رواية عشق الاسر الفصل السادس عشر
ليجيبه مالك ببرود شديد: أيوه يا فارس كنت اعرف بس حور كانت مدمنه بس دلوقتي لا
ليقول فارس راحة وتساؤل: كمل إيه اللي حصل وإزاي شربت الزفت ده
ليقول مالك بغموض وهدوء مريب: معرفش إزاي بس كل اللي اعرفه إنها قبل ما تخلص جامعة كانت مصاحبة شوية زبالة وهما اللي جروها للحاجة دي
ليقول فارس بنبرة يملؤها الشك: وأنت وهي عرفتوا بعض إزاي
ليجيبه مالك بجمود تام: أنا مقدرش اقول أي حاجة عن الموضوع ده بس كل اللي اقدر اقوله إنكم أذيتوا حور أوي
ليقول فارس بانفعال وغضب مكتوم: في إيه يا مالك مش عاوز اعرف إيه أنت وهي مالكم أنا مش ناقص حاجة أكتر من كده
ليقول مالك ببرود وهو ينهض: أنا مش هقدر اقول حاجة يمكن حور مش عايزة حد يعرف عنها فروح اسألها هي وأكيد هتقول كل حاجة بس أنا مش هقول حاجة سلام
ويذهب مالك بينما ينظر فارس خلفه بغضب ويمسك الهاتف ويتصل بأحدهم ويقول بجمود حاد لمصطفى: عاوز كل حاجة تخص مالك الشرقاوي على مكتبي الصبح يا مصطفى
ليقول مصطفى بصوت يملؤه الارتباك: مالك الشرقاوي مفيش حد يعرف عنه حاجة يا فارس باشا
ليقول فارس بتهديد: مش مشكلتي الصبح لو ملف مالك الشرقاوي مكنش على مكتبي أنا هاجي آخد روحك
أسر وهو يتأمل وجه حور بعشق شديد يدق الهاتف فيبتعد عنها ويجيب: الو يا بابا
ليقول شريف بلهفة وقلق: في إيه يا أسر برن على فارس ومش بيرد
ليجيبه أسر ببرود تام: ليه في حاجة
ليتسأل شريف مرتقب: لا... حور فاقت
ليجيبه أسر باطمئنان وهدوء: أيوه وكويسة اطمن أنت
ليقول شريف براحة: تمام إحنا جايين
ليقول أسر بتحذير بارد: تمام بس بلاش مجدي يجي معاكم
ليجيبه شريف بهدوء مستسلم: تمام يا أسر
ليقول أسر في داخله بتوعد: كفاية عليك كده يا مجدي اديتك فرص كتير بس أنت غبي وكده أنا هعمل اللي أنا عاوزه كفاية اللي عملته زمان
أسر وهو ينظر لحور ويجدها فتحت عينيها ببطء: حور
تفتح عينيها ببطء ينظر إلى لونهما الاخضر الذي يعشق بسببهما وينقل بصره إلى شفتيها وكاد أن يهبط عليها حور باحتجاج وهي تضع يدها على فمه حين لاحظت نظراته: أنت استحلّيتها ولا إيه
ليقول أسر وهو يمسك يدها ويقول بغيظ: مش كنت بصبّح عليكي
لتقول حور بدعابة وهي تنهض: يا عيني يعني أنا ظلمتك
ليقول أسر بابتسامة خبيثة: بس أنا قلبي كبير تعالي بقى
ويقترب أسر ويقبلها بقوة شديدة تتوه حور في قبلته ولا تستطيع أن توازن نفسها
وتضربه على صدره لكي تأخذ نفسها فيبتعد عنها بضيق ويقول أسر بمداعبة باردة: مالك يا بنت
لتجيبه حور بانفعال وهي تلتقط أنفاسها: كنت هتموتني
يا أسر
ليقول أسر بثقة مفرطة: لا متخافيش أنا عارف أنا بعمل إيه
الممرضة بعملية بعدما سمح لها أسر بالدخول: أسر باشا الحاجة اللي أنت عاوزها أهي
ليقول أسر ببرود شديد: سيبيها عندك
ليقول أسر بهدوء وهو ينظر لحور: يلا روحي غيري هدومك
