رواية حجرة التهميش الفصل التاسع عشر بقلم اساور حسين
ليش تخسرٍ مَثلي واحدً
هَامل الدِنْيا وَيجيك
انْسانٌ منْ تُوكَع بِشد
يعينك أكثر من أديك
انسَان جَانْ يبيع روحِهْ
ويشتري الترهم
⋆˚☆˖°⋆｡° ✮˖ ࣪ ⊹⋆.˚ ⋆˚☆˖°⋆｡° ✮˖ ࣪ ⊹⋆.˚
رجعت اريد ابتعد واتحكم بأفكاري المشوشة ما خلاني رجع سحبني اكثر ولا تردد لحظة صدمنـي وخله عيوني تتوسـع بوجهه من كـرر طلبه وبكل ثقـة گـال
كـافل : تقبليـن نلاگـي العقل بالعقـل والعيـن بالعيـن
من خلال عقد أصلـة تكون دُجى بأسـم كافلهـا ؟!!!!!
زعلت من كلماتـه رفعت ايدي امسح بدموعي الطاحت وهمستله مهضومه
دُجى : مـا اريـد أخسرك لا تهـددني بيـك
رفـع راسـه وذب نفـس طـويل واني منزلـه راسي هـد صدريتي يگلي
كـافل : ذاب حني الخـوف عليچ
وخـرت ايدي ابـاوع لعيـونه المصبوغه دم ودمارات بيها ناطات مـن الضغط
هـزيت راسي سـريع گلبي يوجعني على ملامحه وخجلتـه مني گتله
دُجى: استـاذ انتَ ملجئي الوحيد اخـاف اخسرك
كـافل : يشهد عليه الله اريد اساعدچ بسّ عنـادچ
كلب ابن كلب يلعب النفس
قبل لا يطـلع ركضت صرت بوجـهه وشالي طـاح من رگبتي ظل
مجلب براس رفعت ايدي ترجف والساني ثگل گـوه گتلـه
دُجى : لا تحـرمني حمـايتك مـو انتَ واعدني ؟
بهاللحظة نظراته تحـولت من الحدية والغضب للغرابة ركزت بيها اكثر حسيتها مو على بعضها تختلف عن قبل ، بلع ريگه بـصعوبة وشفايفه
يبست ترجـف وعيونه ضاعت ما تباوع بوجهي نزلها لجهة رگبتي صفن وبسرعة دار وجهه وغير اتجاه نظراته غاد مني من حس على روحه واستوعب وين جـان ساهي
ثواني ونبرة صوته تحولت من الخشونة اللي زلزل بيها گلبي وخوفه للهداوة والليونة سلهـم وكـل مـا يطول بوگفته گـدامي تليـن اكثر ، ذب حسرة طلعت من گلبه وهمسلي بصوت مبحوح محتـار چن ابواب الدنيا كلها انقفلت بوجهه وضـاگ بيَّ النفــس
كـافل : مـا الله يهـديچ وترضين تتـزوجيني ؟
دُجى: راضيـة اتزوجـك وانتَ تكـفـلني
توّسعت ابتسـامتـه حـاول يضبط مشاعره مـن عـرف متمسكة بي وواثقة هو گدهـا يكفلني ، وصلـه جـوابي مثل المتمسك بطـرف خيط ورايدتـه وقبل لا تختلط فكرة بفكرة قـررت وبكل احترام اتفـاهم وياه
دُجى : زواجنا تتعهد بي تسفرني الخوالي، وبعدين ؟
دُجى : استـاذ بس اذا سمعوا اهلك راح تقوم القيامة علينا
كـافل : يستمـر عقـد الزواج بالسـر اهلي مايوصلهم خبر
دُجى : بالمستقبل من اطلب ننفصل ماراح تعاتبني ؟
_ وعلى شنو اعاتبچ؟
دُجى : تعتبرني مصلحجيه تعبتك بلا مقابل
كـافل : مـا منتظر منـچ حـاجـة دُجى ولا اطالبچ
بثمن حمايتچ هذا واجبي انتِ بحمايتي ، يكفيني اأمـن عليچ وتبطل عيني السهـر من تصيرين بحماية خـوالچ ما يوصلچ خبث احد تاهت أفكاري وضاعت كل أحلامي هذا الواقع ماجنت أتخيل أعيشه ما تمنيت بيوم اتزوج مجبورة بس شسوي رايده أحمي نفسي وآخذ حق أمي همي الوحيد أتحصن بسند وزلمـة يحميني وصـدك يگطع كل إيد تنمد عليَّ ويخليني أمشي بين الناس وراسي مرفوع ردت رجال يدگ صدره ويگلي أنا كفيلچ ، وكل هاي المواصفات لگيتها بأستاذ كافل لليوم ما شفت منه موقف واحد غدرني مثل ما كتلوني أهلي
مذ بوحة من فكرة الزواج وهالموقف ما اتمنى حتى عدوتي تعيشة البنيةإذا ما تزوجت بتجهيزها وبدلتها وبين أهلها زواجها يعتبر هدمه وأنا اليوم مهدومة ما بقالي حلم ولا أهل ولا حتى زواج مثل ما اتمنى كل شي بهالدنيا اريده صار عكسي
دُجى : عنـدي طلب قبل لا نتزوج
كـافل : اسمعـه ؟
_ اخـابر خوالي يمكن همـه يجوني قبل لا اتهور واتزوج
_ ثعلبـة والعبـاس ثعلـبة
استغربت من صار عصبي ونتر اخر كلمات يريد يعوفني ويطلع
كمزت گدامه مبتسمـه بوجهه حتى لا يگب ويعاند ويايَّ
دُجى : استـاذ لا تزعـل مني
كـافل : دُجى هــوايـة تراوغـين ويايـة هـوايـة تتوكحين
خـزرته ما سيطرت على زوحي ودردمت بزعل
دُجى : وانتَ استـاذ هـوايـة تساومني
كـافل : يمتى مساومچ بنت الأوادم
نفخت واعصابي تلفت ، منا موافقتي ومنا كلامـه ويعرفني اتنرفز من ألقابه ردت اروح جرني من الصدريه الگشره هسة اشگها واخلص منها دفعني على حـايـط يحذرني باصبعه وينتـر بوجهي يگلي
كـافل : جـوزي مني يبنيه
دُجى : جزت رايحة انطمر
كـافل : اضبطي الألفاظ
گعدت على تخم وخليت المخدة بيدي شطلعت هـاي يتأمر اوامره ماتخلص وهـوَ طلع بـرا گعد على نفس الكرسي يشرب جگـاره ورا جگاره للمغـرب اندگ الباب راح فتحه دخّل استاذ سـرگـال يدور بعيـونه على حديقة
كـافل : هـا شعندك جنك تايهه
سـرگال : اشتاقيتلك
عـافه ورجل يمشي گعد على نفس الكرسي وختلت بهدومي من گال
سـرگال : لا جامه مكسوره لا طبله مشموره لا تلفزيون متفلش لا تحفيه مذبوبه عليك
طالع صاغ سليم گاعد جنك ذيب
كـافل : سـرگال شتريد جايني ؟
سـرگال : شبيك مو زين اجيتك ابن سامية
ورثوا اثنينـهم جكاير جروا نفس من ذبوا سـرگال گال
_ وين البنية ؟
_ جوا
_ چا شو هندس خيبر گال هسة بيتي صار أنخاله
عضله شفه حتى ينلصم وباوع على شباك طفرت حتى لا يشوفني
ورجعت بمكاني دقيقة وحده ورجعت اتسمع عليهـم يگله
سـرگال : اي شلـون قنعتهاا هل مرة عجيب !!
