رواية حجرة التهميش الفصل الثامن عشر بقلم اساور حسين
بلعت ريگي والـدم وگفت بجسمي متجمد على موقفي وصدمـة عمري العشتها بخـوف ورهبـة ومصيـر مجهول ما اعرف شنو تاليتـه من وگعت كلماتة على راسي..
_ تبقين هنـا بين ما يوصل الشيخ وابـوچ يعقد النــاا !!!
دُجى : شگلت تَوك الشيخ وابوچ يعقد المنو ؟!
فـاض صبـري على هل چلاب مـو اهل مجرمين معددين وكل مجرم اله وجه من ابويه الأصغر واحـد بيهم، شبت النـار بيـه وما تنطفي غير بفضيحتهم
هجمت عليَّ لو اني لو هذا الحيوان الواگف گدامي اعارك بي ويلزم بيَّ
يكفخني على راسي ويشمرني على حايط لزمت الغراض شنو يجي بيدي كسرته عليَّ واعلى نبرة عندي هددتـه بيهـا
دُجى : آتزوج چلب بالشارع وما اتزوج واحد من گرايب ابوي
ضربته على صدره من عوج ايدي فرها وره ضهري ودفعني على حايط رفست بيدي ورجلي حتى يفكني ايدي رادت اطگ وهو صوته يدوي
ضرار : صـوتچ منا العالم بنت الكلب فضحتينا
دُجى: عوفني ولك هد ايدي هدها خليني ابرد گلبي بيك
يا نسـووان يا قنادر ولد القنادر بهذلتوني تريدون اتزوج
ذباحين امي اخذ منكم انغوله انعل والديكم اليوم ضربته على صدره من عوج ايدي فرها وره ضهري ودفعني على حايط رفست بيدي ورجلي حتى يفكني ايدي رادت اطگ وهو صوته يدوي
ضرار : صـوتچ منا العالم بنت الكلب فضحتينا دفعني بالگاع ويثبت رجلي برجله ويسد بحلگي صرخت بعلو صوتي
دُجى : لحگولي يا نـاس لحگولي يريدون يموتوني
بحر : لك ضرار انشهرنا اخنكها افتح الباب افتحه
دُجى : ولد الكلب بعدكم ماشفتوا الشهيرة على اصولها
صاير شريف براسي ولكم تبيعون شرف براسي يا نسوان
شمرتوني بالشارع وخليتوني بدار مشردات متبرين مني
وجايبين هذا المتجهول يعقد عليَّ امداني وامده حظي يبوووو
دفر بحر الباب يريد ياخذني من ايده ويملخ بيه وعمتي
ركضت خلتني وراها تحميني منهم ونجيبه الجلبه تدفعهم عليه
ضرار : لچ اني اعلمچ يا تربية الشوارع غصباً على راسچ اعقد عليچ وخشمچ اكسره
بحر : سكتها بنت ميثاء المصرية متعودات على فضايح
دُجى : منو يعقد عليَّ ولكم انذال شـردت منكم بشارع
نمت تجهولت وحافظت على روحي وعشت دار مشردات
وبقيت ريشة بيضه محد ملطخها ومن تالي صايرين زلم براسي تريد تعقد عليَّ ولكم اشتكي عليكم والحسين
نجيبة : الجوارين صعدوا ولكم سكتوها اخنگوها بنت ميثاء
طلعت راسي من وراه عمتي الصايرة بيناتنا سد تحميني عطت بيها
دُجى : ولچ انتِ السافله نهايتچ على ايدي بيدي هاي
بيدي اذبحچ وانعل والديچ الحاقده المصرية تاج راسچ
المصرية كاسره عينچ وبقيتي عمرچ كله تحلمين تصيرين
مثلها وما وصلتي الها يالجايفة يا عايبه موتيها واخذتي
بيتها وگعدتي بنتچ الخايسة بغرفة بنتها وبعدچ ما گدرتي تصيرين مثلها وبعمرچ ما تلحگين امي ولچ وعلي بعمرچ ما تلحگيها
نجيبة : الجوارين صعدوا ولكم سكتوها اخنگوها بنت ميثاء
هجمت عليًَ وعمتي تبجي وتدفع بيها جريتها من شالها سحلته وشعفتها تملخت بيدي گطعت شعرها ورفستها برجلي على رجلها بقت تلطم شلون اضربها ذبيت شالها الوصخ وعضيت الها ايدي وعمتي تعيط بعلو حسها حتى يجون العالم ويخلصونا منهم
بحر : ولچ راح نروح ميس بس سكتيهاا راح احركهاا
سكتيها خلي نطلع عيب من العالم الله لا يوفقكم
دُجى : احرگ قبل لا تحترگون ولد الچلب صايرين
زلم براسي مو اذا ما اخليهم يدفنوكم عاريه
دارت عمتي عليَّ تسد بحلگي وتدفع بيهم
ميس : راح يموتوچ عمه اسكتي الخاطري
دُجى : خليهم يموتوني ولا يگلي يعقد النا خليهم يذب حوني ويگولون انتح رت مثل امها
اني اريد الموت ولا اعيش ويه وجوههم الخايسة
جرني بحر من ايدها يسحب بيَّ للمطبخ حتى يذب حني والجوارين كلها تصيح برا شصاير وشنو هذا الصوت ، عضيت ايده وانسحل من ملابسه شفت ضرار يدفع بي حتى يطلعه برا ونجيبة تلبس بشالها وبتها تلطم على وجهه تصيح فضحتنا يريدن يشردن عطت بيها
دُجى : الفضيحة بالطريق چلاب
فتحت الباب والجوارين زلم ونسوان فاتوا من استنجدت بيهم عمتي وهي عايشة وياهم صار الها عشرة عمر النسوان يدفعن بيهن والزلم يطلعون ببحر وضرار وگفلي على صفحة يتوعدلي متخبل من تصرفي يگلي
ضرار : ماتعدي على خير وياچ لا عبالچ خلصتي راجعلچ
دُجى: اطلع برا لك اطلع مربين شواربكم عليَّ تالي وكت صايرين زلم براسي وهمه كل شرف ماعدهم
روح شوف امك واختك وارجع عليَّ ولد الفاطسات
بحر يريد يرجع يضربني دفعه وطلعه يضرب بي الحد ما وصله للدرج بعد ما شفتهم والجوارين يحچون ويه عمتي صديقاتها يغسلن وجهه هبطت منهم رحت للغرفة وطبگت الباب عليَّ واحس النار شابه بيه ما تنطفي
جريت حجابي لبسته وطلعت وعمتي تركض ورايَّ لزمتني وجريت ايدي من بين ايدها ونزلت الدرج اركض بالشارع لازمه گلبي عبرت الشارع العام وبعدني ما وگفت رجلي ماخذتني امشي وامشي ما حسيت على
روحي غير گدام مركّز الشرطة
عفت الشرطي برا ودخلت واگف ضابط بالباب من شافني
بالصدرية صاح ورايَّ درت عليَّ ودموعي ما نشفت گال
_ بابا شعندچ هنا ؟
_ سيـدي اريد اشتكي على اهلي
ملامحه ماتغيرت كأنما متعود راح يمشي مقابيلي واني وراه منهارة وابجي وتعبانة لا سند ولا اهل بس ماعوف حقي ما اصير مثل امي واسكت على اهانتهم وانتظرهم يكتلوني ولا ارضى يجبروني على شي كارهته
دخلني على مكتب مديرهم بالمركز رجال جبير والشيب تارس راسه گاعد ويشرب جاي من شافني عدل گعدته يباوع بيني وبين الضابط من بلغه اجيت اشتكي على اهلي لگيت منه كلّ الأهتمام بموضوعي وسمحلي اگعد
احجيله على هل يوم واشتكيت على ضرار وبحر ونجيبة عددت اسمائهم وخلاني اوقع وأبصم كمل البلاغ وصب مي بارد على گلبي
من خلاني ابصم واوقع وبلغني باجر ينعرض على قاضي
_ وهسة وين راح ترحين ؟
_ عايشة بيت عمتي وراجعه الها
_ احتمال بيه خطر عليچ
_ الله موجود
تأكدت من تعاطفهم وتعاونهم ويـايَّ وطلعت امشي ودموعي ما اسيطر عليها گلبي مقبوض وروحي تعبانـة رعب بداخلي رعب ما ينوصف دخلت منطقة عمتي منزله راسي فشلانه من العالم ونظراتهم
صعدت لگيت عمتي ادگ وتلطم عليَّ هي شافتني وهي ركضت حضنتني ذبيت روحي يحضنها منهارة ماعندي حيل يسندني اريد اكمل هبطوني
ودتني للغرفة بملابسي وبنص الهوسة والتكسير اخذت مخده ذبيتها بالگاع وبطانيه تغطيت بيهن ونمت على گاع بدون فراش محتارة شـلون اوصل الخـوالي قبل لا يضغطون عليَّ عمامي ويموتوني
شوكت اگدر اكمل دراستي واني عايشة بنص خراب نفسي وجسدي
بيا حـال اني واكمل دراستي وانجح ، وبيا صورة احمي روحي منهم وهمه كل ما شفتهم يكسرون بيَّ اكثر من قبل شنو من اهل صاروا اهلي طعناتهم تكتل
غفيت وعيوني نامت بس عقلي ماعرف يسكن افكاري نمت وعقلي خايف وگلبي ينزف ، گعدت ثاني يوم دوامي صبحي واني ما شايفة الكتاب ولا ادري بروحي وبعدني بنفس ملابس المدرسة بجيت خايفة على دراستي ومن المدرسات واحس جسمي مريض ما اگدر امشي حيلي تعبان حيلي
رحت للحمام سبحت حتى اصحصح ولبست صدريتي وقميصي الثانيات
