رواية زوجي يعشق اخري الفصل الثالث والعشرون بقلم ساره الخفاجي
وصلت سمر ورجعت للبيت تلگتني امي.
_كل عقلك اوافق عليها لسانها شطولة وترادد لو اموت مااقبل على هيج چنة.
_يعني شكالتج غير تسالين وهية اجاوبج شتردين.
_لو اني لوهاي البنية ياعادل وانت اختار.
_لتخيريني يمة تعرفين مكانج غالي عدي بس هيج انتي ددمريني تدرين هالبنية صارلي اتانيهة 9سنين من قبل لتزوج اني احبهة والدنيا مجمعتنه وهسة تردين انتي توكفين بوجهي ،والله اهج من هالبيت وماارجع بعد.
عفتهم وطلعت خابرتني سمر سويت روحي كلشي ماكو هية مناقصة هم ومشاكل فوگ الي عدهة واتفقنة نسافر الخميس
...مرن هاليومين من عمري بلمح البصر محسيت بيهن عبالك الدنيا متانيتني اجازف حتى ترتاح مني .
حظرت جنطتي دزولي رسالة بيهة عنوان الشخص الي يسلمني البضاعة خابرني حارث يستفسر عالوضع وگتلة بالعنوان ...
رجعت خابرت عادل واتفقنة على مكان نلتقي بي بتركيا لان اني اسافر قبلة ...
وصلت المطار واحس روح تريد تطلع من روحي ركبت الطيارة قريت ايات كومة احس گلبي يرجف أول مرة اصعد طيارة كلش تخوف أول مطير ظليت اتفرج من الجامة عالغيوم سرحت بعالم ثاني عالم مابي اي احد بس آني وعادل أي عادل اكتشفت روحي احبة وهواية هم من حسيت بحنانة من شفت بي الامان والظهر الي يسندني إذا اطيح ،تمنيت لو كل الي صار مصاير وارجع بحياتي من الأول وبادلت عادل بمشاعرة الي من الأول جان شگد اختلفت حياتي عن هسة.
وصلنة لتركيا طبيعة حلوة جو حلو يختلف اختلاف جذري عن العراق بس يبقة العراق الة نكهتة الخاصة بگلب كل عراقي .
اخذت تكسي ولان مااعرف لغة استعانينة بعمو غوغل يترجملي الي اريدة واشوفة للسايق واخذني لفندق .
اخذت غرفة وظليت انتظر عادل غيرت السيم كارت للسيم الي انطتنياه نبراس حتى استخدمة بتركيا لگيت رسالة.
الساعة 8بليل روحي لهذا المكان حتلاگين شخص مثل الي بالصورة لابس تيشيرت احمر بي رسم برج ايفل اسود گليلة اني من طرف حجي ستار العراقي راح ينطيج جنطة صغيرة بكد جنطة المكياج وبيهة مكياج اخذيهة ورجعي للفندق فرغي المكياج بالجنطة مال هدومج وختليهن بين الهدوم ومن تكملين دزي رسالة حتى ننطيج تعليمات العودة .
....بعد كومه وكت لل8 طبيت للحمام وغيرت ملابسي وخليت راسي عالمخدة كلش دخت من الطيارة احس راسي يريد ينفجر .
....وصلت لتركيا مااخذت رقم سمر الجديد فاتتني ،دكيت عالنت بلكي موجودة بس للأسف ماكو شون اتواصل وياهة اجرت تكسي ورحت لفندق مؤقتا لحد مااتواصل وية سمر صارت الساعه10ظل بالي وين صارت هاي فدلا سوت شي بدون متگلي يالله شون راح اوصللهة ظليت اتصل ماكو أي نتيجة .
گعدت الساعة 12بليل اخذتني النومة عزة بعيني شراح اسوي راح الموعد اول شي سويته راسلت نفس الرقم ...
مكدرت اروح نمت ومحسيت باجر اروح موقصدي والله .
جنت خايفة كلش مااعرف شنو حتكون ردة فعلهم وبالاخص مثل هيج عالم كلشي توقعي منهم .
...باجر روحي بس لتعيديهة باجر اخر موعد الج والا
....
.
اااف الحمدلله ،عدت فتحت النت لگيت عادل متصل يمكن 100مرة لواكثر اتصلت بي وگتلة عالمكان الي اني بي ورة نص ساعه اجة وچان كلش مبين عليه التعب والقلق تعذرت منة ،واخذ غرفة بصف غرفتي سولفتله عالرسالة گال باجر لترحين باجر نسافر لامريكا.
_كل عقلك عادل يكتلونة ثنينة والله لونروح للقمر يلحگونة.
_سمعي مثل مداكلج لتخافين .
_ممرتاحة لا ماجازف بارواحنة هل المجازفة.
جنة بعز النقاش ومندمجين اني ارفض وهوة يقنع اندكت الباب مال الغرفة كل عقلي خدمة الغرف ...
