رواية اليتيمة والنقيب الفصل الأول بقلم مجهول
جـنت واڪفة اغـسل مـواعين الـغدا وأغـني وفـرحانة لأن رحــت وياهـا للكليـة شــگد اتـونست هـناك .
اوووف شـوڪـت يـجي أليــوم إلـي اصـير بي طـالبة جـامعة .
فـزيت مَــنْ افـكاري على صـوت الـباب ردت افـتحة راحـت فتـحتة ضـحى .
سـمعت صـوتة يـحجي ويـاها عـزاا بـعيني هَـذا شـجابة يــآربـي راح يـموتني .
دااحـجي ويا روحـي سـمعتة يـصيح بـأسمي "يـاقووت"
ولـج يـمة الـحكيلي راح امـووووت بـقيت ادعـي وخـايفة واردد ايـات مَــنْ الـقرأن يـارب كـون مـايعرف بـية طـالعة واللّٰـه يـموتني .
بقـيت اردد بـداخلي .
"وجَـعلنا مَــنْ بيـن ايـديهـم سـدًا ومَــنْ خـلفهم سـداا "
نـشفت ايـدي ورحـت سـويت نـفسي مـااعرف شـڪـو دخـلت للـصالة نـزلت ردانـاتي وكـلت .
أحـم هـاا "لــيـث" اللّٰـه يسـاعدك
- اللّٰـه لايسـاعدنيي ان شـاء اللّٰـه
- ليـش خَـير شصـاير
- مـنين يـجييي الخيررر هااا مـنييين لـَج أنــي مـــو كـتلج ممـنوووع تـطلعين هــاااا؟
اجـة يـمي ولزمـني مَــنْ اذنـي
- لـيش تـحبين تـعاندين بـس اريـد افـتهم بـعدج بگـد النعال وتـمشين كـلمتج عـليييية .
مـاحجيت شـي بـس بـقيت دمـوعي تـنزل بـدون صـوت بـس يـسمع صـوت البـجي يتـخبل عـلية بالـزايد .
منو كـالة أنــي طـلعت حتى خـالتي كـالت روحـي ويـاهـاا غـيري جـوو مـادام هَــو ممـوجود .
- احجـييييي ويــن الـسانج أنــي مـو كـتلج ممـنوع تـرحين ويـاهـا لو لاااا؟
- ع ع عـفية بـس لاتـصيح هَــسة افـهمك
- شـتفهمينييي أنــي مـــو كـتلج لاتـرحين كـتلج لـو لااا احجـيييييييي
- كـ كـلت واللّٰـه كـلتت بـ بـس
- بـس شـنوووو احـجيي تـردين تـعانديني مووو؟
- لااا لاا واللّٰـه بـس واللّٰـه ضـايجة ومـختنگة مَـنْ البـيييت كـلت أروحـح ويـاهـا
- ضـايجـةةة مـووو؟ ضـايجـةة لـو بـس تـردين تديحـ... حـتى الكو... يـشوفوج بـاللـه كـليلي كم سـا... سـمعج حـجي وبـاوعلج واشتهـ.... هـااا كـم واحــد احـچيييييي
بـقيت بـس دمـوعي تـنزل اذا اجـاوبة يتـخبل و يڪَــول تـرادد وصـلفـة واذا اسكـت يڪَــول أحــچي واللّٰـه احتـار ويـاه .
ضحـى كـالتلـه
- عـلى كـيفك لـيث واللّٰـه أنــي كـتلها تـجي ويـاي
- انـتِ لاتـدخلين وحـسابج بَـعـديـن ولـي يَـــلآ
- بــسس
- ولـييييييي
هـية تـباوع عـلية بـاوعت بـعينها بـتوسل بـمعنى لاتـرحينن بـس هيـة هـم تـخاف مَــنة عـافتني وراحـت .
