رواية بريئة في حضن الشياطين الفصل الاول
نروح مكان يبان عليه الرقي والعز والغنى وهي قصر غانم نروح على جناح يقال عليه انه فيلا صغيره في القصر مكون من اوضه دريسينج روم وكمان بسين خاص بالجناح وكمان اوضه للجيم وكمان سرير كبير ومكتب قريب من السرير
ونلاقي بطالتنا خارجه من الحمام بيطلتها الساحره وهي لابسه البرنص وكمان بتنشف شعرها بالاستشوار ودخلت على اوضه الدرس وطلعت فستان وبدات تلبس

وهي ماسكه التليفون واتصلت على المساعده الشخصيه وحطيتها على السبيكر

وقالت ورانا ايه النهارده يا ليليان
ردت عليها النهارده يا فندم عندنا اجتماع مع مديرين المحطه الفضائيه وكمان حضرتك عندك غدا عمل وبالليل في حفله على شرف سعادتك
ردت رحمه تمام يا ليليان وقفلت معاها وكملت لبسها وخرجت حطت الورق بتاعها في الشنطه بتاع المشروع
ولقيت تليفونها بيرن بمسج صور لجوزها في احضان الرقاصات وقفلت التليفون وهي متعصبه
وقالت بعدين معاك ماجد وخرجت من الصور واتصلت على شخص
وقالت له تروح تشوف الرقم اللي بعت لي الصور ديت وتمسح اي صور فاهم
رد عليها تمام يا فندم وقفلت السكه وخرجت نزلت السفره ولقيت جدها قاعد نور الدين غانم
وقالت له صباح الخير يا باشا
رد عليها صباح النور يا حبيبتي اقعدي افطري ندهت رحمه على الداده عزيزه
وقالت لها هاتي لي القهوه بتاعتي
قالت لها حاضر يا بنتي
وقالت مشيره ايه رحمه هي السفره طويله عريضه ما فيهاش غير جدك بس عشان تصبحي عليه ما ردتش عليها رحمه وبصت لجدها
وقالت له انا النهارده هتاخر بره عشان عندي غدا عمل وكمان حفله بالليل وهبعت السواق ياخد الحاجه من اوضتي
رد نور الدين طيب يا بنتي وماجد فين يروح معاكي ضحكه بسخريه
وقالت له ماجد مش فاضي يا جدي غير للسهرات بتاعته
وقال سليمان ماجد يا بابا في اجتماع شغل ونزل من بدري
ضحكه رحمه ومسكت التليفون وقالت له حتى بص اجتماع الشغل عامل ازاي
وسكت سليمان وهو ومشيره وقال نور الدين معلش يا رحمه انا ليا كلام تاني معاه
ردت رحمه طيب يا جدي بعد اذنكم وقامت خرجت ركبت العربيه مع السواق بتاعها
وقالت له اطلع يا عم شفيق على المحطه الفضائيه
رد عليها حاضر يا فندم وكانت رحمه سرحانه في الدنيا
اما في الفيلا نور الدين
قال عاجبك يا سليمان اللي ابنك بيعمله ده
ردت مشيره وهو عمل ايه ده راجل يعمل اللي هو عايزه
رد نور الدين مش حفيدتي اللي يتعمل معاها كده فاهمه يا مشيره ولا لا ولم ابنك بدل ما الم انا بمعرفتي
وقام نور الدين دخل مكتبه
وقال سليمان عقل ابنك احنا من غير رحمه هنضيع فاهمه يا مشيره
ردت عليه وهنضيع ازاي يعني احنا عندنا اللي يعيشنا ملوك طول العمر
ضحك سليمان وقال لها كل حاجه مكتوبه باسم رحمه وانت عارفه بكده فلم ابنك بدل ما تحصل مصيبه تانيه
وقام سليمان وسابها ونزلت شيري وهي بتقول صباح الخير لمامي
ردت مشيره صباح النور يا حبيبتي اقعدي افطري
ردت شيرين لا يا مامي انا هروح افطر مع اصحابي في النادي
ردت مشيره طب يا حبيبتي وخرجت شيري وركبت عربيتها ومشيره مسكت على التليفون واتصلت على ماجد اللي
قالت له انت فين
رد ماجد بنعاس انا بايت عند واحد صاحبي
ردت مشيره قومي يا بيه من اللي انت بايت عندها وتعالى على البيت بدل ما اجي لك
رد ماجد في ايه يا ماما حصل ايه ده كله
قالت له فيه ان مراتك جالها صور لحضرتك مع البنات الزباله اللي انت تعرفهم
