رواية المنتقبة التي اسرت القلوب الفصل الاول
في مكتب سليم المنشاوي.. الدخان طالع من سيجارته زي البركان وهو ساند بكل تقله على عكازه الأبنوس فغى الوقت ده دخل صاحبه وهو بينهج وبيرزع الباب وماسك الموبايل وايده بترتعش وهو رايح ناحيه سليم.
منصور (هو باين عليه الغضب الشديد قال):
شفت يا سليم اللي حصل يا ريتني ما شفت يا اخوي ولا وعيت عليه شرفك
اتهان في الأرض بالشكل ده!
سليم (بصوت مرعب وهو مش مصدق اللي بيسمعه وهو بيقول): انطق يا منصور شرف ايه اللي بتتحدت عليه؟ المأذون على وصول وانت جاي تندب وتقول حديت مش فاهمين له معنى؟!
منصور (بصوت مخنوق هو بيقول الكلام ده وهو متاثر جدآ): المأذون لا يكتب ولا يشطب.. زينة بت خالتك طلعت ألعن من نوران!
سليم بغضب شديد جداً قال: ما تقول سوت إيه واخلص؟!
منصور بهدوء رد عليه وقال:
سرقت تصميماتك وبعتها لـعدلي المنافس بتاعك.. ومش بس اكدة دي طلعت عشيقته! الصور أهي يا سليم.. صور مليانه قله ادب ومسخره ما ترضيش ربنا وياي كذا تسجيل وهي بتقول فيها انها هتاخد منك كل حاجه حيلتك وهتهرب!
سليم (مسك الموبايل، عينه احمرت وبقت زي الـد'م قبضته على العكاز اللي كان هيتكسر وبيقول ): يا بت الكـ ـلب انا المهندس سليم المنشاوي يصير وياي اكده بتلعبي بيا الكوره يا بت مصيلحي والله لاخلص عليكي!
منصور ( مسك ايديه وقال له بهدوء): لا يا سليم الا الد'م يا صاحبي اهم حاجه دلوقت نلم الليله علشان ما حدش يتحدت علينا وعلشان اسمك!
سليم (بزئير وهو بقى عامل زي البركان رد عليه وقال): خلاص ما احنا اسمنا هيكون على كل لسان بعد الفضايح اللي هتصير دلوقتي اما نلغي الفرح الفضايح والجرس هتملا النجع كله!
منصور (بلع ريقه بتوتر وهو بيقول): لازما نجيب عروسه مطرح زينه وتقعد مكانها في الكوشه ومحدش يكتشف ان هي مش زينه ولو حد سالني قول اي حاجه؟!
سليم وهو مستغرب جدآ قال: وكيف هنسوي اللي بتقول عليه ده يا منصور ومين اللي هترضى تتجوزني دلوقتي فاضل ساعه على كتب الكتاب هي باظت خلاص؟!
منصور وهو بيفكر رد عليه وقال له: ما تخافش يا صاحبي انا مش ههمل حد يتحدث عليك او اي حاجه تحصل وياك مهما حصل حتى لو على رقبتي يا اخوي؟! كمل وقال وهو متضايق جدا:
عندي الحل.. هو صعب جداً بس اي حاجه انا ممكن اعملها عشانك هجوزك ؟!
