رواية حماتي ضيعت شرفي الفصل الاول 1 بقلم هويدا زغلول

اسامه 

انا عايز ازاي حامل وانا مسجون من ليله الدخله 

كارما 

والله العظيم ما اعرف اللي حصل ده حصل ازاي ارجوك استر عليا يا اسامه 

وقبل ما نبدا الحكايه اعرفكم بنفسي انا كارما عندي 23 سنه وحكايتي بدأت يوم ما دخلت البيت وكان معايا شنط كتير ومرات ابويا قالت 

دلال 

جرى ايه يا حبيبتي في ايه هو انت كل يوم قدامي هتفضلي نازله شاديه طلبات كده هي الجوازه دي مش ناويه تتم بقى 

وقبل ما ارد عليها بابا خرج من الاوضه وقال 

الاب 

جرى ايه دلال في ايه هو انت بنتك لما كانت جايه تتجوز قلت لك الكلام ده مع اني ما كانش المفروض اني اصرف على بنتك جنيه واحد ما هي مش بنتي 

دلال 

اخص عليك يا اسماعيل بقى انت بتقول ليا الكلام ده انت متضايق يعني ان انت كنت بتصرف على بنتي 

الاب 

انا ما قلتش كده بس اديني بنتي الوحيده مش هقبل باي حد يزعلها انتي سامعه ولا لا 

دلال 

ماشي يا اخويا اللي تشوفه تحت امرك فين وبعدها خدت بعضها ودخلت جوه وانا قربت من بابا وقلت له 

كارما

ربنا يخليك ليا وما يحرمني منك ابدا بجد انت اعظم اب في الدنيا عمرك ما اتحملت ان حد يقول ليا كلمه تزعلني 

الاب 

هو انا ليا غيرك يا حبيبتي ربنا ما يحرمني منك ابدا كلمتي اسامه وحددته ميعاد الفرح ولا ايه ابوه كلمني كذا مره وعايز يقعد معايا 

كارما 

اه يا حبيبي ربنا يخليك ليا يا رب 

وفي بيت اسامه كان قاعد هو وابوه وامه وامه قالت 

الام 

هاي حبيبي قولت هتتجوزها عشان خاطر تسد الفلوس اللي علينا ولحد دلوقتي مش شايفاك ولا بتتجوز ولا قرش من اللي علينا اتسد هنعمل ايه 

اسامه 

اهدي يا ماما شويه انت عايزاها تعرف ان انا طمعان فيها ولا ايه خلاص جوزتي منها  قربت تتم اهو المفروض ابويا هيقعد مع ابوها النهارده علشان خاطر يشوف هيعمل ايه 

الاب

يا ابني حرام عليك قولت لك نعمل قرض ونسد الفلوس اللي علينا البنت باين عليها بتحبك وبجد انت كده بتستغلها 

الام 

قرض ايه يا ابو قرض اللي بتتكلم فيه لا طبعا ما فيش الكلام الفارغ اللي انت بتقول عليه ده انت عايز تدفع الفلوس اللي انت هتاخدها الطاق طقين 

اسامه 

 وبعدين يا بابا هو انا هعمل ايه غلط يعني المفروض ان هي مراتي وتقف جنبي وتساعدني في الزنقه اللي انا فيها 

الاب

اعمل اللي انت عايزه يا اسامه بس خليك عارف كويس انك بالطريقه دي هتخسر البنت دي وانت سامع ولا لا البنت باين عليها بتحبك بجد وبتعتبرك كل حياتها ولو عرفت في يوم انك اتجوزتها علشان الفلوس وبس عمرها ما هتسامحك ولا هتبص في وشك تاني وساعتها مش هتلوم غير نفسك

الام

بقولك ايه يا ولد ما لكش دعوه بكلام ابوك هو طول عمره قلبه طيب وبيفكر بعاطفته لكن الدنيا دلوقتي ما بتمشيش بالكلام ده انت ركز بس في الجواز وخلي كل حاجه تخلص بسرعه علشان خاطر الفلوس اللي علينا دي قبل ما الديون تكبر فوق دماغنا وتضيعنا كلنا

اسامه

ما تخافيش يا ماما انا مرتب كل حاجه ومش هسيب حاجه للصدفه واكتر حاجه بتعجبني فيكي ان دماغك شغاله وعارفه ازاي نخرج من اي ازمه انما والله مش عارف بابا بيفكر بالطريقه دي ازاي ولو كنت سمعت كلامه كان زمانا غرقنا كلنا

