رواية فصلية بديلة ( شموخ ) الجزء الثاني الفصل الثاني والعشرون 22 بقلم ام ملكوت

:- تقدم بقيه المحققين وكلمن عرف عن اسمه والاختصاص يلي راح يدربونه عليه كملنه وكال واحد منهم نتوجه للمكان الخاص بمكاتبنه رحنه

وراه واحد وره الثاني ودانه لقاعه جبيره وبيهه مسطره مكاتب متواصله كل شخص اله مساحته الخاصه وحاسوبه وبيهه مكتبه عليهه اشكال الكتب

التخص الجنائيات وقصص المجرمين حسيت المكان بي راحه نفسيه بالنسبه الي ماعرف اذا هوه هيج فعلا لو لان راح يكون مكان بدايه مسيرتي

المهنيه وتحقيق حلمي .. ابتسمت بفخر وزفرت براحه حمدت ربي وشكرته الف مره على شعور هل

لحظه وعلى تخطيي لكل هل مصاعب حتى اوصل للمكان هذا .. اجه الضابط وكال وهوه يوجهنه كلمن على مكتبه ..

_هذا القسم للبنات وهذا للولد منكم تلكون اساميكم مطبوعه كلمن على مكانه المرتبينه اله وماريد شخص يغير او يعترض على مكانه مفهوم

الكل : حاضر سيدي..

الكل بالشركه اخيرا بعد ساعتين فره رجعنه لمكتبنه كعدنه ارتاحينه شويه شغلنه الحواسيب سوينالهن حسابات الكترونيه خلينه رمز للشاشه واول شي نسخناه بي هو فايل التسجيل مالتنه .. بقينه

كاعدين نتعرف على بعضنا وصادقت زميله جانت وياي بالدوره الانضباطيه حجينه شويه عن

اهتماماتنه واسباب دخولنه لهل قسم رغم بعمري ماصار الي صديقات غير العرفتهه بالمتوسطه بس

هاي البنيه شفتهه تتوافق وياي وحسيتهه بيهه ثقه نفس عاليه و هواي اشياء مشتركه بيناتنه لهل سبب ارتاحيت بالحجي وياهه وصارت صديقه الي ....

.

وصرت شخص جديد تماما صار زمان لا رتبت نفسي ولا مكيجت بهل طريقه رغم ملامح الحزن الماخذه حيز وطابع بوجهي الا ان المكياج

والقفطان لاك علي وطلعني جميله بعين نفسي تشكرت من شموخ على سوايه شعري وكعدت عل جربايه اخذ صور متناسيه كلشي بهاي

اللحضات وفكري كله يم محمد واهله واتمنى انال اعجابهم وتقديرهم لمن يجون وفعلا كلام شموخ صحيح لمن خليت بالي وعقلي يم محمد هل كم دقيقه حسيت برغبه واشتياق اجه بخاطري اخابره بس ترددت كلت لا مو وكتهه خاف مشغول بس لا مايصير اتردد راح اتوكل على ربي واخابره..

شلت نقالي دخلت على رقمه وشفته متصل الآن اتصلت ورد علي بسرعه حتى تخربطت علومي خليت النقال على اذني بسرعه واجالي صوته متوتر..

_هاا جنان

_هاا محمد شبيك 

_ها مابيه شي 

_بالي يمك كلت اكيد هسه متوتر

_تصدكين صارلي ساعه داخل على رقمج وكلما اريد اتصل اتردد 

_هههه ليش ماتصلت لعد

_متوتر وكلت اسمع صوتج قبل لا اجي بس كلت خاف مشغوله ماضل شي

_تصدك انه هم كذلك جنت اريد اتصل عليك وترددت عبالي هم مشغول 

_جنان

_اسمي جنه

_هههه اروح فدوا لاسمج

_هههه اسم الله عليك امر

_مايامر عليج ضالم بس بالي شي اريد اسوي بعد العقد ومادري اذا راح اضايقج بهل شي او لا

_شنو كول 

_بعدين اكلج بي ساعتهه اذا وافقتي عليه اريد تعصرين ايدي واذا لا اريد تبعدينهه كاشاره على رفضج

