رواية العهد الفصل السادس عشر
دهب .. بتحاول تخبي جسمها الحقي يا احمد انا قولتلك كريم مش هيسيبني
احمد .. قرب من كريم ونزل ضرب فيه
فرح .. واقفه مصدومه ومش مستوعبه الي حصل
احمد .. وصلت بيك الحقره انك تتجراء علي مرات ابن عمك انت ايه مش بني ادم كل ده عشان رفضتك واختارتني انا
كريم .. فوق لنفسك هتفضل ماشي وراها ومصدق كل الي بتقوله
احمد .. انا مصدق الي شوفته بعينى ولحد كده كفايه ويطلع المسدس ويوجه ناحيت كريم
فيصل .. نزل السلاح يا احمد و متبقاش لعبه في ايد كلبه زي دي
دهب .. بتبكي و منهاره صح يا احمد انا كلبه اهلك كلهم شايفينى اقل منهم حتي وهما شايفين كريم بيتهجم عليا برده شايفيني اقل منهم هتفضله كده لحد امتي انتو مستحيل تكونوا بشر انتو شياطين وانا حاولت كتير اكسب رضاكم عشان خاطر جوزي لكن للاسف مكنتش اعرف ان عرض الناس رخيص عندكم اووي كده
فرح .. بتلمح ظرف مرمي علي الارض وظاهر منه خاتم وبتاخده علي الارض
حكيم .. الخاتم ده الي امك ادتهوني هديه لما اتجوزنا ايه الي جابه هنا
فرح .. وانا صغيره اخدته وديته لكريم
كريم .. ايوه وانا سبتك وطلعت عشان اجيبه من اوضتي
احمد .. خاتم ايه اللي بتتكلمه عليه وبيحط ايده علي الزناد
دهب .. لا يا احمد مضيعش نفسك عشان واحد حقير زي ده بس بعد اللي حصل مش هينفع اقعد معاه في مكان واحد واكيد بعد عمي صبري الله يرحمه اكيد هيرمونا بره ما خلاص ظهرك و سندك مات وكريم هيكوش علي كل حاجه حتي القصر الي فيه ذكرياتك وانا هروح معاك في اي حته حتي لو عشه من خشب
فرح .. بتتحرك وبتوقف بين كريم واحمد وبتسقف الله الله حلو اووي المسلسل ده انتي ممثله درجه اولي تصدقي انا كنت ممكن اصدقك
دهب .. بتبكي منكم لله انا ماليش غير ربنا حسبي الله ونعم الوكيل
احمد .. اوعي من قدامي يا فرح
حكيم .. احنا واقفين و ساكتين مش عشان مصدقين المسلسل الرخيص الي دهب عملته لا عشان عارفين انك معزور تشك بعد الي شوفته لكن انت متربي مع كريم من صغرك وعارف اخلاق ابن عمك يعني المفروض تكون واثق انه مستحيل يفكر حتي مجرد تفكير في مراتك فوق وكفايه هبل هتفضل لامتي ماشي وراها و مصدقها
كريم .. بيزق فرح ويمسك المسدس و بيحطه في راسه يلا يا احمد دوس علي الزناد يا خساره الدم الي بينا دوس علي الزناد و ريحني انا تعبت وبتعذب وانا شايفك انت احمد بيه بقيت لعبه في ايد شوية حلب وغجر
فيصل .. بيدخل وبينزل ايد احمد اطلع يا كريم وانت يا احمد ياما تفوق وترجع ولد اخوي وإلا تاخدها واختار الفيلا الي تعجبك وقعد فيها
دهب .. وليه نمشي احنا يمشي كريم ولا عشان ابنك
فرح .. لا عشان كريم ليه الاكتر في القصر ده
دهب .. الاكتر ازاي وهما الاتنين ولاد عم يعني كل واحد نصيبه قد التاني
فرح .. وانتي ناسيه انا ابويا ليه في القصر ده زي عمي فيصل وعمي صبري الله يرحمه
احمد .. وايه علاقة ده بموضوعنا
فرح .. علاقته ان كريم خطيبي
.. دهب واحمد اتصدموا وبصو لبعض وهما مش مصدقين الي بيسمعوه وحكيم وفيصل اتفاجئه بكلام فرح ..
