رواية اميرة الزين الفصل الاول
بسم الله الرحمن الرحيم
في حي المقطم، حيث الهدوء والراحة والرقي، تسكن بطلتنا اميره مع والدها في فيلا. الاميره الساعه الان الثانيه ظهرا، تعالو معي لنصعد الي جناح بطلتنا اميره لندخل عليها، فهيا الان ناءمه والنجاح مبعثر، لنجد أن ملابسها علي الارض وأكياس الشيبسي والشيوكلاته، حتي زجاجات المياه الغازيه تفترش الأرض.
لتدخل عليها داده ناديه.
الداده: اميره يا اميره اصحي يا بنتي، الساعه ٢ هتقومي أمته.
اميره: بنعاس سيبيني شويه يا داده.
ناديه: يا حبيبتي كتر النوم ده غلط عليكي، قومي غيري ريقك بحاجة.
اميره: اوف بقا هو ايه ده، انا عايزه انام.
ناديه: بذمتك ده منظر ولا شكل جناح بنوته زي القمر كده، وبعدين قولنا الف مره بلاش كتر الحاجات ديه هتسد نفسك عن الأكل.
اميره: وبعدين بقا ف موشح كل يوم ده، روحي يا داده وتعالي بعد ساعه.
ناديه: امري لله، بس مترجعيش تعيطي لما الامتحان يفوتك.
اميره: بخضه امتحان ايه الداده.
ناديه: امتحانك يا حبيبتي الساعه ٤، يعني يادوبك تجهزي وتفطري وتروحي جامعتك، نفسي اشوفك متخرجه قبل ما اموت.
لتهب اميره من علي فراشها بسرعه.
اميره: يا داده شوفيلي اي طقم البسه وانا هااخد شاور.
الداده: ماكنا نمنا بدري عشان نلحق وقتنا، لكن لاء لازم نروح علي الحركرك.
اميره: بطلي رغي يا داده هتعطليني كده.
ناديه: اه انا اللي بعطلك، خشي خدي شاورك وانا هنقيلك طقم ينفع لطالبه مش واحده رايحه حفله.
اميره: داده.
ناديه: خلاص انتي حره، انا هنزل احضرلك الفطار احسن.
لتتركها الداده وتنزل، لتاءخذ اميره حمامها، ثم ترتدي بنطالا من الجلد الأسود ولكنه ضيق جد، ثم ترتدي بادي كات ابيض اللون، وتضع علي وجهها مساحيق كثيره، ثم تمشط شعرها الأسود الحالك الطويل جدا الي ديل حصان، وترتدي أيضا هيلزا عاليا، ثم تاءخذ اشياؤها وتنزل لتجد والدها يجلس في بهو الفيلا يحتسي القهوه وهو يقرء روايه بوليسيه.
لتقبله اميره من خده.
اميره: صباح الخير يا بابي.
محمد: صباح النور يا قلب بابي.
اميره: داده فين الفطار، عندي امتحان هتاءخروني.
محمد: ذاكرتي كويس.
اميره: طبعا.
محمد: يارب بقا ننجح السنه ديه.
اميره: إنشاءالله، بس قولي ايه الشياكه ديه.
محمد: طول عمرك بكاشه.
اميره: لاء انا مخصماك يا بابي.
محمد: ليه يا قلب بابي.
اميره: عشان مجبتليش العربيه الجديده، يعني هما اصحابي احسن مني.
محمد: وانا مقدرش علي زعلك، عربيتك الجديده واقفه برا زي ما طلبتي بالظبط، ولونها جنان هيعجبك.
اميره: بفرحه بجد يا ميدو، احلي بابي ف الدنيا.
لتخرج ناديه من المطبخ حامله طعام الإفطار، لتنظر الي اميره.
ناديه: ايه اللي انتي لابساه ده، البنطلون ضيق اوي والبادي كات مبين جسمك.
اميره: عاجبني، خليكي ف حالك.
ناديه: شاهد عليها يا بيه.
محمد: يا ستي خليها تعيشلها يومين، ياله انتي يا ميرو عشان متتاءخريش.
لتقبله اميره.
اميره: باي يا بابي.
محمد: استني الفطار.
اميره: مش مهم، هبقا افطر قبل الامتحان، وكمان اصل عندنا معيد شاطر اوي يا بابي هيراجعلنا قبل الامتحان، أصله ممتاز وقمر كده.
محمد: هاه بتقولي ايه.
اميره: بلعثمه ولا حاجه، باي بقا.
محمد: خلي بالك من نفسك وسوقي براحه وبلاش جنان.
اميره: طاب ده انا بسوق زي السلحفه.
محمد: اه ما انا عارف.
اميره: حاجه تاني.
محمد: لاء.
لتتركهم اميره وتخرج لتري سيارتها الجديدة.
اميره: واو تحفه، هتبقا احلي من عربيه سوزي وعربيه لولو كمان. اروبه انته يا بابي، جايبلي سلسلة مفاتيح دهب وسايبهالي ف العربيه. اروح بقا الجامعه، يسري وحشني اوي، انا هتصل بيه.