_هممم الله اليستر منك ههه قلقتني تره

_لا مو شي خطير بس رغبه بريئه بداخلي متردده

_تمام اذا تكول بريئه نسمعهه بعدين ونفكر اذا نقبل او لا

_منو انتو

_انه وگلبي

_اححح 

_انه وگلبي

_محمد 

_يمته تجون

_احنه بالطريق فد ربع ساعه نوصل انشاءالله بس ليش

_لا شو احتاجيت اكعد اسولف وياك

_سولفي هسه شنو بالج امري

_لا مو هاي نوع من سوالف بس هيج مجرد اريد اكعد كبالك وايدي بيدك والسكوت يسولف بيناتنه

_بس هاي 

_لو تدرين ضحكتج شلون تفتح ورود بكلبي لو تدرين بمعزتج ياجنه عندي

_هههه ورود بيضه لو ورديه

_لا هاي ولا هاي

_لعد 

_ورد بنفسج من اليحبه كلبج

_وين تدري بيه احب الورد البنفسج

_ادري بكلشي عنج بس انتي ماتدرين عني

_انشاءلله منا ورايح كلشي اعرف عنك بس هاا مدامنه باول الطريق كلي اذا عندك شي مو حلو منا منا مو علمود شي بس حتى احضر معداتي

_هههه يامعدات 

_انشاءلله منا ورايح كلشي اعرف عنك بس هاا مدامنه باول الطريق كلي اذا عندك شي مو حلو منا منا مو علمود شي بس حتى احضر معداتي

_المقص حتى نكص الفاسد والمسطره حتى نعدل الاعوج والقلم حتى نكتب مشاعر جديده والوان حتى نرسم البياض على السواد

_اويلي يابه طلع طهور هذا

_هههه لااا خرب شكلك محمد شهل نيه العندك وين كاعد اسولف انه ووين انته بالك سخيف

_هههه اي يعني تطهرين روحي وكلبي من الاشياء الغلط هيج قصدت بس انتي نيتج عاطله

_هههه لااا خرب شكلك محمد شهل نيه العندك وين كاعد اسولف انه ووين انته بالك سخيف

_لااا يالله محمددد 

_ههههههاااي يابويه وعلي كلبي كام ياذيني متوتر وضحكت تشنجن شراييني

_ههههه اسم الله عليك 

_ااخ يابويه خل  استعجلهم اشو الجماعه صاروا سلاحف بطئوا السرعه خل يودوني لمرتي شني الفلم..

..حجه هيج واختفى صوته ثواني مدري وين راح تالي اسمعه يحجي وياا اهله ويكلهم يستعجلون عبالي بعدهم بالبيت ..

بقى يحجي وياهم وهمه يضحكون وانه منطلقه اضحك وياهم على كلامه خليت ايدي على كلبي وفعلا حسيت باذى لان انه مو اقل منه توتر كلهه ثواني ورجع كال الو رديت عليه وكال...

_ها جنه ايامي يله بويه طلعي احنه واصلين بالباب 

_ها شنو وين بالباب شسالفه 

_هههه جا نسيتي من كتلج ربع ساعه احنه يمج 

_ياا وانه عبالي بعدكم ماطالعين من البيت

_لا هسه انه صرت بيتي يمج ووياج

_ههه يله لعد خل اكوم ارتب نفسي واكول لاهلي يطلعون 

_تمام يله نلتقي بعد قليل

_انشاءلله..

سديت الاتصال وانه رجليه كامت ترجف من عرفت بي وصل  اجت شموخ رتبت روحهه وبتهه وكتلهه راح يوصلون تنطي خبر لابوي راحت كلتلهم وطلعوا بالساحه ينتظرونهم تالي رجعت يمي هيه وريانه وكعدنه احنه الكلاثه ناخذ صور لحدما مر تقريب ٥ دقايق ودخلت نوره وهيه تحجي بهمس..

_وصلوا ولج جنان الخطابه وصلوا ترسوا الشارع

_ اي ادري بس شنو ترسوا الشارع غير بس اهله 

_ياا شوف هاي شتحجي غير كومه زلم اجت و كلهه معكله بس لا ابن شيوخ هوه 

_بس هوه ماكلي راح اجيب ناس غير اهلي

_ولج يا غير اهله تعاي شوفي العباس عليج كومي طلي من الشباج وشوفي الهوسه الصارت بالشارع حتى ماكو مكان بالديوانيه هسه نتفاشل وياهم يحضي..

كمنه صدك وياهه للمطبخ لكيت امي وخالتي سماء يباوعن من الشباج لان مضلل التفتت علي امي وكالت..

_يمطركعه جا غير تسالينه منو ومنو راح يجي وياك 

_سالته يمه وكال بس اهلي

_يا اهل دتعاي شوفي تفشلنه وعلي وين ننطي وجهنه من هل ناس هسه وحتى ضيافه مامسوين هواي..

