رواية العهد الفصل الثاني
كريم .. انا طول عمري بسمع عن العهــــــــــــــــــــــد اللي بين كبارات العيله وبين جدي الجارحي الله يرحمه لكن معرفش ايه هو
فيصل .. جه الوقت انك تعرف انت وشباب العيله يا كريم
.. الكل مستني يعرف ايه العهــــــــــــــــــــــد وكل واحد في عقله حاجه مختلفه لكن ما حدش فيهم اتوقع ان العهــــــــــــــــــــــد ده حاجه سهله خالص في ظاهرها لكن في اعماقها صعبه اووي خصوصآ بعد ما عزيز وبكل قوته وفلوسه عايز يمحي التاريخ ..
فيصل .. بيكمل كلامه زمان وانا في سنك يا كريم كان بنات الشناوي بيعمله المستحيل عشان يوقعه حد فينا انا او عمك صبري ووقتها كنا شباب و مفيش خبره وحبيت وحده منهم ورحت لابويه اقوله عشان اتقدم لها لكن وقتها (رجع بالزمن وتخيل المشهد )
الجارحي .. انت اتجنت يا فيصل ايه اللي بتقوله ده
فيصل .. ليه يا بوي انا عايز اتجوز علي سنة الله ورسوله
الجارحي .. مفيش مشكله اجبلك بنت الملك نفسه لو عايزها لكن عايز علي اخر الزمن تجيب وحده من الحلب لا نعرف اصلها ولا فصلها ودخلها القصر لا انت فعلآ اتجننت
فيصل .. الفقر مش عيب يا بوي وانا بحبها وهي كمان
الجارحي .. يا فيصل عمري ما وزنت الناس بغناهم ولا فقرهم الغناء غني النفسي يا فيصل في فرق كبيره بين غني الفلوس وغني النفوس انا لو اعرف اصلها وفصلها عمري ما هقف قدام سعادتك لكن دول بنات منعرفش مين ابوهم أصلا جوم مع الشناوي زمان ودي كانت غلطتي اني سمحتلهم يعيشوا في البلد بس خلاص النهارده هيكون اخر يوم ليهم هنا
فيصل .. يا بوي ارجوك انا عمري ما رفضت لك طلب لكن انا بحبها ومش هقدر ابعد عنها مهما حصل وكمان وعدتها بالجواز وانا عمري ما رجعت في كلامي
الجارحي .. انت اكيد اتجننت لو فضلت ماشي وراء الكلبه دي لا انت ابني ولا اعرفك وانا هحرقهم وهما عايشين
فيصل .. سامحني يا بوي بس انا خلاص اخدت قراري ومهما حصل مستحيل ارجع فيه وطلعت من القصر وانا خارج قبلني صبري
صبري .. كنت داخل القصر لقيت فيصل خارج ووشه متغير ندهت عليه ماردش عليا ولسا هجري وراه سمعت صوت حاجه وقعت جوه القصر دخلت جري لقيت ابويا مرمي علي الارض جريت عليه وحضنته مالك يا بوي حصل ايه
الجارحي .. بيتكلم بالعافيه الحق اخوك الكبير يا صبري الغجريه غوته وهتاخده في سكت اللي يروح ما يرجعش الحقه قبل ما توقع الفاس في الراس واحفاد الجارحي يبقو من وحده غجريه ومعدومين الاصل وده هيكون نهاية العيله
صبري .. هجبلك الدكتور الاول
الجارحي .. مفيش وقت يا ولدي انا بخيرالحق بسرعه اخوك
الغفر دخله علي صوتنا الي كان عالي واول ما شوفتهم امرتهم يأخذه ابويا علي اوضته ويبعته يجيبه الدكتور وطلعت بسرعه اجري لكن كان فص ملح و داب جريت علي الاستبل وركبت الفرس بتاعي وطلعت علي خيم الغجر اللي هما بيت الشناوي وانا مش فاهم فيصل ازاي يعمل كده ووصلت هناك ولقيت فيصل ماسك ايدها و خارجين بره النجع ندهت عليه وبتحرك لقيت رجالة عتريس ابن الشناوي واقف قدامي هو وكام راجل و بيمنعوني ضربته برجلي ووقع علي الارض ولقيت الرجاله اللي معاه مسكوني ووقعوني من علي الحصان وقتها بس فهمت ان كل ده من تخطيطهم ونزلت ضرب فيهم و تكاتره عليا
فيصل .. اول ما سبت القصر طلعت علي خيم الغجر وقلت لهم ابويا مش موافق وانا هاخدها وامشي بره البلد لقيتهم وافقوا و لحظه ماكنا ماشين سوا سمعت صوت صبري بينده ببص لقيت عتريس والرجاله اللي معاه وقعوه من علي الفرسه اتجننت ورجعت وهي حاولت تمنعني لكن ده اخويا مين الكلاب دول عشان يتجراءه عليه ونزلت ضرب فيهم وطلعت المسدس من جيبي عشان اضرب عتريس لكن الشناوي رمى نفسه قدام الرصاصه ووقع علي الارض وكلهم شالوه ودخلوا الخيمه وانا كنت واقف مزهول من الي حصل
صبري .. فيصل فوق يلا بينا ابوك تعبان في القصر
فيصل .. ابويا انت بتقول ايه ووقع المسدس من ايدي وركبت الفرسه و جريت علي القصر وانا حاسس اني انا السبب في كل اللي حصل
