روايه الحب بالقلب الفصل التاسع عشر
دلفت ورد الغرفه لتنظر إلي حسن بحزن وهو نائم و تذهب إليه حتي توقظه
ورد بخفوت : حسن
حسن : لا رد
ورد بصوت عال قليل : حسن
حسن يبدأ يستيقظ وينظر إليها بصمت !
ورد : انا جهزت الفطار عشان تروح الشغل
حسن بجمود : كتر خيرك متطلبتش منك تعملي حاجه
ورد بحزن : حسن انت هتفضل تعاملني كده حتي نمت بعيد عني امبارح ، انا عارفه اني غلطانه بس بلاش كده
حسن لينهض : عايزه اعملك ازاي يعني بعد اللي عملتي انا اصلا مش طايق ابص في وشك . كل ما افتكر اللي عملتي ، اوعي من وشي سيبيني انزل احسن (و يلف ظهرة لأجل ليرحل )
ورد بحزن : يعني هتفضل تعاملني كده ، طب حتي عاملني كويس في الايام اللي فضيله لي
حسن يلف بسرعه و يمسكها من ذراعها
حسن بغضب : انتي بتقولي ايه اسكتي انتي مش هتموتي و هتعيش غصب عنك
ورد بدموع : اللي بتعمله فيه ده بيموتني بالبطيء
حسن يجز على اسنانه ويبعد : انتي اللي عملتي في نفسك كده مش انا
ورد بياس و حزن : تاني ، انت بتعاقبني على ايه؟ مش عارفه ما انت السبب من الاول ، في كل حاجه ، بتعاقبني عشان كان نفسي ابقي ام نفسي اجيب حاجه تربطنا ببعض
حسن بحزن: اديكي هتفرقنا عن بعض للأبد
ورد : مكنتش اعرف ، انت متعرفش انا حسيت بي ايه لما فكرت أنك مش بتحبني ، حسيت روحي بتتسحب مني
حسن بحزن : انا ما حبتش حد في حياتي قدك يا ورد
ورد : ولا انا يا حسن حبيت حد قدك ولا هحب غيرك و لا بعدك ، غلطه و ندمت عليها ،هتفضل تعاقبني كده كتير
حسن بحزن : ومين قالك اني بعاقبك انا بعاقب نفسي عشان انا السبب في اللي انتي فيه ، كل ما افتكر انك هتروحي مني مش بقدر ابص في عيونك عشان كده نمت بعيد عنك امبارح
ورد تقترب منه : غلط.. لو فاكر بعدك عني ده الحل ، تبقي غلطان انا محتاجه ليكي جنبي اوي
حسن يتنهد قوي و يضمها : انا اسف يا ورد على كل حاجه ، و اللي قولته امبارح كان غضب مني عشان مش قادر اصدق انك هتروح مني
ورد بالم : الاعمار بايد الله ان شاء الله خير ، وممكن اعيش و ابقي كويسه
حسن يبعدها بفزع : مفيش حاجه اسمها ممكن انتي هتعيشي يعني هتعيشي فهمي
ورد : حاضر إهدي ، مش هتروح الشغل
حسن بتعب : لا تعالي عاوز انام في حضنك مانمتش خالص امبارح
ورد بنص ابتسامه : حاضر
حسن اقترب منها ليحملها و يضعها على الفراش بهدوء و هي تفرد يدها و هو ينام علي صدرها و هي تحضنه..
ورد : حسن
حسن : نعم
ورد : هو احنا مش هنقول لحد علي موضوع الحمل
حسن يتنهد و يرفع راسه : انتي عاوزه يعرفوا
ورد تهز راسها بنعم
حسن : حاضر بس مش هنقول على موضوع انك تعبانه
ورد : ماشي
حسن يعود ينام في حضنها و يغمض عينيه وينام ....و يستيقظ بعد عده ساعات تنظر في الساعه
ورد تستيقظ : في حاجه
حسن بحنان : لا يا حبيبتي نامي انتي وانا هنزل
ورد : هتروح فين....الشغل
حسن : لا هروح الجامعه اشوف النتيجه
ورد : اه صح انا نسيتها خالص
حسن يبعد ويغطيها : نامي انتي وانا هنزل
***
حسن يعود من الخارج يدخل يبحث عن ورد
حسن : ورد....ورد.. انتي فين
ورد من الخلف : انا هنا
حسن يلف كاد أن يتحدث ليتصدم عندما يجد ورد كانت تقف علي قدمها من غير عكاز : انتي واقفه على رجلك الاتنين !؟.
