رواية نورة الفصل الثامن عشر بقلم ام مصطفى
اتعجبت من حجاية عمتي مع ذالك
ماردت افشل نائل
كتله
-ان شاء سيد راجعوا دكاتره بعد من تأيسون بيكم خير ودللو
الف رحمة ع والديج نور شكد گلبج طيب ومسالمة عمي هنيال اسلام عليج
هيج شايله گلب طيب مشايف
-مشكور خويه رحمه الله والديك
اسلام ولا حجه كلمه بس يباوع علينه
وخال زهراء بحضنه ويبوس بيها
بدت زهراء تكبر شهر وره شهر فدوه مدنفشه وتخبل
وكلها تحبها متوگع من الكاع من حضن لحضن
من اهلي لعيالي
اهلي ماعدهم اطفال ومكيفين بيها
وعيالي هم
طاروا بالطفله
بس مرت نائل احسه تخبث وياي
وتسوي مشاكل ع الشغل
بس اني دوم اسكت
ومااراددها ولا احاجيها
مقدره وضعها خطيه
اكيد تتحس لان لهسه محبلت
وره فتره كام نائل يراجع بيها
عاد راحع بيها سوالها عمليه مال توسعة انابيب وعلاجات وهو هم مراجع بيها من قبل
عاد الدكتوره كالت مبايضها صفر خطيه ميصير عدها
خطيه والله انقهرت عليها
ضلت فتره حابسه نفسها وبس تبجي
وهي من اقاربنه هم علويه
عمتي رجعت فتحت الموضوع وياي
كالت
-نور اجبري خاطرها بطفل فدوه اروحلج
احبلي واطيهم الطفل
الله يرضى عليج من فوك
جاي اشوفين حالها خطيه
-عمه والله استصعبها شلون انطي طفلي
-قابل وين رايح هو يمج وبالبيت
ويتربى كبال عينج
ويبقى باسمج الطفل وباسم اسلام
مابيها شي
هسه انتي امج مو انطتج لخديجه
شكد تحبج خديجه ومداريتج
لان ماعدها غيرج
ضلت تقنع بيه
كتلها الله كريم عمه
بس كلبي ميطيني
بس هم انقهرت ع رغد خطيه
ضليت افكر بالموضوع
وره فتره
عمر زهراء جان 9 اشهر
اسلام
كال خلي نروح لايران واحد من اولاد عمنه متزوج ايرانيه
ساكن بالعراق وبالعطله ياخذ زوجته واطفاله ويروح ليران
عاد كال سيد حيدر راح يروح لايران خلي نروح وياهم همه
ساكنين باصفهان كتله
ميخالف اي والله اسلام ياريت نطلع ونسافر
اريد اطلع وياك من ازوجنا لهسه امنيتي نطلع اني وياك سوه
انوب نسافر الله حلم
ضحك هو
-ههههههه خبله مو صاحيه
امنيتج وحلم شبيج اتمني امنيه بيها خير كبري احلامج
-والله انت خليت الطلعه وياك امنيه وحلم
-والله اخذج واونسج واطلع الامنيه هاي من خشمج
-وعد
-اي والله شبيج نروح
صدك وره يومين
سوالنه جوازات
بس طلعهن من خشمي
اجه عصبي ويصيح
وزهراء جانت تبجي
صاح سكتيها راسي مسطور
وولي جوه انزلي
كتله كلها نايمه
وين اروح اني وبنتي
تعارك وياي وكام يغلط
وضربني وطلعني من الغرفه
عاد اني
خليت ورحت زعلانه لاهلي بقيت يومين
وهو لا كلف نفسه ولا اجه وخابر
اجه حماي يتعذر ولخاطري ارجعي
ابوي كال كومي روحي وياه ورجعني نائل
من رجعت صالحني يمعوده من اشوفيني عصبي وخري مني
ليش تخليني أذيج
ولج اضربج انوب اشبع قهر عليج
والله نور مو بيدي هالعصبيه طبع طايح حضه بيه
اغلط واضرب وبعدين اتندم
بالقران احبج ومااريد أاذيج
حضنته وبجيت
والله جاي تاذيني
باسني وكال
كال فيزت لايران وراح نروح
-صدك
- والله ان شاءالله يومين ونروح باجر حضري حالج
ثاني يوم بسرعه جبت جنطتين اشتريت
وخليت ملابسنا الي نحتاجهم
ومكيفه راح اسافر اول مره اطلع
واسافر
وطلعنا احنه وعائلة سيد حيدر
الطريق كله اباوع ع الجبال والسهول
