رواية العهد الفصل السابع عشر
احمد .. دخل لجوه وسمع صوت دهب جاي من اوضة النوم وبسرعه دخل ولقيها في حضن عزيز ووجه المسدس عليهم
توفيق .. داخل الفيلا لقي محروس مرمي علي الارض وسايح في دمه جري عليه مين عمل فيك كده
محروس .. احمد بيه دخل علي عزيز بيه وقفشه مع دهب
توفيق .. بتقول ايه وطلع المسدس ودخل جري لجوه
احمد .. انتو فعلآ زي ما قال عمي وابويا الله يرحمه حلب و غجر وما عندكمش شرف ولازم تموتوا
توفيق .. يدخل و بيضرب احمد بالنار
احمد .. بيوقع منه المسدس وبيوقع علي الارض
دهب .. لا مستحيل ليه عملت كده يا عمي
توفيق .. مكنش قدامي حل تاني كان هيموتكم
دهب .. انا كنت عايزه اعذبه قبل ما يموت وانتقم منه
احمد .. انا الي اتجوزتك و حميتك وعملت كل حاجه عشان دلوقت جايه وبتقولي عايزه تنتقمي مني انتي مستحيل تكوني انسانه
دهب .. ابوك وعمك قتلوا ابويا وامي وسبوني في الدنيا يتيمه من غير اب وام ولولا عمي عزيز كان زمان كلاب السكك بتنهش في لحمي
احمد .. ابويا وعمي مستحيل يعملوا كده وفي النهايه هو الي نهش لحمك يا رخيصه
دهب .. بتحضن عزيز وانا مبسوطه بكده ومن وانا صغيره وانا نفسي في اللحظه الي اكون فيها ملكه ومش بس كده انا هحمل منه عشان اخد كل املاكك
احمد .. بيزحف عشان يوصلها
عزيز .. خليل محروس خدوه ورموه في الارض القبليه لحد ما دمه يتصفي وخده منه التليفون
محروس .. امرك يا عزبز بيه و بيشلوه و بيحطوه في العربيه و بيتحركه و بيروحه في ارض بيت الجارحي الي في الناحيه القبليه و بيرموه هناك وبيرمو التليفون بعيد عنه وبيسبوه ويمشو وبيرجعه لعزيز ومحروس بيغسل العربيه
خليل .. هنعمل ايه يا عزيز يا خويا اول ما فيصل هيعرف الدنيا هتتقلب
عزيز .. ما تقلقش دهب عارفه هتعمل ايه كويس
دهب .. ايوه يا عزيز انا بكره هروح المركز وبلغ عن غياب جوزي وقول ان كريم اتهجم عليا وكان عايز يقتل جوزي ومن وقتها واحمد حبيبي اختفى وبكده هما الي هيشيله الليله ونبقى ضربنا عصفورين بحجر واحد
خليل .. انتي فعلآ شيطانه
دهب .. انا تربيت بيت الشناوي يا عمي العمده
عزيز .. يلا سبونا بقا
خليل .. ماشي يا عزيز بيه هنيالك يلا سلام
.. وبيطلع خليل ومحروس وبيقعده عند البوابه وعزيز بيحضن دهب انا كنت خايف اللي حصل يهزك لكن دهب تطمنه ان نار الانتقام الي جواها مقويه قلبها وانها مش هترتاح غير لما تقضي علي كل بيت الجارحي وخصوصآ كريم وفرح ..