لتجيبه حور بهدوء: تمام
ليقول أسر بوقاحة وهو يغمز لها: آجي اساعدك يا حور
لتجيبه حور بخجل وضيق: قليل الأدب
تذهب حور إلى الحمام بينما يبتسم أسر ببرود وتخرج بعد مدة فتجده ينتظرها
ليقول أسر بهدوء وهو يتفحصها: العيلة جاية يا حور
لتجيبه حور باعتراض: اتصل بيهم قول مفيش حد ييجي أنا هروح دلوقتي
ليقول أسر ببرود تام: مفيش خروج من المستشفى غير لما تبقي كويسة غير كده لا
لتجيبه حور بإصرار: وأنا كويسة اهو
ليقول أسر بجمود شديد: أنا قلت كلمتي يا حور مفيش خروج يعني مفيش أنتي لسه تعبانة
قال أسر لفارس بضيق حين دخل الغرفة فجأة: هو مفيش حاجة اسمها تخبط قبل ما تدخل
ليجيبه فارس وهو ينظر لحور التي تتفادى نظراته: لا مفيش يا أسر... ويقول بحزن وهو يمسك كتف حور: مش عاوزه تشوفيني يا حور
تلتزم حور الصمت بينما يخرج أسر ويغلق الباب خلفه ليترك لهما مساحة
ليقول فارس بنبرة يملؤها الألم: يعني تروحي لمالك علشان يساعدك وتسيبيني يا حور قد كده أنا وحش معاكي لدرجة تروحي للغريب ومتجيش لأخوكي
لتجيبه حور بدموع وهي تنهار: مكنتش عارفة اعمل إيه ساعتها والله يا فارس
فارس بدموع وهو يضمها بقوة ويغمض عينيه وهو يتذكر حديث مالك إليه يفتح عينيه ويقول: أنا أسف إنك مريتي بكل ده لوحدك يا حور أنا مكنتش الأخ اللي المفروض تعتمدي عليه أنا أسف يا حبيبتي
لتقول حور ببكاء وضعف: أنت ملكش دعوة يا فارس أنا السبب في ده كله
ليقول فارس وهو يمسح دموعها برقة: خلاص يا حبيبتي أنتي لسه تعبانة
كادت حور أن تتحدث ليفتح الباب بهمجية كانت يارا التي دخلت ومرح وهي تقتحم الغرفة: يا لسه صغيرة يا حور يا اختي
لتقول حور بابتسامة متعبة وهي تضمها: في إيه يا حيوانة أنا لسه مموتش
: بعد الشر عنك يا حبيبتي
كان هذا صوت حنان التي اكملت بعتاب وقلق وهي تضم حور: كده يا حور تخوفيني عليكي كده
لتقول حور وهي تغلق عينيها بندم: أنا أسفة يا ماما
حنان وهي تمسح على شعرها بحب: إيه أسفة دي يا هبلة حمد الله على سلامتك يا حبيبتي
لتجيبها حور بصوت خافت: الله يسلمك
لتقول حنان بإصرار وهي تجلسها: أنتي إيه اللي موقفك
كده أنتي لازم ترتاحي
لتقول حور بعناد: أنا كويسة
قالت حنان بضيق وخوف: كويسة إيه يا حور أنتي بتكدبي عليا أنتي وشك اصفر وخسيتي كمان
لتجيبها حور باحتجاج: أصفر إيه يا ماما وكمان خس أنا عايزة أمشي من هنا
لتقول حنان بغضب حازم: أنتي تخرسي خالص ومفيش خروج غير لما اطمن عليكي غير كده مفيش فاهمة
لتقول يارا بشماتة ومرح: أخيرا حنان قلبت على حور الحمد لله أيوه كده خلي الكل زي بعض
لتقول رهف بمرح وضحك: صح يا بنت مينفعش حد يبقى اعلى من حد لازم الكل يبقى متساوي
لتقول حنان بحدة: اخرسي يا حيوانة
أركان بابتسامة وهو يقدم لها شوكولاتة: ألف سلامة عليكي يا حور ياريت كانت يارا ولا أنتي يا غالية
