رواية خيط وابرة الفصل الثالث والعشرون بقلم شمس العراقية
لبنى ـ منتظرينه يحچي هو حسيته يخبث! وأخيراً نطق
نافع ـ مبروك يابه حامل مو گتلكم والله أصلاً ما يحتاج تحليل لان القيمه خير أثبات .
لبنى ـ دمعت عيوني بهل الفرحه وعلى عمتي شلون حضنتني وتبوس بيه وطلعنا للبيت فرحانين وعمتي نزلت جابت جگليت وصلنا ودخلت تهلهل وتطش جگليت على رأسي وخجلت من عمي مشعان على الرغم شفت الفرحه بعيونه تلمع .
مشعان ـ مبارك عمي مبارك الله يگومج بالسلامه
لبنى ـ الله يبارك بعمرك عيوني عمي .. دخلت غرفتي مستحيه وخجلانه وأريد أبشر باقر أدور على موبايلي وما لحگت دخلت عليه عمتي شايله موبايلها تحجي وياه
وهبيه ـ هاك أحجي وياها مبارك يمه مبارك .
لبنى ـ أخذت منها الموبايل وحاجيته: هلا عيني .
باقر ـ يابه يا بويه بنيتي راح تصير أم .. مبروك حبيبتي الله يگومج اليه بالسلامه .. هاي القيمه طلعت مو خاليه .
ـ أي والله على طاري القيمه أكو دبس وراشي
ـ دهاك أستلم شو كل دسومات حبيبي حاجي أبنج خل يخفف طلباته بعد القيمه برأسي .
ـ شمدريني شو أشتهيت هسه
ـ أنتِ بس من تحجين وياي تتشهيين وأني مشعول شعل عليج وين الكاج وأوفرلج طلباتج يابعد حيلي .
ـ لا أكو دبس بس أوصي على رأشي
ـ أي هسه أوصيلج يجيبولج المعمل خصيصاً لأبني أبو رأس يدلل عليه هو وأمه ويأمرني على طلباته وأكلأته خادم أنه خادم .
ـ فدوه لعمرك گلتها وعمتي تباوعلي وفرحانه وطلعت وبقيت أحجي وياه وما أحس الا عمتي جابتلي صينيه أشكال بيها والأهم دبس ورأشي وأكلت أحس رأسي جان مسطور وصفى ٰ .. وضلت يمي عمتي أسبوع كامل لان عمتي حربيه وضمياء راحن القريه وخطيه طول ما هي يمنا ما خلت ما عزلت بردات غسلت فرش وتسوي كبب وكليجه ومربى ترست المجمده كأنما تخفف عني شغل ليكدام .
وهبيه ـ ديري بالج على نفسج وعلى البطنج ما أوصيج هذا أبن الغالي .
لبنى ـ أن شاء الله عمه بعيوني
وهبيه ـ ردت أوديج الدكتوره تشوف وضع حملج بس باقر ما قبل گال من ينزل بالسلامه هو يودج بعد براحتكم .
لبنى ـ أن شاء الله عيوني عمه .. ضلت يمي وللعصر وراحت الله وياها وأنتظر باقر ينزل باجر هو أسبوع بإسبوع .
وتحضرتله وفرحانه أنتظر جيته ونزل شكو تعب بيه راح بشوفته سحبني وأخذني الغرفتنا وحاضني ويعبر عن أشتياقه .
باقر ـ جنت بوحده صرت بأثنين هسه صرتي أنتِ والبطنج .. أوف شحبكم أني يبعد حيلي .
لبنى ـ دخل الحمام وگمت حضرتله ملابسه وملابسي وأجه ينشف شعره ومبتسم ما شال عيوني عنه .
باقر ـ تعالي يمي .
ـ نومني بحضنه ويلعب بخصلات شعري وصافن بوجهي .
ـ لبنى حقج عليه أني هواي مقصر وياج
ـ لا حبيبي حشاك من القصور ما مقصر والله
ـ لا مقصر أكو قصور بهواي أمور يمكن ما تعنيلج بس تعنيلي وأفكر بيها دوم .. مساحة عقلي والله أنتِ ساكنتها وبالي عندج بس والله جان عندي شغل ودايخ بسبب الترقيه وعندي التزامات ونقلونا للسريه والوضع متغير عليه بس هسه گلشي أختلف وعد منا وچاي كل وقتي الج حتى لو مشغول أتفرغلج أني ما أخذتج علمود التهي بشغلي وأعوفج .
ـ المهم راحتك حبيبي .
ـ راحتي بس عندج
ـ وأني مرتاحه لا يضل بالك .. ما أعرف ليش حسيته ضايج بس كاتم بگلبه على الرغم أني ما أحجيله ولا أشگيله ولا أبينله أي شيء والحياة ماشيه طبيعيه بس ما يدري بغيابه محمله بمسوؤليه أكبر من عمري رغم ذلك أكول ميخالف لخاطره أصبر وأتحمل وهو مشغول هالفتره علمود دوامه وترقيته عاذرته .
چر حسره وحجه بنبرة ثگيله!
ـ أدري بغيابي تتعبين والله أمشي وأوصي بعمتي حربيه عليج بس منا وهيچ الي حجي ثاني والكل يسمعها والعنده حچايه يحاچيني بيها بالأول جنت ساكت لان حجيت ويه أبويه ويتفاهم ويه خالتي بس طمني وگالي لاتخاف على لبنى متفهمات بينهن وهي عمتها وكل ظني عمتج تدير بالها عليچ
بس المنتبه عليه والأمي گالتلي عليه غير. بس يصير خير ولله لما أبوي واكف بعيني ما أسكن دقيقة وحده وأبالي بيت أبالي بس أنتظر صاحبه يتفاهم هو وأهله عليه لان ورثه وأشتري منه وأشتري راحة بالي وبالچ .
ـ ما حجيت ولا مانعت شيسوي خل يسوي مهم مكان يجمعني أني وياه .. نمنا وثاني يوم ما كمت دائماً من يجي أول يوم ما أكوم أبقى نايمه بس للعصر أكعد الوجوه مگلبه ويسمعني كلام وأغلس هو ما يقبل يكول ابقي نايمه شعندج .
كعد قبلي وأخذ ملابسه الحمام فدوه لعيونه ما يوم طلب مني شيء لنفسه وأني بعد النوم بعيني والوقت تأخر عزه شگد نايمين الدنيا عصر .
باقر ـ نوم العوافي عليج حبيبي .
لبنى ـ يعافيك الله . وطلعت وباقر وراي وجانوا كاعدين وناجح نازل ونافع من شافنا رفع عينه ورجع يباوع موبايله يبووو شگد عيب ..باقر دخل الحمام ورجعت حضرت ملابسي بس أجه عفته يصلي ورحت الحمام ولكيت نورس حاجزته مكومه ملابسها هي ورجلها
نورس ـ وين داخله مو تشوفيني چاي أغسل ملابس
لبنى ـ عوفيهن هسه بس أسبح ما ضل وگت عليه
ـ لا والله وين جنتي حضرتچ هسه العصرريات يله تسبحين صح النوم والله.. وبعدين أني هم ما ضل وگت عليه نافع عنده طلعه وأريد أغسل ملابسه يله وخري منا أكمل غسل
ـ نورس لاتسوينها سالفه عشر دقايق وأطلع وأنتِ تغسلين ملابس نافع بإيدج تطولين
ـ أي حبيبي أغسل قمصانه لان يتفلن بالغساله بكيفي هاي شغلتي عندج أعتراض
ـ ردت أحجي واجاها الرد من رجلها بصوت عالي وبعصبيه لان هي صوتها جان مسموع!
نافع ـ نـــــورس .
نورس ـ أستلمي عاط عاط كله من وراج
لبنى ـ طلعت وركعت الباب وراها وأسمعه يحجي عليها
نافع ـ وأنتِ شمدخلج هسه لـو بس تردين تخلقين مشكله
نورس ـ يا مشكله شبيك أنت
ـ نورس دخلي الغرفة يله
لبنى ـ غلست وسبحت سبحة الگشرة وطلعت همزين ماكو أحد .لكيت باقر بعده يصلي لبست أحرام الصلاة وگفت أصلي وراه .
وكعدنا نتغدا بالمطبخ وهو گمل كعد بالصاله صبيتله الچاي ونافع جان كاعد وشگله مزعوج
نافع ـ لبنى چاي وياج
لبنى ـ صبيتله الچاي وردت أروح الغرفه ونزل ناجح بيده قمصان باوعلي وأبتسم الحمدلله على سلامتك
ناجح ـ الله يسلمج يابه . بلا زحمة عليچ ممكن تگويلي هذن القمصان؟
لبنى ـ تدلل.. قبل لا أكمل كلمتي أجه باقر وحچه .
باقر ـ لا مو ممكن والكل يسمعني ومرتي مو خدامه لأحد تگوي الكم ملابسكم وعدكم أخوات ونسوان! خلي نسوانكم تخدمكم وتلبي طلباتكم! والأعزب ومال من الوضعيه خل يتزوج ومرته تخدمه لبنى ما مجبوره تلبي طلبات أحد .
لبنى ـ باقر حچه ونافع رفع حاجبه وعينه سوا وباوع لأخو
ورجع يباوع الموبايل! وناجح مثل الفشل وگال .
ناجح ـ باقر والله أني ما قصدي بس أمون عليها وأحنه متعلمين على زهور وزهور بالقريه وبس ضمياء وما تعرف تگوي دومها تحرك ولبنى أمن بيها ما تحرك ملابسي . بس تدلل حقك ما صار شيء وأني أعتذر .
لبنى ـ صعد لغرفته وضچت عليه وباقر دخل الغرفه ولحگته ليش هيج فشلته خطيه
ـ هو خطيه وهذاك خطيه وأنتِ محد يگول عليج خطيه فكري بنفسج وما عليج من الباقيين شلون يدبرون نفسهم .. سوي عليج وبس حتى أبويه تسحبين أيدج منه .
ـ بس عمي
ـ كلامي ما يتناقش لبنى وعمج عنده مرته وبناته هنا ملزومات بي فاهمه ومره مرتين تسمعين حجايه بعدين يحترمون كلمتي وجودي ويسگتون .
ـ تمام مثل ما تريد .. طلعت أغسل المواعين وشلت الكوابه مالت الچاي من كدام نافع وحجه وهو عينه بالموبايل .
نافع ـ عوفي أني أشيله .
لبنى ـ عفته ورحت المطبخ وحسيت بإحراج وشويه وأجه وخله الكوب وضحك
نافع ـ ترى أمون عليج من أصخرج وأني متعلم على زهور وأدور أنتِ وزهور بالقريه يعني ما بيها شيء شنو الحمأ ما يمون على مرت أخوه ولاينسى أني أبن عمتج وأخوج الجبير خاف ما ترضين أحجي عليه بس شو من صرتي حامل يله كام يحجي من هيج مدقق ومخلي باله .
لبنى ـ لا هو قصده بس علمودي
ـ يله ميخالف يمون عالكل وحقه يابه حقه وحقج علينا خاف تعبناج بس الله شاهد شايفينج مثل زهور تشتغل وهي ساكته وشغلتها مرتبه راضيه ومرضيه لهل السبب وبعدني ما متعلم على نفسي متزوج مشكلتي شعور الاعزب بعده يركض وراي ههه
ـ لا عادي ولا يهمك
ـ معدله بنت خالي .. يله چاي أذا أكو
ـ فتحت عيوني على وسعهن نافع هساع شربت وضحك
ـ گلشي الا الچاي ولاتخليله شگر هواي
ـ تمام.. صبيتله ورجعت غسلت المواعين ونظفت المطبخ ورجعت الغرفه وأريد أطلع أغسل الملابس وسمعت صوت عمتي وعمي يمكن رجعوا من القريه
حربيه ـ صفا وينج نزلي سوي عشه!
صفا ـ ها يمه وشمعرفني شسوي يمتى أني طابخه
حربيه ـ أنتِ ما تسوين وهذيج ما تسوي چا منو يطبخ أنه لو أختج توها راجعه من الضيم .. يله نزلي أبوج أجه وأخوانج يردون لگمة يأكلونها كل خير ما منجن بيت مليان نسوان ولحدهسه جدر ما مخليات عالطباخ .
لبنى ـ طلعت وشفتها بعدها بعبايتها وحزامها چنها من الشغل گبل چايه نفضت عبايتها وصعدت تصييح على بناتها ونورس طلعت من الحمام شايله سلة الملابس نشرتهن عالسريع ودخلت وطبگت باب غرفتها عفتهن ودخلت الحمام وشفت ملابس عمي سابح ومحد غاسلهن!
ردت أغسلهن لان عمي ما يستاهل الا كل خير طيب وخوش زلمه بس باقر منعني وگالي لاتعوديهم عليج
عفتهن وغسلت ملابسنا واني طالعه دخلت عمتي الوجه مغضب .. طلعت نشرتهن وأسمعها تصييح
حربيه ـ أمشي جيبلي ملابس أخوج فوك گالي عليهن ونسيتهن .. صارت التشتغل شغله يگولون عليها خدامه چا شطلعت كلنا خدم عد عيالنا .. جنايين أخر وگت .
نافع ـ يمه شلزومه هالحچي وتوچ چايه محزمه بحزام وفاير دمج ترى والله ما تسوى لو أنتن النسوان تموتن عالمشاكل والعراك
حربيه ـ وأنه شحجيت گبل من يمك ثرت والحجي لا يمك ولا يمك مرتك خلك مستريح . يله وين صرتي
لبنى ـ ما حجيت دخلت غرفتي مقهوره وباقر جان طالع لو حاچي من زمان چان شسون وشبسرعه وصلها منو گال الها معقوله عمتي وهبيه حاجيه هناك... يبوه شيخلصني عاد .
ضليت بغرفتي بعدين شفت مالها داعي أبقىٰ حابسه نفسي وأني ما مسويه شيء ورجلي يخاف عليه وحجه طلعت وشفتهن مجتمعات بالمطبخ قبل لا أدخل وگفت وأسمع نورس تحچي لعمتي گلشي وعن باقر
نورس ـ أي والله ما يقبل وگام يحجي خطيه ناجح فد فشل وضاچ .
حربيه ـ وأنه أكول شبي صعدتله وسألته شبيك ما حجه وشعندك ملابس وسخه گال ما عندي أثاري الحجي من باقر أبو حلك الأعوج أنه أدري كله من أمه وأجتي حاميه وجنتي حامل وأخافن عليها من الشغل چا بس هي حامل عبالك رايجين بالحسره ما خلت حرمه بالعرب ما بشرتها .