- هـااا ويــن راح السـانج؟ اشـو قبـل شـوية جنـتي تتـمضحكين وتسـولفين مـــو صـحح
- ااا أنــي أنــي
- انـتِ شـنوووو احـجييي شنووو عجـبج واحــد منهـم؟ عجـبتج نظـراتهم القـذرةةة مـووو؟
- لااا واللّٰـه لاااا وبـعدين انـتَ شمـدريك شنـوو تـراقبنـةةة مـو كـلت رايـح للـدام .
- لااا مـارحـت للـدوام .
- لعـد ويـن رحـت؟ رحـت تشـوفـهااا؟؟؟؟ هه شنـوو لازم حنيتـلهااااا .
بـس كتلة هيــچ مـاحسيـت الا راجـدي سطـرني سطـر أجـة لزمنـي مَــنْ شـعري .
- لـَج كـلبةةةة لاتجـيبين طـاريهـاااا عـلى لـسانج امـوتج والكـعبةةة أمـوتج .
- وخـررر ايـدك وخـرر تـريد تمـوتني عـلمود وحـدة گـحـ... قشمـرت عـليك لـو بيـك خـير جـان مـاعـافتك شـاطر بـس تطـلع رجولتـك عـلية .
ـ لـَج عـااااار ورب الكـعبة أليــوم محـد يخـلصج منـي
راح قـفل الـباب وتـقدم عـلية بـقيت اطـكطك مَــنْ الخـوف يـاربي هَــسة أنــي شحجـاني بقيـت ابـجي وارجـف ادري بـي مخـبل ڪل شـي يسـوي .
...............................................
هــلاو عـمري شـلونكم شـخباركم اشتـاقيتولي لاا؟ مشتـاقتلكم هـووواي رجـعت الكـم بـقصـة حـقيقيـة حـقيقيـة حـقيقيـة اكـرر حـقيقية لأن ادري بيكـم بڪل بـارت راح تـسألون حـقيقيـة لْـۆ لا أسماء الأبطـال غـيرتهـاا اكـيد ورجـاءً رجـاءً مـااريـد تـجاوز عـليهم مـو مـثل القصـة السـابقـة الغلـط والرزايـل بفلس ع غـزل باليـوم أڪــثر مـن تـعليق امـسحة لأن عـيب منـها واللّٰـه انتـقدوا بـأحتـرام وبـلا غـلط وسـب فـدوة لعـمركم والبطـلة تـريدكم تـنصحوهـا
الـعراق ، بـغداد ، السـاعة السـابعة صـباحاً
ام لـيث : لـَج تـوتةة عـزا الـعزاج گـومي تـأخـرتي عـلى الدوام لـَج السـاعة بالسـبعة
يـاقووت : اهـووو واللّٰـه نـعسانة بـس شـوية
ام ليـث : لـَج شــنوو شـوية بالسبـعة هَــسة بالسبـعة
يـاقووت : مـثل ڪل مـرّة تڪَــولين بالسـبعة وهيـة بالستـة بـس حتـى اگـعد هَــسة بـس دقـايق
ام ليـث : بـعدهـا تـحجي الثـولة لـَج كـومي راح يـروح عـليج الأمتـحان
يـاقووت : أييــّي كـمت كـمت
استـغفر اللّٰـه ميـخلون الـواحـد نـايم
كـمت مَــنْ النـوم ،، وأنــي ادردم ،، لمـيت شـعري وفـرگت عـيوني بـاوعت للسـاعة بالسبـعة وربع!!! ،، صخـام الـصخمني .
طـلعت مـلابسـي وبـدلت غـسلت وجهتي واخـذت ملـزمتي ومحـفظت الأقـلام وشـالي ونـزلت جـوة .
لكيتهم يتـريكون كـولهم كـلت الـهم صـباح الـخير ودرت وجـهي للمـراية إلـي مـوجودة لفـيت حجـابي .
وطـبعاً واكـيد خـالة متـخليني اطلـع بـدون ريـوگ بالأيـام الـعادية مــو عـاد عنـدي امتـحان ومو أي امتـحان ريـاضيات!!
