رواية اتجوزت المرحوم الفصل الاول 1 بقلم هويدا زغلول

الجده 

با بنتي انتي مجنونه بقولك جوزك طلع ميت من 25 سنه انتي ليه مش راضيه تصدقي كلامي 

كارما 

وانا مس هسيبه يعني مش هسيبه يا ننا حتي لو قولتي اي انا بحبه ومش هقدر اعيش من غيرو وبصراحه بقي انا مش هقدر اصدق كلامك 

الجده 

علشان عارفه ان دماغك ناشفه ومش بتصدقي حد جبتلك شهاده الوفاه معايا خدي اهي معاكي اقري بنفسك 

وقبل ما نبدا الحكايه اعرفكم علي بطلتنا اللي اسمها كارما وكانت عايشه في امريكا وفي يوم كانت بتحضر شنتطها وبعدها امها وجدتها دخلوا الاوضه والجده قالت 

الجده 

برضه عايزه تعملي اللي في دماغك وتسافري مصر يا بنتي انتي ليه بتعملي في نفسك كده حرام عليكي 

كارما 

بصراحه انا مش شايفه نفسي هنا وعايزه تمشي من البلد دي لو بتحبني يا ننا خليكي ماما مش تكون زعلانه مني انا عشت عمري كله هنا بس 

الام 

وانا هكون زعلانه منك ليه خلاص اعملي اللي انتي عايزه تعملي برحتك امشي طلما انتي عايزه تمشي من هنا 

كارما 

يا ماما التلفونات بقت بتقرب المسافات ارجوكي بقي مش عايزكي تكوني زعلانه مني 

الجده 

خلاص يا كارما بس اكيد البيت بتاعنا علشان مقفول بقالو فتره الاحسن انك تعيشي في فندق لحد ما تاجري شقه  مش هتعرفي تعيشي هناك يا بنتي 

كارما 

معقول يكون عندي بيت ملك واروح اعيش في ايجار برضه يا ننا علي العموم سبيني انا هتصرف 

في الحوار ده  المهم عايزه اللوكيشن 

وبعدها اخدت شنتطها ومشيت 

الام 

بجد انا خايفه عليها يا ماما اوي وعارفه أنها مش هتكون مرتاحه في الحوار ده 

الجده 

مش عايزي تكوني زعلانه من الحوار ده وهي اكيد هتكون كويسه وانتي عارفه أن بنتك شاطره واكيد مش هيحصلها حاجه وهي مش هتستحمل جو هناك وهترجع تاني وبكره تشوفي 

الام 

يارب يا ماما ربنا يسترها عليها 

وبعدها رجعت كارما القاهره واول لما رجعت كانت واقفه قدام المطار والشنطه بتعتها اتسرقت من سواق موتوسيكل 

كارما 

لااااااا حرام عليك معقول ياربي اول يوم ليا في مصر يحصلي كده بس هتصرف ازاي انا دلوقتي 

وبعدها راحت علي القسم علشان تعمل محضر باللي حصل وكانت قاعده في القسم والظابط حازم قدام منها وهي كانت فاتحه شنطه السفر 

حازم

هو انا ممكن افهم اي اللي انتي عامله ده بالظبط 

ممكن تلمي الحاجه بتاعتك 

كارما 

انا اسفه والله بس عايزه اطلع مفتاح الشقه بتاعت ننا 

علشان اقدر ابات فيها وبعدها طلعت المفتاح 

ايوه اهو الحمد لله 

وبعدها بصت علي حازم اللي كان عامل يبص عليها بغضب 

كارما 

انا اسفه والله بس مش عارفه انا كنت هبات فين لو مش كنت لقيت المفتاح 

حازم 

تمام مش عملت ليكي المحضر وحضرتك لقيتي المفتاح ممكن تتفضلي من هنا بقي ولا اي 

كارما 

بجد انا اسفه بس انا كنت عايشه في امريكا ومش عارفه اي مكان هنا ومش عارفه اتصرف ازاي 

حازم 

تمام ماشي انا هعمل معاكي جدعنه ولاد البلد ومش هسيبك لوحدك وهوصلك المكان اللي انتي عايزه 

وبعدها فعلا اخدتها وراح بيها بيت جدتها 

حازم 

هو ده العنوان اللي قولتي عليه وشكلها هي دي العماره 

كارما 

بجد مش عارفه اشكرك ازاي علي اللي عملته معايا ده بس ممكن اطلب منك طلب ينفع تيجي معايا بكره العنوان ده 

