رواية الجميلة والوحش ادم واحلام الجزء الثاني الفصل الثاني والعشرون
مساء ف الكومباوند
فريده بترسم ف اوضه الرسم ورولا وميرا بيغيرو هدومهم علشان الخروجه
ادم واحلام قاعدين ف الصالون بيشربو قهوه
ادم ابتسم /يعني فريده ماشي اصدق انها تعمل المحشي معاكي لانها مشاء الله عليها شاطره ف كل حاجه وبتسمع الكلام ...بس رولا وميرا قعدو يعملو فعلا؟ مش مصدق
احلام ابتسمت/اه والله قعدو معايا وعلمتهم ازاي يعملو..قولت لهم علشان لما بباكم يلاقيكم شاطرين كدا يوافق يجوزكم ع طول ف سمعو الكلام وعملوا معايا
ادم بصلها/احلام
احلام ضحكت
احلام/انا مش مصدقاك بجد كل ما بتيجي سيره جوزاهم بتغيير وتضايق ما هيجي يوم ويتجوزو ي ادم دي سنه الحياه
ادم/انا اكيد عايز افرح بيهم واجوزهم بس كل ما اتخيل البيت دا من غير واحده فيهم او اصحي من النوم ف يوم من غير ما الاقي واحده فيهم موجوده بحس اني هموت
احلام بقلق ومسكت وشه ب ايدها/بعد الشر عليك ي ادم متقولش كدا.. ربنا يخليك لينا طول العمر
ادم ابتسم وباس ايدها ال ع وشه وباس راسها
ادم/ويخليكي انتي ليا طول العمر
وباس خدها واحلام ابتسمت
رولا وميرا نزلو من فوق بعد ما غيرو هدومهم
ادم/ايه دا ايه دا ايه الحلاوه دي
ميرا ابتسمت/بجد شكلنا حلو
ادم ابتسم/شكلكم زي القمر طبعا
رولا بعتت له بوسه ف الهوا
احلام ابتسمت
ميرا بابتسامه/والله دا انت ال قمر ي بابي ي حبيب قلبي
وباست خده و ادم ابتسم وباس راسها
ادم/انا مش عارف هسيبكم تخرجو ازاي وانتو حلوين كدا..حاسس اني ندمت دلوقتي اني وافقت..لازمته ايه الاحتفال ف الكافيه دا مش فاهم
رولا/لا ي بابي مترفضش علشان خاطري دا مروه و يحيي زمانهم برا اصلا هيجو ياخدونا
ميرا/وبعدين احنا بنحتفل علشان خلصنا امتحانات إمبارح اخيرا وهنحتفل ف الكافيه ال ف المجمع اهو علشان متقلقش علينا
ادم اتنهد/ماشي..متتأخروش ..وخلي بالكم من نفسكم
رولا وميرا/حاضر
وباسو خدو وباسو خد احلام وطلعو
ادم بص ل احلام/تقريبا كدا احنا بقينا لوحدنا
احلام بصتله وابتسمت /ايوا عايز ايه بقي
ادم حاوط وسط احلام ب ايده وقربها منه وبص لها ف عينها
ادم/عايز كل خير والله..تعالي نطلع فوق اكلمك ف موضوع مهم جدا
احلام ابتسمت بخجل/ادم لم نفسك
ادم/لا صدقيني مش هقدر ألم نفسي ... ريحتك بتدوبني وعيونك بتدوبني وكلمه ادم منك بتدوبني ...وكسوفك مني حتي بعد ٢٤ سنه جواز برضو بيدوبني ...عيزاني ألم نفسي ازاي بقي
احلام ابتسمت وباست خده/انا بحبك
ادم باس راسها/وانا بعشقك والله
قدام البيت
يحيي ومروه مستنين رولا قدام العربيه
ورولا وميرا طلعو لهم
مروه بتبص ب اعجاب ع سيف ال قاعد ع الطربيزه ال جمب اوضته وسرحان
ميرا بابتسامه/يلا بينا علشان منتاخرش
يحيي ابتسم ل رولا/شكلك حلو اوي
رولا ابتسمت/ميرسي
سيف بص ع رولا ال واقفه تتكلمي مع يحيي ال باين عليه هياكلها ب عينه وسيف بيحاول يتمالك نفسه...وبيحاول يفوق نفسه رولا فعلا متنفعوش.. هي أجمل وانضف من انها تحب واحد زيه حياته سودا وبيشتغل مع ناس خطيره و مستواه اقل منها بكتير
عند رولا
مروه/رولا بقولك ايه..هو مين ال شاب ال زي القمر ال قاعد ف جنينه بينكم دا
رولا /مين؟قصدك مين
ميرا /قصدك سيف..دا شغال مع بابي
مروه ابتسمت ب اعجاب/هو اسمه سيف...طب رولا عرفيني عليه بالله عليكي..ظبطيني معاه لو هو سنجل يعني
رولا بغيره/اظبطك مع مين ي مروه ايه ال انتي بتقولي دا
مروه/طب بتتعصبي عليا ليه انا قولت ايه غلط
رولا تداركت نفسها/انا ولا اتعصبت ولا حاجه اصل دا مش وقته يعني عايزين نمشي
يحيي/رولا معاها حق
يلا اركبوا هنتاخر
وبدأو يركبو العربيه
ويحيي ساق العربيه ومشي
في اليوم التالي
في المجمع صباحا
رولا ويحيي بيتمشو سوا بما انهم خلصو امتحانات وخدو الاجازه
يحيي/تيجي نشرب قهوه ف الكافيه ال هناك دا
رولا/خلينا نتمشي شويه كمان الجو حلو اوي
يحيي ابتسم/خلاص ماشي زي ما تحبي
وهو ماشيين شافو صحبتهم مروه قاعده مع سيف ع كرسي من الموجودين ف الشارع
يحيي/ايه دا هي مش دي مروه
رولا بتبص من بعيد/اه صح ..مين ال معاهم دا
يحيي/مش عارفه..دا سيف ولا انا بيتهيألي
رولا بغيره/سيف اه
يحيي ابتسم/قصه حب جديده شكلها..بس هي لحقت ..دا لسه سأله عليه امبارح بليل
عند سيف ومروه
مروه ابتسمت/شوفتك امبارح ل اول مره واحنا جايين ناخد رولا وميرا ...سألتهم عليك ع طول وقتها..لفتت نظري بصراحه
عند سيف شاف يحيي ورولا بيبصو عليه من بعيد
علشان يضايق رولا مسك ايد مروه
سيف ابتسم/ايوا كملي وبعدين
مروه ابتسمت/ازاي مخدتش بالي منك قبل كدا مع انك موجود ف المجمع بقالك فتره
عند يحيي
ورولا
يحيي /مبتضيعش وقت والله لقطت الراجل ف ثانيه ..يلا واحنا مالنا خلينا نمشي احنا بقي نشرب قهوه
وكان هيمشي بص ع رولا ال واقفه باصه لهم بغيظ
يحيي/سرحانه ف ايه ي رولا
رولا بغيظ/ايه السخافه دي؟يعني ازاي اصلا
يحيي/مش فاهم حاجه قصدك مين
رولا/انت مش عارف قد ايه سيف دا شخص بتاع مشاكل ي يحيي؟ما انت مجرب بنفسك ..لازم نروح نحذر البنت تبعد عنه
يحيي/احنا مالنا اصلا ي رولا هما حرين مع بعض
رولا بغضب/لا هما مش حرين مع بعض سيف شخص بتاع مشاكل وبيحل كل مشاكله ب العنف والبنت متعرفش دا
