رواية عشق الاسر الفصل العشرون
فارس باستغراب وهو يدخل الغرفة في المساء ليراها تجلس وهي تبكي: مالك يا حور
تجيبه حور بدموع وهي ترتمي في حضنه: أسر ضربني
ليقول فارس بصدمة وهو يبعدها عنه قليلا: ضربك إزاي
لتجيبه حور بشهقات بكاء: ضربني وشتمني كمان
ليقول فارس بشك وهو يحاول فهم الحقيقة: هو ضربك ولا شتمك
لتجيبه حور بتوتر وارتباك: الاتنين
ليقول فارس بغضب وهو يسحبها للخارج تجاه أسر والشباب: أنت مين سمحلك إنك تمد إيدك على حور إيه أنت اتجننت
ليقول أسر بجمود واستغراب شديد: مين دي اللي ضربتها
لتقول حور باحتجاج ودموع: أنت مش زعقتلي
ليقول أسر ببرود: وأنا كده ضربتك
لتجيبه حور بإصرار: أيوه
ليقول أركان بمزاح وهو يضمها إليه: معلش يا حبيبتي واحد معندهوش دم مش بيعرف يتعامل مع اللي زيك علشان متعود على يارا
لتقول حور بشهقة طفولية: والله يا أركان ما عملت أي حاجة
ليجيبها أركان باستفزاز وهو ينظر لأسر: عارف يا قلب أركان معلش يا روحي
ليقول أسر بغيرة وغضب وهو يسحبها من يد أركان: مين كده اللي ضربك
لتقول حور بخوف وهي تتحامى في الشباب: بص اهو عايز يضربني قدامكم
ليقول حاتم بهدوء وهو يبعد أسر عنها ويمسح دموعها: في إيه يا عم مفيش حد مالي عينيك سيبك منه يا قمر
لتجيبه حور بتمثيل المظلومية: أنا مش بعمل حاجة هو بيعمل معايا كده ليه
لتقول حور بدموع وهي تنظر لفارس: خلاص أنا مش عايزة إنك تتجوز يارا بس كده ولو اتجوزتها مش هكلمك تاني
لتقول ليان بحزن وهي تلحق بحور للأعلى: وأنا كمان مع حور
ليقول فارس بذهول وصدمة: هو إيه اللي حصل
ليجيبه أركان بضحك: اخواتك مش عاوزينك تتجوز يارا علشان أخوها
ليقول فارس بضيق: وأنا مالي أنت السبب يا أسر
ليقول أسر ببرود: أنا السبب في إيه يا عم ده اخواتك مجانين
لتقول يارا بمرح وهي تحاول تلطيف الجو: سيبك منهم
يا فارس هم كده كده عمات حاربي
ليجيبها فارس بغيظ: أنا اخواتي حاربي يا يارا
لتقول يارا بتأكيد: أيوه أنت مش شايف بيعملوا إيه من الأول علشان لما آجي اقول اخواتك اعمل أي حاجة تصدقني على طول
ليجيبها فارس بملل: بس يا يارا يا حبيبتي أنا مش ناقص كفاية المجانين التانيين
لتقول يارا بتمثيل الزعل: تصدق أنا غلطانة أنا هروح لحور وليان أشكيلهم منك يا مفتري
يارا بصدمة وهي تفتح باب الغرفة وترى ليان تضم حور: أنا بحلم صح
لتقول ليان بحدة: اخرسي يا كلبة يا خطافة الرجالة بقى كده يا يارا تاخدي الولد من وسط اخواته
لتقول حور بتمرد: خلاص أنا مليش غيرك يا ليان اختي.. أما بتاع يارا دي أنا مليش دعوة بيه
ليقول فارس بابتسامة وهو يدخل خلف يارا: كده يا حور
لتجيبه حور بعناد: أيوه وخليك مع يارا يا بتاع يارا يارب تنفعك
يارا بدلع وهي تمسك يد فارس لتغيظ حور: هنفع يا اختي ملكيش دعوة أنتي بحبيبي
لتقول حور بصراخ وغيرة: لا يا حبيبتي ده اخويا أنا وأنتي ملكيش دعوة بيه يا حيوانة
ليقول فارس بهدوء: خلاص بقى يا بنات كبروا عيب كده
لتجيبه حور بطفولية وهي تضم فارس بقوة: قولها إنك اخويا أنا وهي ملهاش دعوة بيك وكمان مش هتتجوزها
لتقول يارا بغيظ: آه يا عقربة بقى بتسخنيه عليا
لتقول حور بشهقة مصطنعه وهي تبتعد عن فارس: بقى فارس بيسخن يا يارا مش عيب تقولي كده على فارس اللي المفروض هيبقى جوزك