حازم 

هو انتي فكراني السواق بتاع حضرتك ولا اي ما تهدي 

كده وقولي هديت هو علشان طلعت كويس معاكي 

بتعملي كده 

وبعدها هي سكتت شويه وراح قال 

حازم 

مش عايزك تزعلي يا ستي خلاص انا هوديكي مكان مانتي عايزه هجيلك هنا 

كارما 

بجد شكرا ليك ومش عارفه اقولك ايه علي اللي عملته معايا ده 

حازم 

استني بس وبعدها طلع فلوس من المحفظه بتاعته وقال ليها خدي خلي الفلوس دي معاكي انتي بتقولي كل الفلوس اتسرقت. الفيزا بتاعتك خليهم معاكي لحد ما تقدري ترجعي الفيزا 

كارما 

لا انا مش متعوده اخد فلوس من حد شكرا ليك 

حازم 

بطلي عند انتي عارفه انا موجود فين لما تعوزي ترحعيهم رجعيهم يلا بقي علشان ورايا كام مشوار لازم اروح اعملهم 

وبعدها نزلت من العربيه وطلعت البيت وفتحت الشقه 

وكانت شكلها مترب خالص وكانت بتحاول تشغل النور بس كان النور مش شغال 

كارما 

مهي مش ناقصه معقول اللي بيحصل فيا ده ايه النحس اللي انا فيه ده 

وبعدها فضلت قاعده وشويه ولقيت الباب بيخبط وروحت فتحت 

كارما

مين حضرتك وعايز ايه بالظبط

فارس

مساء الخير انا فارس جارك اللي ساكن في الشقه اللي قصادك وسمعت صوت حركه عندك واستغربت جدا لأن الشقه دي بقالها سنين طويله مقفوله فقولت اطمن واعرف مين اللي جه يسكن فيها بس هو انتي ليه قاعده في الضلمه كده

كارما

بصراحه انا كنت فاكره ان الكهربا قاطعه في العماره كلها

وبعدها خرجت بصت بره ولقت نور العماره كلها شغال

كارما

هو اشمعنا النور مش شغال عندي انا بس مع ان النور شغال في العماره كلها

فارس

ممكن علشان الشقه دي كانت مقفوله بقالها فتره كبيره جدا والكهربا فيها محتاجه تتراجع هو انتي صاحبه الشقه دي

كارما

لا دي شقه ننا بتاعتي وهي اللي صاحبتها وانا لسه راجعه من السفر ما تخيلتش ان انا هلاقي في مشاكل في الكهرباء

فارس

هو حضرتك كنتي عايشه فين قبل ما تيجي هنا

كارما

كنت عايشه في امريكا انا وماما وننا ولسه راجعه النهارده ومش عارفه اي حاجه هنا ولو تعرف فني  يا ريت تقولي عليه

فارس

انتي ارتاحي بس ومتشيليش هم اي حاجه وانا هنزل دلوقتي اجيب فني واجي على طول وعلى فكره هنا اسمه كهربائي مش فني زي امريكا

كارما

بجد شكرا جدا ليك

وبعدها فارس نزل بسرعه وبعد شويه رجع ومعاه كهربائي وبعد وقت قصير كان العطل اتصلح والنور رجع للشقه كلها

كارما

بجد مش عارفه اشكرك ازاي على اللي انت عملته ده من غيرك والله ما كنت هعرف اعمل اي حاجه خالص

فارس

ولا يهمك ده واجب وبعدين انا ساكن في الشقه اللي قصادك ولو احتاجتي اي حاجه في اي وقت خالص سواء بالليل او بالنهار خبطي عليا وانا هكون عندك على طول

كارما

بصراحه انا حاسه اني جعانه جدا ومش عارفه اي مكان هنا ممكن اجيب منه اكل

فارس

ولا يهمك انا بطلب اكل دايما من مطاعم معروفه وهطلبلك اكل معايا دلوقتي ومتتعبيش نفسك

وبعدها دخل فارس شقته وطلب الاكل وبعد شويه وصل الاكل وراح اداهولها

كارما

بجد ربنا يخليك انت وقفت جنبي من اول ما جيت هنا ومش هنسالك اللي عملته معايا ده

فارس

ولا تشغلي بالك واي حاجه تحتاجيها انا موجود

وبعدها دخلت كارما الشقه واكلت ومن كتر التعب نامت مكانها

وفي تاني يوم نزلت اشترت موبايل جديد وخط مصري واول ما طلعت الشقه اتصلت بصاحبتها رحمه اللي اعرفت عليها عند طريق النت 