يحيي/وحتي لو روحتي هتقولي لها ايه يعني..وبعدين انتي مالك اصلا هي مش صغيره ي رولا
رولا /بس ا
يحيي/يلا ي رولا ربنا يهديكي..يلا ي حبيبتي نمشي وبلاش هبل
رولا/اوففف
وخدها ومشيو
ف شركه تصميم الأزياء
فريده قاعده ع مكتبها بترسم تصاميم و زين و ادهم وليلي طلعو من الاسانسير
ومشيو ف الطرقه
زين/هي بتول لسه مجهزتش لحد دلوقتي..محتاجين نتحرك نروح اللوكيشن حالا
ليلي/انا مش عارفه والله هي بتختفي وبتروح فين
ادهم/يمكن قاعده بتعطف ع حد غلبان تحت الشركه ولا حاجه بعد التغيير الكبير ال حصلها دا
ليلي ضحكت وزين هز راسه بمعني مفيش فايده
موظفه راحت ل ليلي
الموظفه/ليلي هانم حضرتك طلبتي مننا نشوف انسه بتول فين..هي سبقتكم ع اللوكيشن مع المصورين والفساتين
ليلي /طب كويس
ليلي ل فريده ال قاعده بتشتغل
ليلي/انتي ي حلوه ي الي قاعده انتي
فريده انتبهت وقامت/نعم
ليلي/جهزي نفسك يلا علشان هتيجي معانا
زين ابتسم
فريده ابتسمت/هنروح فين؟
ليلي/رايحين نصور كولكشن الصيف ف منطقه ***في زرع وبحيره ومنظر حلو اوي هيعجبك ..وبعدين احنا محتاجين ناس حلوه كدا حوالينا علشان ميغماش علينا من الناس ال هناك بالذات بتول
فريده ابتسمت/بس انا هاجي اعمل ايه انا شغلي التصاميم بس هعمل لكم زحمه ع الفاضي
ادهم ابتسم/والله لو كل الزحمه هتبقي زيك كدا ياريت البلد تنزحم ع طول
ليلي ابتسمت و زين بص ل ادهم وادهم شاور له بمعني سكتت
زين ل فريده/ليلي محتجاكي معاها علشان تاخد رايك ف الالوان ..يعني لو حابه تيجي
فريده ابتسمت/تمام هاجي
زين ابتسم
بعد شويه ركبو الاسانسير ونزلو تحت عند عربيه زين وادهم
ليلي ف كل فرصه بتحاول تقرب زين وفريده من بعض
ليلي/انا وانتي مش هناخد عربيتنا علشان منعملش زحمه ع الفاضي..انتي هتركبي مع الشاب المز دا
وشاورت ع زين
فريده ابتسمت
وانا هركب مع اخوه القمر دا
وشاورت ع ادهم
ادهم ابتسم/والله دا شرف ليا
وفتح لها الباب
ادهم/العربيه هتنور
ليلي ضحكت وركبت
وادهم ركب ومشيو
زين فتح الباب ل فريده
زين /اتفضلي
فريده ابتسمت وركبت
وزين ابتسم وقفل الباب وراح يركب جمبها
و بدأ يسوق العربيه
ف الكومباوند العصر
سيف قاعد ع الطربيزه ال ف الجنينه جمب اوضته
عند احلام
طلعت من البيت وهي بتلبس الكاردجان
وف ايدها علبه فيها اكل
وراحت ل سيف ال قاعد لوحده وسرحان
احلام ابتسمت/انت استقريت ف الجنينه ولا ايه
سيف انتبه وابتسم/الجو حلو و رايق ف قولت اقعد اشم هوا نضيف ..دا لو مش هيضايق حضرتك طبعا
احلام/لا طبعا مفيش اي مشكله..ممكن اقعد؟
سيف/اكيد..المكان مكانك اصلا
احلام سحبت كرسي وقعدت قصاده وحطت علبه الاكل ع الطربيزه
احلام/لما الخادمه كانت جايبه لك الفطار امبارح رجعتها ب الاكل وقولت لها مش عايز وكمان قولت لها متجبلكش غدا..ممكن افهم ليه؟
سيف ابتسم/قولت مفيش داعي اتقل عليكم كان في اكل ف التلاجه ال ف الاوضه مشيت حالي بيه..لحد ما الاقي شغل وابدا اسدد جمايل ادم بيه عليا
احلام/لاء متقولش كدا ابدا تتقل علينا ازاي بس..وبعدين انت امانه عند ادم لازم ناخد بالنا منك ع قد ما نقدر
سيف ابتسم /انتو عملتو ال عليكم وزياده والله بس انا متعودش ع كدا..عمري ف حياتي ما قابلت ناس نضيفه كدا من جوه ومن برا ..عمر ما حد عمل معايا حاجه حلوه من غير مقابل... مفيش حد كان حنين عليا الحنيه دي زيكم ومتعودش برضو ابقي ف امان..بقالي تقريبا ١٥ سنه بنام مفتح عين ومغمض عين ..ف الكومباوند بتاعكم دا قدرت انام وانا متطمن ..ف بيت ادم بيه بقدر انام وانا حاسس بالأمان...معنديش ادني فكره الشعور دا جايلي منين
احلام ابتسمت
احلام /طب هيضايقك لو سألتك انت مكنتش بتقدر تنام وانت حاسس ب الامان ليه؟
انا عارفه ان والدتك ماتت وانت صغير وبعدين بباك اتحبس ظلم بسبب ناس مش كويسه..بس انت كنت بتشتغل شغلانه كويسه تقدر تصرف بيها ع اخواتك صح
سيف فهم ان ادم مقالش ل احلام الحقيقه كامله
مقلهاش ان بباه كان شغال مع مافيا واتحبس لانه قالو له يقتل ولبسوه التهمه..ومقالش ان نفس الناس ال شغاله مع بباه بتسعي وراه علشان يشتغل معاهم ودا السبب الرئيسي ال ابو سيف قال ل ادم ياخد سيف عنده يحميه.بس يمكن خبي عليها دا علشان متفضلش خايفه وقلقانه
سيف/انا اشتغلت كل حاجه حضرتك تقدري تتخيلها علشان اصرف ع اخواتي ..بس الناس مبتسبش حد ف حالها.يعني حضرتك فاهمه انا كنت صغير وقتها واخواتي الصغيرين مسؤولين مني ف ديما كنت خايف عليهم وخايف من اني مقدرش احميهم
احلام ابتسمت/اكيد انا فاهمه دا وحاسه بيك والله
سيف ابتسم
احلام /المهم سيبك من كل الكلام دا انا جيبالك اكل علشان انت مكالتش وإياك تقولي لاء مش هاكل علشان انا ال عامله المحشي دا ب نفسي وهزعل منك
سيف ابتسم/لاء لو حضرتك ال عملاه ب نفسك اكيد هاكل
احلام ابتسمت/ماشي كويس..عن اذنك بقي هدخل جوه
سيف/اكيد طبعا اتفضلي
واحلام قامت ودخلت البيت
وسيف بدأ يفتح علبه الاكل وياكل
فجأه اسماعيل دخل البيت وراح ل سيف
سيف قام/اسماعيل بيه
اسماعيل/ادم بيه باعتني علشان اشيل لك الكلبشه الالكترونيه
سيف ابتسم/دا بجد؟هو كلم حضرتك بنفسه وقال كدا؟
اسماعيل/ايوا
سيف ابتسم وفرح ل فكره ان ادم ممكن يرجع يثق فيه تاني..ادم بيه وقف جمبه كتير وعمل معان حاجات ابوه معملهاش معاه .