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
خليل .. انا جيت زي ما امرت يا فيصل باشا
فيصل .. بلاش باشا وبيه دي الالقاب انتهت من سنين
خليل .. انا تحت امرك وبترجاك تخليني اخد ابني وامشي
فيصل .. اكيد طبعآ لو سمعت الكلام هتاخده وتمشي من سوهاج كلها ومش هتنزل سوهاج خالص
خليل .. موافق و هاخده دلوفت وهمشي
فيصل .. مش بالساهل كده الاول هتتنازل عن كل املاكك وفيلتك ومش هيكون ليك هنا قراط ارض واحد
خليل .. بس ده كتير
فيصل .. مش كتير علي حياة ابنك وحياتك
خليل .. سكت شويه انا موافق
فيصل .. حجاج هات الورق
حجاج .. كل حاجه جاهزه
فيصل .. وقع يا خليل عشان تاخد ابنك وتمشي من هنا
خليل .. بيمسك القلم وبيوقع
فيصل .. بياخد الورق حجاج
حجاج .. نعم جنابك
فيصل .. هات محمود من السجن
حجاج .. امر جنابك وبيروح وبيجيب محمود وهما شيلينه
خليل .. انتو عملتوا ايه في ولدي
فيصل .. كسرت ايديه الي اتجراءة وضربة نار علي رجالتي وكسرت رجليه الي خدته لحد المخزن ولولا اني خايف من ربنا كان زمانك انت وهو ميتين يلا غوره من وشي ولو شوفتك في سوهاج تاني وقتها هتكون نهايتك اظن كلامي واضح
خليل .. ماشي يا فيصل بيه
فيصل .. حطوه في العربيه
حجاج .. بيحط محمود في عربية خليل
خليل .. بياخد العربيه ويتحرك
محمود .. انت ازاي تسكت لهم يا بوي
خليل .. الموجه شديده يا محمود وكان لازم نطاطي بس دي مش النهايه هنمشي دلوفت عشان نرجع اقوى من الاول
محمود .. هنمشي ونروح فين وهنسيب املاكنا لمين
خليل .. فيصل اخد كل املاكنا قصاد الي عملناه بس اوعدك هنرجع وناخد كل حاجه من تاني بس دلوقت هنروح المستشفي عشان نطمن عليك وبعد كده هنطلع علي القاهره
.. وبيروحو علي المستشفي وبيجبسه ايدين محمود الاتنين ورجليه وخليل بياخده علي كرسي بعجل وبيرجع الفيلآ بيلم كل المتعلقات الشخصيه بتاعته هو وابنه وبيوصل حجاج ورجالته عشان يستلم الفيلآ وخليل بيطلع من الفيلآ وبيقرب من حجاج قول لفيصل الحكايه منتهتش وحجاج بيضحك وبيبصله تحب اخدك انت وابنك عشان تقوله الي انت عايزه خليل بيبصله بغضب وبيركب العربيه وبيتحرك بيها وحجاج بيحط حراسه علي الفيلآ وبيرجع القصر وبيطمن فيصل ان كل حاجه تمام ..
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
دهب .. بتروح المركز وتطلب تقابل الضابط عبد الله
عبد الله .. خير انتي عايزني في ايه
دهب .. انا وقعه في عرضك يا عبد الله بيه مليش غيرك بعد ربنا
عبد الله .. مفيش داعي للمقدمات اتكلمي علي طول
دهب .. احمد بيه جوزي
عبد الله .. ماله
دهب .. اختفاء ومش عارفه اوصله وتليفونه مقفول من ٢٤ ساعه وانا جايه ابلغ
عبد الله .. ممكن يكون عند حد او بات عند حد من صحابه
دهب .. احمد مالوش غيري يا عبد الله بيه وخصوصآ بعد الي حصل
عبد الله .. حصل ايه
دهب .. بصت في الارض وهي بتبكي مش قادره اتكلم يا عبد الله بيه
عبدالله .. لازم تتكلمي عشان اقدر اساعدك