اجيت باوعت من الشباج واشوفهه صدك الساحه كلهه زلم والكراج بي ٩ سيارات مشكل يا لون لمحت محمد بين الزلم لابس دهداشه وعكال وطالع

منظره يدوخ ماعرفته لو لا ضحكته المميزه بقيت مفهيه والنسوان دخلن للصاله راحت امي وخالتي وشموخ يستقبلنهم واشوف احسان وسلام وكم ولد

من عدهم شايلين كراتين كيك جاهز وعصاير وكراتين بقلاوه وسلال فواكه واشكال ..خلينه وفلتنه من المطبخ انه ونوره وسدينه الباب المطل

على ممر الغرف سمعتهم صاحوا خاف وحده بالمطبخ تالي دخلوا واسمع احسان يكلهم

"ليش متعبين نفسكم صارت زحمه " 

والولد يرد عليه

"لا ابد احنه اهل وقليل بحقكم هاي الشغلات المهم قدرتونه واستقبلتونه ببيتكم " ..

بقيت اباوع لنوره وهيه تباوعلي ماتحملت وذبت الحجايه بوجهي وكالت بتردد..

_خب الله عليج اذا عنده اخ ابن عم ابن خال مامتزوج ذبوا علي 

_ياا فلشج ولج منيلج هل سوالف تردين تزوجين يمصكوعه وينج وين العرس انتي امشي ولي لغرفتج درسي لا اصيح لامي عليج

_هففف ماتخلون الواحد يتشاقه وياكم

_اي تشاقين كلاواتج هاي

_نننن..

عيبت علي وراحت ضحكت على شكلهه شلون تفشلت مني واستحت اجت شموخ مبتسمه وكالت ..

_يولوو هذا شو احلى من الصور بقاطات راح يكسل عليج والله 

_لا صدك يعني طالع احلى مني

_يا عيارتج على اساس ماشفتي من الشباج 

_ههه لا شفته بس شو مالكيته بكل هل جمال احس كاعد تبالغون

_يا عيارتج على اساس ماشفتي من الشباج 

_دمشي امشي تركضين وره الجلحان انتي مايملي عينج ابو عيون خضره 

_شمووخ لا تجيبين سيرته

_ياهو هذا الجايبه سيرته ليش انتي اكو شخص اجلح بالج

_لا 

_جا شنو بعد ديله خلي نرتبج حتى تاخذين الكهوه وترحين تضيفين النسوان صارن بدل الثنين ٦ نسوان 

_لا يا الله والله بي كتله محمد ليش جذب علي وكلي محد يجي

_لا 

_رادهه مفاجئه الج وهذا من جانبج يحظي حتى تورين بعض الناس انج تستاهلين شيوخ تتعنى لبيتج وتتشرف تطلب ايدج لو انه غلطانه

_اي والله وياج حق بس خطيه اهلي تفشلوا ماجانوا حاسبين حساب هاي الناس عبالهم راح يكعدون همه واهله ويتفاهمون 

_ههه تلكينه جاب العشيره كلهه حتى لا يتجرأ ابوج ويرفضهم 

_اي والله وياج حق بس خطيه اهلي تفشلوا ماجانوا حاسبين حساب هاي الناس عبالهم راح يكعدون همه واهله ويتفاهمون 

_هههه ماعرف الظاهر هيج الشغله 

_يله خلينه نروح نصب الكهوه تاخرنه عل نسوان 

_اي يله..

رحنه للمطبخ حمينه الكهوه وصبينه بالفناجين واخذت الصينيه للصاله سلمت من بعيد عليهن وقدمتلهن الكهوه اخذت شموخ الصينيه وراحت

للمطبخ تبتلش بصب الجاي والماي للزلم صاحتني مره منهن تجي بعمر امي تقريبا وكالت باسلوب لطيف..

_اي يله..

_انه ضحى خاله محمد واخت عمتج المستقبليه

_هلا بيج خاله تشرفت بيج

_حبيبتي انتي شنو اسمج ماكتيلنه

_جنان اسمي 

_عاشت الاسامي بس اشو وليدنه كناله شسمهه البنيه كاللنه جنه 

_اي هوه هيج يصيحلي

_جا ماينلام والله على هل جمال والترافه صدك جنه 

_تسلمين خاله جمال عيونج

_الله يسلمج هاي المريه عمتج ام محمد سمعهه ثكيل شويه خطيه تعالي بنيتي كعدي حدري حتى تسولف وياج براحتهه

_اي ليش لا..