في لوكيشن التصوير
زين وصل ب العربيه
و فريده نزلت من العربيه وزين نزل وفريده بتبص ع المكان ب انبهار
كان زي جنينه واسعه وفي ورد وشجر كتير و جمبه فعلا بحيره فيها مايه نقيه جدا
فريده بابتسامه/الله المكان دا حلو اوي
زين ابتسم /عجبك
فريده بابتسامه/جدا..وتقريبا في ممثلين مشهورين صورو في فيلم رومانسي هنا..بس انا مظنش انك بتتفرج ع النوع دا من الأفلام
زين/ليه بتقولي كدا
فريده ابتسمت/ لان شكلك مبتحبش الحاجات الرومانسية ال شبهه كدا
زين ابتسم/يعني هو انا لازم امشي ماسك ورده ف ايدي علشان إبان رومانسي يعني
فريده ابتسمت/مش فاهمه عايز تقول انك رومانسي يعني
زين قرب منها ووقف قصادها وبص لها ف عينها
زين/كل واحد فينا ليه منظور مختلف عن الرومانسية..يعني انا مثلا مبحبش الحاجات الكلاسيكية والتقليديه..انا بحب الحاجات المميزه ال مبتشبهش غيرها ابدا
فريده ابتسمت/زي المكان دا كدا؟
زين/المكان مبيفرقش ف حاجه اهم حاجه الناس ال موجودين معاكي ف المكان دا
فريده ابتسمت وبصت له ف عيونه
بعد ساعه
جهزوا لوكيشن التصوير
بتول لابسه فستان فرح طويل و ب كات وفي مصورين بيصوروها
وزين وليلي قاعدين جمب بعض ع طربيزه و بيشوفوا التصوير ماشي ازاي
وادهم قاعد ع طربيزه ف جمب بيتكلم مع كام موديل وبيهزر ويضحك معاهم وبيشربو عصير
و فريده مع موظفه ب تنظم الالوان ال هيعملو منها زي الفستان دا
وبعدين وقفو التصوير علشان بنتين بيظبطو ميكب بتول
بتول علشان تبين قدام زين انها اتغيرت
خدت المنديل من البنت بسرعه
بتول/هاتي هاتي عنك انتي تعبتي النهارده انا همسح
واول ما شافت موظف ماشي معاه عده تصوير
بتول راحت له بسرعه/هات خليني اساعدك
الموظف/لا لا ي بتول هانم مفيش داعي
بتول/ارجوك خليني اساعدك انت تعبت النهارده
وزين وليلي قاعدين بيراقبو ال بتعملو
بتول مسكت عده التصوير/هات بس اسمع الكلام
الموظف/معقوله ي بتول هانم دا شغلي والله
بتول سابت العده/تمام ماشي خلاص
عند زين وليلي ال بتهوي ع نفسها ب المروحه
زين /ليلي...الانسان ممكن يتغير؟
ليلي وهي بتهوي ع نفسها وبتبص ع بتول/ الخاروف بيفضل خاروف..والعقرب بيفضل عقرب والبومه مستحيل تبقي فراشه
زين هز راسه ب فعلا
بتول شافت فريده وهي ماشيه معاها باليت الوان
بتول راحت لها بسرعه
بتول/فريده صحبتي هاتي عنك انا هشيلهم
فريده/ملوش لزوم انا هوديهم ل نورهان هناك عادي
بتول/لا ازاي انتي تعبتي خالص النهارده هساعدك انا هاتي
وخدت الالوان منها وفريده ادتهالها ب استغراب
و فريده راحت قعدت جمب ليلي وزين
بتول /كل الموجودين يسمعوني لو سمحتم..
كل ال موجودين راحو وقفو عندها
بتول/انا عايزه اشكركم كلكم ..جماعه الاضاءه والمنتاج ..ليلي وفريده..ومديري زين...انتو احلي حاجه ف حياتي..انا من غيركم مقدرش اعمل حاجه علشان كدا انا عزماكم كلكم النهارده بليل ع حفله عيد ميلادي ال ٢١
الموظفين سقفو لها
عند ليلي
ليلي/هي تقريبا حاسبه غلط...لو كانت البنت دي صادقه..يبقي بدأت شغل معايا وهي عمرها يوم تقريبا
زين و فريده ضحكو
بتول راحت ل زين وفريده و ليلي
بتول/زين بيه ليلي هانم..انتو لازم تكونو موجودين طبعا تحتفلو معايا
زين اتنهد وليلي هزت راسها ب معني ليه لاء
بتول بصت ل فريده/فريده هتحتفلي معانا مش كدا
فريده /والله ياريت بس مش هقدر..مقولتش ل بابي ولو اتصلت بيه دلوقتي مستحيل يقتنع
بتول/لاء ي فريده متهزريش..احنا عايشين ف العصر الكام؟ ..انتي بنت كبيره دلوقتي..الحفله دي بالذات مينفعش متكونيش موجوده.. زين قول حاجه.. الحفله مش هتبقي حلوه من غيرها
زين بص ل فريده ف عينها/لو حابه تفضلي انا ممكن اكلم ادم بيه اقنعو
فريده بصت له ف عينه وابتسمت/طبعا..انا حابه افضل ..حتي انا ممكن اجرب محاوله مع بابي واكلمو اقنعو
زين ابتسم
بتول ابتسمت بخبث لانها ناويه تجيب واحد صاحبها الحفله يقرب من فريده قدام زين علشان توقع بين زين وفريده
المغرب في المجمع
عند رولا
راجعه من الجيم وهي ماشيه شافت مروه و سيف قاعدين ف جمب بيتكلمو وبيضحكو
سيف ضحك/متهزريش هما عملو كدا فيكي وانتي صغيره؟
مروه ضحكت/والله بكلمك بجد دا ال حصل
رولا راحت لهم بغيظ
رولا بجديه/مروه ازيك
مروه/رولا
سيف ابتسم/حضره الشرطيه..مساء الخير
رولا/انتو الاتنين اتعرفتو ع بعض؟
مروه ابتسمت وبصت ل سيف/لاء شوفنا بعض بالصدفه
سيف ل رولا/ايه ال حصل؟قفشتينا ف وضع مش ولابد ولا ايه ي رولا هانم.طلعي بطاقتك بسرعه طلعيها بدل ما تحبسنا
وضحك و مروه ضحكت
رولا ل مروه بجديه/رولا انتي مامتك عارفه انك هنا بليل كدا وقاعده مع واحد متعرفهوش؟
مروه/ايه ال دخل مامي دلوقتي مش فاهمه
رولا /انا رايي تروحي ع بيتك يلا بسرعه
مروه/رولا بلاش هزارك دا بالله عليكي
رولا بجديه/دا مش هزار انا بتكلم بكل جديه..متخلنيش اتصل ب طنط نهال دلوقتي اقولها ال انتي بتعمليه ..يلا روحي ع البيت
مروه اتنهدت بغيظ وقامت
وكانت هتمشي
سيف/استني بس ي نورا رايحه فين
مروه بصت له بغيظ/اسمي مروه
وسابتهم ومشيت
سيف قام وبص ل رولا
سيف/ايه ال انتي عملتيه دا افرض دي كانت حب حياتي ال بدور عليه من زمان
رولا/دا انت حتي مش عارف اسمها.
