رواية سواد الاثمد الفصل السادس عشر بقلم نورس
قطعة قماش سودة أنحطت على وجهي وايد ضخمة كتمت صوتي رفعتني عن الگاع وصار يمشي واني أنفض بجسمي
ممستوعبة اللي ديصير عيوني ما اشوف شي حلگي مسدود ما اگدر اطلع صوت وحركة جسمي مشلولة من گد مضاغط بقبضة ايده بس رجلي تشمر بالهوى
بعدها كمل مشي كم خطوة وانشمرت بقوة عالگاع توجعت بس ما همني وجع الوگعة گد ما جنت متهسترة
على الحالة والوضع الجنت بيه وخرت القماش من راسي وطلع صوتي صرت أصرخ
شهربان :- منو انتَ حييييييييييوان شتردون مني
أدور وجهي بالمكان ظلمة ما أشوف شي غير ضوة قليل حيل يجي من الباب واحد واگف يمه يضوي بالفلاش
وجهه مينشاف لأن مركز ضوة الفلاش بوجهي بس أشوف بنيته الضخمة وطووله وهو ساد الباب علي
19 تعليق
گمت بهمة أريد أطلع مد ايده الثانية بسرعة واندفعت لداخل الغرفة رجع وگعني أحجي أصرخ محد يرد
گمت مرة لخ وبعصبية أكثر عاد الحركة مرة لخ ورجع دفعني لجوة الغرفة بس سيطرت على روحي وموگعت
جانت ايدي لازمة بالحايط حتى أسند جسمي رفعت راسي باوعت بأتجاهه أحس الگاع گامت تفتر بيَّ
دنگت غمضت عيوني بدوخة وجريت نفس ورجعت رفعت راسي واني على وضعي ووگفتي أباوع لوجهه
ملامحه ممبينة سواد بسواد طفى الفلاش صار الظلام يخيم عالغرفة واندار يريد يسد الباب ويطلع تخبلت
ركضت عالباب بسرعة ما لحگت عليه وأسمع صوته وهو يسرگيه علي صرت أدفع بالباب مقفول مينفتح
گمت أدگدك وأصرخ بفزع :- منوووو انتَ .. طلعوووني شتردون مننننني .. منوووووو هنا شوفننننننني وجهك لو انتَ زلمة .. ولكم طلعونننننننني اختنگت
حجيت جملتي الأخيرة وگمت أبجي تجيت ظهري عالباب وگعدت للگاع لامة رجلي لصدري وحاضنتهم
شهگتي تطلع غصب عني كلما اتذكر اللي صار وكلام ماما بأذني وهي تتوسلني حتى أدليها على مكاني
المكان بيه ريحة قوية ريحة غريبة مثل الجيفة او الزفرة متحملتها رفعت تيشيرتي على وجهي ودنگت
ضليت على وضعي لفترة اختنگت وأحس الهوى انگطع عني ومنا المكان مقفل زادها عليَّ رفعت راسي بسرعة
4 تعليق
وصرت اخذ نفس بقوة رغم الريحة المقرفة اللي بالمكان
مسحت وجهي من العرق جانت خصلات من شعري لازگة على وجهي من البوخة لميته رجعته ليورة
گمت من مكاني مادة أيدي أتلمس بالحايط وصرت أمشي داير مداير الغرفة أتفحصها ماكو شي فارغة
لا أثاث لا غرض لا گلوب حيطانها جانت محجرة وباردة
رجعت لمكاني انزويت على نفسي أدري بيها دنيا الليل بس يا نوم اللي يجيني واني بهالوضع هذا بعدها تذكرت
مديت ايدي لجيب بنطروني الخلفي واجه بأيدي كاغذ
طلعته وخليته گبالي جنت مطبگته مخلية بداخله تلث حبايات من اللي آخذهم جنت كلما أحس بنفسي أحتاج ومن أوصل لحدي أحس روحي بعد ما أقاوم أبلع وحدة
3 تعليق
ضليت مترددة آخذ لو ما آخذ صراع بين جسمي وهو يطالبني بحباية وبين عقلي وهو يگلي بان لا تاخذين
إذا أخذتها ونمت أصير حالي حال الميتة شمدريني ميطب عليَّ واحد يغتصبني واني نايمة محاسة على روحي
تراجعت عن الفكرة ورجعت لفيت الكاغد وخليته بجيبي
1 تعليق
لورى ساعتين واني نفس وضعي سمعت أصوات قريبة اثنين ديسولفون گمزت بسرعة عالباب وخليت اذني
اصواتهم بعيدة مدا اگدر اسمع شي دنگت راسي للگاع اباوع من جوة الفتحة مال باب اكو ضوة جاي من بعيد
مثل الممر الطويل الغرفة البيها اني صايرة بنهايته
لا شفت ولا سمعت رجعت گعدت بمكاني واني أقاوم رغبتي حتى لا آخذ الحبوب المكان گد ما هدوء مخيف
أسمع صوت أنفاسي العالية گلبي يدك يدك بقوة للحظة حسيت صوت النبض صار بأذني من گد ما قوي
1 تعليق
ضليت على هذا حالي للصبح يجيني ضوة النهار من جوة الفتحة مال باب بس بعده الظلام مخيم عالمكان
فزيت على صوت خطوات تقترب بأتجاهي وشفت خيال صار جوة وواحد گام يفتح بالسرگي مال باب
گمت على حيلي أول مشفت الباب انفتح وصدر منه صوت صرير مزعج وهو ينفتح صار ضوة قوي بعيني
غمضت بسرعة وخليت ايدي واحاول اشوف منو
واحد ضخم اول مرة اشوفه ملامحه غريبة عني
1 تعليق
شهربان :- منو انتَ شرايد مني احجيييي ليش حابسني
أشر على حلگه بالسبابة همس بفحيح :- اششششش
2 تعليق
سوالي مجال وفتحلي الباب وأشرلي أمشي وقبل لا أحجي لو أفتح حلگي بكلمة وخر سترته يبين سلاحه
بلعت ريگي بازدراء وسكتت ..
مشيت وياه صار هو گدامي واني وراه مثل مگلت المكان جان عبارة عن ممر طويل أظلم حيطانه قديمة
غرفة بنهاية الممر اللي جنت بيها وغرفة لخ من الجهة اليسرى جانت مقفولة تعديناها لحد موصلنا يم باب
فتحه وأشرلي براسه حتى أدخل
وگال بنبرة تحذير :- رح عدلك لتلاتين ثانية وإزا تأخرتي ولا حتى ثانية وحدة زيادة بفوت عليكي دغري بلا ما دق الباب لشوف شو الئصة
فتت باوعت للمكان جايبني للحمام انداريت دا أسد الباب لزمه مخلاني أطبگه
گال :- بيضل مفتوح عالنص ويلا خلصيني
عفته محجيت صرت ليورة من الجهة الثانية باوعت للحمام بيه شباك مستطيل ضيك صاير ليفوك
صعدت عالمقعد الغربي وچلبت ايدي بالحافة واگفة على أطرافي أحاول أرفع نفسي أكثر حتى اشوف
مديت ايدي لليدة فتحته اجه بيدي بسرعة وطلع صوت
محسيت عليه الا دافر الباب وفات شافني معلگة چتفني قيد حركة ايدي رفعني من بطني وطلعني
گمت أصرخ :- حييييييوان عوفننننني شرايد منننني ولك وخرررر هي أغبببببببر عاررررر الزلم وخررررررر
1 تعليق
گامت دموعي تنزل واني أصرخ وأنفض بجسمي يمشي شايلني للمكان اللي اجينا منه وصلنا للغرفة شمرني
احتكت ايدي بالگاع تشخطت گامت تحرگني هملت الوجع وطفرت بسرعة من شفته رجع يريد يسد الباب
4 تعليق
لزمني من مقدمة التيشيرت بأيد ودفعني بكل قوته ليورة ولطش للحايط مسيطرت على روحي وگعت
انسد الباب ورجع انقفل انهاريت گمت أضرب بيدي عالگاع وأصرخ بجي ودموع ووجع جسمي الموتني
هدأت شوي صوتي گد ما صرخت انبّح واختفى وصارت عندي بحة قوية ما أگدر أحجي براحة
رجعت گعدت للحايط لامة روحي واني أناشغ الريحة صارت لا تطاق معدتي گلبت وحسيت روحي راح اتقيأ
3 تعليق
رجعت گعدت للحايط لامة روحي واني أناشغ الريحة صارت لا تطاق معدتي گلبت وحسيت روحي راح اتقيأ
وگفت بزاوية الغرفة واستفرغت كل اللي بمعدتي
لزمت الحايط بأثنين ادي واني مدنگة راسي ضليت على هالوضعية دقايق لحد ما ارتاحيت وجريت النفس
2 تعليق
شلت شعري دخلته جوة تيشيرتي من ورى ورجعت انزويت على روحي بمكاني الأول واني لازمتني الرعشة
انعگد لساني واجتني الحالة جسمي صار يرجف حيل ايدي ما أسيطر عليها تمددت ونمت راسي عالگاع
ضليت على هالحالة بالربع ساعة لحد ما هدأت الرجفة اللي بجسمي ووگفت لحالها مديت ايدي للبنطرون
طلعت الحبوب أخذت وحدة شربتها بدون مَي ورجعت الباقي ورجعت خليت راسي عالگاع أحاول أغمض
دموعي نزلت بلا وعي مني تبعها صوت شهگاتي
2 تعليق
هي هاي نهايتي يربي ؟
هذا الردته اني ؟
مشمورة بدولة غريبة عني لا أهلي يمي جوازي ضايع
محبوسة بمكان محد راح يدري عني شي حتى لو دوروا
36 تعليق
جان المكان هادئ بس صوت نحيبي طالع مسوي صدى بالغرفة لحد مبديت أغمض وأغفي شوي شوي ونمت
شهگت بفزع على برودة المَي وهو ينصب فوك راسي گمت أنفض بأيدي من البرودة مغمضة عيوني حيل
مسحت وجهي من المَي وباوعت گدامي اثنين واحد منهم نفسه اللي أخذني الصبح للحمام والثاني لازم الباب
شمرلي بطل مَي يم رجلي ونص گرصة خبز بحضني
باوعت لوجهه گال :- هيدي حصتك اليوم من الأكل والشرب والتواليت ؟ راحت عليكي ما بتستاهلي دبري حالك بهالقنينة متل الزبالة
دار وجهه حتى يطلعون گمتله بسرعة أتوسله
بان :- الله يخليك بس فهمني شنو رايدين مني ليش حابسيني هنا والله ما عندي شي وممسوية شي شتردون مني ؟
دفع ايدي حيل وصاح :- أخرسي سكري تمك وخلصينا بلا حكي فاضي اقعدي محلك بهدوء وبس وإزا سمعت صوتك مرة تانية بتندمي
40 تعليق
عافوني طلعوا وسدوا الباب شگد استحقرت روحي بهاي اللحظة مسحت وجهي وعيوني من الدموع
نزلت على ركبي صرت أتلمس بالگاع عالبطل مال مَي لگيته اخذته خليت شوي بيدي غسلت وجهي وشربت
اخذت گرصة الخبز يابسة محجرة ولا تنبلع ما أكلت خليتها بزاوية الغرفة ورجعت گعدت منتظرة مصيري
مرت ساعات صرت ما أعرف أميز الوقت ما أدري وغفيت واني على گعدتي محاسة على روحي
فتحت عيوني على صوت اثنين ديحجون بس هالمرة الصوت جان قريب حيل ورى الباب مباشرة
فزيت على كيفي دنگت شفت رجلين من جوة الباب
صرت أستمع لحديثهم وأحاول أركز حتى ألگط اي كلمة
واحد منهم گال :- برأيك رح يبيعها ؟
والثاني يرده :- ما بظن بس بعتقد ان وجودها بهالمكان كل هالوقت ورا شي سبب قوي
- بس البنت صغيرة وجسمها الو قيمة
3 تعليق
- لو عنجد كان بدو ما كان ناطر لهلئ وكان عملها من زمان حاسس ان ناوي يجرها عالمرقص
- لا يا خيي كان بعتا لعند ثريا من يومين ليجهزوها ما تركها هون عالفاضي في شي عم يتحضر
7 تعليق
- يلا بننطر ونشوف شو في ورانا
محادثتهم أحسها يبست الدم بجسمي معقولة يبيعوني
اي يسووها يذبحوني ويبيعون أعضائي منو اليدري من هيج دا أشتم هالريحة الزفرة معقولة كاتلين ناس هنا
حشگت روحي بالزاوية وصارت الأفكار السودة تتجمع براسي يا ربي منو ذولة ماريد أموت هيج موتة
صارت دموعي تنزل :- ولج ماما وينج .. ولج ماما الحگيني راح يكتلوني .. ماريد أموت ماريد أموت يا ربي .. والله راح أصير خوش بنية وأسمع الكلمة .. ما راح أسوي مشاكل ولا أشرد ولا أقهر ماما بس رجعني لحضنها .. بس اجمعني بيها يا ربي
34 تعليق
أهمس وويَّ كل كلمة شهگة تطلع مني تشك صدري شك
2 تعليق
صارت أصوات ناس عالية يحجون من ورى الباب وأصوات هواي وهوسة مگدرت أميز كلمة ..