كمت من يم امي وكعدت بين خالته وامه لمحمد باوعتلي امه وابتسمت مره جبيره خطيه تجي بعمر ال٧٠ هيج لزمت ايدي وكالت ..

_انتي جنه يمه

_اي يمه

_ يمه وليدي وين لكه هيج كمر وجابه لينه 

_ههه حبيبتي 

_انتي تشتغلين وياه بالشركه بنيتي

_اي تقريبا صار سنتين من اشتغلت بالشركه

_يعني شكد عمرج 

_عمري ٢٦ سنه

_العمر كله يعني انتي اصغر من وليدي ب٤ سنين هوه هل سنه دخل الثلاثين

_اي الله يطول بعمره ويحفضه الكم

_تسلمين بنيتي بله اشوف خيوط الحرير هاي ..

لزمت خصلات شعري ومشت اصابيعهه على طوله وكالت ..

_اللهم صلي على محمد الله يحفضلج شبابج بنيتي

_تسلمين عمري ويحفضج ..

ابتسمت والتفتنه على خالته وهيه تحجي على محمد ومعاناته ويه الزواج وليش ماقبلت امه تزوجه شلون ماجان يعني تقريبا كل هل سوالف

اعرفهه انه بس اهلي مايعرفونهه فاندمجن وياهه امي وخالتي وصارن يسولفن ويضحكن رحت لغير عالم وسرحت بذاكرتي على كلام مرتضى عني 

و بخصوص الزواج احس هل كلام باقي مثل الخنجر بصدري كلما تنفست اتوجع وينعصر كلبي دمعت عيوني بقهر واشرتلي امي بعيونهه علي

بمعنى شبيه زيفت ابتسامتي وجريت نفس مانعه دمعتي من ان تطيح .. اجت خالتي بيدهه صحون الضيافه خلتهن عل طاوله وصارت تضيفهن وحده

وحده شويه واجت شموخ شاورت امي وكامت وياهه باوعتلهن باستغراب ولزمت كلبي مخنوكه ماعرفت شصاير بقيت كاعده كوه الفضول والقلق

ذبحني وامي مو راضيه ترجع كلهه دقايق واجت امي مخطوف لونهه ترخصت من النسوان واخذتني من ايدي سالتهه شصاير وكالت..

_تعاي ابوج يريد يحجي وياج بشغله

_شنو شصاير شيريد يكلي بابا

_تعاي ابوج يريد يحجي وياج بشغله

_تعاي وتعرفين..

نزعت الحجاب من راسهه ولفته على شعري وصدري دخلنه للمطبخ وشفت بابا واكف ومرتضى

يمه باوعتلهم باستغراب مبطن بخوف واشرلي بابا اجي يمه رحتله خله ايده على كتفي وهوه يكول..

_بابا جنان الناس كعدت وحجيت وياهم وشفتهم والنعم منهم مابيهم قصور والولد معدل وكفوو وكل الشروط همه ملبينهه قبلما يسمعونهه حتى

_اي بابا وين المشكله بهذا شي

_المشكله ان ابن عمج مرتضى طلعني من نص الديوان وقبلما انطي موافقتي كلي ان هوه رايدج وناهي عليج وكتله القرار بيد بنتي وانتي يلي

تقررين منو التردينه تره مرتضى وابوه منتظرين والناس منتظرين هسه الجواب واريد اكلج قبلما تجاوبيني تره الشيوخ والناس الخيره اقترحوا

يجيبون الشيخ ويكتبون كتابكم هسه مدام الكل موجود واتفق والحفله بعد اسبوع او اكثر فشكلتي يابويه..

بقيت صافنه ومحتاره احس دخلت بالحايط من كلام بابا ونظرات مرتضى الي الماتتفسر بقيت اباوعله مره واباوع لابوي مره اللخ ومره اتذكر كلام

مرتضى ومره اتذكر فرحه محمد مساع اخر شي تذكرت هضيمتي وكسره خاطري من مرتضى لمن رخص قيمتي وطلعني بت شوارع بعين نفسي

وخلاني هامش ومجرد اختيار احتياطي بالنسبه اله.. وشفت هل شعور شلون مؤذي وماريد اخلي محمد يلي يسعى لسعادتي ويشتريهه بماي عيونه

