رواية بنت الذوات وقلبها الاسود الفصل الاول 1 بقلم هويدا زغلول

ميرا واقفه عامله تعيط وبتقول 

ميرا 

معقول انت اللي عايز تتجوزني وتستر عليا بعد اللي عملته فيك وفي ابوك زمان لا لو فاكر نفسك هتتجوزني علشان تكسرني تبقي غلطان انا ميرا الشافعي وهفضل ميرا الشافعي 

مروان 

الماذون واقف تحت ومستني ومش هيفضل واقف كده كتير 

وفي البدايه اعرفكم علي بطلتنا اللي اسمها ميرا بنت شايفه نفسها اوي وفي يوم كانت في شركه باباها وبعدها طلع ليها الأمن وقال 

سيد

انا اسف ان دخلت المكتب كده يا فندم بس كنت محتاج مفتاح العربيه بتاعة حضرتك علشان ببص  عليها دلوقتي لقيت الكاوتش نايم وكنت عايز اغيره ليكي قبل ما حضرتك تنزلي علشان متتعطليش ولا تتأخري

ميرا قامت من على الكرسي وبصتله بحدة وهي ماسكة الفون في ايديها وقالت

ميرا

ما هو لو حضرتك شايف شغلك كويس اللي المفروض تعمله ما كانش حصل كده من الاساس ولا انا المفروض ابقى سايبه شغل الشركه كله واقفه اتابع مين بيعمل شغله ومين لا

سيد

هو انا عملت اي يا فندم علشان حضرتك تقولي كده انا كنت فوق بخلص شغل طلبوه مني ولسه نازل دلوقتي على العربيه وعرفت ان فيها مشكله وجيت جري علشان ابلغ حضرتك على طول قبل ما تنزلي وتتحركي بيها

ميرا قامت من مكانها مره واحده وخبطت ايديها على المكتب بعصبيه وقالت

ميرا

هو انت اتجننت يا راجل انت علشان تقف قدامي وتتكلم بالطريقه دي انت نسيت نفسك ولا ايه وبعدين انا جايه بالعربيه الصبح وكانت كويسه جدا واكيد اللي عمل كده حد من هنا ولو انت قاعد  مش مركز في شغلك ومشغول لو  بالحاجه اللي بتاخد عليها مرتب مكنش حصل اللي حصل ده

سيد

لا يا فندم انا مركز في شغلي كويس اوي ومقصرتش في حاجه ومش لازم يكون حد من هنا عمل كده ولو سمحت انتي من دور عيالي وياريت متتكلميش معايا بالطريقه دي علشان انا كبرت في السن ومش مستاهلش الكلام ده

وفي الوقت ده  قربت ميرا منه ووشها كله غضب وكانت عنيها طالعه شرار وبعدها رفعت ايديها وضربته بالقلم جامد وقالت

ميرا

لما تيجي تتكلم مع بنت صاحب الشركه لازم تعرف انت بتكلم مين وتحفظ حدودك كويس اوي من هنا ورايح امشي اطلع برا انت مطرود من الشركه ومش عايزه اشوف وشك هنا تاني

سيد فضل واقف مكانه وعيونه اتملت دموع وهو مش مستوعب اللي حصل قدام الناس وبعدها نزل راسه في الارض ومشي 

وفي بيت عم سيد كانت ياسمين واقفه على كرسي صغير وبتعلق الزينه في السقف وبعدها قرب مروان اخوها وقال ليها 

مروان

بالراحه يا بنتي هتقعي وتكسري دماغك وبعدها هنبقى بدل ما بنحتفل بعيد ميلاد بابا هنروح نلف بيكي على المستشفيات

ياسمين

اسكت بقى يا مروان وخليك في حالك وقولي هو مش المفروض بابا كان ياخد اجازه انهارده احسن يا سيدي ما كناش قلنا له ان عيد ميلاده النهارده كنا طلعنا ليه بأي حجه وخلاص بس كان يرجع بدري او يكون موجود معانا 

مروان

بطلي غباء بقى انتي عارفه ان بابا بيحفظ كل التواريخ اكتر مننا وعارف كويس جدا ان النهارده عيد ميلاده واللي احنا عملناه ده الطبيعي ان نسيبه براحته خالص يرجع وقت ما هو عايز وبعدين خلاص يا ستي كلها اربع ساعات وهيجي عقبال ما تخلصي صينيه المكرونه اللي في الفرن