طفه جگارته وگف ايده بجيبه وبطرف رجله دفع الصونده بالگاع ويگله
كـافل : وصايتهـا بيد عمتهـا والمره مضمونه وموافقه وهي رادتني اسفرها ، جهز نفسك انتَ وخيبر شهـود
سـرگال : كافل ماتخاف على امك اذا تعرف تنجلط ؟
_ ماتعرف شعرفها
_ ابوك يطيح بينا كلنا يبطلنا ويشمرنا سجون
_ مايهمني هسـة غيـر حمايتها يحترك الشغل
سـرگال : تتزوجها وراها تسافر ومن ترجعون ؟
_ ننفصل على مطلبها
رجعت بمكاني خايفة يلمحون خيالي واستاذ سرگال بعد ما عافه ظلوياه يسولفون بالدور ومشاكلهم ويرجعون على ترتيبهم للعقد واسطات عدهم بالمحكمة وعلاقات ويه القاضي حتى يتفاهمون وياه ويفهمونهقصتي ورضاتي على زواج ، اول ماراح بليل استاذ سـرگال خفت وعيني تعلگت بالباب اريد عمتي تجي شنو ابات وحدي بيت فارغ وياه
بعـد الأذان سمعـت خطواته دخل البيت ويستغفر رد اردود للأستغفار
وفرش السجادة يصلي بكل خشوع اريد اني هم اصلي بس ملابس
عندي ولازم اخذ حمام بيه طگ دم يابسه كمل صلاته كمزت ختلت
گاعدة بنفس مكاني دخل شافني من بعيد اطگطگ من الخجل
استعجلت بسؤالي من نطاني ظهره ناوي يطلع وصوتي مهزوز
_ استـاذ عمتي شوكت تجيني ؟
احس بارتباكي قلص عينه يگلي
كـافل : تخـافين مني ؟
_ لا بس احسن اذا عمتي تبات يمي لو ابات يمها
_تجي بس بعد لا تخافين مني
هـزيت راسـي اي ونزلت عيوني اتنفس گوه اجـه يمي گعد على
تخم بيناتنا مسافة نفـر واحـد صـوته هادي عكس قبل شـوية گال
كـافل : رتبت كلشي باجر الصبح تخابرين خوالچ
وراح اقدم طلب زواج بالمحكمة كلفت محامي
عمتج الشاهده على قصتچ ، وخيبر وسرگال موجودين
زواجنا مثل ما تريدي فترة وتوصلين خوالج وينتهي
وترجعين حره يمهم وماخذه حقچ وحق امچ ومحد يعـرف بهالزواج بيني وبينـچ عنـدچ مطلب ثاني ؟
عصرت اصابعي عصـر واني احجي مخاوفي
_ استـاذ اذا بيوم احس بيك تريدني زوجه
تخسر ثقتي بيك وأهج مـن عنـدك بعيـد بالعجـل جـاوبني ومـسح گصته بالكلينكس يگلي
_ چـا ما أوصل يمچ لو اعرف انتهـي عليچ
دگ صدره وحلف يمين عظيم أمنت وحتى لو صارت مشاعر من ناحيته فـ من ناحيتي گلبي ميت ما يحصل مني لا حـق ولا باطل كلشي بيه رافضه
انتظر عمتي برا وبقيت گاعدة اتابع بالساعة تعدت الساعة 12:00 وعمتي ماكو وعيوني ثگلت كل مايصير صوت برا افز واذا دخل للبيت بهذا الوقت جسمي كله يثلچ بالـ1 بليل طلـع وقفل البوب ورا حسيت كابي يدك براسي من الرهبة جريت البطانية والدنيا بلشت تبرد اكثر لفلفت نفسي وكل ما انام اگعد اضرب بروحي راشديات حتى اصحصح ما اريد انام واني وزلمة غريب
بيت وحدنا حتى لو جان استاذ كافل ماعندي ثقة بأي بشـر على مصايب المريت بيها وشافتها عيوني وعشتها الثقة بگلبي معدومة شيرجعها
دخل ب1 وربع بيده تكه كاملة جگاير ونفط بيده الثـانية لمحته نظف صـوبة مخليها بالكراج برا نفطية ترسها نفط ودفع باب المطبخ ودخل مشغلها خلاهـا گدامي وثنه رجله يخلي حرارتها متوسطه ويسألني
_ يمتى تنامين عيونچ ذبلانـه ؟
رجف صوتي واني اجاوبه ورجلي رفعتها الصدري
_ عمتي ما تجيني ؟
_ بـاجر الصبح تلگيها يمـچ
رفع الصوبة بعدها شوية من البطانية ولمح ايدي ترجف واباوع على ساعة
راح برا وسد البوب وراه ما طول بكلامة رجع گعد على الكرسي يدخن بالجگاير ويشرب بالجاي وراح بعيد من الباب يخابر يبتسم وسد المكالمة
سمع المتصل وغندب ورجع يبتسم هل انسان غريب ماينعرف فرحه من غضبه
عبرت الساعة 2 رحت على حمام قفلت الباب غسلت وجهي حتى اصحصح واخذت ماي انظف بجرح رگبتي امسح بالدم يابس عليها توجعني بصف المرايا معلگ كلينكس سحبت وحده انشف برگبتي وحجاب على شعري وطلعت عاصره عيوني من الوجع شهگت من شفته مقابيلي وجهه مسود من التعب والحاجب حاده حد عليَّ الوجهه شي والكلام شي ثـاني
كـافل : يوجعچ شي ؟
هزيت راسي لا ومريت قريب منه عصرت روحي بالحايط ماينطي مجال
تعديته ورحت امشي بالممر راجعه للغرفة وهوَ واگف بمكانه
_ تغسلبن وجهچ حتى ما تنامين ؟
دُجى : لالا بس اريد اصلي
رفعلي حاجبه ما مقتنع ولا مصدگني هسة بگلبه يگول هي بالنهار ما صلت تريدين تخبزيهن بليل من فشلتي ردت اشـرد مبين عرفني جذابه باوع على ساعة ايده وهمس
_ بعد ساعتين الصلاة الفجـر
درت وجهي عليَّ سـاكته وهو ثـابت يعني شنو تنتظر مني احسه يقرا بأفكاري سحبت نفس ولملمت روحي ودخلت على استقبال وطبگت الباب ورايَّ اقل الخمس دقـايق واني احومي من الرعب وحدي دگ الباب عليَّ
شتريد بعني شتريد والله المفروض يروح من البيت گلبي راح يوگف
شلون باقي ويايَّ بنفس المكـان وحدنا ثالثنا الشيطـان والله اذا حجه حرف واحد او فعل يتعدى حدوده ويايه اعوفله البيت واطلع
غطيت شعري زين ونفخت وگلبي منفوخ رحت فتحتـه نصه ممنوع يدخل بعد هذا حده هنـا منتظره يزل ويايه وجنت خايفة يزل ماعندي مكان اروحله بس هوَ يلفيني من ضيم الدنيا ، نزلت نظرتي على ايده بيهـا
سجـادة وتربة وسبحـة وقـران قدمهـا واني بخربطتي اخذتها من بين ايده
كـافل : تقبـل الله مقدماً ، لا تـدعين عليَّ
ابتسـمت وجاوبته
دُجى: تضرب ابر استاذ ؟
_ مطبع بطباعـچ
قـرب ايده مني فاتحها وبيهن ست مفاتيح كل تلاثة متعلگات سوية
هزيت براسي بمعنى شنـو هذني بسرعة افتهمني وفهمني
كـافل : هاي مفاتيح هذا الباب وذاك الباب تلاث نسخ ماكو احتياط بعـد الله شـاهد قفلي الباب عليچ ونامي
بهتت وفشلت لأن افتهم مقاومتي للنوم مخاوفي منه ردت اوضحله
اني مرعوبة من الدنيا مو منك وهل طبع مو بيدي الدنيا بكبرها
كفختني الحـد ما وصلت يمك جنت اتمنى اگله لا تفهمني غلط
واعذرني استـاذ بس الساني ثگل واخذتهن منه وهوَ راح
قفلت البوب اثنينهن واحس بكلبي هدأت دگاته وگدرت اجر النفس مطمئنة رحـت على مخده تمددت بـراحـة ذبيت الحجاب ونمت على ظهري اباوع على سجادة خليتها على طبلة وخياله مبين برا على كرسي ما تحملت ما اوگف واروحله للشباك فتحته قليل والهوا ثلج برا جماد ما خليته يشوفني گتله
_ استـاذ كـافل
شفت طوله قريب من الشباك سمعني بس ظل سـاكت همهم يعني احجي
_ اني هـم تعبتـك ؟
_ لا
نطقها گوه ابتسمت واني اعرف طاحلته طحل ودا يسبني بگلبه
دُجى : احـلف ؟
كـافل : أرحميني وامشي نامي
_ معناتها متعبتك
_ يـا بنـت النـاس ارحميني
طبگت الشباك ثلجت من هل دقيقة ورحت بالفراش تغطيت ودفيت ايدي بالصوبة اتگلب وعيوني اخذتها النومه جنت تعبانة الدرجة حتى حلم ما اتحلم الثـاني يوم الصبـح فزيت على ضربات قوية على باب وصوت عمتي تهمس
_ استـاذ وين راحت اخاف متخربطة
انهز الباب والشبابيك من رگعاته القوية على باب گلت تفلش جريت الحجاب خليته وافرك بعيوني فتحته ودخلت عمتي وبسرعة طبگته
ميـس: وينچ عمه شني نوم اهـل الكهف
_ ماحسيت بروحي
_ الله الأستقبال دافي بـرا ثلچ
راحت بصف الصوبة گعدت وفتحت علاگة طلعت اجبان وصمون
_ كسبي صمون الأستاذ كافل خلي اسويله ريوك
خطية الزلمة خلص گلبه من الجكاير والجاي والبرد
مشت للمطبخ اسمعها اطگطگ ورجعت فتحت بردة الأستقبال لان
الكهرباء طافية دخل علينا ضوه الشمس بس باردة واني اكسب
بالصمونه شفته يححي بالتلفون وشمر الجگارة بالگاع وعمتي
تجت بيدها صينية صغيرة بيض وجبن وكوب جاي حار اخذت
الصمـون من ايدي وطلعت اله من شافها نزل عيونه وجر الطبلة
اشر الها تخليها وراح غـادي منها
ميس : بالعافية
هز راسـه محترم ذكرتـه بالأكل وكمل مكالمته من دخلت گعد على كرسي يخوط بالجـاي ولزم الصمونه بيده بقت گطع منها واكل بيض وعمتي خلت
اكل بصفي اكلت بس جبن شوية وفرحانة بيها ومكسوره من اخوانها
خلت اللگمه بحلگها واني ذبيت الخبر شمره وحده
دُجى : قبلت اتزوج استاذ كافل
شهگت ودگ على صدرها شلت گلاص الماي اخذته من ايدي تشرب
ميس : شگلتي ؟
_ حتى اسافر لازم اتزوجه ويصير ولي امري
_ اعرف التفاصيل اعرف بس شلون قبلتي اني اعرفچ راسچ يابس وما ترضين
ذبيت حسرة شكبرها وگلت الها
_ مجبورة عمه
ميـس : جنت أريد اگلچ تقبلين بزلمة مثل كافل