رحمه

ايه يا بنتي في ايه انا بقالي من امبارح برن عليكي على موبايلك وبرن عليكي على الماسنجر وانتي مش بتردي خالص هو انتي لسه ما اشتريتيش خط مصري ولا ايه

كارما

لا انا اشتريت موبايل جديد وخط مصري كمان علشان موبايلي القديم اتسرق اول ما نزلت مصر وبصراحه انا غلطانه اني نزلت مصر من الاساس من اول لحظه وانا حاسه ان النحس لازقلي ومش عارفه ايه اللي مستنيني كمان

رحمه

ده باب السعد  اتفتحلك يا بنتي والله انا عايزه اقولك ان رئيس مجلس الاداره اتصل بيا كذا مره علشان يسألني عليكي وقاللي السي في بتاعك عجبه جدا ولما معرفش اتوصل ليكي اتصلت بمامتك اسألها انتي سافرتي ولا لا وقالتلي انك ركبتي الطياره وبصراحه انا كنت قلقانه عليكي جدا

كارما

اوعي تكوني قولتي لماما اني رايحه اشتغل انتي عارفه كويس انها رافضه الشغل ده تماما وانا مش عايزه حد يصرف عليا ولا افضل معتمده على حد طول عمري انا لازم اعتمد على نفسي واكون مستقبلي بنفسي وعلى العموم انا هظبط الشقه الاول واعمل كام حاجه فيها وبعد كده هاجيلك بكره ان شاء الله

رحمه

 لا مش عايزاك تكوني قلقانه من حاجه انا ما قلتش لمامتك ما انا عارفه ان انت عايزه تعملي كده

وفي الوقت ده الباب خبط

كارما

خلاص يا رحمه هقفل دلوقتي لما اروح اشوف مين اللي بيخبط على الباب

وبعدها راحت فتحت الباب وكان الظابط حازم هو اللي واقف على الباب

كارما

هو انت عرفت بيتي منين وايه اللي جابك هنا

حازم

هو انتي عبيطه ولا ايه هو انتي ناسيه ان انا اللي وصلتك لحد العماره امبارح وبعدين انا جيت علشان اقولك ان في حد لقى الشنطه بتاعتك جه سلمها في القسم ولقيت معاه الفيزا والباسبور بتوعك

كارما

يعني انت جيت لحد هنا مخصوص علشان ترجعهم ليا

حازم

لا طبعا انا جيت علشان اطمن على الفلوس اللي انتي استلفتيها مني امبارح واشوف هترجعيها امتى

كارما

يا نهار ابيض هو انت بتتكلم بجد

حازم

يا ستي بهزر معاكي مالك اخدتي الكلام على صدرك كده المهم انتي لازم تيجي القسم علشان تستلمي الحاجات بنفسك وتمضي على الاستلام شكل الحرامي كان جدع سرق الموبايل والفلوس وسابلك الباسبور والفيزا

كارما

اه جدع قوي بصراحه سرق مني خمسه الاف دولار والموبايل ومافيش اجدع منه

وفي الوقت ده خرج فارس من شقته

فارس

هو مين حضرتك وواقف مع الانسه كده ليه

حازم

وانت بقى مين علشان تسألني السؤال ده وبتتكلم معاها بالثقه دي ليه

فارس

انا ساكن في الشقه اللي قصادها وبخاف على العماره دي اكتر من نفسي وعشت فيها من وانا طفل ومن حقي اعرف مين اللي واقف مع جارتنا خصوصا انها لسه جايه وساكنه لوحدها

كارما

اهدى يا استاذ فارس حضرتك فهمت الموضوع غلط ده الظابط حازم وهو اللي ساعدني امبارح لما شنطتي اتسرقت وجاي يقولي انهم لقوا الباسبور والفيزا ولازم اروح القسم استلمهم

حازم

ما كنتي تقوليله كمان تاريخ ميلادك بما انك عرفتيه انا مين خلاص يا سيدي اطمنت اتفضل بقى على شقتك وسيبنا نخلص كلامنا

وبعدها فارس بص لحازم بضيق ودخل شقته وقفل الباب

كارما

على فكره هو عنده حق يضايق من الطريقه اللي حضرتك اتكلمت بيها معاه هو كان كل قصده يطمن عليا مش اكتر