الظاهر الفاهيه هي شاگيتله واحنه شمغلينها عشتوا مالت عليها وعلى شغلتها تكظيها من ورا خشمها ومخربطه عبالك أنه بحالها وبحال شغلها .. جاهله ومسوياتها أم البيت وشغل البيت كله برأسها چا البيت مو بي بنات وبي چنه غيرها خوما بس لبنى لو مره كامله جان شحجن وشسون ..
زهور ـ هي لان حامل حچه يخاف عليها خطيه وهو والله ما يحجي ويفك حلگه بس يخاف على البطنها وما بيها شيءليش تكبرن حجايته .
حربيه ـ خايبه ما تسكتين وتنچبين والبطنها ملزوك بعلچ بس فنود أمه هي العبته تعبي ودزته على أخوانه ثاير ويهزبز وصايرلي زلمه جان أستحى يفشل أخو علمود مرته بشنو متغزر بنومتها أمداك ضابط ونجماتك وخابص روحك وزعطوطه فرت رأسك علمود كم شغله أشتغلتهن بيت أبوك همزين ما مأخذلك وحده كامله جان كرعت روؤسنا بيها .
لبنى ـ وفززيت على ضربة على كتفي نافع خرب بيومك ولا تبطل سوالفك وكعت گلبي .
نافع ـ ها أبو الزهور نور البيت مشتاقيين يابه
زهور ـ هلا بيك عيني .
لبنى ـ دخلت عليهن وباوعلي وعمتي گالت لنافع
حربيه ـ عود لو رحت جيب لأختك عصاره مال حساسية گبت بجسمها من الحوي هرشت جسمها هرش
نافع ـ لا ليش العصارة باجر أوديها على دكتور جلديه يتدلل عليه أبو الزهور .. يمه أني طالع شنو محتاجين مسواك
حربيه ـ شوف مرتك هي أم المطبخ وهي التعرف
نورس ـ هسه أدزهن الك برسالة حبيبي .
نافع ـ ماشي .
لبنى ـ طلع وعمتي مشت الحمام شفت زهور تعجن والعجين هواي زهور ليش تعجنين عدنه خبز هواي المجمده مليانه
زهور ـ والله مدري أمي گالتلي عجبني وخبزي والخبز بارد گال عوفي لثريد .. أي بالخير عليج الحمل والله فرحتلج من گلبي الله يگومج بالسلامه
ـ تسلمين عيني .. كعدت يمها وأباوع على أيديها كلها حب حساسية مو مال تخبز كسرت بگلبي زهور من يختمر أنه أخبز
ـ لا خيه هنا خبزات ما يكلفن عليه
حربيه ـ زهور گملتي عجن تعالي غسلي ملابس أبوج ضالات بالحمام ونزلي جيبي ملابس أخوج أكويهن وشوفيلي ضمياء خل تنزل تعاون مرت أخوها بالعشه
زهراء ـ أي يمه هساع .
لبنى ـ گامت وأجتي نورس طبخت العشه وصفا على أيدها تغسل وراها وكملت العشه ونفضت أيدها وگالت
نورس ـ أني سويت العشه بعد ما عليه فايته أسبح
لبنى ـ عبرتني وصفا عوجت حلگها وغمتها وزهور أجتي تشنك العجين وكعدت اساعدها وانه وياها خبزنه سوا واجه ناجح شغل المنقله ونافع وباقر وراه جايببن لحم ومعلاك وكعدوا يشيشون سوا وكفوا ثلاثتهم يششون ويأكلون ويضحكون خوتهم حـيل حلوه
.. وأجتي نورس وگفت وجهت كلامها لنافع .
نورس ـ نافع المن جايب المشاوي!.. ومن الأول أحجي وگول راح أجيب ليش خليتني أطبخ العشه .
نافع ـ وأذا طبختي شصار عوفي بالثلاجه
نورس ـ حليتها يعني عوفي بالثلاجه .
لبنى ـ شمر الشيش وگام وعافهم وجرها من أيدها قوي وناجح صاح وراه
ناجح ـ نافع على كيفك أعصابك نافع .
لبنى ـ زهور شالت الخبز ومشت كدامي وعبرت من يم يمهم وباقر أنطاني من الشوي وأكل وناجح مبتسم علينا ردت أمشي وطلع نافع جگارته بإيده كعد بالحديقه مبين عليه مزعوج وطلعت عليه عمتي عصبيه وتحجي عليه
حربيه ـ على شنو ترزلها بهل المغربيه شسوتلك
نافع ـ مو أدمي
ـ أذا هي مو أدمي چا أنت الأدمي شو گوم راضيها وطيب خاطرها يله گوم
ـ يمه عوفيني لخاطر الله مشكله أني وياها .
ـ شجاكم أنزرگتوا بعين!
لبنى ـ عبرتهم ولكيت صفا وضمياء يصبن بالعشه وعمي كاعد يسبح بسبحته وشافني وأبتسم أشرلي أكعد يمه رحت كعدت يمه .
مشعان ـ شلونچ عمي.
لبنى ـ الحمدلله عمي زينه الله يسلمك ردت أكوم أساعدهن ما خلاني
مشعان ـ أبقي كاعده عمي هنا جثيرات هسه يجيبن العشه وباقر وين صار ىالمشاوي مالته مو الريحه شگت خشومنه .
لبنى ـ هسه خلصوا .. والبنات فرشن السفره وجابن الأكل واجو باقر وناجح وعمتي طلعت من غرفة نورس مزعوجه وعمي بس باوع وسگت وكعدوا يأكلون وشوية وطلعت نورس كعدت تتعشى ويانا بس نافع ما أجه .
مشعان ـ شيلي عشه أبنج .
حربيه ـ ما أشيل عشه لأحد اليريد يچي يأگل .
لبنى ـ وتعشينا ولاحظت عمي عگب عشه نافع بالخبزه وگام يغسل وعمتي جرته فرغته كدام نورس وكدامها! باقر باوع وسگت ما تتدخل ..
وشربنا الچاي وضلينا كاعدين لحد ما الوگت تأخر گمت لغرفتي أريد أرتاح صايره بس أريد أتمدد ولگيت باقر يحجي عالموبايل وبطاري مزرعه! ضليت أباوعله لحد ما گمل الأتصال وگال
باقر ـ حبيبي حضريلنا جنطة ملابس اليه والچ
لبنى ـ باستغراب اليه! ليش وين نروح
ـ بعدين تعرفين، حضريهن وحضري كل شغلاتج التحتاجيهن وتعالي نامي، من الصبح على برد الوگت نطلع
ـ ضليت صافنة ما فهمت منه شي لأن ما حجالي التفاصيل گمت حضرتهن مثل ما گال ونمت بحضنه، واني أتململ باقر أحجيلي وين نروح فدوة؟ باسني من عيوني ورفع خصلات شعري وگال بصوت دافي
ـ مو مهم وين نروح، المهم بس أني وياج وحدنا
ـ يعني ما دگولي ابداً؟
ـ لا ويله نامي، باجر الصبح أكعدج من وگت حتى نلحك.
ـ أذا هيج تمام لعد سكتت.. بس تره حلفتك!
ـ ضحك وگال وين وين تعالي
ـ شنو؟
ـ ماكو نوم قبل لا أخذ حصتي
ـ ولا ينگدرله، وأني منا نفسي لعبانة وتعبانة بس ما حبيت أردّه ولا منعته.. نمت ومن الصبح والكل نايمين طلعنا أنا وياه. الصراحة متحمسه أعرف وين رايحين وهاي أول مره يطلعني وياه وحدنا وبسيارته الخاصة.. شعور يخبل يملي الروح أمان وفرحه وهو يسوق وأني أباوعله صافنة على هيئته الحلوة
طول الطريق نسولف ونضحك ولحد ما طَبَك السيارة ونزلنا تسوگنا هواي شغلات مال الطلعة، نفتر سوة وكلشي يچي ببالي وأشتهيه أخليه بالسله وهو يضحك وگملنا المسواك وطلعنا نمشي بالسيارة وما أدري وين رايحين
وصلنا لمكان گلش هادئ ويجنن، ورجال جبير بالعمر فتح النا الباب وابتسم. التفتت عليه حبيبي وين جايبنا؟ بيت منو هذا.. وليش ما گتلي معزومين!
باقر ـ هاي مزرعتنا حبيبي، نتونس بيها على راحتنا وحدنا ونعيش بيها كم يوم نغير بيها جو
لبنى ـ فتحت عيوني على وسعهن وبلهفه الله!.. باقر تجنن شگد حلوة .. هي هاي المزرعه النافع ونورس أجو بيها مو؟
ـ أي هي يله نزلي حبيبي اخذي راحتج
ـ نزلت وياه ودخلنا والمكان مرتب ونظيف، جابلي الأغراض والمسواك ورتبته وعزلته بسرعة. وراها أجه لابس ملابسه الخفيفة، وأخذني من أيدي نتمشى للمسابح. هو دخل يسبح واني كعدت على الحافة مدلية رجليه بالماي أباوعله وأضحك على حركاته العفوية
باقر ـ شلونه زوجج
لبنى ـ سباح درجة أولى.. وما أحس إلا واجه رش عليه ماي وسبحني وياه، حضني حييل باقر خاف أحد يشوفنه
ـ محد بس أني وياج
ـ وعشنا أجمل لحظات العمر حلوه بكل تفاصيلها لحظات ما تنسی أبد! وطلعنا من المسبح وشالني بين إيديه للغرفة واني ملابسي منگعة بالماي ودخلني الحمام سبحني واعتنى بيه واني ميته من الخجل وهو متونس على خجلي ويداري بيّه
طلعت وهو مخليني بحضنه، جاب المشط وصار يمشط شعري بحنية وراها غطاني ونومني بحضنه الدافي
نمنه نومة عميقة كم ساعة، وما حسيت إلا على ريحة المشاوي تخترق خشمي! گمت وهو يشوي والدخان تارس المكان وما يشوفني زين
باقر ـ تعالي ساعديني أحسن ما واكفة تباوعين
لبنى ـ ما أجي، ما عليه أنت مطلعني حتى أتونس مو حتى أشتغل .. والزوج في خدمة زوجته مو صحيح لو اني غلطانة
باقر ـ من طاح حظج وحظ زوجج وياج! شو تعالي يمي
ـ ضحكت وتقربت بصفه وهو يگلب بالشيش، وأني واگفة أكل من جوه الخبزه
ـ أكلي عمي أكلي، محد مسموط غيري بالدخان على الأقل خلي لكمه بحلگي مو گمت أمطك من الجوع!
ـ مشكلتك شعليه آني، وأبنك جوعان مو آني
ـ ومن أروح فدوه لأمه ولأبني الببطنها
ـ أي زين ما قدمت أبنك عليه چان زعلت عليك وأخذت اغراضي ورحت البيت
ـ محد يتقدم ويأخذ مكانج ولو تخلفيلي عترة، تضلين أني وحدج مستوطنة الگلب ومالتِكه .
ـ يحجي وكلامه يترسني أمان، وأني مستمتعة بغزله وحبه، أكل وأتدلع وأتدلل عليه . وهل الطلعه جرتني من كل هم وتعب، وعشت تفاصيل بحياتي جنت أتخيلها بس بالأحلام.. الحياة ويا باقر حيل حلوة، تحسسني أني ملكة بحضرته
دار وجهه باوعلي بنظرة كلها حنية
ـ تشهين الواحد من تأكلين، مال أكلج هسه بس حامل رأف بحالج والله
ـ فتحت عيوني بضحكة يمه راح يأكلني! هاك الشيش أكل بس خليني أسلم على نفسي وعلى أبني البطني
ـ عوفيلي أبنج حيري بإبوه ما تگربين صوبي وتطيني جرعة من القبلات ترويني على هالتعب التعبته بالشوي
ـ لا ممنوع
ـ خاب أروح فدوه ، ويلوموني ليش أحبج! يلچ يرحولج فدوه من صغيرهم لجبيرهم .
ـ يحجي وأني أباوعله وما أشبع من سوالفه وگضينَا الوگت ضحك وسوالف لحد ما غابت الشمس ودخلنا غرفتنا وهمستله
باقر اليوم حسيت نفسي ملكة، أول مرة أحس بهيج راحة وهدوء بعيد عن گلشي عشته تصدك أول مره أعيش هيج أجواء حلوه ..باسني من رأسي وگال
باقر ـ أنتِ مو بس ملكة، أنتِ الروح التمشي بوسط صدري والله ينطيني عمر وأعيشج الحياة التستاهلينها
ـ الله يحفظك اليه ما أريد گلشي بس وجودك هو راحتي
قربني لحضمه ونمنا وعشنا هالليلة بأحلى تفاصيلها نومة هادئة والصبح گعدنا على صوت العصافير وهواء المزرعة ..
گضينا أيام تترس الروح دفا وعشگ، وطبعاً بيها خيل وصوته يطرب الگلب من نسمع صهيله الصبح
كاعده وأجه وأخذني وياه وين حبيبي
باقر ـ تعالي وياي اليوم أخذج لمكان ينسيج الدنيا وما بيها
لبنى ـ وين باقر فهممني
ـ امشي وتشوفين بعينچ .
ـ مشينا شوية ودخلنا لساحة واسعة بالمزرعة، بيها إسطبل مرتب ونظيف، ومن بعيد لمحنا حصان أبيض يلمع جلده على ضوء الشمس الخفيف، شعره طويل ومنسدل وعيونه واسعة .
فتحت عيوني على وسعهن من الفرحه الله! باقر هذا حصان حقيقي يجنن! فدوة شگد حلو وهيبه
ابتسم وهو يلف إيده على چتفي
ـ إي يا روحي حقيقي هذا أسمه شهاب من أحلى الخيل الموجودة بالمزرعة. تعالي تقربي لا تخافين منه أمين وهو يحب الدلال مثل ما أني أحبج
ـ تقربنا منه، وباقر مد إيده يمسح على رقبته بحنية، وخلاني أجرب أمد إيدي وأمسح على شعره الناعم. جان شعور يخبل، دفا وقوة بنفس الوقت.
وگفنا نسولف ونضحك، وهو يشرحلي عن الخيل وتاريخهن بالمزرعة، شلون يربوهن ويهتمون بيهن وبعدها گال:
باقر ـ شتگولين أصعدج ويايه ونفتر بالمزرعة على ظهر الحصان
لبنى ـ صدگ باقر؟! أخاف أوگع وأني حامل لا باقر أخاف ما أجازف
ـ لاتخافين أني وياج ياه اصعدي وتكلي عليه زين
ـ ساعدني وصعدت صرت گدامه، وهو صعد وراي ولاف إيديه الاثنين يحيطني ويأمنني، ولازم الحبل بإيد وحدة وأيده حاضني من بطني حرك الحصان بينا مشي هادئ وبخطوات موزونة والهوا يضرب وجوهنا
أباوع لإيديه شلون لازم الحبل وحاضني بأمان ..
