
-انت ليش؟عصبي ترة هي؟ممسوية شي واحنا بمكان عام
عافة يحجي وجرني
للسيارة مالته فتح الباب اصعدي
وكفت
عاط بيه اصعدي رند
صعدت يمة ليكدام
حسام اجة سريع ورانه صعد سرمد وشغل السيارة بسرعة واباوع ع حسام ع وكفته
طلع سريع بالسيارة
بس ساكت ميحجي
اخر شي كال
هاي يومية هيج تفرفرين انتي وياه الله اليعلم بعد وين طالعة وياه
-سرمد أحترم نفسك
-لجج الج عين تحجين
-تره ممسويه شي مكان عام مثل ماانت هسه كاعد وي حبيبتك عادي ماكو داعي تتصرف هجي
-اي مو مكرن اني اشوف بت عمي يلبسها ذهب و اوكف اتفرج واصفك الكم
لا مو هيج بس
-تحبيه ؟؟
سكتت
احجي
-اي احبه ومااشوف غيرة ابد يله ارتاحيت
ساق سريع وطلع باكيت الجكاير اخذله وحدة ورثها
-خلي يجي يتقدملج
رفعت راسي هاا
اذا يحبج وتحبي خل يجي يتقدملج اذا ابوي وافق اني ماعندي اعتراض
وكف السيارة
والتفت علي
رند انت مثل ملك واني اخاف عليج اتوقعي لو شفت ملك بهيج وضع اعوفها عادي
-لا طبعا بس والله حسام يحبني ويريد يخطبني بس اني اخاف من عمو يرفض واجل الموضوع
-يحبج يجي يتقدملج ويحاول مرة واثنين اني مراح احجي ولا راح اكوله لابوي بس انتضر باجر يتقدملج
-اشكرك سرمد موقفك هذا مراح انساه ابد
وصلني للبيت نزل
محد موجود بالبيت بس احنا
صعد لغرفته بس جان حيل عصبي وضايج
اني فتت للغرفة وقفلتها
لكيت كومة دازلي رسائل حسام
راسا بدون مااقرة اتصلت عليه
بسرعة جاوب
رندددد سوالج شي بيج شي
لا حسام لا تخاف بالعكس كلي خل يتقدملج باجر واني مراح احجي شي بس اذا يحبج خل يتقدملج
صدك تحجين اليوم اخلي امي تجي
لا هسه راجع للبيت
-لا اوكف محد بالبيت راح اتصل بعمة اسراء تجي حتى تصير وياي
-ع راحتج الف الحمد الله ياربي مقصرت وياي لج اصعب موقف مر بحياتي اشوفج هيج وواكف متجتف تمنيت اموت
-اسم الله عليك عمري انت لا دكول هيج
السوار بقى بيدي
-يي انتبهت علي كلت وكع
-اي وشلته هذا بجيبي ان شاء الله البسة الج هالمرة كدام الكل
اندك الباب وانفتح
-ها سرمد
انزلي عندي حجي وياج
-اي اوكي
-شيريد منج
-ماادري
خاف غير رأية رند لا تفرطين بيه ابد
-وسفة عليك اني افرط بيك أنت متعرفني شكد عنودية والي اريدة اسويه لو اعرف انهزم وياك ومااروح
-اي رند اخذج وانهزم والله اسويه
-ان شاء الله منوصل لهيج مرحلة يله اروح
نزلت جوه سرمد يروح ويجي
-منين عرفتي وشلون
-زميلي بالكلية
-مصارلج كم شهر بالكلية بسرعة كبلتي
دنكت
خابرتي مو ؟؟
اي
شكلج
راح يدز امة تجي تخطبني
-نشوف بلله واذا متقدملج اذبحة والله
عافني وصعد
هذا شبي بلله تخبل رسمي صاير كلش علي
رحت اتصلت بعمة اسراء؟حجيت الها ع السريع
عمة فدوه هسة تعالي خاف تجي امة وتصير مشكله لو يطردوها
-جاية هسه وراح اخابر احلام هم واحجيلها
يي عمة فدوه
غيرت ملابسي وكعدت بالغرفة
لحد ماجوا من دواماتهم
اجتي عماتي العصر
اتصلت ع حسام
حسام خل تجي امك
اي هسه راح اجيبها هي ومرت اخوية
-انتضرك لعد
يمكن نص ساعة اندك جرس الباب
طلع عمو فتح الباب واني اباوع بعيوني
ع عماتي وسرمد الي كاعد متوتر وعيونة تجدح نار
صاح عمو
قبس تعالي هاي نسوان اثنين
منو؟
مااعرفهم خاف من المدرسة
خل يتفضلون بالاستقبال
طلعت عمة قبس اشرت لعماتي كامن وراها
سرمد اشرلي اجن
هزيتلة راس اي
- زين لعد
رحت اتسمع
باوعت ع ام حسام مرة متعوبة بس وجهه بي نور
عمتي عرفتها
وهي هم عرفت عمه اسراء وبدن يسالمن وعمة اسراء سوت روحها متعرف ليش جايات وبدت تسئلها ع حسام
كالت الها يدرس بالكلية
الله يحفظة حسام شاطر ومؤدب واكيد مستقبلا يصير شي
عمة قبس كالت تفضلي معرفنا شنو سبب الزيارةاليوم جايتكم بطلب اتمنى متردوني