حازم

وانا كمان ماقصدتش ازعله بس شكله متحمس شويه زياده عن اللزوم المهم جهزي نفسك وبعد ساعه هعدي عليكي علشان نروح القسم وتستلمي حاجتك ونخلص الموضوع كله مره واحده

كارما

بجد مش عارفه اشكرك ازاي على اللي انت عملته معايا ده وربنا يجازيك خير على وقفتك جنبي

حازم

ولا يهمك ده واجبي ويلا جهزي نفسك وانا هستناكي بكره علشان نروح القسم وتستلمي حاجتك

كارما

تمام ماشي هستناك

بعدها فعلا راحت معاه وسلمت كل حاجتها

وفي تاني يوم كانت كارما نازله من العماره وواقفه مستنيه الاوبر

وفي الوقت ده عدت عربيه فارس ووقف جنبها

فارس

صباح الخير يا استاذه كارما هو انتي رايحه فين تحبي اوصلك لاي مكان بدل ما تفضلي واقفه مستنيه

كارما

لا والله شكرا ليك مش عايزه اتعبك انا طالبه اوبر وهيجي حالا

فارس

تعبك راحه والله ولو حابه تركبي معايا اوصلك ما عنديش اي مشكله خالص

كارما

خلاص ماشي مدام حضرتك مصمم شكرا ليك جدا انا عايزه اروح العنوان ده

وبعدها اخد منها الموبايل وبص على العنوان

فارس

هو انتي رايحه الشركه دي ليه ليكي حد فيها ولا ايه ده مش مصدق الصدفه دي انتي رايحه نفس الطريق اللي انا رايحه

كارما

معقول انت تعرفها

فارس

اعرفها ايه بس ده انا بشتغل فيها من خمس سنين

كارما

يا محاسن الصدف بجد ده انا كمان رايحه اشتغل فيها النهارده

فارس

بالنسبه ليا انا دي احسن صدفه حصلت النهارده

وبعدها وصلوا الشركه ونزلت كارما من العربيه

كارما

بجد شكرا ليك جدا

فارس

العفو ولو احتجتي اي مساعده هناك انا موجود

وبعدها دخلت كارما الشركه وكانت رحمه واقفه مستنياها

رحمه

بجد مش عارفه اقولك ايه المدير صدع دماغي من امبارح وهو كل شويه يسألني انتي جيتي ولا لسه ويقوللي اول ما توصل دخليها عندي على طول ايه يا بنتي السي في بتاعك ده اللي خلاه مستنيك بالشكل ده

كارما

بصراحه انا خايفه جدا ومتوتره دي اول مره اشتغل في مصر انا طول عمري شغاله في امريكا وبعدين ماما من كتر خوفها عليا خلتني اسيب شغلي هناك وكل ده مخليني خايفه معرفش انجح هنا ولا لا

رحمه

حرام عليكي انتي بتعملي في نفسك كده مامتك عملتلك عقده من كتر خوفها عليكي يلا بطلي تفكير واتفضلي ادخلي للمدير

وبعدها خبطت كارما على الباب ودخلت

المدير

اهلا وسهلا يا استاذه كارما والله نورتي الشركه انا كنت مستني حضرتك من امبارح واتمنى تكوني مرتاحه معانا

كارما

بجد شكرا لحضرتك على ذوقك

المدير

اتفضلي اقعدي وبعد ما اتكلم معاها وعرف ان هي فاهمه شغل كويس وهتقدر تفيده ضغط على الجرس

المدير

يا استاذه رحمه اتفضلي عندي

وبعدها دخلت رحمه

المدير

خدي يا استاذه رحمه الاستاذه كارما على المكتب بتاعها ومن النهارده هي تحت مسؤوليتك ولو حصل اي حاجه زعلتها او احتاجت مساعده وما لقتهاش عندكم محدش يلوم غير نفسه مفهوم

رحمه

حاضر يا فندم

كارما

بجد مش عارفه اشكر حضرتك ازاي على الترحيب والاهتمام ده وان شاء الله اكون عند حسن ظن حضرتك

المدير

انا واثق انك هتكوني اضافه قويه للشركه ويلا اتمني ليكي بدايه موفقه معانا

وبعدها خرجت وفارس كان واقف وقال ليها 

فارس 

هي عملت ايه انا كنت واقف قلقان جدا انا عارف المدير بتاعنا رخم وكنت خايف يرخم معاكي 