من ان يعيش نفس شعوري ويصير مجرد خيار ثاني بالنسبه الي همست بكلبي طالبه الاشاره السريعه من ربي بقيت منزله راسي دقايق ادعي

ربي يدليني ولو باشاره صغيره عل طريق الصحيح .. رفعت راسي باوعت لمرتضى وفزينه على صوت كسر الكلاص التفتت وشفتهه ريانه

ساحبته من الكاونتر ركضت عليهه شلتهه من الكاع حتى لا تنجرح واجت شموخ تركض وكانها حست على بتهه اخذتهه وهي تسال بخوف اذا

صارلهه شي طمنتهه وزفرت براحه اخذته وراحت انطتهه لامهه رجعت لمت الكزاز عن الكاع باوعت

لقطع الكزاز وحسيت بكسرته اي فعلا بهل لحظه حسيت بوجع الكلاص لمن انكسر نفس كسره كلبي

بالضبط ..انغمد كلبي وخنكتني العبره رجعت باوعت لمرتضى وحسيت بكره مجهول اتجاهه تمشيت باتجاه ابوي لزمت ايده وكتله..

_بابا انت تريدني اقبل بابن اخوك

_حتى لو ردت ماراح يغير حقيقه ان هاي حياتج وانتي الج حريه الاختيار 

_بس انه لمن قبلت بمحمد ماعتبرته مجرد اختيار لان الشخص يلي قدرني وشراني بفرحه عيونه بعمره ماراح اخلي اختيار جانبي بالنسبه الي لهذا

السبب بابا توكل وخلي الناس يجيبون الشيخ يعقدلنه انه ومحمد وتسلمني بيدك اله ..

كل كلمه حجيتهه لبابا جانت من كلبي طالعه وجانت بمثابه جواب لمرتضى مو بس لابوي .. باوعتله وهوه شد قبضه ايده بعصبيه وطلع راكع

الباب وراه باوع بابا للباب وهز راسه باسف شكله تندم لان بقه الناس منتظره علموده.. رجع باوعلي وباسني براسي مسد على كتفي بابتسامه فرح

وطلع من المطبخ متوجه للديوان .. خليت ايدي على كلبي وانه اردد بداخلي ان السويته صح ومالازم اتردد لو اخاف ومرتضى لو جان يحبني

صدك جان حاول يجيلي انه ويحجي وياي ويقنعني ابطل من محمد بالايام الفاتت مانتظر الناس يجون وتصير صدك شنو غايته مثلا يخجل

اهلي ويه الناس والشيوخ لو توه صحى على نفسه لا وياريت كال لابوي طالب ايدهه راح كله ناهي عليهه تهي بهي .. ماعلي بي اصلا كلامه وياي

ماراح يغير رايي واختياري لمحمد بس جان عل اقل مافشل روحه هل فشله كدام ابوي وخلاه يتفشل ويه عمي ويعطل العالم .. هزيت راسي

باسف ورجعت للصاله دكوا الباب وكامت امي صاحت منو اجه صوت ابوي وكلهه ان الرجال خال محمد يريد يحجي ويه حرمته .. عاد هيه كامت

وره الباب حجت ويه الزلمه ورجعت كالت لام محمد هزت راسهه بايجابيه وفرح وحجت لامي ان

يردون يعقدون امي مامانعت لان اصلا بابا حجالهه بالمطبخ قبلما اروح .. اخذتني شموخ للغرفه قفلت

الباب ووكفت وصفنت بعيوني بتساؤل عرفتهه تدور على رد فعل مني اتجاه خطوبتنه هسه فخصمت الكلام وكتلهه..

_تردين تعرفين شنو جان يسوي مرتضى ويه ابوي بالمطبخ

_اي احجيلي لان دخت وماعرف شنو وضعكم هذا

_لا عادي اخوج طلع ابوي من الديوان وكله اريد بتك وناهي عليهه عباله سلعه سهله يعني بدال

مايكله طالبهه على سنه الله وروسوله رايح يكوله ناهي عليهه يعني بعده مصر يخلي الزواج اخر اختياراته

_اي وشصار بعدهه

_بابا اجه كلي ابن عمج هيج يكول والناس اقترحوا هسه يعقدولكم مدام الزلم كلهه جايه ومنتظرين جواب مني وانه جوابي من جواب بنتي كتلهم 

_ رفضت مرتضى وكلت لابوي محمد مو مجرد اختيار جانبي ومو من اخلاقي اروح ارفضه واكسر فرحته علمود شخص ماتردد بكسر خاطري وفرحتي بي 