صبري .. بعد ما المسدس وقع من ايد فيصل واخد الفرسه ومشي اخدت المسدس ودخلت الخيمه عليهم وانا عايز اقتلهم كلهم انت يا كلب منك ليه قبل ما الليل يليل مش عايز اشوف كلب منكم في النجع فاهمين
عتريس .. اخوك ضرب ابويا بالنار وبدل ما تجيب دكتور جاي تطردنا من ارضنا
صبري .. ارضكم من امتي وكان ليكم ارض اما ابوك الطلقه جات في كتفه وهو زي القرد والي عندي قولته وإلا الموت هيكون مصيركم وطلعت من الخيمه ورجعت علي القصر
فيصل .. كنت زي المجنون وطلعت جري علي غرفة ابويا وكان الدكتور عنده وترميت جنب السرير ومسكت ايده وفضلت ابوسها واطلب منه السماح
الجارحي .. سبوني مع ابني
الدكتور .. انت تعبان يا جارحي باشا ولازم تستريح
الجارحي .. انا بخير يا دكتور سيبني دلوقت
الدكتور .. تحت امرك يا باشا وبيطلع هو والغفر
الجارحي .. بيحط ايده علي خد فيصل الحمد لله انك رجعت يا ابني
فيصل .. انا السبب في كل ده
الجارحي .. اللي حصل حصل المهم انك رجعت يا ولدي انت وصبري نور عيني وعايز اشوفكم مبسوطين وسعداء وانا قولت لك انت دلوقتى مش حاسس غير بي انك بتحبها وبس بكره لما تتجوزها وتخلف منها وتلاقي عيالك واحفادي وخدين طبع الغجر لا عندهم كرامه ولا نخوه هتندم ووقتها مش هينفع الندم
صبري .. دخلت لقيت فيصل ماسك ايد ابويا و ابويه بيكلمه قربت منه من الناحيه التانيه و مسكت ايده و بستها
الجارحي .. انتو الاتنين هتكونوا سند لبعض صبري
صبري .. ايوه يا بوي
الجارحي .. هتمسك العمديه وهتكون جبل في ظهر اخوك
صبري .. تحت امرك يا بوي
الجارحي .. فيصل
فيصل .. ايوه يا بوي
الجارحي .. هتكون مكاني في القعدات العرفيه وتمسك كل املاكي و وصيتي ليك اوعى تظلم حد مهما كان و اوعي تيجي علي فقير اكل مال الناس كناس يا ولدي
فيصل .. حاضر يا بوي انا هعمل كل اللي انت عايزه بس ارتاح
الجارحي .. مش هرتاح غير لما تعاهدني انت وخوك
..الاتنين في وقت واحد نعاهدك علي ايه ..
الجارحي .. انتو ومن بعدكم احفادي واحفادهم اوعو توقعه في فخ الغجر دول عهدوني
فيصل .. بس انا قتلت الشناوي
الجارحي .. بتقول ايه كله إلا نقطة الدم يا فيصل قوموني لازم اتصرف
صبري .. ارتاح يا بوي الشناوي زي القرد الطلقه جات في كتفه
فيصل .. يعني لسا عايش
صبري .. ايوه يا فيصل وانا امرتهم قبل غروب الشمس يسيبه النجع
الجارحي .. الحمد لله يلا عهدوني
..الاتنين نعاهدك يا بوي والعهد قسم وخيانته الهلاك..
الجارحي .. انا كده ارتحت ربنا يحميكم و يقويكم علي اللي جاي
الشناوي .. اول ما صبري امر اننا نسيب البلد خليت عتريس يساعدني وجينه القصر وفضلت اصرخ
الجارحي .. مش ده صوت الشناوي
فيصل .. ايوه يا بوي
الجارحي .. بيقوم
صبري .. انت تعبان يا بوي
الجارحي .. لازم اشوف المكار ده عايز ايه ونزل واولاده معاه
الشناوي .. اترمى تحت رجلي يا جارحي. باشا ولادك واحد ضربني بالنار والتاني عايز يطردني من البلد وجيت طمعان في عدلك
الجارحي .. عشان دمك الي نزل بسبب ولدي هسيبك تعيش في فدان الارض الي علي حدود النجع انت والكلاب اللي معاك بس لو كلبه قربت من ولادي او من احفادي هيكون مصيركم الموت فاهم يا شناوي
الشناوي .. بيبوس رجله فاهم يا جناب الباشاا وطي يا عتريس بوس رجل الجارحي باشا
عتريس .. بيقرب وبينزل علي الارض عشان يبوس رجل الجارحي باشا
الجارحي .. بيضربه برجله يلا غوره من قدامي مش عايز اشوفكم جوه البلد تاني مفهوم
عتريس .. وهو مرمي علي الارض حاضر يا جناب الباشا وبيقوم ابوه وبياخده وبيمشي
فيصل .. ومن وقتها انا وعمك وكل بيت الجارحي علي العهــــــــــــــــــــــد جدك ولحد اخر يوم في عمرنا ومن بعدنا انتو
دهب .. بترن علي كريم
كريم .. بيطلع التليفون واول ما بيشوف اسمها بيرتبك بعد اذنك يا بوي انت عارف ان بكره اخر يوم في الامتحانات
فيصل .. ماشي يا ولدي وربنا يوفقك
كريم .. بيطلع من الدوار وبيفتح علي دهب الو