اذا يـوگـف تـهـاب الـگـاع مـمـشـاه
تخلين امـرچ بيده وتحتمين بحمـاه
ركزت بي وهوَ گاعد على كرسي ظهره عليَّ ياكل من كمل بكامل ثگل جسمه بعد الطبلة قلية ورجع ظهره شغل جگارة وجهه مستقيم على حديقة مبين صافن هنـاك ، وتلفونه يرن من كمل الجگارة رد
كـافل : هلا يمـه الله يسلمچ هل يومين مسافر اي بالشمال خيبر بمكاني وسـرگال اذا تحتاجي
سـد الخط منها من دخـل استـاذ خيبر سلم وماعرفت شنو حجه
لزگت عمتي تتسمع عليهم واني رحت وياها بفضول اسمع
بسبستهم بس استاذ كافل انفعل وصاح بصوت مسموع
_ راعد ماعندي كلام وياه گتلك بيدي اوراق تثبت تنازله
خيبر : هم نتأكد
_ تأكدت من قاضي يصير ابو صاحبي ضامنها
كـافل : همه متأكدين تريد تسافر ويخافون توصل المصر وحگ القلع خيبر من عرجها اي فعل منهم يمسها ادز عليهم سرگال اخلي يدفنهم وينعل والديهم
هفهف استاذ خيبر بيده يطير بدخان الجگاير يگله
_ شگد تشربوها انتَ وابن عمك عيني عميتوها بس تنافخون
_ عينك شبيها ؟
_ عميتوها
_ الرقيق الرچيچ
افتـر على ممر المطبخ يريد يفـوت صرخ بي
_ وين استاذ اغاتي غلاتي
خيـبر : غير رايد اسبح ابدل اخذ فلوس شني عمي فارض حظر
كـافل : اي گول يا الله وانتـظر اخذلك طريق
دگ علينا بآب الأستقبال زحفت رجعت المكاني وعمتي وگفت على سريع عدلت حجابها وفتحت الباب صار گدامي دنگت راسي اسوي بروحي ما اشوفه وهوَ يرفع بصوته حتى يسمعني
كـافل : استـاذ خيبر رجع للبيت نص ساعة ويطلع
اذا طلعتوا مـن الغرفة الحجاب ينلف عدل
ميس : مانطلع عيوني گاعدين نتريك اخذوا راحتكم
شربت جاي من رفعته لمحته وجهه مگلوب وعيونه تريد تـاكلني هسة
شمسويه هل خزرات شنو معناها الا اتعارك وياك واخليك تبطلهن
كل ما شفته وشافني يرگعني بخزره ، نافخت ودرت وجهي منه
وعمتي طبگت الباب شفته اشر الخيبر وذاك يگله
خيـبر: والله رحم الله والديكم من قبلتوا افوت البيتي
كـافل : ترا ذليتنا بيتك وبيتك شني ماعدنا بيوت
خطية استاذ خيبر كتله من الهدوء ويمشي بالگاع دخل على بيت عود مثل ابو وجهه مصوف يرگع على طول ما يمشي شيوگع بيده يرگع ليگول انزال بس نسمع باب غرفته وصوت دوش الحمام ومشيته من رجع للغرفة وصوت تلفونه رن ورجع غلقه ومن الهدوء بخات عطره تنسمع وعلى سـريع طلع بس
عطـره ظل ينتشر بالبيت ينعش الأنفاس
شغل سيارته من البصمة ناوي يروح ابتسم يگول الأستاذ كافل
خيـبر : البيت باقي على حطت ايدي ماكو خساير ؟
كـافل : شبيكم انتَ وذاك ؟
_ خايفين عليك من الغاره
_ ينخاف مني مـو عليه ولك انا الكـافل
ضحك استاذ خيبر بصـوت عالي وضحكته حلوة يگله
_ الله يستـر عليـك وعلى گلبك يالكـافل
غمزله وعـاف البيت ورجع للدار وعمتي اخذت الصينية مالتنا وطلعت اخذت مالته غسلتهن ورجعت بيدها لاصق لزگت ركبتي حتى لا اشوفها ملت راسي على ايدها الدافية جنت اريد احضنها واستحيت منها من مسحت راسي وگفت تكمل الشغل واطبگ بالبطانيـة وترست الصوبة نفط من جديد للظهـر ودگ الباب علينا يريد يفـوت وبيده التلفون لفيت حجابي وعمتي لبست عبايتها دخـل على استقبال اول ما فات لا ارادياً من كثر البرد قرب ايده من الصوبة يدفيها وجهه مبين تعبان من السهـر ما ينام تذكرت
كلمتـه من گال " راح تسهريني ليـالي " رفعت عيوني لعيـونه الحمره وگلبي انقبض من القهـر عليَّ گعد على تخـم غاد من الصـوبة حتى ما اتقيد لان قريبة مني طلع التلفون يدگ بي رقم يگلي
_ حصلت ابن خـالچ عدهم ظروف وكلها ما تجاوبني گوه حصلت واحد بيهم والله يشهد سويت كل اللي اگدر عليَّ هـوَ يحجي وعيني على ايده كسبت من البرد وگفت على حيلي وسحبت الصـوبة اجر بيها گوه ثگيله وهوَ يحجي وگف من كلامـه يشوفني شسوي خليتها گدامه درتها عليَّ وهوَ دارها بالعجل عليه يگلي
_ مـا بردان دفّي روحچ
هدأت الأصوات دقايق وعمتي كسرتها بحمحمتها بيناتنا گالت
ميـس : شنو من ظروف عدهم ؟
خـاط الجاي ويجاوبها وعيونه مركزه على حركت ايده
كـافل : والله ما بلغني لأن اعتبر غريب عنهم
بس من صوته مبين عدهم مشاكل وگتله ضروري
احجي ويه ابوهم گال ساعة ويخابر وهسة اتصل
دگ عليهم سمعت صوت شاب يحجي مصري وياه ويگله انتظـر
سلمني التلفـون بيدي ننتظر وسمعنا صوت زوجة خالي تگله
_ يولد أبوك نايم عاود بعدين
اخذت التلفون من ابنهـا سلمت ماردت السلام تگلي
_ عايزة إيه يا بت ميثاء متى هنخلصوا من مشاكلكم؟
ده حتى بعد موت أمك مش مخلصين عايزة إيه ما تنطئي؟
ثگلت الدنيا بكبرها بعيني مو بس الساني وكملتها
_ خالك اللي في يكفي إحنا في مصيبة ومش عايزين مصايب جديدة
ابنها صاح بيها
_ يما عيب يما دي بنت عمتي ابوي لو عرف ما حيحصلش خير حيندمك
_ لا تعاودي الاتصال واصل يبنت ولا تخطي رجلك
عتبة بيتنا يومين ونهجوا من بيوتنا إحنا في مصيبة
كبـيرة لا تزيديها سمعاني يا بت ميثاء ولا لاه ؟!
نزلت كلماتها على مسامعي مثل راشدي وصفگتني على وجهي بي
احس جمد الدم بجسمي اللي يرجف من الفشله خجلانه من نفسي ومن هل زلمة الغريب اللي يفشلوني گدامه وكل شوية احد يتبرى مني گدامه
ايدي ترجف بحيث تلفونه وگع مني والشاشة اشوفها سوده طبگت الخط بوجهي وراحت خلت صوت استاذ كافل وعمتي يغيب واسمع صدى صوتها المليان حقـاره يتردد كلمة بكلمة براسي
ضعت ومات الأمل بگلبي يأست من الحياة وگطعت اخر حبل نجاة رالطة روحي بي خلتني اغرگ بأفكاري وجهي تبلل بدموعي المكسورة عمتي اجت تركض حضنتني بقيت ادني بروحي من الصوبة وادگ على راسي ما مصدگه حتى خوالي صعب احصلهم طبگت روحي على حايط وهي تسكت بيَّ ما احس على روحي گطعت روحي
فزيت مخلوسه على صرخته بيـه يگلي
كـافل : كــافي ولـچ كــافي تخبلتي ؟ تريدين تخبلينـي؟!
وگف گدامي متخبل من انهياري بصوت جلجل الأستقبال
كـافل : لا تسودنيني ولج دُجى!
والحسين غصباً على الكل وبأقرب وقت أسفرج
وأسافر وياج لمصر، وأخليج توگفين بوجهها هاي الچلبة بنت الچلب وتشوفين خوالج ونرجعهم ويانا للعراق ياخذون حق أمج وينعلون والدي أهل أبوج وابوچ أخذيها من هذا الشارب راح ابقي راسج مرفوع ومحد يكسرچ وأنا عايش لزمت گلبي عاصرني احس روحي اريد بس اموت همست واني مهدومة
دُجى : گلبي تعب گلبيييييي
حضنتني عمتي تميح بدموعي
_ كـافي بعد لا يبجوني تعبوني يمتى ارتاح يمتى
اخلص من حمل ظهري خلوهـم يرحموني لا يضيعوني
ولچ عمه كلها ما تريدني عمه
عـاف الأستقبال طلع مني ومن البيت بكبره وعمتي يمي تبجي على كسرتي الما تنوصف ولا تنجبر ولا اكدر اعيش بيها بعد ، منين ما التفت ماعندي الينقهر بيهم عليَّ شلون گلبها ينطيها تحاجيني هيج وهي تدري اني عزيزة امي عزيزة ميثاء المغدورة من حب حياتها المبيوع دمها ، اخ يا يمه لحگيلي شوفي بنتچ شلون كلها تبرت منها خلاف عينچ ، شوفي عزيزتج يمه شلون صفت وحيدة يسددون الباب بوجهها ظليت ابجي وعيوني تحرگني وراسي طبل صار غفيت حتى يروح وجع راسي عمتي تگلي من تنامين يروح الوجع بس المهدوم من اهله ينام ودموعه مبلله خده ومخدته اجر النفس گوه اشرد من الواقع بالنوم
النص الليل گعدت تعبانة لگيت عمتي ماكو يمي رحت على حمام اجر بخطواتي ذبيت ملابسي وقفلت الباب دخلت جوا الماي وبقيت صافنه احس بكلبي مثل طابوگه واكفه عليه متبلد من المشاعر ما يحس حتى بجي ما اگدر ابجي بدون لا انشف رجعت بنفس ملابسي وتبللن من جسمي المبلل ورحت امشي سريع للأستقال دخلت وقفلت الباب ورايَّ وختلت بفراشي الصوبة طافية
مبين خلص نفطها وما شفت اكو احد بالبيت لو لا جريت النفس گوه اتصارع ويه روحي اريد انام حتى انسى الضغط وكلماتهن وهمه مرخصيني گدام استاذ كافل بعد شلون يحترمني ويهابني واني مهمشة خلصت الليل بالويل الثاني يوم بقيت عازله روحي حتى من اجتني عمتي ماعرفت شلوو احجي وياها احس بنفسي مثل الشمعة وطفوني ، بقت يمي حاولت تضحكني عفتها ورجعت امثل النوم وبعقلي هوسة الثالث يوم
احس بالشال مغطي راسي وصوته قـريب مني يگول
_ ما صارت احسن ؟ رايدها ضروري تصحصح