نزلني بعد ما أفترينا بس مو هواي لان يخاف عليه بالاخص حملي بعده بدايه ورجعنا نتمشى وهو حاضني من خصري ونمشي بخطوات هادئة وايده مطوقة جتفي ومقربني لصدره حيل وأحس بضربات گلبه
صافنه عليه وهو يحجيلي عن تفاصيل تخصني حافظها مثل اسمه، وأني أباوعله بتركيز وعيوني تلمع بدمعة من حرارة وصدق كلامه ومشاعره ولأن يحجيلي من كل گلبة والحب بيناتنا عابر مرحلة الوصف
باقر ـ تدرين من أشوفج كاعدة الصبح تفركين عيونج مثل الأطفال وتدورين عليّ أحس روحي تريد تطلع من صدري، أگول بگلبي: يا ربي هاي البنية هي عافيتي، هي ضحكة بيتي، وهي الأمان الجان ناقصني وطحت عليه.
لو من تشربين الچاي وأباوعلچ شلون تنفخين عليه بحياء، وتمدين إيدج تاكلين لكمة وتباوعيلي بنظراتج الأحبها، ومن تضمين وجهج بحضني.. بهاي اللحظة الدنيا كلها توگف بعيني، وما أسمع غير دگات گلبج وهي تحچيلي شگد تحبيني.
ومن ألزم إيدج الناعمة الدافية الي تحسسني أني صرت مالك هاي الدنيا كلها، ومن تباوعين للخيل وتخافين تتقربين وتضمين روحج بصدري.. آخ يا لبنى، بهاي اللحظة أتمنى لو أگدر أشيلج بگلبي وأضمج عن عيون الناس كلهم.
لو من تضحكين ضحكتج الصافية من گلبج، أحس الدنيا تضحكلي وياج.. لو من تبرد الدنيا وتلمين نفسچ جوه البطانية وتنامين على زندي، أحس جبل هموم الدنيا كله انزاح عن أجتافي. وأحب أبقى أباوع لوجهج بالظلمة، وأمسح على شعرج بهدوء حتى لا أجفل نومج، وأدعي ربي بكل صلاة يبقيج إلي، وما يحرمني من هالوجه ولا من ريحتج الطيبة.
تدرين يا لبنى؟ أنتِ مو بس زوجتي أنتِ الروح التمشي بدمي وأنتِ العمر البديت أحسه صدگ من أجيتِي ودخلتي بحياتي.. صرت أحس الله خالقلج بس علمود ينجبر خاطري بيچ، على كد ما شفت ظلم وحزن بعيون أمي، أتمنى ما أعيشه الچ أبد .. أنتِ تستاهلين تعيشين حياة حلوة مثل عيونج
لبنى ـ باوعت بعيونه ودمعت عيني من كد ما كلامه نزل على گلبي مثل الماي البارد وطفى كل خوف بيّه رفعت إيدي مسحت دمعتي وحجيت بصوت يرجف من شدة حبه بگلبي
الله يخليك لي يا روح لبنى وعمرها كله.. تدري من حچيت حسستني إني ملكت الدنيا كلها ونسيتني كل تعب ومرّ بحياتي. وأمك إنسانة طيبة وتستاهل كل الخير، وأدعي ربي يعوضك بيّه عن كلشي شفته، والله لا يحرمني منك ولا من هالحضن الـ لمّني وصارلي أهل من بعد اليتم العشته بداية عمري.
سكتت لحظة، وقبضت على إيده بقوة ودموعي تلمع بعيوني، وكملت
ومن تذكر أمك وتنقهر على حالها يزداد احترامي إلك أضعاف لأن الزلمة البار بأمه ويعرف گلبها المكسور هو أصدق إنسان بالدنيا بالوفاء والحب. وعمتي وهبيه إنسانة طيبة حيل وتستاهل كل الخير، وبعيوني أخليها لأن الـربت زلمة حنين مثلك تستاهل مني كل طيب وربي يشهد معزتها عندي من معزة أمي الله يرحمها وأكثر.
قربت وجهي منه أكثر وابتسمت وسط دمعتي
باقر أنتَ مو بس زوجي.. أنتَ أهلي، ودنيتي كلها
ما حچه شيء بس لمني بحضنه وقربني لصدره ومشينا وخلص هاليوم بكل تفاصيله الحلوه وكان الختام لان عگب باجر يلتحق خلص أجازته وتونسنا سوا ...
ورجعنا البيت ومحد سألنا وين جنتوا شسويتوا بس نافع وناجح لان يمكن يعرفون أو باقر مسولف الهم
نافع ـ سفره سعيده يابه
ناجح ـ سفره سعيده بلابل الحب وين هالغيبه .
لبنى ـ عفته يمهم ودخلت غرفتي لكيت نور متصله عليه أستغربت وأتصلت عليها ها نور عيني متصله عليّ
نور ـ هلا عيني شلونچ .. أي والله أجيتج للبيت وما لگيتج نافع گال طالعين للمزرعه وحيل فرحتلج گلت اتصل اسأل عليج ولو خاف أزعجتكم .
لبنى ـ لا گلبي يا أزعاج أي والله هسه دخلنا البيت لو گايلتي قبل لاتچين
ـ والله صارت صدفه طلعنا لـماركت وأخذت لينا وياي وتونسنا بالطلعه وأشترينا الج وكلنا نمرلج بس ماكو يله المهم تونستي والحلويات بقيناهن الج يم نافع بس أخذ نص منهن ههه
ـ يا عيني المهم تونستوا يم نافع مودع البزون شحيمه بالعافيه .. لينا شلونها همزين طلعتيها وياج .
ـ زينه تسلم عليج .. أي شلون تدلل عليه .
ـ فدوه لعينج.. أمانه محتاجه شيء
ـ ما محتاجه غير سلامتج والله .. يله أخذي راحتج أروح أسوي عشه غافر يريد مني المخلمه مالتج صاير يموت على طبخي يگولي طبخج طيب والفضل الج طبعاً
ـ لا يروحي شمسويه وأكيد طيب لان نفسج طيبه..
وراحت وفرحت بإتصالها وغيرت ملابسي وأجه باقر جابلي الجنط وغير ملابسه وطلع على عمي كاعد بالحديقه .. وأجه نافع شايل الجيس شمره عليه
نافع ـ لو ضالين لباجر جان خلصن وبس هذن الضلن وهذا الكدامج اكلهن اني مو هلكد بالحلويات .
ناجح ـ ليا جذاب والله لاتصدكينه والكرزات المشكله منو أكلها وما أنطاني ولا حبايه والنستاتل مو حلويات مو فد واحد ملعب .. صمطهن وذبها برأسي .
لبنى ـ نافع يأكل ويذب كشور عليه وهذاك دمه محترك ونافع خربان ضحك .. يله عليكم بالف عافيه .
نافع ـ الله يعافيج يابه .. ناجح شبيك راح تموت
ناجح ـ جذاب أبو كرش
نافع ـ كلها أهل كروش الا أني ..غلطان حبيبي أبو عضلات أي بس أبو كرش لا ستوب .
ناجح ـ طبعاً سماني من سمك ما يصيرلك كرش
لبنى ـ عفتهم مناكر شكلهم يضحك ودخلت غرفتي خليتهن بالثلاجه وأني مبتسمه وأنفتح الباب كل ظني باقر بس أنصدمت بـ نورس! واكفه ومتخصره ونظراتها غاضبه . خير نورس محتاجه شيء .
نورس ـ سلامتچ بس تصرفاتج ما تعجبني ولازم أحطلج حد لان الظاهر أنتِ بعدج صُدك جاهله وزعطوطه وجديد عليچ وضع العيال وأخواتج هم نفس الشيء إذا ما أنكس.
ـ أحترمي نفسج وأحجي عدل لا والله ما يجرالج خير لأن أنتِ الظاهر وحده تردين مشاكل وحايره شلون واني ساتري خيري شري فكي عني وطلعي من غرفتي .
ـ من يصير بيتج بيچ خير وطردي بس عندي كم حجايه أكولهن الج وامشي والا ما كاتله نفسي على شكلج
هالتصرفات بطليها أنتِ وأخواتج ونور ولينا يمرن ويضحكن وسوالف يم الباب وحلويات بحجه لأختنا ما تعبر على الدبه وهذن سوالف مراهقات بطلنها .
ـ يا سوالف مراهقات ليش شمسوين أحنه! ولاتنسين نافع أبن عمتنا ونمون عليه بس عقلج وأفكارج الوسخه هاي مشكلتچ لوحدج روحي تعالجي منها.. وأخواتي هذا بيت خالهن وعمتهن ويجن يمت ما يردن ومثل ما تفضلتي حضرتج من يصير البيت بيت هذاك الوكت امنعيهن .
ما حجت بس من شكلها أعصابها قبطت طلعت وركعت الباب بكل قوتها تنفست بقلة صبر هاي ما ناويه على خير أبداً ..
لليل طلعت ولكيتهن محضرات العشه وتعشينا والمواعين أني غسلتهن وهي بس تدردم على شنو محد يدري ولا ينعرفلها..
ونافع وراها واضح عليه بس يريد برودة الكاع ويحاول يرضيها بإي طريقة كانت حتى بعض تصرفاتها ما تنطاق ولا تنحمل تزعل وتمشي كدام الكل والكل يلاحظ عليها هو مطول خلكه ويلحگها ويراضيها يعني من خلال نظرتي لعلاقتهم بالعيال جانت حلوه وبينهم كيميه ومحبه وموده يتزاعلون على أتفه الأسباب بس زعلهم ما يطول لان نافع الطرف المتنازل وما يريد المشكله تكبر عكسها هي كل مشكله تصير گبل تريد تمشي على أبوها .
واكفه أغسل المواعين وهي تصب الچاي وتركع بالأستكانات وأجاها جرها من أيدها وطلعوا بالطرمه وصوتهم واصل لعندي .
نافع ـ شگو شبيج گلبتي الوجه
نورس ـ وأنت على أساس مهتم
ـ أي ليش ما مهتم شنهي حچاره شگو شبيج من العصر لحدهسه گالبه خلقتج وتعاركين بالرايح والچاي حتى أبويه سألني مرتك شبيها .
ـ ما تعوفني لو صدك مهتم جان بطلت هالتصرفات تحجون حتى الحايط .
ـ ما تگولليي شبيج ومنو يمج أنتِ لخاطر الله شو من كيفج تثگبين ومن كيفج تطفين.. نورس گافي تصرفات مال جهال أعقلي بابا أعقلي أنت مو صغيره أكعد أعلم بيج لما أكبر مني .
ـ أي أحجيها طلعها من گلبك عالنونه ليش ضال ضامها بگلبك أكبر منك گولها ليش مستحي .
ـ لا اله الا الله يعني عفتي كل السالفه ركزتي على هالجمله! نورس بابا شتردين بالضبط أحجيلي شنو علتچ علمود أوكع عليها وأحلها يجوز أنه الغلطان بحقج.. بس مال تبقين گالبه الخلقه وتزاكطين وما تحترميني أركعج بمية قندره على حلگچ وأطيح حظج وأشوفج نجوم الليل بالظهر.. لا تشوفيني مطول خلگي وياج تنجلبين عليه .. هالخلك جاره وياج لان تعبان أني تزوجتچ أريد أرتاح أريد أستقر مو ينشلع گلبي بسوالفج التعبانه
ـ أني سوالفي التعبانه وأنت شنو .
ـ نورس أتعوذي الشيطان وخلي شيطاني نايم
ـ نافع أكولها الك من الأخير أنت الما تريد تستقر وتعيش وتنسى .. لا عبالك عبرت عليه جيتهن العصر عليك وأنت تضحك وتسولف وياهن عادي تگدر تبررلي لا ما تگدر وراح تضل ساكت مثل العاده من اسألك ما تجاوب وهذا سگوتك يثبتلي .
ـ هم رجعنا هم رجعنا .
ـ شفت گبل عصبت وگلبت السالفه ولفتها عليه بس ابقى وأشوف تاليتها وياك .
لبنى ـ دخلت بدون ما تباوع ورجعت تصب الچاي ودخل وراها نافع وراح كعد يمهم وما فهمت گلشي شتقصد
معقوله تشك بي هو ولينا لان گالتلي بس تخزر بيه والله گلشي أتوقع منها هي تغار عليه حتى من أهله
غاري من حقج رجلج بس مو لهل الدرجه تنگلب الغيره مشاكل ..
كملت ورحت كعدت بصف باقر وهي صايره مقابيلي تراسل وهو يراسل ويكتب سريع ويباوعلها وناجح يضحك وعمتي تضرب بيه لان الكل ملاحظ عليهم جاي يتراسلون وگامت لغرفتها وشوي وطلعت كاشخه .
حربيه ـ ها يمه وين طالعين .
نورس ـ للمول ومحتاجه كم شغله ونتمشى .
حربيه ـ أي يمه شگو بيها غيروا جوا .
لبنى ـ طلعوا والحمدلله هذا الشيء الحلو بيهم بسرعه يتراضون! الله يكبر عقلها ويهديها وتفك عني وعن أخواتي لان بسبب عقليتها تسبب مشاكل النا ولنفسها ..
دخلت لغرفتي وراسلت لينا أريد أعرف عنها هم حاجيه ويه نافع رغم واثقه منها بس ردت اتأكد منها بس صدمتني وتندمت حجيتلها
لينا ـ من كل عقلج لبنى تسأليني هالسؤال وشعندي أراسله رجال متزوج .
ـ أني مو قصدي بغير شيء .. بس ما أريدج تراسلينه نهائي لينا حتى طلب الصداقه الغي زوجته تغار وخاف تسويلنا سالفه واليوم جيتجن سوتله مشكله .
ـ هي عقليتها مريضه أني شگو .. هاي مو نور وياها شو متغار ولا تدقق وراه ورجلها ينحب اكثر من نافع خاف ما تدرين شمأخذه طرزان خابصتنه بي لو ماخذته على حب جان إشسوت .. يمعوده عوفيها من الفراغ البيها ترجع على الناس الحواليها هاي حتى غيره ما تغار بس فراغ نفسي وتحب تثير الجدل لا اكثر .
ـ ما ناقشتها يمكن كلامها صحيح ومنا وهيج أخذها على گد عقليتها ونفس الوقت حيرتتي بإطباعها وتصرفاتها وعايفه الدنيا ملاحگتني ...
ثاني يوم قبل لا يلتحق أخذني الدكتوره وضعي زين بس أنطتني علاجات بيهم مثبتات وگالت ديري بالج على روحج لان بداية حملج .. ورجعنا جانت نورس تسوي العشه وخليت المسواك عالكاونتر وباقر عفته واكف ويه أخوه علمود سيارته العرفته نافع ما عنده حظ بالسيارات ومن نزلنا لگينا ضايج ومدهن وحالته حاله وباقر استلم مكانه يصلحها اله .