وبعدها خرج اسامه من البيت وراح عند رحاب واول لما شافته قالت

رحاب

جاي ليه دلوقتي يا اسامه هو مش خلاص فرحك قرب وكل البلد بتتكلم في جوازك ولا انت جاي تفرحني بنفسك انك هتبقى راجل متجوز

اسامه

انتي اللي في القلب والله يا رحاب وربنا يعلم انا بحبك قد ايه ومستحيل اقدر استغنى عنك لكن انتي عارفه ان الجوازه دي لازم تتم في اسرع وقت علشان اسدد الفلوس اللي عليا واول والله ما امسك الفلوس في ايديا هتجوزك باذن الله ومش هخليكي تستني اكتر من كده

رحاب

واستاذه كارما ناوي تعمل معاها ايه بقى ان شاء الله اصل انا ما اتجوزش على ضره يا حبيبي ولو عايزني فعلا يبقى تطلقها الاول وبعدها تعالى اطلب ايدي لكن غير كده مش هيحصل ابدا 

اسامه

اللي انتي عايزاه هيحصل اصبري بس عليا شهر ولا شهرين اسدد الفلوس اللي عليا وبعدها هتلككلها في اي حاجه ولا البسها مصيبه وساعتها هطلقها من غير تردد واتجوزك انتي وابدأ حياتي معاكي

رحاب

هعمل نفسي مصدقاك دلوقتي لما نشوف اخرتها ايه امشي بقى من هنا بسرعه علشان لو ابويا شافك واقف معايا هيعمل مشكله كبيره واحنا في غنى عنها

وبعدها فعلا اسامه مشي من عند رحاب وفي نفس الوقت كانت دلال داخله على شقه بنتها سما وهي متغاظه جدا وقعدت على الكنبه وقالت

دلال

بجد انا قرفت من الراجل اللي انا متجوزاه ده طول عمره ما بيمشيش غير كلمه بنته واكتر حاجه مضايقاني الجوازه اللي هي وقعت عليها اسامه ده كان عايز واحده بنت اصول مش زي الندله اللي عايشه في بيتنا

سما

حرام عليكي يا ماما اللي انتي بتقوليه ده هو مش كفايه ان الراجل خدنا في بيته زمان واتجوزك ورباني انا وجهزني وما خلانيش ادخل بيت جوزي ناقصه حاجه والله انا عمري ما شفت ابويا الحقيقي عمل معايا ربع اللي اسماعيل عمله

دلال

سيبك من ابوكي  ده بقى انتي جايبه سيرته ليه دلوقتي وبعدين هو عمل كل ده ببلاش يعني ما انا قاعده بخدمه ليل ونهار وبراعي بيته وباخد بالي من بنته وكأني خدامه عندهم

سما

حرام عليكي يا ماما ان كنتي انتي عملتي معاه قيراط هو عمل معاكي اربعه وعشرين قيراط وكفايه انه عمره ما فرق بيني وبين كارما في اي حاجه وكفايه انه رفع راسي وسط حماتي ووسط اهل جوزي ولا انتي ناسيه اللي عمله زمان

وبعدها بدأت سما تفتكر اللي حصل زمان

فلاش باك

كانت سما قاعده مع خطيبها محمود وامه في بيت اسماعيل وكانوا بيتكلموا عن تجهيزات الجواز وفجأه قالت ام محمود

الحمااااا 

بقولك ايه يا حبيبتي احمدي ربنا ان ابني اصلا بص في وشك واحده لا ليها اصل ولا فصل وكل ما نتكلم معاها ونقول لها عايزين ابوكي تكون مش هيجي وبعدين العفش اللي هيجي هو ده اللي هتتجوزي بيه وانتي سامعه ولا لا وانا قلت هنجيب عفش مستعمل يعني هنجيب عفش مستعمل ومحدش فيكم يفتح بوقه بكلمه

وفي الوقت ده خرج اسماعيل من الاوضه وكان سامع كل اللي اتقال وقرب منهم وقال بغضب

اسماعيل

ليه ان شاء الله انتي فاكره نفسك مين علشان تتكلمي بالطريقه دي بنتي دي هتتجوز احسن جوازه وهتدخل بيت جوزها مرفوعه الراس ومحدش هيعايرها بحاجه طول ما انا عايش