فتحت عيني گعد على تخم يگلي شبيـچ انتظرني احجي روحي تعبانة بقيت اباوعله وهو يناظرني مركز وصدره يصعد وينزل يتنفس سريع ومبين تعبان الدرجة ما گدر يوگف دايخ كعد يگلي
كـافل : جـاهزة ؟
_ لشنـو
_ يتسجـل عقد بيناتنا ، ورسمياً اصير كفيلچ ولي امـرچ ؟
جحظت عيوني بصدمة گتله
_ بهالسرعة
_ اي بهالسرعة ماعدنا وكت اريد اوصل المصر وأواجهه خـالچ قبل لا تواجهي بحقيقة اهلچ اواجهه بحقيقة زوجته الچلبه اذا ما اندمها معتب نمل جسمي واحس بشعور ما ينوصف مثل الجسمي يوجعني مثل الخايفة ومنتظره شي وحايرة بين اريده بين ماعندي حل غيره
دُجى : تمام استاذ جاهزة بس لا تخذلني بعدين مثلهم
حباب بعد ما اتحمل انصدم گلبي تعب ما يتحمل صدمات
وگف فاتح اليه ايده يهزلي براسه نتر بيه
كـافل : شحجي وياچ انتِ ما تگليلي شحجي وياج
ميت عليها وهي تگلي لا تغدرني وين انطي وجهي
ميس : اي والله ميت من القهر عليچ عينه ما نامت
يفتر على قبول الطلب ما صدگنا حصلنا الموافقه
عافنا وطلع شايط واني رجعت بأنهياري اصارع المـوت وفكرة باجر اعقد واني داخله اكتأب اريد افصل اشرد اريد اروح للمستقبل اعرف وين يصفى بيه الدهر وين توديني الدنيا ، مثلت النوم من عمتي راحت حتى ما اودعها وابجي ورحت من طلعت قفلت البوب وراها ورجعت نمت بالفراش اطحل من الضياع اريد احجي افضفض اريد احد يسمعني ويحس بيَّ اريد اگول أنا خايفة اي خايفة وما أعرف قراري هذا صح لو غلط؟ أكمل بيه لو أنتظر؟ أوافق لو أرفضه وأشرد؟
افكـار تترتب وتتفكك بعقلي للصبح عيوني ما اخذت نوم للصبح اجتني عمتي بيدها علاگه طلعت فستان بسيط اسـود وحجاب اسود بدلت وبعدني ضايعة غسلت وبعدني تايهه سايرتهم ومشيت واني ميتة بس جسم يمشي وياهم روحي مدفونه بصف امي
رحت امشي راسي بالگاع من شفت استاذ سرگال منتظرت بسيارته
صعدت اني وعمتي ليوره واستاذ كافل بالصدر من شاف واحد بالطريق يبيع كهوه دار على سوگال يگله
_ عيني قفلت اوگف اشرب گهوة بلكي تروح النعسه قفلت
فرك عيونه قوي وسرگال وگفنا نزل على سريع استاذ كافل شرب گهوة مرة حارة واخذ الثانية رجع للسيارة يسأل بينا اذا نريد ؟ وكلها ما نريدها رجع صعد يشرب بالگهوه ويدخن من كل كلبه ، ساعة ونص ودخلوني على مستوصف يمكن عيادة بس عرفت جايين ناخذ فحوصات الدم قبل الزواج
نادوا اسمائنا هوَ وگف عدل سترته واجـه قـريب مني اشر بيده مشيت
وياه وعمتي بقت ويه استاذ سـرگال بالممـر دخلنا غـرفة باردة بيها اثنين اجت البنية ابتسمت وگالت ارفع ايدي وامد ايدي وهوَ گدامي على كرسي نزع سترتـه وفتح دگم ردن القميص ورفعه للعكس طلع ايده كـلهـا درت عيوني
من باوعلي سويت روحي ما منتبهه الوجودة بالمكـان كـله
غمضت قوي من دخلت الأبره وسحبت مني دم ضبيت بيدي الثاني على فستاني جرتها من ايدي فتحت عيني لگيته واگف بصفي يهمسلي
كـافل : خـلصتي
نـزلت ردن الفستان وهوَ ظل يمي ينزل بردن القميص مـن طلعت قبله بعدنا بالممر قبل لا نروح العمتي وسرگال صاحني درت وجهي اله اجـه قريب كلش مني مـد ايـده وينتـر بيَّ حتى لا ارفض يگلي
_ سـدي الدگم ما اعرف اقفلهن بتك ايد
والشيطان يوسوس ما اقترب منه واعوفه واروح لو اگله يخلي استاذ سرگال يقفلهن اله بس انتظاره حتى ارفع ايدي واسدهن مخلي ينافخ وزاد بغضبه اقتربت ولزمت الدگم مدنگه راسي مركزه بيهن گوه يطبگن وعطره فحفح بالرئه يمكن صب العطر كله ، سويت اول وحده ومشت ايدي على ثانية اقترب مني خطوة جديدة رجعت ليوره سديتها ورفعت عيـوني لعيونه الذبلانات من السهـر وعفته بالممـر رجعت العمتي
ختلت منه بعبايتها هـوَ عـافنا وطلع قبلنا واستاذ سـرگال اجه علينا طلعنا ورا نمشي صعدنا ومن بعيد شفته اشتره گهوة واجه علينا بيـده علاگة
انطاهـا بيد عمتي وصعد وعمتي فتحتها شافته بورك وكاهي وگيمـر من
محل بصف المركز ، حرك استاذ سرگال السيارة يكله
_ تروح لبيتك تنام ترتاح واخذ مكانك ؟
كـافل : انتَ سوي شغلك اللي وصيتك عليَّ
وخيبر ياخذ مكاني على ما اخلص باجر
نزلنا مقابيل البيت طلع استاذ خيبر من البيت لابس تراك من دخلنا سلم
وراحوا ذبيت فستاني ولبست دشداشتي عمتي جابتها وگعدت قريبة من الصوبة وعمتي ودت اكل الأستاذ خيبر وخلت الباقي گدامي گوه بلعت اللگمه غصه شكبرها بيه
بقت عمتي يمي للظهر وراحت مضطره الأطفالها تركض الهم ، واني قفلت بابي وگعدت اسمع طگطگه بالمطبخ واختفت ومبين استاذ خيبر نام للعصر
گعد وشميت ريحة چاي مهيل عاطه بالبيت وبابي اندگ لفيت حجابي وفتحته من برا صار گدامي استاذ خيبر اشر على حديقة يگلي
_ شلونها ست البنات
_ الحمدلله استاذ
_ ليش حابسه روحـچ وحدچ امشي بالحديقة
نگعد الجو حلو نشرب جاي ونغمس كعك ابو السمسم
ضحكت وبگلبي اگله هوَ انتَ كعكك وگلبي ماينطيني اگله لا جريت الصايه اللي جابتها اليه عمتي لبستها فـوك دشداشتي وعدلت حجابي
وطلعت امشي وراه مثل المسيره مخلي بالحديقة كراسي اثنين وطبلة
ومخدر جاي وبماعون يخبل ذهبي مخلي كعك مصفطه بترتيب وبصفه
قوري ثاني مخلي جوا شمعه ريحته حليب وككو يگلي
_ شنو بنفسچ جاي لو حليب وككو ؟
يحاجيني ويصب بالكوب وقربه مني اخذته من ايده وقدم الماعون حتى اخذ كعكه صغيره وهوَ صب كوب جاي شكبره يغمس بي كعك
دُجى : الحمدلله احسن بس اريد احجيلك شي
خيـبر : اسمعچ ست البنات أفتحي گلبچ
دُجى : اللي دا يصير بنظرك صحيح ؟
خيـبر : من يا ناحية ؟
_ المشاكل والزواج وكلشي ماشي بيَّ سريع
ذب الكوب بالصينية وركز ويايَّ منتبهه على كلامي
خيـبر : خـايفة ؟
_ ضايعة ماعرف الدنيا شنو مجهزة اليه وهل شعور
شلون اوصفه الك بس خايفة من كلشي واريد اوگف
الزمن حتى لا انصدم لو اعيش بمشكلة جديدة
احجي وهوَ يهزلي براسه ومبتسم ابتسامة خفيفة يطمني بيها
خيـبر : مفتهم موقفچ وعايش بمثل ضياعچ
بعـد وفاة امي لگيت روحي انباع من ايد الأيد
ماشفت رحمة من بشر ولا كلمة أطيب خاطري
بطفولتي متهمش بقيت وعشتها بدار الأيتام
حياة ما ردّت اعيشها
وسعت عيـوني ما گدرت ابد ما گدرت اتحكم برد فعلي
وصدمتي ابتسم وهز راسه اي اي يگلي ومكمل وعيونه
انترست ترس حزن ورجع النفس الضياع
خيـبر : اهلي ناس متمكنين وابوية بعد امي تزوج
وزوجته كرهتني بعد اول طفل ولدته خلاني بيد
عمامي تعنفت اسوء انواع التعنيف عشته جوع
ضرب اهانة ذل بعمر اربع سنوات دخلت خمسة
لگيت روحي بمكان متروس اطفال بعمري خفت
بجيت وانجبرت أكمل واعيش مثل ما مجبوره تعيشين
نـزلت دموعي ودنگت واستمع لقصته بعد ما فتح گلبه أليه
خيـبر : ومن بين الأطفال جان اكو طفل مدلل الدار
يفتـر بيناتنا يصيحوله ابن الست ابو وامه همه
يربون الأطفال هوَ مو اخوي بالدم بس اخوية من
الطفولة روحنا وكلوبنا وحده اللي يأذي يأذيني
واللي يفرحة يفرحني وهوَ اكثر مني بأضعاف
لو گتله اريد روحك ما يعزها عليًّ
انرسمت صورة استاذ كـافل گدامي وابتسمت من گال
_ درسنا سـوية ، اكلنا سوية ، لبسنا نفس الملابس
ولعبنا بنفس الألعاب صفوفنا الدراسة ما تفارگنا بيها
وجامعتنا نفسها والقسم نفسه برغم شخصياتنا تختلف
هوَ كرة من النار ويمشي على گـاع واني احب الهدوء والتفاهم
مسحت دموعي مركزه بكلماته الحلوة
_ اخوان صرنا اخوان كفلني بالخوة من يومه وماعرفت اعيش بعد بعيد على اخوي وما أتخيل بيوم
نفترگ صار شغلنا سوية نختلف ما نتفاهم ونصد بزعلنا
بس هوَ يرجعلي واني احب ارجع لخواتنا لماكو مثلها
بعد فضفضته طبطب على ضياعي بكلماته حتى يطمني
خيبر : انتِ الله يحبچ وحنن گلب كافل عليچ
صاحبي الشديد ويه الكلّ يمـچ مو شديد سندي روحچ وعوفي يكفلچ هـوَ گدهـا
جدد الچاي واني بعدني مصدومة بقصته واحس كلامه اللي حجاه هسة نقطة ببحر على المعاناة العاشها الحد ما وصل شهادة ووظيفة وبيت يخبل
التفتنا اني وياه على باب من اندفع ودخل استاذ كـافل عيونه صارت بهامته من شافنا گاعدين تخربط وضعي بس استاذ خيبر ظل على نفس
برودة اعصابه وزيد شكر بالكوب يگله
_ ابـن الحلال بذكـره يبان
كـافل : شنوه هذا شصاير هنا ؟!