كارما 

لا والله ما عملش اي حاجه من دي خالص بالعكس انا حسيت ان هو راجل محترم وكويس جدا

فارس 

بلاش بقى تقولي للموظفين الكلام ده عشان هيفتكروا ان انتي عصفورته من النهارده 

كارما 

ايه قله الادب والوقاحه دي يعني ايه عصفورته ان شاء الله هيكون بيني وبينه حاجه 

بعدها رحمه جت من وراها وقالت لها لا ده انت قدامك كثير قوي عقبال ما تتعلمي اللي جاي هيكون ايه تعالي معايا وانا هعرفك كل حاجه 

وفي تاني يوم بعد ما كارما خلصت شغلها ونزلت من الشركه لقت فارس واقف مستنيها جنب عربيته

فارس

اخيرا خلصتي شغل لو تحبي اوصلك انا مروح البيت على طول وانت عارفه ان شقتي قصاد شقتك بدل ما تاخدي مواصلات يعني

كارما

تسلم والله بس انا مش رايحه البيت دلوقتي انا رايحه القسم عند الظابط حازم

فارس

القسم تاني ليه هو مش خلاص كل الحكايه انتهت وحاجتك كلها رجعتلك لازمته ايه كل يوم وتاني تكوني موجوده هناك

كارما

هو في ايه بالظبط انت بتكلمني بالطريقه دي ليه كل الحكايه ان الظابط حازم كان مسلفني فلوس يوم ما شنطتي اتسرقت ولما الفيزا رجعتلي سحبت الفلوس ولازم اروح ارجعهاله

فارس

خلاص ما فيش مشكله اركبي معايا وانا اوصلك واستناكي قدام القسم ولما تخلصي نمشي سوا

كارما

تمام شكرا ليك

وبعدها فعلا وصلها قدام القسم وفضل مستنيها في العربيه

ودخلت كارما القسم حازم وقف وقال بيها

حازم

اهلا وسهلا والله بجد كنت عارف انك هتيجي النهارده

كارما

ليه هو انت مستعجل على فلوسك قوي كده

حازم

فلوس ايه بس انتي بتتكلمي عن ايه انا عمري ما استنيت فلوس من حد

كارما

يا عم بهزر معاك مالك اخدت الكلام بجد كده بس انا فعلا جايه ارجعلك الفلوس اللي استلفتها منك

حازم

لا طبعا مش هاخد منك ولا جنيه واعتبريها مساعده بسيطه وخلاص

كارما

لا طبعا وانا عمري ما قبلت فلوس من حد واتفضل اهي فلوسك كامله زي ما اديتهالي بالظبط

وبعدها حطت الفلوس قدامه

كارما

اتفضل بقى عن اذنك علشان فارس مستنيني بره ومش هينفع اسيبه واقف اكتر من كده

حازم

فارس مين ده هو جايبك لحد هنا ليه هو كل شويه فارس فارس هو ايه الحكايه بالظبط

كارما

هو حضرتك مالك انا اروح مع مين واجي مع مين دي حاجه تخصني وبعدين انا مش فاهمه انت بتكلمني بالطريقه دي ليه انا عمري ما خليت حد يكلمني بالاسلوب ده ولو سمحت اتفضل الفلوس اهي عن اذنك

وبعدها لفت وخرجت من المكتب وهي متضايقه

وحازم فضل باصص ليها وهو ساكت 

اما كارما فخرجت من القسم بسرعه ولما ركبت العربيه بصت لفارس وابتسمت وقالت

كارما

اسفه اني اتاخرت عليك يلا بينا نمشي

فارس

ولا يهمك المهم انك خلصتي اللي كنتي رايحاله

وبعدها اتحرك بالعربيه وهي كانت مبسوطه وهي قاعده معاه وكانت عارفه ان الاثنين معجبين بيها بس هي كانت معجبه بفارس اكثر 

وبعدها بكام شهر راحت عندها رحمه البيت وقالت ليها 

رحمه 

هو انتي اجازه ليه النهارده الشركه كلها مقلوبه عليكي تحسي ان انت الوحيده اللي شغاله فيها يعني 

خليتي كل يحبك بطريقه فظيعه 

كارما 

بجد حسن انا تعبانه قوي مش قادره ان انا انزل الشغل النهارده 

رحمه 

انا جايه عايزه اتكلم معاكي في حوار بس مش عارفه انتي هتقولي يعني ايه فارس معجب بيكي وعايز يتقدملك وبصراحه انا حاسه ان هو مستعجل قوي في الحوار ده 

