رواية زوجي يعشق اخري الفصل العشرون بقلم ساره الخفاجي
ظليت افكر بحجي سمر شون امنت ووقعت على هيج شي وهية المفروض تدرس قانون لازم متوافق على شي مشكوك بامرة واذا صديقتها ماكو ثقة بهالزمن شون اكول لحارث بس هية تمشي وتوصي مهدديهة بحياتهة وحياة أي احد يعرف شافني حارث صافنة واضرب اخماس باسداس .
_شبيج اليوم صافنة .
_ها،ماكو شي.
-شون ماكو شي ،وجهج يكول غير شي.
-ماكو شي ،اذا احجي وياك تفتهمني لو راح تتهور كالعادة.
-شكو خير شمسوية مصيبة احجي .
-اني مسولفتلك على سمر شون خطية رجلهة خانهة وبقت وحدهة .
-اي حجيتي.
-واكعة بمشكلة جبيرة.
-شنو المشكلة ،ماكو شي ماله حل.
-متورطة وية عصابة ،ضاحكين عليهة على أساس مساعدة الناس وهيج شي.
-عصابة شنو ،ارهاب يعني .
-ارهاب من نوع اخر.
-خايبة دحجي موشلعتي كلبي.
-قتل وتجارة أعضاء ومخدرات.
-يااا راحت بيهة صديقتج هاي سجن مؤبد تروح بيهة.
-حارث والله متدري خطية هسة يريدون منهة تهرب شي من تركيا للعراق،وهية ميتة خوف ،ماكو طريقة نكدر نساعدهة بيهة.
-شوفي خابريهة خليهة تجي.
-اذا عرفت گلتلك راح تنتحر كالت لتحجين لأحد لان حياتكم اصير بخطر.
-لالتكوليلهة اني عرفت ،عود مشتاقتلهة تشوفيهة قبل لسافر.
-خوش خلي اخابر .
.....
گاعدة والدنيا طالعة من عيني توضيت وگعدت عالمصلاية بلكي الله يستجاب دعائي .
رفعت ايدي ياااربي اني مالي غيرك انت اماني انت العظيم واعظم واكبر من كل انسان الهي اني عبدك يارب باوعلي وخلصني يارب من هالمشكلة اللهي ياناصر المظلوم ياحامي الضعيف انصرني على اعدائي ابعدهم عن طريقي گعدت ادعي وابجي ما اعرف شكول بعد تعبت وآني ادعي واناجي ربما العالمين يخلصني من هالمصيبة الي ورطت نفسي بيهة بتهوري وثقتي بصديقة بالاسم صديقة العدو ميورط عدوة هيج .
دك تلفوني گمت من المصلاية ورحت اشوف منو.
-هلا فاتن.
-هلا بيج حياتي ،اكلج شو اليوم گعدت مشتاقتلج متجين اشوفج الله عليج.
-والله مالي خلك اطلع باب البيت حتى اجايز اخذت من الشغل والكلية يمكن انفصلت هسة.
-لخاطري تعالي والله تعبانة ومحتاجتج بشكل ،ماعندي غيرج احد اكدر افتحلة گلبي.
-شون يعني مراح اخلص منج اليوم،يلة خلي ابدل واجيج ،خوما رجلج بالبيت.
-لاماهوة خفر بالدوام.
-اي همزين.
بدلت لبست بنطرون وقميص شون مجان لانسقت ولاسويت شعري شلتة كبة على هوستة وبدون مكياج وطلعت ،وصلت وشفت فاتن وسلمت عليهة وحظنتهة جنت محتاجة هالحظن أكثر مما هي محتاجتة .
-اي شبيج سولفيلي.
-حجيت لحارث عن مشكلتج.
-لا فاتن خرب ببليسج ،كل عقلج كتلج حياتكم اصير بخطر.
-لج اصبري .
طلع حارث من الغرفة .
-مرحبا سمر ،اني حارث هاي أول مرة نلتقي .
-مرحبا مكدرت احجي أي شي بعد بس دموعي كامت تنزل عشرة عشرة .
-لتخافين سمر ماراح ابلغ عليج ولاراح ااذيج فاتن حجتلي انه انتي اكثر من اخت الهة واكيد مراح ااذي اخت مرتي اطمئني.
-اني مخايفة على روحي ،اني خايفة عليكم ،ذولة ناس شرانيين والكتل عدهم يامسهلة.
-افة عليج كدامج ضابط خراع خضرة .
-لاحشاك ،بس ما أريد اورط احد وياية ،اني ورطت روحي بغبائي وبثقتي بانسانة جانت تسمى صديقة.
-كل انسان معرض الخطأ والخداع من أقرب الناس الة بس الشاطر يكدر يطلع من هالازمة سالم .
-شبيدي اسوي ياابو علي .
**ماعدهم طفل بس مقررين يسمون الطفل علي ومن الاصول مصيحلة باسمة .
-شوفي اني اكلج شراح اسوين بس اريدج شاطرة وقوية مو تخافين وتفشلين كل الخطة.
-خوش ،ان شاء الله اطلع گدهة واخلص روحي من هالمصيبة.
-عفية عليج ،هيج اريدج ....
.......رجعت للبيت وآني اراجع بحجي حارث وصدك قنعني بالخطة وبديت انفذ بيهة اتصلت بنبراس وكتلهة اخذت إجازة هالاسبوع على مود سفرة تركيا بس يكتبولي ورقة انه ميطلبون مني أي شي ثاني من هاي الانواع اني محامية شغلتي اترافع وبس ،بالبداية مقبلت بعدين كالت اشوف .
سديتة وگعدت اشوف التسجيل مشتغل لولا.
دزيت التسجيل لحارث ،رجع جاوبني لا هذا ميفيد أريد حجي واضح انه هية ورطتج .
ظليت افكر شون اخليهة تحجي .
خابرتني انه وافقو يوقعون على تعهد ماادخل بهالاشياء مرة ثانية باثناء الحجي طلبت منهة نلتقي اول شي رفضت بعدين كالت تعالي للمنظمة وبالگوة قنعت نلتقي بمطعم ورقة مگتلهة أريد احجي وياج على شي مهم قبل مااسافر خاف ماارجع بعد