تقـدم واني وگفت اريد افـوت للبيت واستاذ خيبر صاحني
_ ارجعي كملي شرابچ ست البنات
بطرف عيني شفت الواگف يطاحل من عدنا وبعده ماد ايده
مأشر على كعده متكهرب من عدهــا
دُجى : الحمدلله اكتفيت اروح انـام شكراً استاذ خيبر
خيـبر : شكراً الچ سمعتيني
ابتسمـت وعفتـه هوَ وكوة النار يتصفن بوجوهنا شلت عباتي حتى لا تخط بالگاع وختلت بالأستقبال وقفلت البوب ، فتحت البردة شوية شفته واگف يصيح
كـافل : شنو معناتها خيبر شنو معناتها هاي الگعدة !!
وفعلاً استـاذ خيبر عكسه قالب ثلج واگف گدام ناره اشر اله على كرسي وحجه وياه بصوت ما اسمعه بحيث گد وهو الممنون يستمع اله وبرغم
طولوا بالكلام استاذ غندوبة ظل على نفس عصبيته وكرهه للموقف بحيث استاذ خيبر دخل بدل ورجع للدار بدون سيارته واستاذ كافل وجهه وياه ما يگصه السيف وهوَ يضحك الحد ما طلع
الليل كله يحومي بالحديقة وحده اشوف خياله يتقرب من الباب ويروح بعيد اخر شي فتـح باب السيارة وگعد بيها من البرد ظل ويرجع ينزل يفتر ويصعد محتقن ، الثاني يوم بالنهار من اجت عمتي اختفى ومن راحت الظهر رجع گالت راح يشوف شغل الدار وبعدها بيوم سمعت منها گالت
_ بـاجر عقـد المحكمة الفحوص طلعت وجهز المحامي كلشي
ما مصدگه ولا مستوعبه فكرة باجر اتـزوج هيچ على ساكت ومن شخص ماعرف عنه غير اسمه ، وشغله الظاهر ، وابو وأمه داخله لعمق حياة
زلمة غـامض من كلّ الجهات شامره روحي بتهلكه ماعندي اختيار غيرها
مثل الواگف على حافة مدخل كهف ولازم يدخله لو الذيابة تاكله برا
هـذا حـالي داخله بعمق رجال مثل الكهف بأسراره وشخصيته الكتومة
باتت هل ليلة عمتي عنـدي ومـن الصبح لگيتها گاعدة ومجهزة ملابسي
وكاوية أليه تنورة وسترة رسمية بلون اسـود وحذاء كعبهـا عـالي وحتى
حجابي مكوي ومعدل رحت غسلت وجهي وصفنت صفنه عميقة هـوسة
براسي منصوبه خلتهن بحضني وطلعت بدلت وعدلت حجابي ودموعي
ما مسيطرة عليهن يجرن على خدي كـون هسـة اختفي على هل خوف
اللي يكبر بگلبي بكل دقيقة تمر وتقربني من عقد زواج سـري
شفت نفسي بعاكس الشباك مو واضحه بس استعجلوني امسح بدموعي
ونزلت ايدي طلعت وراسي مـا رفعته وتركيزي بعمتي من صعدت قبلي
وخليت ذاك الباهت واگف متصنم بمكانه وصعدت بصف عمتي ما اباوعله ابد ما شفته عيوني ابد ابد ما خليتها تلمحه الحد ما صعدوا وتحركنا سيارتين وحده هوا ساقها والثانية ورانا صاعد بيها استاذ خيبر وسركال
صفنت على شوارع وطبول الخوف ادگ بگلبي ودموعي تجري على خدي امسح بيهن ويرجعن من جديد يطيحن اريد امي أحتاج ابوية شلون وحدي
اروح اتزوج شلون وحدي اخذ هذا القرار مو سهل شعوره مو سهل
وصلنا گدام المحكمة ونزلت حاضنة ايد عمتي ونمشي وراهم دخلونا
النص المحكمة المحامي منتظر فهمه وفهمني على تفاصيل بقيت ضايعة
وهوَ عرفني لا عقل براسي ولا گلبي جاهز وهالخطوة جبيرة عليَّ
راح المحامي يكمل وهوَ كدامي اشوف بس حذائه تلمع ونص رجله لابس
رسمي متجهز ومتأنق على حسب الأصول وساعته فضيه ضابه ايده
ماشفت ملامحه بس هوَ گبالي متوجهه عليَّ ما ألتفت ابد مني وجماعته
كاعدين واحد بصف الثاني من اباوعلهم اشوفهم مركزين بينا ومبتسمين
من صـاحونا رحت امشي بظهره متبعه خطـاه استـاذ خيبـر يگول لسرگال
_ ولك صـاحبنا غـرگان
سـرگـال : مسيس بلايَّ بلـم
سمعهـم وگف بدون بريك ردت اطب بي لو ما واگفه بأخر ثانية اتصادم وياه هنا شفته بـس خزرهم ودرت عليهم رفعوا ايدهم يگولون اله هـاي هيَّ ورجع يمشي من مشيته مبين عصبي شايط مو فرحان ابد
انتظرنا فوك دقـايق وصاحوا اسمي بمكتب الباحثة دخلت ودخل المحامي قدم اوراق تنازل ابوية وحجيت الها زواجي بقناعتي ماكو اي ضغط عليَّ
وطلعنا انتظرت ساعة وحده ودخلونا قـاضي حسيت برجلي بعد ماتشيلني والدنيا تفتر بيَّ سلمنا على قاضي والمحامي هو يقدم بالأوراق وعمتي
دخلها يحجي وياها اذني تصوفر من يحجون بمصيبتي وبابوية اغط
بهدومي من نظراتهم وكل سؤال يسأله يقدم المحامي ورقة يقنعه بيها
ميس : بعد ما عافها اجت عاشت يمي ما يريدها
التفتت القاضي عليَّ خلاني انتبهه وياه گال
_ بنتي القانون يحميچ مو ضدج أريد أسمع منج
وبدون ما تباوعين على أحد هذا الزواج برضاتچ؟
لو اكو أحد جابر وضغط عليچ ؟
_ سيدي بكامل قناعتي اجيت هنـا ماكو احد يجبرني
خيّم الهدوء على مكتب القاضي خفت يسمع دگات گلبي لو ينتبهه على انهيار طاقتي گدامهم ، صوت قلم القاضي وهو يوقع على أطراف الأوراق ورفع رأسه، ونظراته علينا ، ركز بأستاذ كافل شافه وجال گد نفسه ثابت بشخصية موزونة ثگيله ، ورجع التفت إليَّ حسيت أنفاسي تريد توگف من الأنتظار الكلمة بس كلمة راح تغير حياتي للأبد
القـاضي : استـاذ كـافل كُميـل ال رمــاح هل تقبـل الزواج
من دُجى راعـد ال همـاس على مهـر المقدم المذكور والمؤخر المكتوب
كـافل : نعـم اقبـل
القاضي : دُجى راعد ال همـاس هل تقبلين الزواج من
كـافل كميل ال رمـاح بموافقتچ ورضاتچ وبدون إجبار؟
دُجى : نعـم اقبـل
القـاضي : مبـارك عليكم ...