_وهذا قرارج النهائي

_اي 

_متاكده قرارج ما طالع من عناد او رد اعتبار كدام اخوي

_لا متاكده بقراري بمحمد مو مجرد رد اعتبار والله يقويني ويثبتني عليه

_جنان متاكده حبيبتي تره مامنه رجعه هل طريق 

_اي خيه متاكده وطمني كلبج مو جنان التخذل اليحبهه 

_بعد عمري ربي يتمملكم على خير انشاءلله

_امين يارب 

_ وهسه احجيلي شلونهه معنوياتج وانتي راح تصيرين بذمه رجال ثاني بيوم وليله

_عادي مثل شعور اي بنيه بيوم خطبتهه شويه خوف على شويه توتر على قلق من المستقبل على خجل هيج اشياء يعني 

_هههه تمام لعد كومي خلي نغيرلج القفطان لبسي الابيض فال حلو والله امج جنهه حاسه راح تعقدون اليوم ماتشوفيهه جابتلج قفطان خطوبه ابيض 

_هههه بعد الامهات وماتحس قلوبهن

_اي والله يله كومي بدلي على ما اروح اجددلهم الجاي 

_تمام حبي ..

انطتني القفطان وطلعت قفلت الباب وراهه نزعت اللابسته ولبست الابيض سحبت الزنجيل قفلته عدلت مكياجي رشيت عطر واشوف نفسي طلعت احلى بالابيض ولهذا احبه لان شمهما جان وجهي تعبان او جسمي نحلان هل لون يغيرني تماما ويفتح الورود بوجهي ..

اخذت نفس مبتسمه وطلعت اخذتني امي يم النسوان صلن على محمد من دخلت وراحت امي خلتلي كرسي بالباب كعدت وشموخ خلت قرآن بحضني وخلت جكليته بيدي وهيلات بين اصابيعي وبقينه ننتظر الشيخ كلهه دقايق على ما حضرت امي جنسيتي

وبقيه المستمسكات اخذهن بابا ..سمعنه الشيخ يقره آيات الزواج ويسال محمد وهوه يجاوبه بصوت يرجف حتى غلط بالكلمه وجفص وصار

الضحك عليه بفلس ورغم توتري وخوفي محمد خلاني اضحك انه والنسوان عليه ودب السعاده بالبيت بدون مايدري ..حسيت شوي انفكت الجبسه

جريت نفس براحه واجه بابا كال حضري نفسج الشيخ راح يطلب موافقتج .. ذبت شموخ الحجاب على راسي وانطتني جكليته بحلكي و٣ هيلات مدري مالت شنو هل عاده لان كلشي مامحضرين وماجنه حاسبين حساب العقد .. 

فتحت الباب قليل واجه الشيخ وكف وره الباب وصار يسالني عن اسمي تالي فتحت عيوني بتفاجئ لمن كال..

_هل تقبلين الزواج من محمد بن زاحم على مهر مقدمه ١٥ مليون دينار عراقي ومؤخره ٥٠ مليون دينار عراقي ..

تلكأت وصارت كلمه الرفض بطرف لساني ردت اكله لا ماريد مهر غالي بس سكتت عادهه ٣ مرات وانطيت موافقتي باركلنه وانطلقن النسوان هلاهل

طورشن اذني .. كمت من الكرسي وسلمت على النسوان وبست راس امه وباستني بكتفي صارت تصفك وتكول بصوت شبه مسموع وتهوس رافعه عبايتهه..

_ هوه الشافهه هوه انعجب بيهه وهو الكالي روحي اخطبيها ..

صارن يرددنهه تالي حجت اخته وهي تهوس..

_والف عفيه يخيه يا يمزيونه خذيتيلج سبع من فدوا لعيونه ..

وكملتهه خالته من كالت..

_حديقتنه ازهرت وخضر ورد بيهه يم محمد افرحي جنتج بيهه ..

صارن يهلهلن ويدبجن وحسيت بطعم الفرحه بهل لحضه واكل وجهي الخجل تباركن لامي وخالتي وشموخ و اجت خالته باستني وكعدتني عل قنفه

يم امه بقيت كاعده وهنه يسولفن سوالف عامه وكل شوي امه ذابه كوله ويصفكن شويه وندك الباب مالت الصاله كامت امي واجه صوت ابوي لزمت كلبي لمن كاللهه..

_تسترن الولد يريد يدخل يم خطيبته 

_اي خلي يدخل متسترين..