اني جارتكم بالغدير وابني زميل بتكم رند وحيل عاجبته واجيت من الباب الكم اخطبها اله وشتطلبون احنا حاضرين شتردون موافقين مقدما
ضلت تباوع عليها
بس رند مخطوبة لابن عمها الي هو ابني
-مسمعنا هيج رند سئلها ابني كلتلة ممخطوبة
مو بكيفها
من الاخير عيوني هما واحد يحب الثاني خلينه نزوجهم ونفرح بيهم
-مااعتقد عمها يقبل
انتو انطوه خبر والله كريم وست اسراءء تعرف كولشي علينا اني اترخص
فتت بسرعة اني سلمت
انت رند
اي
ماشاء الله ابني عرف يختار
شكرا خالة
طلعت
وصار العياط
عمة قبس صاحت ع عمو امجد
بنت اخوك تحب واحد وياها بالكلية وجايبته وجاية يخطبها
-شنو يخطبها وسرمد شنو
نزل سرمد
اني مااريدها والزواج مو غصب خلي البنية تشوف طريقها
-شنو هالحجي مو بكيفك سمعت بت عمك تاخذها غصب عنك
عمة احلام كالت شنو غصب تره مو كوه
بكيف الولد والبنية انت راح تزوج لو قبس
اي بكيفنا رند متروح لغريب متاخذ غير سرمد لو ادم
-هنوب ادم اصغر منها بسنتين
اي عادي شكو بيها
-عمو تره هاي حياتي واني حرة بيها
اني هذا الشخص احبه واريدة
اسكتي شنو ماكو خجل
التفت ع عمة قبس ومنين هذا اصلة فصله
اسراء تعرفة طالب عدها جان
-ولد نعم التربية يتيم وشاطر يدرس ويشتغل وعدهم بيت وراتب ابوهم واخو راتب وعايشين مناقصة شي
من ياعشيرة هو دلفي
-يعني شيعي مو
-من شوكت احنه نسئل هالسؤال
-من هسة اذا شيعي مااطييه لو يموت
-شهالحجي
-اي مثل مسمعتي اخاف عليها يكتلوها ذول ماعدهم رحم
عمة قبس حجت
شهالحجي امجد شنو ماعدهم رحم عيب
-انت اسكتي مو يمج
-شلون مو يمي وتحجي ع مذهبي اول مره اسمع هيج تحجي
-بابا دينكم كله غلط اصلا كفرة انتو
-صدك تحجي
عمة اسراء كلتله شهالتفكير الارهابي يعني امي كافرة مرتك كافرة ؟ شوفلك غير حجة
اكولج لا عبالج مثل قبل هسه غير
-شختلف مثلا ؟
هواي امو ذول عصابات خطف وقتل
اخاف باجر يخطفوها ويساوموها ع البيوت كلشي توقعي منهم ذول ماعدهم مخافة الله ولا دين
-لا لهنا وكافي صاير تفكريك ارهابي. مدام هاي نضرتك بينا اعوفلك البيت واطلع
يبوووي انوب صار غير موضوع
عمة قبس اخذت جنطتها وطلعت من البيت وحقها جان كلام عمو حيل جارح وطائفي
كال ع جثتي تاخذيه لو تنطبك سمة ع ارض تاخذين سرمد غيرة ماكو
وقبس اني اصالحها مالكم شغل بيها
عمو بس اني ماازوج غير حسام ولو تنطبك سمه ع ارض مااخذ غيرة
ماكو زواج وشتردون سووو دزيله خبر رفضنا
صعدت ابجي
اووف شكله هسه
لكيت هواي مخابر جاوبته ابجي حسام عمو رفض مقبل
ميخالف يرفض مرة مرتين ادز ناس لحد ميقبل ماعندي شي المهم يوافق
وفعلا صار حسام كل اسبوع يدز ناس وعمو يطردهم
حتى شيخ الجامع جابة ويتوسل بعمو كلة ابد مخطوبة لابني شلون يصبر
عمو لؤي سمع تخبل كال اذا ميريدها سرمد اخذها لولدي بنت اخوي ماتروح لغريب
شهرين حسام يدز وماكو
اخر شي قرر عمو سرمد يخطبني
بس؟سرمد رفض كال ابد ع جثتي اعقد عليها
بس على مود يبطل يدز ناس؟
لاابد مااظلمها البنية تحبة اطوها اله وفضوها
ابد لو ع جنازتي وهاي الجمعة اسوي حفلة خطوبه الكم وجيب سيد يعقد الكم وكفت انتهت
عمو ماتزوج سرمد كتلك ماتريدة لو شيصير احبة تعرف شنو
-لج كلبة ماتستحين دكوليها بوجهي شكد صلفة ولج خطوبتج الجمعة يعني الجمعة ويله فوك اثنينكم
صعدنا اثنينا واحد يباوع بوجه الثاني
دخلت لغرفتي ابجي
مكلت لحسام كلت يحجي وحده
بس تفاجئت من عمي بدة يعزم الناس
رأسا كلت لحسام
كال بعد ماكدامنا حل غير نشرد اني وياج
ودوامنا
كولشي يتعوض اله انتي بدينا نتفق ع الشردة وخليت مستمسكاتي وفلوسي وقررت اطلع الفجر
صارت صلاة الفجر صليت واخذن جنطتي وطلعت من البيت
لكيت حسام منتضرنس اخذني وطلعنا