نورس ـ ها شگالتلج الدكتوره وطفلج شلونه
لبنى ـ الحمدلله زين
ـ الحمدلله تدرين عبالي أروح وياج بس نافع جان متعصب من ورا سيارته خفت أكوله .
ـ ها أي چان گلتي عادي
ـ أي والله أبالي أروح عندي التهابات مدمرتني وعمتي تكول لازم تعالجيها لان ما تسوي حمل وخفت
ـ أي يله عالجايات
ـ أي ان شاء الله .
ـ گملتي العشه
ـ أي يمعوده ظهري طگ.. تعالي أكولج صفا شنو شغلها؟ وهذيج المتدينه هم شنو شغلتها لان خوش لاكيتها حجه ونايمه بغرفتها واذا تشتغل تضل بس تتنقد على ملابس والشعر وتفتي برأسي فتاوي
حرام وحرام .
ـ صفا شغلتها تشتغل الشغل الخفايفي وضمياء عليها تنظيف الفوك غرف الولد وغرفتهن ومرات تنزل تنظف الجوه قبل جانت تنظف غرفة نافع يعني تشتغل زينه
ـ صفا مثل شــنو تشتغل
ـ يعني من أطبخ على أيدي تغسل هالماعون الضال بالسنك تجيب الملابس من السطح تلم السفره أخوانها يصخرونها والجاي يعني حسب الشغل
ـ ها والله زين .. بس الأشوفه كاظيتها بس نوم والشغل عايفته ولا عبالك ساكنه بهل البيت وعدها غرفه لوحدها! وكلما تحجين وياها تكب بوجهج كل أحترام ما عدها .
ـ ها شعجب الأعرفه أنتِ وياها حبايب من الحنه وركصجن وسوالفجن تبين النا أنتن صديقات!
ـ حبايب وصديقات عشتو لو تضل بس هي عابتلها ولا أرتاحلها خفيفه وملگوفه حيل وأصلاً ما تعجبني تصرفاتها تدخل بگلشي وتدقق ورا سوالف المتزوجين وهاي لكافه أكرهه بالبشر تحسينها كاتلها نفسها عالرجال!
ـ والله ما أدري هاي نظرتج بعد
ـ نظرتي بالبشر ما تخطأ أبد ولا تجي عبث لو من فراغ مثل نظرتي بيج .
ـ خير هم رجعتي عليه
ـ كلشي لحال .. هاج سوي سلطه اني أدخل أسبح والمواعين عوفيهن مو صفا عليها الخفايفي خل تنزل تغسلهن ... صفا صفا شو نزلي
صفا ـ شگو بس تصييحين
نورس ـ نزلي غسلي المواعين بالسنك وبطريقج أكو ملابس عالسطح أخذي ملابسجن ونزلي ملابسي وملابس أهلج .
ـ وأحد گايلج أشتغل عندج
ـ لا ماتشتغلين عندي بس هذا شغلج بيت أهلج يله امشي نزليهن.
ـ من نزل عليج عزارائيل وكرفج
ـ شگلتي ولج
لبنى ـ خرب بس لاتگب بينهم همزين دخلت الحمام ونزلت صفا بلشت تغسل ومن صبينا العشه طلعت نورس كاشخه والمكياج والعطر هاي دائماً العصريات كشختها متعوفها ومن سوت العشه بعد ما تلزم شيء لان هي تشتغل شغله وحده وبعدها تسحب إيدها بالزايد تشتغل الها شغلتين لو تطبخلها وجبه لو تنظف الاستقبال او تغسل الحوش وتكول بعد ما عليه الباقي عليجن
عاد كلمن تمشي على شغلتها .
من خلصوا گمت للمطبخ أجييت أغسل المواعين وصفا تصب الچاي وهي أجتي شافتني وگالت
نورس ـ شگو واكفه عالسنك تغسلين ترى أني السويت العشه مو هنا وزينب جانت تريد تغسل
ـ لا اليوم ما أشتغلت
ـ منو نظف المطبخ وطبخ الغده أبوي! شگد فطيره
ـ عافتني خرب بيومها تخلي الواحد يصفن .. كملتهن وصفا تصفط على أيدي ونافع طلع لدوامه عنده خفاره ونورس وراه شايله جنطته واني باقر هم باجر يلتحق اروح أحضرله جنطته من هسه أختنگت ..
باقر ـ شبيج وجهج ما عجبني
لبنى ـ مقهوره
ـ على شنو .. منو وياج
ـ لا محد وياي بس باجر تلتحق
ـ هنا السالفه وأنه أكول حتى عشه ما تعشيتي تعالي يمي تعالي يابه بنيتي .
ـ أخذني بحضنه وگمت أبجي ما أريدك تروح أطك وراك وأشتاقلك وأجازتك بسرعه تخلص والله قليله .
ـ شسوي يا عيني هي أجازتي هالكثر أسبوع بإسبوع وأني زين على ربعي .. كافي لاتبجين وتوجعين گلبي
ـ ضليت حاضنته وأبجي أريد أسكت ما أكدر للصبح اني نايمه بحضنه وگمت سويتله الريوك بس شرب الجاي
وشال جنطته دير بالك على نفسك وراح أشتاقلك
ـ وأنتِ هم ديري بالج على نفسج وعلى أبني
ـ بعيوني.. حضنته وأبجي على صدره ما أريدك تروح
ـ ما أروح أبقى حاضنج أنتِ وأبنج وريحتج الطيبه .
ـ أبتعدت وتوكل الله وياه ومثل كل مره أختنك وتضل دمعتي على خدي ودخلت المطبخ أشتغل أريد التهي وطلعت نورس كاشخه شكلها تتنظر نافع ينزل .
نورس ـ شبيج حلمانه بالشغل دعوفي من أيدج رجعي كملي نومتي من نكعد كلمن تشوف شغلتها
ـ لا أريد التهي
ـ بشنو تلتهين بالشغل وأنتِ بداية حملج ينراد الج الراحه صدك فطيره أنتِ .. روحي كملي نومتج .
ـ ما تعوفيني
ـ والله الصوج منج أثاري أنتِ عاجبج وضع التكفخ وعلى شنو رجلج خابص نفسه ويحجي ويمنع أحد يصخرج ما أنتِ هاي شغلتج ولايحجي ولا يتعب نفسه لان مرته مكفخه
ـ نورس ولي من يمي
ـ كل حيلج خوفتيني يمه الزهره گمت أرجف منج ولج خوثه أني علمودج لو شگد تشتغلين وتركضين محد يرضى عليج والتطبيل والتصفيك والهوبزه بس أول ساعه من شغلتج تكظينها على أتم وجه بس دخل تصير مشكله أنتِ ورجلج يوكفون ويه أبنهم ضدج لو كل زينج محد يوكف وياج .
ـ بس هاي شغلتي خوما بس أكل وأنام وأذا أضل كاعده هم يحجون عليه
ـ ما گتلج أكلي ونامي بس أشتغلي العليج مو تتحملين بكل الشغل وتصيرين النادره وماكو منچ علمود كم حجايه لبنى ولبنى وبعدين عاجبج وضعج تبقين بس تكرفين شغل وهنا مرتاحات برأسج على گد أيديهن
من الأخير أكولها الج لاتضلين مكفخه ولوگيه ولاتذلين روحج علمود يرضون عليج لان أساسا محد راح يرضى عليج وأسأليني أني على العيال وسوالفهم وشفت بعيني محد گالي جاريات على گلبي .. العبوديه طيحان حظ الج ومرض يهلك صحتج وعافيتج وأخذيها نصيحه مني وكون تأخذين بكلامي
ـ عافتني وفرت رأسي فر بگلامها وأباوعلها وگفت يم الباب تتنظر رجلها وأجه بعده شايل الجنطه حضنته وهو يدفع بيها ويتلفت
نافع ـ خرب نورس لا أبويه يكعد أمشي بالغرفة شغلتج مبينه حاميه .
نورس ـ فوك ما عايفه نومتي وكاعده أنتظرك أصلاً ما نمت لان فراشي فارغ
ـ هو أنتِ لانمتي ولا خليتني أنام موبايلي طفه من سوالفچ ونگدج بالخفاره وما خلصان
ـ ها هيج نافع يعني أني أنگد بشرفك أني لو أنت
ـ لا والله أني وأني واحد مسربت وما ينحمل بس أنتِ متحملتني شتردين بعد .
ـ لا مو مسربت شبيك شمسوي
ـ گولي لنفسچ هالحجي منو قبل شويه يگولي مسربت وأبو نسوان
ـ ضچت منك وطلعت بدون قصد
ـ بدون قصد وهيج لو بقصد شيطلع منج بس يله ميخالف نصبر عليج
ـ غصبا عليك تصبر عليه شعندك غيري
ـ ديله أمشي تعبان وبس أريد أنام
ـ تحضني
ـ نورس صوتج لا أملص رأسج وهالسوالف بالغرفه نتفاهم عليها يله كدامي يله .
لبنى ـ سمعتهم بدون قصد وهالبنيه عباره عن گتله غريبه وعفتهم قبل لايدخلون رحت الغرفتي وللحظه صفنت بگلامها وعلى نفسي أني مكفخه ولوگيه!!
.. وليش سگتت الها شلون سمحت الها تحجي عليه هالحجي وبعد صفنتي تدارگت نفسي أني فعلا وحده مكفخه ولوگيه أي لوگيه وعلى گد الأيد قبل خالتي سميعه جانت تكفخ بيه وتشغلني بيت أختها وشبعت مذله وهضم وهسه أجيت لنفس الدائرة بس يم عمتي حرربيه وهم أستغلتني وأعتمدت عليه أذن كلام نورس صُدك والخلل بيه مو بالبشر أني منطيتهم مجال وذاله نفسي الهم .. وعلى شنو علمود رضاهم وأساسا فعلاً محد راضي عني عمتي مبروك ما گالتلي!
من بعد عركه ويه أفكاري رجعت گملت نومتي ..
ومر كم يوم عادي وگمت أشتغل بس المفروض عليه والباقي هنا يشتغلنا وگامن كلمن تسوي شغلتها
واليوم عليه وجبة الخبز .. مره أني مره زهور وأذا زهور بالقريه زينب تخبز للامانه هنا زينات الواحد يحجي حظه وبخته بس صفا لسان وتترادد ومع ذلك نافع ما ينطيها مجال ..
كعدت أشنك ونزلت زينب منزله فرش نكعتهن بالحديقه وضمياء بلشت تغسل وهي اجتي كعدت يمي تشنك وياي العجين .
زينب ـ من تكملين اكو جراجف مالت ناجح وحليم طلعين وشريهن عالحبل .
ضمياء ـ أريد أوتي أكوي ملابسهم
زينب ـ نافع مو جاب أوتي شوفي وينه
ضمياء ـ أخذته نورس بغرفتها خاف أخذه تضل تحجي
ـ چا بكيفها غير حاجة البيت وبعدين أمي وصته كالتله جيبلنا أوتي على شنو تأخذه .. دكملي هسه بعدين اكول لامي تاخذه منها .
لبنى ـ ضلت تشنك وياي وهنا كلمن وشغلتها ما عدا عمتي طالعه يم أهلها ونورس وياها راحت كالت تمر على أخواتها .. كملنا والباب جان مفتوح ونور مدت رأسها يمه هلا .
زينب ـ فوتي ليش واكفه تعاي محد موجود
نور ـ شلونجن .. ضايجه كلت أمرلكم .
زينب ـ هلا بيج زين سويتي .
لبنى ـ سلمت عليهن واجتي باوستها وكفت تحجي وياهن ونزلت زهور حضنتها وتبوس بيها
زهور ـ يمه هلا هلا وأني أكول شنو هالريحه الطيبه الهبت عليه أثاري نوره جايتنا همزين عيني شفناج شدعوه كطعتي بينا .
نور ـ والله يوميه أريد أجي بس ما يصير مجال .
زهور ـ معذوره عيني .
لبنى ـ كعدت عالكرسي وزهور ضيفتها وزينب شالت العجين وجابت التنور بالطرمه وحمته .
نور ـ تخبزن
زينب ـ أي تعرفين تخبزين
نور ـ لا والله بس أريد أتعلم ولبنى گالتلي تعالي أعلمج
زينب ـ چا أذا هيج شدي حزامج وخل أختج تعلمج گومي يله أخذي مكاني لما أكمل غسل فرش جيتي والله جابج
نور ـ هههه .
لبنى ـ گامت وياي وهنا گامن على شغلهن وصعدن عالسطح يشرن الفراش ونصيت نار التنور وأعلم بنور والها واهس تخبز وتوكع بس اول كرصه والثانيه زينه تعلمت بس بعد ينراد الج تعلوم ..
نور ـ ها .. أي والله اني أمي تخبز سريع وبس تصييح وعوفي وشلج بالخبز تخاف عليه بس أني الي واهس اريد أتعلم
ـ تتعلمين ما ينراد اله شيء .. وكفت تلوح العجينه وأنفتح الباب ودخل نافع وتفاجئ بيها صفن شويه وحجه
نافع ـ ها نور اليوم يمنا .
نور ـ أي والله أجيت
ـ شجابج يابه والجلب اليعضج گتلناه منو دلاج الدرب شذكرج بينا .
ـ والله شسوي أجيت أتعلم الخبز ولبنى گالت تعلمني
ـ أي شگو بيها تعلمي وغافر يستاهل تخبزيله بس ديري بالج على أيدج لاتنجوين وتحرگين الخبزات .
ـ المهم أتعلم مو لبنى عليج الله شلوني
لبنى ـ لا زينه والله الها واهس تتعلم
نافع ـ أي عاد هي أم بيت معدله شو خل أشوف خبزج وأقيم زين لو لا .
لبنى ـ أخذ الكرصه وضحك
نافع ـ ههههه هاي ليش ضاربتها جلطه ومايله
نور ـ نافع لاتضحك على خبزي والله تخبل شبيها وأول مره أخبز مو لبنى گولليله خبزي يخبل
لبنى ـ نافع لاتهبط معنوياتها خطيه والله زين خبزها
نافع ـ أني أهبط المعنويات أوفا عليج أني أكثر شخص يدعم المعنويات ويشجعها .
لبنى ـ صفنت وسگتت وهي تخبز وگعت الكرصه وأنخبصت بيها على كيفج عوفيها عوفيها لاتنچوين خليها أني أطلعها
نافع ـ الله الله .
لبنى ـ طلعتها ونافع أبتعد ووگف على صفحه وهي يمي وأنفتح الباب ودخلت نورس وعمتي حربيه وباوعن على نور وعمتي صاحت بيه .
حربيه ـ من يمت عفتج لحدهسه ما خابزه شجنتي تسوين تلعبين!
