رواية قاتلة ابي الفصل الأول بقلم بنت الشيخ ترابية
المشهـد
ارجف وانكث لو القنفة تتحرك
انا ما اتحرك .. ابوية يباوعلي يخزرني ويأشر بعينه انا لو تذبحوني قطرة دم مابيه بس عيوني يجرن وحتى صوتي ماكو .. الي يوكف كدامي يسمع نبضات گلبي
:- تنضم ويانه لو نگتلك ماتحجي هاااااه
شلون انضم يعني مافهمت شني قصدك؟!
يباوع عليه ويحجي وياهم يريد يطول كلام ويجامل
ادري بي يسوي هيج علمودي يعني انهزمي روحي اشردي خابري سوي اي شي بس اطلعي منا وانا صافنه ودموعي تنزل واريد احد يكلي حلم اصحي
:- احنا مو جاي نحجي هاااااااااا
ابني مافهمت انضم وياك شسوي يعني وين انضم
:- تنضم ويانه وتنفذ كلامنا نكلك اگتل مرتك تگتلها
ارجف من الخوف حسيت مثل المي ينزل عليه من جوه
يباوع ويحرك بعينه على الباب
اطلعي
روحي
نقذي نفسج
نظراته الي جانت تفسر كل كلامه وفهمت كل حركاته
بس مابيدي شي
الحايط يمشي ويتحرك وانا غير دموعي ورمش عيني ميتحرك ساكن .. اريد اطاول وياهم انا هم
كعدت بالكاع ابوس بالرجل وبالايد وبالراس
الله يخليكم دخيلكم ياربي بس عوفوهم اروحلكم فدوه شتردون تسوون سوو بيه عوفوهم الله يخليكم
احجي وياهم وجان يهمسلي ويزيد خوفي اكثر واكثر
:- كووومي لا تكعدين يم رجل احد وتتوسلين
رفعي راسي وكملي مسيرتي الي ماكدرت اكملها
اخوج الصغير هذا ديري بالج عليه ما اطمن عليه يم احد ثاني .. دراستج الا دراستج اريدج تاخذين الشهادة الي اريدها ... منو هذول الي يسوون ومدنكه ع رجلهم هاااااااااا
اباوع بنص عينه وماحس الا طشرو راس اخوي
دم اخوي ع ظهري
ماكدر اندار
ابوي كام يصيح ويهدد بيهم
وانا ع ركبي كاعده كدام ابوي المربط
كال حجايتين بس
:- صيري قوية ورفعي راسي هنادي
رمشت عيني دم ابوي صار بوجهي .....
في سنة 2013 شهر 4
ضايجة .. يعني انا ضايجة ومحبوسة بالبيت كمت يم ابوي واخوي وحجيت وياهم امي جانت بالمطبخ واجت
هنادي :- يابه اريد اطلع والله مختنكه وضايجه وبعد اسبوع للامتحانات مالتي
ذو الفقار :- اي ليش لا ناكل ونطلع واونسج بعد؟
ابتسمت درت وجهي وشفت امي واكفه
عاگده حواجبها وتخزرني و وجها احمر
خفت منها صعدت لغرفتي وكعدت اقره للامتحان
ذو الفقار :- اي ليش لا ناكل ونطلع واونسج بعد؟
ابتسمت درت وجهي وشفت امي واكفه
عاگده حواجبها وتخزرني و وجها احمر
خفت منها صعدت لغرفتي وكعدت اقره للامتحان
انا هنادي صف ثاني متوسط امتحاناتي قربت وراها اروح ثالث متوسط .. انا الوسطانيه عندي اخوان اثنين
واحد اكبر مني اسمه مهند جاي يدرس اخر اسبوعين وراها يلتحق وي ابوي .. اخوي ماهر اصغر مني بسنتين
ابوي اسمه معروف حيل يعني مو ضابط بس رئيس شرطة وضباط ومنتسبين
وامي .. البنية لازم تكون صديقة امها
بس انا امي تضوج مني لدرجة مو طبيعية
انا طفلة حتى ما بالغة وامي تريد تزوجني وتخلص مني بأي طريقة وابوي يرفض ويوكف بوجهها وهي بس تريد تخلص مني ..