شكلهن تعبان بس ماعندي حل ثاني غيرت الجدول وكل دمعه اطيح من عيني تصير جرح يحفر بكلبي منهم خليت جنطتي على ظهري شفت عمتي مرتبة البيت كله ونايمة بالهول وجهالها مطشرين حواليها عفتها والدوخة گوه مسيطره عليها نزلت الدرج الزم بالحياطين وگعدت على طابوگه بصف باب العمارة منتظره ابو خالد يوصل ياخذني ويخلصني من الخوف المدرسة امـان گدام حياتي
لمحته من بعيد رحت امشي اخط بخطواتي اجبر روحي اكمل يومي وحياتي وابو خالد من شافني ظل يتابعني بالمرايا اول ما صعد گال
_ شبيچ عمو مريضة ؟
_ تعبـانة
گطع كلامنا زمجرة دراجة اجت من ورانا وعبرنا بكل سـرعته اختفى بين السيارات نفس الدراجة ونفس الشخص راكبها ، دوامات وازدحامات ومن بين السيارات رجع يمشي بالشارع عبر الرصيف واقترب من بابي ابتعدت على جهه الثاني وابو خـالد يصيح عليَّ يريد ينزله لو ما السير يمشي رفعلي ايده لابسـه جفوفه الجلد على الخوذة مالته يسلم عليَّ خبلني
شمر وردة لازگ بيها ورقة صغيرة وداس بانزين بكل سرعتـه داس الهـا مبتعد من سيارتنا ومن الشارع كله شلت الورقة وايدي ترجف من الخوف قريتها بخـط مـرسوم رسم مخطوط بقلم اسود فحمي بكل دقـة
" ولهانه روحي الشوفتــك تـروي عطـشهـا
روحـي حمـامـة بـدنيتـك ومضيعـة عشهــا "
كورتها بيدي وشمرت الوردة على مقعد الجانبي بصفي خجلانه
من مسبات ابو خـالد ويريد يلحگ بي لزمت ايده
دُجى : خلي يطير فدوة بعد راح لا تتعارك بعد مابيه حيل
وهذا مبين طايش يخوف لا يروح يضربك يصير بيك شي
الطريق كله يسب واني اتلفت ادعي من الله بعد ما يطلع بطريقنا خليت راسي على جامه حايرة بالدروس ولا واجب محضرة ايد وره وايد گدام
مداومه وهذا سادس مو لعبة حتى التراكم يوصل الهامتي بي
فزت عيوني من شفته واگف بالدراجة نازل منها منتظر دار وجهه علينا من شافنا ونزل السوده مال خوذه صعد على سريع ورجعت اتوسل بابو خالد يعبره وصدك صار ورانا يمشي بنفس سرعتنا اشوفه من المرايا واول ما
وصلت للمدرسة دخلت اركض من شخط تايراتها وطلع على شارع
فتت فحطانه گوه اجر النفس والبنات واگفات اصطفاف رحت على سكره طلعت الماي مالتها شربت منه وايدي على گلبي يدگ سريع
سُكرة: اسم الله شبيـچ؟
_ واحد مخبل يلحگنا بدراجة واليوم شمر ورد وورقة عليه
وابو خالد حلف بالرجعة يلزمه يعاركه يمه خلسني خلس
اخذت الورقة تقراها وباوعتلي طابگه حاجبها مستغربة من كتابته
_ لچ هذا منو شنو ولهان عاشگ ولهان شنو هذا الحجي
_ هذا حظي الأغبر حظي المصخم مو عايزة ضيم المديرة تحجي واني فصلت اخذت الورقة منها خليتها بجيب الجنطة وكملت دربي للصف رجعونا گعدت مصفطه لا من الدراسة ولا من عقلي احير افكر بمصيبتي لو بمصيبة ابو دراجة المخبل المدرسة تشرح وخايفة
تگومني اشرح واتفشل بقيت احاول اركز وياها بس تفكيري مشوش خلصنا درسين وطلعنا استراحة شفت رونق حضنتها ورحنا نتمشى وسكرة راحت تشتري من اجت خلت بحضني عصير وجبس ورجعت جابت كاسات لبلبي واني اريد اوگع من الجوع ماعندي ولا ربع بجيبي اكلت الكاسه كلها واسمع بسكرة تحجي الرونق على ابو الدراجة
خزرتنا تنقل نظراتها بيناتنا وذبت الكاسة مال لبلبي بيدي ضحكت
اعرفها شتريد تحجي وبقيت اكل بالكاسة مالتها وهيه بوزت
رونق : امهات الزلم ما بقيتن زلمة يعتب عليچن
سُكرة: انفضحنا اشش ولج اشش
رونق : عمي خلصتن زلم العراق بقوا النا
دُجى : ولج بعدني ما مكمله غير البارحةابن عمي راد يعقد عليه وصرنا مذابح
رونق : منين تجيبن هل زلم مستقتلين شو ما يمرون
بحياتي عوره لو خرسة لو خايسة لو مو حلوة منين هل زلم منين
سُكرة : سدي حلگچ هاي شگالت شبي أبّن عمچ
رفعت عيوني ليفوك حتى ما اطيح دموعي استحي من البنات بالساحة
اجت يمي ورونق تغيرت ملامحها للخوف وگعدت بصفي شهگت وسولفت الصار من اول ما رجعت الحد ما داومت صوفرت وجوههم خايفات عليه
دگ الجرس ورجعنا وسكره شاركتني الصفنات بعد الحد ما گومتنا المدرسة شبعتنا رزايل واهانة وگعدتنا حتى ما نگدر نتنفس وياها حقها الف فكرة اجت براسنا نسويها من خلصت الدوام ودعتهن لان باجر جمعة ومشيت للخط ورونق ليوره ادور بالشارع على ابو الدراجة وسكرة تسحلها
ركبت السيارة سلمت على ابو خالد وبقيت ساكته بس افتر الفرع واعترض طريقنا ضرار بسيارته گطع الطريقة على ابو خالد ونزل عليَّ وابو خالد نزل وگف بصفه مزل راسه فوته من الجامة وعيونه دم صايرة صاح
ضرار : امشي انزلي عندي حجي مهم وياچ
دُجى: ماروح وياك لمكان يلة روح منا يلة لا الملم العالم عليك
ضرار : انزلي بالطيب لا استخدم إيدي ويـاچ
دُجى : والعباس ما انزل ولا اروح وياك روح من وجهي
خـاف لا اصيح عرفني طگه ونص هز راسه ورجع ركب سيارته متخبل مني عبرنا وهو يمشي ورانا على شارع العـام وتلفون ابو خالد رن جاوبه ويحجي بصوت خافت كلشي ما افتهم عبرنا الشارع العام طلعنا على طريق منطقة عمتي ودرت وجهي على عجاجه مال تراب الصارت ورانا شفت ابو الدراجة يمشي بمستوى سيارة ضرار وشمر شغله بالسيارة بحيث ضرار وگف وطبگ السيارة على صفحة يباوع على ايده مصدوم
وابو خالد داس الها حتى لا يوصل النا ابو الدراجة واني احتار يا جهه اگعد حتى لا يوصل يمي ، فراها فر صعد رصيف يمشي وصل يمنا وگلبي يدگ بسرعة تشنجت واني اباوع منا واروح مناك وابو خالد توتر الحد ما وصلت للبيت وهوَ صدح صوت دراجته بالمنطقة كلها واختفئ
دخلت للبيت ايدي على گلبي متردده بين اصعد وبين اهج حتى منا بس عمتي ميس شنو ذنبها! كملت الدرج ودخلت من وراه ظهري اندفعت
الداخل البيت وانطبگ الباب ورايَّ اباوع واشوف ضرار فـات علينا جريت ايدي من بين ايده وشمرت جنطتي عليَّ عطت بي
دُجى: مـا اتوب انتَ شتريد مني فك ياخه لزگت
ادور بعيوني على بيت بس الجهال موجودين وعمتي هذا وقتها ماكو بي
_ امشي اطلع من ترجع عمتي عود تعال جـر ايدي وشمرني على تخم وگف گدامي ما يرضى اتحرك
ضرار : باقي اخر فيز مشتغل براسي نصيحة الوجه الله تگعدين مثل البشر لا اصلخچ براشدي واگعدچ غصباً ما عليچ وعلى اهلچ الچلاب يا چلبة
دُجى: والله افضحك لو وصلت يمي والله
ضرار : بنت القندرة ما ميت على جهرتچ الخايسة اريد اسمع منچ مثل ما سمعت منهم قبل لا اذب حچ گعدت وسمعت منهم الصار تصيرين ادميه وتگعدين
تگليلي وحده اثنين تلاثة صـار ويـاچ
دُجى: حالك من حالهم دمك نفس دمهم غدار تغدرني
ضرار : جربيني بنت الكلب جربيني لا تحكمين عليَّ
دُجى : تعبت من الحجي
_ من وصلت يمي تعبتي ولچ راح يفصل الفيز وانسيچ ابوچ وامچ والعشيرة گعد على قنفه بصفي دمارات گصته ناطات يشغل بالجگارة ويسب ويكفخ بيه على راسي ضربت ايده من صاح بيه
ضرار : مشتكيه عليَّ اني اعلمچ شلون تشتكين
دُجى : ما تخوفني لا عبالك اخاف
عض اصبعه قوي طبع سنونه على اصبعه صار ازرگ
ضرار : اذا مـا اضوگچ النار معتب
ولا بطل مسبات يعدد بالعشيرة من چبير عشيرتهم ويختمهم بيه
ضرار : احجي لا اموتچ شارده ويامن ولچ ياهو مرصد؟!