لبنى ـ ما جاوبتها ودخلت البيت ونورس وگفت باوعتلنا ورجعت باوعت على نافع وخلت ومشت بدون سلام ونور نفضت ثوبها عالسريع
نور ـ راح البس عبايتي وأروح أحسن .
لبنى ـ بكيفج بس منو يوصلج
ـ غافر گالي نص ساعه ويرجع خل أخابره
ـ خابرته وضلت يمي ونورس كل شوي تباوع وترجع وتباوع على نافع جان كاعد عالكرسي بالحديقه يگلب بموبايله وجگارته بإيده وسمعنا هورن سياره ونافع گام باوع على نور وأندار نورس صارت كدامه تباوعله .
نور ـ يله مع السلامه .
لبنى ـ صدك أوكفي أخذي خبز وياج
نور ـ تسلمين عيني .
لبنى ـ أنطيتها كم كرصه وطلعت ونافع وراها وصلها وگف ويه غافر وسد الباب وراه .. ورجعت أكمل الخبز واجتني نورس وگفت يمي متخصره حسيت عدها حجي .
نورس ـ نور شتسوي چايه .
لبنى ـ هيج أجتي تشوفني وهم تتعلم خبز
ـ يعني جايه تتعلم الخبز يمج مو أجتي تشوفچ؟
ـ ليش شتردين منها
ـ ما أريد شيء شريد قابل بس شوفي أكولج حجايه هاي الدورب مال تتعلم الخبز وبيت خالها ومليان شباب هاي واكفه وهي متزوجه! وعدها بيت خل تتعلم بيتها لو تتعلم عند أمها ليش الا يمج بالذات! شمعنى .
ـ ترى أني گتلها وماكو أحد ليش تكبرين المواضيع
ـ حتى لو ماكو أحد بس من دخلت وكفتها وهي تخبز وياج ونافع كاعد هاي فاول وأوفر الصراحه وأذا رجلها يقبل فه أني ما أقبلها ..
ـ ترى أبن خالها ورابين سوا مثل الأخوان حرام عليج نورس جوزي من البنيه
ـ أنتِ لو غشيمه لو تغشمين بنفسج عليه لو أنتِ أساساً ثوله .
ـ شبيج نورس عن شنو تحجين شهل الحجي يعني عفتي الناس رجعتي على نور
ـ شوفي أني ما أحب الغي واحجي هواي وكلامي واضح وانتِ مو غبيه لهل الدرجة ما تفهمين عن شنو احجي وأذا تحاجيني بالحرام فه أكولج حرام عليها من تسولف وتتمضحك وياه لا عبالج ما أدري شيصير بظهري فهمي أختج خل تكظب رجلها وبيتها وتستر روحها وتبطل حركات وتصنع
وأذا تجي زياره هي ورجلها أهلا وسهلاّ بيها أحطها بعيوني بس مو لوحدها! ..
فهمتي وفهمج أختج هم
لبنى ـ عافتني وطلعت فتحت باب الحوش يمكن تدور على نافع ودخلت مزعوجه
نورس ـ وين رايح شال رأسه أدري بسوالفه .
لبنى ـ أستغفر الله ربي مو طبيعية هالأنسانه تخلي الواحد يشگ حتى بنفسه .. رجعت كملت الخبز ودخلت المطبخ واجه نافع مستعجل ودخل الغرفه وكبت العيطه
حربيه ـ مثل البومه بس لفت البيت هجمته غضب الله عليها شجابها شعدها جايه
نافع ـ يمه صوتچ صوتچ
لبنى ـ أختفى الصوت بس أسمع صوت نافع ونورس تصيح بس مو واضح .. شعليه وبعد أنبه على نور ما تجي هاي تضل بس تشكك وتضل حجي ..
ثاني يوم ضايجه حيل ناويه اروح لبيت أهلي دام باقر ما موجود ..
أني اروحلهم بس ما أبات على كد السلام وأرجع وقليل من زمان ما رايحتلهم ولينا هالفتره ما جايتني ملتهيه بدراستها مشتاقتلها... راسلته حبيبي موجود انتظرته ورا ساعه يله جاوبني
باقر ـ ها حبيبي أي گولي جان عندي شغل وما جاوبتج
لبنى ـ عادي حبيبي بس أريد أروح لأهلي وأبات يمهم
ـ أي روحي گلبي بس لاتروحين لوحدج خل خالتي توصلج او واحد من الولد بالسياره مو مشي
ـ تمام
ـ أبقي ومن أنزل أمرلج
ـ صدك
ـ أي صدك شعندج بالبيت شوفي أخواتج غيري جو
ـ فدوه لعينك
ـ تدللي عليه .
ـ فرحت وگمت حضرت جنطة ملابسي وعمتي ودتني من الصبح لان ماكو أحد بالبيت طالعين ونافع ونورس من الصبح طلعوا العرفته منها گالت ضايجه وطلعها يونسها والله الأشوفه حيــل زين وياها ويحبها وبس يريد رضاها بس هي بسلامتها مزاجيه وأدون سبب تزعل ومرات بدون سبب تگلب خلقتها ويضل هو دايخ وكاعد لوحده لما تهدأ ويروحلها وها عمتي وراه وراه ما تنطي مجال يزعلها أبداً
.. تمنيت لو تكون حنينه عليه مثل ما حنينه عيها واحنه أثنينا بنات أخوانها بس بعد هي هيج والمحبه مو غصب وأمي والله جانت طيبه وأبد ما عدها أذيه على بشر عاشت ومات وهي مالها صوت ولا حجت ولا تدخلت بإحد .. الله يرحمج يمه
#يتبع
#خيط_وأبرة
الكاتبة #شمس_العراقية
#بارت٢٣..... #القسم٢
.. وصلت وهي گبل دخلت على بنات أخوها وشفت لينا وحضنتها مشتاقتلج حيل .
لينا ـ همزين شفناج شدعوه لما بينا بس الشارع هيج باقر مأخذج من عدنا .
ـ لا والله بس مالي خلك وما أحب الطلعه تلكيني بس نايمه واليوم أجيت أبات يمكم
ـ يا سلام اليوم ما أخليج تناميين نسهر لصبح
ـ فدوه رحتلج ..أي شلونكم خالتي وين
ـ يم نور راحت تشوفها
ـ ها زين ونور هم جايتكم
ـ أي تجينا خطيه .. يله تعالي سولفيلي شخبارج
ـ رحت بغرفتها وطاگه بيها عبوة مكومه كتبها شدي حيلج لينا فدوه لعينج
ـ والله ذابه كل حيلي غير يخلص الخامس وخاله خطيه مسويتلي جميعه من هسه
ـ مال شُنو
ـ لسادس گالتلي بس تكملين گبل الزم الچ دورس للمواد .
ـ صدك ياعيني يا خاله وأنتِ شلونج وياها خوما تعانديها
ـ يعني أي ولا نتعارك ونتراضى توم وجيري
ـ لا لينا أزعل منج أحترميها منو النا غيرها
ـ لا والله أعجبج وهي هاي اطباعها قابل جديده عليه ساعاتها مو واحد بيها گبه يمكن طاگ بيها فيوز
ـ خرب بيومج ولاتبطلين سوالفج
ـ صدك أخبار نورس بعدها ملاحگتج وتذب بسمها عليچ
ـ هم يعني أي ولا .. على گولتج طاگ بيها فيوز .
وگامت لينا خابرت خالتي وگاللتها وعيني على عمتي حربيه دخلت يم البنات ما طلعت بعد .
لينا ـ شتحجي وياهن من أجتي لحدهسه كاعده يمهن
لبنى ـ شمدريني عوفينا منها .. بهل الأثناء سمعنا صوت نور وفتحت علينا الباب
نور ـ هلاو شلونكم ليا خاينات كاعده تگصون بينا مو
أعترفوا أعترفوا لزمتكم بالجرم المشهود
لينا ـ أي نكص بيج أنتِ وأمج
نور ـ مشتاقتلج والله شلونج أخبارج تعالي كعدي سولفيلي عنج أي شلونكم
لبنى ـ حضنتني وتبوس بيه بكل حيلها وتحجي سريع وكعدت بالكوه تأخذ نفسها
لينا ـ دأخذي نفس شبيج تصلين صلي
نور ـ ويي أي والله خل أخذ نفس .. أي شلونكم أخباركم يله سولفولي بشنو جنتوا تحجون احجولي شنو الاخبار القابله والقبيله لان اني غافر ما يقبل سوالف القال والقلت والفاتن والمفتون يتخبل من هالسوالف معيشني في جفاف عن الغيبه والنميمه .
لينا ـ عاشت أيده ما وراهم بس الأذيه وبعدين شلج بهل السوالف ابقي عايشه بالحب
نور ـ لا لينا ما أوافقج الرأي لازم الواحد يأخذله فره وجرعه زينه يستاف من الحجي ويأخذله كم خبر مو لبنى والأخبارج عندج اي احجولي .
لبنى ـ ضحكنا عليها وعلى حركاتها وذبت الشال ورفعت شعرها وخلت خصر نازلات وركزت عليها محلوه وسمنانه نور شنو هالجمال ما شاء الله شتأكلين أنطيني الخلطه
ـ والله الخلطه سحريه ما متوفره عند الأغلبيه
لينا ـ عابتلج وواضح شنو السر حب غافر الخلطه
لبنى ـ گامت ترمش وحركاتها تموت ضحك
نور ـ يريگني دلع ويغديني غنج ويعيشني حب هاي خلطتي خاصه بيه ولهنا وأكتفي بالكلام ما احب أحجي عنه أستوحي عفيه لا تخجلوني .
لينا ـ يمه تخجل يمه.. وصدك لاتحجين لا تنحسدين والله عدنا كل عين تكول ليزر بالاخص عيون الكاعده بالغرفه
نور ـ خرب بس لا هنا كاعده
لينا ـ أي ما شفتي خالتي عافتنا وراحتلها شگد مسمومه ما تسلم عليه عبالك گاتله أهلها بنت أم السحوره
نور ـ ولچ أني هم ما تسلم عليه .. صدك لبلب شخبارها وياج
لبنى ـ لا زينه
لينا ـ ها تجذب وتضمم أدري بيها تخاف منهن
نور ـ حقها هنا كومه هي وحده شتگدر الهن بس يله ميخالف المهم باقر يحبج وتحبينه أهم شيء رجلج الباقي مگدور عليه يستاهلون الواحد يصبر ويتحمل لخاطرهم زلمنا خوش زلم .
لينا ـ أي والله زلمجن خوش زلم .
لبنى ـ وكعدنا نسولف وفتحت جنطتي وتفرهت نور عجبتها دشداشه ولينا لزمت جنطة المكياج تبحوش بيها واجتها نور وتكابلن واني صافنه عليهن .
نور ـ خرب هاي الدشداشه أنغرمت بيها منين مشتريتها
لبنى ـ ما لابستها بعدني أخذيها الج .. هاي باقر من ينزل يجيبلي وياه ويضلن ما الحك البسهن .
نور ـ والله هالباقر ذواق مو بالله لينا شو أشوفج فقدتي على الحمر جيبها هاي الحمره هم عجبتني ما توالمج توالمني اليه
لينا ـ لا بالله شو جيبها هاي الحمره توالمني بناتيه وأنتِ متجوزه أخذي هاي طوخ غافر يحب الغوامق .
نور ـ هذا الكحل هم حلو راح أخذه
لينا ـ أني هم راح أخذ هاي القراصه أم الشعر ترفعلي شعري أنتِ شعرج ثخين شتسوين بيها اصلاً بناتيه سوالف البنات موزينه عالمتجوزات .
لبنى ـ أضحك عليهن ولزمت حمره جلبت بيها الا هاي أموتج والله الا هاي.... أموت على لونها
لينا ـ حبابه أني أختج مستكثره عليه قلم حمره جان أستحيتي ورجلج ضابط وطبقة البرجوازية وهالله هالله عمي صدك جذب هي حمره فدوه اليه
لبنى ـ لا والله العظيم أحبها باقر يموت على هاللون
نور ـ لبنى أني أخذتهن بس أنطيج مكانها دشداشه تخبل اجتني هديه من عمات غافر كلش فخمه وحلوه بس اني ما البس هيج احسج تلبسينها وتوالمج .
لبنى ـ خل أشوفها اني احب الستراس واللمع بس مو هواي بيها شغل
نور ـ لا تجنن هسه أشوف غافر يخليني أبات اليوم وأروح البيت أجيب شغلاتي وملابسي وعندي كومه حمر هم اجيبهن وهواي شغلات .
لينا ـ أكولج خاف ما يقبل لان أنتِ ولا مره بايته يمنا
نور ـ هسه أتصل عليه وأشوفه لان هو گالي ورا الغده أجي أخذج .. أمشن للمطبخ نشوف أمي شنو طابخه مشتاقه لأكلها ..
لبنى ـ ورحنا المطبخ وعمتي حربيه طلعت بدون ما تسلم على نور ولا كأنو شايفتها ونور ضلت ساكته
لينا ـ غلسي يمعوده ديله خل نصب الغده جوعانه .
لبنى ـ وصبينا الغده وكعدنا نأكل ونسولف وعمي محمود همزين ما موجود أخذنا راحتنا وبناته خطيه فقره..ونور تحجي هنا بس يباعن نبأ شوي تشارك أما سبأ نهائي ما سمعت الها صوت .. كملنا ونور وگفت تغسل المواعين واني أباوعلها شهل النداره
نور ـ أعجبج حبيبي غير شايله بيت مساحتة ٣٠٠ متر جذب ظهر ما ضال عندي من الجلف الحجي بيني وبينج بدون نفخ الشغل يموت بويا ما عبالي الزواج هيج .
لبنى ـ ضحكنا على سوالفها صايره أجتماعيه وتونس
وكعدنا بالغرفه وخالتي جابتلنا الچاي وكعدت مددت رجليها ونور لزمت الموبايل تتراسل هي وغافر واحنه كاعدين يمها
نور ـ حبيبي حياتي عمري .
غافر ـ أني هاي الكلمات خايف منها أحجيلي بالنظيف شعندج .
ـ شسمه هذا
ـ شسمه أبويه أنتِ شغلتج مطوله أروح أسبح وأتغدا وأجيج الكاج جاهزه أو أكلج خليها نتغدا سوا
ـ شسمه أني تغديت
ـ ها گولي هيچ ولچ والله أنتِ وفيه هنيالي.. بالله ما غصيتي بالأكل ما گلتي رجلي جوعان
ـ بلي غصيت بس شربت ماي
ـ هههه أمشي لچ
ـ زعلت منك
ـ وأزعلي حجي يفيدج باباتي.. يله تغديتي يم أهلج أني هم هسه أجي أتغدا يمكم شنو طابخين .