نطقها وطلب من استاذ كافل يتقدم يوقع بعد ما وقع وبصم الأوراق
التفتت عليَّ استاذ كافل مسلمني القلم وايده وره ظهري حتى اتقرب
اول ما كملت توقيع وبصمات الأوراق ضلم المكتب بعيوني وبقت تگلب خليت ايدي على عكس ايده متمسكة بي هوَ افتر بسـرعة ومد ايده حـاوط خصـري بيـده ورفعني مـن الگاع گعدني على تخـم خـايف
والمحامي اخذ من ايد القاضي بطل الماي وقربه الكافل يگولون اله اغسل وجهه هبط ضغطها خطية ، لزم راسي رفعه من وراه يگلي
_ دُجى اشـربي مـاي
شربت قليل وعمتي تگله افتح شالها تتنفس اختنگت اشر الها لالا
وترس ايده مـاي وكفخني بي على وجهي فزيت أكح مخنوگه
دُجى : خنگتني اختنگت لاا
اجت عمتي يمي من دخلوا الأساتذة وقعوا على عقدنا يباركون النا وهوَ بس يهز براسـه الهم بقيت اباوعله اشوفه فرحان لو لا بس جانت ملامحه ما تعبر على اي فرحة ، وگفت لازمه بيد عمتي واستلم ورقة ورانا يحجي ويه القاضي بس عبـرت باب المكتب حسيت ايد حـارة تعبـر على خصـري تشـد عليَّ تكهرب جسمي باوعتله متعجبة بي
شلون يلزمني ويمشي بيًَ ماخذني من عمتي مطلعني للسيارة
قريب من السيارة وهوَ يفتح الباب دفعـت ايده من خصري وصعدت ليورا هوَ فاتح الباب الأمامي ركبت مغندبه مثله وادردم بگلبي على ابو وجهه الأسود
ايد اذا تاخذ بعد وتلزمني اكسرهـا هاي عود محذرته ما يكمكش بكيفه
النشز وجهك مصوف بالسواد افضحه اذا عادها اكسر الدنيا عليَّ
صعدت عمتي بصفي تباركلنا واني دايرة وجهي من وجهه الصالنصه الخازرني شلون اگعد ورا عنفص الطريق كله من ينافخ واباوعله اخزره ويرد يخزرني لا هوَ بارك ولا اني باركت جنه تمّر هنـدي
171 تعليق
استاذ خيبر اتصل عليَّ عزمنا على غدا برا وهوَ معاند ما يروح شلون
ما باركت مايجي هو يتنازل ويبارك ، يفر بالسيارة وهمَّ يصيحون ويتوسلون گوه قنع ورحنا على جهة مطعم مرتب وجبير شكله فخم
نزلت وكعبي يطكطگ بكل خطوة امشيها كل شوية يتنرفز من صوته
يدير وجهه يباوع على رجلي گتله
_ هـا
_ امشي عدل
_ شنو انزعه وامشي حافية غير كعب
وبگلبي اگله امك من كعبها يرن بالدار ما يزعجك شكبرها اطگ بكعبها ام اظافر حلال عليها يمي تتنرفز هاي بدايتها مطبقهن يمي ، لبست وجهه الجينكو ورحت گعدت ما بقيت مسبه ما سبيتها عليه من يستغفر ويمشي ينرفزز ينررفز
انوب گعد گدامي من طلبنا اكل راح يغسل بالحمام وسرگال
وياه وجهي بعد ما يتفسر وبس سألني استاذ خيبر يگلي
_ شبيچ ست البنات ليش تتراجفين
دُجى : ماترهم شخصياتنا مو راهمه
تزوجته عصبي واني عصبية ، عنودي واني عنودية
يريد يمشي كلمتي واني احب رأيي يمشي لا يتنازل ولا احب اتنازل صعبه مو ضابطين
التفتت على ضحكت استاذ سرگال يگله
سـركال : ولك كافل اسمعني
دار وجهه عليه وگف ينتر بي
كـافل : لا تگلي ولك شني تگلي ولك غطيت وجهي بيدي لو يسمع مسباتي وكلامي الداخلي شيسوي بيه يشنقني لو يغنيلي مثل ما يغنيلهـم اذا هوَ من لك اتكهـرب منهم نزلوا الطلب المعتـاد عند العراقييـن بكل المناسبات والطلعات كباب ومشاوي
گوه عليَّ اكلت خجلانة گاعدة ويه الأساتذة كلهم وعمتي تشيل وتخلي بماعوني واستاذ خيبر يخلي بالمقبلات بماعوني ابتسمت اله ونزلت اكلهن
بدون صمـون گام قبلنا غسل واخذ استكان جاي وطلع يدخن بـرا وياه الأساتذة، عمتي خلصت جايها وارتاحت وضحكت تگلي
_ الليلة ليلتكم يا عرسان
نزلوا الطلب المعتـاد عند العراقييـن بكل المناسبات والطلعات كباب ومشاوي گوه عليَّ اكلت خجلانة گاعدة ويه الأساتذة كلهم وعمتي تشيل وتخلي بماعوني واستاذ خيبر يخلي بالمقبلات بماعوني ابتسمت اله ونزلت اكلهن بدون صمـون گام قبلنا غسل واخذ استكان جاي وطلع يدخن بـرا وياه الأساتذة، عمتي خلصت جايها وارتاحت وضحكت تگلي
_ الليلة ليلتكم يا عرسان
دُجى : يا ليله هاي عمه شتحجين ؟!
_ غير اليوم يعتبرك عرسكم بس انتِ حزينة
_ لا عمه ترا متفقين بيناتنا ماكو عربس وعروسه
_ حجي يفيدچ عمه الزلمة مفرفحه روحه
گببت نار صحت
_ عمه شقصدچ لا تخبليني
_ عمه بالعقل لو نجذب عيوننا غير مفرفح يصبر روحه بالجگاره عيونه حمرت من التركيز بيچ وبتفاصيلچ
دُجى : منين تشوفون اني كل ما اشوفه خازرني
مغندب عليَّ وينتر بيه لو حجه ويايَّ ، هاي الا اذاتشوفون غير شوفي شوفاتي من منظور وشوفاتكم بمنظور
گطعوا كلامنا من رجعوا دفعوا الحساب وهو يأشر النا نطلع وياه
مشيت للسيارة صعدت الأساتذة غيروا طريقهم وعمتي النص الطريق وگالت ينزلها تتسوك وترجع الجهالها وحدهم نزل اجر الها سيارة ودفع
الفلوس واني اسب بيها اعرفهم تعمدوا يخلونا وحدنا
اجـه على بابي فتحه ونزل راسه حتى اسمعه
كـافل : انزلي گعدي يمي ليگدام
دُجى : مـرتـا...
كـافل : انــزلي بالعـجل
طبقت ورجلي فوك راسي ونزلت وصعدت وركب هوَ يسوق مترهي
دخلنـا بشارع بعيد على بيت استاذ خيبر وصف السيارة على الرصيف
واجه وگف يم بابي يريدني انزل بس ما فتح الباب فتحته قليل گتله
_ وين جايبني ؟
_ الشارع الذهب
_ اي مو دا اشوف شعدنا جايين
_ ألبسچ حلقة زواجنا
كـافل : انزلي واحترمي نفسچ
رفعت ايدي اشرت انتظر وهمست
_ استـاذ مايحتاج حلقات ما البسها مو نجذب الأنظار
_ طـز بالنـاس وأنظارهـم
سايرته ونزلت خفت اتفشل من شفته قافل دخلنا على محل سلم وطلب منه الحلقات خلاهن گدامي
كـافل : اختاري اللي تعجبچ
دخت بيهن هـاي مو اول مرة اشتري ذهب متعودة امي بكل نجاح اليه من مرحلة تشتريلي قطعة تفرحني بيها الحد ما سوتهن علبة اتكشخ بيها وكلهن سلبوهن من عندي ، هجمت الذكريات عليَّ ووعيت من سمعته يحاجيني ورافع حلقة بيده تترس اصبعي تجيب التايهه
كـافل : حلوة ؟
اخذت اخر نظرة واخذت غيرها وحده تشبهه المحبس حتى لا ينتبهون
دُجى : هاي احسن ما مبين حلقة
رجع مالته واخذ مالتي سلمها للولد تحاسب عليها واخذها من العلبة سحب ايدي استحيت اجرها منـه فهيت مصدومة اباوع بوجهه وهو
ثبت اصبعي ولبسني الحلقة وابتعد بنفس الدقيقة رحت امشي وياه طلعنا من المحل ورجعني للسيارة وصلنا البيت استاذ خيبر لا هوَ نطق ولا اني حجيت فتت على استقبال بسرعة وقفلته اخذت ملابسي وفتت اخذت حمام سريع ورجعت على استقبال اريد اسده
دخل يلعب على اعصابي يگلي
كـافل : نصلي صلاة العرسان ؟!
اختنگت تنگت بـوجهه ودرت وجهي منـه ابتسم وراح
على غرفة الجوه قفلت الباب اسمعه يخابر يگول
_ لا اليـوم ماكو سهر ليالي راح انـام مطمئن
حبست نفسي وهوَ ظلم البيت ونام بغرفة استاذ خيبر واني لفيت راسي من الملل نمت للعصر سمعت الباب الخارجي انطبگ وضربات على بـاب
الأستقبال گعدت افرك بعيني ورحت اعدل الحجاب وافتح بالقفل شفت
ايد ممدوده وهو هم النوم بعينه بعده گال
_ تأخرت عليچ اخذتني النومه ما جبت عشه من وكت
_ اصلاً جنت نايمة عادي
_ تجين تنامين بالغرفة اريح
اخذت العلاگه وهزيت راسي لا ولطفت جوا من ابتسمت بدال ما اشكره وقفلت الباب خليت الأكل وكملت نومتي گعدت الفجر على صوته يتوضأويردد الله اكبر حي على الصـلاة وابتعد صوته مبين يصلي
بطني تزقزق طلعت لفت الهمبركر لگيت اربعة مبين طالب النفسه واني اخذتهن كلهن وقفلت الباب شكد عيب ، اخذت وحده وببسي وجريت حجابي لبسته ورحت على غرفة شفته ساجد بالگاع خليت العلاگة ورفع نفسه شافني همستله
_ أدعيلي
هز راسه اي رحت وعفته اكلت اكلي وبقيت على گعدتي الثاني يوم
طلع من الصبح سمعت يمشي بالعقد وتحويل الجناسي حتى يسوي الجواز ، بقيت ساعات طويلة اظل وحدي وبين يوم ويوم تجي عمتي
تفكيري بدراستي اكل عقلي وقهرني اكثر گلت بس يرجع افاتحه
بموضوع دراستي وغياباتي الطويلة والدروس الفاتتني ما تنعد
وخلص اسبوع وبيوم گاعدة أدرس واراجع خليت استاذ خيبر ياخذ
الدروس من سُكرة حتى لا اضيع وكت دخل تحمحم وفات على استقبال
سفاني بسطت بكتبي بصف الصوبة وكوب حليب بككو يمي مد ايده
اخذه شرب منه وذب بحضني ظرف ابيض فتحته واخذت بيدي جناسي
اثنين شفت جنسيتي مكتوب بظهرها الزوج كـافل كميل وهوَ فر جنسيته
يشوفني ظهرها مكتوب الزوجة دُجى راعـد
دُجى: اسفة لأن انحسبت متزوج وراح تصير مطلق وانتَ لا بيهـا ولا عليهـا
اخذهن بيده يباوع الهن ويجاوبني بنبرة هـادئه
كـافل : ما متندم الرايـده حققتـه
رفع عيونه وفجأة تقابلت نظرته وية نظرتي، عيونه فد نظرتها غريبة
وبيها لمعة حنونه أول مرة بحياتي أشوفها بشخص يباوعلي بهالعمق
خلتني أحس اني عنده مو مجرد بنت كفلها ويحميها وهوَ مديرها
لالا هل نظرات وراهن عمق مشاعر اكو شي أكبر بگلبه إليَّ
تغـابيت وغيـرت الموضوع حتى أتلافى اي موقف ومشكلة بعدها
اشرت على جناسينا وضحكت ألطف وياه الجـو گتله
دُجى : اتخيل توگع هل جناسي بيد امك ست سامية
كـافل : ياريت
وسعت عيني من جوابه گتله
دُجى : تذب حني امك تذب حني لو عرفت
هوً وقاطه الرسمي نزل وگعد بصفي بالگاع بصف الصوبة ونزل الجناسي بالنص يقرب وجهه مني وعيونه منتهية يگلي
كـافل : ولـچ دُجى صـرتي مـرتي
خليت الكتاب بحضني وابتعدت شوية جسمي يرجف منه ورديته ببرود
دُجى : واذا
كـافل : مرتي واخليهم يذب حونچ بعدچ ما تعرفيني
بقيت عيوني بالكتاب وتعبت واني اغير المواضيع وياه گتله
دُجى : يمتى نسافر
كـافل : اسبوع زمان ارتب وضعي واستلم الجوازات
اتجنبت ارفع راسي عليه گلبت الورقة وگتله
دُجى : زين دراستي اريد أداوم هذا الأسبوع فاتتني الدروس
_ اجليها
_ شنو هي
_ هل سنة اجليها
_ لاا لاا حباب لاا اريد اخلص من السادس
واخذ شهادته حتى لو معدلي ضعيف اهم شي انجح
كـافل : واني ماحب معدل ضعيف اريد معدل
يضمن مستقبلچ وكون وضيفه مضمونه اول ما تتخرجين
باوعتله من وگف على طـوله بقيت گاعدة واحجي وياه
دُجى : اشد حيلي بس لا تگول اجليها
_ روحتچ للمدرسة غلط
_ دبرهـا انتَ تگدر ادبرهـا
گلبي دگ بكل سرعته من عافني وطلع للگراج ورجع شرب ماي من المطبخ وسمعته يصلي من كمل اجـه عليَّ لملم الجناسي وعقد زواجنا بجنطة صغيرة وقبل لا يـروح گال
_ بـاجر الأثنين دوامچ ظهري جهزي روحچ
اني اوصلچ للمدرسة وارجعچ بيدي ما اغفل عنچ
ضحكت بوجهه وحجيت سريع من الفرح
دُجى : بدونـك اضيـع ..