ذبيت حسرة مخنوگه منه ومن الملحه ومن صوته العالي حجيتله على موت امي وهو يستعجلني بالكلام ويگلي اي اي منو مرصد وكملت من شردت وشلون التقيت بأم غيث ومن وصلت على بيت مرصد وشلون موتوا البنية نبض وشلون گدرت اشرد منهم ورجعت بيد اهله وعمامه وبست ايدهم ما يخلوني بدار مشردات وهوَ يفصل من الحجي يسب بيَّ ويرجع يسب بيهم
ضرار : كـافي اسكتي راح تجلطوني شنو من شياطين انتم ولا بيكم شريف
دُجى : اني ياهو مالتي روح سب بيهم لو گادر عليَّ
ضرار : اسبچ واسبهم واكسر راسچ واكسر راسهم طبت علينا عمتي تركض تلهث من الركض وراها عمي يتهادد وبيده ورقة
_ بنت المصرية ما شبعتي عمچ ووهاب بالسجن رجعتي علينا تريدين تسجنينه
دُجى: واسجن مرتك هم قدمت بيها بلاغ جرجرتني عمتي من ايدي تفوت بيَّ للغرفة تخاف يضربني
وضرار دفعه من صدره رگعه بالباب ودفعه برا يصيح
ضرار : خلي تسجنكم وتسجني تخلينا بالسجن
_ ولك بنت المصرية تخيسنا بالحبوس
ضرار : بلكي نصيـر زلـم
وعمي تخبل شلون يحجي وياه هيج ويقلل منه يصيح
_ ولك شني احنا مو زلم ما تستحي ؟
ضرار : وين اكو زلم يشمرون عرضهم بدار مشردات ؟!
وصعد بحر يتراجف مراجف من سمع ضرار هيچ يحجي
بحر : هذا شگاعد يحجي ضحكت على عقله بنت المصرية
ضرار : اكل **** ابن الكلب مخزينه هاي شلون تطلعون
بالشارع والعالم ما تتفل على وجوهكم الجايفة
نزلهم دفع وعمي قافل مايقبل يتحرك بريد ياخذني اتنازل ولو يذب حوني لو يصلخوني صلخ نزله وروحه وياهم للمركز ما اروح اخليهم يخيسون اقبل اموت هسة دام عليهم دعوة تكسر ظهرهم وينربط موتي وياه التعنيف
هيچ انام مرتاحة بصف امي ولا الذلة
حبستني عمتي بالغرفة وقفلت الغرفة عليَّ من رجع عمي صعد وياه مجيبه متسودنين يصيحون على اقل تنازلي على نجيبة عيب نسواننا تدخل مركز
دُجى : غيرتك بس على نجيبه ما گضتك الغيرة على بنت
اخوك مــن فوتتني دار مشردات خليتوني هـامش حثالات
ميس : ولچ لا تحجين لا يكسرر الباب اسكتي
دُجى : ما اخاف اگلها ما اخاف خليهم يموتوني
سحلها وهي كل صرخه تصرخها اقوى من قبلها ويدفر بالباب من تعب وبحر ماكو عافني ونزل طلعت حلگي يابس وجسمي كله يرجف فتت للحمام سبحت على سريع ولبست دشداشة سوده واخذت جنطتي ورجعت حبست روحي بالغرفة جبرت روحي ما انام والخوف اكل گلبي بس حلفت
اكمل دراسة شكو موضوع فاتني قريت اول مادتين وعيوني ثگلت غفيت
الساعة عشرة بليل وردت اصواتهم المكروهه يتصايحون همه وعمتي وهي تغلط بيهم وتعاتبهم لأن عافوها وخلوني بالشوارع ، ولا عبالك بحر الكلب يصيح : روحي على بنِت اخـوچ خليها تجهز
روحها جايين بالطريق ضرار والشيخ يعـقـد الهـم
ميس : حسبي الله عليكم خبلتوها للبنية بذمتكم
كون ما تتهنون وتتجهولون مثل ما جهولتوهـا
فتحت الباب رحت عليهم وهمه يريدون ياكلوني اكل بعيونهم
بحر : ابوچ عرف بعمايلچ سـ****
دُجى : واذا عرف منو هوَ ابوية ولك خابره گله
الجذبت عينهاا وصدگتك لو طحت بيدها تذبحك
_ هاي طلعت على طريق وحتى ابوها ما تهابه
مكانها المگبره بعد ونومتها جوه التراب اريح الها والنا
دُجى : جرب وادفني جوا التراب بس قبلها اذكرك
رگبتكم بيدي بحركه مني اخليكم تعوفون بيوتكم
دُجى : وعبالك لو ذبحتني تخلص ؟ الجنطة
بيد اليگطع عليكم النفس يدفنكم واحد واحد لو سمـع خبــر مــوتي
هجم عليَّ يجر بشعري وشمرني على تخم يخنگ بيَّ
بحـر : ولچ شهرتينا عد منوو خليتي اسرارنا عد منو ؟!
دُجى : اكتلني حتى تگدر تشوفه ويغنيلك
_ لك اخنگها مووتهاا خلي الليلة تنام بصف امها
دُجى : يوم المنى حلم وتحققه البنت اخوك موتني حتى ارتاح بگبري واعرف عفت ورايَّ
ناس تحرگ بيوتكم وتجهول نسوانكم بجنطة دفن يدفنكم
دخل الشيخ وياه ضرار واني شردت للغرفة قفلتها وصحت
_ شيخ اني ما موافقة اتزوج ولو زوجتني ذنبي برگبتك اليوم الحساب
من سمع رفضي الشيخ وذممته عافهم ونزل وكلهم يركضون وراه يقنعون بي كسروا الباب عليَّ يريدون اطلع ختلت بالزاوية منهارة منتهية من البجي عشت اصعب ايام حياتي بأحلى سنوات عمري
غفيت للساعة وحده گعدت مرعوبة من صوت رعيده بالمنطقة فتحت الباب لگيتهم كلهم نايمين الجهال بس عمتي فاتحة عيونها فازه من الصوت مثل الطلق عبالك رمي بالمنطقه
مشيت فتحت البالكون بفضول اشوف شصاير اول ما عتبت رجلي البالكون شفت صاحب الدراجة ماخذ شوارعنا طول بعرض يفتر بيهن وصل النهاية الفرع وفر راسه عليَّ واني شلت دشداشتي وركضت فتت جوا وما احس غير اصبعي انصدم بعتبة الباب من الهبطة عطت طبگت عمتي الباب تضحك عليه ولازمه اصبعي تربعت وگعدت يمها اسب بالرعيده وصاحبها ، وهي گامت راحت للمطبخ واجتي بيدها ماعون كبه
واسمع الرعيده مال دراجة رجعت وصـوت اغنية قديمة تطرب مسامعي
" اجيتك من بعد غربـة اجـيت بليـة كمريـة
هـذاك اني نبـع صافي يخايب دغش مـابيه "
ميس : الله شگد احب كلمات هل اغنية وبيها
ذكريات ابوية چان يحبها على طول يشغلها
دُجى: بالبداية عجبتني وحبيتها اول مرة اسمعها
من خليتي ابوچ واهلچ بالنص كرهتهـا لعبت روحي
صفنت بوجهه احبها بس گلبي ملجوم ماريد انصدم بأحد
لو يلزمون عليَّ مستمسك ولا اريد اخلي استاذ كافل بموقف صعب
دُجى : دافنتها بمكان أمـان اوصل 18 واتصرف بيها
سُكرة ...
يـوم جمعة اتبعـه يوم السبت الوضع بالدار هدوء ست سامية رجعت اداوم طبيعي واي اختلاط بفنار ما تختلط وفنار عايفتها ، اليوم السبت رجعنا وحده ما تفارگ الثانية وفرعنتها على راسنا من جديد خلتها الأمر الناهي
اعتزلنا بغرفنا اليوم الأحد دوامنا ظهري گعدنا من الصبح الدار داخل انذار دخلوا ست سامية واستاذ كميل للأدارة بغرفة استاذ كافل ومن بعدهم بخمس دقايق دخل ابو سرگال وامـه ومن بعدهم استاذ خيبر فات عليهم ورجع طلع يخابر بالتلفون ورجع الهم سمعته يبسبس وياهم قلقوني
لزگت مظراتي على باب الرئيسي بلحظة مـا شفت استـاذ سـرگال
دخل على دار ودخل مستعجل على اداره كل البنات ركزوا على وضع
متكهرب اصوات تتعالى وتخفت واني گلبي ضيع علومه بشوفت استاذ سرگال طالع من السجن واخيراً ياربي لك الحمد ربي لك الحمد
هنـا عرفت اخوية الكفو ارفع راسي بي وبشهامته اخوية ما باع العشرة
ولا نسى وگفاتهم ابنسمت وكملت اكلي ما رفعت عيني غير من تعالت همسات البنات وتركيزهن على مدخل الباب اول ما دخل استاذ كافل
لابس رسمي ويمشي رافع راسه وعيونه بيها حزن وخيبر ويحجي وياه وهوَ فاصل بغير كوكب ولا مركز وياه
دخلوا كلّهم للأدارة والمدربات يفترون بالممرات سمعنا اكو اجتماع طارئ
كملنا اكل دخلوا الهم جاي وصعدت راجعت الواجبات وامتحان الأحياء
المؤجل اليوم اني ودُجى نمتحنه، رجعت نزلت دخلت ورشة شمع بين ما تصير ب11 ونص ويجي ابو الخط اشتغلت على شمعة شكل فيونكه ومكعبات مشتاقه للورشـات وايامهن
من كملت ترخصت اضطريت اطلع الأبو الخط وشفت استـاذ كـافل قبلهم هج مـن الأجتماع وباجيكلثوم تمشي بالممر جايبه الهم اكل وگفها ياكل على سريع هو واگف ومستعجل اكل قليل وطلع يمشي ولا يشوفنا مبين عنده شغل ضروري ركضته مو قانونية
مشينا اني ورونق للحديقة ولگيت استاذ خيبر وسرگال واگفين بالباب الخارجي من فتت من يمهم نزلوا راسهم يسوون طريق رونق سلمت ردوا السلم من سلمت اني استاذ خيبر رد وهذاك وجهه مدرع من العصبية
لو كاتله ابو وامه مو هيچ يخوزرني ليش ماعرف !!!