والاماكن جنة
شنو هالمناظر الطبييعيه
شنو النظافه اووف ليش العراق ميصير هيج مثلهم
كلت لاسلام انقهرت ع حالنا
العراقيين
شوف النظافه
-والله الصوج مو بالحكومه الصوج بينه احنه
دشوفيهم احد يذب حاجه بالكاع
هم نضيفين
مو مثلنا
الزبايل نشمرها بنص الشارع والحاويه بصفنا
مانخليها بيها
الي يفلش بيته
يلعوص الدنيا والدربونه تنترس طابوك ورمل
ومايكلف نفسه يشلهن
وان شالهم ذبهم بنص الشارع
مو كلشي نگول الحكومه
احنه هم مقصرين
ومامرتبين
اي والله صدك
وصلنا لاصفهان
رحنه يمهم بقينه باصفهان ب17 يوم بس اسلام تقريبا 3مرات اني وياه متعاركين
على اقل شي يكوم يغلط ويضرب وضربته حيل تاذي
بعدين رحنه لمشهد زرنه الامام الرضا عليه السلام
بقينه8 ايام
ورجعنه لقم بقينه 3ايام وبعدين رجعنه لاصفهان اخذنه
غراضنه ورجعنه للعراق كانت سفرتنه تقريبا 27 يوم
رجعنه اخته خلود جانت مخطوبه
لكينه محددين عرسها بنفس الاسبوع اتزوجت اخته
هم عرس وهوسه طلعت من خشمي السفره
كله براسي العرس وكع
مرت ايام كامت عمتي تلح احبلي وانطي لنائل
ونائل كلي خويه انتي وعدتيني
اريد طفل تطوني بعد اخوج
كلش انحرجت منه
وهو خوش ولد حباب وزين وياي
اسلام كتله مامقتنعه
ضل يقنع بيه وخطيه واكسبي اجر بيه ومن هذا الكلام
صدك حبلت بس مرت حماي ابد مو زينه وياي اني اتخربط
بحملي مالها دخل
وشغلي غصبن عليه اكمله حامل اليه 4اشهر مصطفى ابن عم اسلام سوه عرسه بالبيت يمنا
لان بيتهم اصغير
وملتمين وهوسة تعرس واقاربنه بايتين يمنه
اسلام قبل كم يوم طلعتله سلفه كال ضميهن عندج
اني ضميتهن
بيوم العرس مال ابن عمه الصبح كال اريد الفلوس اروح اشتري غراض (دريل وكوسره ومكينة لحيم)
كتله حرامات تشتري ذني الشغلات ويبقن للطلب باهو اليجي ياخذهن
اني جنت حريصه والم الفلس ع الفلس
اكول اشتري بيت كاع
رغم اسلام عنده كاع بالناصريه مشتريها ومخليها
فافكر لو نبنيها ونبيعها لو ابيعها
واهنا اشتري بيت...
مصارت حجايه كام يغلط ويصيح ويمنه ناس
اني كمت ابجي كال الا هسه تنطيني الفلوس كتله ما انطيهن عندت
وهو لزمني وكام يضرب بيه دخلت مرت اخوه فكتني منه صاحت عليه خطيه حامل
يكلها اريد اموتها اليوم
عاد امه وابو صعدوا النا ابو ضربه وعمتي شافت وضعيتي حلكي يجري دم
خطيه خرطت وجها كالت شكول لامها وابوها
طلعوني من الغرفه
كتلهم اروح لاهلي بعد ما ابقه عاد خالت مصطفى كالن خاله لخاطرنه ابقي يخلص العرس ورحي
طول العرس اني بالمطبخ اخدم مالي عين اطلع كدام النسوان كلها درت بيه كتلني
خلص العرس بقيت 3ايام انام يم عمتي
عاد هو صالح امه
كلته ما ارضى عنك الا تصالح مرتك
اجاني اني درت وجهي شالني وصعدني للغرفه وبقة يعتذر كلبي رقيق بسرعه اتقشمر رضيت
وهيج تمر ايام عمري وياه
صار اليه بالحمل 8 اشهر اني اراجع دكتوره شهر بشهر
واسوي سونار بس ما اسأل
رغد مرت حماي كالت سألي شنو الجنس
ورحت كالت الدكتوره بيج بنيه كلت الحمدلله
كتلها شو هاي سكتت
وره مده بعد كم يوم اني ادخل بالتاسع جان تكول اريد اروح للعماره اختي راح تجيب وبيها ولد وكالت اخذيه الج زوجها جان مطبك وياها اني خليت وصعدت لغرفتي