ياسمين

والله لو ما فرحش النهارده انا هزعل جدا ده الراجل عمره ما طلب مننا حاجه غير اننا نبقى كويسين

وفي الوقت ده الباب اتفتح ودخل سيد و

مروان بصله باستغراب وقرب منه وقال

مروان

ايه ده بابا انت ايه اللي جابك دلوقتي في حاجه ولا ايه

سيد حاول يبتسم بس الابتسامه طلعت مكسوره وقال

سيد

ابدا يا ابني حسيت ان انا تعبان شويه ومش قادر اكمل شغل النهارده فرجعت

ياسمين

حرقت المفاجاه يا بابا الله يسامحك ده النهارده عيد ميلادك واحنا من الصبح بنجهزلك وموتنا نفسنا في البيت

سيد

والله يا ياسمين انا مش قادر اعمل اي حاجه دلوقتي انا محتاج انام بس ومش قادر حتى افتح عيني سيبوني يا ولاد لو سمحت

وبعدها دخل اوضته وقفلت ياسمين الباب وراه وهي باصه عليه باستغراب وبعدها قربت من مروان وقالت بصوت واطي

ياسمين

هو في ايه انا اول مره اشوف بابا بالطريقه دي ده عمره ما كسر بخاطرنا خالص ازاي يعمل كده

مروان

يمكن فعلا تعبان يا ياسمين علي العموم نسيبه يرتاح شويه وبعدها نعمل عيد الميلاد اتصلي بعمتك كوثر وخليها تيجي هي وعيالها

وفعلا بالليل البيت كان كله اتجمع والكل مستني سيد يخرج من اوضته وبعد شويه خرجت ياسمين من عند ابوها ووشها كان متغير

ياسمين

بابا مش موافق نعمل اي حاجه ومش عارفه ماله بالظبط

كوثر

ايه الكلام اللي انتي بتقوليه ده اوعي كده ده ابوكي ده اكيد بيهزر ده انا سايبه بيتي وجايه وفي الاخر يقول مش عايز نعمل حاجه

وبعدها دخلت كوثر الأوضه وهي متعصبه ولسه على وشها ابتسامه خفيفه وقالت 

كوثر 

جرى ايه يا اخويا في ايه بقى انا سايبه اللي ورايا وجايه وفي الاخر انت مش عايز تخرج من الاوضه 

وبعدها شافته بيدمع وقالت ليه

كوثر

ايه ده يا سيد معقوله انت بتنزل دمعه من عينك ده انت عمرك ما عملت كده حتى في أصعب ظروفك وما شفتش دموعك غير يوم موت مراتك الله يرحمها ايه اللي حصل يا اخويا لكل ده

سيد رفع عينيه ليها وكانت مليانه وجع وقال

سيد

انا اتكسرت يا كوثر والله العظيم اتكسرت ومش قادر ابص لنفسي في المرايه وعيله صغيره قد عيالي هي اللي عملت فيا كده وبجد مش عارف اعمل ايه

كوثر

مين دي يا حبيبي اللي عملت فيك كده وانت ما تعرفش اختك هتعمل فيها ايه لو حد زعلك بس قول اسمها وانا هخليها تتمنى الأرض تنشق وتبلعها

سيد

الله يخليكي يا كوثر انا مش عايز مروان يعرف أي حاجه عن اللي حصل علشان انا عارف ابني كويس اوي وعارف إنه مش هيسكت لو عرف

كوثر

طب قول يا حبيبي ايه اللي حصل ما ينفعش تبقى عامل في نفسك كده وتسكتني بالطريقه دي

وساعتها سيد حكى ليها كل اللي حصل من أول ما دخل مكتب ميرا لحد لحظة القلم اللي نزل على وشه قدام الناس كلها وكانت كوثر كل ما تسمع كلمه ملامح وشها تتغير اكتر لحد ما قامت مره واحده من مكانها وهي مزعقه

كوثر

ضربتك بالقلم ده تتكسر ايديها النهارده بسبب اللي هي عملته ده هي مين دي علشان تمد ايديها عليك انت ما تعرفش انا هعمل فيها ايه

