رواية طفلة النقيب الفصل السابع عشر بقلم نبأ عادل
يَخلص ليل ويَخضر ليل ثاني☘️🌑
بيه واهس كافر وربج هداني🙇🏻♂️
الليل شبعني سفر واني بمكاني☹️
مهيمن: الا ان اندك الباب مال غرفة
فاطمه ؛ كعدت الصبح اباوع هذا كدامي على القنفه لميت نفسي وكمت سبحت ورجعت للغرفه ،،، واني اكول حرامات خطط البارحه فشلن بس لازم اخرب علي علاقته ويه الي اول حرف من اسمهم (س ) ،،،، يله اكيد الفرصه راح تجي العندي المهم،،،الباب اندك
مهيمن: فتحت الباب هلاهل وامي تباركلي بدلت بعد ما غسلت ونزلت متجاهلهة
فاطمه: (بكلبي كلت لا يا ناقص اكو واحد يعوف مرته وحدهة وينزل ) ،، نزلت بعد ما لبست دشداشه بيضه مدري يا لون ،، لسه ابالي بوسه حسام وكل شويه اتخيله بس اخخ الا انتقم
سما:كعدت الصبح مثل كل يوم بس هل يوم اتبددت كل احلامي عبالي يجي ،، لا اني يمكن مستعجله هو يجي السبت بليل اي اي السبت بليل مو هسه من الصبح ،، اخخخ كلبي يوجعني تعبت من الوحده تعبت ، فزيت من كلامي المتناقض ويه نفسي على دكه الباب باوعت بصدمه لا مو هو مو هو لا تفرحين هو عنده مفتاح كمت كلعاده زوجه صديقه جايبتلي صمون يكفيني الليل اتعشه بي ويزود وسئلتني شنو محتااجه وراحت ،،،، محد يفهم اني ممحتاجه لا اكل ولا لبس ولا شي اني بس محتاجته ،، الليل يخوف ليش ميفتهمونسويت الروتين اليومي وتغديت ونمت لان ماكو شي بالحياه مالتي غير اكل ونوم وتنظيف تلفزون مابي اي شي ونت ماعندي ولا رصيد بس على كد رسائل و ترميشه واستحي اكول ما عندي رصيد صعبه عليه اكو الزوجه صديقه
مهيمن: اجتي فاطمه وكعدت يمي ومكيفه النسوان يخدمنهة سكيت على اسنوني وكتلهة ،،،كومي حظري باقي الريوك تخلين امي واختي يجيبلج
فاطمه: وشكو بيهة اني بعدني عروس ميصير اشتغل ٧ايام
مهيمن: هاي ابيت اهلج او عاداتكم بس مو يمي كووووومي بسرعه
فاطمه:لصيح فاهممممم اني هم عندي صوت واصيح ترى
مهيمن:رفعت ايدي امي كمشتني مخلتني عطت ولي الغرفتج بعدين حسابج
ام مهيمن: يمه علكيفك وياهة بعدهي اصغيره
مهيمن:عفت الريوك انسد نفسي رحت بسيارتي المطعم وتريكت بره (بت الكلب شلون اتلاسن اني اعلمج بس ارجع)
نور اخت مهيمن: يمه شفتيهة لا صباح الخير كالت ولا عدهة اصول وشلون تعيط وتريدنه نخدمهة
ام مهيمن: ميخالف يمه خطيه بعدهي ممتعوده ،،، اكلج يمه شو اهلهة ما بينو شنو السالفه غير تجي امهة المفروض تجيبلهة ريوك ،،
نور: والله مدري يمه بس اني ممرتاحه الهاي فاطمه ماتنهضم
ام مهيمن:بسج بسج
فاطمه: رحت الغرفتي شو ذني استغلن الوضع وما جابلي ريوكي غير عروس شنو هاي ،،، طلعت كلت،،،شنيه وينجن
ام مهيمن:يمه شبيج عيب اصيحين
فاطمه:اريد اكل راح اموت
ام مهيمن:اي يمه كومي سويلج
فاطمه: ما اعرف انتِ سويلي
نور : كامت امي مثل الشاطره سوتلهة ريوك ،،،،،، يمه شنو هاي تعلميهة علينه
ام مهيمن: ميخالف يمه علمود اخوج اتحمل خطيه من اول يوم زواجه نسوي مشكله
فاطمه:سمعت كلامهن ،،،، بكلبي بعدجن ما شايفات شي من المشاكل الي حتنزل على كل واحد بهل بيت هههههههاي