حياتنا الحمدلله كلش زينه وحالتنا المادية كلش كلش زينه وابوي مدللني لانو بنته الصغيره والوحيده واخوي مهند هم نفس الشي
متعلقه بأبوي ومهند حيل وماهر متعلق بيه
فزيت من الصفنة على دكة الباب انداريت شفت مهند مكتف ايده وفاتح الباب ومنتجي عليها ويبتسم
هنادي :- ها مهند تعال ادخل اكعد
مهند :- كومي خلي ناكل الاكل جاهز لو تردين اشيلج وننزل؟
بسرعه انا كمت يمه حتى يشيلني هو ضحك وغمز
مهند:- لا يابه ثكيله وسمنانه
درت وجهي عنه اريد اطلع من الغرفه شالني
ضحكنا ونزلنا
جانو كاعدين كلهم وامي تباوعلي بطرف عينها
نزلني مهند يم ابوي وكعدت بصف ابوي وامي كدامي
كعدنا ناكل وغصيت بالاكل
ذو الفقار:- حنان انطينا الماي ماتشوفيها غصت
حنان:- والله تريد ماي خلي تكوم تاخذه شعليه بيها
ابوي صاح بيها وانطت الماي لمهند واخذته اني
شربت الماي ورجعت اكل طبيعي وغلست
خلصنا اكل وكلمن لغرفته بس انا اسهر علمود امتحاني
احب اخلص دراستي قبل الامتحانات خاص بصفحتنا قصص عراقيه واقعيه
مطرت الدنيا .. ليش احنا مو صيف ؟
يمكن لانو ربيع
صارت ساعة 10 ونص ليل والدنيا تمطر وطفت الكهرباء .. انا ما اخاف نهائي فنزلت للمطبخ حتى اشغل شمعة او اثنين حتى اقره
اخذت شمعتين وشفت بطل ترسته ماي واخذته وياي
قبل لا اصعد سمعت اهلي يتعاركون بصوت مو عالي
وكفت اسمعهم
ذو الفقار :- انا بنتي ما ازوجها طول ما اشم الهوى تفهمين؟
حنان:- يعني الزلم جاي تتوسل وتتقدم وانت ما توافق
ليش ما توافق هي البنيه تخلص ابتدائيه تزوج معروفه
ذو الفقار:- اي مو بنتي هل الوحيده عندي والمدللة ما ازوجها
اني بسرعه درت وجهي وصعدت لغرفتي وقفلت الباب
امي ليش تريد تزوجني وانا طفلة؟
حتى ثالث مدخلت؟
ولا بالغه؟ ليش عود؟
كمت بسرعة صفيت الغرفة ورحت نمت حتى ماكملت دراسه ...
......