گمت أردد الآية :- لا إله إلا أنتَ سبحانك إني كنت من الظالمين لا إله إلا أنتَ ...
1 تعليق
ما صار على لساني غيرها انفتح الباب مرة ثانية ومجموعة واگفة بالباب تقدمهم واحد اجاني
لطشت روحي بالحايط ورافعة راسي اباوعله ميتة خوف أشرلي حتى أگوم ما تحركت من مكاني
دنك شالني غصب عني گلبني على ظهره واني أصرخ وابجي :- مارييييييد أموت عوفوووووني چلاب عارات وييييين ماخذيني ولجججج ماما الحگيييييني ولج ماما راح يكتلوووووني ..
يمشي شايلني ما مهتم لصريخي الممر متروس منهم كلهم ضخام أصحاب بنية جثلة أشكالهم تخلس يباعون
1 تعليق
انتبهت للغرفة الفتنا منها الصبح وجانت مقفولة فاتحيها طالعة منها ريحة قووية بشكل للحظة حسيت روحي راح أستفرغ سديت خشمي بيدي وضلت عيني عليهم
طلعنا الممر وصعدنا درج صغير طلعنا من المكان بكبره وابتعدنا عنه صار يمشي بحديقة عقدت حواجبي
هذا المكان شايفته أعرفه هاي ڤيلا مراد ! ..
18 تعليق
تهسترت وأضرب بيه على ظهره ما اهتم دخلني للبيت فتنا عالصالة ووگف شمرني عالتخم انگلبت على ظهري
عدلت نفسي وگمت بسرعة أباوع للمكان وادور بوجهي
گله :- بتأمر بشي تاني يا بيك ؟
اجاني صوته :- ما بدي ولا غلطة بالشغل اللي طلبتوا وبتبعتلي تلفن اول ما بتخلصوا مفهوم ؟
1 تعليق
مال راسه :- اعتبروا خالص
1 تعليق
اندار ورجع منين ما اجينا واني أباوع لهذا اللي واگف ومنطيني ظهره واگف عالميز يصبله كاس ويخلي بيه مكعبات ثلج متجاهل وجودي تمامًا ..
بللت شفتي :- هذا انتَ يا حيوان
اندار مستغرب يباوع للمكان ورجع باوعلي أشر على روحه :- عفوًا عم تحكي معي ؟
انهارت أعصابي وفقدت آخر ذرة عقل براسي گمزت عليه أضرب وأخرمش وهو صادني ضام وجهه بأديه
لزمني الخادم اجه يركض أشرله بمعنى عوفها
تلاشت قوتي وانهاريت واگعة بالگاع ابجي بعلو صوتي
لزمت گلبي فحطانة بجي گوة أحجي
باوعتله :- بس گولي ليش شسويتلك حتى تخطفني وتحبسني
مشى من گدامي شايل گلاصه گعد رجل على رجل
مراد :- ولا شي هيك حبيت أتسلى شوي
20 تعليق
حجاها وشرب من الكاس وباوعلي
مسحت دموعي وجريت نفس أشرلي عالتخم گعدت
گتله :- شتريد مني ؟
- العرض اللي عرضتوا عليكي من كم يوم
- صعب طلبك صعب عبد مراح يخليني عايشة لو صرت بيده
- أنا بضمنلك انه ما رح يئتلك
- شمدريك ؟
- بعرفو من سنين الشخص اللي بيدخل بحياتو راح يكون مصيرو واحد من التنين يا أما يموت لأنُ كشف شغلهن أو يصير يشتغل معو ويعملو شريك لألو
وانتِ عايشة معو ما تقوليلي ما بتعرفي شو هو شغل جوزك لو كان بدو كان قتلك من زمان كتير بس مخليكي عايشة وعم تراقبي كلشي هو بيعملو
- قصدك اني شريكة وياه ؟
- براڤو بلشتي تفهمي
- ومنو گال بعد سوايتي وشردتي من عنده مراح يكتلني منو گال مراح يشك بيَّ إني مبلغة عليه
2 تعليق
- بوقتا ما رح ياخذ منو الموضوع غير رصاصة وحدة براسك
- وتحجيها عادي هيج اني حياتي رخيصة حتى أخاطر بيها علمود أسوي الطلبته مني ؟
لزم راسه فركه بأيده وهو يگول :- ليكي انا طولت بالي كتير معك ما جبتك لهون حتى تتفتلي وتلعبي على راحتك بدك تعملي اللي طلبتو منك لو شو ما صار
- وإذا مقبلت تكتلني ؟ لو تحبسني مثل مسويت ؟
- أنا خيرتك وما قدامك غير خيارين يا توافقي أو ترفضي وبتوقع جربتي نتيجة الرفض معي شو بتكون عواقبا
- أشتكي عليك أگلهم ديشتغل بتجارة الأعضاء وديكتل ناس
ضحك :- ماشي يعني لساتك مصممة على رفضك
سكتت وتملكني الخوف كلما أتذكر الريحة ومنظر الغرفة الموحش وحالتي هناك وكلام جماعته
3 تعليق
صاح على واحد من حراسه حجيت بسرعة
- لا لا لتصيحله أسوي اللي تريده والله ماريد أرجع لهناك
ابتسم طرف شفته :- يعني وافقتي ؟
هزيت راسي :- اي موافقة أسوي اللي تريده وعادي أرجع للعراق
- وشو بيضمن ؟
رفعت راسي باوعتله :- مفهمت ؟
- مين قال ما عم تضحكي عليي بهالكلام وعم تسايريني وناطرة لحتى يجو أهلك لهون مشان ياخدوكي معن
فتحت عيوني گال :- ما تنصدمي بعرف كلشي وبعرف كمان انهن جايين لهون كرمالك
- بس اني گتلهم ليجون حتى عبد ليندل مكاني
- عبد منو غبي بدو يعرف مطرحك هلئ ولا بعدين وخديها مني بدو يجي بأي طريقة كانت بس لسى في معنا وقت لحتى تباشري التدريب على ايد ميشيل وتكتسبي خبرتو قبل ما يعرف مطرحك
- جوازي انباك مني شلون راح أرجع
صاح على الخادم شاوره هزله راسه وراح بسرعة
3 تعليق
سألته :- والتدريب هذا شفايدته المطلوب مني شنو بالضبط
- هاد بتركو على ميشيل هو بيشرحلك كلشي بالتفصيل إضافة بدك تضلي على تواصل معنا طول مانك هنيك
3 تعليق
صاح على الخادم شاوره هزله راسه وراح بسرعة
سألته :- والتدريب هذا شفايدته المطلوب مني شنو بالضبط
- شبيك بابا كل عقلك يلزمني تليفون بعد الصار
- بتدبري حالك
- اي شلون ؟
- بوقتا بقلك هلئ خلينا بموضوع الباسبورت تبعك
حجاها وهو يشوف الخادم يتقدملنا بيده جنطة أعرفها انطاها اله ومراد شمرها صارت بحضني لزمتها صافنة
فتحتها الفلوس والذهب جوازي والجنسية كلهن هنا
حتى التليفون لزمته بيدي اباوع بيه والغصة لازمتني
باوعتله بس محجيت شي عرفت روحي وگعت نفسي بمصيبة ما من وراها طلعة لو أسوي اللي يريده لو انقتل
9 تعليق
گام من مكانه :- غرفتك اللي فوق جاهزة بترجعي تنامي فيها من بكرا بدك تباشري تعليمك مع ميشيل ما ضل في معنا وقت كتير بدك تستغلي كل لحظة
9 تعليق
ديمشي ورجع اندار :- كمان قبل لا أنسى بدك تتصلي بأمك وتقولي انك راجعا للعراق بدون تفاصيل مفهوم ؟
تنهدت وهزيت راسي اخذت غراضي وگمت وصلني الخادم للغرفة وراح دخلت مو نفسها الغرفة اللي نمت بيها أول يومين هذيج جانت مال بنته
شمرت غراضي عالجرباية ومشيت للمراية أباوع لروحي
وجهي تعبان وشاحب حيل من قلة الأكل لو من الإرهاق والتعب ايدي جانت مشخطة على طولها من الوگعات
شعري فوضوي بشكل وملابسي متربة حالتي يرثى لها
2 تعليق
لگيت علاليك جديدة محطوطة بالگاع مشيت فتحت وحدة منهن لگيت بيها ملابس أخذتهم ودخلت للحمام
طلعت شعري مبلل جسمي ذبلان حيل عبالك توة طلع علي التعب لگيت الخدامة واگفة بوجهي مبتسمة
گالت :- بتحبي جبلك الأكل لغرفتك ولا تتفضلي لتحت ؟
- ما أشتهي شي
- عفوًا يا مدام بس البيك طلب مني حضرلك الأكل مشان تاكلي
- گوليله تعبانة تريد تنام
- طيب متل ما بدك بتأمري بشي ؟
هزيت راسي بـ لا عافتني وراحت سدت الباب
مشيت للجرباية أخذت التليفون وفتحته ماما متصلة ومآب هم كومة مكالمات واصلتني ورسائل هواي منهم
باوعت للشحن ما بيه قليل انداريت داير مداير الغرفة ملگيت شاحنة طلعت صحت للخدامة جابتلي وحدة
خليته يشحن عالميز قريب يم راسي أخذت حبايتين البقن طفيت الأضوية ونمت ماريد أفكر بأي شي ورى اللي شفته وعشته بهذن اليومين ..
5 تعليق
گعدت ثاني يوم على ايد الخدامة وهي تهزني بأيدها
گعدت أتمطى گوة مفتحة عيوني أحس جسمي مثل الخدران تأثير الحباية بعده بيه والخدامة تباوعلي بخوف
گالت :- صباح الخير مدام خوفتيني عليكي فكرت صرلك شي وكنت نازلة عيطلو للبيك
1 تعليق
تثاوبت خليت ايدي على حلگي وأشرتلها ما عندي شي
ابتسمت وعدلت من وگفتها :- البيك أمرني لحتى عيطلك تنزلي تفطري وفي ضيف ناطرك تحت
مدنگة لازمة راسي من الوجع وأشرتلها بأيدي اوكي
گالت بنبرة قلق :- بدك شي عم يجعك شي مدام ؟
رفعت راسي باوعتلها :- أريد حبوب وجع راس بلا زحمة
- بتأمري ..