گـعدت اتـريك واراجع المـادة بـسرعة بـاوعت للسـاعة بثـمانية الاربـع كـمت وأنــي لسـة مـاشبـعانة .
يـاقووت : ألحمــدللّٰـه شـبعت يَـــلآ بـاااي
ام ليـث : اللّٰـه ويـاج بنيتـي وركـزي زيـن بالأمتـحان ومـــ
يـاقووت : اعـرف شـراح تڪَــولين واللّٰـه حـفظتهن اگـولج عليـهن ركـزي زيـن بالأمتحـان ولا تتـوترين وتـستعجلين وقـبل لاتـبدين اقـري الفـاتحة وصـلي عـلى مـحمـد ولاتـطلعين بـسرعة مَــنْ الـقاعة ابـقي عـلى راحتـج ان شـاء اللّٰـه كـولهن اطـبقهن يَـــلآ بـاااي ادعـيلي
ام ليـث : اللّٰـه ويـاج بنيتـي
رحـت للأمتـحان لگـيتهم داخـلين للـقاعات المـهم وصـلت وامتـحنت ألحمــدللّٰـه جـاوبت بـقينـة نـسولف أنــي والبنـات لأن أخـر يـوم .
رجـعت للبـيت بـعد مـا سلـمت عـلى صـديقاتي طـبعاً المـدرسـة قـريبـة عـلى بيتـنا ڪل يـوم أروحـح أنــي وبـنت جـيرانة بـس أليــوم لأن متـأخرة رحـت لـوحدي .
دخـلت للبيـت لكـيت ضحـى ويـاسر كـلت
يـاقـووت : سـلامووون عـليكوووم أخـوووان
يـاسر : اوسسسس لـَج نـصي صـوتج
يـاقووت : لـيش منـو يـمنة؟
ضحـى : عـمو حمـيد وولـدة
يـاقووت : أييييـع أيييييع وخـري خـلي افـلت جـوة
يـاسر : لـَج عـيببب سـمعو صـوتج يمڪـن فـوتي سـلمي عـليهم
يـاقووت : اهـووو خـرب حظـي المشـخط استـغفر اللّٰـه يــآربـي منـين الگـاها مَــنْ عـمو حـميد مَــنْ أمتـحان الرياضيـات
ضحـى : دفـوتي فـوتيي
دخـلت جـوة لگـيتهم كـاعدين گـلت
يـاقووت : السـلام عـليكم
الكل : وعـليكم السـلام
عـمو : هـلااا بـالغالية بنـت الغـالي هَــستوني سـألت عـليج
يمـة شــنوو هـالحنـية النـازلة عـلية شـعجب منـة مَــنْ الشـيطان .
يـاقووت : هـلا بيـك عـمو
عـمو : شلــونچ عـمو دراستـج شلـونها
يـاقووت : ألحمــدللّٰـه
سـامر : شلــونچ يـاقوت
يـاقووت : ألحمــدللّٰـه
يـاقووت : عـمو يَـــلآ مَــنْ رخصتـك
عـمو : ويـن ويـن مـاشبعنـة منـج شــوف
يـاقووت : بـس أروحـح ابـدل ووادي غـراضي
عـمو : أخـذي راحتـج بـعد عـمج
عـفتة ودخـلت جـوة ولا مرتـاحتلة شعجـب صــآيـر حنـين يَـــلآ شـعلية أنــي بيـة رحـت سبـحت ونـمت حتـى شعـري مـامشطتـة .
خـلي اعـرفكم بنـفسي قبـل لاانـام اسمـي يـاقووت عـمري 19 سنـة عـدت بالسـادس عـلمود المعـدل .
اهـلي تـوفوا مَــنْ جـان عـمري 17 سنـة عشـت يـم خـالتي ام لـيث مـامـا وخـالة متـزوجـات أخـوان يـعني تـصير خـالتي ومـرة عـمي هـم .
عـدهـا 3 ولـد وبنـية وحـدة إلـي هيـة ضحـى تـؤام روحـي اكبر منـي بسـنة كـلية مـرحلة ثـانية .