ـ تغدينا وخلصنا .
ـ سالفه تفيدك يا حلو راح أجي الكه الأكل جاهز
ـ ماكو خلصنا بس هسه أكوم أشوفلك شنو أسويلك
ـ الله يعلم يا مسكين تخلينه يطبخ وتگولين أني الطبخت .
ـ أذا حافظني ليش تگول
ـ گلت بلكي تحاولين علمودي لان أعرفج بس كدام أمي تطلعين ندارتج صاكرتج أمي
ـ ها هيج صارت غافر
ـ أي البارحه أجيت جوعان گتلج گومي طبخيلي طلعتي مية سالفه وسالفه بس لو مكعدلج أمي جان طبختي طلي
ـ أي لان أنت تأخرت وضجت منك ما گمت طبختلك والأكل نص الليل موزين على المعده
ـ منو المتحدث
ـ خبيرة التغذيه
ـ لك يؤبرني
ـ حبيب عمري
ـ يله راح أجي أخذج
ـ لاتجي
ـ ها صارت لاتجي .. نور أطربيني صارلج ساعه تجرجرين بيه وراج شيء مو خاليه؟
ـ ما عندي شيء شبيك حبيبي
ـ أحجيلي نور .. وأحنه أتفقنا ورا الغده أجي أخذج هسه تكولين لاتجي مو عبالك سقطت الأتفاقيات ست .
ـ غافر حباب
ـ صارت بيها حباب اني گلبي يكوم يوجعني من تگولين حباب
ـ أريد أبات يم أهلي اليوم الله عليك .
ـ شنو دمشي لچ ماكو والله لاتحاولين راح أجي هسه
ـ لا أوكف أوكف لحظه خل نتفاهم بس أنطيني مجال
ـ ماكو أني منطيج مجال وهيج كسرتي گلمتي .
نور ـ هذا قفل ماما شسويله
سميعه ـ صوجج أنتِ طلعتي من البيت ما أتفقتي تضلين گالي ورا الغده أجيج الكاج جاهزه هذا هو الرجال ما غلطان بحقج وگلشي بعد الأتفاق حرام .
نور ـ عليج الله ماما هاج خابري وقنعي علمود العصر تأخذينا نفتر فد مول فد مطعم نتعشى
ـ نوب صارت بيها فراره ومولات ومطاعم تردين تهجمين بيدج عوفيلي هالسوالف نور والتهي برجلج
ـ هسه شلون على الأقل بس أبات
لبنى ـ خلي على راحته لاتلحين عليه
نور ـ خل أشوفه.. حبيبي وينك
غافر ـ شتردين نور
ـ أريدك الك شريد قابل
ـ تمام راح أجي عليج
ـ بس خل نتفاهم شبيك صرت معقد وقفلتها گبل بوجهي
ـ منو المعقد نور
ـ خرب جفصت والله مو قصدي بس خل نتفاهم عليك الله خليني أبات
ـ عله تعلچ مبيت ماكو گلت هسه أجي يعني أجي وشعندج بايته مو شفتيهم وأكلتي يمهم سالفة المبيت منين طلعتيلي بيها
ـ مو لبنى أهنا جايه بايته واحنه مجتمعين تعرف بنات وكعدات وسوالف
ـ نوب عليه الست لبنى! لا حبيبي خليني مطول خلگي
وياج .
ـ أني أريد أبات معليه
ـ عناد لاتعاندين نور
ـ ما هذا هو أبات وباجر الصبح تعال أخذني
ـ ترجعين هسه لا أجي أسحلج وكلام الله أني على الروحه ما راضي تجيني تگولي أبات من أنعل عمامج لابو النطاج مجال .
ـ شبيك غافر وبيت أبويه خوما بيت غريب
ـ غريب مو غريب ما تباتين وأذا جنت ناوي أخليج هسه قفلت وهسه أجي الكاج جاهزه
ـ غافر شنو هاي أعصابك يمعود .
ـ مو أنتي الا هيج يله تجرين عدل تريد تبات أم شبر ونص
ـ أنت مو مال حب والله
ـ أي مو مال حب گلشي اله وقته
ـ يله تعال حبيت أختبرك
ـ هي مال كلاوت نور مو حافظج اني وصايره لوتيه هسه اذا أكولج باتي تركصين بجفيه
ـ لا ما أبات ما أكدر على فراكك أصلاً ما أكدر أنام أذا مو بحضنك
ـ أي هيج أنتِ عيني وتعجبيني وأسمعي الكلام اني رجال أتخبل من مره تعاند عقلي يطير منها .
ـ سلامة عقلك يبعد عمري
ـ راح أجي فتحيلي الباب وصلت
ـ والغده ما سويتلك
ـ بالبيت تسويلي لان الطبخ اليوم ما عجبني مسويته من ورا خشمج .. من تروحين لأهلج تكومين تلوصين
ـ اي جنت مستعجله لان سمعت لبنى جايه يمنا
ـ أي أدري بيج أنثولتي لدرجه لبستي الشحاطه مالتج كل فرده من شكل .. ثولتج لبنى اليشوفج يكول ما متشاوفات وبينجن بس الشارع .
ـ غير أنت ما توديني
ـ رب الحلو مو وديتج الها وجانت طالعه تتسفح وهذاك اليوم العصريات رحتي شفتيها شبع خوما شبع .
ـ خرب لسانك شبيك مال واحد حاقد
ـ أي معصب منج حيل ما جنتي هيج عبالك من رحتي لأهلچ أنجلبتي عليه
ـ لا والله ما بيه شيء اني نور اني
ـ ديله وصلت لبسي شال على رأسج لا امصله الج
ـ أوك .
ـ بس خل الزمج
ـ شنو
ـ لا حبيبي جوعان وتجين تسويلي اكل طيب من أيدج الحلوه
ـ ها عبالي وتدلل حبيبي .
لبنى ـ صفنت عليها شنو هذا غافر ولا عرفته
نور ـ أي ولچ هالوجه البريء والمثقف هم عنده طبگات ويتخبل أذا أعانده لو أكسر كلمته وهو گلشي والا أبات من تزوجت لحد الان ما مخليني أبات وسألي لينا .
لينا ـ أي بسالفه المبيت ينگلب واحد ثاني
سميعه ـ كل الزلم هيج ماما لو يوكع بيدهم أصلاً لأهلها ما يخلونها تروح مو جارتي يشگلي وين ما تروحين نفس الطينه .. هي التزوج بعد هاي هي تصير حصته .
لبنى ـ لا أني خطيه ما گالي عادي گبل وافق
سميعه ـ لان ملتحق والله لو بالبيت ما يخليج .
لبنى ـ وأتصل عليها گامت لبست عبايتها
نور ـ أقنعه وأرجعلجن
سميعه ـ لاتلحين عليه وتتعاركون قبل قبل ما قبل عوفي على راحته
لبنى ـ طلعت مستعجله ورجعت كعدت يم خالتي سولفنا شويه وصتني أدير بالي على حملي وحجتلي عن معاناتها بالحمل خطيه شگد شايفه معانات يله صايرتلها نور وميثم بالشافعات والعلاجات وساده يله حسبي على كل وحده تسوي سحوره وتكطع النسل..
للعصر عجنت كعك وعفته عالكاونتر وخاله راحت تسوگت وأخذت وياها ميثم وجابت لحم ومعاليك وگالت تسوي العشه مشاوي حبيب أهتمامها بيه وشلون تسوگت ما خلت ما جابت ولينا كعدت تعزل المسواك ..
وسمعنا صوت الباب مديت رأسي دخلوا نافع ونورس
گمت لبست شالي عالسريع ولينا هم لبسه ودخلت وسلمت وعبرتنا دخلت على أخواتها .
نافع ـ ها عمه اليوم جايبه السوك وجايه
سميعه ـ أي والله رحت تسوگت ولبنى اليوم يمنا
نافع ـ ها لبنى هنا اليوم .
لبنى ـ أي والله الصبح أجيت
ـ منو چابج
ـ عمتي حربيه
ـ لازم تباتين لو تچين ويانا
ـ لا أبات
ـ أي على راحتج .. عمه خالي وينه
ـ خالك بالدوام .. خليني خلصانه ورأسي بارد
ـ ههه ليش لازم شالع گلبج
ـ أي والله يبعد عمتك ما ينحمل ومناكر هو ولينا مخلي عقله وياها وهي ما تسكتله تعرفها لسان .
ـ لا لينا أعرفج عاقله
لينا ـ والله عاقله ويه العقلهم برأسهم مو ويه المخابيل
لبنى ـ سگتي عيب بنته أجتي
نورس ـ خاله ليش ما گلتي سبأ مريضه
سميعه ـ شبيها الظهر تغدت ويه البنات گلشي ما بيها
يمه أسم الله
نورس ـ لا وين مصخنه نار .
لبنى ـ خالتي گامت وياها ونافع لحگهن شبيها
لينا ـ فنود وجذب بأذني سمعتها تريد تمشي لبيت جدي ياسين ومعارك هي وأختها نبأ گاللتها بس تمشين أحط طلقه برأسي وراج وهذيج تخبلت
ـ يمه دخيلك ربي وليش تريد تمشي
ـ ما اعرف دكول ما مأخذه راحتي وعبالك سجن
ـ وشتريد
ـ شمدريني .
لبنى ـ طلع نافع وسبأ طلعتها اخذتها الحمام غسلت الها ونبأ ساكته اجتي كعدت يمنا وتباوع بالوجوه وصاحت على نافع
نبأ ـ نافع توديها ترجعها لهنا خاف تگولك لبيت جدي ياسين لاتوديها .
نافع ـ مو أشتغل على كيفها تكعد وتنجب حالها من حال البقيه طلعه من البيت ماكو خوش دلال .
لبنى ـ وسمعنا طبة الباب گمت ودخل غافر شايل جنطة صغيره مال ملابس ونور تضحك وتأشرلنا بإيدها
نور ـ أجييت أجييت .
لبنى ـ لينا أجتي نور .. طلعنا عليها وأجتي سلمت على نافع
نور ـ هلاو نافع شلونك
نافع ـ هلا بيج الحمدلله عيني أنتِ شلونچ
ـ زينه الله يسلمك
غافر ـ ها أنت هنا .. لازم جايب المره
نافع ـ أي والله أجتي تشوف أخواتها
غافر ـ شفت الدنيا من تفتر بينا وتخلينا نشيل جنطهن .. هاج جنطتج ست بس شفتي أخواتج ضيعتي دربج .
نور ـ أسفه عيني جيبها وشكراً جزيلاً
غافر ـ العفو يابه .. أي شعجب ما شايل جنطه
نافع ـ ما أشيل جنطه شتريد مني
ـ لا مو أكول لازم مرتك ما تبات مثل العندي
ـ لا أني ما تبات حدها من الباب
ـ نيالك عمي نيالك
ـ غافر ترى بس اليوم وافقت أبات لاتسويها فدمره وتطلعها من عيني
ـ أتشاقه وياج شبيج راح تبچين .. أي ست لبنى شلونج يابه أخبارج سيادة الضابط شلونه
لبنى ـ الله يسلمك الحمدلله بخير .
غافر ـ سلمينا عليه..
لبنى ـ يوصل الله يسلمك .. نور بعدها واكفه وطلعت نورس ما سلمت عليها بس على غافر
نورس ـ غافر شلونك
غافر ـ هلا بيج .
لبنى ـ مشت ونافع رفع أيده وطلعوا وأخذوا سبأ وياهم ... وغافر رفع حاجبه
غافر ـ شبيها البرنسيسه
نور ـ شمدريني والله ديله عاد وأذا ما سلمتي
غافر ـ غلسي .. يله محتاجين شيء خاله شلونج
سميعه ـ منتظرتك تسلم عليه
غافر ـ حقج عليه .. محتاجين شيء قبل لا أمشي
.. وصلت وهي گبل دخلت على بنات أخوها وشفت لينا وحضنتها مشتاقتلج حيل .
لينا ـ همزين شفناج شدعوه لما بينا بس الشارع هيج باقر مأخذج من عدنا .
ـ لا والله بس مالي خلك وما أحب الطلعه تلكيني بس نايمه واليوم أجيت أبات يمكم
ـ يا سلام اليوم ما أخليج تناميين نسهر لصبح
ـ فدوه رحتلج ..أي شلونكم خالتي وين
ـ يم نور راحت تشوفها
ـ ها زين ونور هم جايتكم
ـ أي تجينا خطيه .. يله تعالي سولفيلي شخبارج
ـ رحت بغرفتها وطاگه بيها عبوة مكومه كتبها شدي حيلج لينا فدوه لعينج
ـ والله ذابه كل حيلي غير يخلص الخامس وخاله خطيه مسويتلي جميعه من هسه
ـ مال شُنو
ـ لسادس گالتلي بس تكملين گبل الزم الچ دورس للمواد .
ـ صدك ياعيني يا خاله وأنتِ شلونج وياها خوما تعانديها
ـ يعني أي ولا نتعارك ونتراضى توم وجيري
ـ لا لينا أزعل منج أحترميها منو النا غيرها
ـ لا والله أعجبج وهي هاي اطباعها قابل جديده عليه ساعاتها مو واحد بيها گبه يمكن طاگ بيها فيوز
ـ خرب بيومج ولاتبطلين سوالفج
ـ صدك أخبار نورس بعدها ملاحگتج وتذب بسمها عليچ
ـ هم يعني أي ولا .. على گولتج طاگ بيها فيوز .
وگامت لينا خابرت خالتي وگاللتها وعيني على عمتي حربيه دخلت يم البنات ما طلعت بعد .
لينا ـ شتحجي وياهن من أجتي لحدهسه كاعده يمهن
لبنى ـ شمدريني عوفينا منها .. بهل الأثناء سمعنا صوت نور وفتحت علينا الباب
نور ـ هلاو شلونكم ليا خاينات كاعده تگصون بينا مو
أعترفوا أعترفوا لزمتكم بالجرم المشهود
لينا ـ أي نكص بيج أنتِ وأمج
نور ـ مشتاقتلج والله شلونج أخبارج تعالي كعدي سولفيلي عنج أي شلونكم
لبنى ـ حضنتني وتبوس بيه بكل حيلها وتحجي سريع وكعدت بالكوه تأخذ نفسها
لينا ـ دأخذي نفس شبيج تصلين صلي
نور ـ ويي أي والله خل أخذ نفس .. أي شلونكم أخباركم يله سولفولي بشنو جنتوا تحجون احجولي شنو الاخبار القابله والقبيله لان اني غافر ما يقبل سوالف القال والقلت والفاتن والمفتون يتخبل من هالسوالف معيشني في جفاف عن الغيبه والنميمه .