طلعت من الغرفة واني گمت للحمام غسلت وجهي وطلعت گبال ميز تواليت فتحت شعري البارحة جنت لافتة وهو مبلل باقية بيه رطوبة مشطته وضفرته
نزلت جوة ومثل متوقعت لگيت ميشيل منتظرني على طاولة الطعام رفع راسه أول مشافني ابتسم بوجهي
ميشيل :- بونجور
6 تعليق
جريت كرسي وگعدت بلا رد اجت الخدامة جابتلي الحبوب خليتهم بصفي وصبتلنا چاي
بان :- رايدة گهوة اذا ممكن
- حاضر
راحت للمطبخ واني على وضعي لازمة راسي ومدنگة
اجاني صوته وهو يگول :- شو الئصة شكلك مطفية اليوم شبكتك مفصولة ؟
رفعتله راسي باوعتله بملل :- كوميدي الأخ
1 تعليق
زادت ابتسامته ورجع راسه ليورة
7 تعليق
- روئي ما بدها كل هالحدية عنجد عم بحكي
1 تعليق
باوعت للمكان مراد ماكو
1 تعليق
گتله :- شنو البيك مالتكم ماكو
- فل من الصبح قال في عندو شغل مهم ووصاني فيكي
- والله ؟ الله يكثر خيره
حجيتها بصيغة استهزاء ودنگت آكل جنت جوعانة حيل وهو هم بلش ياكل وبعدها محد حجى لحد ما كملنا
باوعلي وهو يسحب منديل :- اليوم بدنا نباشر باللي اتفئنا عليه
- اني ما اتفقت على شي
- معليه مو شغلي هاد المهم بتحبي نظهر عالجنينة ولا نضلنا قاعدين هون بالصالون ؟
شال جنطته السودة وطلع قبلي للحديقة واني شربت الحبوب ولحگته لگيته گاعد عالطبلة والكراسي اللي برة
گدامه لابتوب يشغل بيه شافني سحب كرسي خلاه بصفه وأشرلي حتى اگعد صرنا اثنينا گدام اللابتوب
بدة يشرحلي ويحجي بمصطلحات أول مرة أسمع بيها وهو مندمج يسولف واني صافنة ممفتهمة كلمة
باوعلي :- شبكي ليه عم تطلعي فيي هيك شو ناوية تعضيني ؟
20 تعليق
تضايقت ورديت :- ترى الگدامك وحدة بحياتها ملازمة لابتوب وانتَ صار ساعة ترطن فوك راسي بكلمات مدا أفهمها ولا سامعة بيها بكل حياتي
واني أحجي انتبهتله صفن بوجهي وعلى ثغره ابتسامة
خليت ايدي گبال وجهه :- هنا دا احجي وياك شنو مضيع امك بوجهي ؟
14 تعليق
ضحك بهدوء ورد :- صوتك ولهجتك فيهن شي بيشد خلتني سرحان وما عم بقدر ركز من جمالها
51 تعليق
جابولنا عصير وتحلية شرب شوي وبدة يشرحلي بشكل شفوي عن الأساسيات وبعض المصطلحات المهمة اللي لازم أتعلمها بالبداية بعدها فتح اللابتوب وبلش يطبق كلامه ووي كل خطوة يندارلي يشرحلي معناها
تلث ساعات واحنا على گعدة وحدة علمني هواي شغلات راسي أحسه امتلى وگام يخوط ويخربط
كُلشي جان جديد عليَّ بعد ما كمل مد جسمه بتعب
گال :- على فكرة هيدا بس اول الطريق وشوية شغلات بديهية لازم تحفظيها ما تفكري انو بلشنا عن جد ركزي
- من هسه دخت وبلش راسي يوجعني مراح اگدر اكمل
هز راسه يطمأني :- ما تعتلي هم هيدا اشي طبيعي ورح تتعودي عليه مع الوقت وبيصير كلشي أهيّن عندك
- شگد حياخذ وقت ؟
- الموضوع بيتعلق بسرعة استيعابك لان بصراحة وما رح خبي عليكي ما بقدر علمك كلشي بعرفو بهالوقت القصير بس رح حاول قد ما فيي خليكي ملمة بأغلب المعلومات
سد اللابتوب خلاه بالجنطة وهو يگول
- هلئ منكتفي لهون وبرجعلك بعد الظهر لنكمل من وين ما وقفنا
مرديت مشى من عندي گرصني من خدي
ميشيل :- طيب يا شقية بس وجك بعد الظهر بدي ياه رايق بلا هالتكشيرة تمام ؟
4 تعليق
حجاها وتعداني داير ظهره صحت وراه
- اووگف انتَ هييي منو سمحلك تلزمني هيج دا احجي ويييياك اووووگف
5 تعليق
ما اهتملي ولا اندار وكمل طريقة مسحت خدي بنفور وگمت دخلت ليجوة صعدت بوجهي للغرفة وعالتليفون
فتحته جانت الساعة بعدها عشرة الصبح دخلت على رقم ماما واتصلت عليها مرة مرتين بالثانية يلا ردت
اول مردت انهدت علي غلط وصياح :- نعلعلة الخلفج بان اشتعلت امجججج وين مجانت على هالحرگان الأعصاب هذا .. لج امي انتِ ليش ترديلي شلاع الگلب ترديييين تموتيني ؟ .. گوليلي شلون بييييج
9 تعليق
عضيت شفتي وعيوني املت دموع واني أسمعها صارت تبجي
رديت :- آسفة
1 تعليق
- بعديش يماما بعديش باليوم دتموتيني ألف موتة وانتِ مو يمي وفوگاها سادته لتليفونج ومتردين ليش هيج اني شرايدة منج قابل بس كلمتين اسمع بيها صوتج حتى اطمأن عليج حتى هاي استكثرتيها عليَّ
- مو قصدي والنبي جان عندي شغل والتهيت والتليفون مشمور ما أدري بيه
- شغل ؟ انتِ ولج تشتغلين شغليش هذا ؟ منين لگيتيه من يمتى وانتِ لحالج هناك
- مدبرة روحي ماما دا أشتغل بكوفي عند رجال كبير بالعمر وحاسبلي راتب اسبوعي ودا أصرف منه على روحي
- وين دتنامين ؟ شتاكلين ؟ شلون مدبرتها راح أتخبل وكلام الله
- أجرت شقة فندقية على گد النومة وبالنهار دا أطلع للشغل وارجع بس بالليل أنام أسعار الفنادق هنا أرخص من اللي عدنا
- خابرتي مآب ؟
- اي وگلي حتجون انتِ وشبير صدك هالحجي ؟
- اي عأساس حاجزين الخميس هذا اشو النوب موافقوا على اجازته مال سفر وانضربنا بوري وانلغى الحجز وبعدني حايرة بأمري يمكن حجيج لوحدي حتى لو محد اجى وياي ما اعوفج هناك لوحدج طك گلبي وانتِ مو يمي
- ماما لتجين
- شنو الما أجي لعد أعوفج سايبة هناك لوحدج ما أعرف شدتاكلين وين تطلعين وين تجين نومتج گعدتج بكل عقلج انتِ أعوفج واني ضالة هنا آكل بروحي
- ماما راح أرجع ماكو داعي تتعبين وتجين
- ترجعين ؟ بان هالحجي صدك لو دتضحكين عليَّ
- والله العظيم بس هالاسبوع دا آخذ الراتب وأحجز على اول طيارة واجي
- تعاي لج صدك انتِ منو ديرتبلج هذا كله ويامن دتفرفرين ولج بان
- مو وي أحد
- لتكذبييييين احجي الصدك منو وياج ديساعدج تسوين كل هذا احجيلي ماما لتخلين گلبي نار عليج
- عندي صديقة هنا متشاركين اني وياها بالمصرف هي رتبتلي كُلشي ولگتلي الشغل وحجيتلها ناوية ارجع للعراق وگالت اني أرتبلج الإجراءات
- لا والله ؟
- والله شبيج ترى مدا اكذب مثل مگتلج بس هالأسبوع وراجعة يمج
1 تعليق
- گلبي ممرتاح ليش تضمين عليَّ
- مضامة عليج شي شبيج
- بان اني امج أعرفج من صوتج شوكت تكذبين وشوكت تحجين الصدك من شوكت انتِ تصادقين من وراي وتسافرين دول وتسوين كل هذا واني آخر من يعلم
- مجبورة أتعايش ويَّ الناس مو بيدي
- وكت الخلاج تمشين وتصادقين بدون متدري شدن بس سهلة تجين لو متجين الي حساب ثاني وياج
ابتسمت لكلامها :- ميخالف قابلة شنو تردين تسوين سوي موتيني اضربيني رزلي اغلطي بس ماما اني اشتاقيتلج والله العظيم أحس روحي مثل التايهة مدا أعرف اسوي شي بدونكم
1 تعليق
- شبيج يا حبيبتي شنو اللي مأذيج
- كُلشي مأذيني الدنيا والناس البيها واني مأذية روحي بأيدي كارهة حتى نفسي كلما أگول هانت وأتقدم خطوة أرجع الگى روحي واگعة بحفرة أكبر من اللي قبلها
4 تعليق
- بان صاير وياج شي ؟ احجيلي الصدك گلبي ممرتاح
مسحت دموعي :- لا ليضل ماكو شي بس مثل مگتلج اني كم يوم وراجعة بس دا أرتب اموري هنا انتِ لتجين نورجان وين أريد احاجيها
تحسرت :- مو هنا بالمدرسة
- رجعتيها تداوم ؟
- مو اني عيالها مگعدوها وخلوها تكمل
- أحسن شي خليها تلتهي بدراستها
ترددت اسأل بعدها تشجعت :- ماما عبد عرف اني هنا ؟
- مسامعة عنه شي صار فترة طويلة من وكت مرحت لفدار وليومج ولتخافين مراح يعرف فدار گال ما راح ألغي البلاغ اللي بمركز الشرطة حتى ليشك بالموضوع
- أحسن زين يسوي انتِ هسه وين ؟
صارت تسولفلي الأحداث اللي صارت وياهم بآخر فترة من يوم اللي اختفيت بيه لحد رجعتها وياهم للغربية
شي بداخلي جان مطمأن عليها هي ونورجان لأن باقية عند فدار بالأنبار أعرف عمو وعمتي مراح يعوفوها بحالها لو باقية لوحدها بالسليمانية
أكدت عليها حتى لتجي بس هي جانت شاكة وممرتاحة لصوتي وما ألومها عالوسيته بيها أدري تعبتها وأذيتها
عفت التليفون وضليت متمددة عالجرباية ومغمضة عيوني والأفكار والسوالف اللي براسي تاكلني اكل
أسولف الها كُلشي صار وياي ؟ بس هيج راح أخوفها عليَّ وراح تجي لهنا بسرعة وأخاف لا مراد يأذيها
زين أگول لمآب ؟ استغفر الله هذا الثاني ملزوم بشغل شيريد يسويلي قابل حتى لو استنجدت بيه
أحسن حل أسايرهم هنا وأسوي اليردونه وبس أوصل عالعراق أدير وجهي وأرجع لماما هناك ميگدر يسوي شي
31 تعليق
للعصر اجاني ميشيل وهم رجعنا گعدنا گعدتنا وأول ما بدينا خلاني أعيد كل الخطوات اللي أخذناهم الصبح
جانت عندي أخطاء بسيطة بس بالنسبة لوحدة جديدة على هالأمور جنت جيدة عنده وهو يحفزني أكثر
الشاب يحب يشاقي وبشوش وجان مطول خلگه وياي وعلى طنگوراتي يوم منايمة يوم ضايجة يوم تعبانة
بس رغم كل هذا جان لازم نگعد گعدتنا المعتادة غصب عني وأنجبر أركز وياه مر كم يوم دخلت وياه بالجو وبديت أفهم أكثر وتركيزي انصب عاللي يعلمه الي
أنام بالليل عالحبوب واگعد الصبح الگاه بوجهي نبدي رأسًا ناخذ استراحة كم ساعة ويرجع يكمل لنهاية اليوم
6 تعليق
لحد ما بيوم تلگاني من الدرج بأبتسامته المعتادة
ميشيل :- بونجور يا شقية شو مخبية اليوم ؟
وصلتله :- صباح النور اليوم من وقت
- اي مزبوط طالعين مشوار اليوم لبرا وبدنا نبرم الدني
- شنو سياحة ؟ غير جاي دتعلمني
- هيك مكافأة صغيرة لألك لأنك اتعبتي هالأسبوع واشتغلتي شغل منيح يا شقية
حجاها وكفش شعري تضايقت وخرت ايده
- ألف مررررة گتلك لتسوي هالحركات السخيفة وتلزمني
- اي شو عملنا يعني مسكنا ايد الموناليزا هدي شوي ما بدها كل هالدراما
- والبيك مالتكم قبل نطلع ؟
- ليش مين مفكر حالو انا باخدك عالمطرح اللي بدي ياه وخليه يعترض بنقلو يلعب غيرها
8 تعليق
حجاها وغمزلي طلعت ابتسامة غصب عني ودرت وجهي عنه هو عاد ما صدك ضحكتله
صاح :- اي هيك يا بنت كل يوم بدك تصبحي عليي بوجك المكشر كأنك عمي بأول الصبحية شو هالحالة يا
- تذكرت فد واحد ببالي عنده نفس سوالفك السخيفة
47 تعليق
استعجلني حتى أغير ملابسي صعدت فوك بدلت جينز وكيومنة تعلاگة لبست فوگاها سترة خفيفة الجو جان بيه شوي برودة من الصبح لبست حذائي ونزلت
طلعنا من البيت بوحدة من سيارات مراد والحارس مالته ويانا ما طولنا بالطريق مسافة ووگفت بينا السيارة
نزلنا وميشيل أشر للحارس حتى يروح
2 تعليق
گله :- بعتذر يا استاز بس البيك وجهلي تعليمات واضحة اني ضل معكن لنهاية المشوار وبرجعكن عالڤيلا وما فيي خالف أوامرو
اندارلي :- الظاهر جبنا معنا مرافق بدوام كامل اليوم
1 تعليق
انتظرناه يصف السيارة ورجع بلشنا نتمشى بالشارع وهو يمشي على مسافة ورانا أخذني لشارع الحمرا دخلنا مطعم تريگنا وسولفنا شوي
3 تعليق
طلعنا بعدها گعدنا بمقهى شعبي شربنا گهوة وبلشنا يومنا المعتاد بس جانت نفسيتي مرتاحة أكثر من قبل
الجو يخبل بيه برودة خفيفة والناس تروح وتجي والأصوات ويَّ صوت ميشيل وهو يعلمني واني سارحة بغير مكان طگلي أصابعه گدام وجهي
باوعتله :- شكو ؟
ميشيل :- وين شردتي خلي تركيزك معي يا مدام
- اي اي وياك
- بالله شو ؟
- والله شبيك يلا كمل كمل هاي شلون تصير اشوف ..