كعدت على صوتها
حنان:- كومي لج قافلة الباب وصار ساعه اصيح كومي كعدي اريدج يلاااا
كمت فتحت قفل الباب ورحت غسلت وجهي
ابوي مخلي غرفنا سويت يعني وياها حمام وصاله صغيره ... بدلت فستان بيتي واخذت ربطه وبرمتها وسويتها مثل الطوك مقرصه شعر
احب اللبس القديم حيل
وفتحت شعري ونزلت
ابوي دوام واخوي مهند طالع مادري وين وماهر كاعد على التلفزيون وامي تطبخ الغده
وانا طاكه روحي والبارحه على اساس نطلع وماطلعنا
رحت لامي وكتلها
حروح لبيت اسراء صديقتي ... باوعتلي بطرف عينها وانا رحت اخذت ماهر وياي
ابوي كايل الها اذا تريد صديقتها ما تمنعيها
ورحت دكيت الباب وطلعت خالتي ام ياسين
استقبلتنا ودخلنا
اسراء:- وهلاااااااااااا عاااش من يدخل بيتنا
رحت حضنتها وبستها
اسراء صديقتي من الصف ثالث ابتدائي هي بعمري
بس تصرفاتها وسوالفها وشكلها لا مبين عليها صف خامس او سادس اعدادي هجي يعني بس مو طويله كلش بطولي
كعدنا وخالتي ام ياسين جابت صينية بيها كليجة وجاي وكعدت ويانا
ام ياسين:- كلبي ناغزني
اسراء:- هاه منو مات؟
ام ياسين:- لا السنة الجاية گلبي ناغزني منها
اسراء:- خير ان شاء الله
اندارت اسراء عليه وفتحت عينها بصدمه
خاله ام ياسين علويه واذا يصير شي تحس بي واذا راح يصير هم تحس بي والمنطقه كلها تعرفها
كعدنا شويه صارت ساعة 12 رجعنا للبيت
شفت مهند موجود رحت حضنته حيل وكعدني بحضنه
حنان:- تراها مو طفلة ومكعدها بحضنك
مهند:- چا شبيها بنيتي هاي
وباسني من خدودي وامي تخزر
شاورني
مهند:- معليج من امج تغار منج بس ابوي راح ياخذنا سفرة لتركيا هاه
وشوكت ياخذنا؟
مهند:- بس تخلصين امتحانات
خوش چا اروح اقره وضحك هو واني صعدت اقره
.....
مـَر شهر عادي خلصت امتحانات واليوم نجهز لانو باجر طيارتنا لتركيا واحنا هسه شهر 5
انا امي جهزت غراضي
مرتاحه لانو راح نسافر
نمت
...
ماهر:- كومي كعدي كومي كعدي
ولج راح نروح كومي كعدييييييييييي
فتحت عيني ماهر مبدل وكاشخ على اخر حبه
وانا بعدني ليهسه ممغسله وجهي كمت بسرعه بدلت وعدلت وطلعت
نزلت جانو منتظريني
امي هزت ايدها ومهند حضني وطلعنا
وصلنا مطار وصعدنا .. من تكريت لتركيا تقريبا 5 ساعات او 6... يعني وقت شوي طويل فـ نمت
...
تركيا 2013 شهر 5
كاعدين بمطعم وابوي كال
:- ليش مانشتري شقة هنا؟
حنان:- شتسوي بيها وانت بكل مكان عندك بيت؟
ذو الفقار:- هسه انتي شعليج؟ حنان ماجاي اخذ رأيج
جاي ابلغج اليوم اخذ شقة هنا ها بابا شتكولون
مهند:- الي يعجبك بويه
امي بقت مطنكره وتخزر بابويه وابويه ياكل ولا يمه
اباوع ايده تجنن
سمرة وشوي ضخمه ولابسه حلقه والساعه سوده وكاعده ع ايده تجنن
اموت على ايد ابويه واخويه مهند
ذو الفقار:- هسه اروح للعقار واشوف شقة مهند اخذهم وروحو للفندق ودير بالك على اختك
مهند:- تدلل يابه
اخذنا مهند للفندق
انا صغيرة صح ومابالغة بس افهم كلشي واعرف كلشي