توترت وكمت ردت البس حجاب بس سرعان ماتداركت اني حلاله ورجعت كعدت طلعت شموخ من الصاله هيه ونوره ودخل محمد ماشفت منه

غير رجليه من كثر الخوف والخجل راح باس راس امه واجه باتجاهي انحنى علي باس راسي ورفعت ناظري اله ابتسم وكال بصوت مخنوك وعيون تلمع..

_مبروك فرحتي وجنه ايامي

_الله يبارك بيك..

ابتسم واجه كعد بصفي لزم ايدي وشبه داير علي مثلما طلبت منه مساع باس باطنهه وطشت امي علينه جكليت وهلهلن خالته واخته وهوسله.. باوعلي ومال راسه عل

جانب رفعت راسي واجت عيني بعينه تلمع سعاده استحيت واحس نعست من الخجل ضعنه بغير عالم ثنينه لا خلينه بالنه ويه اهله ولا وي اهلي الكاعدين يمنه رفع راسي بيده وكال ..

_اشو باوعيلي خلي عيوني تتهنى 

_ماكدر استحي

_ااخ ربي شهل جكليت وين جان مضموم ..

باوعتله وابتسمت بس سرعان ما تشتت نضري على امي وهيه تهوس ويه النسوان  وخالتي ابتسمت على فرحتهه وصارن يهوسن الهوسه المعتاده

"بوسهه ولا تخاف من امهه" وهو ماقصر وكأن جان منتظر هل هوسه حتى يستغلهه ..دار وجهي بيده عليه وتقرب وعيونه تلمع طبع بوسه عذبه

بخدي وهمس يم وجهي ..

_روحي محتاجه حضنج 

عرفت اخيرا شنو الجان بخاطره يسوي بعد العقد مانكر اني استحيت وردت اشرد منه بس سرعان ما تداركت نفسي وعصرت على ايده بمعنى قابله يحضني اخذ ايدي باسه حيل

وحضني لصدره عصرني حيل حسيت دخلت بملابسه وضعت بيهن من قوه الحضنه .. دفن وجهه برقبتي واستنشق عطري حييل بقه

لحظه وحسيت بدمعته الحاره يلي بحراره انفاسه طاحت على رقبتي تقشعر بدني وتفاجات همست باسمه

وبقى ثواني هده روحه ياله ابتعد وهو منزل راسه حتى لحد يشوف دمعته رفعت ايدي مسحت دمعته وهو مسح وجهه بالكلينكس وخالته انتبهت عليه وكلتله..

_يستاهل هل كمر صبر هل سنين ودمعه العين تتهنى بيهه يبعد خالتك وانشاءلله اشوف جهالكم تارسه البيت

_تسلمين خالتي بعد عمري 

_يله خاله احنه نطلع بعد انت اكعد ويه عروستك احجوا كصوا صور تاخذ فرصتك بعد

_ههه مشكوره بعد عيني

_سالمه عينك بعد خالتك..

راحت حجت ويه امي كلتلهه خيه خلي نخليهم يحجون براحتهم هزت راسهه امي بايجابيه واخذت المره ام محمد واخته وبقيه النسوان وطلعن ودتهن

خاله سماء للصاله الجبيره كام محمد وراهن سد الباب ووكف بمكانه يتاملني رفعت راسي باوعتله بتساؤل جر حسره وفتح اديه وكال..

_تعالي المج بحضني ماشبعت من حضنج تره..

ابتسمت وكمت بتردد مشيت باتجاهه ببطئ ووكفت كباله وانه اعصر باصابيعي بتوتر وحيره لزم اديه باسهن وسحبني عليه لازك جسمي ويه جسمه

وصارت اطرافي ترجف لا اراديا من قربه ماكدرت اسيطر على رجفتي وفقدت توازني عثرت بالقفطان وهوه لزمني من خصري مرجعني لحضنه وهو يكول..

_اسم الله الرحمن لج تردين تطيحين وانتي بيدي افاا

_خلينه نكعد

_اي ليش لا نكعد..

بعدني عنه ونزل خله ايده وره رجلي وشالني بين اديه باوعتله بصدمه وكتله وهو يتجه للقنفه..

_نزلني محمد لا يدخلون اهلي حباب ليش شلتني 

_يله وصلنه لا تبجين ..

ابتسم وباوعتله بزعل متضاهره العصبيه نزلني عل قنفه وكعد يمي لزم اديه دارني عليه وهوه منتجي بعكس ايده على القنفه وراي بعد خصله شعري عن رقبتي وكال..