ضحك على ضحكتي وايده رفعها على گلبه يگلي
كـافل :دُجى يتـم حفـظ كلماتچ الحلوة بمحفظة گلبي
دُجى : كم كلمة بيها محفظة گلبك
كـافل : بعدهـا فقيرة بس اربع كلمات قصص ماي هوبس
" احب حمايتك" وهسـة " بدونـك اضيع "
ابتسمت ودنگت على كتاب طول الحد ماعافني وراح للغرفة احتل غرفة المظلوم خيبر وعاش بيها ، الثاني يـوم گعدت لگيته طالع من صارت ب11
بدلت وجهزت روحي والجنطة قفلت البيت وانتظرت بالگراج اراقب الشارعة
ونص سمعت سيارته قبل لا ينزل طلعت مستعجله وصعدت قبل لا يحجي
قدمت ايدي انطي گلاص ماي جان يريد يحجي لان واگفه بالباب بس
من شاف الماي اقتنع ونسى الموضوع فر السيارة وتوجهه للمدرسة
ابتسمت ودنگت على كتاب طول الحد ماعافني وراح للغرفة احتل غرفة المظلوم خيبر وعاش بيها ، الثاني يـوم گعدت لگيته طالع من صارت ب11
بدلت وجهزت روحي والجنطة قفلت البيت وانتظرت بالگراج اراقب الشارعة
ونص سمعت سيارته قبل لا ينزل طلعت مستعجله وصعدت قبل لا يحجي
قدمت ايدي انطي گلاص ماي جان يريد يحجي لان واگفه بالباب بس
من شاف الماي اقتنع ونسى الموضوع فر السيارة وتوجهه للمدرسة
النص الطـريق فتح الجامة يشرب جگاره ويفهمني
كـافل : تفهمين البنات بعدچ عايشة ويه عمتچ
وغيابچ لان اسم الله عليچ جنتي مريضة تمام
دُجى : حتى سُكرة ورونق
كـافل : منو غيرهن يسألن هيچ اسأله؟!
دُجى : لا محد بس البنات
كافل : هاي الا اذا تريدين تعلنين زواجنا فـ موضوع ثاني
دُجى : يمكن بس سكرة ورونق احجيلهن
_ ليش سوله لازم تحجين
گلبت عيني وگتله
_ اصلاً ماحب احد يعرف اني زوجتك
_ اي بيَّ كخه يالوكحـه
بقيت ما احاجي عيني على شارع دردم عليَّ
كافل : حتى حشاك ما تگول
دُجى : حشاك استاذ كافل
_ بعد وكت يالثعلبة
اذا احجي هسة الحجي لبراسي يبطلني بقيت ساكته ، من وصلنا للمدرسة بقيت اتلفت اشوف ابو الدراجة موجود حتى لا ينتبه عليَّ
مختفي وجفلت على صوته يسألني بنبرته الخشنة
كـافل : عليمن ادور عيونچ ضايعة وتتلفت ؟
فتحت ايدي وبرطمت شفايفي واجاوبه على سريع
دُجى : اني عليمن ادور ما ادور گاعدة اباوع على شوارع
_ راوغي بعد استمـري وكاشفچ
دُجى : شنو كاشفني شمسويه يا ستار
_ عيونچ خليهـا بالسيارة ركزي ويانا
صف السيارة نزلت ومن شفت المديرة فاتت خفت ورجعت اركض لزمت سيارته من جهته نزل الجامـه والدمعه تعلگت بطرف عيني گتله
دُجى : المديرة والمدرسات شلون أقنعهم يمكن يطردوني
كـافل : شكو يطردوچ بايگه رواتبهن
طفـه السيارة ونـزل ويايَّ خايته يمشي قبلي انتبهه وگف
حتى اوصل وياه امشي من دخلنا اشر اليَّ اروح للساحة
دُجى : اجي وياك
_ ما يحتاج اني احاجيهن وحدي روحي يلة بسرعة
حكيت راسي ونفذت رحت شفت البنات وردت روحي لزمني رزايل على غياب وسكرة تعاتبني لأن طولت هل مرة اريد احجي الهن واخاف اكسر كلمته بعد ما حذرني ، غصب عني سكتت حتى لو مؤقت ما اريد اي مشكلة تصير
قبل لا اسافر خلي تفض سفرتي والباقي اگدر اقنعهن وما يزعلن مني
دخلنا للدروس والمدرسات كل ما تدخل وحده تگلي
_ الحمدلله على سلامتچ
من كلامهن عـرفت مفهمهم جنت مريضة همزين ربطت فيشه وياه
وما جفصت بالكلام وصدك مثلت اني مريضة وتعبانة حتى اتهرب
من دروس هل يوم ببن ما ارجع اضبطهـا
من كملت البنات رجعوا بالخط واني مثل ما فهمني بقيت بالأدارة اجه بنفسه دخل استلمني وصعدني بالسيارة رجعني للبيت ، وما فهمنا دخلت الأيام والأشهر منا طلعوا منا وتحدد امتحانات نص السنة وبلشوا يراجعون النا هل اسبوع مراجعه بين ما تبلش الامتحانات هذا نظام مدرستنا ، استغليت هل وقت وفرحت لأن ترتبت وياها جوازاتنا وتحدد موعد سفرتنا
من كملت البنات رجعوا بالخط واني مثل ما فهمني بقيت بالأدارة اجه بنفسه دخل استلمني وصعدني بالسيارة رجعني للبيت ، وما فهمنا دخلت الأيام والأشهر منا طلعوا منا وتحدد امتحانات نص السنة وبلشوا يراجعون النا هل اسبوع مراجعه بين ما تبلش الامتحانات هذا نظام مدرستنا ، استغليت هل وقت وفرحت لأن ترتبت وياها جوازاتنا وتحدد موعد سفرتنا
قبل السفرة بيوم العصر اجه استعجلني جبرني بعصبيته ابدل اروح وياه
دخلني على محلات ملابس وظل برا حتى اخذ راحتي اختار ملابس طلعة
وبيت ماعندي ابد ماعندي اي ملابس اخذت فساتين اثنين وتراكات اثنين
ورهمت حجابات وياهن أحذية حلوة تناسب الوانهن ودخلت على بصفه اختار لنفسه عطر واختاريت عطر حاسب ورجعني للبيت بالطريق رن
تلفون يحجي ويه امـه وتسأل بي شنو يحب ياكل على عشه
كـافل : تعشيت برا ، جهزتوا جنطة السفر الفجر سفرتي
سامية : جهزناها ماما كلشي مثل ما طلبت
_ تمام امر عليكم اخذهـا مع السلامة
سد الخط وطبگ على مطعم ما خلاني انزل راح هوَ طلب الأكل
ورجعني للبيت دخل الغراض والأكل وراح ما ظل يمي
جهزت جنطتي الصغيرة وقبل الفجـر بساعة اجه البيت هوَ واستاذ خيبر
قفلوا البيت واخذونا للمطار گعدني انتظر كمل إجراءات ورحت اكمل مالتي وياه وظلوا يتأكدون من تاريخ زواجنا استاذ كافل يگول الهم
_ مسافرين شهــر عسـل
الضابط يضحك وياه يگله
_ همه اهل مصر شهر عسلهم يسافرون من مصر
انتوا رايحين المصر تعيشون شهر عسل عكس العالم
ابتسم بوجهه واخذه بعد ما ختمه ورجعنا للأنتظار اشتره اليه حليب وككو وهوَ گهوة عود شقصده هو جبير واني صغيرة ريحة الكهوة طيبه اريد اجربها وهوَ ولا على بالك كمل غسل واجه دخلنا للممر وركبنا بالطيارة
گعد بصفي قفل الحزام مالتي ورجع قفل حزامه درت وجهي على شباك
دُجى : يمكن لعبت روحي
كـافل : اي مو صاعدين كوستر غير طيارة
بطرف عيني خزرته وهوَ يهز بيده ورجع راسه على كـرسي من اول ما حركت السيارة الحد ما مرزلت الرجال راح بسابع نومه ما گعد بعد ابد
من نزلوا العالم هزيته من قمصلته گعد واشر امشي گدامه نزلنا وكعدت بالانتظار جر جنطنا ورجع يمي يگلي
كـافل : نفذت وعدي وگد كلمتي دخلتچ مصـر بأمان
دُجى : حـاضر استاذ هـاي وياك امشي
ذب نفس وراح يمشي واني لازمه بقمصلته من ظهره وامشي وراه يجر بالجنط ما يخليني اساعده اجر تكسي نزلنا مقابيل فندق بلغه عدنا حجز
وصعدونا فـوك للغـرفة هوَ دخلنا وبهتت الغرفة سريرها نفرين وصغيـرة
دُجى : اجرت غرفتين ؟
_ حتى يطردونا دفرات ؟ غير شافوا عقد زواجنا بابا لازم هيچ غرفة
_ اي يعني شلون نرتاح شلون
انام شلون نبدل شلون اخذ راحتي
طبگ الباب وشكبره اجـه عليَّ رجعت ليورا وهو يتقدم عليَّ يصيح
كـافل : ام راس العنوديه لا تصيحين بوجهي لا تصيحين
دُجى : غير الغرفة
كـافل : والعباس ما اغيرهـا عنـاد بيـچ