جاي نمشي ونعبر التقاطع حتى نصعد ونروح فندق
الاشارة خضرة للسيارات مو النا
واكفين وعلى الجهه الثانية اكو رجال مبين سيد اعمال وهجي يعني لانو لبسه وحراس يمه
بس ليش واكفين مادري
اشوف امي تباوعله ومركزه بيه وهو هم
صارت الاشارة حمرة واحنا رحنا على الجهه الثانية وصعدنا سيارة ورحنا للفندق
وصلنا ونزلنا
الغرفه الي ماخذيها سويت كامل وكأنو شقة
3 غرف وصالة ومطبخ وكل غرفة حمام
انا رحت بدلت وكعدت يم مهند نسولف ونضحك
وماهر على التلفزيون وامي بالغرفة
تقريبـًا ساعتين واجه ابوي
:- كال العقارات واكفه هسه وماكو شقق بس بيوت وانا ماريد بيت اريد شقة عندي بيوت غير مره على السفرة الجاية اشتري وبلكي الله
حنان:- مو كتلك لا تشتري بس انت راكب راسك
مهند:- يمه الفلوس فلوس ابوي ويعرف شلون يتصرف ويدري باله ويأمن كلشي النا للمستقبل ماجاي يسوي شي على الخالي بلاش وسبب وكال انا ابلغ المقابل مو اخذ رأيه يعني الا يحجي ويصيح عليج؟؟
ذو الفقار:- كافي روح انزل وصل الطلب جيبه وتعال
نزل مهند وابويه باوع لامي صفح ودخل للغرفة يسبح
وامي ندارت عليه غمتني وراحت للمطبخ
مـَر اسبوعين وراها رجعنا للعراق ( تكريت) لانو خلصت الاجازه مال ابوي
صار النا من رجعنا من تركيا 4 ايام تقريبـًا
اخوي التحق وابوي خفر يعني بس انا وامي وماهر بالبيت انا اخذت الشهاده ناجحه وكعدت عطله وصرت ثالث متوسط ..
ساعة 5 العصر كالت امي:- ابوج خفر يومين واخوج التحق اسبوع ويرجع وي ابوج ف تعاي نروح للسوك اريد اجيب غراض
انا شمدريني راح تسوي هجي كمت بدلت ورحنا وبقى ماهر بالبيت وحده
وصلنا للسوك واخذتني لمحل عرايس
انا عبالي الها اشو اخذي ايدي وتعاي قيسي ملابس نوم عرايس انا بقيت صافنه هاي شبيها امي شنو اخذي ملابس نوم شنو فساتين شكد عيب كدام العالم وانا طفله وكاعده تقيس عليه
احجي وياها ماترد اخذت 7 سيتات نوم عرايس
واخذت 5 فساتين ومكياج وتجهيز ورجعنا ساعة 9 ليل
بسرعه صعدت نمت وانا مو فاهمه شي
كعدت الساعة 8 الصبح غسلت وتريكت امي ماموجوده وابوي واخوي باجر يرجعون وماهر بغرفته
كملت اكل صعدت فوك
عندي مرسم يم غرفتي رحت ولبست صدريه الرسم وكعدت ارسم ماحسيت على الوقت
اجت امي للمرسم
:- هممم شجاي تسوين؟
ارسم يمه
:- كومي بدلي ولبسي واحد من الفساتين الي جبتهن الج ولبسي كعب ومكياج وتنزكي حيل واخوج ماهر انا كتله يطلع وي جماعته لانو يجونا خطار
ماما اصلا ماعرف اخلي مكياج؟
:- عندج يوتيوب وعندج برامج وتعلمي المهم تخلين مكياج
وعافتني وطلعت
استغفرت ربي شبيها امي؟
رحت للغرفه لبست فستان احمر قصير وياه كعب وسويت تسريحه بسيطه وخليت حمره ومسكاره وشوي مكياج بالكوه ضبط لانو ماعرف
:- شوي ويجون خطار ثكيل عدلي نفسج
انا شمدريني بعد عدلت وكعدت
10د واسمع صوت نسوان وضحك هي كالت خطار ثكيل بس مو هجي احس ناس هواي جايه