والـولد لـيث الكـبير ممتـزوج ومـهند متـزوج بتـول بـت عـمو حـميد ويـاسر ممتـزوج بـعدة يـدرس كـولش قـريب عـلية هَــو وضحـى .
گـعدت مَــنْ النـوم عـلى صـوت ضحـى
ضحـى : يـاقوووت
يـاقووت : هـممم
ضحـى : يـاقووت
يـاقووت : هـاا هـاا شتـردين؟
ضحـى : كـومي اتـغدي
يـاقووت : مـاريـد اريـد انـام
ضحـى : كومـي اتـغدي ورجـعي نـامي
يـاقـووت : مـااشتـهي واللّٰـه
ضحـى : بـراحتـج
عـفتها ورجـعت نـمت منـا للـ5 الـعصر يَـــلآ گـعدت متـكسرة تكـسرة كمـت لميـت شـعري وغسـلت وجهـي ونـزلت جـوة
يـاسر : صـح النـوم كـفووش
يـاقـووت : هـلو
يـاسر : وشَــبيچ صايـرة نـفسية
خـالة : يـاسر عـوفهاا ولك لاتـضوجهاا هـاي لأن هَــسة كعـدت مَــنْ النـوم
ضحـى : أڪَــول مطنـگرة عـلينة
يـاقووت : دطيـري
يـاسر : عـوفيهاا ضحـى خـلي نشـوف منـو يشتـريلها حـلويات أليــوم
يـاقووت : دطـيرر انـتَ الثـاني
ضحـى : اشـوو طـيرتينا كـلنا شَــبيچ خـاف ممجـاوبة بالأمتـحان ولج؟
يـاسـر : يَـــلآ عـادي امتـحني دور ثـاني
ضحـى : يـاحـرام له له له
يـاقووت : دطيـرووو شــنوو دور ثـاني اسم اللّٰـه أنــي نجـاحي مضـمون مـــو مثـل بـعض النـاس بالـدفعات يَـــلآ ينـجحون
يـاسر : شــنوو قصـدج ولج
يـاقووت : مـاقصدي شـي ليـش تـاخذ عـلى نـفسك
يـاقووت : خـالة عـندج حـباية مال وجـع راس
خـالة : لاا واللّٰـه مـخلص
يـاقووت : اففف راسـي راح ينـفجر
ضحـى : اشـربي جـاي
يـاقووت : يـععععع مـاأحبـة
ضحـى : غـير عـلمود يصيـر زيـن
يـاقووت : يَـــلآ أمـري للـه راح اصب جـاي
جـان اسـمع صـوت مَــنْ ورا
لـيث : صبيـلي ويـاج
يـاقووت : يمـةةةة
درت وجـهي علـيه
لـيث : شَــبيچ شـفتي جنـي؟
يـاقووت : لا بـس اشـو مـاادري بيـك رجـعت
لـيث : أنــي أسـف يـاقووت خـانم مـرة ثـانيـة مـاارجـع للبيـت الا اخـذ إذن من حضـرة جنـابج
يـاقووت : لااا اامـــو هيــچ قصـدي
لـيث : لاتـضلين تـلغين صبيـلي جـاي يَـــلآ
يـاقووت : دطيـررر
لـيث : شگـلتي ولج؟
يـاقووت : مــو عـليك مــو عـليك
عـفتة ورحـت للمـطبخ صبيـت الة والي جـاي وديتـة الة اول مـا خلاه بـحلگة ذبـة رأسـاً
لـيث : لـَج هـذاا شــنوووو؟
يـاقووت : جـاي
لـيث : لااا صـدڪَ واللّٰـه جـاي؟ تـصدڪَين عـبالي عصيـر طماطة
يـاقووت : ههههههههههه لا جـاي
لـيث : لـَج ادري بـي جـاي صخـام لـيش هيــچ بـارددد غـير تـحميييي
يـاقووت : مـــو يحتـرك لسـاني اذا حـار