دُجى : لعد انام بالحمام
كـافل : عسى ما ترافگين جريدي وتعيشين
وياه بالحمام شلي غرض بيچ روحي نامي هناك
وصلت للحمام قبل لا ادخل دردمت عليًَ
دُجى : عناد بيَّ سويتها هيج بس ما انام بيهاا ما انام
طبگت الباب وغسلت وجهي ورديت طلعت فتحت جنطتي اخذت ملابس
ورجعت سبحت وبقيت انشف براسي وگعدت بالساعة ونص ركع الباب
كـافل : اريد اسبح امشي اطلعي ام راس اليابس
دُجى : اسبح بالغرفة
كـافل : هههههههههه افتحي البـاب
فتحته من رگعه قوي واشرتله بيدي گتله
_ روح بعيد حتى اطلع
_ لا تخافين ما اكفخچ اطلعي
_ لا روح بعيد روح حتى اطلع
ثـواني وشفت الرجال صـار ويايَّ بنص الحمـام وفتح اول دگمتين
من القميص طفرني مثل المخبلة رحت للغرفة ايدي على گلبي اجر
النفس واسب بي الأسيــود وجه الجينكوو الصالنصه المحروگه
اخ الأجلح الأملح اخ اذا اعدد عليك مسباتي
بقيت واگفه الحـد مـا طلع من الحمام مبدل وحتى تمشيط مشط
حتى لا يحرجني ، واشر على فـراش كال
_ نامي ارتاحي اني طالع بليل كلش ارجع
عندي موعد ويه زلمة مصري يوصلنا الصبح السوهـاج
اخذ فلوس ومستمسكات قفل الغرفة عليَّ وراح ختلت بالفراش وصدك اقل الدقيقة صرت بسابع نومـه ، رجـع الفجـر اني صحيت شبعانه نوم فتحت التلفزيون وهوَ نام بمكاني الثاني يـوم الصبح بعيد مني وبعيده منه
فزيت يگعد بيَّ عدلت شالي گدامه طالع نص شعري وشهگت گال
_ امشي نتريك فوك حتى نطلع من القاهره لسوهاج
بدلت فستاني ولفيت شالي بالحمام لگيته مكمل تبديل منتظرني بالباب
صعدنا بالطابق الفوك مطعم قدموا ريوك اكلت قليل عكسه كمل ماعونه ورجع طلب ماعون ثاني وتلاث گلاصات جاي شرب وجكارتين كملهن
وگـال يلة نتـوكل ردت اگله بعد تعال اكلني واشربني ودخني بگد ما نرفزني من بروده وسكوته على طول الوكت
صعدنا بسيارة الرجال يعرفه يمشي بينا والطريق طويل متعب كسر
جسمي والملل ما ينوصف من القاهرة لـصعيد مصر يسموهم وصل بينا التاكسي لأطراف منطقة "سوهاج" وهوَ يحذر بينا ما ندخل بدون ما يستقبلنا واحد من معارفنا والناس اللي جايين الهم لأن اهل سـوهاج ما يحبون الغربة
وصلنا واني حاطة إيديني على گلبي يرجف من الخوف ولهفة الهم
خلصتي يا دُجى كلها خطوات وتشوف عيني خوالي وأخلص من كابوسي
والضياع ، كافل التفت علية بنظرة سريعة شافني مرعوبة اعصر بيدي عدل سترة قاطه وفتح الباب نزل هو والسايق وعافوني بالسيارة يريد يندل البيت ويتأكد من الوضع قبل لا أنزل بوسط ناس ما أعرفهم
أجواء الصعيد الها رهبتها زلمهم ضخمين ولابسين جلابيات صعيديه تختلف على دشاديش العـراقيين ، على طول الطريق نخل عالي يغطي بيوتهم
كلشي غريب والناس تباوعلنا من عرفونا غربه مبين من اشكالنا ، ركزت عيوني على كافل شفته وگف من بعيد سلم على واحد من اهل المنطقة
انطاهم اسم خالي والوجوه تغيرت ، وفجأة لمحت حركة غريبة رجع
السايق مستعجل للسيارة وكافل وياه حركوها مستعجلين وصلونا مقابيل
بيت مثل الفله بس سور البيت عباره عن طبعات ايد مصبوغه بالدم
36 تعليق
نزلوا دگوا الباب من شفت طلع شاب من البيت من تعرف على كافل باوع على سيارة سلم على كافل واستعجله ينزلني برا خطره علينا دخل ابو
السيارة سيارته للگراج الداخلي من بيتهم وصاح على اخو الثاني يبلغه
_ بنت عمتي ميثاء وصلت عندنا
استقبلونا بمضيف البيت مالتهم ومن بعيد لمحت بالحديقة جواميس
وعلى صفحة دجاج وبط ومسويلهم بحيره صغيرة كلش يسبحن بيها
كعدنا بالمضيف وابن خالي معزب يضيف وسألني على حالي جاوبته
وخجلانه منه گتله زينة واني مو زينة من كملنا الماي والچاي دخلت مره
من النسوان القـادرات لابسه السواد معصبه الراس علت حسها بالمضيف
_ شربتوا جايكم قمنا بواجبكم كملتوا اطلعوا برا بيتنا
ام ركان : ابوك مين وهباب مين يوله ؟!
يبنت ميثاء خالك غرئان في مصيبة مِلعونة ولدنا كتل
واحد من ولد كبارات الصعايدة وخالك هِجّ وسافر معاه
عشان يهججه برا البلد ويمشيه مش عايزين مشاكل
فهمتي مش عايزين اطلعي برا ولا عاد تِرجعي اهنه
ولا تزيدي الطين باله اللي فينا بيكفينا امشي من وشنا خلصيني
احترك كافل حرك منها وابنها يطبطب على ايده يسكت بي وهو
كل شويه فاز من مكانه يريد ينهد بيها يكفخهاا صاح بصوت رعدها
كـافل : احجي بأسلوب عدل وياها واحترمي روحچ
وصلت حدها متحملچ على اعصابي لان مره
_ ومين ده كمان عاد؟ خدها لو خايف عليها واطلعوا برا بيتي
ركان : انا بعتذر منكم يا فندم حقكم عليَّ
بس أبويّ مسافر دلوك ومش اهنه
كافل : يمتى يرجع ؟
ام ركان : مفيش رجوع اطلعوا برا بيتي
كـافل : اسكتي والله ساكت منج لان حرمه
لو زلمة جان شفت شغلي وياچ
ركان : والله خجلان منيكم اعذروني كلها شهرين بالكتير
وتنحل قِضية الثار، ويرجع الوضع طبيعي إن شاء الله
أول ما يستقر الحال أنا هتصل بيكم حتى نتقابل
إذا ما نسافر انا والوالد على العراق سوى ويجي
البنت عمتي دُجى يفهم منها
مـا جاوب اخذني من طرف ايدي طلعنـا سحبت ايدي منه ودرت
على زوجته صحت بيها وگلبي نار عليها اريد اگطعها
دُجى : انتِ فد وحده ماعندچ تربية وحرامات زوجة خالي
ما تستاهلي زلمة طيب وما يحب الظلم ومخلي بنص بيته
ظالمة راح افضحچ يمه واخلي يطردچ مثل ما طردتيني
تخبلت مني وانصدمت شلون اجاوبها تصيح
_ يا قليلة الأدب يا بتوع الرگاله يا تربية ميثاء الكلبه
جاية تتفلسفين وتطولي لسانك في بيتي يا سفله
اطلعي برا بدل ما الم عليكي ناس الصعيد يدفنوكي هنه
دُجى : انجبي ولمي لسانج لا اشهرچ واخزيچ الدايحة
لازمني حيل مثبتني ومقيد حركتي اريد اطفر عليها املخها وابنها لازمها جرني جر وغصب طلعني ، حاولت اتحرك اشوفلي صرفـة تخلصني وتبـرد گلبي اريد اسحلها من شعفتها لميت حيلي وبكل قوتي دفعت ايده قوي وركضت عليها لحتها وگعت بيدي گدرت املخ راسها واگطع شعرها وهمه تخبلوا وكافل طلعني يركض من بيناتهم بعد ما هدوا علينا بناتها واخلها بالتواثي كل واحد توثيته شكبرها
نريد نصـعد وجمـدت وگفت من صار صوت ضربه قوية على جام السيارة كسروا الجامة وقبل لا عقلي يستوعب اول فعل تفاجئت وصـرخت
ومـن علوا صرخـاتي حسيت احبال صوتي تگطعت فتحت عيوني على وسعها مصدومة ومتهيكلة من ضرب التوثية
بـراس كـافل فتحته صــار دمه بطوله ينـزف ما سيطو ثواني
و وگع على تراب الشـارع والسايق عافنا وراح يركض ايدي ترجف والخوف والحيـرة دمرني من جهـة خوفي على حياتــة سلبني عقلي ومن جهة تـــورطت وما عرفت بعد هالمـوقف راح تبدي الصدمـات وتنكشف المـؤامرات المدفونـة بداخلهم!!!!!