كلت هسه انا ليش ما انزل واشوف شكو؟
كمت فتحت الباب ونزلت بعدني اول درجه خليت رجلي عليها وماحس الا هلاهل وجكليت يطش عليه وهذيج الكفلات ناس تشيل عرض وناس طول
والهلاهل الهلاهل قويه وهلهوله وره الثانيه اجت امي اخذتني
ونزلت جوه ابتسمت الهن لانو ماعرف شسالفه خاص بصفحتنا قصص عراقيه واقعيه اجت مره وكالت:- هلا بعروستنه
نداريت على امي خزرتني حجيت:- شنو عروستنه
شسالفه ياعروسه وانتو منو وشكو وشجاي يصير
حنان:- اسكتي وتعاي كعدي الشيخ راح يجي ويعقدلج
خلي اخلص اتزوجي ونكلعي
انا بجيت شنو اتزوج وين ابوي وين اخوي شنو يعقدولي اريد اكمل دراسه اريد اشوف حياتي شنو يعقدولي
كعدتني على الكرسي وانا ابجي واريد اقاوم ماتخليني اتحرك لبستني مثل الروب ابيض وخلت رجلي بالماي والماي بيه هيل و ورد
يريد يحجي الشيخ وماحس الا الباب اندفر والميز الي يم الباب « مال احذيه» خشب صاج وعليه مزهريه
اطشر وتكسر بالكاع
والنسوان صار طشارهن ماله والي
والشيخ مايعرف وين يروح بعد وكلهم طلعو
البيت بقى يصوصي بس امي واكفه ترجف و وجها اصفر وانا كاعده انداريت واشوف ابوي واخوي مهند واكفين بالباب ولابسين عسكري
كمت بسرعه وحضنت ابوي وهو باسني وكال:- كتلج ماتزوجين طول ما اشم الهوى تبقين تحت جناحي
سحبني مهند يمه وابوي راح وضرب امي ماخله بيها شي صاحي وشمر عليها اليمين
:- طالك يحنان
شمر عليها اليمين مره وحده يعني تكدر ترجع اله بس ابوي حيل جان معصب منها وهي تتوسل وهو رافض وراح كعد على القنفه وخله رجل على رجل
كامت امي ولمت ملابسها كلها وطلعت لاهلها
اهل امي خوالي ( سفردحين) يعني مو راحه لا ارتاح الهم ولا احبهم اصلا
مهند:- روحي بدلي وتعاي مشتاقلج لج عنفوص
ضحكت ومسحت دموعي وصعدت ركض غسلت وبدلت ونزلت لكيتهم مبدلين ابوي كاعد ومهند يلم الكزاز والخشب المكسر ويشيل ويصفي الهوسه ودخل ماهر
ماهر:- شسالفه النسوان الي ركضن والهوسه وامي ليش طلعت
ذو الفقار:- ماكو شي بس امك ماتستاهل
ماهر:- شلونك بويه
وراح كعد يم ابوي وانا ومهند صفينا البيت ونظفنا
صعدت قفلت المرسم جان مفتوح ونزلت يم ابوي
لكيته بالمطبخ هو ومهند وماهر
ماهر يسوي عصير
ومهند يسوي زلاطه ومقبلات
وابوي يطبخ الغده
شكلهم حيل حلو ويجنن بسرعه صعدت للمرسم وبقى شكلهم ببالي
كعدت ارسمهم
يمشي الوقت وماحس بيه نزلت تغديت وصعدت اكمل رسم ....
صار شهرين على طلعت امي من البيت وانا بنيه واحن واضوج وانسى
رحت يم ابوي وكال:- تعتذرلج ومن تسامحيها ترجع
وافقت بسرعه وراح هو يجيبها
اجت واعتذرت مني وانا سامحتها بس هي من وره خشمها تحجي وياي
راحت تصفي غراضها
صعدت للمرسم وجبت قلم واللوحه ونزلت يم ابوي واخواني
شوفو انا رسمت هاي الرسمه قبل شهرين
واريدكم توقعون عليها
رحت يمهم وخليتهم يوقعون كل واحد ويم اسمه
ورجعتها لمكانها ...
خلص شهر كامل عادي وابوي كال ...
