رواية زوجي يعشق اخري الفصل الخامس عشر بقلم ساره الخفاجي
هذا كل عقلة يحجي ماانكر فرحت من شفت الرسالة فرحتي مااكدر اوصفهة من شفت ندمة بالرسالة ب بنفس الوقت زاد الوجع بگلبي شنو فائدة هذا الحجي ورة متخلى عني وباعني ،شلون اكدر ارجع مثل قبل الي انكسر شون يصلح،اذا ارجع شنو مصير مرتة الجديدة ،شنو الي يضمن الي محيخوني مرة ثانية شون اكدر اثق بي مرة ثانية.
ظليت افكر ياربي ثنين بنفس اليوم هواي عليه افكر بحجي عادل لو بحجي احمد .
نمت واني بصراع بمشاعري احمد اميل اله بعدني بس مااكدر انسة الي صار ولااكدر آنسة الجرح الي تركة بداخلي وعادل الي جان صديق والنعم منة ووكفتة وياية ماانساهة بهواي مواقف .
گعدت الصبح نعسانة لان سهرت لوقت متأخر بدلت وحظرت نفسي ورحت للشركة حاولت اتلافة الحجي وية عادل على كد الشغل ابد منطيتة فرصة يحجي وياية ،وظل احمد يتصل طول النهار واني ارفض المكالمات .
طلعت من الشركة گبل بوجهي اشتريت سيم كارت جديد لازم ابعد احمد عني مااكدر ارجع وية ضرة ولااكدر اخلي يعوفهة هية حقرت وياية بس اني مااكدر اسوي هيج موحبا بيهة بس نفسي لعبت من احمد لان خاني وياهة .
رجعت للبيت قبل لاابدل السيم كارت دزيت رسالة لاحمد ...
اشتاقيتلي ،مكاني خالي ،،،،
بعدك بداية الطريق راح تشتاقلي اكثر حتفتقدني بكلشي جربت غيري حتى تشوف الفرق بيني وبينهة ،هسة ارتاحيت من هدمت حياتنة بس مع كل هذا اني اشكرك لان خليتني اتعرف على نفسي اكثر خليتني اعرف انه اني قوية اكثر مما اتوقع اكدر اكمل طريقي لوحدي .
ولاتحاول توصلي لان انت طلعت من گلبي وعقلي نسيت اي شي ربطني بيك واحمد الله مصار عندي طفل منك يبقة ذكرى ويتالم وياية ويخسر حياتة بسببك ...
سلملي على رهام وگللهة تكول سمر مثل مااخذتي من مرتة راح تجي غيرج تاخذة منج لان هذا طبع ومراح يتغير ...
....غيرت السيم كارت ومنتظرت حتى يجاوبني حتى لااظل اجاوب ويجاوبني ويحنن گلبي عليه .
طويت صفحة احمد وبعد مامنهة رجعة .
نمت گبل لان تعبانة بالشغل ...
گعدت الصبح ورحت للشغل مثل كل يوم جان عادل ينتظر جوابي صح ميضغط عليه بس جنت اشوف نظراتة الي تتسأئل على ردي ياربي شون اقرر احسن شي اصلي ركعتين لوجه الله واستخير بلكي الكة حل لمشكلتي .
رجعت صليت ونمت ....
ياربي شنو هالحديقة الحلوة شنو هالخضار شفت مجموعة من الطيور شايلات شي ابيض شفاف شمرنة على راسي واني مكيفة بي رگضت للغرفة كبال المراية اخلي على راسي وافتر بي مكيفة لايگلي ولگيت يم المراية جنطة وحذاء ابيض يخبل جنة مال سندريلا وبنات ثنين صغار الشعر اشگر والعيون زرگ يخبلن گادني واخذني ...
فزيت من نومي ياربي شنو هالحلم الخضار والطيور شي زين البنات دنية حلوة الحذاء زواج وطرحة ...ضحكت بيني وبين نفسي والله على هالخرافات مال احلام هالكد مافكر بطلب عادل صرت احلم بي باوعت للساعة بعد للدوام ساعتين شعدي من هسة كاعدة رجعت نمت .
ورة شوية دگ المنبه عبالك نايمة 5دقايق مو ساعتين گمت بالگوة من الفراش نعسانة بعدني سبحت حتى اصحصح وبدلت وطلعت للشركة .
استقبلني واحد من السكرتارية وگلي رجعي اليوم استاذ عادل ممداوم .
سالتة خوما اكو شي ليش ماادري ،گال لا بس كال عندة شغلة .
رجعت للبيت ملل وحدي سويت حلويات حتى امشي الوقت رتبت الكنتور سويت البيت والوقت مالة نية يخلص صار وكت دوام الكلية بدلت وطلعت للدوام خلص اليوم ثاني يوم گلت خلي اخابر خاف هم انظرب بوري وصدك طلع هم ممداوم وظل اسبوع على هالمعدل عادل مختفي اتصل بي ميجاوبني اراسله ميرد بالدوام ماكو صدك قلقت عليه شنو السبب الي خلاه يختفي .
....
ظليت انتظر رد سمر اسبوعين وهية ولاجاوبتني وجانت تتهرب مني الى أن يوم اجتني رسالة عالتلفون ...
لداوم احسلك وابتعد عن سمر والا راح تخسر حياتك وحياتهة.
ظليت افكر منو الة مصلحة يبعدني عن سمر معقولة ليث ،بس ليث بعيد عن هالسوالف مال عصابات .
منو يربي خفت اداوم ثاني يوم موبس على روحي وعلى سمر همين وظليت اسبوع ماداوم بس جان عندي