مهيمن:خلصت ريوك كلت خلي اتصل على سما اشتاقيت ،،،،، الوو
سما: الوو
مهيمن: ها بابه مشتاقلج
سما:اني هم ،،،ونزلت دموعي بس بهدوء،،،،،، اليوم تجي بليل موو وشبح ابتسامه انرسم على وجهي
مهيمن: لا بابه شغلي يطول بعد سبوع
سما:لا الله يخليك لا
مهيمن:شبيج بابه شو خوفتيني ليش هيج
سما:خايفه خايفه
مهيمن:هسه اخابر صديقي ايدزلج زوجته تبقه يمج
سما: ما اريد احد ليش ما تفهمني
مهيمن:حبيبي شسوي مكدر اجي بابه حبيبي يله اهدي كافي لا تموتيني عليج
سما:لا سمله عليك خلص حسكت
مهيمن:اوووووف ربيييي ، ارووووح فدوه للسماء مالتي
سما:خجلت حيل
مهيمن:لا ادحسين وجهج بين المخده والفراش
سما: ما، شمدريك
مهيمن:حافظج حفظ من تخجلين ادحسين وجهج ب اي مكان بحظني اذا اني يمج وبلمخده اذا اني بعيد عنج
سما:امم
مهيمن؛ هسه شنو حبيبي ادزلج الابنيه لو تتحملين بقه قليل عمري اليوم سبت احسبي الخميس بليل اني يمج
سما:لا ما اريد احد ،،، حاضر حصبر
مهيمن:لك فدوه الشفتك مال عض
سما: امممم ما
مهيمن:شون اني بالي تدلع عليه،،،،، يله حبيبي حروح ديدك عليه اخويه
سما:عافني على نص الحديث مثل عادته رحت اتغديت ولفيت راسي ونمت
علي: ها ولك عريسنه شلون الامور ،دبرتهة
مهيمن:افا طبعا ادبرهة
علي:ليش طالع من البيت وين اكو عريس يطلع من اول صباح
مهيمن:مو كانو دتحس نفسك انت اكبر مني ودتحاسبني
علي: لا عمي ما قصدنه بس امك خابرتني كالت العالم جاي تجي تبارك زلم ونسوان خلي يرجع عيب
مهيمن:راجع رجعت لبست دشداشه وشماغ
فاطمه:اتريكت وصحت نور شالت الريوك ،،
ام مهيمن: يمه حضري نفسج ناس جايه تباركلكم
فاطمه:وشعدهم مستعجلين ميجون غير يوم استغفر الله
ام مهيمن:محجيت شي عفتهة ودخلت للغرفه سديت على نفسي ،،، ابو مهيمن يمكن ظلمنه مهيمن بهل زواجه يمكن متناسبنه
ابو مهيمن؛ بصعوبه بالتكلم ،،، امم شنو صار ليش
ام مهيمن: ماكو شي ماكو شي هاي اني دا اخربط
فاطمه:اجه الليل وهذا نام على القنفه وعافني وحدي على الجربايه اصلا ما يتقرب مني ودوم ميباوع بوجهي ولا الجسمي اربع وعشرين ساعه بره الغرفه ومن يدخل يكظيهة تلفون اتحلفت للشاغلته ، (س) هههههاي ،،حسوي خطه حلوه بس من ينام اكيد بس لازم بحذر ظليت اباوعله من جوه ليجوه الى ان نام او غفه وبيده التلفون مفتوح ظليت كلما يقل ضوه الشاشه اضغط على الشاشه وهو بيده التلفون (اضغط على الشاشه حتى ميطفه التلفون )انتظرته يتعمق بالنومه سحبت التلفون بعد ما وكع تقريبا من ايده ولزمته اني وكمت بهدوء رحت الجربايتي
مهيمن:احاول ما اختلط ويه فاطمه نهائيا كارهة وكاره قربهة وكاره اهلي وناسي ولوما العيبه اني هسه هاج من البيت بس لازم انتظر وره السبعه يله اروح بحجه الشغل بس اني اجازتي اطول بعد سبوعين سبوع هذا مال سبعه وسبوع كلت اروح بي السما ابقه يمهة مشتاقلهة حيل حيلفاطمه:دورت ولكيتهة واخيرا ،،، اوووو شلون نسيت هاي ورطه ما عدهة اي حساب ممكن اتواصل وياهة بي بس رقم يله خلي اتصل بس شلون يبقه دليل عليه الاتصال لا اكوللهة واهددهة اكيد متكله اي اي طلعت من الغرفه بهدوء وخابرت عليهة من تلفون مهيمن وحفظت رقمهة بتلفوني للضروره