سيف راح لها ووقف قصادها
سيف/ليه هو انا مقدرش احب واحده انا معرفش اسمها؟
رولا/اكيد لاء يعني
سيف/بصي انا رايق النهارده ..ودي اول مره ابقي قاعد فيها مروق دماغي كدا ف متعكرليش مزاجي ب شخصياتك المتقلبه دي..لان مره تقولي لي انا يحيي بس ال ينفع لي بمعني خليك انت بعيد عني..والنهارده الصبح تيجي تبصي عليا من بعيد انتي وحبيبك وتراقبوني...وبعدين تيجي دلوقتي لوحدك وبتاخد موقف مني..انا لمفروض استنتج ايه من كل تصرفاتك دي؟
رولا/
سيف ابتسم/يعني انتي للدرجه دي مستصعبه حتت اني احب حد؟مش فاهم
رولا/وانت ايه ال يفهمك بالحب اصلا؟ها؟تعرف ايه عنه
سيف/فهميني انتي كدا..خليني اعرفه علشان ابقي اطبقو
رولا بصتله ف عينه/عايزني افهمهولك؟تمام هقولك.. الحب انك تخاف اول ما تشوف حبيبك..انك تعيش ف خوف ورعب لمجرد فكره انك ممكن تخسره ..انك تبدأ تحب الحاجات ال انت كنت بتكرهها ف الاول..وانك تقدر تشوف النور ال موجود جواه ف الضلمه بتاعته..وتبقي واثق انه هيكون شخص كويس..انك متقدررش تمشي حتي لو هو ال قالك. وتقوله يفضل حتي لو هو عايز يمشي
سيف قرب منها/يتري بتوصفي مين بقي بالكلام دا؟
رولا بتوتر/ها؟ولا حد ..ولا حد اكيد يعني
سيف ابتسم/متضحكيش ع نفسك ي رولا..انتي متقدريش تبعدي عني اصلا
رولا/اه دا ف احلامك ان شاءالله ..انا همشي بقي علشان شكلك اتجننت ع الاخر
كانت هتمشي سيف مسك ايدها وقفها
سيف/ينفع استأذنك اعمل حاجه كان نفسي اعملها من زمان؟
رولا/
سيف قرب منها و باس راسها
سيف بصلها ف عينها/انتي احلي وانضف واحن من انك تدخلي حياتي او تكوني جزء منها..انا اساسا كنت مستخسرك فيا
رولا بصتله ف عيونه وابتسمت
وبعدين رجعت ل وعيها
رولا خبطته ف كتفه/لو عملت ال انت عملته دا تاني انا هموتك
وسابته ومشيت و سيف ابتسم
سيف/انا راضي اموت ع ايدك اساسا
في كومباوند ادم
بعد نص ساعه
رولا ف غرفتها بتغير هدومها ف الدرسنج بعد دا خدت شاور وبتكلم هايدي ف التليفون ورولا فاتحه ال سبيكر
هايدي/انبسطت اوي لما عرفت ان انتي واونكل اتصالحتو بجد..كنت مسافره مع مامي وبابي نشوف خالتو ف ملحقتش اتطمن منك ع بقيت الاخبار
رولا/اه والله ي هايدي انا كنت متضايقه اوي ان بابي زعلان مني اوي كدا..الحمد لله
احلام كانت عايزه رولا ودخلت الاوضه سمعت رولا وهي بتكلم هايدي ف التليفون
هايدي/بس بصراحه ي رولا اونكل معاه حق ..حقه يخاف عليكي يعني..سيف خدك معاه اسكندريه وركبتو مركب ف نص البحر وهو كان في ناس مسلحه بتدور عليه وعيزاه..يعني لقدر الله لقدر الله لو كانو عملو فيكي حاجه محدش كان هيسمع بيكم ..انا مكنتش اعرف ان سيف شخص خطير للدرجه دي انا فكرته واحد طبيعي بيشتغل معاكم زيه زي ايه حد اتاريه كان شغال مع ناس خطيره
رولا/ ع فكره ي هايدي سيف مشتغلش مع الناس دي خالص ولا ليه علاقه بيهم..الناس دي هي ال بتجري ورا سيف علشان عايزينه يشتغل معاهم زي ما بباه كان بيشتغل معاهم بالضبط..يعني هو ملوش زنب ف حاجه
هايدي/الله الله..بتدافعي عنه ليه دلوقتي مش فاهمه
رولا بتوتر/لا مبدافعش بس
احلام بتسمع الكلام برا الدريسنج ومصدومه ..دلوقتي عرفت لي ادم فضل مخاصم رولا يومين كاملين وكان متضايق من سيف..علشان بنتهم راحت من وراهم اسكندريه ف نص البحر وكان في ناس مسلحه بتدور ع سيف ! بنتها كان ممكن تروح فيها ف لحظتها وادم مخبي عليها كل الوقت دا
رولا طلعت من الدريسنج بعد ما غيرت هدومها وبصت ع احلام ال واقفه مصدومه
رولا بصدمه/مامي
احلام بصدمه/ايه ال انا سمعته دا ي رولا؟
هايدي /متقوليش انك كنتي فاتحه الاسبيكر
رولا/هايدي هكلمك بعدين
وقفلت المكالمه
رولا بتوتر/مامي انا كنت عايزه احكيلك والله
احلام بعصبيه/ردي عليا ايه ال انا سمعته دا؟ انتي بباكي جه ياخدك من اسكندريه فعلا من نص البحر وفي ناس معاها سلاح كانت بتدور ع سيف؟في ناس خطيره كانت بتراقبكم ي رولا؟ردي عليا
رولا بتوتر/والله انا مكنتش اعرف ان الموضوع كبير كدا وان في ناس خطيره كدا بتدور ع سيف..سيف كان عايز يهرب من هنا من ورا بابي لانه مش عايز يفضل امانه عنده ويسيب شغله وحياته
احلام بغضب/شغله وحياته دي ال هي الناس ال مش كويسه ال معاهم اسلحه صح
رولا بتوتر /لالا سيف مبيشتغلش ف حاجه وحشه والله..هو شريك مع واحد ف مكان السهر بس ..انا مكنش فارق معايا هو رايح ل مين وبيعمل ايه..أنا وقتها كنت متضايقه جدا انه فوق دماغي طول الوقت وحارس شخصي ليا ف كنت عيزاه يمشي من حياتي بس
