روايه الحب بالقلب الفصل الثالث عشر
كمال بجديه : يلا ارمي عليها يمين الطلاق
حسن بصدمه : ايه
كمال : اللي سمعته طلقها و دلوقتي حالا
حسن بغضب : انا مش لعبه في ايديك مره اتجوزها ، ومره طلقها
كمال بحده : ما هي عشان غلطتي من الاول بقولك طلقها دلوقتي
حسن بانفعال : وانا مش هطلقها ، سواء انت اللي طلبت و لا هي (ثم يخرج وعو ينظر إلى ورد بندم شديد)
ورد تحاول تجمع نفسها : هبه طلعيني فوق
حسن بحزن : ورد
ورد بغضب : هبه طلعيني بسرعه
هبه : حـ ..حاضر تعالي ، (وتسندها وتصعد بها، وحسن ينظر لها بحزن )
رحاب بدموع : استني يا حسن
كمال : بتعيطي دلوقتي ، ارتحتي دلوقتي
اخره دلعك لأبنك كان هيضيع واحده مالهاش ذنب بسببه وتموت ، بس انا اللي غلطت اني سبتهولك تعملي فيه اللي انتي عاوزاه ، واخرتها يتفق مع واحد علي مراته ، (و بغضب )انتي طالق يا رحاب
رحاب بصدمه : .......
خالد بزعل : ليه يا بابا كده
كمال ليخرج و يتركهم
***
كانت ورد تبكي بشده.. لتقول هبه : خلاص يا ورد
ورد ببكاء وصوت متقطع : انا مش مصدقه معقول حسن ، يعمل فيا كل ده ، ليه عملته ايه ، ما وافقت اني اطلق ، ليه يعمل كده
هبه بعطف: خلاص اهدي يا حبيبتي معلش
ورد تمسح دموعها : بس لا كفايه لحد كده ، انا لازم امشي من هنا
هبه بصدمه: طب استني بس الوقت متاخر
ورد بجدية : لا خلاص مش هستني هنا دقيقه واحد بعد كده
هبه بياس: طب استني انادى خالد يوصلك حتي
***
في سياره حسن كان يجلس بالداخل وهو يتذكر حديثه السابق :-
= مش بقولك الله يكون في عون اللي هيجوزها هيصطبح كل يوم علي وشها ؛ لا و كمان اسمها ورد هههه
= انا علي اخر الزمن اتجوز واحده زي دي
= انت مش هتفوق غير لما تضيع منك او تحصل حاجه كبيره تفوقك
=شكلك مش شايفه نفسك عامله ازاي و طريقه لبسك ، كل حاجه فيكي مش عجبني ولا هتعجبني ، و بعدين مش شايفه شكلي و شكلك ، دي الناس كانت في الفرح مصدومه ازاي انا اتجوزك ، و علشان كده ملمستكيش ومش هلمسك هـا فهمتي ولا اقول تاني .. علشان كده مستحيل تكوني مراتي
=مش كفايه متجوزها لا كمان ، احبها
=علي العموم انت حر انت اللي هتخسر في الأخري
مش هتفوق غير لما تضيع منك
مش هتفوق غير لما تضيع منك
مش هتفوق غير لما تضيع منك
غبي....غبي .....غبي
(ليضرب علي دريكسون السياره بغضب وندم وهو يتذكر كل ما حدث )
حسن بدموع : يارب انا عارف اني غلط كتير بس والله ندمان ياررررررب اعمل ايه بس؟ (ليستمع الي اذان الفجر ، ليشعر انها اشاره من الله اليه ليذهب ليصلي). وبالفعل هبط
ليدخل الجامع و يتوضا ويصلي و يسجد لله و يبكي في الصلاه و يدعاء الله ان يغفر له ،
***
بعد فترة حسن يعود منزله و يصعد على السلالم
= حسن
حسن بضيق : نعم
رحاب : في ايه بتكلمني كده ليه
حسن بغضب : انا مش عاوزه اكلمك اصلا
رحاب بحزن : ليه
حسن بعصبية ؛ ليه بتسالي انتي السبب في كل حاجه بتحصلي و بتحصل دلوقتي ، تبقي عارفه اني غلطان و مش بتمنعني لا بالعكس تسيبيني اتمادي في الغلطه اكتر لحد ما كنت هخسر اكتر انسانه بحبها بسبب دلعك ليا
رحاب بدموع : يا ابني انا ا...