ورد بسعاده: اه
حسن يقترب بحذر : ازاي
ورد : جيت اجيب حاجه نسيت وقومت من غير عكاز لقيت نفسي بمشي....انا بمشي يا حسن
حسن يقترب بفرحه : اه ياحبيبتي الحمد لله
ورد بدموع : شوفت يا حسن ربنا بيقطع من هنا ويوصل من هنا ازاي
حسن يحضنها : صح الحمد الله
ورد بتذكر : عملت ايه صحيح في الجامعه
حسن بسعاده لاجلها : جبتي امتياز ذي كل مره
ورد بقلق : وانت
حسن بهدوء : متخافيش نجحت بس جبت جيد
ورد تبتسم : كويس مش وحش
حسن بعشق : انا فرحتي بي نجاحك و شفاء رجلك عندي بالدنيا
***
بعد مرور اسبوع قد بلغ حسن كل العائله بحمل ورد وقد فرح الجميع بحملها لكنه بالطبع لم يقول علي موضوع تعبها مثل ما اتفقوا وقد أخبرهم أيضا بأنها عادت تسير على قدمها مره ثانيه.. بينما حسن لم يترك ورد ولا دقيقه بمفردها وظل معها طول الوقت وكان خائف جدا بأن تتركه وتموت.....بعد عده شهور!
في محل كمال :-
حسن باستعجال : يلا بسرعه يا خالد عاوز اروح
خالد : ما خلاص يا ابني قربنا نخلص و بعدين مستعجل على ايه
حسن : ورد لوحدها في البيت ومش عاوز اسيبها لوحدها كتير
خالد بغمزه : اه هي الحكايه فيها ورد
حسن بنفخ : اه اخلص بقي
هشام من الخلف : حسن
حسن يلتفت : هشام...ايه اللي جابك هنا
هشام : طب قول ازيك حتي
حسن يقترب منه : عاوز ايه يا هشام
هشام : بطلت تعدي عليا في البيت ليه
حسن بضيق : عشان البيت بتاعك ده بيفكرني بي ماضيا ، وحاجات مش عاوز افتكرها و بحاول انساها
هشام : هو انت معرفتش انهم لقوا امجد
حسن بصدمه: ايه بجد ، اصلا عندي ظروف نسيتني خالص الموضوع ده ، هبقي اعد على القسم
هشام : مفيش داعي ....لقوا ميت في بيت وكان واخد جرعة مخدرات زياده
حسن بصدمه اكبر : مات...(يتنهد)ربنا رحمه
هشام : انت بتدعيله بالرحمه بعد اللي عمله معاك
حسن : منكرش ان النار اللي جوايا ما بردتش بموته بس اهو خلاص مات
هشام بحزن : حسن ما تبعدش عني انت كمان انا من ساعه ما عرفت ان امجد مات وانا خايف خليك جنبي يا حسن انا مليش حد غيرك انت عارف اني ابويا على طول مسافر ومش بيسال فيا...ان شاء لله تخليني ابقي ذيك حتي
حسن : عاوز تبقي زيي يبقي تبطل اللي بتشربه خالص و كل حاجه
هشام : حاضر هبطلها....بس اسال عليا يا حسن ما تنسانيش انت كمان
حسن بتعاطف: حاضر يا هشام
هشام بفرحه : بجد يا حسن
حسن ابتسم : اه بجد....تعالي يلا نصلي عشان تبدا صح
هشام ابتسم : حاضر
***
حسن يعود إلى المنزل وهو يهتف : ورد انتي فين .....(ثم يسمع صوتها في المرحاض بتتوجع ) ... ورد افتحي مالك
ورد بتعب شديد : انا كويسه متخافش
حسن بغضب و قلق : طب افتحي مالك
ورد تفتح بتعب ظاهر : قولتلك كويسه
حسن يذهب إليها بسرعه و يحملها : اكيد عملتي مجهود عشان كده تعبتي
ورد : لا
حسن بقلق : حاسه بوجع جامد نروح لدكتور
ورد بتعب تحاول اخفاؤه : لا كويسه
حسن ينظر لها بعدم تصديق : ما تداريش تعبك عني يا ورد انا اكتر واحد حاسس بيكي
ورد بابتسامه باهته : متخافش عليا
حسن يلامس يده على شعرها بحب : لو ما خفتش عليكي هاخاف على مين
ورد كادت أن تتحدث لكنها شعرت بألم شديد : اااه
حسن بخوف : مالك بس في ايه
ورد بوجع شديد: حاسه بوجع شديد اوي في بطن الحقني يا حسن
***
في المستشفي :-
كأن حسن يسير في الممرات ذهاباً وإياباً علي باب المستشفى بخوف ويدعي ربه: يارب... يارب استرها
ثم في تلك اللحظة خرج الدكتور وحسن ركض إليه: مراتي مالها يا دكتور
دكتور : متخافش هي كويسه الحمد الله ده شئ طبيعي لحالتها
حسن بقلق شديد : ايوه بس دي على طول كده
الدكتور : انا من رايي نخليها هنا تقعد باقي
الشهور اللي فضله هنا
حسن بصدمه : نعم تقعد ٣ شهور هنا
الدكتور : ده افضل ليها
حسن يتنهد بتعب : طب هي هتبقي كويسه قول الحقيقه متكدبش عليا
الدكتور : هي لحد دلوقتي حالتها مستقره الخطر ساعه الولاده ....ادعيلها
حسن بخوف : يارب
***
فتحت ورد عيناها ببطئ.. حسن بقلق: ورد حبيبتي انتي كويسه
ورد بخفوت : اه هو ايه اللي حصل
حسن : انتي في المستشفى تعبتي شويه
ورد بخوف : ايه وابني عامل ايه...اوعي تقول نزل
حسن : بس ..بس اهدي ما نزلش متخافيش
ورد بارتياح : الحمد الله...هو انا هامشي امتي من هنا
حسن بتردد: احم لا انتي هتفضلي هنا باقي الشهور اللي فضله
ورد بصدمه : ايه ليه
حسن بلين : معلش يا حبيبتي ده كلام الدكتور ....وبعدين انا هفضل معاكي مش هسيبك أبدا
ورد بزعل : يعني هتسيب حالك و تقعد جنبي
حسن بحب : وايه يعني انا عند كام ورد
***
في منزل كمال...