صعدت بالخط مالتنا ودرت وجهي انطيته ظهري وهوَ راح يمشي السيارته ركبها وحركها قبل لا الخط مالتنا يحرك ، نفخ گلبي بتصرفه وطير معلومات
الأمتحانات لازگتهن لزگ براسي شفـت دُجى توها نزلت من السيارة ومـن فاتت مشيت ايدي بيدها خليتها واحجيلها على استاذ سرگال گالت
دُجى : الأجلح الأملح وراء القضبان يغمز ويبوس
خارج الغضبان وجهه مقبوض جنه تاير طاگ
مشينا اني ورونق للحديقة ولگيت استاذ خيبر وسرگال واگفين بالباب الخارجي من فتت من يمهم نزلوا راسهم يسوون طريق رونق سلمت ردوا السلم من سلمت اني استاذ خيبر رد وهذاك وجهه مدرع من العصبية
لو كاتله ابو وامه مو هيچ يخوزرني ليش ماعرف !!!
صعدت بالخط مالتنا ودرت وجهي انطيته ظهري وهوَ راح يمشي السيارته ركبها وحركها قبل لا الخط مالتنا يحرك ، نفخ گلبي بتصرفه وطير معلومات
الأمتحانات لازگتهن لزگ براسي شفـت دُجى توها نزلت من السيارة ومـن فاتت مشيت ايدي بيدها خليتها واحجيلها على استاذ سرگال گالت
سُكرة : لزموهم أهلهم اجتماعات
رونق : حسب أخباري المتواضعة المصدر الرسمي
المدربات وباجي كلثوم اهلهم فعلوا قوانين جديدة
تنكتهم نكت بعد محد يگدر يبصبص يغمز يكمكش
ممر استاذ كافل بعد محد تعتبه وهو وافق
سُكرة : طبعاً يوافق يخلص من هوستنا
رونق : شو الدجاجة وراحت بعد شيسوي بالبنات
دُجى تكهربت عافتنا وراحت للأدارة ترخصنا من المدرسة الرياضيات
وگعدنا بصف ست وسن حتى تمتحنا جهزت النا اسئلة واجونا بنات اثنين هم امتحنوا ويانا ما مبقيه سؤال صعب يعتب عليها بالمنهج ما كاتبته
مو امتحان انتقام عقلي ظل يصفن من وراهـا
سلمت الورقة وطلعت الدمعة تريد تطفر من عيني والزمها رحنا للساحة گلوبنا دمام وادگ دخت ودُجى خلت ايدها على راسها وگعدت گلت الها
شصاير سولفت على اخر موقف صار ويها من وجعت يوم الخميس وگالت وراها اختفى كلهم بعد ما شفتهم ، وحجتلي على صاحب الدراجة وشلون كل يوم يفتر بمنطقتهم يروح ويرجع عبالك عنده حراسه
رجعنا للدروس وكملنا دوام انفصلنا بس بدي اروح وياها ، رجعت للدار لگيت متعب منتظرني بالباب وحده خفت عليَّ بقيت اتلفت ودخلته للحديقة
_ شتسوي هنا ماتخاف يشوفوك اهل لهب
_ مليت طگت روحي الى متى اظل شارد
_ الله يفرجها مايظل كلشي على حاله
گعدت وياه بالحديقة ورونق نزلت من الخط اجت اخذت الجنطه گتله
سُكرة : متعب هاي اختي وقطعة من گلبي رونق صاحبتي
باوع بوجهه ونزل وجهه خجلان منها
متعب : كل الهلا بيها على الراس
رونق انگلبت طماطيه جرت الجنطة وشردت جوا للدار ضحكت على خجلها وبقيت اسولف ويه متعب بالنص ساعة على محكمة وعلى شغله سلم باس راسي وراح واحس اكو اسرار مثگله ضهره واخوية مو متعب قبل كلشي يحجيلي لا من يسولفلي عنه حذر بكلماته وراه اسرار
رحت بوجهي الصالة الأكل عطلت من الجوع صبيت واكلت وصعدت كملت صلاتي وكل دروسي راجعت الرونق وعدلت دفترها وكتبت الها موضوع وهي راحت تحفظ موضوع وتفشر على مدرسة ذبت كتابها راحت نامت واني عيوني قفلت مشيت على فراشي ونمت وتجاهل استاذ سرگال بعده يدگ بگلبي قاهرني رجع نفس اسلوبه وتجاهله
نمت واني متحلفه اله موقف اليوم ما يعدي واندمه عليه واعرف شلون اقهره بي ، غفيت والثاني يوم هم دوامي ظهري عدنا الغرفة ونزلت اتريك
واستاذ كافل بيده اوراق يمشي بالممرات واستاذ خيبر وست كبرى وياه منارة وفنار گاعدات بالممر بين الصالة والممرات يسولفن ويشاهدن عفتهن ودخلت اصب وعلبه المربه الصغيرة وگعت مني رجعت اخذها وبعدني صافنه شلون صافنات ويراقبن بيهم واثنينهم مروا من يمهن ابتسموا الهن ورجعوا على مكتب استاذ كافل
رحت دخلت ورشة نص ساعة بس وصاحتني بنية گالت
_ استـاذ خيبـر يريدچ بالمكتب
عفت الورشة ورحت على مكتب ولابسة صدريتي اول ما فتت ثلجت اطرافي
بشوفت استاذ سرگال گدامي گاعد على مكتبه ردت اطلع گال
_ هـا وين ؟
_ استـاذ خيبر يريدني
_ اي استريحي ست بين ما يجي تستنكفين تنتظرين
رحت گعدت على كرسي ساكته وعيوني على بال عدل گعدته على
كرسي المكتب وحط ايده گدامه رافع اصابعه يريد يعدد بيهن
سـرگال : بعدنـي مانسيت الفلك الأسود السويتي
ذاك اليوم من طلعتي من مدرستچ لا عبالچ انسجن وانسى
هميت وگفت على طولي صحت واني خازرته
_ ونسيت ولما نسيت مشكلتك استاذ مو مشكلتي
ضرب على مكتب يخوفني يگلي
سـرگال : اخر باص انذار الچ مرة ثانية اذا
تطلعين من المدرسة بدون اذن من عدنا واحنا
يا غافل الك الله تنفصلين من المدرسة ، تحجين
ويه الغربة وانتِ رايحة للمدرسة تبطلين غلط منچ تنهين مشروع دراستچ كلها مفهوم
سُكرة : ما مفهوم دامك هذا أسلوبك ويايه
استاذ وحتى يكون بعلمك اني رحت الأخوية
والرحت وياه مو غريب خطيبي وبعلم اخوية
دگ على مكتب واجاني بگد ما تقدم اني واگفه گعدت على كرسي
والشر يطافر من عيونه اعصابه كلها تشنجت من يعيد الكلمة عليَّ
سرگال : منوو ؟!
_ استـاذ لهب خطيبي
رفعلي اصبعه يشمر بي عليَّ يگليي
_ راح يطيح حظچ
سكرة : ما شفت حظي طايح غير من اوگف وياك وتقلل مني تحاجيني بهذا الأسلوب
يريد يحجي ويلزم بروحه مني بس حجي هواي بگلبه صاح
سرگال : لا تصيرين غبية وانتِ تعرفين الشروط بين المدير والنزيلة وتدرين مراقب وخسران وگلت كلشي يتعوض دام ا....
سُكرة : هذا الأسلوب بين عدو وعدوته مو مدير ونزيلته
سرگال : هذا الموجود الحد ما توصلين 18 يتغير واقع
حالنـا بيوم ما تبلغين السن القانوني ويسمحون الج تتصرفين من عقلچ هسة خطر عليچ خطر كون تفهمين
ما اكدر احجي كل الكلام ممنوع خليتي محافظ عليچ
خليته وروحي شايطة ما اسمعه والتفاهم بيناتنا معدوم ، اخذت الجنطة
وطلعت من الدار للباب الخارجي وهو يريد يعوف الدار ويطلع صعد السيارة يراقب ويخزر بيه لأن انتر بيَّ يريد على مرامه مثل اللعبة يعاملني شوكت ما يعجبه يصير زين ويتصرف عدل ويايَّ وشوكت مايحب ويعجبه يثگل وينتر ولازم يا سُكرة تتحملين
داومت لگيت دُجى واصله قبلنا فاتحة الكتاب تراجع بس هي صافنه
رونق : اليوم فد نوب دايخة وين عقلچ
سُكرة: دايخة بأبو دراجة
دُجى: اليوم ماشفته ابد مختفي
رونق : هلو هلو متابعته الأخت گولي عاجبچ ؟
_ انجبي لچ عاجبني شنو بس سألتني گلت مختفي
سُكرة : يعني مهتمة ؟
ضحكت وهمست
_ لا والله مو اعجاب فضول وتعويد
رونق : ذكي ذكي لعبها صح جذب انتباهه واعجابها
بمغامراته اليوميه ، عيني قابل مثل ذولاك الناس مغندبين
اخذت البنية صفنا ورحنا لدروسنا بعد ما صار عدنا مجال نحجي بأي موضوع بس خفت من شفت مستوى دجى بلش يتراجع والبنية تذبل يوم بعد يوم ..