_انشاءلله بعد الجمعه الجايه اتفقنا ويه والدج نسوي حفله الخطوبه بالقاعه

_اي كالي بابا بس وشغلنه شلون هذا الأسبوع راح يصير علينه كود شغل شلون نلحك نشتغل ونجهز للحفله

_اي حاجيت ابوج انه على صفحه وكتله بضروف شغلنه وكال خلي نطمن ونترك كلشي عليهم وهمه واهلي يتكفلون بكل التجهيزات واحنه النه الصافي 

_هاا تمام اذا هيج

_اي بس على اتفاقنه بدله شلتوح ماريد تمام لان تعرفين قاعه وكلهه تصور اخاف عليج يبعد عيوني

_اي انشاءالله بس يا لون راح تلبس القاط انت

_ماعرف احتمال اسود

_هاا حلوو الا صدك ليش جذبت علي وكتلي محد راح يجي غير اهلك

_لو كايلج راح يجون عمامي وخوالي جان انخبصتوا بينه وكلفتوا نفسكم وانه ناذر اترسلج الشارع زلم بس حتى ابوج يقبل وينطيني جوهرته

_همم هيج يعني 

_اي والله وعيوني انذرهن الج لو طالبه

_تسلم عيونك بس سؤال هذول كلهم عمامك المعكلين

_اي قسم عمامي وقسم خوال

_يعني انت ابن شيوخ

_ليش ماكايلج ان ابوي الله يرحمه جان شيخ العشيره ومن مات وصه اخوي يصير بداله 

_اها

_اي والله ولمن مات اخوي قبلما يصير شيخ بعد ماهان علي اخذ مكانه تنازلت للمشيخه لعمامي والا جان صرتي هسه مرت الشيخ

_ههه يعني انتو اصلكم شيوخ واحد ماخذ من الثاني

_اي امي بت شيخ وابوي شيخ عشيره 

_حلوو انه هم عمامي شيوخ بس خوالي لا ناس عاديين 

_يعني بنت الشيخ لابن الشيخ جبناهه هااقصص ماي هوبس 

_هههه اي بس تعرف شنو

_شنو 

_خطيه امك لو شايفهه شكد فرحت و شلون رفعت عبايتهه وصارت تهوس بهذا حيلهه حبيتهه

_حبتج العافيه زين وابنهه ماحبيتي

_اي يعني بس اليوم طالع يجذب العين ويجيب التايهه من اهلهه واحنه ناس مستورين نحب الستر

_ههههه بده شغل الحكومه

_جا شلون 

_ابوسهه للحكومه انه..

باوعت بعيونه ونزلت راسي بتوتر وخجل درت وجهي اباوع للحيطان متشرده من نضراته كلهه لحظات ولزم خدي بيده بحنيه ودارني عليه باوع

بعيوني وميل راسه على جهه وتقرب علي محاول يبوسني غمضت عيوني وعصرت القفطان بيدي حيل محاوله اسيطر على خفقان كلبي الوصلي

صوته .. حسيته ضحك خفيف وتقرب لخدي باسه بعذوبيه وابتعد رخيت ايدي وفتحت عيوني زفرت

براحه وباوعتله وهو مبتسم ويتامل بوجهي تحمحمت وعدلت كعدتي اخذ ايدي من حضني باسهه وكال بصوت عذب..

_على كيفنه ويه الورد حساس واخاف عليه يذبل..

ابتسمت ودكوا الباب المطل عل ديوانيه ترك ايدي بحضني وكام صاح منو وفتحه شوي سمعت ابوي يحجي وياه شويه ورجع سد الباب وتوجه الي

وكفت خطواته كبالي ونزل لزمني من اديه ورفعني كمت على حيلي صار مقابيلي وباوعتله بتساؤل وهوه يكول..

_صار وكت الروحه جنه ايامي ديري بالج على نفسج واي شي تحتاجي اتصلي علي تلكيني يمج تمام 

_انشاءلله وانت هم ديربالك على نفسك

_من عيني 

_تسلم عينك ..

ابتسم وجر حسره حسيتهه طلعت من روحه نزل راسه وصار بمستواي ولفح وجهي انفاسه الحاره

باسني قريب شفتي وابتعد لزم شعري بعده عن رقبتي وكال بصوت شبه مخنوك وهوه يباوع بعيوني..

_احبج جنتي...