سما:نايمه بخوف وساعه ٣بليل دك التلفون اول مشفت مهيمن كلت اجه بوكتهة خايفه حيل رديت الووو اجاني صوت ابنيه
فاطمه:الووو هلو بس حبيت اكلج ترى مهيمن نايم يمي جاي يخونج
سما:شنو منو انتِ شكاعد تحجين انفعلت وضليت ابجي
فاطمه: اهدئي خلي افهمج واذا مصدكين ادزلج صورنه بس فتحي نت
سما: جذذذذذابه جذااااابه لا انتِ جذابه (صدمه قويه خلتني ما اعرف احجي). مممممم ماعدي نت مماعدي
فاطمه: مو جذابه لعد شلون دا احجي وياج هسه من تلفونه وحبيت اكلج لان ادري بيج حبيبته واترجاج مجيبين طاريي بالموضوع لان اذا عرف يذبحني ظليت اتمسكن بعد ما عرفتهة فقيره من صوتهة وكلامهة مبينه كلشي متعرف ظلت اتناشغ وتكول ليش ،
سما:بعدني بصدمه احتلته جسمي رجفه خوف قلق دمار وجع ادعيت القوه وجاوبتهة ،،،، اي ما اكول الاحد عليج وشكرا الج
من سديته كل القوه انهارت لك مو اني مرتك ليش تخوني ويه وحده كح... ليييييييش لكككككك مو ضغطت على نفسي حتى ارضيك ليشششششش سويت هيج مو كتلك احبك مو تدري اني اتنفسك لككككك ليييييش حبيبي ليش،، شنو يعني هسه انت بستهة مثل متبوسني مو لكك حاجيني حظنتهة مثل متضمني بحظنك غازلتهة نومتهة على صدرك كتلهة بابه دلعتهة شلتهة حاجييييني ركصتلك مو كمشت خصرهة اخخخخخخ،،، ياررررررربي طفيلي ناري راح امووووت ظليت الطم على وجهي واصيح لييييش ليييييش اني هيج صرت تحت رحمتك لييييش وين امي يممممممممه محتاجتج يمممممه وينج خاني يمه ليش ضيعتيني ليش ضحيتي بيه وانطيتيني الاء
لييييش لييييش اختي لييييييش ما فتحتيلي بابج مو جنت ادكه منتظرتج لييييش لكم ليش كلكم سببب اوجاعي ،،
وجع يتغلغل بروحي ونار شابه بصدري وخنكه تخنك بلعومي خنكت نفسي حيل اريددددد اموت ربي مو رجعت اصلي مو التزمت مو ما انجرفت للغلط مو انت رجعتني على الصح ليش يعوفني ليش يخوني ليش ،،، مجنت واعيه للي احجي مجنت ادري بشي ،،، اجتي هواي افكار ابراسي انهزمي لا وين اروح وين منو يقبلني وين اندل اخاف الاء تاخذني
انتحري لا لا ربي مايسامحني سويتهة مره ما اكدر اسويهة مره ثانيه شسوي شسوي ،،،، كمت ادور على شي يبرد ناري رحت للكنتور ادوور وكعت كل الملابس اخذت تعلاكه مال ملابس كسرتهة بكل قوتي وظليت اشخط ب اديه حيل اريد الم ايدي يطغه على الم كلبي اريد خنكتي تروح ظليت ازلغ ب اديه اثنينهن امشي التعلاكه الجزء المكسور *(يصير حاد شويه )على جلد ايدي هيج صارت
بعد فتره حسيت نفسي هدئت صار لازم افكر صار لازم اكمل دراستي صار لازم اعوفه بحياته صار لازم وصار لازم ،،،، بلاخر رجعت ابجي والطم على رجليه صارن زرك من الضرب على نفسي باوعت لكيت مكص اي اي خلي اكصه الشعري رحت للميز بكل سرعتي و............
هنا سما تكول المهيمن
على خير كالو عاشرت
شبسرعه ليش استعجلت
توكل عفتني بلا ذنب
لمن بعد رايح تحب لو على الخيانه تعلمت
سولفلي نظرات العشك منك بدن لو منه
هم سولفتله على الغزل والحب مثل ما جنه
هم كتله غيرك ما احب سمعته دكات الكلب
لو بجديد اطورت علخير كالو عاشرت