راح عادل يفتح الباب .....
حااارث!!!!
_منو هذا .
_هذا عادل خطيبي .
...حسيت بشعور مينوصف من عرفتني على انه اني خطيبها أريد اعصب بعد مااكدر .
_حارث منو سمر.
_حارث رجل فاتن الي گتلك عليه.
_شون جيبين وياج شخص انتي مومعرضة لخطر انتي والي وياج .
_اني اجيت وحدي مستحيل اعوفهة وحدهة بهالخطر هذا.
_انت حتخرب كل الخطة.
_الخطة مواهم من حبيبتي .
ظلوا حارث وعادل ناس ترفع وناس تكبس واني بالنص مااعرف شسوي بالاخير عطت كاااافي اكلتوا گلبي شعندك هنا حارث ليش اجيت.
_على مود اتفق وية السلطات التركية يعبروج بسهولة.
_كل عقلك وين يمشون بحجيك هسة يسجنوهة.
_لظل تحجي خليني محترمك كدام خطيبتك ،جبت وياية امر من رئيس الوزراء يمشي كلامنة .
_وهسة المطلوب مني شاسوي.
_اتصلوا بيج .
_اي اتصلوا.
_تمام ،سوي مثل مطلبوا منج وآني حراقبج وية مجموعة من بعيد لتخافين ابد كوني طبيعية.
_لاماخليهة تروح.
_عادل ،لحظة خليط نفتهم ليش نخسر كل حياتنه واهلنه ونشرد بلكي نلكة حل.
_تمام ،هسة لازم اروح وعادل خلي يبتعد عنج لان أكيد حيراقبوج ورة مينطوج البضاعة لان هاي فلوس قيامة ميكدرون يامنون ويعوفوهن يمج .
_وين اروح مااعوفهة .
_لتعوفهة ،بس بهالحالة بيدك حتسبب موتهة .
_عادل نبقة على اتصال لتخاف الله موجود وياية .
....طلع حارث وظليت اسولف آني وعادل يمكن صارت الساعه 3:00 الصبح واحنة ممنتبهين على روحنة .
_يلة اروح اني بعد بس انطيني رقمج ليظل بالي .
_وين خليك بعد وكت .
_لا خلي اروح وانتي هم نامي لظلين تفكرين ارتاحيت باجر وراج يوم طويل.
_ان شاءالله .
حسيت عادل مثل ام حنينة خايفة على بتهة وتوصيهة على روحهة كلش حبيت اهتمام عادل بية صح جنت ممنتبهة الة بوسط كل الظروف الي مريت بيهة بس بالاخير اهتمامة بية جبرني احبة ...
...الاهتمام نص الطريق إذا موكلة حتة تكسب قلب مرة ...
گعدت الصبح على صوت التلفون فتحتة لگيت رسالة من نفس الرقم ...
....اللقاء الساعة 10الصبح بهذا المكان احذري إذا جان اكو شرطة لتحجين وية الولد ولتتقربين منه وسويتلي مثل مكنالج ...
دزيت الرسالة نفسهة لحارث .
_اوك اني حروح قبلج حظري نفسج وتعالي ،وها لتكولين لعادل ليكشفوكم ويكتلو .
..صدك خفت من گال هيج بدلت ورحت للمكان الي طلبوني بي باوعت يمنة يسرة ماكو شرطة شفت الولد گاعد على مسطبة كبال البحر گعدت بصفة حتى مندار علية اني هم سويت مثل مكالولي گتلة اني من طرف الحجي ستار العراقي ،محجة شي يمعود ابو الغيرة دفصني اني حموت خوف وهذا ولايمة جنة طابوكة .
ورة شوية خلة بصفة جريدة جواهة الجنطة وعافهة وگام .
آني سويت مثلة اخذت الجريدة والجنطة الصغيرة خليتهن بجنطتي وگبل گمت حتى ارجع للفندق .
بأثناء مدااجر تكسي لگفت الولد بعد ة ديراقبني وصعد تكسي وراية لحگني للفندق سويت مثل مكالولي ودزيت رساله لحارث.
....سويت مثل مطلبوا مني واكو واحد ديراقبني لحگني من المكان للفندق ومااعرف بعدة لوراح شأسوي هسة.
....
عفية عليج ،بعدة جوة لتخافين اني احاول اصعدلج جاوبتيهم او اتصلوا بيج بعد.
...لانسيت ادزلهم رسالة هسة ادز واشوفة واردلك خبر.
.
دزيت رساله للرقم.
سويت كلشي امرتوني بي بعد شأسوي.
...ظلي بالغرفة وحجزي من التلفون على رحلة باجر ارجعي للعراق.
گلت لحارث وگال استعدي هسة حيبدي الشغل ....
اتصلت بعادل وگتلة عالصار طبعا عصب وظل يحجي عليه لان مكتلة وآني هم مجاوبتة بس كتلة باجر ارجع حظر نفسك .