لتجيبها يارا بشر وشماتة وغيظ: جوزي وأنا حرة فيه يا حبيبتي روحي شوفي أسر اللي ضربك ومعرفتيش تاخدي حقك يا مزة
لتقول حور بضيق ونفاد صبر: اطلعي بره أنا عايزة انام
لتجيبها يارا وهي تغادر بلامبالاه: يا شيخة غوري
تنظر حور لفارس بعتاب طفولي بعد رحيل يارا
لتقول حور بدموع: شايف بتقول إيه
ليجبيها فارس وهو يقبل رأسها بمحبة: معلش يا حبيبتي يلا ارتاحي شوية
اومأت له حور وغادر فارس الغرفة فالتفتت حور إلى ليان بفضول
لتقول حور بابتسامة: كملي يا اختي اسمه إيه
لتجيبها ليان بهيام شديد وهي تجلس بجانب حور: حازم المنشاوي
لتقول حور باستغراب: حازم ده مش صاحب مالك
لتجيبها ليان بابتسامة خجولة: أيوه
لتقول حور بفضول: كملي بعد ما خبطتي فيه عملتي إيه
ليان بجدية مفاجئة وهي تهمس بصوت منخفض: بصي أنا هقولك حاجة بس أوعي تقولي لحد
لتقول حور بتعجب: في إيه يا بنتي مالك
لتجيبها ليان بارتباك: بصراحة كده أنا بحب حازم ده
لتقول حور بصدمة: هو أنتي لحقتي يا بنت ده أنتي
شوفتيه مرة واحدة
لتقول ليان بتأكيد: لا ما أنا شوفته تاني
لتجيبها حور بنفاد صبر: بت أنتي بتنقطيني بكلامك خلصي
لتقول ليان بهدوء: لما أنتي كنتي في المستشفى
فلاش باك
تخرج ليان من سيارتها وتدخل المستشفى تبحث عن غرفة حور فيعترض طريقها حازم يقول بتساؤل وهو ينظر إليها ببرود: إيه في حاجة واقعة منك
لتجيبه ليان بحدة: بس ياض
ليقول حازم باستنكار وغضب وهو يقترب منها: أنا بتقوليلي ياض ومن مين منك أنتي يا كلب البحر
لتجيبه ليان بشهقة وغيظ: أنا يا فار المجرة
يمسكها حازم من يدها ويقربها منه بصوت حاد: أنتي بتقولي كده لمين
لتقول ليان بتوتر تحاول إخفاءه بشجاعة مصطنعه: أنت هو في حد غيرك هنا وابعد عني
ليقول حازم بخبث: ابعد ليه خايفة تقعي في غرامي
لتجيبه ليان بقرف مصطنع: أقع في غرامك أنت واخد مقلب في نفسك أوي أنت
ليقول حازم ببرود وتحدي: قطة شرسة بس أنا هخليكي مطيعة
لتجيبه ليان بضيق: طب اتنيل وابعد عني أنا مش فاضية ليك
ليقول حازم بصرامة: اعتذري على اللي أنتي عملتيه علشان ابعد
لتجيبه ليان بابتسامة مستفزة: لا مش هعتذر والمفروض أنت اللي تعتذر
يشرد حازم في ملامحها التي خطفت قلبه ثم يترك يدها ببطء
ليقول حازم بابتسامة غامضة: هشوفك تاني يا قطة
تنظر إليه ليان وتغادر وهي تبتسم بينما يراقبها حازم بإعجاب من خلفها
باك
لتقول ليان بهيام وعيون حالمة: بس كده ومن ساعتها وأنا بشوفه كل يوم في الحلم
لتجيبها حور بقرف: غوري يا بت قابلتيه مرتين خلاص بقيتي تشوفيه في الحلم
لتقول ليان بدفاع: يا بت ده اسمه الحب من أول نظرة إيش فهمك أنتي
لتقول حور بسخرية: أنا كنت مفكرة يارا بس اللي هبلة بس ده شكله في بنات الجارحي كلهم
لتجيبها ليان بضحك: معذورة اصل مشوفتيش ضحكته
حور بقرف مصطنع: إيه القرف ده
لتقول ليان بخبث وهي تغمز لها: أنا قرف بس أنتي عادي يخرج من أوضتك بالليل عادي صح يا حور هانم
لتجيبها حور بتوتر وارتباك شديد: مين ده
لتقول ليان بضحكة عالية ومستفزة: حبيب القلب أسر باشا
لتجيبها حور بخجل وغضب: إيه يا بت الكلب بقى يا بنت بتراقبيني
لتقول ليان بمزاح: بنت متشتميش مجدي
لتقول حور بضيق وهي تحاول إخفاء خجلها: يلا غوري أنا عايزة انام