لتتصل اميره علي يسري.
اميره: معيد قلبي، أخباره ايه.
يسري: بتمثيل الزعل كويس.
اميره: لاء، صوتك زعلان مالك يا قلبي.
يسري: صدقيني مافيش.
اميره: طاب يارب اموت لو مقولتليش مالك.
يسري: بتمثيل الخضه اخص عليكي، اوعي تقولي كده تاني، الف بعد الشر عليكي، ده انا كنت اموت وراكي.
اميره: طاب قول بقا.
يسري: بصراحه انا محرج منك، اصل امي هتعمل عمليه كبيره وتكلفتها عاليه اوي، وانا مش معايا ولا حتي ربع المبلغ.
اميره: عمليه ايه ديه.
يسري: عمليه ف الكلي، والمشكلة اني لقيت متبرع بس هياخد ربع مليون، والعمليه هتتكلف زيهم.
ثم يمثل البكاء.
يسري: وانا مش عارف اجيب منين، وامي بين الحياه والموت.
اميره: الف سلامه عليها، أنا هحولك المبلغ.
يسري: وهو يرقص لاء طبعا، مستحيل اخد منك فلوس، انا هتصرف. استني يا اميره، خليكي معايا، المتبرع بيكلمني.
اميره: دخلني معاكم.
يسري: بتمثيل حاضر. ايوه يا استاذ خميس.
خميس: ايه يا استاذ يسري.
خميس: يعني بعد ما خليتني عملت كل التحاليل وطلعت تمام، ارن عليك متردش.
يسري: اصل الصراحه المبلغ مش جاهز.
خميس: علي العموم براحتك.
اميره: استنا حضرتك، المبلغ هيكون عندك النهارده.
خميس: ايه يا استاذ يسري.
يسري: امري لله.
خميس: متتاءخرش عليا.
اميره: لاء، النهارده هيكونو عندك.
يسري: خلاص اطمنت، اقفل بقا.
خميس: سلام.
يسري: ليه كده بس يا اميره، انا المفروض اديكي مش اخد منك.
اميره: وهو في فرق بينا، أنا بجولك المبلغ اهو هحولك مبلغ المتبرع، وبليل هحولك فلوس المستشفى عشان الإنستا مش هيحول المبلغ كامل.
يسري: ربنا يخليكي ليا يا قلبى، واقدر اسددلك كل جنيه اخدته منك.
اميره: طاب سلام عشان وصلت الجامعه، انته فين.
يسري: انا شايفك اهو، ايه العربيه الجامده ديه، ديه تسوالها كام مليون.
اميره: عجبتك.
يسري: اوي اوي، بس طبعا انتي اللي مخلياها حلوه.
اميره: طاب تعالي نلف شويه بالعربيه الجديدة.
يسري: بعد الامتحان عشان ميرو حبيبتي تنجح وتبقا اشطر بنوته.
اميره: حبيبي انته يا يويو.
يسري: طاب ياله يا شاطره ادخلي، وعايزك تركزي كده.
اميره: اوك.
لتدخل اميره المدرج لتجد سوزي ولولو صديقتيها يجلسان ف انتظارها.
سوزي: اتاءخرتي ليه كده.
اميره: عشان كنت بجرب العربيه الجديده.
لولو: واو، يبقا نخرج نتفسح بيها بعد الامتحان.
اميره: لاء خليها بليل، هنروح الديسكو مع بعض.
سوزي: خلاص نتفق مع الشله ونروح كلنا.
اميره: اوك، ونسهر للفجر، وعلي حسابي كمان.
لولو: طاب ايه رءيكم نطلع دهب.
اميره: واو، انا موافقه.
سوزي: وانا كمان، وكل واحده فينا تجيب الاكس ونعمل جروب.
اميره: انا هجيب يويو معايا.
سوزي: وانا كمان هجيب رامي.
لولو: تجيب هيثم.
اميره: ونقضي اجمل وقت، بس هنرجع أمته.
لولو: يومين ونرجع.
اميره: مش عارفه بابي هيقولك ايه.
سوزي: وهو انكل بيرفضلك طلب، ده حتي عايش عشانك.
سوزي: يا بختك.
اميره: بقولكم ايه، متيجو نفكس للامتحان ده، اصلي ما اخدتش الايس كوفي بتاعي ومودي مش حلو.
سوزي: الصراحه وانا كمان، وانتي يا لولو.
لولو: وانا زيكم.
الثلاثي: الفاشل.
اميره: ياله بينا يا فشله.
اما في صعيد مصر، حيث نقاء الجو وراءحه الزرع الجميل وصوت خرير مياه النيل، ها نحن قد وصلنا الى نجع الخطاب، وتحديدا في قصر الحج محمود الخطاب، نجد أن الجميع مجتمعون في غرفه السفره يتناولون وجبه الغداء.
الحج محمود: ايه يا زين يا ولدي، اخبار الأرض الجبليه ايه.