بطلعتنا من المدرسة التفتت على صوت ورايَّ يصيح بأسمي التفتت شفته لهب حرت بين اروحله وبين اشرد واصعد وابلغ متعب بعدين لا يرجع بس هو سبق تفكيري خطوة واجه عليَّ لزمت بيد دُجى من وگف مقابيلنا سلم علينا ومنزل راسه وليغاد بصف السيارة واگف صاحبه جهيد گال
لهب : اجيت اطمن عليچ قبل لا اسافر شلونچ عيوني ؟
_ الحمدلله بس لازم اروح اخاف ابو الخط يحجي
للأساتذة وتصيرلي مشكلة غير مرة احجي وياك
گطع طريقي ومبين زعل من كلامي
لهب : انتظري دقيقة علمود العقد مافكرتي بعد
ما نرجع من سفرتنا هايَّ نعقد شكلتي خلي يصير
اللي بيناتنا على ورق بموافقة اخوچ
دُجى تضغط على ايدي ما راضيه ورونق تتلفت تخاف احد يشوفنا
سُكرة: روحوا هسة ومن ترجعون بالسلامة اردلك جوابي
لهب : بعطلة نص السنة نحتفل بخطوبتنا ؟
سُكرة : والبيت ؟
لهب : بعدني على كلمتي وياچ
_ تمام موافقة اهم شي اخوية يرجع يعيش ويايَّ
سحبت دُجى ايدها من بين ايدي وهي خازره صاحله عافتني وراحت صعدت بالخط منفعله عفته ورحت وراها لگيتها تريد تنفجر
_ شبيچ ؟
_ شنو هل زواج الخايس كله مساوم بدايته غلط نهايته
شنو تاليها كل عقلچ وين توصلين عقلي ولچ وفكري زين
شنو بيت ؟ شنو استقر ويه اخوية؟ شنو زواج مصلحه ؟
سُكرة: والقران هوَ حباب لا تحكمين عليَّ
_ لو بي خير خلي يرجع الكم البيت بدون زواج
ويعيشچ ويه اخوچ بدون مساوم وزواج مخليته
يساومچ على بيتكم حرگتي دمي ولچ فحمتي
روحي امشي ولي مني
وقبل لا تحرك اشرت على صاحبه تگلي
_ وهذاك مو راحه ونظراته قذره افگس عينه اذا
بعد يباوعلي بهالطريقة الحقيرة امده الجايف
يلة عمو ابو خالد حرك السيارة حركها لا انزل
افوخ گلبي بيهم
دُجى ...
تايهه بالشـوارع وبين النـاس ضايعة من مشاعر ومن كلام اعدي اليوم وادعي يمر اليوم البعده مثل القبلة وياريت الروتين يزورني بلا مصايب وجع بگلبي وروحي تنزف من اعرف ابوية موجود وقريب وما يريدني شفت الناس العزيزة تبيع بيَّ محد اشتراني
النص الطريق وابو خالد باوعلي بالمرايا يسألني
_ شعجب هذا المخبـل مختفي
_ اندري بي شگالولك عليه اعرفه حاجيه وياه
ضحك واني نزلت اهز بيدي ما راضية على كلامه ليش يتهمني ليش صعدت الدرج ادردم وابن عمتي نزل يركض وبيده الف ورقية وراه هم بيدها الف يريدون يشترون ضحكت على ركضتهم وصحت وراهم
_ اليوم امكم مدحدحتها بيدكم العب
دفعت باب الشقه ودخلت لگيت فوج غثاثه گاعدين گدامي يفاوضون بعمتي يريدوها تقتنع وتخاف حتى ترجعني بالدار وكون ضرار مايعرفوعمتي معانده وياهم ماحجيت لأن طاحت بيهم وطردتهـم برا بيتها
وعمي يصيح
_ راح تخسرين ميس اذا تبقين معانده على بنت المصرية
تخسرين اخوتچ وراها جهالچ كلهم واحد وره الثاني
دُجى : هيَّ منيلها اخوان حتى تخسرهم عاشت
وانتوا غربه عنها ماعدكم محنه على اخيتكم
ولا ينكسر كلبكم عليها وترفعون تلفون تسألون
اخيتكم شلونها ويه مجرم ماكل لحمها وحيلها يا ظالمين
_ والله لو ما مذمم عليَّ اكتلج چان من زمان انتِ مطمومه
_ الله لا يوفقه
_ الله موفقة من خلص من امچ ومنج يا سافلات زبايل
ووفقنا هم وهسة متزوج من حب حياته وفاز بيها ومرتاح
بحياته وياها وما تريدچ ولا تقبل يشوفچ هل ما يسأل
عليچ ولا يريد يشوف وجهچ يا بومه مثل امج بومه تفوو
دموعي سالت بلا سيطره على خدي وعطت محروگ گلبي وهو متشمت
دُجى : تفوو عليكم وعليه تفوو على اليوم الأسود اللي امي شافتكم بي يا مجرمين راح افضحكم والله
لزمتني عمتي امسح بدموعي واسب بيهم قهرني موتني بمكاني لو ضاربني ولا هذا كلامه ، اخ ولـچ دجى اخ اصحي على زمانچ مخليته مرتاح ومتزوج وعايش حياته ، وامچ عدموها حياتها جوا التراب عافهـا وحقها اليوم ما اخذتي وبيدچ دليل تگطعين ارگابهم بي ، مخليه الحق يضيع بكل ما يمر يوم يقل حقها وينغبن ، وحتى خوالي بعد ما يصير الهم حق يساعدوني ويلوموني على تأخيري لو تاخرت اكثر بعد
بعز انهياري وبعدهم متعاونين يموتوني من القهر دخلت نجيبه وبتها صايرات ملكات زمانهن بعز امي وحلالنا گعدت اتشمر بيدها وتگلب بحلگها تغث بينا جلدها يحكها على صلخه معدله من بين ايدي
نجيبة : والله اخوچ فر المحاميين يوكلهم النا بدل الواحد اثنين
دُجى : خطية يغار على عرضه صاحب نخوه
نجيبة : وجايين ورايَّ عود استسبعي گدام عمامچ
ولدهم هيج تجادلي ، ورضيتي لو ما رضيتي راح تعقدين هل ليلة على ضرار حتى يتأكد من شرفچ
دُجى: عوزها الماعدهم شرف يتأكدون من شرفي
اتأكدوا من شرفكم انتم ولكم اني تاج على راسكم
بتها الخايسة تتهادد تريد تضربني سحبت ايد عمتي ودخلنز الغرفة گلبي راح يوگف وضعي كله تخربط وعرفت ما دام جابوهن معناتها يريدون يلزمني اني وعمتي حتى يسيطرون علينا راح تصير جبيرة هل مرة ونهايتي اقبل بواحد مسافر ما يدري بالدنيا وجايني تالي وكت يتأكد من شرفي
_ عمـه اريد تلفونچ بسرعة فدوة
خافت تنطيني بس ماعدنا حل ثاني راحت جابته اخذته منها بأيد ترجف وروح خايفة ادگ برقم عمو ابو خالد وعاصره ايدي حيل اخاف ما يجاوبني واتورط بقيت امشي بالغرفة روحي تلوب الحد ما سمعت صوته رحت بزاوية الغرفة لازمه دموعي وصوتي نبرته مرعوبة منهم لا يسووها
_ عمو اني بمصيبة عمامي راح يزوجوني لأبن عمي
غصب خابر على استـاذ كـافل يجي يخلصني منهم
ابو خالد : هسة اخابرهم روحي عمو روحي لا تخافين كون يلحگون
رجعت الجهاز بيد عمتي گالت
_ عيب منهم عمه هذولي غربة
_ غربة بس احسن من اهلي
_ يمكن ما يرضون يساعدوچ
_ ليش ؟
_ طلعتي مــن حمـايتهـم
غطيت وجهي وگعدت بالگاع لا حول ولا قوة بلا سند ولا حماية وكاها متعاونه تكسرني يحيرون شلون يلطخون بيه اگدر اتحمل عيشة عمتي دام كاعدة يمها احس بيها تحبني وتحميني وتريد ترضيني ، بس هذولي ما خلوني اعيش يوم براحة اذا ما اتفقوا بي يكرهووي عيشتي هنا وبكل مكان اروحله
دعيت من الله ما يخيب ضني بأخر امل صار اليه امسح بدموعي
وترجع توگف وعمتي يمي تحضن بيَّ همست يم اذني تگلي
_ لا تخافين يمه يمج اني لو اعرف يذب حوني ما اخليهم يعقدون الچ على ضرار وتنجبرين مثل ما جبروني وزوجوني وكسروا ظهري
اسمع صوت عمامي وزلم معممه دخلوهم حتى يضغطون عليَّ بيهن ومن ارفض لو اصيح يشهدون هل زلم اللي بنظرهم خيره ويسووهم حجه يكتلوني بشهادتهم ، خليت ايدي على گلبي ورفعت عليوني همست
_ دخيلك ربي خلصني منهم والقران تعبوني شسوي بروحي ويعوفوني ياربي ماعندي غيرك يارب خلصني دفع عمي الباب وبعده يستقبل بيهم ويستعجلني
_ بسرعة بدلي الزلم تنتظر خلي نعقد الكم ونفضها
_ والقران اذب ح روحي وما اقبل اصير الكم الگرايب امداني محد يجبرني والله محد يجبرني