احمد .. بتقولي ايه
فرح .. الي سمعته كريم خطيبي
دهب .. لا ونعم العائلات عمي ليه اسبوع ميت وانتو بتفرحه وتتخطبه ولا كان الي مات ده عمكم
فيصل .. ضربها بالقلم طول ما جوزك عاجز انه يربيكي يبقا واجب عليا انا اربيكي وكلمه تانيه وهقطع لسانك يلا يا فرح يا بنتي سيبي الحيه دي تموت بسمها
فرح .. ماشي يا عمي وبينزله يقعده في الجنينه
كريم .. بيغير لبسه وبينزلهم تحت والله يا بوي
فيصل .. بيقاطعه الموضوع خلص يا كريم وانا مش محتاج انك تحلف كده كده انا عارف ان ده من تخطيط الحيه دي وكويس انها عملت كده عشان تمشي من القصر ونرتاح من شرها
فرح .. كلام عمي صح يا كريم احنا واثقين فيك و دلوقت بقينا عارفين ومتاكدين ان دهب عايزه توقع العيله كلها في بعضها والحل انها تمشي والمفروض دلوقت نفكر في خليل اكيد هيحاول يعرف ابنه فين والكل متاكد انه في القصر وانا خايفه يعرفه المكان السري الي في السرداب
كريم .. ما تقلقيش المكان ده ما حدش يعرفه غيرنا احنا وحجاج حتي احمد ما يعرفوش يعني لو هدو القصر كله مش هيعرفه يوصلو لحاجه
فيصل .. كلام كريم صح يا فرح يعني مفيش داعي للقلق
احمد .. يلا يا دهب ملناش مكان هنا لمي هدومنا وهنروح الفيلآ الي علي اخر البلد الي قريبه من عمك عزيز
دهب .. مش وقته اصبر للصبح
احمد .. ليه انا مش طايق اقعد هنا ثانيه وحده
دهب .. بتقرب منه وهي بتبكي تعبانه اووي ومش هقدر اعمل حاجه دلوفت بكره ده سواد الليل
احمد .. ماشي زي ما تحبي بس اهدي
دهب .. انا عايزه اسالك علي حاجه
احمد .. عن ايه قولي
دهب .. الحكومه جات عشان تدور علي محمود ولد خليل باشا
احمد .. وايه الي هيجيبه هنا
دهب .. انت متعرفش
احمد .. اعرف ايه
دهب .. كريم مسكه وهو بيهجم علي المخزن
احمد .. بتقولي ايه دي مصيبه لو عرفه اني انا الي ادتهم الخريطه وقتها هيقتلوني
دهب .. متخافش مستحيل حد يعرف المهم انهم كانوا مدخلين محمود قدامي والحكومه جات ومالقتش حاجه هو فيه مكان سري في القصر
احمد .. لا مفيش مكان سري ولا غيره
دهب ..( بتقول في نفسها يبقا احمد كمان ما يعرفهوش) خلاص ارتاح والصبح نمشي
احمد .. ماشي
.. وبعد ما الكل نام قامت دهب بالراحه و اتسحبت ونزلت ودخلت سرداب القصر وهي بتحاول تلاقي المكان الي حاطين محمود فيه وبتدخل السجن وبتحسس علي الحيطه عشان توصل لايه حاجه وبتلاقي كبس الكهربه و بدوس عليه والإضاءة بتشتغل بس الاضاءه متصله باوضة كريم وصوت الانزار اشتغل وكريم قام بسرعه ولبس ونزل جري دهب حست ان حد جاي استخبت ورا الباب كريم دخل وهو بيدور وهو طالع لمح رجل دهب عمل نفسه ما شافش حاجه ونده علي حجاج ..
حجاج .. نعم جنابك
كريم .. زود الحراسه عايز الكل يفضل فاكر ان محمود هنا في القصر
حجاج ..( فهم ان كريم بيسمع حد الكلام ده ) تمام يا كريم بيه
كريم .. الصبح تروح بنفسك وتاخد اكل معاك لحسن محمود يموت من الجوع
حجاج .. تمام يا كريم بيه اي اوامر تانيه
كريم .. يلا تصبح علي خير وطلع علي اوضته
دهب .. بتطلع من وراء الباب وهي بتاخد نفسها بالعافيه الحمد لله كنت هروح في داهيه وبطلع التليفون وبترن علي عزيز
عزيز .. بيكون قاعد مع خليل ومحروس دهب بترن الو يا بت يا دهب
دهب .. محمود مش في القصر
عزيز .. ازاي مش بتقولي انه دخل قدامك و مطلعش
دهب .. ممكن يكون واحد شبهة وهما عملوا كده عشان عايزين الكل يفتكر انه في القصر
عزيز .. طاب عرفتي هو فين
دهب .. بكره الصبح حجاج هياخد اكل ويروح له عايز توصله خالي حد يراقب حجاج ويلا عشان هرجع اوضتي
عزيز .. ماشي يا بنتي سلام
خليل .. خير يا عزيز بيه
عزيز .. خير يا توفيق يا خويا محروس
محروس .. امر جنابك
عزيز .. بكره عايزك تراقب حجاج وما يغبش عن عينك هو الي هياخدنا لمحمود ووقتها هنطلب كل الي عايزينه من ابوه
محروس .. حاضر يا عزيز بيه اعتبره حصل
دهب .. بتطلع من السرداب وبتدخل القصر
حجاج .. بيكون واقف ومستخبي وبيشوفها وبيرجع علي البوابه
كريم .. بيكون هناك ومستنيه
حجاج .. طلعت يا كريم بيه بعد ما كلمت حد في التليفون بس ما سمعتش قالت ايه
كريم .. بكره هيكون واحد من رجالة عزيز وراك خده علي الجبل وكلمني وهقولك تعمل ايه فيه
حجاج .. امرك يا جناب البيه
كريم .. يلا تصبح علي خير
حجاج .. وجنابك من اهله
.. والصبح بدري حجاج بيطلع من القصر ومعاه كام واحد من الرجاله وبيتحرك وبيطلع الجبل ومحروس وراهم وحجاج بيفضل يلف في الجبل ومحروس وراه لحد ما بيدخل مغاره محروس بيقرب منهم وهو بيرقبهم وفجأه بيلاقي نفسه متحاصر ..