كيفت كلت بعد احسن طلعت منهم
عاد عمتي كالت لعد وهاي البنيه الحامل مو الكم جان تكول لعمتي لا مو هذا ولد احسن
عاد عمتي صاحت كلتلها بزرنه بينه ما اريد غريب تريدين هاي اهلا وسهلا والله تكولين اجيب من اختي لانتوا ولا الطفل يطب البيت
عاد حماي من سمع قلب على زوجته كلها اني اريد من اخوي حتى ميصير اشكال وحلال وحرام
صار عندي طلوك وجبت بنيه سموها فاطمة وسجلوها باسمهم تخبلت
كتلهم مو هيج اتفقتوا وياي
اخذو الطفله مني لو تخبلت وبس ابجي كمت ليل نهار عليها
صارت بيه حاله نفسيه تقريبا 3اشهر يله استعاديت صحتي
بهاي الفتره
صادقت عمتي صارت طبتنه وطلعتنه سوه وتتخبل اذا حاجني وعمي هم صرت صاحبته حيل يحبني
حبلت وجبت حوراء ب16-3-2011 بس ابد مكال لو ولد
وحتى عمتي حيل يحبون بناتي حتى ميفرقون بينهن وبين فاطمة الانطيتها لنائل يكولون نحبهن على محبتج لان انتي حنينه وهنه مثلج
حماي الزغير يشتغل وي عمي عدهم محل بالسوك ملابس نسائي يحير شيجيب للبنات
اسلام ولا مره اخذنه سوك او طبيب اني اروح وي عمتي وحتى زياره مياخذنه ابد
يكول ما اعرف اطلع وي مره
عندي ذهب هواي من اهلي كال نور خلي نبيع ذهبج
ونتشتري سياره نطلع زيارات ويبقن عليه دين كتله خوش بعت ذهبي واشتره سياره
كال راح اخذج انتي وامي للزياره ومرت عمه
ورحنه للنجف بيها لان اتاخرت بالامام تفتيش النساء وبقيت اصلي تعارك وياي وتفل عليه كدامهن اني اموت قهر ابقه اكل بروحي
رجعت ميته قهر من تصرفات اني ضعيفه يمه كلش
دوم يضرب ويغلط ويفشلني
واسامحه
وعدت الايام
الدراسه ابد مشلتها من بالي كل فتره واكوله اريد اكمل هو يكول الا اني جوه التراب اخليج تكملين كتله لعد والوعد يبقى يضحك عليه
مرت الايام ابوه اشتره بيت كال اريد من اسلام ونائل كل واحد 5ملاين
احنه ما عدنه جان اسلام كال راح ابيع القطعه الي بالناصريه وصلت 35 مليون اني انقهرت كتله وتخلص الفلوس ويرحن حرامات كتله انته مو تعرف الله كال اي
كتله بيع نصها وخلي نص كال خوش
كتله اني اطلبك فلوس ذهبي كال اطيجياهن
كتله لعد اخذ القطعه منك لاهلي وراح اجيبلك تكملة الفلوس من اهلي
هو معارض كال اوكي
رحت امي خديجه وابوي كتلهم اسلام راح يبيع نص القطعه اخذوها انتوا كالت امي ما عدنه فلوس تكفي كتلهم انطاني فلوس ذهبي
وبعد ينراد 11مليون كالت امي عندي ملاوي بيعيهن الي وابويه طلع الفوس العنده اخذتهن ورحت كدام عمتي انطيته الفلوس كتله صارت نص القطعه لاهلي كال هاي هيه
امي وابويه بعدهم عد عمتي كاعدين
لان البيت مال عمتي ام فاظل اهلي كاعدين بيه
ماعدهم بيت من الاساس ماجرينه منها
وصلت اليه حجايه انوا عمتي تريد تبيع البيت وتنطي الفلوس لبناتها
اني متت يومين ما انام افكر بامي وابويه امي كبرت
من تطلع بعيد منو الها
فديوم صليت وقريت قران وبجيت
نزلت لعمتي كتلها اجه عمي كالت اي كاعد بالصاله
قريت الفاتحه لام البنين ودخلت عليه
سلمت وكعدت يمه كال اليوم نواره عدها حجي وياي
كولي يابه تريدين شي
كتله والله اليوم جايتك بحجايه وانته انصحني بيها