لينا ـ عاشت أيده ما وراهم بس الأذيه وبعدين شلج بهل السوالف ابقي عايشه بالحب
نور ـ لا لينا ما أوافقج الرأي لازم الواحد يأخذله فره وجرعه زينه يستاف من الحجي ويأخذله كم خبر مو لبنى والأخبارج عندج اي احجولي .
لبنى ـ ضحكنا عليها وعلى حركاتها وذبت الشال ورفعت شعرها وخلت خصر نازلات وركزت عليها محلوه وسمنانه نور شنو هالجمال ما شاء الله شتأكلين أنطيني الخلطه
ـ والله الخلطه سحريه ما متوفره عند الأغلبيه
لينا ـ عابتلج وواضح شنو السر حب غافر الخلطه
لبنى ـ گامت ترمش وحركاتها تموت ضحك
نور ـ يريگني دلع ويغديني غنج ويعيشني حب هاي خلطتي خاصه بيه ولهنا وأكتفي بالكلام ما احب أحجي عنه أستوحي عفيه لا تخجلوني .
لينا ـ يمه تخجل يمه.. وصدك لاتحجين لا تنحسدين والله عدنا كل عين تكول ليزر بالاخص عيون الكاعده بالغرفه
نور ـ خرب بس لا هنا كاعده
لينا ـ أي ما شفتي خالتي عافتنا وراحتلها شگد مسمومه ما تسلم عليه عبالك گاتله أهلها بنت أم السحوره
نور ـ ولچ أني هم ما تسلم عليه .. صدك لبلب شخبارها وياج
لبنى ـ لا زينه
لينا ـ ها تجذب وتضمم أدري بيها تخاف منهن
نور ـ حقها هنا كومه هي وحده شتگدر الهن بس يله ميخالف المهم باقر يحبج وتحبينه أهم شيء رجلج الباقي مگدور عليه يستاهلون الواحد يصبر ويتحمل لخاطرهم زلمنا خوش زلم .
لينا ـ أي والله زلمجن خوش زلم .
لبنى ـ وكعدنا نسولف وفتحت جنطتي وتفرهت نور عجبتها دشداشه ولينا لزمت جنطة المكياج تبحوش بيها واجتها نور وتكابلن واني صافنه عليهن .
نور ـ خرب هاي الدشداشه أنغرمت بيها منين مشتريتها
لبنى ـ ما لابستها بعدني أخذيها الج .. هاي باقر من ينزل يجيبلي وياه ويضلن ما الحك البسهن .
نور ـ والله هالباقر ذواق مو بالله لينا شو أشوفج فقدتي على الحمر جيبها هاي الحمره هم عجبتني ما توالمج توالمني اليه
لينا ـ لا بالله شو جيبها هاي الحمره توالمني بناتيه وأنتِ متجوزه أخذي هاي طوخ غافر يحب الغوامق .
نور ـ هذا الكحل هم حلو راح أخذه
لينا ـ أني هم راح أخذ هاي القراصه أم الشعر ترفعلي شعري أنتِ شعرج ثخين شتسوين بيها اصلاً بناتيه سوالف البنات موزينه عالمتجوزات .
لبنى ـ أضحك عليهن ولزمت حمره جلبت بيها الا هاي أموتج والله الا هاي.... أموت على لونها
لينا ـ حبابه أني أختج مستكثره عليه قلم حمره جان أستحيتي ورجلج ضابط وطبقة البرجوازية وهالله هالله عمي صدك جذب هي حمره فدوه اليه
لبنى ـ لا والله العظيم أحبها باقر يموت على هاللون
نور ـ لبنى أني أخذتهن بس أنطيج مكانها دشداشه تخبل اجتني هديه من عمات غافر كلش فخمه وحلوه بس اني ما البس هيج احسج تلبسينها وتوالمج .
لبنى ـ خل أشوفها اني احب الستراس واللمع بس مو هواي بيها شغل
نور ـ لا تجنن هسه أشوف غافر يخليني أبات اليوم وأروح البيت أجيب شغلاتي وملابسي وعندي كومه حمر هم اجيبهن وهواي شغلات .
لينا ـ أكولج خاف ما يقبل لان أنتِ ولا مره بايته يمنا
نور ـ هسه أتصل عليه وأشوفه لان هو گالي ورا الغده أجي أخذج .. أمشن للمطبخ نشوف أمي شنو طابخه مشتاقه لأكلها ..
لبنى ـ ورحنا المطبخ وعمتي حربيه طلعت بدون ما تسلم على نور ولا كأنو شايفتها ونور ضلت ساكته
لينا ـ غلسي يمعوده ديله خل نصب الغده جوعانه .
لبنى ـ وصبينا الغده وكعدنا نأكل ونسولف وعمي محمود همزين ما موجود أخذنا راحتنا وبناته خطيه فقره..ونور تحجي هنا بس يباعن نبأ شوي تشارك أما سبأ نهائي ما سمعت الها صوت .. كملنا ونور وگفت تغسل المواعين واني أباوعلها شهل النداره
نور ـ أعجبج حبيبي غير شايله بيت مساحتة ٣٠٠ متر جذب ظهر ما ضال عندي من الجلف الحجي بيني وبينج بدون نفخ الشغل يموت بويا ما عبالي الزواج هيج .
لبنى ـ ضحكنا على سوالفها صايره أجتماعيه وتونس
وكعدنا بالغرفه وخالتي جابتلنا الچاي وكعدت مددت رجليها ونور لزمت الموبايل تتراسل هي وغافر واحنه كاعدين يمها
نور ـ حبيبي حياتي عمري .
غافر ـ أني هاي الكلمات خايف منها أحجيلي بالنظيف شعندج .
ـ شسمه هذا
ـ شسمه أبويه أنتِ شغلتج مطوله أروح أسبح وأتغدا وأجيج الكاج جاهزه أو أكلج خليها نتغدا سوا
ـ شسمه أني تغديت
ـ ها گولي هيچ ولچ والله أنتِ وفيه هنيالي.. بالله ما غصيتي بالأكل ما گلتي رجلي جوعان
ـ بلي غصيت بس شربت ماي
ـ هههه أمشي لچ
ـ زعلت منك
ـ وأزعلي حجي يفيدج باباتي.. يله تغديتي يم أهلج أني هم هسه أجي أتغدا يمكم شنو طابخين .
ـ تغدينا وخلصنا .
ـ سالفه تفيدك يا حلو راح أجي الكه الأكل جاهز
ـ ماكو خلصنا بس هسه أكوم أشوفلك شنو أسويلك
ـ الله يعلم يا مسكين تخلينه يطبخ وتگولين أني الطبخت .
ـ أذا حافظني ليش تگول
ـ گلت بلكي تحاولين علمودي لان أعرفج بس كدام أمي تطلعين ندارتج صاكرتج أمي
ـ ها هيج صارت غافر
ـ أي البارحه أجيت جوعان گتلج گومي طبخيلي طلعتي مية سالفه وسالفه بس لو مكعدلج أمي جان طبختي طلي
ـ أي لان أنت تأخرت وضجت منك ما گمت طبختلك والأكل نص الليل موزين على المعده
ـ منو المتحدث
ـ خبيرة التغذيه
ـ لك يؤبرني
ـ حبيب عمري
ـ يله راح أجي أخذج
ـ لاتجي
ـ ها صارت لاتجي .. نور أطربيني صارلج ساعه تجرجرين بيه وراج شيء مو خاليه؟
ـ ما عندي شيء شبيك حبيبي
ـ أحجيلي نور .. وأحنه أتفقنا ورا الغده أجي أخذج هسه تكولين لاتجي مو عبالك سقطت الأتفاقيات ست .
ـ غافر حباب
ـ صارت بيها حباب اني گلبي يكوم يوجعني من تگولين حباب
ـ أريد أبات يم أهلي اليوم الله عليك .
ـ شنو دمشي لچ ماكو والله لاتحاولين راح أجي هسه
ـ لا أوكف أوكف لحظه خل نتفاهم بس أنطيني مجال
ـ ماكو أني منطيج مجال وهيج كسرتي گلمتي .
نور ـ هذا قفل ماما شسويله
سميعه ـ صوجج أنتِ طلعتي من البيت ما أتفقتي تضلين گالي ورا الغده أجيج الكاج جاهزه هذا هو الرجال ما غلطان بحقج وگلشي بعد الأتفاق حرام .
نور ـ عليج الله ماما هاج خابري وقنعي علمود العصر تأخذينا نفتر فد مول فد مطعم نتعشى
ـ نوب صارت بيها فراره ومولات ومطاعم تردين تهجمين بيدج عوفيلي هالسوالف نور والتهي برجلج
ـ هسه شلون على الأقل بس أبات
لبنى ـ خلي على راحته لاتلحين عليه
نور ـ خل أشوفه.. حبيبي وينك
غافر ـ شتردين نور
ـ أريدك الك شريد قابل
ـ تمام راح أجي عليج
ـ بس خل نتفاهم شبيك صرت معقد وقفلتها گبل بوجهي
ـ منو المعقد نور
ـ خرب جفصت والله مو قصدي بس خل نتفاهم عليك الله خليني أبات
ـ عله تعلچ مبيت ماكو گلت هسه أجي يعني أجي وشعندج بايته مو شفتيهم وأكلتي يمهم سالفة المبيت منين طلعتيلي بيها
ـ مو لبنى أهنا جايه بايته واحنه مجتمعين تعرف بنات وكعدات وسوالف
ـ نوب عليه الست لبنى! لا حبيبي خليني مطول خلگي
وياج .
ـ أني أريد أبات معليه
ـ عناد لاتعاندين نور
ـ ما هذا هو أبات وباجر الصبح تعال أخذني
ـ ترجعين هسه لا أجي أسحلج وكلام الله أني على الروحه ما راضي تجيني تگولي أبات من أنعل عمامج لابو النطاج مجال .
ـ شبيك غافر وبيت أبويه خوما بيت غريب
ـ غريب مو غريب ما تباتين وأذا جنت ناوي أخليج هسه قفلت وهسه أجي الكاج جاهزه
ـ غافر شنو هاي أعصابك يمعود .
ـ مو أنتي الا هيج يله تجرين عدل تريد تبات أم شبر ونص
ـ أنت مو مال حب والله
ـ أي مو مال حب گلشي اله وقته
ـ يله تعال حبيت أختبرك
ـ هي مال كلاوت نور مو حافظج اني وصايره لوتيه هسه اذا أكولج باتي تركصين بجفيه
ـ لا ما أبات ما أكدر على فراكك أصلاً ما أكدر أنام أذا مو بحضنك
ـ أي هيج أنتِ عيني وتعجبيني وأسمعي الكلام اني رجال أتخبل من مره تعاند عقلي يطير منها .
ـ سلامة عقلك يبعد عمري
ـ راح أجي فتحيلي الباب وصلت
ـ والغده ما سويتلك
ـ بالبيت تسويلي لان الطبخ اليوم ما عجبني مسويته من ورا خشمج .. من تروحين لأهلج تكومين تلوصين
ـ اي جنت مستعجله لان سمعت لبنى جايه يمنا
ـ أي أدري بيج أنثولتي لدرجه لبستي الشحاطه مالتج كل فرده من شكل .. ثولتج لبنى اليشوفج يكول ما متشاوفات وبينجن بس الشارع .
ـ غير أنت ما توديني
ـ رب الحلو مو وديتج الها وجانت طالعه تتسفح وهذاك اليوم العصريات رحتي شفتيها شبع خوما شبع .
ـ خرب لسانك شبيك مال واحد حاقد
ـ أي معصب منج حيل ما جنتي هيج عبالك من رحتي لأهلچ أنجلبتي عليه
ـ لا والله ما بيه شيء اني نور اني
ـ ديله وصلت لبسي شال على رأسج لا امصله الج
ـ أوك .
ـ بس خل الزمج
ـ شنو
ـ لا حبيبي جوعان وتجين تسويلي اكل طيب من أيدج الحلوه
ـ ها عبالي وتدلل حبيبي .
لبنى ـ صفنت عليها شنو هذا غافر ولا عرفته
نور ـ أي ولچ هالوجه البريء والمثقف هم عنده طبگات ويتخبل أذا أعانده لو أكسر كلمته وهو گلشي والا أبات من تزوجت لحد الان ما مخليني أبات وسألي لينا .
لينا ـ أي بسالفه المبيت ينگلب واحد ثاني
سميعه ـ كل الزلم هيج ماما لو يوكع بيدهم أصلاً لأهلها ما يخلونها تروح مو جارتي يشگلي وين ما تروحين نفس الطينه .. هي التزوج بعد هاي هي تصير حصته .
لبنى ـ لا أني خطيه ما گالي عادي گبل وافق
سميعه ـ لان ملتحق والله لو بالبيت ما يخليج .
لبنى ـ وأتصل عليها گامت لبست عبايتها
نور ـ أقنعه وأرجعلجن
سميعه ـ لاتلحين عليه وتتعاركون قبل قبل ما قبل عوفي على راحته
لبنى ـ طلعت مستعجله ورجعت كعدت يم خالتي سولفنا شويه وصتني أدير بالي على حملي وحجتلي عن معاناتها بالحمل خطيه شگد شايفه معانات يله صايرتلها نور وميثم بالشافعات والعلاجات وساده يله حسبي على كل وحده تسوي سحوره وتكطع النسل..
للعصر عجنت كعك وعفته عالكاونتر وخاله راحت تسوگت وأخذت وياها ميثم وجابت لحم ومعاليك وگالت تسوي العشه مشاوي حبيب أهتمامها بيه وشلون تسوگت ما خلت ما جابت ولينا كعدت تعزل المسواك ..
وسمعنا صوت الباب مديت رأسي دخلوا نافع ونورس
گمت لبست شالي عالسريع ولينا هم لبسه ودخلت وسلمت وعبرتنا دخلت على أخواتها .
نافع ـ ها عمه اليوم جايبه السوك وجايه
سميعه ـ أي والله رحت تسوگت ولبنى اليوم يمنا
نافع ـ ها لبنى هنا اليوم .
لبنى ـ أي والله الصبح أجيت
ـ منو چابج
ـ عمتي حربيه
ـ لازم تباتين لو تچين ويانا
ـ لا أبات
ـ أي على راحتج .. عمه خالي وينه
ـ خالك بالدوام .. خليني خلصانه ورأسي بارد
ـ ههه ليش لازم شالع گلبج
ـ أي والله يبعد عمتك ما ينحمل ومناكر هو ولينا مخلي عقله وياها وهي ما تسكتله تعرفها لسان .
ـ لا لينا أعرفج عاقله
لينا ـ والله عاقله ويه العقلهم برأسهم مو ويه المخابيل
لبنى ـ سگتي عيب بنته أجتي
نورس ـ خاله ليش ما گلتي سبأ مريضه
سميعه ـ شبيها الظهر تغدت ويه البنات گلشي ما بيها
يمه أسم الله
نورس ـ لا وين مصخنه نار .