اتنفض ماجد وقال لها انا جايه حالا وقفل معاها وقام لابس هدومه
اما في مكان اول مره نروحوا في منطقه شعبيه في السيده بيت متكون من اربع ادوار وشقه في الدور الثاني مكونه من ثلاث اوض وصاله ومطبخ وحمام
وفي اوضه بطلنا صحي على صوت التليفون وقال الو رد ماجد انت فين
رد حسن انا في البيت يا باشا محتاجني دلوقتي
رد ماجد هي العربيه تحت البيت اللي انت جبت لي عليه امبارح
رد حسن ايوه يا باشا
قال له طيب وقفل معايا وحسن دخل الحمام غسل وشه وخرج شايف والدته الحاجه شريفه
وقال لها صباح الخير يمه
ردت عليه يسعد صباحك يا حبيبي ما صحتنيش بدري ليه ياما
قالت له صعبت عليا انت جاي وش الفجر
رد عليها اهو اتاخرت على الشغل
قالت له مش مشكله اقعد بس افطر و
رد عليها طيب ياما انا هخش البس عقبال ما تحضري الفطار
قالت له من عيني الاثنين ودخل حسن طلع وبنطلون ولبسه وسرح شعره

وخرج لقى الباب بيتفتح ودخل عز ومعاه الفول والطعميه وقال صباح الخير يا حسن
رد عليه صباح النور ما رحتش الجامعه ليه
رد عز اصل النهارده ما عنديش محاضرات كثيره غير محاضره واحده بعد الظهر
رد حسن طيب وصلته اختك المدرسه
رد عز ايوه وصلتها
قال له ماشي هو خرجت شريفه من المطبخ وهي معاها طبق الفول ومع الطعميه والجرجير والعيش وحطيته على الترابيزه
وقالت يلا يا ولاد عشان تفطروا
وقال حسن بسم الله وبدا الفطار
اما في المحطه الفضائيه وصلت رحمه بطلتها والهيبه ودخلت وكل الموظفين بداوا يقفوا احتراما ليها ودخلت على مكتبها اللي في الدور ال 15 ولقت منى السكرتيره
قالت لها هاتي الورق اللي هيحتاج يتمضي والقهوه بتاعتي يا منى
ردت عليها حاضر يا فندم ودخلت رحمه المكتب وقعدت على الكرسي وهي مخنوقه من تصرفات جوزها
والباب خبط ودخلت ليليان وهي بتقول الورق بتاع صفقه الحديد جهز ومحتاج على الامضه بتاعتك
ردت رحمه تمام سيبي يا ليليان ويا ريت على الساعه 4:00 ابعتي السواق يجيب حاجتي من الفيلا عشان هلبس من هنا وانا رايحه الغداء وكمان وانا رايحه الحفله بتاعه بالليل
ردت ليليان ليه يا بنتي ما تروحي البيت بدل القاعده في الشركه طول الوقت
ردت رحمه صدقيني انا برتاح اكتر هنا بعيد عن مشيره وابنها
ردت ليليان انا نفسي افهم انتي مستحملاه على ايه ده واحد طول النهار والليل مع البنات ويا ريته بيشتغل ده كل مره بيوقعنا في مصيبه شكل
ردت رحمه خلاص يا ليليان مش وقت الكلام ده والباب خبط ودخلت منى بالقهوه والورق
وقالت محتاجه حاجه ثانيه يا هانم
ردت عليها لا شكرا وقعدت ليليان تشتغل مع رحمه في المكتب
اما عند ماجد وصل الفيلا ودخل شاف مشيره قاعده بتشرب الشاي
وقال لها صباح الخير يا ماما
ردت عليه صباح النور يا حبيبي
قال لها في ايه
قالت له النهارده ايه صور لمراتك مع البنت اللي كنت عندها
رد ماجد بقول لك ايه يا ماما انا زهقت من موضوع رحمه ده يا ريت ننفصل انا اتخنقت منها من تحكماتها فيا
ردت مشيره اللي انت بتقوله ده يا ماجد حد يسيب الفرخه اللي بتبيض لنا بيضه ذهب
رد عليها يعني انتي عايزاني اعمل ايه يا ماما وهي على طول قلبه وشها ويا ريتهاتبعد عني نطلق احسن اتعصبت مشيره
وقالت له مش عايزه اسمع الكلام ده تاني لغايه ما كل حاجه تبقى تحت ايدينا فاهم ولا لا
رد ماجد حاضر مامي انا هطلع اغير هدومي وهروح الشركه
قالت له اتفضل وطلع ودخل الجناح بتاعهم ودخل ياخد دش وخرج طلع بدله والبسها ورش برفانه ولبس ساعه ومسك التليفون ومفاتيحه