كتله سمعت عمتي تريد تبيع البيت واني انقهرت على امي وابويه وين يرحون ومنو الهم كال اني خديجه وضياء حيل احبهم واحسهم اخوان الي
شنو المطلوب كتله القطعه نص النه ونص الهم
نبيعها ونجمل فلوس واشتريلهم مشمل يكعدون بيه وهو الي بعدين كال خوش فكره ومني الكم 10 ملاين دين على راحتج وفيهن بسته وكمت الفرحه تارسه وجهي كالت عمتي اليوم اجتماع سري سولفتلها هم معترضت
والله هم كلت اسلام بالكوه يله اقتنع
كتله بس فلوس القطعه منك مالك دخل باي شي
مره كاعده عمي خابر كال حضري نفس لكيت مشتمل قريت على بيتنه الجديد امشي نشوفها
رحنه مشتمل زغير بس سعره مناسب اشتريناه
امي وابويه عرفوا بالقصه كتلهم
هم راحوا شافوه اخذناه
بس امي كالت نوفي دينه يله اكعد بيه
كتلها خوش
كمنه واجرناه
كمنه نوفي بدينه
وره مده عمتي ماتت بنات اخته كالن نريد البيت
كتلهم شيلوه بالمشتمل
امي الحقيقيه كالت اني بيتي جبير وبس وحدي بيه وعلي يداوم بالسيطره مالت كربلاء واخاف تعالوا يمي وعلى الواهس
اخويه علي صار ضابط
والله قلبوا وراحوا كمت اتردد على اهلي وقوت علاقتي باخواني
علاوي فقير وحنين حيل
واختي هم بس خطيه زوجها ظروفه تعبانه
فنساعدها دائما اني واخويه علي الها ولجهالها
حبلت وهم صارت عندي بنيه واسلام كال اسميها زينب
حيل يحبهن بس ميعبر النه عن حبه بس احس بيه من يعاركني يرجع يصالحني اني تعودت عليه بعد اسكت كمت احبه فكمت اغلس منه
اخويه علي خطبوله بت خالي الزغير تداوم ت كليه
كامت تراسلني
اسالها على الاقسام كتلها اذا اقدم يقبلوني كالت اكيد
دگ الجرس بالي كلت يارب سهلها عليه
حماي نائل الناس كامت تحجي عليه
انته مبيك شي ليش متتزوج مره متاكل مره
والله مرت عمه لكتله وحده من الجوارين بنيه مطلقه وخطبوها اله واتزوج اول مره بيت وحده
زوجته الجبيره شنت حرب علينه عبالك احنه المزوجيه بعدين جان تكله عدنه غرف هواي جيبها هنا ليش وحدها
وصدك جابها يمنه بيت عمي اشو ذني صارن حزب عليه
اني اغلس منهن
اسلام يشوف بس ما اشكيله اني اسكت حتى حماي الزغير لاحظ
دخل داعش واسلام يداوم وي مدير عام حمايه اله
كام يصعد وي الحشد بالدعم اللوجستي
عدنه صوره بالغرفه للسيد الشهيد الثاني الله يرحمه
باوعت عليها كتله ابو مصطفى اليوم طلبتي منك
حوراء بنتي امي اخذتها يمها وزهراء تنام يم عمتي وزينب عمرها سنه جان نايمه
اجه اسلام للغرفه
كمت اتلوگله وسويتله اجواء رومانسه ومبدله
هو تعجب يحب هاي السوالف 🤣
سبحنا وسويتله فواكه بصينيه وكرزات
كتله عندي حجايه وياك كال كولي
كتله اني ما اقبل تروح للحشد كال ليش كتله اذا صار بيك شي منوا النه اني وبناتي
كال هذا واجب لعد شلون كتله حرام عليك تعوفنه
مقبل
كتله لعد هيج خليني اكمل دراسه واحلفك بالسيد متردني
كال والبيت والبنات كتله اني ادبرها والله وافق كال كولي لامي تقبل يله
نزلت لعمتي خطيه كيفت
بس عمي ميدري
رحنه اني وياها كملت اوراقي وقدمت لجامعة الحله
مسائي بكلية العلوم
وره فتره خابرتني نوار خطيبة علي كالت نور طلع اسمج وطلعلج تقنيات احيائيه اني كيفت
كلت لعمتي واجه عمي هم كتله كام عمي يصيح كال هسه مده وتبطلين لان متكدرين
كتله لا ان شاءالله