كمال : خير موضوع ايه اللي عايزني في... بس قولي الاول مراتك فين بقالي كتير مش بشوفها
حسن : ما هو ده الموضوع اللي عاوزك في
كمال بتعجب : طب ماتقول سامعك
حسن ياخد نفس عميق : ورد في المستشفى و هتفضل هناك لحد ما تولد عشان في مشاكل بسبب الحمل انا كنت بديها حبوب منع الحمل بس للاسف حصل حمل
كمال بصدمه : ايه اللي انت بتقوله ده
حسن بهدوء غريب: اللي سمعته يا بابا عاوز تقول انا السبب قول..بس انا والله ما حمل كلام ...انا قولتك عشان تقول لي عم ابراهيم عاوز لحد ما تولد ورد نكون كلنا حوليها
كمال بقله حيلة: لا حول ولاقوة الا بالله ربنا يشفيها
***
في المستشفى بعد شهر
ورد : حسن
حسن : نعم يا حبيبتي عاوزه حاجه
ورد : كنت عاوزه اسالك عاوز ولد ولا بنت
حسن يبتسم : كل اللي ربنا يجيبوا كويس
المهم تقومي بالسلامه
ورد : لا بجد نفسك في ولد ولا بنت
حسن : انتي نفسك في ايه
ورد : مممم في بنت وتكون شبهك
حسن يضحك : خلاص انا كمان نفسي في بنت
ورد ابتسمت : يبقي ان شاء الله اجيب بنت
حسن : ان شاءالله يا حبيبتي
ورد : اااه
حسن بخوف : في ايه مالك
ورد : مش عارف حاسه بوجع جامد اوي ااه
حسن :طب استني هشوف الدكتور بسرعه
***
حسن : خير يا دكتور مالها
الدكتور بجدية: لازم تولد دلوقتي
حسن بخوف : ايه ليه ده لسه بدري
الدكتور : لو فضلت اكتر من كده هيبقي في خطر عليها لازم تولد
حسن بخوف : هتبقي كويس صح
الدكتور : ان شاء الله...
حسن : طب ممكن اشوفها قبل ماتدخل اوضه العمليات.
***
في غرفه المستشفي...
ورد بتعب : حسن
حسن اقترب منها : ياروح حسن انا هنا اهو
ورد بحزن : خلاص هدخل اولد
حسن يتماسك : اه يا حبيبتي بنتنا هتاجي خلاص
ورد : هتسمها عشق
حسن يمسك دموعه: ماشي هسميها عشق
ورد : خلي بالك منها و قولها اني كان نفسي اشوفها و اربيها كويس
حسن : انتي اللي هتربيها مش انا فاهمه
ورد بدموع في عينيها : انا بحبك اوي وعمري ما حبيت حد غيرك
حسن بدموع : وانا كمان...ورد عشان خاطري اتمسكي بالحياه وما تسيبنيش انا من غيرك اموت....هرجع لحياتي القديم اللي كانت كلها غلط في غلط
ورد برفض : لا انت مش هترجع تاني لحياتك القديم امال مين هربي بنتنا
حسن بضيق شديد : قولتك انتي مش انا
ورد : اوعدني يا حسن
حسن: وانتي كمان اوعديني انك هترجعي ليا و مش هتسيني
ورد بحزن: مش بايده
حسن بحزن : عارف بس حاولي عشان خاطري
ورد بتعب : اوعدك
حسن يمسك يدها بضعف : وانا كمان اوعدك
***
امام غرفه العمليات ...
ابراهيم : بنتي فين
حسن وهو بيمسح دموعه : جوه في اوضه العمليات ادعيلها يا عمي
ابراهيم بحزن : يارب قومها بسلامه
وبعد عده ساعات .. كمال : يا ابني أهدي خليتني
حسن فقد اعصابه : اتأخروا اوي
كمال : هي العمليات اللي ذي دي.. كده بتاخد وقت اهدي بقي ان شاء الله خير
حسن يتنهد : يارب
وفي تلك اللحظة يخرج الدكتور والجميع يركضون إليه.. حسن بخوف : ها يا دكتور
ابراهيم بقلق بالغ : بنتي عامله ايه يا دكتور
كمال : اسكتوا يا جماعه عشان يتكلم
الدكتور : الحمد لله ولدت بنت
حسن : و ورد عامله ايه
الدكتور : للاسف.......