حجيتها ومديت ايدي ما أعرف شدست
صاح :- يا بنت شو عملتي ؟ كسرتينا كل التعب طار عالفاضي روحتي الواجهة
- يا ما أدري لعد عيده من جديد
رفع حاجبه :- آه عن جد ؟ فكرتي الشغلة ماشية ع كيفك ؟ ما حزرتي
حجاها وسد اللابتوب وضمه بجنطته
- هاي ليش شنو مراح نشتغل اليوم ؟
- لا خلص بطلنا لليوم شكلك طايرة مانك معي ابدًا اعتبريها عطلة رسمية قومي فلي عالمنطقة نغير جو شوي ونشم هوا منضيع وقت
باوعت للحارس اللي گاعد على طاولة ثانية ويشرب بالگهوة وكل شوي تجي عينه علينا وعالمكان
- وهذا شلون حيضل ورانا ؟ أخاف يروح يگول لمراد ونتورط
باوعله واندارلي :- ما عليكي منو راقبي وشوفي شو رح اعمل فيه ..
حجاها وگام وقبل لا يمشي دنك حجى بصوت ناصي
- عالأشارة بتفلي دغري من المكان وبأقصى سرعة وبدون ما حدا يحس عليكي او تلفتي نظر حدا تمام ؟
هزيتله راسي وعيني جانت عالحارس اللي داير وجهه عنا أشرلي أدير وجهي سويت مثل مگال وسويت روحي ملتهية أشرب بگهوتي واباوع عالناس
شال كوب الگهوة مالته ومشى بأتجاه طاولته وسوى روحه ديعثر وهو والكوب صاروا بحضن الحارس
گمزوا بسرعة واللي بالمكان يباوعولهم ويسألون خاف تأذوا وميشيل يتعذر للحارس اللي يرفع بملابسه
قميصه انتلف تلاف بالگهوة متضايق حيل وجهه متهكم
ما أعرف ميشيل شنو جان يحجي وياه بس شفته وهو يندار ويسأل ابو الگهوة على مكان الحمامات ومشوا اثنينهم مبتعدين عني وأشرلي بيده من ورى ظهره
فهمت قصده أخذت جنطته مال لابتوب وطلعت بسرعة من المكان وسويت الوضع طبيعي وگفت على جهة
منتظرته يطلع عيني جانت على باب الگهوة لحد مشفته طلع يدور بوجهه عني أشرتله بيدي شافني اجه بسرعة
اخذ جنطته لبسها لزم ايدي وصرنا نمشي سريع مبتعدين عن المكان ونتلفت ورانا ونضحك
3 تعليق
انداريتله :- هسه يطلع ويشوفنا مموجودين بالمكان ويروح يبلغ مراد علينا
- مراد مين يا بنتي ؟ هو وعشرة من رجالو بكمشة ايدي بلعب فيهم متل البايبيات
21 تعليق
- لا صدك ؟ هو واحد وشردت منه
- لا يا ستي ما بسمحلك تغلطي بحقي انتِ بعدك بنت صغيرة ورجولتي ما بتسمحلي خليكي تشوفي عنف وإلا كنت فرجيتو شو يعني مشهد أكشن عاللبناني
هزيت راسي بيأس :- شبير يربي شبير عينًا
ضحك واندارلي مستغرب :- مين هاد اللي صرعتينا فيه
- المرجف الزلم بصيحة
- أوف كل هالقد ؟
- مدرعة روسية هذا يجيبك بچف ايده راشدي ينسيك أسمك
اني أحجي وهو صافن عالوصف أخذله صفنة
- عن جد ولا عم تمزحي ؟
ضحكت :- شبيك اصفريت بس اكو نقطة مشتركة بينك وبينه
- شو هي
- انتَ وياه اثنينكم تهمبلون زايد وبوخة
اندارلي عاقد حاجبه :- شو يعني تهمبلون وبوخة ؟
- هاي مدحة قوية عدنا بالعراقي تنگال للرجال القوي صاحب العضلات
- ايه ايه ماشي الحال زيدي كمان وكتري عبي السما حكي يمكن نعمل كتاب
- ايع مليق
ضحك وكملنا طريقنا الحارس ولا حسينا بيه ولا شفناه بعد خلصنا اليوم تفرفر شوفني شارع الحمرا كامل بمحلاته والمقاهي اللي بيه والمطاعم الراقية
الشارع طويل وعريض ناس رايحة وناس جاية وصوت السيارات والهورنات ميوگف على الطرفين المحلات تلمع
الأضوية بكل مكان لافتات الإعلانات معلگة بماركات عالمية وأماكن راقية بصف محلات لبنانية شعبية صاير مزيج غريب منطي للمكان طابع حلو
نمشي ونشم ريحة الگهوة طالعة من المقاهي الصغيرة كراسي وطاولات برا ناس گاعدة دتحجي تدخن تقرأ وأصوات ضحك عالية كل شخص بعالمه الخاص
نمشي عالرصيف مرينا من يم شاب يعزف گيتار ويغني عالرصيف ومجموعة من الناس مجموعين داير مدايره
4 تعليق
كل ما نمشي شوي نفوت من يم مكتبة سينما قديمة او مبنى تأريخي قديم ومتهالك شوي ومباني كبيرة حلوة
تأخر الوقت وصارت دنيا الليل واحنا على فرة وحدة والشارع يروج بالناس عبالك توى يلا بدا اليوم عندهم والمكان كله حياة موسيقى طالعة من مطعم گهاوي مليانة شباب وبنات والضحك بكل زاوية بالمكان
أخذني على كورنيش المنارة وگفنا نباوع عالبحر
اجتني الضحكة واني أباوع للمكان
گال :- شو صار يا بنت ؟ ضربولك الفيوزات بنص الليل
أشرتله بيدي عالمكان :- قبل كم يوم جنت نايمة هنا وانباگت جنطتي وكل أغراضي
فتح عيونه :- ما أحلاكي والله نايمة هون ؟ شو مفكرتلي حالك بمصيف في حدا عاقل بينام بهالمكان
- ما أدري صارت بعد وغفيت بس يا يابة شلون نومة جانت من العمر گعدت عدل وگبل ادور عاللي باك الجنطة وبيدي تليفوني غفلت ثواني عنه والگاهم حتى التليفون ماخذينه والركضة ركضة
ضحك :- بحياة الله ؟ وشو صار بعدين
- مصار شي طلع الموضوع فلم من مراد حتى أرجعله وفعلا اني الغبية رجعتله برجلية
- توقعت مراد إزا كان خاطط شي براسو بدو يعملو ولو على قطع رقبتو وما بيهمو النتائج ومين تأزى ومين لا
- تعرف شنو طبيعة شغله بالضبط ؟
خلى ايده بجيوب بنطرونه وعينه عالبحر
گال :- ما بتدخل بهالتفاصيل وما بيهمني حتى
- لعد ليش دتشتغل لصالحه ؟
- في الو أفضال كتيرة عليي وهاد أقل شي بقدمو لألو
- أفضال مثل شنو ؟
- لما حاولت اسرقو ما عملي شي ووفرلي مكان ومسكن وشغلني عندو بس بطريقة غير مباشرة يعني من بعيد لبعيد وهالحكي كنت صغير بوقتا
3 تعليق
باوعلي :- كنت فقير وشارد بالشوارع وهو خلاني بلش من تحت الصفر وهو كان السبب يلي خلاني أوصل لهالمطرح اليوم
- هم حاول يفرض عليك شي مثل شغل انتَ مرايده ؟
- في أوقات بيكون حازم فيها بس ما جبرني على شغل انا مو مقتنع فيه ليكي لقلك شغله ..