كارما 

ما هي دي المصيبه انا حاسه بنفس الاحساس 

مش عارفه اتصرف ازاي في الموضوع ده 

رحمه 

فكري شويه بعقلك قبل قلبك الموضوع جاي بسرعه قوي ولازم تعرفيه وتدرسيه كويس قوي 

كارما 

بصراحه كده انا حاسه ان فارس انسان محترم جدا ومؤدب خالص ومن اول يوم شوفته وهو واقف جنبي في كل حاجه من غير ما يستنى مني مقابل ولا عمره ضايقني بكلمه وحشه ولا حسسني اني لوحدي في البلد دي ومش لاقيه سبب واحد يخليني ارفضه

رحمه

يعني انتي خلاص قلبك مال ليه اهو باين من كلامك بس فكرتي في حاجه مهمه قوي اهلك هيوافقوا انك تتجوزي واحد من مصر ولا هيرفضوا الموضوع كله ويطلبوا منك ترجعي امريكا تاني

كارما

انا ما بقتش طفله صغيره والله وبقيت مسؤوله عن نفسي ولو لقيت انسان يستاهل هتمسك بيه اكيد هعرف ماما وننا بكل حاجه وهسمع رأيهم بس القرار في الاخر هيكون قراري انا

رحمه

انا قلتلك اللي عندي ونصحتك علشان بحبك وخايفه عليكي وبعد كده اعملي اللي يريح قلبك وربنا يكتبلك الخير

وبعدها خرجت رحمه من الشقه وساعتها كارما فضلت تفكر شويه وبعد شويه قامت وراحت خبطت على شقة فارس

فارس

اتفضلي يا كارما خير في حاجه

كارما

لما انت حاسس بحاجه ناحيتي ليه ما جيتش قولتلي من الاول وليه فضلت ساكت كل الوقت ده

فارس

بصراحه كنت خايف جدا وخايف اسمع منك كلمه تخليني اخسرك للأبد وكنت بقول يمكن يكون مجرد إعجاب وهيعدي بس كل يوم كنت بتأكد اكتر اني مش قادر ابعد عنك ولا اتخيل يوم من غير ما اشوفك وقوليلي بقى انتي رأيك ايه

كارما

لما تيجي تقف قدامي وتبصلي في عيني وتقولي يا كارما انا عايز اتجوزك علشان بحبك وما اقدرش اعيش من غيرك ساعتها هقدر ارد عليك

واول لما  قالت كلامها جريت بسرعه على شقتها وقفلت الباب وهي بتبتسم

وفارس وقف قدام بابها كام ثانيه وبعدين خبط عليه

فارس

يا كارما افتحي الباب لو سمحت لما فتحت الباب قال ليها

انا بحبك يا كارما والله ما اقدرش اعيش من غيرك وعايز اتجوزك على سنة الله ورسوله وانتي من يوم ما دخلتي العماره وحياتي كلها اتغيرت وقوليلي دلوقتي ايه ردك

كارما

وانا كمان موافقه بس لازم اكلم ماما وننا الاول علشان يجوا مصر ونقعد كلنا مع بعض ونشوف الموضوع بشكل رسمي

فارس

بصراحه انا خايف من كلامك عنهم وحاسس انهم ناس صعبين جدا ومش عارف ممكن يوافقوا عليا ولا لا

كارما

مش عايزك تكون قلقان من الموضوع ده ماما وننا بيحبوني جدا وانا هتكلم معاهم وهحاول اقنعهم ولو ربنا كاتب لينا نصيب محدش هيقدر يمنعه

وبعدها مشي وهي مسكت كارما الموبايل واتصلت بمامتها

الام

الو يا كارما خير يا حبيبتي صوتك فرحان كده ليه

كارما

يا ماما انا عايزه اقولك على حاجه مهمه جدا في شاب اسمه فارس  وهو اتقدملي وطلب يتجوزني وانا شايفاه انسان محترم جدا وعايزاكي انتي وننا تيجوا مصر علشان تتعرفوا عليه

الام

يا بنتي انتي اتجننتي هو اي حد كده يقولك عايز اتجوزك توافقي على طول انتي تعرفي عنه ايه علشان تفكري في الجواز منه ولا تعرفي اخلاقه بجد ولا اهله مين ولا حياته عامله ازاي انتي لسه في البدايه ولازم تفكري بعقلك قبل قلبك انا مش هينفع اسيبك تاخدي قرار كبير زي ده من غير ما اتأكد بنفسي من كل حاجه عنه عبيطه احنا زمايل في شغل واحد 