لتقول ليان باستفزاز: ليه مستنية أسر يجي ينيمك
تمسك حور المخدة وتضربها بها بانفعال شديد
لتجيبها حور بصراخ: غوري أنتي وهو أنا اصلا مش طايقاه
لتقول ليان وهي تركض للخارج بضحك: دي طول الليل بيحطلك قطرة
لتجيبها حور بخجل وصراخ هز الغرفة: اخرسييييييي
تمسك حور المخدة وتضرب ليان بها بانفعال: أنتي مش هتسكتي يا كلبة البحر طب تعالي
ويظللان يضربان بعضهما حتى تقول حور بنهجان: بس يخرب بيتك أنا لسه خارجة من المستشفى إيه مفيش إحساس
تتوقف ليان عن الضرب وتقول بمداعبة: لا يا اختي
لتقول حور بتعب: طب يلا نامي
لتقول ليان بخبث وهي تغمز لها: هو أنا ينفع انام هنا
لتجيبها حور باستغراب: أيوه ليه
لتقول ليان بمكر: يمكن أسر يجي يحطلك قطرة
لتجيبها حور بصراخ وخجل: اخرسيييي يا زفتة
تضحك ليان بقوة بينما
تنظر إليها حور بغيظ وتتسطح على السرير وتقول بضيق: حيوانه
تضمها ليان بحنان محاولة استرضاءها: خلاص متزعليش نفسك ولو حصلك حاجة ساعتها أسر هيحط لمين قطرة
لتقول حور بنفاد صبر: تصدقي إنك عيله بارده اتخمدي
يا ليان
لتجيبها ليان بهدوء: حاضر
تتسطح ليان وتغلق عينيها ثم تسأل فجأة بجدية بصوت خافت: حور
لتجيبها حور بملل: ممم
لتقول ليان بتردد: هو أنتي بتكرهي بابا
تشرد حور للحظة وشريط حياتها المؤلم مع مجدي يمر أمامها
لتجيبها حور ببرود وجفاء: أيوه يا ليان أنا مكرهتش حد أكتر ما كرهت مجدي وخلاص بقى عايزة انام
تنظر إليها ليان بحزن شديد وتحضنها بقوة لكي تناما
كان أسر يجلس في مكتبه بالقصر حين انفتح الباب فجأة فنظر للداخل ببرود ورأى مجدي
ليقول أسر بجمود: إيه يا مجدي
ليجيبه مجدي بنبرة يملؤها الحزن: أنا عايزك تكلم حور أنا ندمان على اللي عملته فيها وعاوزها تسامحني
ليقول أسر بسخرية لاذعة: والله حاضر يا مجدي أنت تؤمر خلاص أنا هكلمها وأقولها ابوكي بعد ما دمر حياتك دلوقتي عاوزك.. صح يا مجدي
ليقول مجدي بضعف: أسر علشان خاطري خليها تسامحني وفاء زعلانة ومش مرتاحة في قبرها
ليجيبه أسر بصدمة وغضب مكتوم: أنت إيه يا مجدي يعني عاوزها تسامحك علشان كده... ليكمل بقسوة وهو ينهض: لا يا مجدي مش هكلم حور في أي حاجة أنت مستاهلش إنك تكون أب لحور وهي خرجتك من حياتها ومش من دلوقتي لا ده من زمان وكفاية كده
يتحرك أسر نحو الباب ليخرج فيقاطعه صوت مجدي بانفعال وتحدي: يبقى تعرف الحقيقة.. عليا وعلى أعدائي يا أسر
يلتفت إليه أسر ببرود تام: هكون وفرت عليا حاجات كتير يا مجدي
ليقول مجدي بتساؤل: يعني أنت مش خايف عليها
ليجيبه أسر بتهديد وصرامة: حور لو حصلها أي حاجة
بسببك هنسى إنك عمي يا ابن الجارحي... يغادر أسر الغرفة بينما ينظر خلفه مجدي بحزن شديد
مالك في مكتبه يتحدث بغموض وبرود بعد إنهاء مكالمته: أسر يعجبني فيك ذكاءك بس على مين أنا مالك الشرقاوي والخطوة الجاية هتبقى القاضية بالنسبالك
ليقول مالك بشرود وهو يحدث نفسه: مكنتش عاوز ادخلك في حاجة بس حقي ولازم اخده بس أنا عمري ما اقدر أذيكي حتى لو حصل إيه
في صباح يوم جديد كانت تقود سيارتها بهدوء وفجأة لاحظت سيارة تلاحقها في المرآة الخلفية تزيد من سرعة السيارة لكن السيارة الأخرى تظل خلفها فتبدأ بالارتجاف وتحاول الإمساك بهاتفها لكنه يسقط منها وفي ثواني اعترضت السيارة طريقها وأجبرتها على