سيد

الله يخليكي وطي صوتك انا غلطان اصلا اني قلتلك

كوثر

هو انت كمان ما كنتش عايز تقول لي ده لو ابنك ما فكرش يروح يجيب حقك انا اللي هروح واجيب حقك بنفسي يا مروان تعال ادخل شوف ابوك اللي اتضرب بالقلم

مروان

ايه الكلام الفارغ اللي بتقوليه ده عمتي هو مين ده اللي اتضرب بالقلم

ياسمين

في ايه يا جماعه حد يفهمني ايه اللي حصل

كوثر بصت ليهم وهي متعصبه جدا وحكت كل حاجه حصلت وساعتها وش مروان اتقلب مره واحده وبقت عيونه كلها غضب والنار طالعه منها

مروان

يعني ايه واحده تمد ايديها على ابويا يعني ايه تهينه قدام الناس بالطريقه دي

وكان هيمشي بس سيد قام جري ومسكه من ايده وقال

سيد

لو ليا معزه عندك اوعى تفكر تعمل اللي في دماغك ده ارجوك يا ابني

مروان

مش هسيبها عايشه دقيقه واحده دي انا هدفيها تحت الأرض بسبب اللي عملته فيك

ياسمين قربت منه بسرعه وقالت

ياسمين

مش هينفع الكلام اللي انت عايز تعمله ده بابا انضرب في الشركه اللي كان شغال فيها واحنا نروح نعمل محضر بالكلام اللي حصل ده وبابا هياخد تعويض كبير

مروان

موضوع ايه اللي هيخلص بمحضر انتي عايزاني اسيب كرامة ابويا تروح كده انا مش عايز حاجه غير حق ابويا اوعي كده من وشي

وبعدها خرج وكان رايح على الشركه وفي الوقت ده كانت واقفه ميرا مع خطيبها مصطفى قدام الشركه 

ميرا 

كويس ان انت افتكرت ان في واحده مستنياك بجد ما ينفعش ان انت تعمله فيا  يا مصطفى

مصطفى

انتي عارفه ان انا ورايا شغل كتير اوي الفتره دي يا ميرا طب انتي يا ستي شغاله في شركة باباكي وبتدخلي وتخرجي براحتك لكن انا شغال عند ناس غريبه وما ينفعش وقت ما احب امشي امشي كده بالساهل لازم اخلص كل اللي ورايا الأول

وقبل ما يخلص كلامه كان مروان قرب منهم ووشه كله غضب وقال

مروان

لو سمحت هو كل الناس مشيت من الشركه ولا لسه فيه حد فوق

ميرا بصتله من فوق لتحت باحتقار وقالت

ميرا

وانت عايز مين يعني من الشركه من هنا

مروان

عايز اللي اسمها ميرا سليمانؤ 

ميرا ضحكت بسخريه وبصتله من فوق لتحت وقالت

ميرا

ميرا شكلك كده اتجننت هو انت تعرف ميرا هانم علشان تتكلم بالطريقه دي

انا ميرا

مروان

ابقى فكري ألف مره قبل ما تمدي ايدك على سيد أبو العزم

وبعدها ضربها بالقلم جامد وكانت ميرا مصدومه باللي حصل وبعدها قالت ليه

ميرا

انت اتجننت يا حيوان

مصطفى

انت بتعمل ايه يا مجنون انت مش عارف انت بتتعامل معاه مين 

مروان

ابعد من وشي أحسنلك بدل ما اخلي الدكتور مش لاقي حته سليمه فيك 

وفي الوقت ده الأمن اللي كان موجود في الشركه اخدو مروان في مكتب سليمان الشافعي كان الكل واقف 

سليمان 

هو مش انت ابن سيد برضه انت ازاي تعمل كده في بنتي انا 

ميرا

هو انت لسه هنتكلم يا بابا انا عايزاك تطلب البوليس للحيوان ده دلوقتي ده مد ايده عليا

سليمان

اسكتي

وبعدها بص لمروان وقال

مروان

كان لازم اعمل أكتر من كده يوم ما بنتك فكرت تمد ايدها على ابويا انا كنت هدفيها وهي عايشه لولا إن الناس لحقتني