فـات عليَّ وسد الباب وعمتي وگفت گدامه تدفع بي هو ينزع بالحزام يريد يضربني لزمني من ايدي ضربني عليها شاغت روحي بقيت لازمتها واصرخ فـات ضرار متخبل من صوتي جرني عليَّ ولزمني من حلگي حيل يسد بي بيدي الثانية ومثبتني ما اگدر اتحرك هلكت واختنگت بيده
دفع عمي الباب وبعده يستقبل بيهم ويستعجلني
_ بسرعة بدلي الزلم تنتظر خلي نعقد الكم ونفضها
فـات عليَّ وسد الباب وعمتي وگفت گدامه تدفع بي هو ينزع بالحزام يريد يضربني لزمني من ايدي ضربني عليها شاغت روحي بقيت لازمتها واصرخ فـات ضرار متخبل من صوتي جرني عليَّ ولزمني من حلگي حيل يسد بي بيدي الثانية ومثبتني ما اگدر اتحرك هلكت واختنگت بيده
ضرار : نفس ما اسمع لا تجبريني اشيع جنازتچ اليوم منا
ضربته بيدي وعمي يجر بشالي وشعري يصيح حتى ابدل واغير ملابس المدرسة دفعت ايده وضليت احلف هل عقد على موتي ما يتم وهمه فتحوا الكنتور وجر دفتر الرسم مالتي من الكنتور شگگه كله وشمره بالگاع وراح على ملابسي يطلع بيهن ويشمرني شاف فستان عمتي اللي اشترته اليه واخذه شمره بوجهي دموعي توگع على ايد ضرار واعيط هو ساد حلكي
حسيت النفس انگطع ازرگيت بيده صاح
ضرار : تلبسين ؟ اعوفچ تجهزين روحچ ؟
هزيت راسي اي بس حتى اتنفس اختنگت اريد الهوا ذبني على حايط
اخذت الفستان بيدي حتى يروحون ودموعي ما اشوف بيهن من البجي
وعنتي طلعت على شيوخ تشكي من عمامي گدامهم تريدهم يحسون
لو واحد بيهم يخاف الله بس الصار عكس توقعها وگفوا ويه ضرار وعمي
_ ابن عمها ويريد يستر عليها من زمن اجدادنا
هاي عاداتنا وتقاليدنا شكو بيها لو اخذهـا
كورت الفستان بيدي وعمتي تعدل بشعري المگطع ورجعت الحجاب
على راسي تباوع على باب خايفة منهم وترجع تهمسلي
_ لبسي عمه ما يگدرون يساعدوچ بيا حق يجون
ياخذوچ من بين اهلچ وعمامچ محد يقبلها
عيوني غورگت ماشوف بيها وراسي صدع من الرهبة دعيت من كل گلبي بس هل مرة يخلصوني ياربي بس هل مرة ساعدني ماعندي غيرك كلشي ولا يزوجوني هيج زواجة حتى يدفنوني واضيع حق امي بيهاا بعد لا اگدر احصل الجنطة ولا انطيها بيد خوالي شسوي بروحي ياربي اموت وما اتزوج
وخليتها براسي هل موته ادور بالغرفة على شي يموتني ماكو بقت عمتي تروح عليهم تحجي وياهم وترجع مابيده شي تساعدني بي صحت على ابنها يجيبلي سجينه من راحت وانطي نستله ركض من بيناتهم للمطبخ
جايب بيده السجين من دخل فات وراه ضرار يركض يريد ياخذها من ايده جريتها قبله من الزاويه الحاده اصبعي انشگ بيها غمضت من الوجع ماعندي وكت حتى اتأذه خليتها على رگبتي وضرار گدامي يسب بيه وشال ابن عمتي شمره برا الغرفة كسره تكسر عطت بي
دُجى : راح اكتل روحي بذمتك برگبتك انتَ وياهم
ضرار : شمريها دُجى راح اخذچ حتى اساعدچ والله
دُجى : ما اريد مساعدتكم يا انذل عليمن تعاوني
على اعدام ابوك واهلك روح من وجهي روح انتم
طماعين بعدكم ما شبعانين من اذيتي وانتَ اقذر منهم ولك انتَ طمعان بيه يا حقيـرررر
ركضت عمتي تلزم بي ضغطت على رگبتي بيها الحد ما طلعت دم
وعمتي تلطم وعمي يخابر على ابوية تقرب ضرار يريد ياخذها من
ايدي واني بيني وبين الموت شعره دخلوا اربع زلم لابسين عسكري
دفروا الباب بأمر يدفعون بعمي والشيوخ كلهم گعدوني وضرار عيونه
على باب فتحه واشوفهم فاتوا علينا وبالباب واگفين الأساتذة تلاثتهم
الضابط : عدنا بلاغ زواج اجباري وتعنيف قاصر
شمـرت السجين من ايـدي وگعدت بالكاع منتهية ما اگدر اجر النفس ورجلي ما تشيلني اروحلهم ألوذ بحمايتهم ، وفـز گلبي ودگاته من شفت استاذ كافل عبرهم متوجهه على غـرفة متركز تركيزه على مكاني من نص عمامي يمشي
وخيبر يريد يمنعه يدخل حتى لا يجذب انتباه احد بس هو جر ايده وكمل يمشي واسمع الضباط يتصايحون بينهم وبين عمامي وفات عليهم استاذ سركال هو واستاذ خيبر محاصريهم بأدلة وأوراق رسمية تثبت اني جنت عدهم بدار المشردات ، وعمامي وابوية سلموني متبرين مني ومن حمايتي وماعدهم حق يجبروني أزوج بهالطريقة والضابط يصيح
_ زواج القاصر اجبــاري عليها حبس يخيسك بالحبوس
ضرار بالباب مثل البركان وانفجر عصبيته ما تنوصف قابض ايده
سـد الطريق على استاذ كافل حتى لا يفوت ويتعارك ويه الضباط
اقل الثانيـة وگف وياه استاذ كافل وجهه الوجهه يگله
كـافل : انتَ منو ؟
ضـرار : مالك دعوة
كـافل : المـرحـوم
لزمه استـاذ كافل من قميصه فـر قميص ضرار بيده وذاك هم لزمه يضب بملابسة سبقه استاذ كافل ضربة بوكس ودفره على رجله اول ما طاح ضربة بوكس ثاني على وجهه والضابط اجه اخذه منه مايرضون يتعاركون رفسه بنص گلبه رفسه خلتني اسد عيوني ما متحمله المنظر
كـافل : الله وحده يگدر يخلصك بعد مني كابوسك
وامشي بحياتك السوده اجرعك المـر والله
الضباط يدفعون بيهم وعمتي تحجي على اخوانها گدام الضباط ونجيبة وبتها فص ملح وذاب من بيناتهم دنگت راسي لزمت رگبتي توجعني خايفة
والدم طبع على رگبتي حسيت ارتفعت من الگاع وايد دمها حـار على عكسي
متمسكه بيَّ وگفت وصارت عيونه بعيوني اني ابجي وهوَ نار واگف گدامي ما يتفاهم جـرني من ايدي يمشي بيَّ يطلعني من بيناتهم وضرب على جتف سرگال ياخذ مكانه هو وخيبر ، نزلني الدرج يسحب بيَّ سريع امشي واتعثر بمشيتي وگلبي مثل الدمام يدگ حتى براسي من الرهبة منـه
فتـح باب السيارة صعدني اول ما گعدت هد ايدي وجر اكلينكس وبخشونه
صوته مثل قبل رجع جامد ويايَّ ما يباوعلي حتى يحاجيني بنتر
كـافل : رفعي راسچ اشوف رگبتچ
خفت ارفض ، لو اسحب روحي وهو منتظر استسلمت واشهگ من البجي انشگ صدري رفعت راسي وعطت من حط الكلينكس على رگبتي يوگف الدم رجلي ترعش وايدي قريب من ايده اريد الزمها حتى لا يضغط گال
كـافل : جرح لا تخـافيـن
ضغط على كلينكس بقبضة ايده راد يروح لزمته من سترته اباوعله ودموعي تجري
دُجى : لا تروح استـاذ أبقى يمـي
سحب ايده ما يريد يسمعني وجهه ما يگصه السيف طبگ الباب وقفل السيارة عليَّ يريد يصعد فـوك ونزل بحـر من فـوك والضابط وراه لزمه من ملابسه رگع راسه بالحايط دوخه اول ما وگع ضربه بوكس وعـافه من اجه الضابط يدفع بي ما اسمع شنو يحجون نزل عمي وراه ضرار دفع عمي على الحايط يحجي وياه وكل ما يحجي يسكته وهو يكمل كلامه وضرار يضرب بيده اللي دافع بيها عمي ما گدر يضرب عمي افتر بكل جسمه ورگع ضرار بوكسي على عيـونه طفاهه والضباط مبين من جماعتهم مكلفيهم للدار والمشاكل
ورجع رفع ضرار من رگبته يحجي وياه وضرار يتوعدله خازره ، تمنيت اعرف ضرار شحجه وياه بحيث استاذ كافل وگع على ضرار بوكسات وحتى الضباط يضربون بيهم گطعوا بحر تگطع وطلعوا دفرات واستاذ سرگال وخيبر دفعوا ضرار دفعه وگع على ركباته من الدرج واجه الضابط اخذه منهم صعده للسيارة وهوَ يهدد بيهم يرجع الهم والصار وياهم باطل