دهب .. كريم فيصل ابن عمي جوزي كان بيحبني واستغل اني احمد في الارض وتهجم عليا حاولت امنعه بس ما قدرتش والحمد لله احمد لحقني وكريم قال انه هيقتله وانا جايه دلوقت اتهمه في محضر رسمي
عبد الله .. انتي بتقولي ايه كريم بيه عمل كده
دهب .. ايوه يا عبد الله بيه واحنا في دولة قانون وانا دارسه حقوق ولو حضرتك معملتش المحضر هطلع علي المدريه ولو رفضو هطلع علي الوزاره انا مش هسيب حق جوزي
عبد الله .. انتي بتتكلمي وكانك متاكده انه حصل له حاجه
دهب .. ايوه متاكده مستحيل جوزي يكون بخير ويفضل يوم كامل بعيد عني انا عارفه جوزي
عبد الله .. بيضرب الجرس
العسكري .. بيدخل تمام يا فندم
عبدالله .. خد الست دي وخلي الامين محمد يعملها محضر وجهز القوه عشان طالعين
دهب .. ممكن اجي معاك يا عبدالله بيه
عبدالله .. لا انتي اعملي المحضر و سبينا نقوم بشغلنا مش بتقولي دارسه قانون
دهب .. ماشي يا عبد الله بيه وانا هفصل مستنيه في المركز لحد ما اطمن علي جوزي
عبد الله .. تقدري تروحي واول ما اوصل لحاجه هبلغك
دهب .. لا مستحيل ادخل الفيلآ قبل ما اطمن علي جوزي
عبدالله .. خدها يا ابني تعمل المحضر
العسكري .. حاضر يا فندم يلا يا ست قدامي
عبد الله .. اتحرك بالقوه علي قصر الجارحي
حجاج .. قاعد هو و الرجاله سمع صوت عربيه بتقرب قام لقي البوكس خير يا عبد الله بيه
عبد الله .. جاي لكريم بيه
حجاج .. اتفضل ودخل معاه ودخل بلغ كريم بيه
فرح .. سمعت حجاج ونزلت بسرعه حصل ايه يا كريم وليه ضابط المباحث عايزك
كريم .. يا خبر بفلوس شويه وهيبقا ببلاش هروح اشوفه
فرح .. انا جايه معاك و يطلعوا
كريم .. اتفضل ارتاح يا عبدالله بيه
عبدالله .. لا يا كريم بيه شكرآ انا جاي بشكل ودي الاول قبل ما الموضوع يوصل النيابه
فرح .. النيابه ليه خير يا حضرت الضابط
عبد الله .. دهب مرات احمد ابن عمك جات المركز وعملت محضر ضدك
فرح .. فعلآ وحده رخيصه
كريم .. واحمد كان معاها
عبدالله .. المحضر الي عملته محضر اختفاء جوزها احمد صبري الجارحي بعد محاولتك التعدي عليها ونشوب شجار بينك وبينه
فرح .. كل ده كدب يا حصرت الضابط دي وحده زباله وبتفتري علي كريم
كريم .. لا استني يا فرح
فرح .. مالك وشك التغير ليه
كريم .. هي كانت تقدر تعمل محضر اني اتعديت عليها لكن انها تعمل محضر باختفاء احمد لا كده في حاجه غلط ولازم نعرفها
عبدالله .. فعلآ وده نفس احساسي احمد حصله حاجه
كريم .. حجاج
حجاج .. بيجري ناحيت كريم خير يا جناب البيه
كريم .. تقلب البلد كلها علي احمد بيه وما ترجعش غير وهو معاك
حجاج .. حاضر جنابك
عبد الله .. وانا كمان هدور برجالتي وان شاء الله نوصله ويكون بخير بعد اذنكم
كريم .. وقع علي الكرسي
فرح .. اهدا يا كريم ان شاء الله احمد هيكون بخير
..فيصل وحكيم وبيدخله القصر وبيقربه من كريم وبيسمعوه وهو بيقول..
كريم .. انا من امبارح وقلبي مقبوض وحلمت بي احمد جالي وهو بيضحك وبيقولي سامحني يا ابن عمي انا حاسس ان احمد حصله حاجه
فيصل .. بتقول ايه
كريم .. ابوي
