رواية نورة الفصل السابع عشر بقلم ام مصطفى
نزلت عمتي
شويه وخابروا ابن خالهم ميت بانفجار
عاد راحوا كلهم للفاتحه
وتالي حتى سبعه مسويت
رجع بالليل يتعذر مني
يمعوده اني عصبي لا تصيرين كبالي من اشوفيني عصبي
تعودي ع طبعي
ضل يتعذر ويبوس
واسف حياتي وجرني لحضنة
مااعرف حسيت عنده شخصيتين وحده مختلفه عن الثانيه
وحده عصبي ويضرب ومايرحم
ووحده طيب وحنون وسبع وكل الناس تحبه وتحترمه..
جرني لحضنه
لج والله اموت عليج والقران
صالحني واني هم بسرعه فكيت وياه
احبه مو بيدي
خلصت الفاتحه ورجعت عمتي
بديت الزم البيت
رغم رغد مرت نائل موجوده
بس عمتي بدت تنتكل علي
دكلي شغلج نضيف وتشتغلين من كل كلبج مو مثل هذيج
نائل ازوج قبلنه ب ٣سنوات ومصاير عنده طفل
هواي راجعوا ومصار
بيوم اجه عمي جايب مرته الثانيه
لان عمي ابو نائل مزوج اثنين
وهي عمتي ع خلاف
عمتي بس شافتها
تعاركت وي عمي-
شكو جايبها للبيت ها
-والله البيت بيتي وبكيفي
اجيب اليعجبني والميعجبه الباب يوسع جمل
تعاركوا وعمتي اخذت عبايتها وطلعت زعلانه لبيت اخوها
ضلت مرت ابوه بالبيت ولا حبيتها
جنها محيله
مو هالكد علاقتي بيها
اكمل شغلي واصعد
اهلي يوميه بالليل اروح الهم وارجع شويه
بقت عمتي زعلانه شهر كامل
لحد ما ضرتها طلعت من البيت
وره شهر رجعت عمتي وضرتها سافرت لسوريا
اسلام كال اريد اسافر ليران
كتله شكو
-عاجبني ازور وارجع
كتله بس احنه بعدنا عرسان
يا عرسان شبيج صار فوك الشهرين من معرسين
ضجت كلش بس هو مااهتم
وره يومين سافر وراح
اني هنا فاتتني الدوره واستحي احجي لاحد
حتى لامي
اجت حماتي الارمله
سهام اخت اسلام زوجها متوفي جان
كتلها الدوره صار اسبوع موعدها وما اجت استحي اكول لعمتي
كالت امشي يمعوده عليمن تستحين
كالت لامه
ا-يمه نور اسنانها يوجعنها وراح اخذها كالت امها روحن والله اخذتني ورحنه للمختبر حللت طلعت حامل حيل فرحت
رجعنه سهام حماتي بشرتهم عمتي جابت چكليت وطشت عليه
ونائل حماي صلة صلاة الشكر لله وجابو موطات وزع
زوجته من سمعت بيه خلت وصعدت بغرفتها ومتزلت ابد بالرغم تصرفها وياي مو حلو بس اني اغلس امي توصيني تكول خطيه تحمليها يمه وهي هم گرايبي
اسلام يخابر بس امه
ابد مخابرني
تكوله عمتي مرتك حامل خابرها خطيه يكلها ادك عليها ومتشيلة وهو كذب
وعمي خطيه هم كيف بحملي
وامي الفرحه ملت عيونها
اني جان شعري كلش طويل من ما مخابرني حيل انقهرت هو متخبل على شعري حتى بالعرس مقبل اصبغ او اكصه
جان اروح يم بت عمي اخليها تسوي الي كاري
عمتي وامي تخبلن كتلهم ناذره ههههه
اجه من ايران تخبل من شاف شعري
كتله اني ما اهمك شعري يهمك
جان خابرت فد مره
كل يوم تخابر ابوك واخوك وامك
ع الاقل كلهم اطوني نور
سلم
مو تكذب دكول اخابرها
هو سمعني هيج احجي تخبل وضل يحجي ويغلط بكيفي
سمعتي لولا
شنو عايفج بالشارع واسئل
بالبيت وكاعده شعليج قابل
كتله يعني انته مشتاقلي
دكول اسمع صوتها
شنو سوالف هالمراهقين هاي
جاهل اني شنو
والله يا الله
بدت بيني وبينه مشاكل على اقل شي يضرب ويصيح بس اني كسبت اهله بالرغم جنت عد اهلي مدلله وما اعرف اسوي بس بيض ومعكرونه
بس طيبة اهلي عكست عليه
امي تكول غلسي الدنيا خلصانه اخو اسلام الصغير اسمه حسين صار الي اخ
وهم امي واختي واخويه مو هلكد اروحلهم تعلمت
بالشهر مره اشوفهم
بس امي خديجه وابويه سيد ضياء يوميه اشوفهم لان حايط على حايط وناصي الحايط بينه
بدت تكبر بطني واسلام اسلوبه موحلو ابد وياي
ومرت ضياء شاده وياي
لان حبلت
يوميه تروح لهلها
وتعوف الشغل علي
تعبت حيل بس طبعي سكوتيه واتحمل
دخلت بشهري
وكمت اتمشى عمتي تاخذني تمشيني
اسلام ابد ابد ماله علاقه بيه يطب ويطلع
ما فد يوم كال اخذج دكتور
لو اطلعج وياي
من ازوجت لليوم اتمنى نطلع سوه نتونس نغير جو
بس ابد ولا فديوم طلع وياي
يكول اكره اطلع وي مره
كله امه تاخذني
واهلي يمينا اروح وحدي
فديوم صار عندي طلوگ
متت وجع مو طبيعي
هو بالدوام بايت
واني نزلت لعمتي
عمه الحكيلي فدوه متت وجع مو طبيعي
-اي صلاوات طلوك
البسي عباتج وجيبي جنطتج
بين ما اكعد خديجه امج واجيى
صعدت كوه جبت عباتي وجنطتي الي محضرتها بيها ملابس البيبي
ونزلت لكيت امي جايه
هايمه شلونج شيوجعج
عمت عيني يمه
كتلها يوم وجع مو طبيعي
امشي يمه امشي
خطيه ابوي جايب سياره
واخذوني للمستشفى
صارت زهراء
رجعت للبيت فرحانه بيها
وهو خابروه اجه الصبح من الدوام
فرح كلش بالطفله
طاير بيها
زهراء اول حفيده عدهم
فرحه ملت البيت هو فرحان بس ميعبر اليه اشوف حمويني يجيبون هداية وكلامهم وياي حلو وهو ماكو بس حاط زهراء بحضنة ومكابلني
جان عمتي كالت انتي گمتي بالسلامه اريد تحبلين مره ثانيه تنطينه لنائل
فراس سمع كال اي خويه اريد منكم طفل بنيه ولد انعمالله احنه ميصير