سليمان

ايه الكلام الغريب ده بنتي لا يمكن تعمل كده أبدا

مروان

قولي لبابا الكلام ده حصل ولا لا

ميرا فضلت باصه في الأرض وسكتت شويه  وسليمان فهم إن فيه حاجه فعلا وبعدها قال 

سليمان

ماشي يا مروان انا عارف باباك غالي عليك قد ايه بس ما كانش ينفع اللي انت عملته ده وكان لازم تاخد حقك بطريقه احسن من كده

مروان

تمام ماشي تعالى اعمل في حضرتك اللي بنتك عملته ونشوف ساعتها هتتحكم بعقلك ولا هتتصرف ازاي

سليمان

لو عايز تمشي اتفضل وانا هيكون ليا كلام تاني مع ميرا

خرج مروان وساعتها ميرا بصت لأبوها بغضب وقالت

ميرا

ايه اللي انت عملته ده ازاي تخليه يمشي واحد جربوع زي ده يمد ايده عليا ويعمل اللي عمله

سليمان

الغلط اللي عملتيه أكبر بكتير من اللي حصلك انتي كان قدامك ترفديه وتطرديه وتغوريه في ستين داهيه لكن تمدي ايدك عليه لا ومش ناقصاني مشاكل انا داخل على انتخابات مجلس شعب وانتي عارفه كمان إن الواد ده محامي

خرجت ميرا من المكتب وهي متعصبه جدا وكانت بتنفخ بغضب وفي الوقت ده كان مروان ماشي ناحية الباب وفجأه وقف قدامه أحمد مدير الحسابات وقال

أحمد

ابن راجل عجبتني والله في اللي انت عملته ده بس عندي ليك خبر بنص مليون جنيه انا جبتلك من الكاميرات كل اللي حصل مع أبوك وتقدر تنزله على النت وساعتها الموضوع هيبقى تريند وتاخد حق أبوك

مروان بصله من فوق لتحت وقال بهدوء

مروان

انا خلاص أخدت حق أبويا وتريند اي اللي انت بتتكلم عنه 

انا مش بتاع الحاجات دي 

وبعدها مشي واحمد قال 

احمد 

تمام طلما مش عايز تاخد حقك انت اخدو انا بقي انا نفسي شركخ الشافعيي تقع وميعرفش يقف علي رجله تاني 

وبعدها دخل مكتبه وروح مروان البيت وكان قاعد مع ابو واخته وكوثر ونهال بنت كوثر وقال علي اللي حصل 

ياسمين 

بجد متعرفش فرحتني ازاي باللي حصل ده 

سيد 

يا ابني ما كانش ليه  زوم للي حصل ده احنا مش ناقصين مشاكل واحنا مش قد سليمان ده حتى لو هو عدى الموضوع دلوقتي بس انا عارف ان هو اكيد هيحطك في دماغه 

مروان 

مش فاهم قصدك يا بابا وانت عارف من امتى ان ابنك بيخاف من اي حاجه انا ما بيهمنيش اي حاجه 

الاب 

ربنا يسترها بقي 

كوثر 

ايه هو احنا هنفضل نتكلم في الحوار ده كتير ولا ايه قوموا يلا علشان خاطر نحتفل بعيد ميلاده بس ابن راجل والله يا مروان بجد فرحتتي اوي باللي عملته ده ربنا يخليك ليا يا ابني ول ابوك 

وبعدها كل ايه وكانت نهال واقفه وقربت من مروان وقالت له 

نهال 

ما تعرفش انا مبهوره بيك ازاي حاسه ان انت كده 

هتكون  راجل معاه مراتك 

مروان 

ربنا يخليك يا نهال واكيد جوزك باذن الله هيكون كده ربنا يكرمك بس وتلاقي ابن الحلال 

نهال 

هو انت ليه مش عايز تحس بيه حرام عليك ما تعرفش انا بحبك ومقدرش استغني عنك ابدا 

مروان 

بقولك اي يا نهال كذه مره اقولك ان انتي بالنسبه ليا اختي مش اكتر من كده ارجوكي بقي شيلي اي تفكير من دماغك ويلا علشان نشوف الناس 

وبعدها كلهم ووافقوا جنب التورته واللي كان فرحان وفين مكتب عند احمد كان بيعمل اكونت فيك وقال 

احمد 

حلو قوي نعمل الاكونت بقى باسم علشان خاطر يتعرف ان هو اللي عمل كده ونشير الفيديو اللذيذ 

وبعدها فعلا شير فديو ميرا وهي بتضرب سيد بالقلم