الحمااااا 

بنتك ايه يا حاج هو احنا هنضحك على بعض ما احنا كلنا عارفين انها مش بنتك اصلا

اسماعيل

لا بنتي بنت مراتي يعني بنتي بالظبط وانا مستحيل اسمح لاي حد يجرحها ولا يزعلها بكلمه واحده وطول ما انا عايش محدش هيعايرها باصل ولا فصل ولا هيقلل منها قدام عيني وانا اصلا ما عنديش بنات للجواز لحد يشترط عليهم ولا يذلهم خد امك وامشي من هنا يا محمود

ومسك سما من ايديها وباسها في راسها وهو بيطبطب عليها

محمود

طب هو انا عملت ايه يا عمي علشان خاطر تقول كده حقك عليا والله انا ما قولتش كلمه تزعل سما ولا وافقت على اي حاجه من اللي امي قالتها

اسماعيل

انت حتى لو ما اتكلمتش يبقى كان لازم توقفها عند حدها وتجيب حق بنتي وهي لسه في بيتي ولو انت مش عارف تحميها وهي قدامي هنا اضمنها ازاي وهي في بيتك بعد الجواز اتكل على الله يا ابني وسيب البيت دلوقتي

الحمااا

جرى ايه يا حاج في ايه لكل العصبيه دي انا كان عيني من كارما اصلا وعامله كل الموضوع ده علشان محمود يتجوز كارما لكن هو اللي مصمم على سما

محمود

وانا عمري ما حبيت كارما يا امي ولا فكرت فيها بالطريقه دي انا بحب سما وعايز اتجوزها هي وبس لو سمحتي ما تدخليش في الحوار ده خالص علشان متبوظيش كل حاجه

اسماعيل

هو انتي فاكره ان انا كنت ممكن اكسر قلب بنتي واسيبها لحد شايفها اقل من غيرها شكلك كده لسه ما تعرفيناش كويس وانا بقولها قدامكم للمرة الاخيره انا ما عنديش بنات للجواز خد ابنك وامشي من هنا

محمود

يا ريت يا عمي تحاسبني انا على اي حاجه غلط عملتها لكن بلاش تحاسبني  انا  والله انا مستعد اعمل اي حاجه ترضيك ولو عاوزني اخد شقه لوحدي انا وسما بعيد عن امي هعمل كده من غير تردد بس ارجوك ما تحرمنيش منها انا بحبها بجد ومش قادر اتخيل حياتي من غيرها

الحمااااا 

بقى كده يا محمود يعني انا بعمل كل ده علشان مصلحتك وفي الاخر تقف ضدي قدام الناس براحتك بقى اعمل اللي انت عايزه

وبعدها خدت شنطتها وخرجت من البيت وهي في منتهى الغضب

اسماعيل

انزل مع امك يا ابني دلوقتي وهديها وبعدين ارجعلي لوحدك ونكمل كلامنا بالعقل بعيد عن العصبيه هي برده امك وانا مش هقبل انك تيجي على امك بس حاول تتكلم معاها بالراحه

محمود

بس بالله عليك يا عمي ما تزعلش مني والله انا مقدر كل كلمه انت قولتها وعارف انك خايف على سما اكتر من نفسك لكن انا مستحيل اسيبها ومهما حصل هفضل متمسك بيها وهثبتلك اني قد المسؤوليه وانزل دلوقتي اهدي امي وارجعلك تاني

وبعدها نزل محمود وفضل اسماعيل واقف مكانه وفجأه خرجت دلال من الاوضه وهي متضايقه وقالت

دلال

خربت على بنتي الله يسامحك يا اسماعيل انت عارف ومتأكد كويس قوي ان سما بتحبه وهو كمان بيحبها وما يقدرش يستغنى عنها كسرت بقلب بنتي اللي هتفضل طول عمرها حزينه بسبب ان محمود راح من ايديها

سما

لا طبعا ما فيش الكلام اللي انتي بتقوليه ده ولو محمود ما عرفش يجيبلي حقي من امه وهو لسه في بيتي  انا مستحيل اوافق اعيش معاه بعد الجواز وساعتها كل يوم هتذلني وتهيني وهو يقف يتفرج عليها