حسن بحزن : بس خلاص مش عاوز أعذار منك سيبني في حالي بقي
رحاب بدموع : طب انت رايح فين ورد مش فوق
حسن بصدمه و خوف : ايه؟؟ امال راحت فين
رحاب بحزن : راحت عند ابوها خالد لسه مواصلها هناك
***
في منزل ابراهيم :- ابراهيم وهو يفتح الباب : حسن
حسن بتوتر: معلش يا عمي انا عارف اني الوقت متاخر بس ماما قالتلي اني ورد هنا
ابراهيم : ايوه هنا لما سالتها اللي حصل ما قالتش حاجه... هو في حاجه يابني حصلت
حسن بتعب : لا مفيش ، هو انا ممكن ابيت هنا النهارده
ابراهيم : ممكن طبعا اتفضل
حسن وهو يدخل : شكراً
ابراهيم يشاور إليه: اوضه ورد من هنا
حسن يهز راسه و يدخل غرفتها و ورد تكون نائمه حينها ، ليقترب و ينظر عليها بحب ، و ينتهد و ينام جانبها ، ويحاول يجذبها ببطيء إليه و يحضنها بتملك ، ويسير يده علي وجهها ويهمس ( محتاج لحضنك أوي في اللحظه دي ، ياريت تسامحيني انا عارف اني ظلمتك كتير بس والله ندمان ، وعمري ما هسيبك حتي لو انتي اللي طلبتي عشان بحبك بجد ، و يقبل جبينها و يغمض عينيه بتعب و ينام)
***
في صباح يوم جديد :- تفتح ورد عينيها لتتفاجئ بحسن يحضنها ، تنظر إليه باستغراب لما جاء إليها، لكن عندما تتذكر ما حدث أبعدت عنه بعصبية ، وحسن يشعر بها و يفتح عينيه
حسن بنوم : ايه في ايه
ورد بضيق : انت ايه اللي جابك هنا
حسن يتنهد : مكنتيش عايزاني اجي ، انا مش قولتلك متتحركيش من غير اذني
ورد ببرود : و اخد اذنك ليه
حسن بجديه : عشان انا جوزك
ورد بلا مبالاة: بسيطه نتطلق و يبقي ملكش حكم عليا
حسن يقرب منها بحده و يمسك من ذراعها بقوه : عارفه لو قالتلي الكلمه تاني مش هيحصلك كويس فاهمه
ورد : .........
حسن بلين : ورد ممكن تسمعيني ، انا عارف اني غلط بس ندمان ، و مش عاوز غير فرصه واحد بس والله هعوضك ، ورد انا بحبـ...
ورد تبعد ايده عنها بقسوة : مش عاوزه اسمع حاجه كفايه اللي سمعته ، وبعدين ادي فرصه لواحد راح اتفق مع واحد يغتصبني
حسن بغضب : بـس متقوليش حاجه مش فاهمها انا عمري ما كنت هعمل كده حتي لو مكنتش بحبك
ورد بصدمه وعدم تصديق: بتحبني ، انت اي يا اخي كفايه كدب هو انا لعبه في ايديك
حسن بحب : لا يا ورد انا بحبك بجد بس اسمعيني وانتي تعرفي الحقيقه
ورد بعناد: مش عاوز اسمع حاجه
حسن باصرار : لا هتسمعيني انا ......
ابراهيم من الخارج : ايه يا ولاد انتم بتتخانقوا ولا ايه
حسن : لا يا عمي مفيش حاجه
ابراهيم : طب يلا عشان تفطروا
حسن بضيق : حاضر
***
حسن : ورد استني
ورد : نعم
حسن : ورد ممكن تسمعيني وبعدها اعملي اللي انتي عايزاه
ورد بضيق شديد: انا مش عايزه حاجه غير انك تطلقني و وتسيبني في حالي
حسن برجاء : طب اسمعيني الاول
ورد : هتبرر مواقفك بايه هتكدب و لا هتتفق مع حد عليا تاني
حسن بغضب مكتوم : ورد انتي مش فاهمه حاجه
ورد بحزن :لا فاهمه انت اتجوزتني غصب و عمرك ما حبتني ، انا اللي هبله و ماشيه وراه قلبي
حسن بانتباه : ماشيه وراه قلبك ، انتي قصدك ايه انتي بتحبيني
ورد تتوتر : .......
حسن : ورد عشان خاطري قولي تقصدي ايه بكلامك انتي بتحبيني قولي
ورد بدموع : كنت بس دلوقتي خلاص
حسن بفرحه : بجد يا ورد انتي بتحبيني من امتي
ورد : يوووه قلت كان وخلاص ودلوقتي هنطلق
حسن بجديه : بس انا مش هطلقك
ورد بتحدي : بس عمي قال اني هيطلقني منك و لو بابا عرف كمان هيطلقني منك حتي لو بالغصب
حسن يجز على اسنانه : هي بقت كده
ورد بعناد شديد : اه
حسن بلين : طب لاخره مره ممكن اسمعيني الاول
ورد بعناد: لا.. مش هيفيد بحاجه
حسن : لا هيفيد كتير يا ورد
ورد بنفاذ صبر : اتفضل ياريت نخلص ، بس كلامك مش هيفيد بحاجه ومش هرجع في كلامي
حسن : طب اقعدي واسمعيني
ورد تجلس و حسن يجلس أمامها
حسن يتنهد : انا مش هكدب عليكي ولا هخبي حاجه ، الحكايه ابتدأت بـ لعبه
قمار (........)
حسن : بس والله ما كذبت في حاجه انا ندمت بعد كده و رجعت في كلامي و قولته خلاص ميعملش كده ، (بندم ) منكرش اني وفقت في الاول علي كلامه بس بعد كده خوفت عليكي و رفضت ؛ (ينظر إليها بحب) انا حبيتك بجد يا ورد ، صح في الاول كنت بعملك وحش و عمري ما تخيلت اني في يوم ممكن احبك كده ، بس حبيتك اوي و مبسوط بالحب ده و عاوز الحب ده
ورد بهدوء : طب وبعدين
حسن باستغراب : وبعدين
ورد بجمود : سمعتك اعمل ايه
حسن برجاء شديد : فرصه ... فرصه واحد بس و اوعدك المره دى هحافظ عليكي و علي حبي ليكي ، و حبك ليا ، ورد انا اتغيرت كتير ، وانتي السبب في التغير ده ، ممكن تديني فرصه تانيه؟
ورد : ........