احلام/وانتي وبباكي اتفقتو وخبيتو دا عليا مش كدا؟
وطلعت من الاوضه بغضب ورولا راحت وراها بسرعه
رولا/مامي اسمعيني لو سمحتي
واحلام رايحه بتجاه باب البيت وطلعت من البيت ورولا وراها بتحاول تهديها
رولا /مامي انتي رايحه فين طيب
احلام بعصبيه/رولا ادخلي البيت ومتطلعيش منه إلا لما اجيلك
رولا/ي مامي اسمعيني علشان خاطري
وراحت ل سيف و ياسين وميرا ال قاعدين بيشربو شاي ف الجنينه ال عند اوضه سيف
سيف قام/احلام هانم
احلام ل ياسين بغضب/خد اختك ميرا وادخل البيت يلا
ياسين/في ايه ي احلام
ميرا/هو في حاجه حصلت ي مامي
رولا/ي مامي لو سمحتي خليني اشرح لك
احلام بصت ل رولا بغضب/هو انا مش قلت لك ادخلي ع البيت؟
ياسين قام/في ايه ي ماما ايه الحصل؟
ميرت قامت بتوتر
احلام بعصبيه/اسمع الكلام ي ياسين من غير كلام كتير ادخل انت وميرا ع البيت يلا ومش عايزه حد فيكم يقعد هنا تاني ولا يقرب من الاوضه تاني ولا من البني ادم دا ..انتو فاهمين؟
سيف ل ب احترام/ انا عملت حاجه ضايقت حضرتك ي احلام هانم؟
احلام بصت له
سيف/انا قولت حاجه زعلت حضرتك مني او عملت حاجه من غير ما اقصد؟
احلام شاورت ل ياسين و ميرا يدخلو البيت
احلام/يلا قدامي
ياسين خد ميرا و دخلو البيت وهما مش فاهمين اي حاجه
رولا/خلاص ي مامي اهدي شويه لو سمحتي كدا مينفعش
احلام مسكت دراع رولا بغضب علشان تمشي معاها
احلام/يلا خلينا ندخل البيت
سيف وقف قصادهم قبل ما يمشو
سيف /ا انا غلطت ف حقكم او حاجه؟
احلام بصت له بغضب/كفايه انك خدت بنتي من ورانا وعرضتها ل الخطر ف نص البحر وف بلد هي متعرفهاش..بنتي ال احنا امنناك عليها علشان كنا واثقين فيك..ف وسع من قدامي علشان نمشي
سيف هز راسه ب تفهم
سيف/علشان كدا حضرتك متعصبه..حضرتك عرفتي..طبعا اتفضلي
ووسع من قدامهم واحلام خدت رولا ودخلو البيت
سيف اتنهد وسند ع الطربيزه
بعد تلت ساعه ادم وصل البيت بعد ما رولا اتصلت بيه وقالت له ان احلام عرفت
في غرفه احلام
احلام واقفه و رولا واقفه معاها
و ياسين وميرا قاعدين تحت ف الصالون مش فاهمين اي حاجه
في غرفه احلام
رولا/انا عارفه ي مامي ان انا غلطت وغلطت كمان ان انا خبيت بس والله انا كنت خايفه ع زعلك وا
احلام بغضب/اخواتك البنات رايحين جايين مع الشاب دا وانتي عارفه وساكته ولا ع بالك مش كدا؟ مش خايفه يعمل فيهم حاجه؟ كنتي مستنيه ايه يحصل علشان تقوليلي ي رولا ؟ها؟ لو انا معرفتش النهارده ب الصدفه مكنتيش هتقولي طول حياتك صح
رولا /مامي ع فكره سيف مش وحش زي ما انتي مفكره
احلام بغضب/متدافعيش عنه قدامي..اياك..بقالنا فتره من وقت ما دخل حياتنا وكل شويه يحصل مصيبه والمصيبه ال حصلت معاكي ف الكافيه كنتي هتتأذي و ال كام مره ال اتخانق فيهم مع يحيي..و انا بغبائي رايحه اوديه المستشفى ب ايدي
رولا/ي مامي والله كل الموضوع ان ا
احلام بعصبيه/اياك اشوفك مره تانيه واقفه بتتكلمي مع سيف..انتي فاهمه ولالا ..وحتي مش هتفضلو أصدقاء من بعيد ل بعيد..وايا كان الشئ السخيف ال بينكم هتنهيه وفورا.
رولا/قصد حضرتك ايه ..ايه ال بينا
احلام/انتي فاهمه كويس اوي انا اقصد ايه..تمام؟
وقعدت ع الكنبه ومسكت دماغها ب ايدها وبتحاول تهدي وايدها بتترعش..كل الذكريات ال وحشه ال كانت بتحصل بسبب شغل ادم زمان بتتعاد قدام عنيها ...مرعوبه حد يمس شعره من عيالهم او يأذيهم
ادم دخل البيت
ادم/مامتكم فين
ميرا/ف اوضتها
ياسين/ادم هو سيف عمل ايه ضايقت احلام اوي كدا
ادم وهو طالع فوق/نتكلم بعدين ي ياسين
وطلع فوق ودخل الاوضه
رولا/بابي
ادم/روحي ع اوضتك دلوقتي ي رولا
رولا/حاضر
وطلعت برا الاوضه وقفلت الباب
احلام قامت وبصت له بغضب ودموع /لما رجعت انت ورولا من برا ف اليوم دا وانتو الاتنين كان باين عليكم متضايقين..فضلت يومين كاملين رايحه جايه بينك وبينها عايزه اعرف بس مالكم..سألتك ٦٠ مره ي ادم وكان قدامك اكتر من فرصه تقولي ال حصل وانت اختارت انك تكدب وانت باصص ف عيني
ادم قرب منها يمسح لها دموعها/انا هشرح لك كل حاجه والله
احلام بعدت عنه/..لاء ومش بس كدا ..انت يوم ما جبت سيف هنا ووافقت يبقي امانه عندك معرفتنيش الحقيقه كامله وقولت لي انه بس ابن ابراهيم اخو رضا الله يرحمه وهيشتغل عندنا عادي علشان ميتبهدلش برا.. ومقولتليش ان في ناس مسلحه بتجري وراه وبتدور عليه وعيزاه.