كارما

يا ماما انا ما بقتش عيله صغيره علشان كل مره تاخدي القرار بدالي انا بقيت واحده كبيره وعارفه مصلحتي كويس وفارس انسان محترم وواقف جنبي من اول يوم جيت فيه مصر وانا خلاص هوافق عليه يعني هوافق عليه ولو بتحبيني بجد يا ماما وافقي على الجواز ده ومتكسريش فرحتي

الأم

لا يا كارما انا مش موافقه على الكلام ده نهائي وانتي هترجعي امريكا حالا ومش هتنفذي اللي في دماغك ده انتي متعرفيش عنه حاجه ولسه بقالك كام شهر بس تعرفيه والجواز مش قرار يتاخد بالعند ولا بالمشاعر ولو بتحبيني فعلا هتسمعي كلامي وهتحجزي اول طياره وترجعي

كارما

يعني برضه هترفضي من غير حتى ما تشوفيه ولا تتكلمي معاه ولا تعرفي هو مين ليه يا ماما كل حاجه بحلم بيها لازم تقفي ضدها ليه دايما حاسه انك مش واثقه فيا

الأم

علشان انا امك وخايفه عليكي ولو زعلتي مني النهارده احسن مليون مره من انك تندمي العمر كله اسمعي الكلام وقفلي الموضوع ده خالص

وبمجرد ما سمعت كارما الكلام قفلت المكالمه وهي بتعيط بحرقة وقعدت على الأرض وهي ماسكه الموبايل وبتعيط  

وبعد شويه  قامت ومسحت دموعها وخرجت من الشقه وخبطت على باب فارس

فارس

كارما مالك انتي بتعيطي ليه حصل ايه

كارما

ماما رفضت الجواز وقالتلي هرجع امريكا غصب عني ولو عايز تجيب المأذون دلوقتي انا معنديش اي مانع لازم نتجوز في اسرع وقت قبل ما هي وننا يوصلوا مصر

فارس

انا كنت متوقع رد فعلها بس يا كارما انا مقدرش اتجوزك بالطريقه دي من غير رضا اهلك لان الخطوه دي كبيره جدا ومش سهله

كارما

وليه لا دي الحاله الوحيده اللي تخلينا نفضل مع بعض ولو بتحبني بجد اعمل كده انا عارفه اول ما ماما وننا يجوا هيبعدوني عنك ومش هشوفك تاني

فارس

طبعا بحبك وما اقدرش اعيش من غيرك بس انتي عارفه احنا داخلين على ايه وعارفه ان القرار ده ممكن يغير حياتنا كلها

كارما

ايوه عارفه كل حاجه ومش خايفه من اي حاجه غير اني اخسرك انا بحبك جدا ومش هقدر اعيش من غيرك وعايزه الموضوع يتم في اسرع وقت قبل ما ماما وننا يوصلوا

فارس

وانا كمان بحبك وما اقدرش استغنى عنك ولو ده قرارك النهائي انا هنزل دلوقتي اجيب المأذون ونكتب كتابنا وربنا يكتب لنا الخير

وبعد ساعات حضر المأذون واتكتب كتاب كارما وفارس في هدوء ومن غير ما يعرف أي حد من أهلها

ومر أسبوع كام وقفت الأم والجدة قدام العمارة وبعد ما طلعوا للدور اللي فيه شقة كارما خبطوا على الباب أكتر من مرة لكن محدش رد

وفجأة الباب اللي قصاد الشقة اتفتح

فارس

اتفضلوا حضرتكم كارما موجوده عندي

بصت الأم والجدة ناحية فارس واتصدموا أول ما شافوه

الأم

ازاي كارما عايشه انا مش فاهمه حاجه 

فارس

انا فارس الدمنهوري  جوز كارما اتفضلوا

وبعدها الجده وقعت في الارض وبعدين قالت 

الجدة

لا لا مستحيل مستحيل ده ميصحش واول لما قالت الكلمه دي أغم ليها 

صرخت الأم وهي بتجري عليها و كارما خرجت من جوا وشالو الجده وراحوا بيها علي المستشفي معادا فارس 