رفع ايده رجع شعره ليورى وگال :- انا بعرف انو شغلو مانو قانوني بس ما بتدخل فيه أبدًا وما بتوصل ايدي لشغلو خاصة إزا كان فيه دم وقتل لأني ماني من هالنوع
1 تعليق
هزيت راسي :- ولهيج سألتك ومستغربة من وضعك وياه أشوفك طموح محب للحياة وهو وشغله بعالم ثاني بعيد عنك
رفع أكتافه :- شو بدنا نعمل هيك الدني
تنهدت وهزيت راسي
اندارلي وغير الموضوع :- ما بدك تحلي ؟
- شنو
- في شب فلسطيني بيبيع كنافة نابلسية قريب من هون
- خسرتك هواي اليوم
- ولو مو خسارة فيكي نحنا رفقا بس ضروري تجربيها
صدك رحنا نتمشاله ووصلنا عنده ميز صغير بسيط عليه صواني الكنافة العين جانت تاكل قبل المعدة عالمنظر
گص قطعة من الكنافة بالجبن وخلاها بخبزة صغيرة جانت تشبه شكل البان كيك هم يسمونه كعك خاص بالكنافة خلى فوگاها قطر ورش فستق حلبي وسدها
15 تعليق
أخذنا اثنين وحاسبه وصرنا نتمشى وناكل
باوعتله :- تدري إذا مو أطيب كنافة ضگتها بحياتي
ضحك :- ما قلتلك مافي بعد الكنافة النابلسية
1 تعليق
حتى طريقة التقديم جانت غريبة عليَّ بس كُلش طيبة
اندار مدلي ايده :- مشي معي
1 تعليق
- وين ؟
- بدي آخدك عمطرح كتير بحبو ومتأكد رح تحبيه
أخذني وتمشينا مسافة وصلنا على ساحل بحري رغم الدنيا جانت ليل بس المكان متروس ناس ومحلات فاتحة وبياعين ذرة ووجبات خفيفة يفترون بالمكان
وهو يسولفلي ويعرفني عالمكان أكثر
ميشيل :- هيدا شاطئ الرملة البيضا الشاطئ العام الوحيد اللي ببيروت
7 تعليق
أخذنا جهة وگعدنا عالرمل قريب من البحر ومادين رجلينا وكنافتي بأيدي آكل على كيفي متلذذة بيها
مرت فترة واحنا ساكتين مستمتعين بالهدوء وصوت أمواج البحر ونسمة الهوى اللي تجينا ويَّ كل موجة
ايدي تلعب بالرمل أشيله وأرجع أطشه من ايدي
انتبهتله لگيته يباوعلي
توترت وسويتها بضحكة :- خيرك ليش دتباوع هيج
- فيني اسألك شي
خليت گذلتي ورى اذني وگتله :- تفضل
- بنت صغيرة بمتل عمرك شو الها شغل مع شخص متل مراد اليوسف ؟
- ليش هو مگايلك
- خبرتك إني ما بدقق ولا بسأل عن شغلو ما خصني فيه بس انتِ شلشتيلي بالي شو بدو مراد بوحدة متلك
صارت عيني عالبحر سكتت شوي بعدها تنهدت وحجيت
- عنده مصالح بالعراق وحتى يحصل عاللي يريده يحتاج ايد من جوة البلد يسويله الشغل واني جنت المستهدفة لهذا الشغل
- طيب أهلك أمك ابوكي شو قلتليلن لما اجيتي
- والدي متوفي وماما تدري وعندها علم وكلها كم يوم وراجعتلها لهناك مراح يطول فراقنا
- ما بعرف بحس في شي غلط فيكي
انداريلته بأهتمام :- مثل شنو ؟
- ما بعرف عن جد مجرد إحساس مش أكتر
4 تعليق
سكتنا اثنينا وصرنا نباوع عالبحر متجاهلين بعض مر وقت طويل على گعدتنا حجالي شوي عن طفولته أهله متوفين وعمه طارده من البيت وهو صغير واحتار بأمره
عنده اخت أكبر منه بسنة متزوجة ومستقرة ببيتها والولد مرتب ومكمل دراسة ومراد متكفله لحد متخرج
حتى شكله جان يعتبر الشكل المثالي لهواي بنات بشرة حنطية شعره شوي بيه طول وبيه كسرات ويجي على شگار خاصة بالشمس عيونه ملونة رصاصية وصاحب جسم رياضي مرتب لا ضعيف ولا مبالغ بشكله
21 تعليق
باوع للساعة وگام وگف :- يلا يا بنت تأخر الوقت هلئ مراد بيوصل قبلنا عالبيت وبيفكرنا لسى عم نسرح شعرنا .. قومي يلا
مديت ايدي گومني نكثت ملابسي من الرمل وصرنا نتمشى للشارع أخذنا تكسي راجعين عالڤيلا مال مراد
وصلنا التكسي گبال الڤيلا نزلنا حاسبه ومشينا الحراس فتحولنا البوابة بدون ميحجون أي شي ودخلنا عالبيت
فتنا من الباب الرئيسي واحنا نسولف ونضحك منتظرين رزالة من مراد واني اگوله من وراك وهو يگلي انتِ السبب لهيتينا ونسينا الوقت
اول مفتنا للصالة صارت بوجهنا بنية گاعدة عالتخم لابسة شورت قصير وتيشيرت قصير بطنها طالعة عينها لاهية بالتليفون حاطة رجل على رجل ممنتبها النا
لحد ما هو حجى بأستغراب
ميشيل :- ريتا ؟
14 تعليق
رفعت راسها بسرعة باوعت للمكان واجت عينها علينا أول مشافته عافت التليفون من ايدها وگامت بفرح سلمت عليه وباوسته
- من امتين وانتِ هون ؟
ريتا :- هلئ لحتى وصلت ليك الشناتي ..
حجتها وأشرتله على جنطتين سفر كبار يم التخم
- بس حد علمي لسى السنة الدراسية ما خلصت شو اللي جابك لهون وتاركة دراستك
- في عنا عطلة نظامنا فصلي نحنا مو متل اللي هون وكمان اشتئت للبابا كتير نزلت دغري على بيروت
مدت راسها باوعتلي :- شو مين هالبنت ما بدك تعرفني عليها ؟
اندار :- آه هي بان متدربة عندي بيّك كلفني بتدريبها
2 تعليق
مدتلي ايدها بأبتسامة :- بونسوار يا حلوي انا ريتا
صافحتها ورديتلها الأبتسامة مجاملة
گعدوا عالتخم يسولفون مبينين على معرفة قديمة وعلاقتهم حلوة البنية رغم لطافتها وترحيبها بيَّ بس حسيتها متضايقة مني ومراغبة وجودي
انسحبت منهم وصعدت ليفوك وهم لاهين بالسوالف
اخذت ملابس وفتت أخذت شاور سريع دافي رخت عظامي عليه طلعت لابسة تراك بهاري نشفت شعري ومشطته وعيني صارت عالتليفون اللي عالميز
اخذته باوعت بيه ماما مراسلتني دزيتلها مسج أطمنها عني وشفت محادثة مآب كومة مسجات بس مدخلت
17 تعليق
عفت التليفون من ايدي وتمددت عالجرباية رجلي متكسرات من الفرة وجسمي كله گام يون عليَّ طلع التعب مال يوم
توني غمضت عيوني وسمعت صوت عالي جاي من جوة
جفلت بسرعة وطلعت اشوف شكو نزلت الدرج
لگيت مراد واگف وصاير عصبي عالبنية وهي واگفة بظهر ميشيل وتبجي وجها صاير أحمر دم
مراد :- انا ما حكييييييت ما في تنزلي على لبنان ؟ ليه كسسسسرتي كلمتي كيف بتجي بلا ما تخبرييييييني
طلعت من ورى ميسيل وصارت گدامه تحجي بأنفعال
گالت :- شو بدي أعمل إزا انتَ لاهي عني ومو سائل على حدا فكرت أجي لأعملك مفاجأة هيك بتستئبلني ؟
- فيييييي تلفن بتمسكيه وتخبريني انك جاية مش هيك بلاقيكي بوجهي لأ والحلو جاية لحالك وبنص الليل
33 تعليق
- خبرت الماما وعندها علم إني هون
- امك في الها حساب معي انا بفرجيها وانتِ ما بتضلي دقيقة وحدي هون هلئ بحجزلك على أقرب طيارة وبترجعي من وين ما اجيتي
- أنا ما راجعة وخلصنا راح ضل هون عاجبك ؟ منيح مش عاجبك ؟ كمان منيح
- بدك تكسري كلمتي ؟ ما بقى تعيديها الكلمة كلمتي وبتتنفذ متل ما هي بالحرف فاهماني ؟
5 تعليق
كتفت ايدها لصدرها بعصبية آثار دموعها على خدها بس جانت تتصرف بعناد وتتراوغ وياه ممنطيته مجال
لحد ما تدخل ميشيل وفض الموضوع بيناتهم وفهمه ان عندها عطلة وجاية حابة تغير جو شوي عن الدراسة
شبه اقتنع وعافها بس جان واضح متضايق من جيتها ميشيل يباوعلي وأشرلي على گصته بتعب منهم
راحت گعدت يمه تتحايل عليه
ريتا :- آسفة يا بيي ما كان قصدي زعلك بهالطريئة عن جد فكرت انك رح تفرح بشوفتك الي ما خطرلي تكون ردة فعلك هيك
11 تعليق
- يا عمري مين قال اني زعلان منك ؟ انا كل القصة شايف الوقت مش مناسب لهالزيارة
2 تعليق
- يعني شو بدكياني ارجع هلئ ؟ هيك ببساطة ؟ طب وما بتشتئلي ؟ ما بتزعل عفرائي ؟
35 تعليق
ضحك واخذها لحضنه :- يا محتالة انتِ تعي لهون كيف ما بتشئلك شو مفكرتيني حجر
6 تعليق
حضنته حيل وضلت راسها بحضنه وهو وجه كلامه النا
مراد :- وانتو شو قصتكن ؟
باوعنا واحد بوجه الثاني بأستغراب
- شوفي يا بيك شو عملنا
- بتعرف عن شو عم بحكي ما تحاول تتغالض عليي ميشيل اللي عملتو اليوم ما عجبني وما بدي يتكرر
- إيه معك حق زودتا شوي هيك بس شو بعمل الحارس تبعك كان واقفلي متل جبل مش قادر حرك اصبع بس لما فل فتح الهوا واخدنا راحتنا اكتر واشتغلنا شغل بيجنن اليوم
اندارلي :- ما هيك مودموزيل ؟
هزيت راسي بأبتسامة مزيفة ولا يستقر شبير البداخله مراد ما حجى شي بالعكس شفته مكيف عباله صدك مشتغلين وهالكين روحنا ميدري فرينا الحمرا واجينا
11 تعليق
شال جنطته خلاها على كتفه گال :- انا بستأزن هلئ بدكن تسمحولي
ريتا :- لوين رايح بعدو الوقت بكير خليك شوي
- عن جد ما تواخديني بس كتير تعبان اليوم الشغل قصملي ظهري ما تحركنا من محلنا رح روح ريح شوي
12 تعليق
مراد :- خد راحتك وارتاح منيح وخلي الشوفير يوصلك
رفع ايده :- تصبحوا على خير
اندارلي وغمز :- بشوفك بكرا مودموزيل
2 تعليق
هزيتله راسي وراح طلع وعيون بنت مراد جانت تلاحگه
باوعتلي مستغربة واندارت لأبوها تسأله وتأشر علي
ريتا :- وهي بدها تضل هون ؟
1 تعليق
هز راسه بدون ليجاوب
باوعتلي وزاد استغرابها :- بس ليه ؟
- البنت بتخصني في عنا شغل مشترك بيناتنا ما تدخلي انتِ بهالأمور وتوجعي راسك ..
باسها بخدها وگام :- يلا حبيبتي اطلعي ارتاحي بغرفتك انا رح خبر الخدم ينضفولك الغرفة ويطلعوا الشنط لفوق
- ماشي يا قلبي تصبح عخير
أخذت تليفونها باوعتلي نظرة أخيرة وصعدت
انداريت لگيت مراد يراقبني
گال :- خلي كلشي بيناتنا ما بدي اسمع انك فتحتي سيرة الشغل قدامها لانُ أزا وصلني شي بتعرفي إنُ في تبعات ما رح تعجبك
تنهدت وهزيت راسي انداريت ومشيت صاعدة للغرفة
... 《 نورجان 》 ...