جايبه هنا ليه ي ادم؟جايبه وسط عيالنا ليه وهو مصدر خطر كبير كدا؟ ولما عرفت ال عملو مع رولا رجعته البيت تاني ليه؟مستني يأذي حد من عيالنا علشان تمشيه؟
ادم/انا كنت جايبه له بيت تاني يقعد فيه بعيد عن هنا والله العظيم ...بس لما اتصلتي بيا وقولتي لي ياسين عمل حادثه اضطريت اجيبه ع هنا..وركبت له كلبشه الكترونيه علشان ابقي متابع كل خطواته وعلشان اعرف لو خرج برة الكومباوند
احلام بعصبيه/وليه كل دا؟ليه اصلا ببقي موجود قريب اوي كدا من عيالي...ليه؟ انت ناسي ي ادم ال كان بيحصلنا زمان بسبب الناس ال شبهه دي؟ناسي احنا تعبنا قد ايه علشان عيالنا يكبرو ف بيئه صحيه بعيده عن البودي جاردات ال ف كل حتي وتعبنا قد ايه علشان عيالنا ميشفوش سلاح واحد ولا طلقه واحده..ف تروح انت جايب واحد منهم ف وسط بيتنا؟
ادم/مقدرتش اتخلي عنه..اعمل ايه؟حاولت ومقدرتش..الشاب دا معندوش اي حد ف الدنيا دي يلجأ له غيري...بيفكرني بنفسي زمان..حياته تقريبا شبهه حياتي زمان بالضبط..مامته ماتت بطريقه وحشه وهو صغير..بباه اتسجن وهو اقل من ١٥ سنه واضطر هو ال يصرف ع اخواته ويعوضهم عن ابوهم..دخل ف حاجات غصب عنه علشان بس يصرف ع اخواته
..الفرق الوحيد ان انا مكنش في حد واقف جمبي و ف ضهري.. ولا غريب ولا قريب علشان كدا انا مقدرتش استغني عنه واسيبه لوحده لاني لو سبته هيضيع وانا كنت هشيل زنبه طول حياتي..ع فكره سيف عمرو ما اشتغل مع الناس ال بباه اشتغل معاهم دول .ولا عمرو أذي حد ولا زمان ولا دلوقتي انا دورت وراه وتأكدت من الموضوع دا..كل الموضوع بس الناس ال كانت شغاله مع بباه في منهم ناس بتسعي ورا سيف علشان يبقي معاهم اما هو ملوش زنب ف اي حاجه
ادم قرب من احلام ومسك وشها ب ايده/انا والله العظيم خبيت عليكي علشان متتخضيش ع رولا وبالك ميفضلش مشغول ع عيالنا..خوفت عليكي تزعلي
احلام بدموع /لا فعلا كتر خيرك. خوفت عليا ازعل
.وانا دلوقتي مزعلتش؟ مزعلتش وانت بتكدب وانت باصص ف عيوني وبتخبي ؟ انا اصلا انا مستغربه ليه انك خبيت عني؟وتحكيلي ليه اصلا انت كدا كدا عارف تربي عيالك كويس لوحدك وعارف تمشي البيت دا لوحدك ف انا تقريبا مليش لازمه
ادم باس راسها وخدها/لا لا والله العظيم البيت دا ميسواش اي حاجه من غيرك
احلام بدموع /انا خايفه يحصل ل عيالي حاجه ي ادم..مش عيزاهم يتعرضو للخطر ولا يشوفو ضرب ناس ولا حتي طلقه واحده ...مش عايزه عيالي يشوفو حاجه زي ال كانت بتحصل لنا زمان
وقعدت ع الكنبه وهي بتعيط ادم ركع ع ركبته علشان يبقي ف مستواها و مسك وشها ب ايده ومسح لها دموعها وباس راسها وخدها وباس راسها تاني
ادم/مستحيل اسمح ل حد يمس شعره من ولادنا ..انا اتخليت عن كل حاجه وحشه ف حياتي علشانك انتي وهما..بدأت من الصفر وسبت شغلي وبيتنا وكل حاجه علشان عيالي يبقو بخير ..بعد دا كله تفتكري هسمح لحد يأذيهم؟
احلام عيطت وادم خدها ف حضنه وباس راسها واحلام حضنته بقوه وهي بتعيط
ادم/انا اسف..حقك عليا انا اسف
احلام طلعت من حضنه ومسحت دموعها
احلام/قدامك يومين ي ادم لو مخدتش سيف يقعد ف اي مكان بعيد عن ولادي وبعدين عن المجمع كله انا ال همشي
وقامت وطلعت برا الاوضه
في لوكيشن التصوير عند فريده
الموظفين بيلمو عدت التصوير علشان يبداو الاحتفال بعيد ميلاد بتول
وفريده واقفه ف جمب بتكلم ميرا
فريده/بتهزري
ميرا/زي ما بقولك كدا.اوعي تتصلي ب بابي تستأذنيه علشان العيد ميلاد لان الدنيا قايمه عندنا ف البيت ...ارجعي البيت احسن دلوقتي
فريده اتنهدت/تمام ماشي
فريده حطت الموبايل ف شنطتها وزين راح لها
زين/واقفه لوحدك ليه
فريده ابتسمت/انا كنت لسه هاجي لك علشان اقولك اني همشي للاسف
زين/ليه؟هو ادم بيه موافقش؟ تحبي اكلمه
فريده/لالا بلاش لان ميرا كلمتني وقالت لي ان في مشكله ف البيت ف انا لازم امشي دلوقتي..خليك انت كمل العيد ميلاد وانا هاخد تاكسي لحد عربيتي ف الشركه
زين/لاء ايه ال انتي بتقوليه دا انا هوصلك
فريده/لاء لو سمحت متبوظش يومك بسببي وخليك احتفل معاهم
زين/بطلي هبل ي فريده انا مش هسيبك تمشي لوحدك بليل كدا..وبعدين انا ال وصلت لك ل هنا يبقي انا ال اروحك
فريده ابتسمت/تمام ماشي
زين ابتسم وفتح لها باب عربيته وفريده ركبت و زين لف وراح يركب وساق العربيه ومشي
بتول غيرت لبس الشغل ل لبسها الطبيعي و بتدور بعينها ع زين وفريده ومش لقياهم
بتول راحت ل ادهم ال واقف بيتكلم مع موظف
بتول/ادهم مشوفتش زين
ادهم/اه لسه شايفه واخد فريده وماشيين
بتول بصدمه/ايه؟لا طبعا مينفعش يمشو لازم يحضرو ال عيد ميلاد
ادهم /ايه مالك ي بتول عيد ميلادك ال ٢١ مينفعش يمشي الا ب فريده وزين مع بعض ولا ايه..للدرجه دي اتغيرتي ..ناقص تتمني لهم السعاده
بتول واقفه ب غيظ لان كدا خطتها باظت.. ال كانت ناويه تبوظ علاقه زين وفريده بيها
في الكومباوند في اوضه سيف
قاعد ع الكنبه وادم دخل الاوضه
سيف قام/ادم بيه ..مرات حضرتك ا
أدم/اقعد ي سيف اقعد
سيف قعد تاني