حجاج .. يا هلا بيك انت جاي لموتك
محروس .. انا كنت طالع الجبل بالصدفه عشان عزيز بيه بيفكر يفتح محجر هنا
حجاج .. بيطلع المسدس وبيحطه في دماغه مع اول كدبه هفضي الخزنه كلها في دماغك فاهم
محروس .. فاهم يا حجاج انا هقول كل حاجه
حجاج .. مين الي سرق الخريطه من القصر
محروس .. سكت
حجاج .. شد الاجزاء
محروس .. احمد بيه وهو جابها لعزيز وعزيز عطاها لخليل باشا
حجاج .. قول كل الي تعرفه وإلا هتموت هنا
محروس .. انا معرفش حاجه عزيز بيه مش بيدي سره لحد وانا مجرد غفير عنده بعمل الي بيقول عليه ابوس ايدك سيبني
حجاج .. خليكو مسكينه وبيطلع التليفون وبيرن علي كريم
كريم .. عملت ايه
حجاج .. محروس كان ورايا وتحت ايدينا دلوقت واعترف انا احمد بيه هو الي سرق الخريطه
كريم .. تمام هدده وطلب منه ينقلنا كل اخبار عتريس وخلينا نستفيد منه
حجاج .. امر جنابك وبيرجع لمحروس عايز تعيش يا محروس
محروس .. ايوه وهعيش طول عمري خدامك
حجاج .. هسيبك بس بشرط
محروس .. ايه هو
حجاج .. دبت النمله في بيت عزيز لازم اعرفها فاهم
محروس .. فاهم تحت امرك
حجاج .. لو خبيت عليا حاجه هتكون نهايتك
محروس .. ما تقلقش انا تحت امرك
حجاج .. يلا غور من وشي
محروس .. طلع جري علي العربيه ورجع علي عزيز علي طول
عزيز .. قدرت تعرف حاجه
محروس .. لا فضل يلف في الجبل وبعد كده رجع القصر
عزيز .. يبقا اكيد خد باله انك وراه
محروس .. لا يا عزيز بيه انا كنت براقبه من بعيد
عزيز .. غور من وشي
.. وبيجي المعاد وخليل باشا بيروح لفيصل القصر وبيكون احمد نقل في الفيلا الي جنب عزيز وبيرجع احمد الفيلآ مش بيلاقي دهب وبيروح بيت عزيز يشوفها هناك واول ما بيدخل وبيسال محروس عليها
محروس .. لا مجتش هنا يا احمد بيه تلاقيها راحت لعمها العمده
احمد .. ماشي هروح لها هناك وبيلف عشان يطلع بيسمع صوت ضحكتها
محروس .. ده ده ده عزيز بيه عنده ضيوف
احمد .. حب يدخل
محروس .. لا مش هينفع تدخل
احمد .. طلع المسدس وخبطه علي دماغه بظهر المسدس
محروس .. وقع علي الارض
احمد .. دخل لجوه وسمع صوت دهب جاي من اوضة النوم وبسرعه دخل ولقيها في حضن عزيز ووجه المسدس عليهم
توفيق .. داخل الفيلا لقي محروس مرمي علي الارض وسايح في دمه جري عليه مين عمل فيك كده
محروس .. احمد بيه دخل علي عزيز بيه وقفشه مع دهب
توفيق .. بتقول ايه وطلع المسدس ودخل جري لجوه