زين: خلاص يا أبا، الحمدلله خلصنا حرت وساوينا الأرض وكله تمام.
محمود: وانتي يا نورا، اخبار الجامعه ايه.
نورا: تمام يا حج، كله تمام بفضل الله.
الام حليمه: انا عارفه علام ايه اللي بتتعلمه البنته ديتي، ومن ميته ريناه البت ملهاش غير بيت ابوها، ومنه علي بيت جوزها، ومنه علي الجبر، طول عمرنا منعرفوش غير كديه، بلا جلع ماسخ وجله جيمه.
زين: له يا اما، خيتي زينه البنته واعجلهم، ومحدش يجدر يجول عليها نص كلمه، وبعدين الزمن اتغير والناس اتمدنت.
حليمه: خيبتي ف عيالي التنين، واحد مراضيش يتجوز لما عجز وشعره شاب، والتانيه جال هتبجا تفكر لما تخلص علام، يا مرك يا حليمه هتموتوني جبل اواني.
ليتحدث إليها محمود بصوت عالي.
محمود: كفاياكي عديد، ماله ولدك، الله اكبر عليه، زينه شباب الصعيد كله تتمني العين تنضره، اسد وواجف يحمي حالنا ومالنا، ولا فيش ف الدنيا كله زييه، كبر اراضينا وكتر مالنا، البشمهندس زين الخطاب علي سن ورمح، ولا بتك اجمل البنته وأحلاهم، الله اكبر عليها، ناجحه ومتفوجه وبكره تبجا دكتوره ف الجامعه كد الدنيا، واحده غيرك تفرح وتزغرت.
حليمه: انا عايزه اشوف احفادي يا ناس.
زين: ريحي نفسك يا اما، ولا أنا ولا خيتي هنتجوزو من ولاد خيك.
حليمه: ليه يا ولدي، مش كد المجام.
زين: له، بس الجلب وما يريد.
حليمه: وانته جلبك هيريد مين احسن من بت خالك، وانتي يا حلوه جلبك متعلج بمين.
لتتحدث نورا وفمها مملوء بالطعام.
نورا: جلبي مشغول بالعلم يا اما.
حليمه: طيب بكره تجيبلنا واد بجصه وتجولي عايزه اتجوزه يا اما، وانته يا زين ياتري يا ولدي عاشجلك غازيه ولا مغنواتيه.
زين: استغفر الله العظيم، انا بردك بتاع الكلام ديتي يا اما.
حليمه: امال يعني مراضيش تتجوز ليه، اوعا تكون معيوب يا ولدي.
محمود: اخرسي، جطع لسانك، وليه ملجيتش حد يربيها، كيف تجولي علي ولدك كديه، خليتي ايه للغريب عاد.
حليمه: جولت ايه انا.
محمود: دخلك ايه انتي، يتجوز ولا يترهبن.
حليمه: ببكاء انا خايفه علي ولدي، لا تاجي واحده تاخد منينا ويبعد زي ما محمد خيك عمل.
نورا: ايه ده يا أبا، انته ليك اخو.
محمود: اه يا بتي، عمك محمد الخطاب، وعنديه بنيه وحيده اسميها اميره.
حليمه: هو انته بتحددت معاه يعني، نجضت عهدك مع المرحوم ابوك.
محمود: له، مبتكلمش، بس بعرف أخباره كم من بعيد. ايه يا زين، سكت مره واحده يعني، وين هاه.
زين: له يا أبا، مافيش، بس مصدع شويه، الحمدلله انا شبعت، هطلع اخد مسكن وانام، محدش يصحيني، سيبوني اجوم لحالي.
محمود: شوفتي كلامك الماسخ اهو، نفسه اتسدت عن الوكل.
حليمه: يعني جزاتي اني عايزه افرح بيه هو وخيته.
محمود: كل واحد حر ف حياته، ملكيش صالح.
نورا: الا جولي صح يا أبا، احنا عمرنا ما شوفنا عمي، ولا حتي جيه هنيه، ولا حتي احنا زورناه.
محمود: ده موضوع كبير يا بتي.
نورا: موضوع ايه اللي يخلي عم ميعرفش عيال اخوه، ولا هما يعرفوه.
حليمه: عمك محمد طلع من طوع جدك الله يرحمه، واتجوز واحده غير اللي جدك كان خاطبهاله. اصل جدك خطبله بت صاحبه، لكن عمك فاتها واتجوز خديجه، أصلها كانت معاه ف الجامعه وكانت جميله جوي. جام جدك لما عرف حرم عليه دخول الصعيد، وان عمك كماني مياخدش عزا ابوه.
نورا: للدرجه ديه.
محمود: جدك كان صعب جوي يا بتي، ومحدش كان يجدر يوجف جصاده، حتي جدتك ماتت بحسرتها علي فراج عمك.
نورا: بس هو كده معملش حاجه عفشه، هو اتجوز علي سنه الله ورسوله.
محمود: ف شرع المرحوم جدك يبجا حرام.