سيف/مش انا ال قولت لها والله
ادم قعد ع الكنبه هو كمان/عارف
سيف/انا اسف لو حصلت لك مشاكل بسببي ..بس الحل الوحيد علشان احلام هانم تهدي ان انا امشي من هنا..ف سبني امشي اكمل طريقي وانتو ارجعو ل حياتكم الطبيعيه تاني
ادم/مش عايز كلام فارغ..مفيش الكلام دا. انا مش هسيبك تروح ف مكان..انا هعرف اهدي احلام والمشكله دي هتتحل..الموضوع ملوش اي علاقه بيك
سيف/انا قادر افهمها والله ومش متضايق منها ابدا..هي حقها تعمل اكتر من كدا علشان خايفه ع ولادها
ادم/زي ما قولت لك الموضوع ملوش علاقه بيك..كل الموضوع ان في حاجات حصلت زمان اتعرضنا فيها للخطر ف هي افتكرت كل دا واتخضت من فكره ان عيالنا ممكن يتعرضو ل نفس الخطر دا
سيف/كان باين عليها انها خايفه من حاجه فعلا لما جت خدت ياسين وميرا من معايا..حتي وهي متعصبه كان باين عليها خايفه
ادم/
سيف/زي ما قولت ل حضرتك لو عدم وجودي هو ال هيحل المشكله لو سمحت سبني ف اي حته وكمل حياتك طبيعي عادي
ادم قام/انا مش عايز كلام كتير ف الموضوع دا ي سيف..انت مش هتتحرك من هنا ..زي ما قولت لك بدانا الموضوع سوا هنخلصه سوا... عايزك بس متظهرش قدام احلام الفتره دي لحد ما تهدي
سيف هز راسه بموافقه
وادم قام وكان هيمشي
سيف قام /شكرا انك بعتت اسماعيل بيه يفك الكلبشات الالكترونيه..مع ان مكنش في داعي ل داعي انا كنت راضي افضل لابسها لحد ما ترجع تثق فيا تاني..يعني لو حضرتك لسه قلقان مني ل
ادم/انا لو قلقان منك ومش واثق فيك مكنتش سبتك ترجع تقعد جمب عيالي تاني
سيف ابتسم
وادم طلع من الاوضه
عند رولا طلعت من البيت وهي بتعيط ورايحه ب وشها ل برا البوابه
ادم راح لها ومسك دراعها بسرعه منعها
ادم/رايحه فين ي رولا
رولا بدموع /انت واحلام اتخانقتو بسببي و زعلت منك بسببي وكمان زعلانه مني انا مكنتش اقصد والله العظيم ي بابي انا ا
ادم خدها ف حضنه يملس ع شعرها و يهديها
سيف طلع من غرفته وبص لهم
ادم باس راسها/انا عارف ي روح قلبي من غير ما تقولي..مفيش اي حاجه من ال حصلت النهارده كانت بسببك .انا ال غلطان انا ال قولت لك متقوليش ال حصل ل مامتك علشان كدا هي زعلت مني..بس انا هصالحها متخافيش...وهتصالحك انتي كمان ..انتي عارفه هي بتحبك وبتخاف عليكي قد ايه..عملت كل دا من خوفها عليكي
رولا هزت راسها ب موافقه وطلعت من حضنه وباست خده و ادم مسح لها دموعها وباس راسها
رولا/ادخل انت علشان تتكلم مع مامي وانا هروح اتمشى شويه حاسه اني محتاجه اشم هوا
ادم/مش هتروحي ل مكان لوحدك وانتي متضايقه ب المنظر دا
ادم ل سيف ال واقف جمب اوضته
ادم/تعالي ي سيف
سيف راح لهم وادم طلع مفاتيح عربيه من المكرونه ف الجنينه واعطاها ل سيف
ادم/خد وصل رولا للمكان ال هي عيزاه ومتسبهاش لوحدها
سيف هز راسه ب موافقه
رولا بصت ل سيف بغيظ/لاء ي بابي انا مش عايزه اروح معاه ف مكان..أنا هروح لوحدي
ادم/رولا..اسمعي الكلام يلا واركبي العربيه
رولا/ي بابي اصلا لو احلام عرفت ان هو ال وصلني هتتعصب عليا وتزعل مني تاني
ادم/ملكيش دعوه انتي ب احلام انا هتكلم معاها
وفتح لها الباب
ادم/يلا اركبي
رولا اتنهدت وركبت
ادم ل سيف/خلي بالك منها
سيف/حاضر متقلقش
ولف ركب العربيه وساقها واتحرك وطلع برة الكومباوند
وادم دخل البيت
سيف سايق العربيه ورولا جمبه
رولا/اقف هنا ع جنب انا هنزل
سيف/ليه يعني؟
رولا/لان خلاص بابي مش معانا مفيش داعي تسمع كلامه وتوصلني بجد
سيف اتنهد وهز راسه بمعني مفيش فايده
رولا بغضب/انا بكلمك ع فكره يلا نزلني ع جنب انت مش سامعني؟
سيف ركن العربيه ف جمب
سيف/طيب ماشي هدي أعصابك
رولا خلعت الحزام ونزلت من العربيه
وسيف نزل من العربيه هو كمان
ورولا مشيت لوحدها بغضب وسيف راح وراها بيكلمها
سيف/رولا انا فاهم انك متعصبه وزعلانه من الحصل بس مش شايف ان في داعي ل تصرفاتك دي ابدا
رولا وقفت وبصتله وسيف وقف قصادها
سيف/صدقيني مفيش داعي
رولا بغضب/انت اخر حد مسموح له انه ينصحني ب حاجه
سيف/انتي ليه متعصبه مني اوي كدا
رولا /وبتسألني ليه من كل عقلك؟
سيف/ايوا انا بجد مش فاهم انا عملت ايه
رولا بغضب/اسأل نفسك
وسابته ومشيت
سيف راح لها ومسك دراعها وقفها
سيف/لو انتي زعلانه مني علشان احلام هانم عرفت ال انا عملته وانك خبيتي عنها ال حصل ف دا كان متوقع انه هيحصل كدا كدا ي رولا
رولا بغضب/انا عايزه افهم انت عايز مني ايه دلوقتي..مش احنا اتفقنا اننا هنعمل حدود بينا بعد الكلام ال قلتهولي امبارح وبعد ما اتعرفت ع مروه هانم؟ جاي ورايا ليه دلوقتي
سيف ابتسم لما حس انها غارت عليه
سيف /انتي غيرتي عليا؟
رولا بتوتر/ها؟ايه ال انت بتقوله دا اكيد لاء طبعا
سيف/عامة احنا اه اتفقنا فعلا ع كدا بس انتي متضايقه دلوقتي مينفعش اسيبك لوحدك ف الحاله دي اول ما تبقي كويسه هنرجع نحط الحدود تاني
رولا اتنهدت
سيف /..قوليلي اقدر اعملك ايه علشان اخفف عنك؟
رولا اتنهدت وقعدت ع الكرسي ال موجود ف الشارع بغضب
رولا/انا مش عايزه حاجه انا عايزه اقعد هنا كدا من غير ما اتكلم