بيوم اللي رجعنا اني وياه من البستان جانت ايدي بأيده
أول موصلنا للبيت تلگونا الخال فدار وولده مؤتمن ومآب وعمو تيم واگف على جهة ايده بجيوب بنطرونه واگف يمه اخوه سلام يحجي وياه وهو يهزله راسه
أول مشافوا شبير الخال انهد بيه وصاح عليه أشرلي افوت جوة من شفت الجو متوتر رحت أركض بلا صوت
دخلت بوجهي عالمطبخ لگيت ماما واگفة دتباوعلهم من الشباك وترفع بروحها تريد تشوف شديصير بينهم
نورجان :- ماما شديصير
نزت واندارت ايدها على صدرها
گالت :- خرب يومج جفلتيني غير تسوين صوت
5 تعليق
جانت أضوية المطبخ مطفية بس ضوة خفيف عاكس من ضوة الحديقة لشباك المطبخ رجعت تباوع عليهم
سألتها :- شكو ليش الخال والولد ملتمين
- من دخلتي هم سمعتي شي حجاية منا منا
- لا بس عمو فدار أول مشاف شبير گام يصيح عليه
- عزة بعيني يدورون المشاكل دوراة هذول
- والله دخت فهميني شكو عمو ومآب شجابهم لهنا هم مو بـبغداد
اخذتني وگفنا على جهة وجانت تحجي بصوت ناصي
شدن :- فدار جايله أتصال من سالم يتهدد ويتوعد وأصلخ وأذبح يابة شكو ؟ ولدك لازمين نسيبي مكسرينه وشامريه بالشارع
24 تعليق
- ولده ؟ يا ولد ؟
- شبير ومآب منو غيرهم
- عززة شوكت هاي شو ما أدري
- يحسرتي هو انتِ شتدرين مراقبين ستار وهو طالع من بيته يريد يروح لدوامه انزلوا اسحلوه واخذوه لخرابة محد بيها منزلينه مكسرينه تكسير مسوينه دماية وعايفينه بمكانه صاعدين سيارتهم ورايحين
32 تعليق
- عزززة شو شُبير مگلي
- هم عايز يحگلج الج المفضوحة
- بس هو مرايح لبغداد طول الأسبوع ينام هنا
- رايح بنفس اليوم متفق هو ومآب منطينه المقسوم وراجع لهنا
ضليت صافنة بكلامها رجعت عينها عالشباك
گالت :- يا خوفي السالفة تكبر تهديدات موگفت لتليفون فدار كل شوي مخابره واحد ضم ولدك والزم ولدك كله من هذول الزوج ولا يگعدون راحة يدورولهم حجة
4 تعليق
تملكني الخوف من كلامها حست عليَّ وطمنتني ماكو شي بس اني وياها نعرف السالفة مراح تعدي على خير
صعدت للغرفة انتظرته طول بالساعة يلا صعد فات ضايج وعاقد حواجبه وگف يبدل ويطلعله ملابس
مشيت وگفت يمه عيني مشلتها عنه اندارلي مستغرب
شبير :- شبلاج انتِ اللخ مالي خلك اسمع حجاية وحدة ومحمد عوفيني بحالي
ما اهتميت لكلامه وتقربت وگفت على رجله ورفعت نفسي على أطراف أصابعي بسته بخده بوسة طويلة
15 تعليق
حسيت عليه هدئ وأنفاسه ثگلت وخرت راسي أباوعله
حجيت واني مترددة :- بسطته علمودي مو ؟
5 تعليق
عقد حاجبه وسند ايده عالكنتور حاوطني ومدنك عليَّ
- منو گصدج ؟
حجيت واني مترددة :- بسطته علمودي مو ؟
عقد حاجبه وسند ايده عالكنتور حاوطني ومدنك عليَّ
- زوج عمتي ستار
- وشمدريج ؟
- ماما سولفتلي
عض شفته :- خوب خالي انعدى من العندي صاير ميضم حجاية بحلگو گبل يروح يزتها يم أمج
6 تعليق
مد ايده جوة وجهي يمرر ابهامه على شفتي على كيف
گال :- وتراب أمي الما حالف بيها چذب بيوم الدحگتج راده وآثار الضرب تارسة وجهج المفهي وانا النار شاعلة بصدري بساعتها اجيت اخذ سلاحي وأهد عليهم لوما خالي وتيم گاضبيني جان ارتكبت بيهم جريمة
عض شفته :- خوب خالي انعدى من العندي صاير ميضم حجاية بحلگو گبل يروح يزتها يم أمج
مد ايده جوة وجهي يمرر ابهامه على شفتي على كيف
- تخوفني من تحجي هيج
- عش يولي كل هذا لجل منو غير لجل عيونچ ؟
4 تعليق
- ما أحب هيج ماريد تتعارك وتضرب بالناس من وراي
3 تعليق
- انتِ حرمتي يولي التنمد ايدو عليج اكسرها الو ان جان زوج عمتج لو غيرو وحتى هذا عمج الگواد ضاملو ضمة ما ناسيه بس هين يصبرلي شوي
- ما أحب هيج ماريد تتعارك وتضرب بالناس من وراي
- انتِ حرمتي يولي التنمد ايدو عليج اكسرها الو ان جان زوج عمتج لو غيرو وحتى هذا عمج الگواد ضاملو ضمة ما ناسيه بس هين يصبرلي شوي
مشى عني نزع ملابسه المبللة ولبس غيرهم وهو يحجي
- عجل يخابر بالخال ويهدد شحاسب روحو هالحرمة واحدهم بطول قندرتي يمشون بچلمة حرمة سايبة تگلهم عيشوا يعيشون تگلهم موتوا يموتون طمام العار الطمهم من زلم اي والله
هو يحجي ويتوعد شافني ساكتة ومبين عليَّ الخوف
اجاني لزم ايدي وباس راسي :- وعيونج ماكو شي لتخافين كلو حجي عمامج بوخة ما يگدرون يسوون شي
54 تعليق
نمت ذيج الليلة واني مطمأنة من كلامه ومر كم يوم الوضع جان هدوء الخال ببغداد بس مآب مخلاه يرجع
بيوم واحنا راجعين من الدوام بسيارة عمو تيم جنت لازمة الورقة الضحكة تارسة وجهي الفرحة مسايعتني
أول مدخلت السيارة جوة البوابة ووگفت فتحت الباب ونزلت أمشي بسرعة حتى غراضي عفتهم وراي
وعمو تيم يصيح علي :- على كيفج يولي لا توگعين
عفته ينزل در من السيارة ومشيت فتت للمطبخ صارت بوجهي عمة شيخة سلمت عليها ورفعت الورقة بوجها
عقدت حاجبها :- شنو هاي ولج
نورجان :- شوفي عمة أخذت ٩٤ بالرياضيات
ضحكت لضحكتي وباركتلي شاركتني فرحتي ولگيت شبير هم گاعد بعده بملابس الشغل يفر بالسويچ ويباوع
گال :- هاي شنو يولي صايرة تقرين من وراي
رحت يمه بسرعة اشوفه الدرجة
شبير :- ويلي يربك اينشتاين منو احنا عدنا الصفرة الرياضيات منها وتعزل يابا
گرص خدي وهو يگول :- عفية بمرتي عفية رفعتي راسي بين العشيرة
أدري بيه جان ديضحك عليَّ بس مخليته يخرب فرحتي بساعتها خبصت البيت خبص ياهو الأشوفه أطلعله الورقة حتى أشوفه الدرجة
فات علي من جوة عالمطبخ
علي خيبر :- يول گالوا عتذبحون ذبيحة صدك عود ؟
شيخة :- منيلك هالحجي ياهو الگال
- غير حرمة عمي جايبة تسعين بالرياضيات عبالي عمي يذبحلو ذبيحة ونعزم العشيرة
شبير باوعله صفح :- عيدور براسي ذبايح من هسع ابو راس
عمو تيم ماخذ در وفايت من باب الصالة وماخذها گبل لغرفتها سامع صوتنا بالمطبخ اجانا شافنا باس عمة من راسها وگعد يسولفون هو والولد على شغلهم
اندار شبير لعمة :- عمة هسع هاي شسويلها أحنطها لو أخليلها إطار واعلگها بعتبة الباب خاطر اليدخل للبيت تصير بوجهو واليسأل شنو هاي گلولو مال حرمة شبير
جان ديقصد على ورقة الأمتحان اللي بيدي
علي خيبر :- اي عمي واذبحلك ذبيحة تطرد العين عنها
- غير ينچب شلزگت بالذبيحة
- يلا ان شاء الله بعد كم يوم عتجي جايبتلك ورقة قبولها بكلية الطب
اندارلي فاتح عيونه :- يول بس لا تريدين تصيرين دكتورة ؟
علي گله :- ايه تايخلوها تروح تلم الواجب للحريم التجيب
ضجت ودرت وجهي منهم وخرت شعري على جهة بملل
شبير :- هاه دحك الحركات
تيم الله :- كافي وتالي ؟
علي خيبر :- هسع ما راح تذبحون ذبيحة ؟
شبير :- هذا شلون راح أگوملو أقدمو قربان بثواب الموتى
عمو صاح :- اثنينكم اذا ما سكتوا وعديلة مريم أگوم ارگع راس براس كافي انكتموا لحيتوا زايد
صدك سكتوا وبعد محد حجى مريت من يم علي طلعتله لساني أعيب عليه وركضت لغرفة ماما
فتحت الباب وفتت لگيتها گاعدة دتخابر اندارت شافتني وابتسمت سديته ورحت يمها وأسمعها تگول
شدن :- هيانها توها رجعت من الدوام ..