ونزل لقى جدو نور الدين قاعد وقال له تعالى يا بيه انت كنت بايت فين امبارح
رد ماجد كنت بايت عند واحد صاحبي يا جدو في حاجه
ضحك نور بسخريه وقال له بصي يا ماجد عشان ده اخر انذار ليه انا بعد كده هقف مع حفيدتي ولو طلبت الطلاق فاهم ولا لا
رد ماجد حاضر يا جدو وخرج لقى حسن مستنيه عند العربيه هدف له المفاتيح
وقال له يلا نروح الشركه
رد حسن حاضر يا باشا وركبه العربيه ومشي حسن على طريق الشركه
اما رحمه كانت في اجتماع وقالت مستوى المحطه مش عاجبني وايه الاهمال اللي فيها ده يا استاذ عزت
رد عليها والله يا فندم المشكله مش عندي المشكله عند ماجد بيه انا رحت وقلت له ان المذيعه عايزه تمضي مع قناه تانيه وهو قال لي انه هيحل الموضوع
ردت رحمه ومن المذيعه ديت
رد عزت الاستاذه اصاله
ردت رحمه مش دي البرنامج بتاعها بيجي الساعه 6:00 بيتكلم عن الموضه
رد عزت ايوه يا فندم هي
قالت رحمه ماشي يا استاذ عزت انا عايزاك كل حاجه بتحصل هنا تبلغ ليليان بيها وانا هعرف اتصرف
رد عزت تمام يا فندم وبصت للاستاذ فؤاد
وقالت له والاعلانات اخبارها ايه
رد استاذ فؤاد يا فندم الاعلانات كويسه بس احنا في مشكله الصفحه بتاعه القناه فيها مشكله وساعات كثيره السيستم بيقع
ردت رحمه بعصبيه اما المحطه الفضائيه تكون فيها المشاكل دي كلها وما اعرفش بيها يبقى في استهتار ومهزله بتحصل هنا يا ريت كل واحد يهتم بشغله واي تقصير هيحصل في الشغل هيكون عقابه كبير فاهمين يا اساتذه اتفضلوا كل واحد على مكتبه وعايزه اشوف الحل في اقرب وقت
خرج الكل وهم بيحمدوا ربنا انه خرجوا سالمين من الاجتماع ده وبصه رحمه لليليان
وقالت لها يا ريت تركزي شويه في المحطه انا عارفه اني بتقل عليك الفتره ديت
ردت ليليان مش المشكله فيا انا المشكله فيك انتي انتي ما بقتيش ترتاحي وعلى طول شغل وما فيش راحه
ردت رحمه وعايزاني ارتاح ازاي وانا مش لاقيه معين ليا وحتى جوزي اللي المفروض يكون سندي طول الوقت داير ورا البنات الزباله اللي يعرفهم
ردت ليليان انتي اللي غلطانه يا رحمه كل مره بتطلقي وترجعي تاني
ردت رحمه ما انتي عارفه ان جدو هو اللي بيضغط عليا غير كده انا ما كنتش رجعت يلا هي اخر فرصه ليه
ردت ليليان طيب يا رحمه هطلع ابعت السواق واشوف الدنيا فيها ايه
ردت عليها طيب يا ليليان وماسكه التليفون رحمه واتصلت على شخص
وقالت له عايزاك تجيب لي كل صغيره وكبيره على المذيعه اصاله وقفلت التليفون وراحت على مكتبها وشافت ماجد قاعد على كرسيها
وقالت له اهلا بالبيه اللي بايت بره
رد ماجد وهو قايم من على الكرسي ايه يا بيبي وحشتيني قوي
ردت رحمه بصرامه ايه اللي انت بتقوله ده احنا في المكتب
رد ماجد وايه يعني مكتب انتي مراتي ضحكت بسخريه
وقالت له مراتك بقى مره ايه بقى مرت ما طول الليل بايت في حضني الزباله اللي انت تعرفهم
رد ماجد بقول لك ايه يا رحمه بلاش وجع دماغ انا عارف ومتاكد انه مش فارق معاكي
ضحكه بسخريه وقالت له هو فعلا مش فارق معايا بس هيفرق معايا لو صوره من الصور اللي بيجي لي ديت اتنشرت في اي صفحه على النت ملهاش لازمه وهتضيع الاسهم بتاعه الشركات
رد ماجد يعني ده اللي فارق معاكي بس
قالت له طبعا ما انت فاكر ايه
قال لها ماشي يا رحمه وسابها وخرج من المكتب وهي قعدت تكمل شغلها
وهو نزل ركب العربيه وقال لحسن وديني على شقه اصاله
رد حسن حاضر يا فندم ومشي بالعربيه
