رواية العهد الفصل الاول
بسم الحق بسم الملك بسم الفتاح بسم الله صاحب التاسع والتسعون اسم نبداء روايتنا
نجع الجارحي وهو نجع في محافظة سوهاج تابع لمركز سوهاج وفي النجع ده ومن سنين كتير كان كبير النجع الجارحي وعشان كده النجع اتسمى باسمه وفي يوم من الايام دخل واحد اسمه الشناوي النجع وراح علي قصر الجارحي باشا وكان معاه عدد من الرجال والنساء وطلب من الجارحي باشا يشغلهم عنده في الارض وكانوا من الحلب ( هذه الكلمه تطلق علي من ليس له اصل ) وبعد عدد من السنين لاحظ الجارحي باشا ان بنات الشناوي بيحاولوا يغووا شباب بيت الجارحي وهنا طردهم وعاشوا علي حتة ارض علي حدود النجع واولاد الجارحي هما فيصل وصبري و فيصل كان الاكبر وكان كبير القعدات العرفيه وله مكانته علي مستوى المحافظه اما صبري فكان عمدة النجع وبعد موت الجارحي باشا كان فيصل هو وريث وله الحكم في كل شئ وتزوج وربنا كرمه بي كريم شاب جامعي متفوق وعلي قدر كبير من الاخلاق والتدين
اما الشناوي فكان له ولد واحد وهو عتريس وكان يكره بيت الجارحي وبعد موت ابوه اختفئ من البلد لمدة عشر سنين ثم عاد وقد غير اسمه إلي عزيز وكان عنده فلوس كتير ما حدش يعرف مصدرها وبدء يجمع كل الي جم مع ابوه زمان عشان يعمل عيله رغم انهم كلهم ما تربطهمش اي صله ببعض ولكن بالفلوس استطاع جمعهم كلهم تحت اسم عائلة الشناوي وبداء في شراء الارض وكان بيشتري باسعار خياليه وعشان ما حدش يحس كان بيخلي اصحاب الارض بعد ما يبعوها ليه هما الي يزرعوها وكان من ضمن اللي انضموا لعزيز واصبحت من عائلة الشناوي بنت صغيره ولكن جميله جدآ اسمها دهب امها ماتت و ابوها مش معروف مين اخذها عزيز وربها وزرع فيها كره بيت الجارحي وكانت من سن كريم فيصل الجارحي ومن هنا هتبداء القصه
عزيز .. دهب
دهب .. نعم يا عمي عزيز بيه
عزيز .. انا ربيتك عشان اليوم ده وجه الوقت نعمل اللي اتفقنا عليه من سنين
دهب .. وانا جاهزه يا عمي بكره اخر يوم في الامتحانات و هطلب من كريم يقابلني عند الساقيه القديمه الي وراء بيتنا
عزيز .. لينا سنين بنخطط عشان اللحظه دي وانا واثق انك هتعمليها
دهب .. من سنين وانا بتقرب لكريم لحد ما خليته يحبني عشان اليوم ده ما تقلقش
عزيز .. عارف انك قدها مفيش في الناحيه كلها في جمالك يا بت يا دهب والجمال ده هو اكبر سلاح هنستخدمه عشان نوصل لهدفنا
دهب .. بس ليه ده كله يا عزيز بيه انت عندك فلوس كتير كريم ده هيفيدنا بايه
عزيز .. الفلوس عمرها ما هتعملنا قيمه في البلد دي اكيد فهمتي
دهب .. بصراحه مش اووي بس مش مهم انا تحت امرك يا عمي عزيز بيه بعد اذنك هروح انام عشان هصحي بدري عشان الامتحان
عزيز .. ماشي يا بنتي خدي الفلوس دي
دهب.. بس دول كتير اووي يا عمي
عزيز .. مفيش حاجه تكتر عليكي يا دهب و بص علي محروس الخفير بتاعه يا محروس وصل دهب لباب القصر
محروس .. امرك يا عزيز بيه وطلع معاها لحد الباب ورجع وقف جنب عزيز بيه
عزيز .. بص لمحروس اتكلم يا محروس عارفك عايز تتكلم
محروس .. انا تحت امرك يا عزيز بيه ولحم اكتافي من خيرك بس انا مش فاهم انت بتعمل كده ليه من سنين وانت بتصرف علي دهب ورغم انها يا دوب من العيله لكن قربتها منك اكتر من الازم عشان بس توصل لي كريم انت قادر بفلوسك تجيب ملكات جمال وتقدر برده تمحي كريم من الوجود
عزيز .. بكره بعد ما يحصل المراد هفهمك يا محروس
محروس .. تحت امرك يا جناب بعد اذنك وبيطلع بره
عزيز .. بياخد نفس وبيقول بصوت مسموع اخيرآ هنتقم منك يا فيصل وبكره هوصل لهدفي وابنك هيكون تحت سيطرتي
.. فيصل قاعد في دوار العيله وكريم معاه وكبارات بيت الجارحي كلهم حوليهم ..