حجتها ومدتلي التليفون واني مستغربة اخذته منها خليته على أذني حجيت ألو اجاني صوتها
شهربان :- شلونك تويتي الصغير
دموعي صارت تنزل لا إرادي ايدي ترجف حتى نبرة صوتها متغيرة عليَّ للحظة حسيتها شخص ثاني
باوعت لماما أشرتلي أحجي عاد انهديت بيها واني ابجي
11 تعليق
نورجان :- شلون تسوين هيج ومتسألين علينا شلوون انطاج گلبج تعوفيني وترحين غير تاخذيني وياج ؟
ماما ضربت گصتها وشبير من الباب اجاني صوته
شبير :- تاخذها وياها بكيفها هي
- اسكت انتَ معليك
فتح عيونه :- دحك الصفرة دحك استفحلت بس جابوا طاري الكلفه گدامها
اجاني صوتها گالت :- هذا شبير يمج ؟
- اي
- افتحي سبيكر دا احجي وياه
62 تعليق
فتحت سبيكر وأشرتله تريدك اجه جر كرسي مقابيلي وگعد عليه واني عالجرباية ومادة ايدي التليفون بيناتنا
شبير :- ها بان مكينة
- هلو شبير
- هلا بشهربان .. هلا بصكارة الغمان .. هلا بشاهينة النسوان
ضحكت :- يا يابة سويتلك صيت بلبنان أمشي وأصيح شبير المرجف الزلم
14 تعليق
- عفية عفية سويلي سمعة يم اللبنانيات گبل لا اجي
خزرته :- شُبيرررررر
- ها يولي
- بعد لتعيدها
36 تعليق
بان :- الزگة شو هاي سكتتك يالمرجف الزلم
- هاي حدرها انا اگوم أرجف ليغرج منظرها المفهي بكل جمعة عائلية تذب حجاية تخلي طشارهم مالو والي
46 تعليق
- دواك هيج
- شو انتِ جاية گالبة علي وحادة سنونج عش هيج يول
- دا اطمأن على اختي قبل لا اجي وآخذها منك
- دحگي بان انا رايد مصلحتج اخذيها مني وضلي بمكانج لا تجين ولا تصلين لهين متفقين عليج تايسون قتلج عمل شعبي كلها متحلفتلج من رجلج لعمامج وعمتج ذيج البربوك حتى خالي
- أشكرك وفر هالنصيحة الك وعينك على اختي منا لبين ما أرجع آخذها منك ويا ويلك لو اسمع بيك مزعلها
نورجان :- اي بان والنبي بس يتنمر
فتح عيونه :- لا يولي هاي أسرار دولة تبقى بيناتنا عش هيج
كملت :- وذاك اليوم لگفته ديراسل بنية بالموبايل
خلى ايده على وجهه :- زتيهن زتيهن لتخلين شي
بان :- الغبرة أقرب تحفية يمج وأنومها براسه
رفع راسه بسرعة :- لا تحجين هيج گدامها تروح تصدك وتسويها
- ومنو گلك اني دا أشاقة دا احجي صدك ترى
- يول ضلي هناك لا تجين
- دخلي أرجع ويصير خير إذا مخليتك بحسرة شوفتها
باوعلي :- دحگي نورجان هاي اختج هجامة بيوت لتسمعيلها تاتخرب بيناتنا
- نورجان سويها عني عليج النبي ودگيله دبل ڤاليوم بالأكل خلي ينام واخذيله شواربه بموس خليه يحرم يعتب برة باب البيت ديعيد أمجاد خاله
گام وصاح :- سدي التليفون يولي هاي شوي وعتگلج نفطي البيت واحرگيه هو واللي بيه
- تحرگك انتَ اي البيت شعليه شتورث من وراك لعد
گام يشيل روحه ويرگعها وماما فاطسة ضحك عليهم
- يول انا مرتي فقيرة لتفتحين عينها على سوالف الحياية
أخذت التليفون وانسحبت منهم ضلوا يحجون هو وماما واني صعدت لغرفتي احجي ويَّ بان بالساعة عاتبت وشكيت وضحكت مخليت شي بگلبي
آخر شي گالت :- نورجان حبيبتي ديربالج على نفسج واسمعي كلام ماما وشبير ولتحتكين بأحد من گرايبهم
- شوكت حتجين ؟
- مضل شي بس كم يوم تلگيني يمج
- استعجلي بان اشتاقيتلج هواي
سكتت مردت حاجيتها :- ألو بان دتسمعيني
- اي وياج ..
جان صوتها مخنوك سلمت بسرعة ووصتني على روحي وراحت باوعت بالتليفون وهو بيدي والدمعة بعيني
رغم شگد حجينا وسولفنا بس أحس بغصة بداخلي وهي بعيدة عني صار فترة حيل طويلة واني مشايفتها
فات شبير شافني گاعدة ابجي
صاح :- يول لا تسودنيني هسع عفتج تضحكين وتسولفين ويَّ اختج
- اشتاقيتلها
اجاني اخذني لحضنه :- هانت يولي هانت مو سمعتي امج گالت هالأسبوع عترد لهين واشبعي منها ساعتها
15 تعليق
وخرت منه ومسحت دموعي واني أباوعله
گتله :- بس بعد لتحجي وي بنات
- هسع شجاب هاي على هاي
- اي اني گتلك ترى اسوي الگالتلي عليه بان
53 تعليق
- ياهي منهن هي هواي علمتج الحرك لو التحفية
- لا أزين شاربك وانتَ نايم
صفك ايده :- داحت الفحلة داحت گلبتها علي المتخاف الله
- لتحجي عليها ما أقبل
- هين هجامة البيوت هاي دخلي ترد إذا ما خليتج تتبرين منها انا مو شبير
مر يومين ووصلنا خبر من بغداد ترقية للخال وراح يترفع رتبة وأهل بيته وعمو تيم مقصروا من سمعوا بيه جاي للغربية حضروا الذبايح ومسوين عزيمة كبيرة
بيومها كلنا التمينا عند بيتهم الحديقة جانت متروسة زلم گرايبهم وجماعتهم وكلها رتب واحنا النسوان بالبيت
قبل لا نروح عمة شيخة لزمتني توصيني
شيخة :- دحگي ولج نروح هناك مو ياهي التلزمج تگعدين تحجيلها الجواج والفوگج ويروحن يجرجرن لسانج أعرفج انا تعطين الچلمة حارة ومگسبة
- لا والله أبد ما أحجي
- اي عفية اللي هناك مكيودات وانتِ فطيرة ما عتعرفين لسوالفهن خليج وياي لو تگعدين يم امج لتفارگينا
شدن :- شحدها ألزمها أصبها صب بصفي
من رحنا هناك استقبلونا بالهلا والمرحبا وخاصة ماما جانت أول مرة تفوتلهم والأنظار جانت عليها اول مرة يشوفوها گرايبهم عدا مرة الخال ومرة سلام
اخذتها سعاد من ايدها أول موصلنا هناك وصارت تعرفها عالموجودات وتعددلها بالأسماء واني گعدت يم عمة ودر
جنت ضايجة ومبين عليَّ حيل كلهن بنات بگصتي يفترن ويسولفن ويضحكن واني ميخلوني أتحرك
در شافتني أشرتلي اجي يمها وگعدنا نسولف
در الزهراء :- عش ضايجة ومادة البوز
75 تعليق
- مديخلوني أگوم
گالت :- لتزعلين حتى عمتي متخليني اروح لوحدي يم خالاتي تگلي يبوگن لسانج وانتِ فاهية بسرعة تكتيهن
- ما أحب هيج اختنك قابل شراح أحجي
اندارت لعمة شيخة اللي ملتهية تسولف ويَّ نسوان عمومتهم الكبار واستأذنتها حتى آخذها ونروح يمهم
باوعتلنا مترددة گالت :- روحن بس لا تغفلن من عيني كل شوي طلن تاشوفجن
32 تعليق
در :- صار
باوعتلي :- يلا نورجان
گمت مكيفة لزمت كرسيها ومشينا طلعنا من الصالة بستها بخدها وهي تضحك عليَّ اندمجنا يم البنات سوالف وضحك كلهن حبابات خاصة بنت عمو فدار
عنده تلاثة اثنين منهن متزوجات والصغيرة تدرس بالعشرينات يجوها ناس بس منطاها مثل ذنيج لأن الصغيرة والمدللة ولده الكبير مؤتمن والبعده مآب
واثنينهم متزوجين نسوانهم حبابات مرة مآب جانت بعمري وحيل ناعمة تبين بعد أصغر وملامحها تخبل
62 تعليق
بيته بعد أكبر من بيت عمو تيم موفرلهم كل سبل الراحة استغربت عايف هالعز والخير وگاعد ببغداد
حتى مآب مكان شغله محوله هناك ويَّ ابوه ميفارگه أبد وكل نهاية اسبوع يجولهم يوم واحد للغربية يشوفون أهلهم ويرجعون ثاني يوم لبغداد علمود شغلهم
سمعنا صوت هوسة ورمي من برة گالوا اجه الخال مرته ونسوانهم الكبار طلعن للحديقة وياهم يستقبلنه واحنا نباوعلهم من الشباك ذبحوا جوة رجليه ذبيحة درت وجهي كاشة من المنظر وأخذت زاوية بعيدة عنهم
باوعتلي صفح :- ها شبلاج انرديتي ورى
83 تعليق
- لعبت نفسي
إبتهال :- ايه دحگنا العيارة عود انا مدلعة دحگوني
صفنت عليها من حجت هيج ماما جانت واگفة سامعتها
شدن :- ليش تحجين وياها هيج شنو هالأسلوب البربري هذا ؟
- من ساعة ما دحگناها وهي تتعاير بناتنا كلها تعاون ما شفناها اجت وهزتلنا شوي من طولها
36 تعليق
- هي خطار هنا ترى أهل البيت هم المجبورين يگومون بيها ويشيلوها بالصلوات انتِ معليج دادة
فاتت فرحة من برة :- عجل شناگصها ايد رجل لو مدت ايدها تاتعاون البنات
- إذا ساعدت لو لا هالشي راجعلها هي وفضل منها ممجبورة تشله ردانها وتتشكل بالمطبخ عود شوفوني اني نادرة وام بيت
حجتها واجت عينها على إبتهال اللي اجت تطك منها
64تعليق
سهاد :- عجل وترديهم يگولون حرمة شبير عوبة وما منها نفع ؟ احنا ما نقبل هالحجي على مرة اخونا
مدت ايدها سندتها عالكاونتر ضاربة عكس مايلة جسمها
شدن :- بناتي صح بزرة دلال ومعلمتهن عالتبذخ والصرف بس مو عوبات عالطبخ جيبيلي اليطبخ بمثل طبخهن ونفسهن الطيبة عالندارة والتنظيف تلگيهن يلمعن من فوك ليجوة هن والمكان الگاعدات بيه
تقربت شاورتها :- ماما ليش تكذبين بان متعرف تطبخ
44 تعليق
گالت :- دسكتي الخوثة اسكتي فوك مدا أكبر راسهن گدام الحياية بنات الصخلة
من شافنها ممنطيتهن مجال وترد الكلمة بعشرة سكتن منها وعافنها والتهن كل وحدة بشغلها انخبصن خبص
الزلم برة بدوا يصبون الهم والجوة بدن يحضرن سفرة للنسوان وصارن يصبن بالغدة ماما گادتني ورحنا يم عمة
مدوا سفرة طويلة بالصالة وحطوا صواني كبيرة والتمن كلهن گرابتهم ونسوان غريبة من بعيد جاية وبناتهم
ماما گاعدة بصفي وتباوع للأكل أعرف نظرتها هاي
84 تعليق
اجت مرة مآب تشوف النسوان صاحتها
شدن :- اوگفي يحلوة
اجتها تركض :- گولي عمة
- فدواتج أكلكم هذا كله دهن ودسومة معدتي متتحمله إذا عدكم أي أكله خفيفة بيها زيت قليل صبيلي شوي بماعون ولو أزاحمج
- لا يا تدللين هسع أجيج
91 تعليق
راحت بسرعة حركتها جانت خفيفة وماما تباوعلها
- هالبنية شلون نعومة وكتكوتة شلون مآب عايف هالجمال ومگابل شغل ابوه ببغداد
عمة شيخة گاعدة بصفي واني صايرة بينهم سمعتها
68 تعليق
نصت صوتها وحجت :- مو حجينا ردنا انقل شغلك وحول هين بالأنبار ما سمع لأحد
- ليش عود وهي شلون قابلة بالأسبوع مرة تشوفه
- عمت عيني جابرينو عليها إلا هو ما رايد يتزوج وهي خطية دحگيها شلون بنت ترد الروح مثل نسمة الهوا طول وحسن وأدب بس جيبي اللي يقنعو بعد
- عزة وشلون يجبروه بهذا وكتنا البنية متنجبر مو عاد شاب طول بعرض وخاصة المثل طبع ولدكم صعبين وراسهم يابس
- هاي بعد شبيدنا نعمل غير عندعي الله يهدي سرهم ويهديه عليها
اجت البنية جايبة ماعون كبير بيه تمن أبيض وعليه شعرية وصدر دجاج خلته گبال ماما
گالت :- عمة هذا الدجاج بس سلك بدون دهن وما خليتلج عليه سوب
- فدوة لگلبج تعبتج
46 تعليق
- من عيوني
ماما أكلت خاشوگتين منه وعافته مثگلت بالأكل روحها صايرة بجسمها دايت ونظام صحي ورياضة مهاملته ابد
عاد شفتها عافته أخذته اني منها أكلته ..