لتقول حور بمرح وهي تأخذ الشوكولاتة: أنا من يوم يومي وأنا بقول إن مليش غير أركان اخويا وحبيبي
ليقول أركان بخبث وهو يغمز لها: بعد الشوكولاتة ولا قبل يا حور
لتحيبه حور بضحكة خفيفة وهي تأكل: إيه الكلام ده
يا أركان بعد الشوكولاتة طبعا
ليقول أركان بمزاح: واطية من يومك يا حور
لتجيبه حور بدلال: تسلم يا غالي
لتقول يارا وهي تنظر للشوكولاتة بطمع: حور هاتي حتة والنبي
لتجيبها حور بطفولة وهي تخبئها: لا يا حبيبتي دي بتاعتي أنا لوحدي
لتقول يارا بغيظ: لوحدك إزاي يا بت أنا عايزة حتة صغننة خالص
لتجيبها حور وهي تعطيها قطعة بملل: خدي إنشاءالله يطمر فيكي
لتقول يارا بضيق وهي تأخذها: إيه دي يا بخيلة يا معفنة أنا بشحت منك يا بنت
لتقول حور بسخرية: أيوه بتشحتي يا يارا أنتي نسيتي ولا إيه
ليان بابتسامة هادئة وهي تعطي حور الورد وتوجه كلامها ليارا: ألف سلامة عليكي يا يارا
لتجيب حور بتهكم وتمسك الورد: الله يسلمك يا يارا بس مش كنتي تجيبي حاجة تتاكل كان أحسن من دي
لتقول ليان باستنكار وهي تنظر ليارا: تصدقي إنك معندكيش ذوق يا يارا أنتي عارفة ده بكام علشان تقولي كده
لتجيبها حور باستفزاز: جاية الزيارة وباصة على سعرها يارا قد إيه أنتي معفنة يا يارا
لتقول ليان بضيق: تصدقي إني غلطانة إني عبرت واحدة زيك يا يارا
لتقاطع حديثهم يارا بغضب وانفعال: اخرسي يا كلبه منك ليها الواحد ماخدش منكم غير قلة أدب عيب يا حيوانة أنتي وهي أنا هبقى مرات اخوكم الكبير عيب كده
لتقول ليان بتحدي وهي تجلس بجانب حور: مرات مين
يا بنت أنتي هتشوفي نفسك علينا ولا إيه لا يا حبيبتي اقفي معوج واتكلمي عدل
لتقول حور بسخرية لاذعة: قال مرات اخونا دي بيجبر بخاطرك مش أكتر فمتشوفيش نفسك يا وزة
يارا باستنجاد وهي تنظر لفارس: اتكلم أنت يا أستاذ فارس
فارس ببرود وهو يتابع الموقف: لا يا بنات مش كده إحنا قولنا إيه مينفعش نقول الحقيقة يارا تزعل
لتقول يارا بصدمة وغيظ: بقى كده طب والله ما أنا متجوزاك بس كده
أركان بضحك وهو يرى يارا تخرج وفارس يتبعها: كده يا بنات تخربوا بيت أخوكم طب العيال اللي هتتشرد دي هنعمل فيهم إيه
تقول ليان ببراءة مصطنعه: هو السبب إحنا قولنا يعمل حاجة إحنا ملناش دعوة صح يا بت
لتقول حور بتأييد: صح يا بت إحنا غلبانين خالص مش بنعمل حاجة وحشة في حد
ليجيبهم أركان بتهكم: صح وكمان القط بياكل عشاكم أنا عارف ده كله
يدخل في هذا الوقت الجد ينظر إلى حور ويبتسم براحة شديدة ويذهب إليها يمسح على شعر حور بحنان قال: ألف سلامة عليكي يا بنتي
تنظر حور إليه وعيناها تدمع لتقول ليان بمحاولة لتغيير الجو الكئيب: في إيه يا جماعة سكتوا مرة واحدة كده ليه أنتوا عملتوا حداد على مين
لتجيبها ساره بضيق: يمكن يا بت افتكروا حد كان غالي عليهم مش ضروري تعرفي اخرسي وخلاص
لتقول ليان بلامبالاه: لا والله ما يحصل أنا مش هزعل على حد معرفوش أه معلش