لـيث : لااا لااا كلشـي ولايـحترك لسـانج إلـي اطـول منـج
يـاقووت : هـاي شبيـك؟
لـيث : مـابية شـي يـروحي انـتِ إلـي مـدري شَــبيچ صـايبـج الثـول
يـاقووت : هـاي ليـش هيــچ تـحجي ويـاي؟خـالة صيحيـلنة بـأبنـجج
لـيث : لـَج شــنوو زعـطوط أنــي صـيحيلنة بـبنـج
خـالة : ولك يـمة شـبيك لـزگت ويـا البنـية؟
لـيث : يمـةة بـت اختـج فهـميها هيـة جـبير لاتـسوي سـوالف وتـصرفات مـال جـهال
يـاقـووت : أنــي اسـوي تـصرفـات مـال جـهال؟
لـيث : اييييي انـتِ عبـالك زعطـوطة بـس تتـنعوصين عيـبب بـابـا صـرتي مـرة إلـي بگـدج فـاتـحات بيـوت وانتي كـلاص جـاي متـعرفين تـجيبين
يـاقووت : بـعدة يڪَــول زعـطوطة شـعليك انـتَ شـعليك اسـوي تـصرفات مـال جـهال مـال كبـار مـالك دخـلل
لـيث : امـشييي ولي لا امـوتج والكـعبة امشـييي بگـد زري وتـرادد
عـفتـة وطـلعت الحـيوان الـحقير قـهرني كبـر وبـصفة مـطي ان شـاء اللـة أنــي يڪَــول عـلية زعـطوطة؟ بسيطـة أنــي اعـلمك الزعـطوطة شتـسوي .
ام ليـث : شبيـك حـاط عـقلك ويـا عقـلهاا تـرا بـعدهـا صـغيرة خـليها تتـنعوص وتتـدلل شـعليك انـتَ
لـيث : هـو شـخربهاا غـير دلالج هـذا بـس واحــد يـحجي ويـاها وگـلتي عـوفوهـاا خـلوهـاا لاتـضوجوهـاا
ام ليـث : يـاا ولك ليـث شبيـك تـغار منـهاا
لـيث : هـاي شَــبيچ حجيـة ششـايفتنـي شــنوو اغـار مـنها بـس تـصرفـاتها متـعجبني
ام ليـث : اهـاا بيـها الخـير
ليـث : هـاي شَــبيچ هيــچ تـباوعيـلي
ام لـيث : مـاكو شـي يـمة مـاكو شـي
جنـت بالـمطبخ ابـجي شـوية واجتـي خـالة
ام لـيث : يمـةة لاتـنقهرين مَــنْ لـيث خـلي يـولي يـغار منـج
يـاقـووت : عـلى شــنوو يـغار عـلى صـخام وجـهي اشـو لا عنـدي اهـل مـثل الـعالم ـلاا صخـام بـس هَــو مـدري شبيـة ويـاي يكـرهني
ام لـيث : يـاا ولج لـعد أنــي ويـن رحـت مـاعنـدج اهـل موو؟ چـاا وأنــي دروحـي زعـلت
يـاقـووت : لاااا خـالة واللّٰـه مـــو قصـدي واللّٰـه انـتِ الـخير والبـركة واللّٰـه مـعتـبرتج مـثل مـامـا اللّٰـه يـرحمـهاا اصـلاً لو مـاانتـي وعـمو جـان هسـة أنــي بالشـارع
ام ليـث : يَـــلآ هالـمرة سـماح لاتـعيـدين هـالحجي مـرة ثـانيـة مـاشي؟
يـاقـووت : مـاشي
ام لـيث : يَـــلآ اصبـلج غـدة؟
يـاقـووت : لا مـاريـد
ام لـيث : مـــو زيـن عـليج انـتِ ممـاكلة شي وبيـج فقـر دم خـاف تتـخربطيـن هَــسة اصبـلج شَــلون بـرياني سـويتـلج
يـاقووت :امممم أنــي ضـعيفة كـدام البـرياني مـالج