حجاج غفير فيصل بيه .. بيدخل يا جناب البيه
فيصل .. خير يا حجاج
حجاج .. في واحد من اهل البلد جاي عنده شكوى
فيصل .. خليه يدخل علي طول يا حجاج
رفعت .. السلام عليكم
الكل .. وعليكم السلام ورحمة الله وبركاته
فيصل .. اتفضل ارتاح يا يا حاج رفعت
رفعت .. ربنا يريح قلبك يا فيصل بيه انا مش هعطلك
فيصل .. ايه اللي بتقوله ده يا راجل يا طيب انا تحت امرك الشاي يا حجاج
حجاج .. جاهز يا فيصل بيه اتفضل يا حاج رفعت
رفعت .. شكرا يا ابني يا فيصل بيه انا بستنجد بيك اللي اسمه عزيز الشناوي عايز يا خد ارضي بالقوه وانا راجل ما ليش في المشاكل هو عشان الارض الي اشتراها قبل ارضي عايز يقطع المياه عن ارضي وانا مش عارف اخد معاه حق ولا باطل ليا سنين في المحاكم ومفيش فايده واول ما كل الطرق اتقفلت قدامي مالقتش قدامي غيرك
فيصل .. حجاج
حجاج .. نعم يا فيصل بيه
فيصل .. تروح تجيب عتريس اللي غير اسمه وخلاه عزيز من البيت الي كاتب عليه قصر وبسرعه تكونوا هنا
حجاج .. امرك يا فيصل بيه وبيطلع حجاج وبيركب العربيه وبيطلع علي عزيز وبيوصل الفيلا
محروس .. بيطلع خير يا حجاج
حجاج .. قول لعتريس يجي بسرعه فيصل بيه عايزه
محروس .. اسمه عزيز بيه
حجاج .. نزل من العربيه انت سمعت قولتلك ايه يا محروس اتحرك بسرعه جناب فيصل بيه مستني وما تخلنيش اولع فيك وفي الي بتقوله عليه قصر ده
محروس .. بيدخل علي عزيز ووشه كله غضب
عزيز .. خير يا قدم الشوم مالك داخل وشايل طاجن ستك
محروس .. حجاج خفير فيصل بيه بيقول البيه عايزك في الدوار
عزيز .. مش بتجيب غير الاخبار الشينه روح خليه يجي اشوف سيده عايز ايه
محروس .. حاضر جنابك ويطلع ويطلب من حجاج يدخل
حجاج .. بيدخل وهو بيبص حواليه علي البيت وهو قرفان وبيبص لعزيز من فوق لتحت
عزيز .. خير سيدك عايز ايه
حجاج .. سيدي وسيدك وسيد البلد كلها عايزك في الدوار دلوقتى يا عتريس
عزيز .. بيقوم من مكانه وهو متعصب انت بتقول ايه
حجاج .. اللي سمعته يا عتريس و مفيش وقت عشان ناخد وندي
عزيز .. ليك كبير يترد عليه يلا جهز العربيه يا محروس
محروس .. امرك يا عزيز بيه
حجاج .. اوامر فيصل بيه انك تجي معايا يلا
عزيز .. والغضب ظاهر عليه محروس هات العربيه وحصلني وبيطلع وبيركب مع حجاج
حجاج .. بيوصل يلا انزل
عزيز .. اول ما بينزل و بيشوف الدوار يفتكر لما كان شغال خدام عند بيت الجارحي والخوف بيظهر علي وشه وفى كل خطوه دقات قلبه بتزيد وبيفتكر اول مره يدخل فيها البلد وهو صغير مع ابوه وجده الشناوي وهما داخلين نفس المندره عشان يترجو كبير البلد الجارحي عشان يشغلهم عنده في الارض وهو لسا بيفكر لقي نفسه قدام فيصل بيه وبصوت مخنوق السلام عليكم
الكل .. وعليكم السلام ورحمة الله وبركاته
عزيز .. بيقعد خير يا فيصل بيه بعتلي ليه
فيصل .. بعصبيه مين اذنلك تقعد قوم فذ
عزيز .. بيقوم مفزوع وبيبلع ريقه بالعافيه انت جايبني عشان تهيني يا فيصل بيه
كريم .. من امتي شوفت حد ظالم دخل وقعد قدام كبير بيت الجارحي
عزيز .. وانا ظلمت مين يا استاذ كريم
كريم .. بص لفيصل بيه عشان ياخد الاذن بالكلام
فيصل .. هز راسه بالموافقه
كريم .. انت ليه مانع المياه عن ارض عم رفعت
عزيز .. دي حكايه بيني وبينه ومستنين حكم المحكمه فيها
كريم .. بعصبيه انت هتنسى نفسك يا عتريس لما اكلمك ترد زي البشر وإلا هنسي سنك و هتعامل معاك بالطريقه الي انت بتحبها
حجاج .. بيقرب من عزيز
عزيز .. حاضر يا كريم بيه
كريم .. من بكره مش هتمنع المياه عن ارض جارك ولو جت شكوى منك تاني هتكون نهايتك فاهم
عزيز .. وهو بيكتم غضبه مفهوم يا كريم بيه
كريم .. بعد اذنك يا ابوي وبعد اذن عمي العمده صبري تعالي امضي علي تعهد بعدم منع المياه عن ارض عم الحاج رفعت
عزيز .. بيقرب وهو جواه غضب مع خوف اول مره من سنين يدخل الدوار بعد ما بقي عزيز بيه وبيمضي علي الورق وبيطلع وهو مش بيفكر غير في الانتقام منهم
صبري .. فعلآ ذاك الشبل من ذاك الاسد كبرت يا كريم يا ولدي وبقيت نسخه من ابوك
كريم .. تسلم يا عمي العمده انا بستمد قوتي منكم والي اسمه عتريس او عزيز ده انسان قذر ولازم يوقف عند حده
فيصل .. فعلآ وحكاية الارض الي بيشتريها فب السر من سنين مش مريحاني والفلوس الكتيره الي معاه دي جابها من فين بعد ما اختفي من البلد عشر سنين ورجع غير اسمه وبناء البيت وكتب عليه قصر عزيز بيه بيعمل كل حاجه عشان يغير التاريخ لكن طول ما احنا موجودين التاريخ هيفضل زي ما هو وانا ومن بعدي انتو هتفضلوا علي العهــــــــــــد
كريم .. من وانا صغير وبسمع عن العهــــــــــــد ممكن اعرف ايه هو
فيصل .. العهــــــــــــد .....