اسماعيل

برافو عليكي يا بنتي انا عارف ان دي تربيتي وعارف ان كرامتك عندك اغلى من الدنيا كلها ادخلي جوه دلوقتي وسيبي الموضوع ده عليا

وبعدها قربت سما من اسماعيل وباسته على راسه وقالت

سما

ربنا يخليك ليا يا بابا وما يحرمنيش منك ابدا والله لو كل الدنيا وقفت ضدي هفضل مطمنه طول ما انت في ضهري

وبعدها دخلت اوضتها وفي الوقت ده بص اسماعيل لدلال وقال

اسماعيل

لو ما جبتش حق بنتك النهارده عمرها ما هتعرف تعيش في بيت حماتها مرفوعة الراس انتي بنفسك سمعتي ام محمود وهي بتقول عايزه تفرش بنتنا بعفش مستعمل هو انتي كنتي موافقه على الكلام ده بجد

دلال

لا طبعا ما كنتش موافقه واتكلمت معاها قبل كده بس برضه مش هخبي عليك انا قلبي كان هيتقطع لو الجوازه باظت وسما سابت محمود وهي بتحبه بالشكل ده

اسماعيل

وانا عارف ومتأكد كويس قوي ان محمود عمره ما هيسيبها لأنه باين عليه بيحبها بجد لكن لازم الاول يثبت انه راجل ويقدر يجيب حق مراته حتى لو من امه ولو عايزاني اخرج نفسي من الحوار ده واقول ماليش دعوه انتي حره وانا هعمل كده

وبعدها سابها ودخل اوضته وهو سايب دلال واقفه تفكر في كل كلمه قالها 

وبعدها بيومين دخلت سما عند اسماعيل 

سما 

بجد مش عارفه اشكرك ازاي على اللي انت عملته معايا ده حماتي لسه متصله بيا دلوقتي وهي عماله تعيط وبتقولي ان هي موافقه على الجوازه بس مش عايزه محمود يسيب البيت انا فرحانه اوي يا بابا 

دلال 

لا والله والله العظيم فرحتيني حماتك دي وليه يا سوسه دلوقتي عارفه ان كلمه ابنها هتنزل بيكي انتي

اسماعيل 

عرفتي ان انا كنت بعمل كده علشان خاطر مصلحه بنتك الف مبروك يا حبيبتي ومحمود ده انسان كويس جدا وانا واثق ومتاكد انه هيقدر يحافظ عليكي

وبعدها فعلا سما اتجوزت محمود وعاشت معايا اسعد ايام حياتها 

       باك 

دلال 

انا مش عارفه ايه اللي جابني هنا انا كنت واثقه ومتاكده ان انتي هتقفي معاه اسماعيل بس انا مش هسكت الا لما البت دي تسيب اسامه 

وبعدها مشيت وعدى اسبوع وانا كنت واقفه قدام المرايه وعماله اقيس الفستان ودخلت سما وقالت 

سما 

الف الف مبروك يا حبيبتي ما تعرفيش والله العظيم انا فرحتلك ازاي ربنا يخليكي يا كارما ويسعدك يا رب 

كارما 

ان انت جيتي يا سما كنت زعلانه ان انا ما ليش اخت بس من يوم ما انتي ما جيتي بيت ده وانا بحبك جدا وحاسه ان انا فرحانه اوي 

سما 

ربنا يعلم يا حبيبتي وانا كمان فرحانه ليكي ازاي المهم يلا بقى علشان خاطر الماذون قرب يجي هو انتم ليه ما عملتوش فرح 

كارما 

ظروف اسامه دلوقتي ما تسمحش ان هو يعمل اي افراح وانا راضيه بنصيبي بجد انا بحبه جدا 

وبعدها 

خل اسماعيل.وقال

اسماعيل 

وانتي فاكره ان ابوكي ممكن يسيبك تدخلي من غير فرح انا كنت اعملهالك مفاجاه وعملت فرح صغير كده عند بيت حماتك 

كارما 

ربنا يخليك ليا يا بابا وما يحرمني منك ابدا 

وبعدها فعلا خلصنا اجراءات وكتبنا الكتاب وكنا قاعدين في الكوشه وبعدها دخل علينا الظابط وقال 

الظابط 

انت اسامه محمد البدوي مطلوب القبض عليك دلوقتي

وفي الوقت ده قربت حماتي وقالت 

الحمااااا 

ليه يا حضره الظابط هو عمل ايه