سيف قعد جمبها/خلاص ماشي وماله نقعد..انا معاكي للصبح
في الكومباوند
في غرفه احلام
قاعده ع السرير وسرحانه
فريده خبطت ودخلت الغرفه بعد ما غيرت هدومها ورولا حكتلها هي وميرا ال حصل قبل ما تمشي
فريده/حضرتك كويسه
احلام هزت راسها بموافقه
احلام/اه ي حبيبتي
فريده راحت لها وباست خدها وقعدت ع طرف السرير جمبها
فريده/انا رولا لسه حكيالي ال حصل من شويه..متزعليش ي مامي علشان خاطري...احنا ميهونش علينا زعلك ابدا ابدا ..انا كمان اتخضيت لما رولا حكتلنا انا والله مكنتش اعرف اي حاجه ..بس الحمد لله رولا بخير ...يعني حتي لو الموقف ال حصل دا كان صعب اوي بس الحمد لله عدي ورولا كويسه وبايته ف حضننا اهو
احلام دمعت/الحمد لله
وحضنت فريده وفريده حضنتها بقوه وابتسمت
احلام/انا مقدرش اعيش من غيركم ومقدرش استحمل ابدا يحصل لكم حاجه
فريده ابتسمت/واحنا منقدرش ع زعلك والله ي مامي
احلام طلعت من حضن فريده وباست خدها
ادم دخل الغرفه واحلام مسحت دموعها
فريده قامت/عن اذنكم هروح أرتاح ف اوضتي شويه
وراحت باست خد ادم وادم باس راسها
وفريده خرجت من الاوضه وقفلت الباب وراها
احلام قامت من ع السرير /انا هروح انام ف اوضه ميرا النهارده
ادم شدها من وسطها وقربها ل حضنه و بصلها ف عينها/وهتسبيني؟مش احنا اتفقنا مهما يحصل بينا عمرنا ما ننام بعيد عن حضن بعض
احلام بصتله/اتفقنا ع كدا اه بس تقريبا طلعت بتختلف ع حسب المشكله
ادم باس راسها/لاء ..مهما كانت المشكله كبيره مستحيل اسيبك تنامي بعيد عن حضني
وباس شفايفها
احلام دمعت
ادم/لاء ...علشان خاطري متعيطيش...انا والله العظيم مستحملش اشوف دموعك دي...انا اسف حقك عليا انا اسف
ومسح لها دموعها وباس راسها وخدها وشفايفها وكل حتي ف وشها وهو بيعتذر منها
ادم باس رقبتها/انا اسف
..سامحيني وانا والله مستحيل اخبي عليكي اي حاجه تاني...وعد ..مهما كان ايه الحصل انا هاجي و احكيلك
احلام دمعت/كل مره بتقولي كدا وبرضو بتخبي عني بحجه اني مزعلش..لو خبينا ع بعض بسبب الحجه دي ي ادم كدا هنفضل نخبي ونكدب ع بعض طول حياتنا
ادم مسح لها دموعها و مسك وشها ب ايدها وباس شفايفها/صح معاكي حق انا غلطان اني فكرت كدا..و مستحيل اخبي عليكي اي حاجه تاني..مهما حصل
احلام هزت راسها بموافقه وحضنته وآدم ابتسم وحضنها بقوه وباس راسها ورقبتها
عند سيف ورولا
قاعدين ع الكرسي ال ف الشارع جمب بعض
رولا ربعت ايدها من البرد
سيف/بردتي؟
رولا/شويه
سيف خلع الجاكيت ال لابسه
رولا/لا مفيش داعي كدا كدا شويه وهنمشي وبعدين انت كدا لابس بنص و هتبرد
سيف/لا انا كويس مش هيحصل حاجه..خدي يلا البسيه علشان متبرديش
رولا خدت الجاكيت ولبسته
سيف/رولا انا عايز اقولك حاجه
رولا من غير ما تبص له/لاء متقولش
سيف ابتسم/بتكلم بجد والله
رولا اتنهدت وبصتله/خلاص قول عايز ايه
سيف/انتي عندك اكتر اب وام مثاليين ف العالم..ومامتك حنينه جدا وبتحبكم فوق ما تتخيلي وعمرها ما تتعوض...ف مهما حصل ومهما هي اتعصبت واتضايقت وخربت الدنيا انتي متزعليش منها ابدا
رولا ابتسمت/شوفو مين بيتكلم والله..باخد نصايح من حد الأنا العليا عنده اعلي من المنطق
سيف /وايه الأنا العليا دي؟دي حاجه زي الثقه بالنفس كدا؟
رولا ابتسمت /انت بجد مش عارف وبتسألني؟
سيف/اه والله انا بسأل بجد معرفش يعني ايه
رولا/يعني زي ما انت مسكت يحيي كدا اول مره شوفته فيها وضربته ف نص بيتنا من غير ما تفكر دقيقه انت فين وف وسط مين..وانك تضربه ف وسط النادي لحد ما كان هيموت ف ايدك وانت مش فارق معاك حد اصلا...عرفت بقي يعني ايه؟
سيف بصلها/اه يعني انتي شايفه ان انا شخص عنيف
رولا بسخريه /ليه وهو انت مش كدا؟
سيف/يعني انتي عمرك ما عدي عليكي وقت حسيتي فيه انك من كتر العصبيه عايزه تمسكي حد تعجنيه
رولا/ممكن اتعصب من حد بشكل متحضر اكتر من كدا
سيف/دا من وجه نظرك انتي بس ع فكره عادي ممكن تدشملي حد مضايقك بشكل حضاري برضو بس مش بالضرب ب الكلام..دا مش عنف من وجهه نظرك؟
رولا ابتسمت/ليه انت بتحس كدا مني؟
سيف بصلها ف عينها/اكيد طبعا ..كل ما نتكلم كلمتين سوا بحس نفسي مطعون ف قلبي من قوه كلامك والله
رولا بصتله/وانت بدل ما تتكلم معايا بشكل متحضر تقعد تغضب وتغير اسلوبك معايا مش كدا ..كل ما بفتكر شخصيتك المتقلبه دي بتعصب علشان كدا متفكرنيش بالله عليك
سيف ابتسم/انتي كدا كدا متعصبه من اول مره شوفتيني فيها
رولا/ما علينا انا خلاص عايز امشي
وكانت هتقوم
سيف/بس عايز أوضح لك حاجه بس..الانسان من فتره للتانيه بيحب يضرب او يدي لحد بوكس..ف الاخر يعني دي طبيعه البشر
رولا بصتله ف عينه/انا بس عايزه أسألك سوال واحد ..انت عمرك اذيت حد ف حياتك قبل كدا؟يعني أعصابك فلتت جامد لدرجه انك عملت حاجه ف حد
سيف /انتي بتخافي مني؟
رولا هزت راسها ب لاء
سيف/لو خايفه اكون ق*تلت حد قبل كدا ف لاء..اتطمني..انا مقدرش اصلا اعمل حاجه شبهه كدا.. يعني دي حاجه مش سهله نهائي