76 تعليق
ورى الأكل بدت الناس تخف وگرايبهم اللي من بعيد راحوا ضلوا بس المقربين وهذول لحالهم عشيرة
گالوا للبنات تتغطى الخال يريد يفوت يسلم على أهله
تسترن كلهن وفات من المطبخ تلگنه بالهلاهل والأحضان وهو ماخذ بنته وخوات تيم لحضنه حيل يحبهن وسلم عالباقيات من بعيد شافني واگفة على جهة أباوعلهم
ابتسملي وفتحلي ايده رحتله باس راسي ويسألني عن أحوالي واني أجاوبه باوع للموجودات ورجع سألني
فدار :- يول امج هين ؟
43 تعليق
هزيت راسي تنهد براحة وأباوع العيون كلها تجدح علينا
فات جوة للصالة سلم على عمة شيخة وماما باركن اله على الترقية وگعد يمهن وفاتوا الولد وراه التموا بالصالة
رحت گعدت يمهم شفت شبير ومآب يتنادسون من جوة لجوة تقربت عليهم صايرة بظهرهم ميشوفوني واسمعهم
مآب :- واحد مثل هالجربوع يمان يضحك عليك امداك اي والله
14 تعليق
وشبير يگله :- شعسوي أخذني غدر بالصورة
- بس لا اخذ منك رصيد ؟
- لو باقي يومين اكتبلو جارجر باسمو
31 تعليق
- وگالك جاد ومسوي تاتو ؟
- آخ ذوقي
ضحك وانطاه غمه :- طاح حظك وحظ ذوقك
- دخليني اگضبو إذا ما طلعت الكارت من عيونو هالسز
- فلت گبل لا تفض العزيمة
- مو يدري متحلفلو بس اگضبو أگضي بيه التوبة
فاتت ماما تعدتهم طلعت من الصالة
گله :- بشرفك دحك هاي ذوق منو ؟
47 تعليق
مآب :- ذوقي وذوق ابوي
- هاي ذوق العندو ذوق
عفتهم ورحت ورى ماما شفتها دا تدور على جنطتها أخذتها لزمتها حجيتلها كل الحجي السمعته
شفتها ضاجت گالت :- اني گعدتي هنا صارت بعد مترهم من الأول جان المفروض ما أجي
مشينا للصالة فات عمو تيم رفع ايده وسلم ردوا عليه
أشرلهم :- يلا ول يابا طشوا خلوا خالي يرتاح
فدار :- دتعال اگعد بعد وكت
- لا خالي هم يالله أرد اتحظر وراي روحة من الغبشة لبغداد
- شعندك ؟
- طلع اسمي بالخدمة بالعتبة ومناك أروح اشوف صدر الدين عدنا شغل
ماما سمعتهم گالت :- لعد اني هم أروح وياك بس گولي بيا ساعة حتى أتجهز
باوعولها اثنينهم نفس اللحظة
فدار :- وين تردين يولي ؟
- أرجع لبغداد گعدتي هنا صارت صعبة بعد ومراهمة وهم أشوف بنتي وين صارت يجوز تنزل بمطار بغداد حتى أستقبلها مناك
- دگعدي بابا عود بيومها انا آخذج ونروحلها للمطار
- لا لا والله ما اگدر أرجع هم اشوف شغلي شوضعه أرتب اموري أشوفلي شقة نگعد بيها
ضل صافن بوجها :- صدك تحجين ؟
- وكلام الله شبيك
تيم الله :- شصاير سامعة حجاية ؟ أحد مضوجج ؟
- الله شاهد مشفت منكم إلا كل خير ان جان انتَ او أهل بيتك بس اني دا أستصعبها على نفسي ووضعي دا أشوفه مخربط وانتوا هم حتى تاخذون راحتكم أشوفكم متقيدين من وجودي
- دگولي يا الله شلج بهالحجي
- لا أبد والله لتحاول ..
ضلوا يحجون وياها الخال وعمو تيم من جهة وعمة شيخة من جهة ثانية وهي قافلة سدتها بوجهم
الخال من شافها ميبسة راسها اندار على شبير
گله :- دحك يولي من باجر تاخذ مفتاحك وتروح تفتح بيتك وتأثثو اخذ حرمتك وامها گعدهن بيه تاياخذن راحتهن
23 تعليق
شبير :- البيت بعد بيه شغل خالي وكهربائو ما كاملة
- عجل تطلع عليه عمال تايكملونو وشناقصو الولد وياك عتخلصو بسرعة ماريد السالفة تطول شبير الأسبوع الجاي أرد هين أشرب استكان الچاي ببيتك
هز راسه وما ناقش گله :- تأمر يالچبير
ماما حاولت تعترض الخال ما انطاها مجال تحجي
گلها :- بلة انتِ اگعدي واسكتي ما عايز دوخة راس
سكتت منه مخلالها مجال تحجي واني عيني على شبير وهو مندمج يسولف ويَّ ولد خاله انتبهلي أشرلي اروحله
گال :- شبلاج لج
نورجان :- عود ليش مگتلي عندك بيت
تعليق 56
حك گصته :- عش انتِ متدرين
- شنو ؟
- هذا البيت جان وقف عند الحكومة من شافوا الخال وتيم شلون يعاملوني وحارميني من الورث گاموا عطونياه وسجلوه بأسمي گلولي اخذه انتَ تستاهل
صفنت :- صدك عود ؟
3 تعليق
- وحك هذا إستكان الچاي بعد
اني صايرة بصفه لطش ونسولف بيناتنا محد يسمع أدير وجهي واشوف غادة گبالنا عينها علينا الوجه مدخن
شافني وين أباوع گال :- عينج يولي
- ليش دتباوعلك ؟
- اششش عوفيها ختولي
غادة :- هذا المحبس البيدك شنو نوعه مبين للرزق
43 تعليق
باوعلها گلها :- مال نسوان
ضحكت مجاملة بس مبين ضاجت رده جان جاف وياها
رجعنا للبيت بالليل كلمن طش لغرفته اني دخلت أخذت شاور سريع وطلعت لابسة ملابس خفيفة للنوم
نشفت شعري وضفرته ضفيرتين وتعطرت مددت عالجرباية لازمة بطني شبير جان ملتهي عالتليفون
اندار :- شبلاج حبيبي
- ما أدري شو بطني دتوجعني
- خاف الشسمها ..
ضربته بچتفه ضحك طفيت التيبلام البصفي وخليت راسي عالمخدة دايرة وجهي منطيته ظهري دقايق سد التليفون واندار حاوطني من وره لطش روحه ونمنا
فزيت ورى كم ساعة على وجع فضيع ببطني گمت لازمتها شبير نايم ذاب روحه من التعب ما حس علي
طلعت من الغرفة گعدت عالدرج لازمة بطني متأذية دموعي تنزل انفتح الباب البراني وفاتت عمة بالإيزار
سمعت صوتي تتلفت شافتني واجتني بسرعة بخوف
شيخة :- شبلاج ولج عش تبجين
- عمة بطني بطني موتتني من الوجع راح أموت
21 تعليق
حجيتها وشهگت وهي تسمي عليَّ وهم جان عبالها الدورة وسألتني عليها جان موعدها قريب راحت شوي ورجعتلي جابتلي حبوب مسكنة للألم شربتهم وصعدت
تمددت دموعي بعدها بعيني وغمضت حاولت أنام لحد ما هديت شوي شوي وغفيت ما أدري بروحي
الصبح گاعد شبير سابح ومتحظر حتى يروح لدوامه شافني نايمة وراي مدرسة جاي هازني مصيح رايد
ما أحرك لا أيد ولا رجل دارني على ظهري فز شايف وجهي صاير أزرك شايلني ونازل يركض ليجوة
54 تعليق
... 《 شهربان 》 ...
گاعدين عالساحل البحري أباوع للجهال وهي تلعب الناس تمشي البياعين يفترون وهواي ثنائيات يتمشون
عيني على الكمبيوتر صابة تركيزي عليه وميشيل يوجهني بالكلام ويشرحلي ايدي أخذت عليه
شوفته ضحك بصوت عالي صاح :- براڤو
سداه وأخذ بطلين مَي انطاني واحد وهو شرب
32 تعليق
گال :- يا بنت شو هاد اسم الله عليكي اللي بضل شهر علمو للمتدربين اللي بالنادي انتِ بتشبكيه بيوم بدي بلش خاف عشغلي منك لانُ شكلك رح تفتحي نادي لحالك قريبًا
- ديلا عاد لتبالغ
رجع شرب شوي وفتح عيونه :- والله عن جد ما عم بمزح انتِ سريعة وذكية بتلئطيها عالطاير وعملنا شغل جبار بالأيام اللي فاتت
كفش شعري :- عن جد فخور فيكي
وخرت ايده متضايقة :- استغفر الله وبعدين ميشيل مو گلنا بطل هالحركة
صار يضحك شافتنا ريتا من بعيد اجتنا بسرعة صارت گدامنا ملابسها فضيحة تكشف أكثر من ما تلبس
واني لابستلي تلث بلوزات حتى أتدفى على هالبرد
بس أمانة البنية جانت روحها حلوة ونفسيتها طيبة رغم مرات أحسها تضوج من نگعد نسولف اني وميشيل
ريتا :- شو ناطرين بدكن تضلوا قاعدين هون ؟
ميشيل :- شو بدك
- قوموا خلينا نلعب مع الولاد
حجتها وأشرت بأيدها بأتجاه شبكة مال كرة طائرة ومجموعة مال جهال واگفين يلعبون گام ميشيل
أشرلي :- يلا
بان :- انتَ هم ؟
- وانتِ كمان يلا خلصينا قومي رح ننبسط سوا
- لا لا روحوا انتوا مالي خلك
ريتا :- شبك بان يلا قومي بليز كرمالي عن جد رح تنبسطي كتير
لحوا وگوموني غصب عني رحنا يمهم وطلبنا منهم يلعبونا وياهم صرنا فريقين اني وريتا وطفلين والباقين يم ميشيل وبلشنا لعب
ضحك وركض وصراخ نسيت نفسي وياهم وتونست حيل رغم خسارتنا المخزية گدام فريق ميشيل
أشرلنا نگعد وهو راح يجيب أكل صارت عيونها تلاحگه
گتلها :- تحبينه ؟
اندارت بسرعة نكرت
- مين انا ؟ لا شو بحبو ما بحبو نحنا بس رفقا من زمان
- لتكذبين عيونج فاضحتج
ضحكت ودنگت :- عن جد ؟ هيك مبين
- كُلش واضح وحتى غيرتج من تشوفيني وياه مبينة بس لتخافين مستحيل أخليه ببالي كلها يومين وأرجع منين ما اجيت ما عندي شي يجمعني بيه
اندارت :- جد بدك ترجعي ؟
هزيت راسي اجه ميشيل جايب الأكل گطعنا سالفتنا والتهينا ناكل وأخذتنا السوالف والدنيا بدت تظلم
رجعنا بسيارة ميشيل عالڤيلا وصلنا لهناك سلم وراح
دخلنا اني وياها من البوابة تلگانا الحارس من الباب
گال :- وين كنتوا لهلئ يا مدام البيك قلب الدني عليكن
ريتا :- شو صاير في شي ؟
55 تعليق
- تفضلي لجوة هو بيحكيكي
استغربنا الوضع الحراس مستنفرين أسلحتهم بيدهم تارسين الحديقة فتنا جوة لگينا مراد يخابر ومخبوص
ريتا :- شو في يا بيي
اندار بسرعة شافنا اجاني لزمني خلى بيدي جوازي
مراد :- اهربي عبددددددد صار ببيروت.....
شكرا لزيارتكم عالم روايات سكيرهوم