قالت حور بضيق من المكان: أنا عايزة تمشي يا ناس
ليجيبها حاتم بهدوء: مينفعش يا حور لازم تقعدي في المستشفى كام يوم
لتقول حور بإصرار وتعب: لا أنا عايزة امشي مش طايقة القعدة هنا أنا كده هتعب أكتر
ليجييها حاتم بقلة حيلة: تمام بس نشوف الدكتور هيقول إيه الأول
فارس بهدوء وهو يقترب من يارا في الحديقة: في إيه
يا بنت
لتجيبه يارا بضيق: مفيش حاجة
ليقول فارس بجدية: يارا أنا مش بحب كده فاتعدلي وقولي في إيه
لتجيبه يارا بغيظ وضيق: يعني مش عارف أنت عملت إيه يا فارس
ليقول فارس باستغراب مصطنع: عملت إيه يا يارا
لتقول يارا بضيق: أنا مش عايزة اتجوز يا فارس شوف بنت غيري
ليجيبها فارس بغضب وعيون تشتعل: نعم يا روح أمك لا يا بنت دي أنا اقتلك فيها
لتجيبه يارا بلامبالاه وهي ترفع كتفها: والله اللي عندي قولته روح شوفلك بنت غيري
يمسكها فارس ويذهب بها إلى مكان ليس به أحد يقبلها بقوة شديدة حتى تألمت يارا وحاولت دفعه ثم يبتعد عنها وينظر لوجهها المتألم ويقبلها ببطء
ليقول فارس بهدوء محذر: شغل العيال ده نبطله أنا مش هستحمل كتير يا يارا
لتجيبه يارا بعتاب: يعني أنا الوحشة يا فارس أنا اللي قلت إني هتجوز علشان جبر خاطرك يا فارس
ليقول فارس بإنكار: أنا قولت كده إمتى أنا مكنتش موجود في كل ده
لتجيبه يارا بسخرية وضيق: لا والله دلوقتي فقدت الذاكرة يا فارس باشا
ليقول فارس بنفاد صبر: خلاص يا يارا دي أنتي صداع
لتقول يارا بتحدي اهبل: طلقني لو مش عجبك طلقني
ليقول فارس بتهكم: يا شيخة نتجوز الأول وبعد كده اطلقك دي جوازة فقر
لتقول يارا وهي تحاول كتم ضحكتها: طب يلا علشان نشوف اختك الحيوانة دي
ليقول فارس بابتسامة: يلا يا هانم
يدخلان إلى الداخل وهما يضحكان معا فهل يبقيا هكذا في سعادة أم للقدر رأي آخر
صافي بتساؤل وهي ترى مالك يصعد الدرج: عملت إيه يا مالك
ليجيبها مالك ببرود وهو يعطيها ظهره: في إيه يا صافي هانم
لتقول صافي بإصرار: في موضوع عيلة الجارحي إيه نسيتي بالسرعة دي
ليقول مالك بجمود: أنا قلت إنك ملكيش دعوة بأي حاجة
لتجيبه صافي بمحاولة للمجادلة: يبقى خلاص يا مالك حقـ.
ليقول مالك بصراخ وغضب شديد وهو يلتفت إليها: اخرسي يا صافي اقسم بالله لو ما احترمتي نفسك لكون مخلص عليكي وهنسى أي حاجة تخصني بيكي فاهمة
لتجيبه صافي برعب: فاهمة يا مالك
ينظر إليها مالك ببرود ويذهب لغرفته وبعد وقت من التمارين العنيفة ليفريغ غضبه يجلس ليلتقط أنفاسه ويشرب الماء
يقول مالك في داخله بتوعد: عمري ما هنسى ومش هسامح اللي كان السبب في اللي حصلك حتى لو مين وهجيب حقي لو إيه الثمن
في مكان مظلم كان يجلس رجل مجهول يضحك بقوة بعد مكالمة هاتفية
الرجل المجهول بشر وغل: ولسه يا حسين يا جارحي اللعبة لسه في أولها دي كانت بداية صغيرة علشان أحضرك للكبيرة