صعد استاذ سرگال للسيارة وخيبر يحجي ويه الضباط يتشكر منهم واستاذ كافل فوك ما نزل حركت سيارة الشرطة والشيوخ حركوا سياراتهم وراحوا واستاذ خيبر منتظر استاذ كافل ينزل مرت بالربع ساعة ونزل هو وعمتي لابسه عبايتها وتمشي وراه وهوَ مستمر يحجي وياها اجت صعدت ويايَّ
واستاذ خيبر اجر سيارة راح وره الدورية ، وهو گعد بالصدر ما يحجي
ينافخ وعمتي تسألني شنو يوجعني من اون بحضنها يزيد منافخ
تعب الدوام والدراسة وعمامي والأهانة وصدمتي بأبوية كلهن مثل حمل الجبال على ظهري صارن گاعدة بلا وعي اسمعه خـابر خيبر گال
_ خيبر مفاتيح بيتك
سـرگال : لا رجعها للدار امان اكثـر
كـافل : مـا استقبلهـا بالدار
ردت اشهگ من صدمتي بجوابه احترگ دمي وضميت وجهي بحضن عمتي اكثر وسرگال يباوع بوجهه يهز براسه ليش هيج ليش ما تستقبلها وهو ك تجاهله ودار وجهه منه يگله لا تحجي تمنيت اصيح عليهم ينزلوني بس عمتي جانت ساكته واطبطب على ظهري تصبرني
عدل روحي وگعدت حتى اجر النفس وايدي على گلبي احس يريد يوگف من القهر والذلة شهگت وخليت راسي على شباك اريد اوگف للعالم واحد واحد واگول الهم لحگوني تعبانة اهلي هدموني يا عالم اهلي ما يريدوني عذبوني ابوي كتل امي وتزوج وعايش حياته مرتاح ولا على باله بنته وعيشتها بغربة
لمحت عيونه اتابعني من المرايا الصغيرة مال سيارة من شافني اباوعله صد عيونه مني ودارها على شارع صرت اشوف بس نص وجهه شلون كارهه الدنيا وما بيها ما جارع احد ، واستاذ سرگال مكمل الطريق للنص ركن السيارة على رصيف صعدها ونزلوا وعلى طبگتنا طلع استاذ خيبر من بيت
جبير بنص منطقة هادئة وراقيـة وفتح الباب يستقبل بينا بالهلا والمرحبا
شافني منتهية من القهر والحزن خيم على ملامح الشباب بوجهي وكبرني دهر فوك عمري برطم شفايفه زعلان وعافهم كلهم اجه فتح بابي يصيح
خيبر : لا تبجين بعـد عيوني تحرگين بگلبي والله
ضميت وجهي بيدي اشهگ ماگدر اوصف شعور الضياع
وهوَ مثل البلسم يعزف بكلمات الأمان على مسامعي
خيـبر : اخذ حقچ والقران اندمهم اتختخهم بالحبوس
وكل دمعة وگعت من هل عيون الحلوات يخسروها
ايام من حياتهم
دُجى : اسـ... استـا... استـاذ عذبـوني
حجيتها وبعد لا شفت بعيوني وصدري يوجعني من الشهگه
بجيت بصوت مخنوك مكسورة وكل الجروح هاجت عليَّ
فتح الباب اكثر حتى أنزل ونبـرتـه اهتزت
خيـبر : انزلي وارتاحي معززه مكرمه بيت اخوچ
لو استاذچ عمي ابوچ خالچ شتحسبيني حسبيني
بس تبقيها براسچ اخذ حقچ من بين عيونهم اولهم ابـوج
71 تعليق
سندتني عمتي من ايدي نزلتني تجر بيه گوه دخلتني اشوف المكان مغوش حديقة وگراچ وباب استقبال مفتوح اول ما دخلنا عمتي انبهرت بترتيبه
ونظافته وعطر النظافة الطاغي والألوان المريحة للعين خفت اگعد ويتوسخ
وهوَ دخل معزب يعدل اليه الكوشه ويطبطب على تخم يگلي
خيـبر : ارتـاحي اگعدي ولا تخافين بعد ابد
أمني دامچ بنص بيتي ابن امـه وابو يلوحچ بكلمة
خليت راسي على حضن عمتي وغفيت ساعات ماعرفهن شگد بس فزت روحي على همسات عمتي بأخر الغرفة تخابر وتشهگ تلطم على وجهه وتعاتب بالمتصل وكلماتها مـوتت دُجى والباقي بگلبها من حب لأبوهـا
شيطيب جرحي وابوية الرجال اللي ألوذ من الدنيا بحضنا طعني
شيعلم گلبي يقسى عليك ولك بوية ويخليني اخذ خطوة ليكدام واندمك
شسوصلني عندك واگلك بوية تعبانة والله بوية تعبانة اخذني بحضنك
شيقنعني يا بوية واكرهك واني عشت عمري كله انتظرك واحبك
ولك بوية تعالي بوية ارجعلي فدوة بوية اريدك كسرت كلبي حرام عليك
تمنيت روحي امـوت ولا اسمـع ابوية ركض العمامي وولدهم للمركز حتى يطلعهم ، ياريت الله ياخذ امانته ولا اسمـع هو مستقتل على اخـوانه
كون مـا سمعت أذني هل كلمات
" ابـوهـا شهـد عليهـا بايگه فلوسهم وشاردة "
سديت اذني من عمتي تحجي بالتلفـون تنقل كلام الأساتذة ، يبررون
هل زواج حتى يمنعون موتي بغسل عـار تگول الهم اتهما باگت فلوسهم وشردت ويه واحد .. حسيت بگلبي تهشم تهشيم هنـا يمه هنااا يمـه لحگيلي يمـه ألمن عفتيني يمـه راح امـوت
7 تعليق
ذبيت روحي بالگاع لذمت على وجهي ملخت روحي دگيت على گلبي اريد گلبي يوگف شلي بروحي بعد وابـوية يطعن بيَّ شلي بدنيا ابوي بيها عدوي
رگعت راسي بالقنفه بكل حيلي عمتي تلزم بيه واني ارافس من الحرگه البگلبي احس ما تنطفي ناري غير بموتي عطت وبعالي صوتي
_ هـو اني شسـويتلك بـوية !!!
ضربت على وجهي وفاكه عيني على عمتي ما مستوعبه
دُجى : گوليلي شسويتله عمه ليش يكرهني ليش
_ بـاطل عمه ابوچ ماعنده دين كافر مايخاف الله
_ اخ گلبي شيتجمل بعد گلبي عمـه تعبت
اخذتني بحضنهـا وعيوني مغوشة اشوف لمحة خيال وره الباب مستمع غمضت وختلت بحضنها اصرخ من النار الشبت بگلبي ما تنوصف احس بضغك على صدري يدگ براسي مخنوگه ما اگدر اشم الهوا
ابـوية بيده مـوت گلبي بقيت اردد بيها لعمتي وهي تبجي عليه
نمت بين ايدهـا الثاني يـوم سمعت عمي وبحر وضرار صاعدين قاضي
وماخذين حجـز كلهم وكل محاولات ابـوية فشلت گدام إثباتات الأساتذة
ودفاعهم على دعوة هـاي واصرارهم كل واحد منهم ياخذ عقوبتـه
ومحاميهم وأعدهم يحاول ويطلعهم بأقرب وقت ، باقين يتوعدون بالشر
الكل الأساتذة ومتخبلين واخذوا استقتالهم هذا ووگفتهم بمحمل شخصي
وتاهميهم عدهم شي ويايه ومستفادين مني ، وصايرة مشكلة بنص المحكمة
ومضارب وتهديدات الحد ما أخذوهم والأساتذة رجعوا صاحوا على عمتي
يحاجوها بالثار كله بالحديقة ، فتحت البردة شفت استاذ خيبر وسرگال
يفهموها واستاذ كـافل واگف بالباب يريدهم يخلصون حتى يروح
مـن دخلت عمتي عدلت شالي وفات استاذ سرگال گعد مقابيلي هو واستاذ خيبر واضح عليهم شگد مقهورين على اتهامات ومصايبي
سـرگال : ردينا اعتبارچ وحقچ اخذنا لا تنقهرين بعد
ميس : خجلانه منكم تعبناكم
سـرگال : هذا واجبنا ودُجى ارحم من باقي البنات قبل
كم يوم اخل بنية من بنات الدار رجعوا خذوها البنية
يومين وخابرت گالت الخيبر لو تلحگون بيه لو تلگوني
واذا متت اعرف اخوي كتالي ، البنية رحما عليها زرگه
ماكو عظم صاحي بيها نقلناها للمستشفى هي بالطريق
ماتت من التعنيف هم لو تتزوجين شايب لو تموتين
خيبر : والله قبل شهر بالضبط بنية مثل الورد بالدار
معلميها اهلها الدرب الأعوج وهي اجتنا برجلها گالت
خلصونا اجت عليها امه وره ما تشافت ودرست ورجعت
طبيعية اخذتها ماكو شهر وخابرونا عليها نستلمها
عايشة بالشارع فاقدة مـن التعاطي
سرگال : اشكال والله قصص تمر علينا تشيب الراس
وهواي بنات يطلعون ويخابرونه النجدة لو جهة
لو همه حتى يرجعون دُجى مو اول حالة
خيبر : من اتصل ابو خالد بسرعة اتصلنا بجماعتنا
وقدمنا اوراقچ حتى يطلعون ويانا مفرزه والحمدلله
رجع حقچ الباقي عليچ تنجحين وتقررين وين تبقين
ميس : تظل عندي ...