لبنى ـ خالتي گامت وياها ونافع لحگهن شبيها
لينا ـ فنود وجذب بأذني سمعتها تريد تمشي لبيت جدي ياسين ومعارك هي وأختها نبأ گاللتها بس تمشين أحط طلقه برأسي وراج وهذيج تخبلت
ـ يمه دخيلك ربي وليش تريد تمشي
ـ ما اعرف دكول ما مأخذه راحتي وعبالك سجن
ـ وشتريد
ـ شمدريني .
لبنى ـ طلع نافع وسبأ طلعتها اخذتها الحمام غسلت الها ونبأ ساكته اجتي كعدت يمنا وتباوع بالوجوه وصاحت على نافع
نبأ ـ نافع توديها ترجعها لهنا خاف تگولك لبيت جدي ياسين لاتوديها .
نافع ـ مو أشتغل على كيفها تكعد وتنجب حالها من حال البقيه طلعه من البيت ماكو خوش دلال .
لبنى ـ وسمعنا طبة الباب گمت ودخل غافر شايل جنطة صغيره مال ملابس ونور تضحك وتأشرلنا بإيدها
نور ـ أجييت أجييت .
لبنى ـ لينا أجتي نور .. طلعنا عليها وأجتي سلمت على نافع
نور ـ هلاو نافع شلونك
نافع ـ هلا بيج الحمدلله عيني أنتِ شلونچ
ـ زينه الله يسلمك
غافر ـ ها أنت هنا .. لازم جايب المره
نافع ـ أي والله أجتي تشوف أخواتها
غافر ـ شفت الدنيا من تفتر بينا وتخلينا نشيل جنطهن .. هاج جنطتج ست بس شفتي أخواتج ضيعتي دربج .
نور ـ أسفه عيني جيبها وشكراً جزيلاً
غافر ـ العفو يابه .. أي شعجب ما شايل جنطه
نافع ـ ما أشيل جنطه شتريد مني
ـ لا مو أكول لازم مرتك ما تبات مثل العندي
ـ لا أني ما تبات حدها من الباب
ـ نيالك عمي نيالك
ـ غافر ترى بس اليوم وافقت أبات لاتسويها فدمره وتطلعها من عيني
ـ أتشاقه وياج شبيج راح تبچين .. أي ست لبنى شلونج يابه أخبارج سيادة الضابط شلونه
لبنى ـ الله يسلمك الحمدلله بخير .
غافر ـ سلمينا عليه..
لبنى ـ يوصل الله يسلمك .. نور بعدها واكفه وطلعت نورس ما سلمت عليها بس على غافر
نورس ـ غافر شلونك
غافر ـ هلا بيج .
لبنى ـ مشت ونافع رفع أيده وطلعوا وأخذوا سبأ وياهم ... وغافر رفع حاجبه
غافر ـ شبيها البرنسيسه
نور ـ شمدريني والله ديله عاد وأذا ما سلمتي
غافر ـ غلسي .. يله محتاجين شيء خاله شلونج
سميعه ـ منتظرتك تسلم عليه
غافر ـ حقج عليه .. محتاجين شيء قبل لا أمشي
سميعه ـ وين تضل عالعشه والله ما تروح
غافر ـ لا عيني خاله بهاي تعذريني عفت الحجيه تننظرني ما أكدر أضل وعشاج واصل تسلمين عيني أنتِ خاله ..
لبنى ـ ترخص ونور طلعت وياه وصلته ورجعت وعشنا أحلى أجواء بالحديقه ميثم ولينا شغلوا المنقله وكعدنا نشوي ورتبنا السفره وأجواء تجنن وتعشينا ورا العشه سوينا كعده حلوه وسوالف وحبشكلات وضلينا نسولف
وفتحت جنطتها وتشاركنا الأغراض ونبأ ويانا حبيتها كلش وفقيره وحبابه حيل عبالك وحده من أخواتي ..
لـ ٣ بالليل يله نمنا واني قفلت من النعس لـ ١١ يله كعدنا ورا الظهر خالتي عجنت وكعدنا نعلم نور بالخبز
نصهن كومتهن بالتنور وغافر جان بالدوام بس العصر هي راحت خالتي ودتها لبيتها واني ضليت يومين جنت أنتظر باقر يجي يأخذني بس خابرتني عمتي وتحجي .
حربيه ـ ما كافي صارلج ثلاثة أيام ما تفكرين تكولين عندي رجال وبيت وعيال خوش هنگمه وركع بوب
ـ عمه ترة بيت أهلي مو بيت غريب ورجلي بالدوام
ـ بيت أهلي وبيت أهلج منو بي شعندج من الأهل أنهجم بيت الفنود هسه صارت سميعه خوش سميعه وصارت أهلج .. والمره الزينه تلزم بيتها بحضوره وبغيابه مو تكظيها نوم بيت الأهل .
ـ عمه .. قبل لا أحجي صاحت بيه
ـ هسه يمرون عليج نافع وناجح وتعالي وياهم
ـ سدت الخط وگبل أتصلت على باقر ما يجاوب راسلته وينك حبيبي ضليت أنتظره ماكو رد منه وسمعت طبة الباب يمكن أجو وطلعت عليهم خالتي واجتني
سميعه ـ أجو يأخذونج مو گلتي باقر من ينزل يمرلي
ـ أي والله عمه بس هسه أتصلت تحجي وترزل بيه
ـ چا هي بكيفها هذا هو رجلج گايلج أبقي لما يجي وأنتِ حامل شعندج رايحه ويدگن عليج شغل
ـ خاف تسويلي سالفه
ـ وشعليج منها أمرج بيد زلمتج .. أكعدي مالج شغل أني أطلع عليهم وأحاجي نافع ويفهم هو بس هذا ضال عرجه طيب منهم .
ـ ماشي عيني خاله وطلعت الهم ورجعت ها خاله بشري
ـ أنه فهمت نافع گالي اني الفهمته هي گايله خل يجون يأخذوني وأجييت ما يدري بسوالف أمه وخطيه ما گال شيء گال خل تبقى من ينزل باقر يمرلها .
ـ أي همزين .. وكل ظني عدت سلامات وبس وصلها نافع أتصلت عليها وتحجي
حربيه ـ چا تردين تشيخين تمشين كلمتج عليه أنتِ وسميعه..بس يلبنى أصبريلي ينت قلق أنه كلمتي ما الها مسموع وتعانديني وما تجين .. صبرچ عليه أذا ما خليتج تجيني سحل أنه مو بنت مهديه
ـ عمه ما الج گوه عليه وأمري بيد رجلي سدت الخط بوجهي وضليت خايفه منها لان كلامها وعصبيتها تخوف وخالتي تسوي العشه ولينا كاعده تقرأ وسمعت صوت وفز گلبي ونوب صوت هورن! وباوعت خالتي من الشباك
سميعه ـ أجه سليمه .. ميثم أطلع أفتح الباب لعمك
لبنى ـ لزمت گلبي ولينا گبل طبگت گتابها ودخلت غرفتها ودخل نزع البسطال مالته وباوعلي
محمود ـ لبسي بينما أسبح وأوديج أكبرج بيت عيالج
سميعه ـ ليش تكبرها بيت عيالها ورجلها بالدوام من ينزل يمرلها ما الكم گوه عليها وحامل وجايه بيت أبوها ترتاح .
محمود ـ أنتِ نجبي ولا تتدخلين خوش يله بس أسبح الكاج مزروعه بالسياره لا أشيلج وأدگج أنتِ والبطنج غضب الله على يومجن نسوان بس وجع رأس .
لبنى ـ دفع الكرسي ودخل يرعد على بنته وركضت أخذتله ملابس وخالتي غمته وباوعتلي نزلت رأسي مهضومه وگمت
سميعه ـ حسبي الله عليهن هاي عمتج من لا الج العمات هي الخابرتها وشيشته ودزته .
لبنى ـ رحت الغرفه ولينا تحجي اني ما حجيت خفت من حجايته لا يأذي البطني هذا لا يصلي لا يصوم ينخاف منه ما عنده مخافة الله .. لبست وحضرت جنطتي وطلع وشغل السياره وصلني وطلع النا نافع باوعلي مستغرب من جيتي
نافع ـ ها السالفه نگلبت عليج مو .. يله فوتي فوتي
لبنى ـ دخلت وشافتني عمتي وضحكت بشماته وناجح ضل صافن بوجهي هم مستغرب لان الظاهر خالتي حجتلهم لهذا ضل يباعون بوجهي او يمكن سمعوا امهم تحجي .
كعدت بغرفتي بچيت وأنهضمت منها حيل والدنيا مغرب عبرتي بصدري تخنك خنك وبهذيج الليله گبل نمت وكلامها مثل السم ..
ثاني يوم نزل باقر وحسيت بي عنده علم لان يباوعلي ومركز بملامحي
باقر ـ شمرجعج مو گتلج أبقي بيت أهلج أرتاحي أني أجي أخذج
لبنى ـ لا عادي ماكو فرق ورجعت الغرفتي گلت أرجع قبلك ترجع تلگاني بالبيت
ـ ها متأگده بس هيچ
ـ أي حبيبي لايضل بالك
ـ هو بالي يمج يا ما يضل بالي .. تعالي يابه تعالي
ـ رحت الحضنه وكعدنا وضل يسألني أشسويت بغيابه وأسولفله بس ما سولفت اله عن عمتي ما حبيت أضوجه وهو راجع تعبان ..
دخل الحمام وگمت حضرتله ملابسه وطلعت وأسمع نورس وضمياء متعاركات بينهن وصوتهن عالي ما تدخلت ولا عليه نوب توكع برأسي .
نورس ـ شلون تحرگين قميصه شلون ومنو طالب ورايد منج تگوين قميصه
ضمياء ـ والله ما أدري عبالي قميص ناجح وأصلا صفا نزلتهن اليه من غرفة ناجح كل ظني اله مو لنافع ما عبالي قماشه ما يتحمل حراره والله ما أعرف شلون أحترك الله عليج لاتگولين لنافع
نورس ـ لا زين تعرفين بس أنتِ ثوله وما تعرفين تگوين وأخوتج يخافون منج شگوو منبصه نفسج وتگوين وصفا وينها صفا صفا
صفا ـ خير شعندج تصيحيين بيت گاوليه أحنه شگو شبيجن متعاركات شگوو
لبنى ـ نزلت صفا ونورس عاطت بيها
نورس ـ أنجبي. أحجي عدل لا أكسر حلگج
صفا ـ حلك منو تكسرين أكولج مو عبالك عشتي الدور وشفتي نفسج زايد درينا جنه بس مو أم البيت .
نورس ـ أكسر حلگج على شغلج المخربط وأني گتلج عزلي ملابس نافع من ملابس أخوانج شگو عايفه قميصه ويه ملابسهم والأفنديه أختج حركته هسه أذا رجع ولكاه محترك شگوله أكوله أخواتك الفاهيات حرگنه
وهو ما صارله أسبوع من أشتراه
صفا ـ على كيفج عيني وأذا حركته قميص أخوها على شنو محترك حمام ولاتخافين عليه فلوسه هواي وما راح يحجي لان أنتِ تسكتينه بكم حجايه كلنا ندري ونعرف نافع يمج مسحول وأنت الساحتله .
نورس ـ هاي عليمن هالحجي ولج أنتِ صدك أدبسزز وما تستحين
صفا ـ والله ما أكو أدبسزز غيرج
لبنى ـ وتعاركن من الشعر وصار المالخخ والعياط ماله والي تدخلت عمتي تفازع وطلع باقر أشرلي أدخل الغرفه هو دخل اني بقيت أباوع وأجه نافع تقدم سحب نورس ضربها راجدي صوته بإذني الا وكعها ورجع على صفا كذلك كبل صعدت لغرفتها ونورس لزمت خدها .
نورس ـ تضربني نافع والله أني بنت كواد أذا أبقالك بالبيت .
لبنى ـ دفعت عمتي ودخلت غرفتها وركعت الباب وراها وعمتي كامت تضرب على وجهه وتحجي
حربيه ـ صخام الوجه صخام تنكسر أيدك ليش ضربتها ليش جان ضربت بس أختك لان هي لسان وبعدين أنه بينهن أفازعهن شكو أجيت وتدخلت
نافع ـ أضربهن وأطيح حظهن فضحنا صوتهن واصل لرأس الفرع بيت گاوليه مو مثلنا ولو ضارب بس صفا جان گلتي ضرب أخته ويدافع لمرته لا أضربهن أعرف أثنينهن أحسن لأن الأثنين مو أوادم .
لبنى ـ فرك وجهه بقلة صبر ويفتر وطلعت نورس شايله جنطتها وصاحت بي بعصبيه وهي تبجي
نورس ـ توديني لبيت أبويه لو أروح لأهلي .
نافع ـ ما أودي وأمشي أنگبري بغرفتج يله
نورس ـ گتلك توديني لو أروح لوحدي والله
حربيه ـ وين تروحيين وأبوج هو عنده بيت بس تفضحين نفسج وتشمتين العالم بينا وبيج رجعي الغرفتح وأتعوذي من أبليس وساعة شيطان هسه شوية نوب تتراضون
نورس ـ والله عمه عنده بيت ما عنده المهم أبويه عايش وعلى رأسي لو كاعد بالشارع أروحله مو بنته تنضرب وتسكت على هضم شنو ما وراي أهل .
لبنى ـ مشت وهو دخل الغرفه وطلع شايل االسويج ويصيح ويحجي ويه نفسه
نافع ـ من أنعل أبوج لابو أهلج لابو أهلي لابو حظي النايم بالخيسه .. أمشي أكبرج على أبوج أمشي
لبنى ـ طلعوا وعمتي وراهم ودخلت على باقر أشرلي
باقر ـ ما عليج أبدً خاف يصير حجي لاتشاركين
ـ لا شعليه .. سگتت وأني أفرك رجليه ولليل عمي اجه من القرية وعمتي حجتله وكام يحجي ما رضى على تصرف نافع كلها گامت تلومه وصاح على باقر
مشعان ـ باقر البس وتعال وياي أمشي نرجع مرت أخوك
لبنى ـ لبس عالسريع وطلعوا وعمتي لازمه الموبايل وتخابر تخبلت خبال على نورس والبيت كله أنخبص عليها حتى عشه محد تعشى البنات صعدن بغرفتهن خافن من عمي يرجع عليهن لان عمتي رجعت ترزل بيهن
مر الوگت وأجه باقر مزعوج ذب ملابسه وكعد
باقر ـ فاين البخت يا نافع شگد ما عنده حظ هالولد
لبنى ـ ليش شبي؟ شصار وياكم.
باقر ـ نورس طلبت الطلاك! ...