الأم

أنا عايزه أفهم انتي ازاي تتجوزي اللي اسمه فارس من ورانا ومن غير ما تقولي لينا كلمه واحده ولا حتى تستنينا نوصل ونتعرف عليه هو انتي نسيتي ان احنا أهلك ولا بقى وجودنا وعدمنا واحد عندك

كارما

هو انتي تعرفي فارس منين أصلا وليه أول ما شوفتيه اتغير لونك بالشكل ده انا من ساعه ما شوفتكم وانتي وننا متوترين وكأنكم تعرفوه من زمان وأنا مش فاهمه أي حاجه من اللي بتحصل

الأم

أنا مش هقعد أجاوب على أسئلتك دلوقتي وكل اللي هقولهولك إنك لازم تطلقي منه حالا سامعه ولا لا ومش عايزه أي نقاش في الموضوع ده ولا حتى كلمه واحده

كارما

هو في إيه يا ماما انتي من ساعه ما شوفتيه وانتي مشغوله بحاجه غريبه خالص ومش فارق معاكي حتى تسألي أنا اتجوزته ليه ولا ازاي ولا إذا كنت سعيده معاه ولا لا كل اللي يهمك إني أطلق منه وخلاص

الأم

لأن فارس ده مينفعش تكملي حياتك معاه وأنا عارفه كويس أنا بقول إيه وانتي لازم تنفذي كلامي من غير ما تسأليني عن الأسباب دلوقتي

كارما

أنا مش فاهمه منكم أي حاجه خالص وكل شويه أسمع كلام أغرب من اللي قبله وبعدين هو أنتم تعرفوا فارس منين وليه أول ما شفتوه اتصدمتم بالشكل ده

الأم

أنا قولت كلمتي وانتي هتنفذيها يعني هتنفذيها وهتطلقي من فارس ورجلك فوق رقبتك ومش هتفضلي معاه لحظه واحده كمان

كارما

وأنا مش هعمل الكلام ده إلا لما أفهم الحقيقه كلها لأن ده جوزي ومن حقي أعرف إيه اللي مخليكم خايفين منه بالشكل ده ومحدش فيكم راضي يقولي السبب

الأم

لو بتحبيني بجد وبتحبي نفسك يبقى مستحيل تكملي حياتك مع واحد زي ده لأن الولد ده هيأذيكي وانتي مش قده ولو عرفتي الحقيقه بنفسك هتعرفي إن كلامي كله كان علشان مصلحتك

كارما

أنا اطمنت على تيتا والحمد لله إنها بقت أحسن وبعد إذنكم لما تكونوا مستعدين تقولولي الحقيقه كلها ابقوا نادولي لكن أنا مش هطلق جوزي بكلمه من غير ما أفهم إيه اللي بيحصل

وبعدها لفت كارما ومشيت من قدامهم وهي دموعها نازله والأم فضلت باصه ليها في صمت

الجدة

انتي عارفه ومتأكده إن البنت دي عناديه ولو ركبت دماغها عمرها ما هتنفذ موضوع الطلاق ده ولازم نخلص المره دي من الموضوع كله قبل ما تعرف الحقيقه بنفسها

الأم

هربنا على أمريكا سنين طويله علشان نبعدها عن كل اللي حصل لكن النصيب كان أقوى مننا ورجعها لنفس المكان ونفس الشخص يا أمي والله يسامحك انتي السبب في اللي حصل ده كله ولو كنتي قولتلها الحقيقه من زمان مكانش وصلنا للي إحنا فيه دلوقتي

وبعدها روحت كارما 

فارس

عمال اتصل بيكي وانت مش راضيه تردي عليا خالص انا عايزه اطمن على جدتك بس مش اكتر 

كارما 

انا اللي عايزه افهم هو انت تعرف عيلتي منين وليه مصممين ان انا اطلق منك بالطريقه دي 

فارس 

هو انت ناسيه ان انا ابقى جار جدتك واكيد عارفاني من وانا عيل صغير وعلشان خاطر احنا ناس مش قدكم فاكيد هي عايزه تخليني اطلقك 

كارما 

لا لا الموضوع اكبر من كده بكثير انا اول مره اشوف تيته بالمنظر ده ماما كمان انا حاسه ان في حاجه مخبيينها عليا 

فارس 

لو في حاجه مخبينها عليك مش هكون عندي انا ما سالتهمش ليه ايه الموضوع 

كارما 

انا بجد اتخنقت ومش بقيت فاهمه حاجه انا رايحه الرحمه شويه حاسه ان انا مخنوقه ومحتاجه اتكلم معاها