خيـبر: خليها هي تقرر واتمنى تتصرفين بعقلچ
دُجى عوفي عواطفچ وخلي سالفة اهلي والبيت
على صفحة اخذي خطوة ليگدام تفيدچ
7 ت
تـرخص استـاذ سـرگـال من عدنـا وطلع وهو يگول
_ عقلهـا براسهـا تعرف خلاصهـا
من طلع بكل هدوء وتفهم حط ايده على صدره يگلي
خيبر : نصيحه واخذي بيها عوفي كلشي
وركزي بالجنطة لا تخليهم يرتاحون وعايشن
طبيعي وانتِ متعذبه
1 تعليق
ميس : شبيدها والله سألت ميصير تسافر
خيبر : هي تعرف شلون تگدر تسافر بس تبطل عنـاد
ذبيت نفس وتوترت من نظراتهم حسيتهم يعرفون بعرض استاذ كافل ومقتنعين بي ويريدون يقنعوني ، حسيت بشعور غريب بداخلي محتار قصص ماي هوبس
اي بقيت افكر واحتار بيـن اسمـع بكلامهم بين ارفض تلميحاتهم من
خوفي المستقبل راعبني حتى من افكـر تنزل دموعي
عدل قميصه وراح بـرا وعمتي تلبس بعبايتها تستعجلني اروح وياها تأخرت على اطفالها وجارتها كل ساعة تتصل عليها حتى تجي تاخذهـم منها بين ما اعدل الحجاب راحت تبلغهم هي راح تروح واسمعهم برا قافلين ما اروح ويـاها ويريدون اظل منـا لمن يوصلون الحل يرضي الكـل مشيت والشال بس شامرته على راسي رگبتي تلچمني من يطخها حجاب
التقت عيني بعيـون العـازل روحه مغنـدب كل خزره اخذها منه تشرح
فشار عميق دافنه بگلبه اذا يحجي يجهول عوايل ، لزمت بيد عمتي وهوَ شمر الجگارة داسها واجاني يدبچ بمشيته يفر بيده أليه يصيح
_ ويـن رايحـه هـانم خـانم خـاتون
بـاوعت بطرف عيوني وهزيت ايدي شبيك فتحلي ايده وصدره يگلي
_ شبيـه لا مابيه بس مجلوط من عنـادچ قابل شكو بيها
خيـبر : بالتفاهم
سـرگال : خيط حلگك يغثني برودك
كـافل : ام رسـول فوتيها وروحي انتِ شوفي اطفالج براحتچ
دُجى : ما اظل هنا ، اخذوني السكر ورونق
خيـبر : اي اخذها
كـافل : ماتدخل الدار والعباس ما تدخله
90 تعليق
ميس : ابقي هنآ دجى ما اطول وارجع
اخاف اخذچ وهذولي شياطين مراقبين
البيت ويصير بيچ شي عمه
سرگال : 100% مراقبين البيت
خيبر : اذا انتِ ما تخافين على روحچ احنا نخاف عليچ
ردت انطق بكلمة بخزره من عيونه بلعت الساني ورحت امشي ويه عمتي للأستقبال لا ارادده هسـة وينفجر بوجهي يفشلني گدامهم ، أمنت عليه
وراحت وهي تتشكر منهم واني امرد بيدي من التفكير الزايد اشكال
افكار ادور بعقلي
بالنص ساعة ودخل استاذ خيبر گال
_ البيت بيتچ اتصرفي مثل ماتحبين اني اروح اشوف
الدار اليوم عندي خفر حراسه هناك لأن باجر عدنا لقاء
11 تعليق
ردت اگول اخاف وحدي بس هوَ طلع وطبگ الباب واستاذ سرگال ادري
بي اخذ عمتي يوصلها وهذا راح خبست روحي بزاوية الأستقبال خايفة
من رزايله مبين گلبه محمل عليَّ واضح من وجهه مصوف ما ينجرح وتگف بالشمس ليگول عبالك يريد يزيد بسواده وفوكاها يطحل جگاير
ظل بالحديقة يحومي على باب الأستقبال ويختفي بالممر مال مطبخ ويرجع يوصل للباب وخياله يبرز من جام الشباك المضلل ويرجع يطلع للشارع قصص ماي هوبس من يتعب يجر كرسي ويگعد بصف شباك الاستقبال يگلب بالتلفون ويرجع يخلي بجيبه يطلع يشرب جگارة ويرجع يفوت يخابر ويسد المكالمة وهو على نفس ملامحـه مشتاط شيط من العصبية
بعـد اذان المـغرب لمحته نزع القمصه علگها على باب المطبخ وراح للحمامات يتوضأ ودخل من باب المطبخ على البيت اسمع صوت خطواته وهوَ يدخل للغرفة الأخيرة وصوته من يمشي ويستغفـر ويردد الأستغفار على طـول مشيته رحت امشي على اطراف اصابعي لمحته بيده سجادة فرشها بالگاع وگف يصلي بس من يسجد اشـوف راسـه وجهه كل نور ما بي ولا ذرة ابتسامة حتى من يصلي مخنزر ومبين عصبي هواية عصبي
مـن شفتـه سجد كمل وايده رفعها على راسه وطبگ السجادة وكضت
وگعدت بمكاني بالزاوية وخليت مخده بحضني صفنت على گاع من
وصلتني حس خطواتـه تقترب على استقبـال نزلت راسي اباوع بالگاع وبطرف عيني لمحته بس جواريبه السوده لابسها واگف يباوعلي حتى اخاف اشوف شكله ظل لا دقيقة ولا اثنين لا هو راح ولا اني شفته منتظر مني الزله حتى ينفجر بس حتى النفس گطعته لا يروح ينفجر بيه
عـافني وطـلع بـرا دقايق وسمعته فتح الباب الخارجي وصوت يحجي
ويه احد واتبعه حس طگطگت علاليگ يزيد صوتهن من يقترب من المطبخ ودخل على بيت ورجع يمشي قريب من الأستقبال وهل مـره دخل وكعد گدامي ما فتح العلاگه شگگها تشگگ مزقها تمزيق عنفها وطلع علب اكل
منها مقبلات وتمن على دجاج وتربـع مقابيلي يخلي الخاشوگه شمرها بحضني فني ويا ويل ويلي هسـة ما اشيلها لو ارفض اكل اذا ما يشيلها ويخليها براسي وهو حتى انفاسه الغضبانه ما متحكم بيهن
اخذتهـا من حضني وهو گطع الفخذ يخيل من جهتي واخذ الجنح
اكله واكل تمن وشرب لبن واني اگلب بالتمن ايدي ترجف منه شبيج
ولج دُجى عليمن خايفة شنو يگطع راسج تجبرين روحچ على اكل
ذبي الخاشـوگه واذا صيح گولي ما اريد لا تخافين ابد لا تخافين
ذبيت الخاشوگة وسمعت افكاري ورجعت بظهري ليوره وردت اغمض من وگف من الأكل وذب الخاشـوگة من ايده ورفع الصينية خلاها گدامي
رفعت عيني عود اريد احجي الكلام اللي علمته الروحي من شفته تراجعت واخذت الخاشوگه وترستها تمن وشربت بطل لبن الصغير كله وهوَ بعده
ما اخذ خاشوگته بلعت ريگي وهمست
دُجى : كمل اكلك استاذ الأكل طيب
كـافل : دحترمي نفسچ واكلي
دُجى : هـاي شوف اكلت
اخذ الفخذ بيده يفلس بي ويشمر على جهتي واني ما اريد اكل من ايده
وشمو اكل من ايدك وليش تگابلني وتگعد حتى ماعرف اتنفس وهوَ موجود يمي ، وظل ما ياكل گاعد يريد حجه يشوفني ما نفذت واكلت اجبر بروحي ابلع اللگمه بالبطل الثاني مال لبن وكل ما اعض لگمة رگبتي توجعني
وهوَ ينافخ گدامي صـاح
_ شمري الحجاب على فلك مو حرام رگبتچ طالعة
دجى : الجرح يلچمني
كـافل : خلي يلچم ضميهـا بسـرعة
ذبيت جهه من الحجاب على رگبتي شغت من الوجع وهو رفع راسه يأشر يشرحلي على باقي الأماكن الطالعة من رگبتي حتى اضمها گتله
دُجى : ما اگدر الجرح يظل يجري دم عوفها هيچ
جحظ عيـونه ورفع اصبعه يعضه
كـافل : غطيهـا احسلچ يلة غطيها
لفيته وخنگت روحي متحمله الوجع وادردم ما اسكت وهو شال الأكل وصاحني وهو يمشي اجي اغسل رحت قبل لا تكبر المشكلة اغسل واگف ورايَّ يگلي ينافخ ويستغفـر ماعرف شبي ليش هل استغفار خليت ورجعت
على استقبال وهو راح على مطبخ خدر جاي وصب وطلع برا يدخن جگارة
ويشرب چاي ومتنرفز من كمل حطها على شباك ودفع باب الأستقبال وفات
كـافل : دُجى ...
رفعت مستوى راسي حتى اوصل الطوله واني گاعده اشرلي بيده
كـافل : اوگفي گدامي
طبقت مطلبـه وگفت گدامـه وهو يتبع خطاي بكل مرة ارتفع بيها
كـافل : شفتي وين وصّلنا عنـادچ؟
دُجى : لا تعاتبني
كـافل : تعبتيني
الشعـور الداهمني اذاني لدرجة صعب وصفة ،ايدي رجفت وبلگوه گدرت اسيطر عليها واسكنها نزلت راسي من وگعت دموعي حسيت بي يخطي ويتقرب مني! ثانية ورا ثانية خطواته تتقرب اكثر واكثر وبكل أحساس قُـرب منه يجمد كل جسمي ويفاجئني عجيب ليـش هيچ احساسي صعب؟
توترت وثگـل نفسي لدرجة صرت احس گلبي يضخ دم زيادة الجسمي من لفحتني انفاسـه الحـارة اريد ارجـع كم خطوة ومنعني هــوَ من اتجرأ اكثر وتمسك بكل قوتـة بطرف صدريتي ثبتني گبالـة وبهذا الوقت بالذات عرفتـــه ناوي على كــلام ما بي رجعـة وموقف أصلـة جملة ثابتـة من رجـال ما تنخلف وبالأكثـر مستغل حتى الدقيقة ، سحـب نفس قبل لا يفكـر نطقها يگلي
_ كسـري بـراحتچ البيت كدامچ بس بعد ما اتراجع منها
بفضول خليت عيني المليانة دمـوع وتعب
تقابل عينه الحيرانه المليانـة ثبات و اصرار
_ هـل مرة اذا فكـرتي ترفضين تخسـريني!
رجعت اريد ابتعد واتحكم بأفكاري المشوشة ما خلاني رجع سحبني اكثر ولا تردد لحظة صدمنـي وخله عيوني تتوسـع بوجهه من كـرر طلبه وبكل ثقـة گـال
كـافل : تقبليـن نلاگـي العقل بالعقـل والعيـن بالعيـن
من خلال عقد أصلـة تكون دُجى بأسـم كافلهـا ؟!!!!