صبتـلي غـدة وكـعدت اكل شـوية وأجـة يـاسر
يـاسـر : شــنوو هـالخيـانة تـاكلين بـدوني
يـاقووت : لـيش ممتـغدي؟
يـاسـر : اييي شـفتج ممـوجودة كـلت ابـد ولااحـط لكـمة بـحلگي مـــو صـدڪَ يـوم؟
ام لـيث : اييي اييي ابـد مـااكل شـي بـس خـلص مـاعـونيـن
يـاقووت : يـاااا ههههههههه
كـعدنا أنــي ويـاه نـاكل خـلصت غـسلت المـواعيـن رحـت بالـصالة لكـيت ضحـى تـباوع عـلى المسـلسل گـعدت ابـاوع ويـاها منـا للمـغرب أجـة عـمو
يـاقووت : هـلا عـمو اللّٰـه يسـاعدك
عـمو : هـلا بيـج بنـيتي شلــونچ مـاشفتـج أليــوم
يـاقووت : ألحمــدللّٰـه عـمو جنـت نـايمـة
عـمو : نـوم الـعوافي
گـعدنـا نـسولف شـوية وعـمة راحت تـسوي عشـة رحنـا أنــي وضحـى نسـاعدهـاا كملنـا العـشة وصبينـا أنــي لأن تـغديت متـأخر مـااشتـهي
عـمو : ويـن بنيتـي تـعاي اتـعشي ويـانة
يـاقووت : لاا عـمو ألــف عـافيـة أنــي هَــستوني تـغديت
عـمو : دتـعاي حتـى لو شـوية
يـاقووت : لاوللـه
عـمو : ورة الـعشة عنـدي مـوضوع ويـاج
خـالة : ابـو ليـث صــآيـر شـي؟
عـمو : مـاكو الا ڪل خيـر ان شـاء اللّٰـه
يـاسر : ايييي غـير نـعرف شــنوو هَــو الـخير
ضحـى : خـرب مـتت مَــنْ الفضـول
عـمو : أليــوم تـعرفيـن ليـش اجـو بت حـميد؟
خـالة : لااا لتگوولۿــا
يـاقووت : عـمو شصـاير؟ واللّٰـه گلبي كـام يـوجعنـي
عـمو : أليــوم عـمج حمـيد اجـة يخطـبج لأبنـة
يـاقـووت : شنوووووو
يـاسر : هههههههع خطـبوهـا لسـوسـو المتـوحش دلـووع المـامـا
ضحـى : هـية يـاقوت بيـها رجـولة أڪــثر منـة
عـمو : عـيب تـحجوون هيــچ عـلى ابـن عـمكم
ليـث خـابروا عـلية عـافنـة وكـام بـقوا هـمة يتـناقشون ويـاسر يـحشش عـليه هـمزيـن بتـول أختـة راحـت ويـاهم لأن اكـيد تـزعل اذا نـحجي عـلية .
ليـث خـابروا عـلية عـافنـة وكـام بـقوا هـمة يتـناقشون ويـاسر يـحشش عـليه هـمزيـن بتـول أختـة راحـت ويـاهم لأن اكـيد تـزعل اذا نـحجي عـلية .
أنــي مـاعلـقت ولاحجـيت اي شـي عـلى المـوضوع رحـت اجـيب مـي الـهم الصـراحة هـاي حجـة عـلمود أشــوف ليـث ويـن راح اشـو تـأخر هـاي كـولها بـس يخـابر .
لگـيتة يـخابر بالـحديقـة فتـحت البـاب عـلى كـيف حتـى اسـمعة ويـا منـو يـحجي مـاادري شهـالفضول الإجـاني .مـشيت عـلى اطـراف اصـابعي صـرت قـريب عـلية سمـعتة يڪَــول
وَڪيف تُـقاوم إمـرأة تـلعب دور الـطفلة والـمُراهقـة والناضجة والأم فـي آنٍ واحـد؟!
